| 1. | ᠡᠬᠡ ᠤᠷᠤᠨ ᠲᠠᠨ ᠢ ᠪᠠᠨ ᠬᠠᠶᠢᠷᠠᠯᠠᠵᠤ ᠦᠰᠦᠭᠰᠡᠨ | ᠡᠭᠡᠯ ᠳᠠᠷᠤᠤᠬᠠᠨ ᠬᠦᠮᠦᠨ ᠤ ᠴᠢᠨᠢ ᠨᠢᠭᠡ ᠪᠢ︕ | ᠡᠩ ᠤᠨ ᠪᠤᠷᠤ ᠰᠢᠪᠠᠭᠤ ᠲᠠᠢ ᠴᠢᠨᠢ ᠠᠭᠠᠷ ᠨᠢᠭᠡ | ᠡᠬᠡ ᠤᠷᠤᠨ ᠮᠢᠨᠢ᠂ ᠬᠦᠦ ᠴᠢᠨᠢ ᠲᠠᠨ ᠳᠠᠭᠠᠨ ᠢᠯᠡᠭᠦᠳᠡᠬᠦ ᠦᠭᠡᠢ ᠡ᠃ | ᠭᠡᠦᠭᠡᠳ ᠪᠠᠶᠢᠬᠤ ᠳᠤ ᠮᠢᠨᠢ ᠨᠠᠳᠠ ᠳᠤ ᠴᠢᠯᠠᠭᠤ ᠪᠠᠨ ᠡᠮᠳᠡᠯᠡ ᠭᠡᠵᠤ ᠦᠭᠭᠦᠭᠰᠡᠨ ᠶᠤᠮ | ᠡᠬᠡ ᠤᠷᠤᠨ ᠮᠢᠨᠢ︕ | ᠬᠦᠰᠡᠯ ᠮᠦᠷᠦᠭᠡᠳᠦᠯ ᠤᠨ ᠠᠷᠢᠭᠤᠨ ᠳᠡᠭᠷᠢ ᠪᠠᠨ ᠬᠠᠶᠢᠷᠠᠯᠠᠭᠰᠠᠨ ᠶᠤᠮ | ᠡᠬᠡ ᠤᠷᠤᠨ ᠮᠢᠨᠢ︕ | ᠡᠭᠦᠳᠡᠨ ᠤ ᠴᠠᠭᠠᠨᠠ ᠳᠤᠯᠤᠭᠠᠨ ᠰᠤᠯᠤᠩᠭᠠ ᠳᠠᠳᠠᠭᠤᠯᠵᠤ ᠨᠠᠮᠠᠢᠢ ᠳᠠᠭᠤᠳᠠᠭᠰᠠᠨ ᠶᠤᠮ | ᠡᠬᠡ ᠤᠷᠤᠨ ᠮᠢᠨᠢ︕ | ᠡᠭᠦᠳᠡᠨ ᠨᠠᠢᠮᠠᠨ ᠰᠢᠳᠦᠲᠠᠢ ᠪᠠᠶᠢᠬᠤ ᠳᠤ ᠮᠢᠨᠢ ᠬᠦᠯ ᠳᠤ ᠤᠷᠤᠭᠤᠯᠤᠭᠰᠠᠨ ᠶᠤᠮ | ᠡᠬᠡ ᠤᠷᠤᠨ ᠮᠢᠨᠢ︕ | 2. | ᠠᠭᠤᠯᠠ ᠶᠢᠨ ᠢᠶᠠᠨ ᠴᠢᠯᠠᠭᠤ ᠶᠢ ᠳᠡᠭᠡᠭᠰᠢ ᠨᠢ ᠳᠠᠯᠪᠢᠬᠤ | ᠤᠬᠠᠭᠠᠨ ᠨᠠᠳᠠ ᠪᠤᠢ᠂ ᠡᠬᠡ ᠤᠷᠤᠨ ᠮᠢᠨᠢ︕ | ᠤᠮᠳᠠᠭᠠᠰᠴᠤ ᠴᠠᠩᠭᠠᠭᠰᠠᠨ ᠴᠦ ᠤᠰᠤᠨ ᠤ ᠴᠢᠨᠢ ᠡᠬᠢ ᠶᠢ ᠪᠤᠯᠠᠩᠬᠢᠷᠳᠤᠭᠤᠯᠬᠤ ᠦᠭᠡᠢ | ᠠᠷᠢᠭᠤᠨ ᠪᠤᠳᠤᠯ ᠪᠤᠢ᠂ ᠡᠬᠡ ᠤᠷᠤᠨ ᠮᠢᠨᠢ︕ | ᠠᠬᠢ ᠭᠠᠩᠭᠠ ᠶᠢᠨ ᠴᠢᠨᠢ ᠠᠷᠢᠭᠤᠨ ᠦᠨᠦᠷ ᠢ | ᠠᠩᠬᠢᠯᠤᠭᠤᠨ ᠪᠤᠯᠭᠠᠨ ᠠᠴᠠ ᠢᠯᠭᠠᠨᠠ᠂ ᠡᠬᠡ ᠤᠷᠤᠨ ᠮᠢᠨᠢ︕ | ᠠᠮᠢ ᠳᠡᠳᠭᠦᠬᠦ ᠷᠠᠰᠢᠶᠠᠨ ᠤᠰᠤ ᠶᠢ ᠴᠢᠨᠢ | ᠠᠮᠳᠠᠳᠠᠨ ᠪᠦᠬᠦᠨ ᠠᠴᠠ ᠦᠯᠦ ᠦᠭᠭᠦᠨᠡ᠂ ᠡᠬᠡ ᠤᠷᠤᠨ ᠮᠢᠨᠢ︕ | 3. | ᠴᠡᠴᠡᠭ ᠲᠤ ᠬᠤᠨᠤᠭᠰᠠᠨ ᠲᠠᠯᠠ ᠶᠢᠨ ᠴᠢᠨᠢ ᠰᠢᠭᠦᠳᠡᠷᠢ ᠶᠢ | ᠡᠬᠡ ᠶᠢᠨ ᠰᠦ ᠰᠢᠭ ᠢᠶᠠᠨ ᠤᠤᠭᠤᠶᠠ᠂ ᠡᠬᠡ ᠤᠷᠤᠨ ᠮᠢᠨᠢ︕ | ᠰᠡᠷᠢᠭᠦᠨ ᠴᠠᠷᠠᠮ ᠳᠤ ᠤᠷᠭᠤᠭᠰᠠᠨ ᠵᠠᠮᠢᠶᠠᠨᠮᠢᠳᠤᠭ ᠲᠤ ᠴᠢᠨᠢ | ᠰᠡᠳᠬᠢᠯ ᠵᠢᠷᠦᠭᠡ ᠪᠠᠨ ᠦᠭᠭᠦᠶᠡ᠂ ᠡᠬᠡ ᠤᠷᠤᠨ ᠮᠢᠨᠢ︕ | ᠤᠷᠭᠤᠭᠠ ᠮᠤᠳᠤ ᠪᠤᠯᠭᠤᠯᠠᠬᠤ ᠰᠠᠯᠬᠢ ᠴᠢᠨᠢ ᠨᠠᠮᠠᠢᠢ ᠳᠡᠪᠡᠷᠢᠨᠡ | ᠡᠬᠡ ᠤᠷᠤᠨ ᠮᠢᠨᠢ︕ | ᠤᠯᠠᠭᠠᠨ ᠬᠤᠭᠤᠷᠮᠠᠭ ᠢᠶᠠᠷ ᠪᠤᠯᠬᠢᠬᠤ ᠦᠶᠡᠷ ᠴᠢᠨᠢ ᠨᠠᠮᠠᠢᠢ ᠤᠮᠤᠭᠰᠢᠶᠠᠨᠠ | ᠡᠬᠡ ᠤᠷᠤᠨ ᠮᠢᠨᠢ︕ | ᠴᠠᠮᠴᠠ ᠨᠡᠪᠳᠡ ᠴᠤᠬᠢᠬᠤ ᠴᠠᠭᠠᠨ ᠮᠦᠨᠳᠦᠷ ᠴᠢᠨᠢ ᠡᠩᠭᠦᠷᠡᠶᠢᠭᠡᠨ | ᠡᠬᠡ ᠤᠷᠤᠨ ᠮᠢᠨᠢ︕ | ᠴᠠᠷᠠᠮ ᠤᠨ ᠨᠤᠭᠤᠭᠠᠨ ᠬᠠᠯᠠᠭᠠᠢ ᠴᠢᠨᠢ ᠮᠢᠨᠤ ᠮᠡᠳᠡᠷᠡᠭᠦᠢ | ᠡᠬᠡ ᠤᠷᠤᠨ ᠮᠢᠨᠢ︕ | 4. | ᠤᠩᠭᠤᠴᠠ ᠪᠠᠷ ᠳᠠᠪᠠᠭᠠᠳ ᠤᠷᠬᠢᠯ ᠦᠨᠳᠦᠷ ᠠᠭᠤᠯᠠ ᠶᠢ ᠴᠢᠨᠢ ᠪᠠᠰᠤᠬᠤ ᠦᠭᠡᠢ ᠪᠢ | ᠡᠬᠡ ᠤᠷᠤᠨ ᠮᠢᠨᠢ︕ | ᠤᠯᠠᠨ ᠳᠠᠬᠢᠨ ᠭᠠᠳᠤᠯᠤᠭᠰᠠᠨ ᠴᠡᠩᠬᠡᠷ ᠤᠯᠵᠠ ᠶᠢᠨ ᠭᠤᠤᠯ ᠢᠶᠠᠨ ᠴᠦ ᠪᠠᠰᠤᠬᠤ ᠦᠭᠡᠢ ᠪᠢ | ᠡᠬᠡ ᠤᠷᠤᠨ ᠮᠢᠨᠢ︕ | ᠱᠠᠩᠳᠠ ᠪᠤᠯᠠᠭ ᠤᠨ ᠤᠰᠤ ᠴᠢᠨᠢ ᠳᠠᠭᠤᠰᠬᠤ ᠦᠭᠡᠢ᠂ ᠡᠬᠡ ᠤᠷᠤᠨ ᠮᠢᠨᠢ︕ | ᠰᠢᠷᠭᠠᠬᠠᠨ ᠢᠨᠵᠠᠭᠠ ᠪᠢᠳᠡ ᠬᠤᠶᠠᠷ ᠪᠡᠶᠡ ᠪᠡᠶᠡᠰ ᠢᠶᠠᠨ ᠬᠠᠷᠠᠨ ᠤᠤᠭᠤᠨᠠ | ᠳᠠᠪᠤᠨ ᠪᠤᠭᠳᠠ᠂ ᠭᠤᠷᠪᠠᠨ ᠰᠠᠶᠢᠬᠠᠨ ᠤ ᠪᠠᠷᠠ ᠶᠢ ᠬᠠᠷᠠᠭᠰᠠᠨ ᠪᠢ | ᠲᠠᠯᠠ ᠶᠢᠨ ᠬᠦᠬᠡ ᠠᠭᠤᠯᠠᠰ ᠢᠶᠠᠨ ᠨᠠᠮᠬᠠᠨ ᠭᠡᠵᠤ ᠪᠤᠳᠤᠬᠤ ᠦᠭᠡᠢ᠂ ᠡᠬᠡ ᠤᠷᠤᠨ ᠮᠢᠨᠢ︕ | 5. | ᠡᠬᠡ ᠨᠤᠲᠤᠭ ᠤᠨ ᠢᠶᠠᠨ ᠰᠦᠨᠢ ᠶᠢᠨ ᠲᠡᠭᠷᠢ ᠳᠤ ᠤᠳᠤ ᠬᠠᠷᠪᠤᠬᠤ ᠶᠢ ᠦᠵᠡᠭᠡᠳ | ᠡᠮᠳᠡᠷᠡᠭᠰᠡᠨ ᠰᠤᠯᠢᠷ ᠤᠨ ᠡᠴᠦᠰ ᠤᠨ ᠰᠢᠳᠠᠬᠤ ᠪᠠᠭᠤᠳᠠᠯ | ᠡᠬᠡ ᠤᠷᠤᠨ ᠮᠢᠨᠢ ᠪᠤᠤ ᠪᠠᠢ︕ ᠭᠡᠵᠤ ᠵᠠᠯᠪᠠᠷᠢᠭᠰᠠᠨ ᠡ | ᠡᠬᠡ ᠤᠷᠤᠨ ᠮᠢᠨᠢ︕ | ᠡᠳᠡᠭᠡᠳ ᠬᠤᠯᠠ ᠶᠢᠨ ᠲᠡᠷᠡ ᠭᠡᠷᠡᠯ ᠢ ᠳᠠᠭᠠᠭᠤᠯᠤᠨ ᠬᠠᠷᠠᠵᠤ ᠪᠦᠬᠦᠬᠦ ᠬᠦᠷᠳᠡᠯᠡ ᠨᠢ | ᠡᠨᠡ ᠪᠡᠶᠡ ᠪᠠᠨ ᠦᠴᠦᠭᠡᠨ ᠭᠡᠵᠤ ᠪᠤᠳᠤᠯ ᠦᠭᠡᠢ ᠡᠬᠡ ᠨᠤᠲᠤᠭ ᠢᠶᠠᠨ ᠳᠡᠪᠡᠷᠢᠭᠡᠳ ᠭᠡᠪᠳᠡᠮᠡᠷ | ᠶᠡᠭᠡ ᠶᠢᠨ ᠶᠡᠭᠡ ᠠᠤᠭᠠ ᠬᠦᠰᠡᠯ ᠨᠠᠮᠠᠢᠢ ᠡᠵᠡᠮᠳᠡᠭᠰᠡᠨ ᠡ | ᠡᠬᠡ ᠤᠷᠤᠨ ᠮᠢᠨᠢ︕ | ᠡᠪᠦᠯ ᠤᠨ ᠴᠢᠨᠢ ᠵᠢᠪᠠᠷ ᠨᠠᠮᠠᠢᠢ ᠬᠠᠭᠠᠷᠢᠭᠠ ᠦᠭᠡᠢ᠂ ᠢᠯᠪᠢᠭᠰᠡᠨ ᠶᠤᠮ | ᠡᠬᠡ ᠤᠷᠤᠨ ᠮᠢᠨᠢ︕ | ᠦᠷᠭᠡᠰᠦᠳᠦ ᠪᠤᠳᠠ ᠴᠢᠨᠢ ᠨᠠᠮᠠᠢᠢ ᠬᠠᠳᠬᠤᠭᠠ ᠦᠭᠡᠢ᠂ ᠰᠡᠷᠡᠭᠦᠢ ᠦᠭᠭᠦᠭᠰᠡᠨ ᠶᠤᠮ | ᠡᠬᠡ ᠤᠷᠤᠨ ᠮᠢᠨᠢ︕ | ᠦᠨᠳᠡᠭᠡ ᠪᠠᠨ ᠬᠠᠷᠠᠮᠨᠠᠬᠤ ᠰᠢᠪᠠᠭᠤ ᠰᠢᠭ᠋᠂ ᠴᠢᠮᠠᠢᠢ ᠪᠠᠨ ᠪᠢ ᠡᠯᠢᠭᠡᠨ ᠳᠡᠭᠡᠨ ᠳᠡᠪᠡᠷᠢᠶᠡ | ᠡᠬᠡ ᠤᠷᠤᠨ ᠮᠢᠨᠢ︕ | ᠦᠳᠦ ᠳᠠᠯᠠᠪᠴᠢ ᠤᠷᠤᠭᠤ ᠮᠢᠨᠢ ᠰᠢᠳᠡᠪᠡᠯ ᠰᠢᠳᠡᠭ᠂ ᠪᠢ ᠶᠠᠭᠠᠮᠠᠢ | ᠡᠬᠡ ᠤᠷᠤᠨ ᠮᠢᠨᠢ︕ | | ᠵᠣᠬᠢᠶᠠᠭᠴᠢ᠄ ᠳ᠋᠊ · ᠨᠢᠮᠠᠰᠦ᠋ᠷᠦᠩ |