ᠠᠯᠳᠠᠨ ᠲᠡᠯᠡᠭᠡᠢ ᠳᠤ ᠠᠮᠢ ᠨᠠᠰᠦ ᠶᠢ ᠤᠯᠵᠦ᠂ ᠬᠦᠮᠦᠨ ᠪᠤᠯᠵᠦ ᠵᠠᠶᠠᠭᠠᠨᠠ ᠭᠡᠳᠡᠭ ᠦᠨᠡᠭᠡᠷ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠠᠵᠠ ᠵᠢᠷᠭᠠᠯ ᠪᠤᠶᠦ᠃ ᠡᠶᠢᠮᠦ ᠠᠴᠠ | ᠬᠦᠮᠦᠨ ᠪᠤᠯᠬᠤ ᠠᠮᠢ ᠨᠠᠰᠦ ᠶᠢ ᠤᠯᠭᠤᠵᠦ᠂ ᠠᠰᠠᠷᠠᠨ ᠬᠦᠮᠦᠵᠢᠬᠦᠯᠵᠦ ᠦᠰᠭᠡᠭᠰᠡᠨ ᠠᠪᠤ ᠡᠵᠢ ᠳᠡᠭᠡᠨ ᠪᠢᠳᠡ ᠶᠠᠭᠤᠨ ᠤ ᠡᠮᠦᠨᠠ ᠠᠴᠢᠯᠠᠨ ᠲᠠᠯᠠᠷᠬᠠᠬᠤ ᠶᠤᠰᠤᠳᠠᠢ | ᠶᠤᠮ᠃ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠶᠡᠷᠦ ᠨᠢ ᠵᠢᠷᠭᠠᠯ ᠵᠤᠪᠠᠯ ᠬᠤᠤᠰᠯᠠᠵᠦ᠂ ᠪᠠᠶᠠᠷ ᠭᠤᠨᠢᠭ ᠰᠤᠯᠪᠢᠴᠠᠵᠦ ᠪᠠᠶᠢᠳᠠᠭ᠃ ᠬᠦᠮᠦᠰ ᠬᠤᠷᠸᠠ ᠶᠢᠨ ᠨᠠᠨᠳᠢᠨ ᠴᠠᠭ | ᠮᠦᠴᠡ ᠶᠢ ᠡᠯᠳᠡᠪ ᠶᠠᠩᠵᠦ ᠶᠢᠨ ᠦᠡᠭᠭᠡ ᠠᠶᠠᠰ ᠲᠠᠢ ᠪᠠᠷ ᠬᠤᠷᠤᠭᠠᠵᠦ ᠡᠯᠡᠭᠡᠭᠰᠡᠭᠡᠷ ᠪᠠᠶᠢᠵᠦ᠂ ᠠᠮᠢᠳᠤᠷᠠᠯ ᠤᠨ ᠠᠯᠳᠠᠨ ᠬᠠᠭᠤᠳᠠᠰᠦ ᠪᠠᠨ ᠬᠤᠮᠢᠳᠠᠭ ᠪᠢᠯᠡ᠃ | ᠲᠡᠭᠡᠪᠡᠯ ᠬᠦᠮᠦᠨ ᠤ ᠠᠮᠢ ᠨᠠᠰᠤᠨ ᠤ ᠦᠨᠠ ᠴᠡᠨᠠ ᠨᠢ ᠴᠤᠬᠤᠮ ᠶᠠᠭᠤᠨ ᠳᠠᠭᠠᠨ ᠪᠠᠶᠢᠳᠠᠭ ᠪᠤᠯ ᠡ︖ | ᠪᠢ ᠨᠢᠯᠬᠠ ᠪᠠᠯᠴᠢᠷ ᠨᠠᠰᠦ ᠪᠠᠨ ᠦᠡᠭᠭᠡᠷᠡᠭᠡᠵᠦ ᠤᠬᠠᠭᠠ ᠲᠤᠮᠤᠭᠠ ᠤᠷᠤᠬᠤ ᠶᠢᠨ ᠦᠶᠠ ᠳᠡᠭᠡᠨ ︽ᠬᠦᠮᠦᠨ ᠠᠮᠢᠳᠤᠷᠠᠭᠠᠳ ᠪᠠᠰᠠ ᠦᠬᠦᠨᠠ᠂ ᠦᠬᠦᠪᠡᠯ | ᠶᠠᠭᠤ ᠴᠦ ᠮᠡᠳᠡᠬᠦ ᠦᠭᠡᠢ ᠪᠤᠯᠤᠨᠠ᠃ ᠬᠡᠳᠦᠢ ᠡᠮᠭᠡᠨᠢᠯᠳᠠᠢ᠂ ᠬᠡᠳᠦᠢ ᠬᠠᠷᠠᠮᠰᠠᠯᠳᠠᠢ ᠪᠤᠢ︖︾ ᠭᠡᠵᠦ ᠨᠢᠯᠬᠠᠰᠠᠭ ᠰᠡᠳᠬᠢᠯ ᠳᠡᠭᠡᠨ ᠤᠶᠠᠷᠠᠨ ᠮᠡᠭᠰᠢᠳᠡᠭ ᠪᠠᠶᠢᠭᠰᠠᠨ | ᠤᠳᠠᠭᠠ ᠲᠠᠢ᠃ ᠬᠡᠤᠬᠡᠳᠯᠢᠭ ᠪᠤᠳᠤᠯ ᠰᠡᠳᠬᠢᠯ ᠳᠤ ᠮᠢᠨᠢ ᠶᠠᠭᠠᠬᠢᠭᠠᠳ ᠲᠡᠶᠢᠮᠦ ᠬᠦᠨᠳᠦ ᠬᠡᠴᠡᠬᠦᠦ ᠠᠰᠠᠭᠤᠯᠳᠠ ᠤᠷᠤᠵᠦ ᠢᠷᠡᠳᠡᠭ ᠪᠠᠶᠢᠭᠰᠠᠨ ᠪᠤᠯ ᠡ︖ | ᠰᠡᠬᠦᠯᠡᠷ ᠨᠢ ᠰᠤᠷᠤᠯᠭᠠ ᠰᠤᠶᠤᠯ ᠤᠨ ᠮᠦᠷ ᠬᠦᠭᠡᠭᠡᠵᠦ᠂ ᠲᠡᠭᠡᠳᠦ ᠲᠤᠮᠳᠠᠳᠦ ᠪᠠᠨ ᠲᠡᠬᠦᠰᠭᠡᠭᠡᠳ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠤᠯᠬᠤ ᠦᠶᠠ ᠪᠠᠷ ᠮᠤᠩᠭᠤᠯ | ᠬᠡᠯᠡᠨ ᠤ ᠰᠢᠯᠭᠠᠯᠳᠠ ᠳᠤ ︽ᠬᠦᠮᠦᠨ ᠤ ᠠᠮᠢ ᠨᠠᠰᠤᠨ ᠤ ᠦᠨᠠ ᠴᠡᠨᠠ︾ ᠭᠡᠳᠡᠭ ᠭᠠᠷᠴᠠᠭ ᠲᠠᠢ ᠵᠤᠬᠢᠶᠠᠯ ᠭᠠᠷᠤᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠭᠠᠷᠴᠠᠭ ᠢᠶᠠᠷ ᠮᠤᠩᠭᠤᠯ | ᠬᠡᠯᠡᠨ ᠤ ᠳ᠋ᠧ᠊ ᠪᠠᠭᠰᠢ ᠮᠢᠨᠢ ᠤᠯᠠᠨ ᠤᠳᠠᠭᠠ ᠵᠢᠯᠤᠭᠤᠳᠤᠨ᠂ ᠰᠢᠬᠦᠮᠵᠢᠯᠡᠨ ᠦᠬᠦᠯᠡᠭᠰᠡᠨ ᠵᠤᠬᠢᠶᠠᠯ ᠪᠢᠴᠢᠬᠦᠯᠳᠡᠭ ᠪᠠᠶᠢᠭᠰᠠᠨ ᠲᠤᠯᠠ ᠫᠡᠧᠧᠯ · ᠺᠤᠷᠴᠢᠺᠢᠨ᠂ ᠵᠠᠩ | ᠬᠠᠢ ᠳ᠋ᠢ ᠨᠠᠷ ᠢᠶᠠᠷ ᠡᠰᠢ ᠪᠠᠷᠢᠮᠳᠠ ᠪᠤᠯᠭᠠᠵᠦ᠂ ᠬᠦᠮᠦᠨ ᠠᠮᠢ ᠨᠠᠰᠦ ᠪᠠᠨ ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ ᠢᠷᠠᠭᠤ ᠠᠯᠳᠠᠷᠳᠦ ᠦᠢᠯᠡᠰ ᠤᠨ ᠲᠦᠯᠦᠭᠡ ᠡᠷᠬᠦᠨ | ᠵᠤᠷᠢᠭᠤᠯᠪᠠᠯ ᠰᠠᠶ᠋ᠢ ᠦᠨᠠ ᠴᠡᠨᠠ ᠲᠠᠢ᠂ ᠤᠳᠬᠠ ᠠᠭᠤᠯᠭᠠ ᠲᠠᠢ ᠪᠤᠯᠤᠨᠠ ᠭᠡᠳᠡᠭ ᠭᠤᠤᠯ ᠦᠵᠡᠯᠳᠡ ᠪᠠᠨ ᠨᠤᠳᠠᠯᠠᠨ ᠪᠢᠴᠢᠭᠰᠡᠨ ᠪᠠᠶᠢᠯᠠ᠃ ᠲᠡᠬᠦᠨ ᠠᠴᠠ | ᠬᠤᠶᠢᠰᠢ ᠪᠢ ᠬᠦᠮᠦᠨ ᠶᠠᠭᠤᠨ ᠤ ᠲᠦᠯᠦᠭᠡ ᠠᠮᠢᠳᠤᠷᠠᠬᠤ ᠲᠤᠬᠠᠢ᠂ ᠬᠦᠮᠦᠨ ᠤ ᠠᠮᠢ ᠨᠠᠰᠤᠨ ᠤ ᠦᠨᠠ ᠴᠡᠨᠠ ᠨᠢ ᠴᠤᠬᠤᠮ ᠶᠠᠭᠤ ᠪᠤᠯᠬᠤ ᠲᠤᠬᠠᠢ ᠦᠷᠬᠦᠯᠵᠢ | ᠰᠡᠳᠬᠢᠨ ᠲᠤᠩᠭᠠᠵᠦ ᠶᠠᠪᠤᠳᠠᠭ ᠪᠤᠯᠤᠭᠰᠠᠨ ᠶᠤᠮ᠃ | ᠬᠦᠮᠦᠨ ᠬᠡᠭᠴᠢ ᠶᠡᠷᠦ ᠨᠢ ᠨᠡᠶᠢᠭᠡᠮ ᠤᠨ ᠬᠦᠮᠦᠨ ᠪᠤᠯᠬᠤᠷ ᠵᠦᠪᠬᠡᠨ ᠢᠳᠡᠵᠦ ᠤᠤᠭᠤᠵᠦ᠂ ᠨᠠᠭᠠᠳᠴᠦ ᠴᠡᠩᠭᠡᠬᠦ ᠶᠢᠨ ᠲᠦᠯᠦᠭᠡ ᠠᠮᠢᠳᠤᠷᠠᠬᠤ ᠳᠤ ᠬᠦᠷᠪᠡᠯ | ᠶᠠᠮᠠᠷ ᠴᠦ ᠦᠢᠯᠡᠰ ᠢ ᠪᠦᠳᠦᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠠᠮᠢ ᠨᠠᠰᠦ ᠨᠢ ᠦᠨᠠ ᠴᠡᠨᠠ ᠪᠠᠨ ᠠᠯᠳᠠᠬᠤ ᠪᠤᠯᠤᠨᠠ᠃ ᠬᠠᠷᠢᠨ ᠤᠷᠤᠰᠢᠨ ᠠᠮᠢᠳᠤᠷᠠᠵᠦ | ᠪᠠᠶᠢᠭᠠ ᠨᠡᠶᠢᠭᠡᠮ ᠨᠡᠶᠢᠳᠡ ᠳᠡᠭᠡᠨ ᠢᠯᠡᠬᠦᠭᠡᠨ ᠬᠦᠴᠦᠨ ᠵᠢᠳᠬᠦᠯ ᠢᠶᠠᠨ ᠡᠷᠬᠦᠵᠦ᠂ ᠤᠯᠤᠰ ᠦᠨᠳᠦᠰᠦᠳᠡᠨ ᠤ ᠪᠠᠨ ᠬᠦᠭᠵᠢᠯᠳᠡ ᠶᠢᠨ ᠦᠢᠯᠡᠰ ᠲᠤ ᠵᠢᠳᠬᠦᠵᠦ | ᠶᠠᠪᠤᠪᠠᠯ ᠬᠦᠮᠦᠨ ᠤ ᠠᠮᠢ ᠨᠠᠰᠤᠨ ᠤ ᠦᠨᠠ ᠴᠡᠨᠠ ᠨᠢ ᠠᠶᠠᠨᠳᠠᠭᠠᠨ ᠡᠷᠬᠢᠮ ᠲᠡᠭᠡᠳᠦ ᠪᠤᠯᠵᠦ ᠢᠷᠡᠨᠠ᠃ ︽ᠠᠮᠢ ᠨᠠᠰᠦ ᠪᠠᠨ ᠲᠤᠵᠢ ᠳᠠᠭᠠᠨ ᠬᠦᠰᠡᠯ | ᠲᠡᠮᠡᠤᠯᠡᠯ ᠤᠨ ᠲᠤᠮᠳᠠ ᠦᠡᠭᠭᠡᠷᠡᠬᠦᠯᠪᠡᠯ ᠡᠨᠡ ᠨᠠᠰᠤᠨ ᠳᠤ ᠴᠢᠨᠢ ᠡᠷᠬᠢᠮ ᠰᠠᠶᠢᠬᠠᠨ ᠠᠵᠠ ᠲᠤᠬᠢᠶᠠᠯ ᠵᠦᠡᠭᠳᠡᠭᠡᠨ ᠤᠯᠳᠠᠬᠤ ᠶᠤᠮ︾᠂ ︽ᠬᠦᠮᠦᠨ ᠲᠦᠷᠦᠭᠰᠡᠨ | ᠲᠡᠷᠡ ᠴᠠᠭ ᠠᠴᠠ ᠪᠠᠨ ᠡᠬᠢᠯᠡᠭᠡᠳ ᠦᠬᠦᠯ ᠤᠨ ᠪᠤᠯᠠᠰᠢ ᠦᠭᠡᠳᠡ ᠪᠠᠨ ᠠᠯᠬᠤᠮ ᠠᠯᠬᠤᠮ ᠢᠶᠠᠷ ᠤᠢᠢᠷᠠᠳᠴᠦ ᠤᠴᠢᠳᠠᠭ︾ ᠭᠡᠵᠦ ᠮᠡᠷᠭᠡᠳ ᠦᠬᠦᠯᠡᠭᠰᠡᠨ ᠪᠠᠶᠢᠳᠠᠭ᠃ | ᠠᠮᠢᠳᠤᠷᠠᠯ ᠭᠡᠳᠡᠭ ᠶᠡᠷᠦ ᠨᠢ ᠲᠦᠷᠦᠬᠦ ᠠᠴᠠ ᠦᠬᠦᠬᠦ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠲᠡᠮᠡᠴᠡᠯ ᠮᠦᠨ᠃ ᠠᠮᠢᠳᠤᠷᠠᠨᠠ ᠭᠡᠳᠡᠭ ᠬᠦᠮᠦᠨ ᠪᠤᠯᠭᠠᠨ ᠤ ᠤᠬᠠᠭᠠᠵᠢᠵᠦ | ᠲᠤᠮᠤᠭᠠᠵᠢᠬᠤ᠂ ᠦᠭᠡᠳᠡᠯᠡᠵᠦ ᠤᠷᠤᠭᠤᠳᠠᠬᠤ᠂ ᠦᠷᠡᠵᠢᠵᠦ ᠦᠬᠦᠰᠢᠷᠡᠬᠦ ᠴᠠᠭ ᠬᠤᠭᠤᠴᠠᠭᠠᠨ ᠤ ᠡᠯᠡᠭᠡᠯᠳᠡ ᠪᠠᠶᠢᠭᠠ ᠶᠤᠮ᠃ ᠴᠠᠭ ᠬᠤᠭᠤᠴᠠᠭᠠ ᠭᠡᠳᠡᠭ | ᠮᠦᠡᠭᠭᠡ ᠶᠢᠨ ᠵᠦᠢᠯ ᠡ᠂ ᠬᠠᠷᠢᠨ ᠬᠦᠮᠦᠨ ᠦᠪᠡᠷ ᠢᠶᠠᠨ ᠴᠠᠭ ᠬᠤᠭᠤᠴᠠᠭᠠᠨ ᠤ ᠡᠯᠡᠭᠡᠯᠳᠡ ᠶᠢ ᠲᠠᠭᠠᠭᠠᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠠᠷ ᠴᠠᠭ ᠬᠤᠭᠤᠴᠠᠭᠠᠨ ᠳᠤ | ᠤᠷᠤᠰᠤᠭᠳᠠᠨ ᠤᠳᠴᠦ᠂ ᠲᠡᠤᠭᠡ ᠶᠢᠨ ᠤᠷᠳᠦ ᠠᠶᠠᠨ ᠳᠤ ᠠᠮᠠᠷᠬᠠᠨ ᠮᠠᠷᠳᠠᠭᠳᠠᠵᠦ ᠤᠷᠬᠢᠭᠳᠠᠨᠠ᠃ ᠬᠤᠷᠸᠠ ᠶᠢᠨ ᠡᠨᠡ ᠬᠦ ᠬᠠᠳᠠᠭᠤ ᠬᠠᠤᠯᠢ ᠶᠢ ᠬᠡᠨ ᠴᠦ | ᠵᠦᠷᠢᠴᠡᠵᠦ ᠴᠢᠳᠠᠬᠤ ᠦᠭᠡᠢ ᠴᠦ ᠠᠮᠢ ᠨᠠᠰᠤᠨ ᠤ ᠦᠨᠠ ᠴᠡᠨᠠ — ᠠᠷᠢᠭᠤᠨ ᠵᠢᠳᠬᠦᠯ᠂ ᠠᠤᠭᠠ ᠪᠦᠳᠦᠭᠡᠯ ᠢᠶᠠᠷ ᠢᠶᠠᠨ ᠠᠮᠢ ᠨᠠᠰᠤᠨ ᠤ ᠠᠯᠳᠠᠨ | ᠬᠠᠭᠤᠳᠠᠰᠦ ᠪᠠᠨ ᠮᠦᠡᠭᠬᠡᠯᠡᠬᠦ ᠬᠦᠮᠦᠨ ᠴᠦ ᠠᠯᠢ ᠤᠯᠠᠨ ᠭᠠᠷᠳᠠᠭ ᠰᠠᠨ᠃ | ᠤᠷᠴᠢᠮ ᠲᠧᠯᠧᠢᠰ ᠲᠡᠭᠡᠷᠠ ᠠᠴᠠ ᠬᠦᠨᠳᠦ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠨᠢᠭᠡᠨ ᠠᠬᠠᠮᠠᠳ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠡᠨ᠂ ᠡᠪᠡᠳᠴᠢᠨ ᠤ ᠤᠷᠤᠨ | ᠲᠡᠭᠡᠷᠠ ᠪᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠦᠴᠢᠷ ᠰᠡᠳᠦᠪ ᠢ ᠰᠤᠳᠤᠯᠤᠨ ᠰᠢᠨᠵᠢᠯᠡᠵᠦ᠂ ᠡᠴᠦᠰ ᠤᠨ ᠳ᠋ᠦᠡᠭ ᠭᠠᠷᠭᠠᠵᠦ ᠪᠠᠷᠠᠭᠠᠳ ᠰᠠᠶ᠋ᠢ ᠰᠠᠨᠠᠭᠠ ᠠᠮᠤᠷ ᠨᠢᠳᠦ ᠪᠠᠨ | ᠠᠨᠢᠵᠦ ᠮᠦᠡᠭᠭᠡ ᠨᠦᠢᠷᠰᠤᠭᠰᠠᠨ ᠮᠡᠳᠡᠭᠡ ᠶᠢ ᠤᠯᠵᠦ ᠦᠵᠡᠯᠠ᠃ ᠬᠦᠮᠦᠨ ᠬᠤᠷᠸᠠ ᠶᠢᠷᠳᠢᠨᠴᠦ ᠠᠴᠠ ᠦᠨᠢᠳᠡ ᠠᠶᠠᠷᠯᠠᠬᠤ ᠶᠢᠨ ᠠᠭᠱᠠᠨ ᠳᠤ ᠦᠪᠡᠷ ᠤᠨ ᠨᠢᠭᠡ | ᠨᠠᠰᠦ ᠪᠠᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠬᠦᠭᠵᠢᠯᠳᠡ ᠶᠢᠨ ᠦᠢᠯᠡᠰ ᠲᠤ ᠡᠷᠬᠦᠨ ᠵᠤᠷᠢᠭᠤᠯᠵᠦ ᠴᠢᠳᠠᠵᠠᠢ ᠭᠡᠵᠦ ᠪᠤᠳᠤᠬᠤ ᠪᠠᠷ ᠢᠶᠠᠨ ᠰᠠᠨᠠᠭᠠ ᠠᠮᠤᠷ ᠰᠡᠳᠬᠢᠯ | ᠲᠡᠨᠢᠬᠦᠭᠡᠨ ᠮᠦᠡᠭᠭᠡ ᠵᠢᠷᠭᠠᠳᠠᠭ ᠠᠵᠢ᠃ ᠲᠠᠶᠢᠸᠠᠨ ᠤ ᠨᠢᠭᠡᠨ ᠠᠯᠳᠠᠷᠳᠦ ᠲᠤᠭᠯᠠᠭᠴᠢ ︽ᠦᠪᠡᠷ ᠢᠶᠠᠨ ᠬᠡᠷᠪᠡ ᠦᠬᠦᠬᠦ ᠳᠤ ᠬᠦᠷᠪᠡᠯ ᠡᠨᠡ ᠪᠡᠶᠠ ᠶᠢᠨ ᠢᠶᠠᠨ | ᠬᠡᠷᠡᠭ ᠲᠠᠢ ᠡᠷᠭᠡᠳᠡᠨ ᠢᠶᠠᠨ ᠬᠡᠷᠡᠭᠴᠡᠭᠡ ᠲᠠᠢ ᠬᠦᠮᠦᠰ ᠲᠤ ᠡᠷᠬᠦᠨ ᠵᠤᠷᠢᠭᠤᠯᠤᠨᠡ︾ ᠭᠡᠰᠡᠨ ᠭᠠᠯ ᠬᠠᠯᠠᠭᠤᠨ ᠬᠦᠰᠡᠯ ᠵᠤᠷᠢᠭ ᠢᠶᠠᠨ ᠢᠯᠡᠳᠭᠡᠪᠡ᠃ ᠲᠡᠷᠡ᠄ ︽ᠡᠵᠢ | ᠠᠪᠤ ᠮᠠᠨᠢ ᠡᠷᠡᠬᠦᠯ ᠰᠠᠷᠠᠭᠤᠯ ᠪᠡᠶᠠ ᠮᠠᠬᠠᠪᠤᠳ᠂ ᠡᠷᠬᠢᠮ ᠲᠡᠭᠡᠳᠦ ᠠᠮᠢ ᠨᠠᠰᠦ ᠶᠢ ᠮᠠᠨ ᠳᠤ ᠤᠯᠭᠤᠵᠦ ᠦᠭᠬᠦᠭᠰᠡᠨ᠃ ᠪᠢᠳᠡ ᠪᠡᠶᠠ ᠮᠠᠬᠠᠪᠤᠳ ᠢᠶᠠᠨ ᠨᠠᠨᠳᠢᠩᠨᠠᠨ | ᠬᠠᠶᠢᠷᠠᠯᠠᠵᠦ ᠠᠮᠢᠳᠤᠷᠠᠬᠤ ᠬᠡᠷᠡᠭᠳᠠᠢ ᠪᠦᠭᠡᠳ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠡᠴᠦᠰ ᠤᠨ ᠴᠡᠭ ᠲᠡᠭᠡᠨ ᠬᠦᠷᠦᠭᠰᠡᠨ ᠴᠦ ᠡᠷᠡᠬᠦᠯ ᠰᠠᠶᠢᠬᠠᠨ ᠡᠷᠭᠡᠳᠡᠨ | ᠮᠠᠬᠠᠪᠤᠳ ᠢᠶᠠᠷ ᠢᠶᠠᠨ ᠦᠭᠡᠷᠠ ᠪᠤᠰᠤᠳ ᠤᠨ ᠪᠡᠶᠠ ᠴᠤᠭᠴᠠᠰ ᠲᠡᠭᠡᠷᠠ ᠦᠷᠬᠦᠯᠵᠢᠯᠡᠨ ᠠᠮᠢᠳᠤᠷᠠᠵᠦ ᠪᠤᠯᠬᠤ ᠶᠤᠮ︾ ᠭᠡᠵᠦ ᠬᠦᠨ ᠤᠬᠠᠭᠠᠯᠢᠭ ᠢᠶᠠᠷ ᠰᠢᠭᠤᠳ | ᠰᠢᠯᠤᠭᠤᠬᠠᠨ ᠦᠬᠦᠯᠡᠵᠠᠢ᠃ | ᠬᠦᠮᠦᠨ ᠦᠬᠦᠪᠡᠯ ᠲᠠᠷᠤᠢ ᠦᠨᠡᠰᠦᠨ ᠲᠤᠪᠷᠠᠭ᠂ ᠬᠤᠪᠠᠭ᠋ᠠᠢ ᠶᠠᠰᠤ ᠪᠤᠯᠤᠨᠠ ᠭᠡᠳᠡᠭ ᠢ ᠡᠳᠡᠭᠡᠷ ᠬᠦᠮᠦᠰ ᠬᠦᠨᠵᠡᠭᠡᠢ ᠤᠬᠠᠵᠦ ᠤᠢᠢᠯᠠᠭᠠᠳᠠᠭ ᠪᠤᠯᠬᠤᠷ | ᠬᠢᠵᠠᠭᠠᠷ ᠲᠠᠢ ᠠᠮᠢ ᠨᠠᠰᠦ ᠪᠠᠨ ᠬᠢᠵᠠᠭᠠᠷ ᠦᠭᠡᠢ ᠦᠢᠯᠡᠰ ᠲᠡᠭᠡᠨ ᠵᠤᠷᠢᠭᠤᠯᠵᠦ᠂ ᠬᠠᠶᠢᠷᠠᠯᠠᠵᠦ ᠭᠠᠮᠨᠠᠭᠰᠠᠨ ᠪᠡᠶᠠ ᠴᠤᠭᠴᠠᠰ ᠢᠶᠠᠨ ᠬᠠᠷᠠᠮ ᠦᠭᠡᠢ ᠪᠠᠷ ᠪᠤᠰᠤᠳ ᠲᠤ | ᠡᠷᠬᠦᠬᠦ ᠡᠷᠬᠢᠮ ᠨᠠᠨᠳᠢᠨ ᠵᠤᠷᠢᠭ ᠰᠠᠨᠠᠭᠠ ᠲᠠᠢ ᠪᠠᠶᠢᠳᠠᠭ ᠠᠵᠢ᠃ ᠲᠡᠳᠡᠨ ᠤ ᠠᠮᠢᠳᠤᠷᠠᠯ ᠤᠨ ᠠᠯᠳᠠᠨ ᠬᠠᠭᠤᠳᠠᠰᠦ ᠨᠢ ᠦᠨᠢ ᠡᠬᠦᠷᠢᠳᠡ ᠭᠡᠷᠡᠯ ᠬᠢᠯᠪᠠᠭᠠ | ᠰᠠᠴᠤᠷᠠᠬᠤ ᠨᠢ ᠯᠠᠪᠳᠠᠢ ᠶᠤᠮ᠃ | ᠤᠳᠦ ᠪᠢ ᠤᠨᠠᠭᠠᠨ ᠨᠠᠰᠦᠨ ᠤ ᠨᠢᠯᠬᠠᠰᠠᠭ ᠪᠤᠳᠤᠯ ᠳᠠᠭᠠᠨ ᠢᠨᠢᠶᠡᠳᠦ ᠬᠦᠷᠳᠡᠭ ᠪᠤᠯᠤᠯᠠ᠃ ᠤᠤᠯ ᠨᠢ ︽ᠪᠤᠷᠬᠠᠨ ᠲᠡᠭᠷᠢ︾ ᠠᠴᠠ ᠬᠦᠮᠦᠨ ᠪᠤᠯᠭᠠᠨ ᠳᠤ | ᠨᠢᠭᠡ ᠬᠤᠪᠢ ᠠᠮᠢᠳᠤᠷᠠᠯ ᠤᠨ ᠠᠯᠳᠠᠨ ᠬᠠᠭᠤᠳᠠᠰᠦ ᠱᠠᠩᠨᠠᠨ ᠲᠦᠭᠡᠭᠡᠭᠰᠡᠨ ᠪᠠᠶᠢᠵᠠᠢ᠃ ᠲᠦᠡᠭᠭᠡᠵᠦ ᠤᠬᠠᠭᠠ ᠰᠡᠭᠡᠭᠡ ᠤᠷᠤᠬᠤ ᠦᠶᠠ ᠶᠢᠨ ᠮᠢᠨᠦ ᠠᠮᠢᠳᠤᠷᠠᠯ ᠤᠨ | ᠬᠠᠭᠤᠳᠠᠰᠤᠨ ᠳᠤ ᠠᠯᠠᠭ ᠪᠤᠯᠠᠭ ᠴᠠᠭᠠᠨ ᠲᠤᠯᠤᠭᠠᠢ ᠲᠤᠩᠬᠤᠯᠵᠠᠵᠦ ᠪᠠᠶᠢᠭᠰᠠᠨ ᠪᠤᠯ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠶᠢᠨ ᠨᠤᠭᠤᠴᠠᠭᠠᠨ ᠳᠤ ᠤᠬᠠᠭᠠᠵᠢᠵᠦ ᠲᠤᠮᠤᠭᠠᠵᠢᠭᠰᠠᠨ | ᠦᠨᠦᠳᠦᠷ ᠬᠠᠷᠢᠨ ᠬᠠᠭᠠᠰ ᠢᠯᠡᠬᠦᠦ ᠬᠠᠭᠤᠳᠠᠰᠤᠨ ᠳᠤ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠮᠦᠷ ᠪᠠᠳᠠᠭ ᠤᠳ ᠲᠤᠷᠠᠶᠢᠵᠦ᠂ ᠤᠶᠠᠩᠭᠠᠯᠢᠭ᠂ ᠷᠤᠮᠠᠨᠲ᠋ᠢᠭ ᠪᠤᠶᠦ ᠠᠮᠢᠨᠴᠢᠬᠠᠨ | ᠦᠡᠭᠭᠡ ᠠᠶᠠᠰ ᠢᠶᠠᠷ ᠴᠢᠮᠡᠭᠳᠡᠨ᠂ ᠠᠮᠢ ᠨᠠᠰᠤᠨ ᠤ ᠭᠡᠷᠡᠯ ᠬᠢᠯᠪᠠᠭᠠ ᠬᠢᠯᠠᠰᠬᠢᠨ ᠲᠤᠸᠠᠯᠠᠵᠦ ᠪᠠᠶᠢᠭᠠ ᠴᠦ ᠶᠤᠮ ᠰᠢᠬ ᠪᠤᠳᠤᠭᠳᠠᠨᠠ᠃ | ᠲᠡᠶᠢᠮᠦ ᠡ᠂ ᠪᠢᠳᠡ ᠠᠮᠢ ᠨᠠᠰᠤᠨ ᠤ ᠠᠯᠳᠠᠨ ᠬᠠᠭᠤᠳᠠᠰᠦ ᠪᠠᠨ ᠪᠦᠷᠢᠨ ᠪᠦᠳᠦᠨ ᠲᠤᠷᠠᠶᠢᠳᠠᠯᠠ ᠰᠠᠶᠢᠬᠠᠨ ᠪᠢᠴᠢᠵᠦ᠂ ᠦᠨᠠ ᠴᠡᠨᠠ ᠪᠦᠬᠦᠢ ᠬᠢᠷᠢ | ᠲᠡᠩᠴᠡᠭᠰᠡᠨ ᠬᠠᠭᠤᠳᠠᠰᠦ ᠶᠢ ︽ᠲᠡᠭᠡᠳᠦ ᠲᠡᠭᠷᠢ︾ ᠳᠡᠭᠡᠨ ᠲᠤᠰᠢᠶᠠᠬᠤ ᠬᠡᠷᠡᠭᠳᠠᠢ ᠶᠤᠮ ᠰᠢᠦ᠃ | | ᠵᠣᠬᠢᠶᠠᠭᠴᠢ᠄ ᠰᠧᠷᠡᠨᠪᠠᠲᠤ |