ᠮᠢᠨᠦ ᠡᠵᠢ ᠵᠢᠪᠽᠡᠮᠠ 1917 ᠤᠨ ᠳᠤ ᠵᠠᠶᠠᠭᠠᠵᠠᠢ᠂ ᠮᠤᠷᠢ ᠵᠢᠯᠳᠠᠢ᠃ ᠤᠳᠦ ᠪᠠᠶᠢᠪᠠᠯ 97 ᠨᠠᠰᠤᠨ ᠤ ᠵᠢᠯ ᠤᠷᠤᠵᠦ ᠪᠤᠢ᠃ | ᠪᠢ ᠡᠵᠢ ᠪᠠᠨ ︽ᠮᠦᠮᠦ︾ ᠭᠡᠵᠦ ᠲᠠᠭᠤᠳᠠᠳᠠᠭ᠃ ᠮᠢᠨᠦ ᠠᠪᠤ ᠡᠵᠢ ᠬᠤᠶᠠᠷ ᠨᠠᠰᠦ ᠰᠠᠴᠠᠭᠤ᠃ ᠡᠪᠦᠭᠡ ᠠᠪᠤ ᠮᠠᠨᠢ ᠠᠪᠤ ᠶᠢ 14 ᠨᠠᠰᠤᠳᠠᠢ ᠵᠢᠯ ︽ᠬᠦᠦ | ᠨᠠᠰᠤᠨ ᠳᠤ ᠬᠦᠷᠦᠯᠠ᠃ ᠤᠳᠦ ᠪᠡᠷᠢ ᠡᠷᠢᠵᠦ ᠮᠤᠷᠳᠠᠨᠠ᠃︾ ᠭᠡᠳ ᠨᠠᠶᠢᠵᠠ ᠪᠠᠨ ᠲᠠᠭᠠᠭᠤᠯᠵᠦ ᠨᠠᠷᠠ ᠮᠠᠨᠳᠤᠬᠤ ᠵᠦᠭ ᠲᠤ ᠭᠠᠷᠤᠭᠠᠳ᠂ ᠤᠳᠦ ᠶᠢᠨ ᠰᠢᠨᠡᠪᠤᠯᠠᠭ | ᠵᠡᠬᠦᠨ ᠰᠤᠮᠤᠨ ᠤ ᠵᠠᠬᠠ ᠶᠢᠨ ᠨᠢᠭᠡᠨ ᠪᠠᠶᠠᠨ ᠠᠶᠢᠯ ᠳᠤ ᠤᠷᠤᠬᠤ ᠳᠤ ᠵᠢᠭᠠᠬᠠᠨ ᠪᠡᠶᠠ ᠲᠠᠢ ᠬᠦᠭᠡᠷᠦᠬᠦᠨ ᠴᠠᠭᠠᠨ ᠬᠡᠤᠬᠡᠨ ᠡᠷᠳᠡ ᠶᠢᠨ ᠦᠨᠢᠶᠠ ᠪᠠᠨ ᠰᠠᠭᠠᠭᠠᠳ | ᠬᠦᠨᠦᠭ ᠲᠦᠬᠦᠷᠡᠩ ᠰᠦ ᠪᠠᠨ ᠲᠠᠭᠠᠭᠠᠵᠦ ᠶᠠᠳᠠᠨ ᠪᠤᠱᠤᠭᠠᠨ ᠳᠤ ᠲᠠᠯᠡᠳᠴᠦ ᠴᠠᠯᠬᠢᠳᠠᠭᠤᠯᠤᠭᠠᠳ ᠤᠷᠤᠵᠦ ᠢᠷᠡᠭᠰᠡᠨ ᠳᠤ᠂ ︽ᠡᠨᠡ ᠯᠡ ᠮᠢᠨᠦ ᠪᠡᠷᠢ ᠪᠠᠶᠢᠨᠠ︾ | ᠭᠡᠵᠦ ᠤᠯᠵᠠᠷᠬᠠᠨ ᠪᠠᠶᠠᠷᠯᠠᠵᠦ᠂ ᠡᠪᠦᠷ ᠠᠴᠠ ᠪᠠᠨ ᠬᠠᠳᠠᠭ ᠭᠠᠷᠭᠠᠵᠦ᠄ ︽ᠪᠤᠯᠠᠭᠠ ᠵᠦᠢᠳᠡᠭ ᠨᠢ ᠲᠠᠨ ᠤ ᠳᠤ ᠪᠠᠶᠢᠨᠠ᠂ ᠪᠤᠭᠤ ᠨᠠᠮᠨᠠᠳᠠᠭ ᠨᠢ ᠮᠠᠨ ᠤ ᠳᠤ ᠪᠠᠶᠢᠨᠠ︾ | ᠭᠡᠵᠦ ᠬᠦᠯ ᠲᠠᠳᠠᠵᠦ᠂ ᠠᠯᠠᠭᠠ ᠲᠠᠯᠭᠡᠨ ᠬᠡᠤᠬᠡᠨ ᠤ ᠡᠴᠢᠭᠡ ᠤᠯᠠᠭᠠᠨ ᠤ ᠨᠠᠮᠵᠢᠯ ᠭᠡᠳᠡᠭ ᠪᠠᠶᠠᠨ ᠠᠶᠢᠯ ᠤᠨ ᠡᠵᠡᠨ ᠳᠤ ᠭᠤᠶᠤᠭᠰᠠᠨ ᠳᠤ ᠬᠠᠳᠠᠭ ᠢ ᠠᠪᠴᠦ | ᠪᠤᠷᠬᠠᠨ ᠤ ᠪᠠᠨ ᠡᠮᠦᠨᠠ ᠲᠠᠯᠪᠢᠭᠠᠳ᠂ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠭᠠᠷᠭᠠᠵᠦ ᠨᠢᠭᠡ ᠡᠳᠦᠷ ᠬᠦᠭᠡᠷᠦᠯᠳᠦᠭᠰᠡᠨ ᠭᠡᠳᠡᠭ᠃ | ᠲᠡᠭᠡᠭᠡᠳ ᠡᠨᠡ ᠶᠡᠭᠡ ᠠᠶᠢᠯ ᠭᠤᠤᠯ ᠤᠨ ᠲᠠᠨᠵᠢᠨ ᠳᠤ ᠪᠠᠭᠤᠵᠦ ᠬᠤᠶᠠᠷ ᠬᠢᠳᠠᠳ ᠮᠦᠡᠭᠬᠦᠨ ᠲᠠᠷᠬᠠᠨ ᠢ ᠭᠡᠷ ᠲᠡᠭᠡᠨ ᠵᠠᠯᠠᠵᠦ᠂ ᠬᠡᠤᠬᠡᠨ ᠤ ᠪᠠᠨ ᠠᠯᠳᠠ | ᠮᠦᠡᠭᠬᠦᠨ ᠵᠠᠰᠠᠯ ᠢ ᠬᠢᠯᠭᠡᠵᠦ᠂ ᠰᠠᠷᠠ ᠶᠢᠨ ᠰᠠᠶᠢᠨ ᠢ ᠰᠠᠭᠠᠳᠠᠨ ᠬᠦᠯᠢᠶᠡᠵᠦ᠂ ᠡᠳᠦᠷ ᠤᠨ ᠰᠠᠶᠢᠨ ᠢ ᠦᠨᠵᠢᠨ ᠦᠵᠡᠵᠦ ᠬᠤᠶᠠᠷ ᠭᠡᠷ ᠬᠤᠷᠢᠮ ᠨᠠᠶᠢᠷ ᠢᠶᠠᠨ ᠬᠢᠭᠰᠡᠨ | ᠪᠠᠶᠢᠨᠠ᠃ ᠢᠡᠭᠬᠢᠭᠡᠳ ᠮᠢᠨᠦ ᠠᠪᠤ ᠡᠵᠢ ᠬᠤᠶᠠᠷ 14 ᠨᠠᠰᠤᠳᠠᠢ ᠢᠵᠢᠯᠢᠭᠡᠨ ᠬᠤᠶᠠᠷ ᠬᠦᠭᠡᠷᠦᠬᠦᠨ ᠬᠡᠤᠬᠡᠳ ᠠᠶᠢᠯ ᠭᠡᠷ ᠪᠤᠯᠵᠦ᠂ ᠡᠳ᠋ ᠢᠶᠠᠨ ᠬᠢᠴᠢᠶᠡᠵᠦ ᠪᠠᠶᠠᠨ | ᠪᠤᠯᠵᠦ᠂ ᠡᠪ ᠢᠶᠠᠨ ᠬᠢᠴᠢᠶᠡᠵᠦ ᠦᠨᠢᠷ ᠪᠤᠯᠵᠦ᠂ ᠬᠤᠷᠸᠠ ᠶᠢᠨ ᠬᠠᠳᠠᠭᠤ ᠵᠦᠭᠡᠯᠡᠨ ᠢ ᠬᠠᠮᠳᠦ ᠲᠤᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | 1945 ᠤᠨ ᠳᠤ ᠠᠪᠤ ᠴᠡᠷᠢᠭ ᠲᠤ ᠶᠠᠪᠤᠵᠦ᠂ ᠮᠦᠮᠦ ᠶᠢ ᠲᠦᠷᠬᠦᠮ ᠳᠤᠨᠢ ᠠᠶᠢᠯᠴᠢᠯᠠᠭᠤᠯᠤᠨᠠ ᠭᠡᠵᠦ ᠠᠪᠠᠴᠢᠭᠠᠳ᠂ ᠡᠳᠦᠷ ᠨᠢ ᠮᠠᠯ ᠢᠶᠠᠨ ᠢᠳᠡᠬᠦᠯᠵᠦ | ᠱᠠᠷ ᠢᠶᠠᠨ ᠠᠮᠠᠷᠠᠭᠠᠨ᠂ ᠰᠦᠨᠢ ᠨᠢ ᠪᠠᠷᠠᠭᠤᠨ ᠲᠡᠶᠢᠰᠢ ᠨᠡᠬᠦᠭᠰᠡᠭᠡᠷ ᠨᠢᠭᠡ ᠮᠡᠳᠡᠬᠦ ᠳᠤ ᠬᠠᠯᠬᠠ ᠶᠢᠨ ᠲᠤᠷᠭᠠᠨ ᠬᠢᠯᠢ ᠬᠦᠷᠴᠦ᠂ ᠮᠠᠷᠭᠠᠰᠢ ᠦᠷ ᠢᠶᠠᠷ ᠬᠦᠳᠡᠯᠪᠡᠯ ᠬᠢᠯᠢ | ᠲᠠᠪᠠᠨᠠ ᠭᠡᠳᠡᠭ ᠢ ᠮᠦᠮᠦ ᠬᠡᠨᠡᠳᠳᠡ ᠮᠡᠳᠡᠵᠦ᠂ ᠲᠦᠷᠬᠦᠮ ᠲᠡᠬᠦᠦ ᠰᠧᠠᠰᠤᠳᠨᠠᠮ ᠳᠠᠭᠠᠨ᠄ ︽ᠪᠢ ᠬᠠᠯᠬᠠ ᠳᠤ ᠤᠷᠤᠬᠤ ᠦᠭᠡᠢ᠂ ᠬᠠᠳᠠᠮ ᠳᠠᠭᠠᠨ ᠪᠤᠴᠠᠨᠠ︾ | ᠭᠡᠬᠦ ᠳᠤ ᠲᠡᠬᠦᠦ ᠨᠢ ᠶᠡᠭᠡ ᠠᠭᠤᠷᠯᠠᠵᠦ᠄ ︽ᠡᠯᠵᠢᠭᠡ ᠭᠠᠵᠠᠷ ᠤᠨ ᠪᠡᠷᠬᠡ ᠳᠤ ᠭᠡᠳᠡᠭ ᠢᠶᠠᠷ ᠡᠷᠳᠡ ᠪᠤᠴᠠᠬᠤ ᠦᠭᠡᠢ᠂ ᠲᠦᠮᠡᠨ ᠠᠮᠢᠳᠠᠨ ᠳᠤ ᠭᠠᠢ ᠲᠠᠳᠠᠬᠤ ᠨᠢ ᠤᠤ︕ | ︾ ᠭᠡᠳ ᠡᠵᠢ ᠳᠡᠭᠡᠨ ᠴᠢᠷᠴᠦ ᠤᠴᠢᠭᠰᠠᠨ ᠳᠤ ᠡᠵᠢ ᠨᠢ᠄ ︽ᠮᠢᠨᠦ ᠦᠬᠢᠨ ᠠᠪᠤ ᠶᠢᠨ ᠲᠦᠰᠢᠬᠦᠯᠦᠭᠰᠡᠨ ᠭᠤᠯᠤᠮᠳᠠ ᠳᠤ ᠤᠴᠢᠬᠤ ᠨᠢ ᠵᠦᠪ᠂ ᠭᠠᠵᠠᠷᠳᠠᠭᠤᠯᠬᠤ | ᠦᠭᠡᠢ ᠮᠤᠷᠢ ᠪᠠᠷᠢᠭᠠᠳ ᠦᠭ︾ ᠭᠡᠰᠡᠨ ᠳᠤ ᠲᠡᠬᠦᠦ ᠨᠢ ᠪᠠᠭᠠ ᠨᠠᠰᠤᠨ ᠤ ᠬᠦᠭᠡᠷᠦᠬᠦᠨ ᠭᠡᠭᠡᠭᠴᠢ ᠭᠡᠬᠦᠦ ᠦᠪᠴᠢ ᠮᠦᠡᠭᠬᠦᠨ ᠬᠡᠷᠡᠭᠰᠡᠯ ᠲᠠᠢ ᠡᠮᠡᠭᠡᠯ ᠬᠠᠵᠠᠭᠠᠷ | ᠲᠤᠬᠤᠵᠦ ᠦᠭᠬᠦᠭᠰᠡᠨ ᠭᠡᠨᠠ᠃ ᠮᠦᠮᠦ ᠡᠵᠢ ᠳᠡᠭᠡᠨ ᠬᠤᠷᠮᠤᠢ ᠲᠡᠪᠢᠰᠴᠦ ᠮᠦᠷᠬᠦᠭᠡᠳ ᠦᠷᠦᠭᠡᠰᠦᠨ ᠬᠠᠴᠠᠷ ᠢᠶᠠᠨ ᠦᠨᠦᠰᠦᠬᠦᠯᠦᠭᠡᠳ᠂ ᠦᠤᠷ ᠤᠨ | ᠬᠠᠷᠠᠩᠭᠤᠢ ᠪᠠᠷ ᠵᠡᠬᠦᠨᠰᠢ ᠮᠤᠷᠳᠠᠬᠤ ᠳᠤ ᠨᠢᠵᠢᠬᠢᠷ ᠮᠠᠯ ᠲᠠᠢ ᠤᠯᠠᠨ ᠵᠤᠨ ᠲᠦᠷᠬᠦᠮ ᠤᠨ ᠬᠢᠨᠢ ᠬᠠᠮᠳᠦ ᠪᠠᠷᠠᠭᠤᠨ ᠲᠡᠶᠢᠰᠢ ᠬᠦᠳᠡᠯᠵᠠᠢ᠃ ᠦᠷ ᠰᠦᠨᠢ ᠢᠯᠭᠠᠷᠠᠬᠤ | ᠲᠡᠷᠡᠭᠡᠨ ᠮᠦᠴᠡ ᠳᠤ ᠡᠭᠡ ᠦᠷᠠ ᠢᠡᠭᠬᠢᠵᠦ ᠰᠠᠯᠤᠭᠰᠠᠨ ᠭᠡᠨᠠ᠃ | ᠦᠷ ᠤᠨ ᠵᠢᠪᠠᠷ᠂ ᠮᠤᠷᠢᠨ ᠤ ᠰᠠᠯᠬᠢ᠂ ᠰᠡᠳᠬᠢᠯ ᠤᠨ ᠶᠡᠭᠡ ᠦᠢᠮᠡᠭᠡᠨ ᠳᠤ ᠨᠢᠳᠦ ᠲᠦᠬᠦᠷᠡᠩ ᠨᠢᠯᠪᠤᠰᠦ ᠲᠠᠢ᠂ ᠬᠡᠭᠡᠭᠴᠢ ᠬᠡᠬᠦᠦ ᠶᠢᠨ ᠮᠡᠳᠡᠯ ᠢᠶᠠᠷ ᠵᠡᠬᠦᠨ | ᠲᠡᠶᠢᠰᠢ ᠵᠢᠬᠢᠭᠡᠳ ᠯᠡ ᠪᠠᠶᠢᠭᠰᠠᠨ᠃ ᠨᠢᠭᠡ ᠮᠡᠳᠡᠬᠦ ᠳᠤ ᠨᠠᠷᠠ ᠲᠡᠭᠡᠷᠠ ᠭᠠᠷᠴᠦ ᠪᠤᠭᠳᠠ ᠠᠭᠤᠯᠠ ᠶᠢᠨ ᠪᠠᠷᠠ ᠬᠤᠯᠠ ᠴᠡᠩᠭᠡᠷᠳᠦᠬᠦ ᠳᠤ ᠮᠤᠷᠢᠨ ᠤ ᠪᠠᠨ ᠠᠮᠠ ᠶᠢ | ᠲᠠᠳᠠᠵᠦ ᠡᠶᠢᠰᠢ ᠲᠡᠶᠢᠰᠢ ᠬᠠᠷᠠᠬᠤ ᠳᠤ ᠮᠡᠨᠡᠩ ᠤᠨ ᠰᠢᠯᠢ ᠲᠠᠭ ᠴᠢᠮᠡᠭᠡ ᠦᠭᠡᠢ᠂ ᠡᠯᠤᠢ ᠬᠤᠯᠤᠢ ᠮᠠᠨᠠᠨᠳᠤᠵᠦ᠂ ᠬᠠᠷᠠ ᠪᠠᠭᠤᠴᠠ᠂ ᠬᠠᠷᠠ ᠰᠢᠪᠠᠭᠤ ᠬᠤᠶᠠᠷ ᠠᠴᠠ | ᠦᠭᠡᠷᠠ ᠶᠠᠭᠤ ᠴᠦ ᠦᠭᠡᠢ᠂ ᠬᠠᠶᠠ ᠨᠢᠭᠡ ᠦᠬᠦᠭᠰᠡᠨ ᠮᠠᠯ ᠤᠨ ᠰᠡᠭ ᠲᠡᠭᠡᠷᠠ ᠬᠡᠷᠢᠶᠠ ᠭᠤᠸᠠᠭᠯᠠᠯᠳᠤᠵᠦ ᠵᠢᠭᠳᠡᠶᠢᠭᠡᠨ ᠤᠢᠢᠳᠬᠠᠷ ᠲᠠᠢ ᠪᠠᠶᠢᠭᠰᠠᠨ ᠭᠡᠵᠦ ᠮᠦᠮᠦ | ᠶᠠᠷᠢᠳᠠᠭ ᠪᠠᠶᠢᠯᠠ᠃ ︽ᠲᠡᠭᠡᠭᠡᠳ ᠪᠢ ᠵᠠᠯᠠᠭᠤᠬᠠᠨ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠵᠤᠷᠢᠭᠰᠠᠨ ᠵᠦᠭ ᠲᠡᠭᠡᠨ ᠦᠨᠳᠡᠶᠢᠭᠡᠳ ᠯᠡ ᠪᠠᠶᠢᠭᠰᠠᠨ᠃ ᠭᠡᠭᠡᠭᠴᠢ ᠭᠡᠬᠦᠦ ᠡᠴᠡᠵᠦ | ᠴᠤᠴᠠᠬᠤ ᠶᠠᠩᠵᠦ ᠦᠭᠡᠢ ᠭᠠᠵᠠᠷ ᠦᠨᠦᠷᠯᠡᠵᠦ ᠬᠠᠵᠠᠭᠠᠷ ᠲᠤᠭᠳᠤᠷᠤᠭᠠᠳ ᠲᠠᠪᠬᠢᠭᠠᠳ ᠯᠡ ᠪᠠᠶᠢᠭᠰᠠᠨ᠃ ᠲᠡᠷᠡ ᠴᠦ ᠪᠠᠰᠠ ᠨᠤᠳᠤᠭ ᠢᠶᠠᠨ ᠮᠡᠳᠡᠭᠡᠳ | ᠴᠢᠷᠮᠠᠶᠢᠭᠰᠠᠨ ᠪᠠᠶᠢᠬᠠ ᠳ᠋ᠠ᠂ ᠬᠦᠭᠡᠷᠦᠬᠦᠢ᠃ ᠲᠡᠭᠡᠭᠡᠳ ᠤᠷᠤᠢ ᠬᠤᠨᠢ ᠬᠤᠳᠠᠯᠠᠵᠦ ᠪᠠᠶᠢᠬᠤ ᠳᠤ ᠭᠠᠨᠵᠤᠤᠷ ᠤᠨ ᠬᠤᠶᠢᠭᠤᠷ ᠨᠤᠳᠤᠭᠯᠠᠵᠦ ᠪᠠᠶᠢᠭᠰᠠᠨ ᠭᠡᠷ ᠲᠡᠭᠡᠨ | ᠪᠢ ᠢᠷᠡᠭᠰᠡᠨ ᠶᠤᠮ᠃ ᠢᠷᠡᠬᠦ ᠳᠤ ᠭᠡᠷ ᠤᠨ ᠬᠦᠮᠦᠨ ᠴᠡᠷᠢᠭ ᠠᠴᠠ ᠢᠷᠡᠭᠰᠡᠨ ᠦᠭᠡᠢ ᠴᠦ ᠬᠠᠳᠠᠮ ᠤᠨ ᠬᠢ ᠪᠦᠭᠡᠮ ᠪᠠᠶᠠᠷ᠂ ᠨᠢᠳᠦ ᠲᠦᠬᠦᠷᠡᠩ ᠨᠢᠯᠪᠤᠰᠦ ᠲᠠᠢ | ᠨᠠᠮᠠᠢᠢ ᠲᠤᠰᠴᠦ ᠠᠪᠤᠭᠰᠠᠨ︾ ᠭᠡᠳᠡᠭ ᠳ᠋ᠠ᠃ | ᠪᠢ ᠮᠦᠮᠦ ᠠᠴᠠ᠄ ︽ᠪᠠᠶᠠᠷ ᠲᠡᠬᠦᠦ ᠲᠠᠨᠢ ᠶᠠᠭᠤᠨ ᠳᠤ ᠰᠠᠶᠢᠨ ᠮᠤᠷᠢ ᠦᠭᠬᠦ ᠦᠭᠡᠢ᠂ ᠭᠡᠬᠦᠦ ᠦᠭᠬᠦᠭᠰᠡᠨ ᠶᠤᠮ︖︾ ᠭᠡᠵᠦ ᠲᠡᠨᠡᠭᠯᠡᠵᠦ ᠠᠰᠠᠭᠤᠬᠤ ᠳᠤ | ︽ᠲᠦᠷᠬᠦᠮ ᠲᠦᠷᠦᠯ ᠦᠭᠡᠢ ᠭᠠᠭᠴᠠᠭᠠᠷ ᠢᠶᠠᠨ ᠦᠯᠡᠳᠡᠵᠦ ᠪᠠᠶᠢᠭᠠ ᠪᠤᠯᠬᠤᠷ ᠦᠷᠡᠵᠢᠬᠦ ᠶᠢ ᠨᠢ ᠪᠤᠳᠤᠭᠰᠠᠨ ᠪᠠᠶᠢᠬᠠ ᠳ᠋ᠠ︕ ᠲᠡᠷᠡ ᠬᠡᠬᠦᠦ ᠮᠡᠨ ᠤ ᠳᠤ ᠤᠯᠠᠨ | ᠰᠠᠶᠢᠨ ᠮᠤᠷᠢ ᠲᠦᠷᠦᠬᠦᠯᠵᠦ᠂ ᠦᠪᠡᠷ ᠢᠶᠠᠨ ᠴᠦ ᠤᠯᠠᠨ ᠪᠤᠯᠵᠦ᠂ ᠮᠠᠨ ᠤ ᠬᠢ ᠠᠳᠤᠭᠤ ᠲᠠᠢ ᠪᠤᠯᠤᠭᠰᠠᠨ ᠶᠤᠮ︾ ᠭᠡᠳᠡᠭ ᠪᠢᠯᠡ᠃ ᠬᠤᠯᠠ ᠦᠯᠡᠳᠡᠭᠰᠡᠨ | ᠡᠭᠡᠴᠢ ᠳᠡᠭᠡᠨ ᠢᠨᠵᠢ ᠦᠭᠬᠦᠭᠰᠡᠨ ᠪᠠᠶᠢᠵᠢ ᠳ᠋ᠠ᠂ ᠬᠦᠭᠡᠷᠦᠬᠦᠢ᠃ ᠲᠡᠷᠡ ᠦᠶᠠ ᠶᠢᠨ ᠬᠦᠮᠦᠨ ᠶᠠᠮᠠᠷ ᠶᠡᠭᠡ ᠬᠤᠯᠠ ᠶᠢᠨ ᠪᠤᠳᠤᠯ ᠲᠠᠢ᠂ ᠬᠤᠷᠴᠠ ᠤᠬᠠᠭᠠᠨ ᠲᠠᠢ | ᠶᠤᠮ ᠪᠤᠢ᠃ ᠲᠡᠷᠡ ᠮᠦᠴᠡ ᠳᠤ ᠲᠡᠶᠢᠮᠦ ᠬᠦᠨ ᠤᠬᠠᠭᠠᠨ ᠭᠠᠷᠤᠨᠠ ᠭᠡᠳᠡᠭ ᠢ ᠪᠢ ᠤᠳᠦ ᠪᠤᠯᠳᠠᠯᠠ ᠶᠡᠭᠡ ᠭᠠᠶᠢᠬᠠᠬᠤ ᠶᠤᠮ᠃ | ᠮᠢᠨᠦ ᠮᠦᠮᠦ ᠪᠢᠴᠢᠭ ᠰᠤᠶᠤᠯ ᠦᠭᠡᠢ ᠴᠦ ᠶᠡᠭᠡ ᠲᠠᠶᠢᠪᠤᠭᠤᠬᠠᠨ ᠵᠠᠩ ᠲᠠᠢ᠂ ᠬᠤᠯᠠ ᠶᠢᠨ ᠪᠤᠳᠤᠯ ᠲᠠᠢ ᠬᠦᠮᠦᠨ᠃ ᠠᠭᠤᠷᠯᠠᠵᠦ ᠪᠠᠴᠢᠮᠳᠠᠬᠤ ᠶᠢ ᠮᠡᠳᠡᠬᠦ | ᠦᠭᠡᠢ᠂ ᠲᠠᠭᠤᠴᠢᠨ᠂ ᠱᠤᠭᠴᠢᠨ᠂ ᠠᠯᠢᠶᠠᠯᠠᠭᠴᠢ ᠬᠦᠮᠦᠨ ᠪᠠᠶᠢᠯᠠ᠃ | ᠲᠠᠪᠢᠨ ᠭᠡᠳᠦᠨ ᠨᠠᠰᠤᠨ ᠳᠠᠭᠠᠨ ᠠᠪᠤ᠂ ᠠᠬᠠ ᠬᠤᠶᠠᠷ ᠢ ᠲᠠᠷᠠᠭᠠᠯᠠᠨ ᠠᠯᠳᠠᠵᠦ᠂ ᠰᠡᠳᠬᠢᠯ ᠤᠨ ᠶᠡᠭᠡ ᠵᠤᠪᠠᠯᠠᠩ ᠢ ᠠᠮᠰᠠᠭᠰᠠᠨ ᠪᠤᠯᠪᠠᠴᠦ ︽ᠤᠷᠴᠢᠯᠠᠩ | ᠬᠤᠷᠸᠠ ᠤᠭᠤᠰᠤᠷ ᠪᠦᠴᠡ ᠦᠭᠡᠢ᠂ ᠬᠦᠮᠦᠨ ᠪᠤᠯᠭᠠᠨ ᠳᠤ ᠲᠠᠭᠠᠷᠠᠳᠠᠭ ᠵᠤᠪᠠᠯᠠᠩ ᠨᠠᠳᠠ ᠲᠠᠭᠠᠷᠠᠵᠦ ᠪᠠᠶᠢᠭᠠ ᠶᠤᠮ︾ ᠭᠡᠵᠦ ᠰᠡᠳᠬᠢᠯ ᠢᠶᠠᠨ ᠴᠢᠩᠭᠠᠯᠠᠵᠦ᠂ ᠪᠠᠭᠠ | ᠠᠷᠢᠬᠢ ᠪᠠᠯᠭᠤᠭᠠᠳ ᠲᠠᠭᠤᠤ ᠠᠶᠠᠯᠵᠦ᠂ ᠨᠢᠯᠪᠤᠰᠦ ᠪᠠᠨ ᠠᠷᠴᠢᠭᠠᠳ ᠰᠠᠭᠤᠬᠤ ᠳᠤᠨᠢ ᠪᠢ ᠴᠦ ᠡᠯᠢᠭᠡ ᠬᠦᠮᠦᠷᠴᠦ᠂ ᠵᠢᠷᠦᠭᠡ ᠡᠪᠡᠳᠬᠦᠳᠤ ᠮᠦᠮᠦ ᠠᠴᠠ ᠪᠠᠨ | ᠨᠢᠭᠤᠵᠦ ᠤᠬᠢᠯᠠᠳᠠᠭ ᠪᠠᠶᠢᠭᠰᠠᠨ᠃ | ᠮᠢᠨᠦ ᠮᠦᠮᠦ ᠶᠢ ᠪᠠᠷᠤᠭ ᠲᠠᠨᠢᠳᠠᠭ ᠯᠡ ᠲᠡᠬᠦᠦ ᠨᠠᠷ ᠬᠦᠮᠦᠨ ᠪᠦᠬᠦᠨ ᠮᠦᠮᠦ ᠭᠡᠵᠦ ᠬᠦᠨᠳᠦᠯᠡᠵᠦ ᠲᠠᠭᠤᠳᠠᠳᠠᠭ ᠤᠯᠠᠨ ᠤ ᠮᠦᠮᠦ ᠶᠠᠪᠤᠭᠰᠠᠨ ᠶᠤᠮ᠃ | ᠤᠯᠠᠨ ᠰᠠᠶᠢᠬᠠᠨ ᠲᠠᠭᠤᠤ ᠮᠡᠳᠡᠳᠡᠭ ᠬᠠᠭᠤᠴᠢᠨ ᠲᠠᠭᠤᠤ ᠶᠢᠨ ᠲᠡᠬᠦᠪᠦᠷᠢ ᠪᠠᠶᠢᠭᠰᠠᠨ ᠰᠠᠨ᠃ ᠪᠢ ᠶᠠᠭᠤᠮᠠ ᠬᠠᠶᠢᠬᠤᠷᠬᠤ ᠦᠭᠡᠢ᠂ ᠮᠦᠮᠦ ᠪᠠᠨ ᠨᠠᠰᠤᠨ | ᠲᠤᠷᠰᠢᠳᠠ ᠪᠠᠶᠢᠬᠤ ᠶᠤᠮ ᠰᠢᠬ ᠪᠤᠳᠤᠳᠠᠭ ᠠᠴᠠ ᠶᠠᠭᠤ ᠴᠦ ᠦᠯᠡᠳᠡᠭᠡᠵᠦ ᠬᠤᠴᠤᠷᠤᠭᠰᠠᠨ ᠦᠭᠡᠢ᠃ ᠮᠦᠮᠦ ᠶᠡᠭᠡ ᠰᠤᠨᠢᠨ ᠬᠤᠭᠤᠯᠠᠢ ᠲᠠᠢ᠂ ᠶᠠᠭ ᠬᠠᠵᠠᠭᠤ ᠳᠤ | ᠰᠠᠭᠤᠭᠠᠳ ᠲᠠᠭᠤᠯᠠᠵᠦ ᠪᠠᠶᠢᠬᠤ ᠳᠤ ᠠᠶᠠᠷ ᠬᠤᠯᠠ ᠰᠤᠨᠤᠰᠳᠠᠵᠦ᠂ ᠵᠠᠷᠢᠮ ᠳᠠᠭᠠᠨ ᠤᠢᠢᠷᠠᠳᠴᠦ᠂ ᠵᠠᠷᠢᠮ ᠳᠠᠭᠠᠨ ᠬᠤᠯᠠᠳᠴᠦ ᠪᠠᠶᠢᠬᠤ ᠰᠢᠬ ᠲᠠᠭᠤᠯᠠᠳᠠᠭ ᠪᠠᠶᠢᠯᠠ᠃ | ︽ᠲᠡᠭᠡᠷᠠ ᠵᠠᠭᠤᠨ ᠤ ᠲᠠᠪᠢᠭᠠᠳ ᠤᠨ ᠳᠤ ᠭᠠᠨᠵᠤᠤᠷ ᠴᠤᠭᠯᠠᠭᠠᠨ ᠲᠡᠭᠡᠷᠠ ᠲᠠᠭᠤᠯᠠᠭᠤᠯᠤᠨᠠ ᠭᠡᠵᠦ ᠠᠪᠠᠴᠢᠭᠰᠠᠨ ᠳᠤ ᠲᠠᠶᠢᠰᠠᠨ ᠲᠡᠭᠡᠷᠠ ᠭᠠᠷᠤᠮᠠᠭᠴᠠ | ᠰᠠᠨᠳᠤᠷᠴᠦ ᠪᠡᠶᠠ ᠨᠢ ᠰᠠᠯᠭᠠᠨᠠᠵᠦ᠂ ᠬᠤᠭᠤᠯᠠᠢ ᠨᠢ ᠲᠠᠭ ᠪᠤᠯᠤᠭᠠᠳ ᠨᠢᠭᠤᠷ ᠢᠶᠠᠨ ᠪᠠᠷᠠᠵᠦ ᠵᠤᠭᠰᠤᠭᠠᠳ ᠪᠠᠭᠤᠴᠢᠬᠠᠭᠰᠠᠨ ᠶᠤᠮ᠃ ᠪᠢ ᠦᠪᠡᠷ ᠤᠨ ᠠᠵᠠ ᠪᠠᠨ | ᠦᠪᠡᠷ ᠢᠶᠠᠨ ᠬᠤᠭᠤᠯᠤᠭᠰᠠᠨ ᠠᠮᠢᠳᠠᠨ ᠡ᠃ ᠲᠡᠷᠡ ᠨᠠᠭᠠᠳᠤᠮ ᠲᠡᠭᠡᠷᠠ ᠪᠤᠶᠠᠨᠳᠡᠯᠭᠡᠷ ᠲᠠᠭᠤᠯᠠᠭᠠᠳ ᠯᠡ ᠬᠤᠯᠡ ᠶᠠᠪᠤᠭᠰᠠᠨ ᠶᠤᠮ᠃ ᠪᠢ ᠲᠠᠭᠤᠯᠠᠭᠰᠠᠨ ᠪᠤᠯ ᠪᠠᠰᠠ | ᠶᠠᠪᠤᠬᠤ ᠴᠦ ᠮᠠᠭᠠᠳ ᠦᠭᠡᠢ︾ ᠭᠡᠵᠦ ᠬᠤᠵᠢᠮ ᠪᠤᠯᠳᠠᠯᠠ ᠶᠠᠷᠢᠳᠠᠭ ᠪᠠᠶᠢᠯᠠ᠃ | 1982 ᠤᠨ ᠳᠤ ᠭᠠ᠊ · ᠪᠠᠷᠬᠠ ᠭᠤᠸᠠᠢ ᠰᠢᠨᠠ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠤᠷᠳᠤᠨ ᠤ ᠲᠠᠷᠤᠭᠠ ᠪᠠᠶᠢᠬᠤ ᠳᠠᠭᠠᠨ ᠮᠠᠨ ᠤ ᠮᠦᠮᠦ᠂ | ᠶᠦᠮᠵᠡᠳ ᠡᠵᠢ᠂ ᠨᠠᠮᠰᠠᠷᠠᠢ ᠶᠢᠨ ᠬᠦᠭᠰᠢᠨ᠂ ᠪᠡᠭᠽᠠᠵᠠᠪ ᠤᠨ ᠬᠦᠭᠰᠢᠨ ᠵᠡᠷᠭᠡ ᠨᠠᠰᠤᠳᠠᠶᠢᠴᠤᠳ ᠢ ᠰᠤᠶᠤᠯ ᠤᠨ ᠤᠷᠳᠤᠨ ᠳᠤ ᠠᠪᠠᠴᠢᠵᠦ᠂ ᠤᠷᠳᠦ ᠶᠢᠨ ᠲᠠᠭᠤᠤ | ᠲᠠᠭᠤᠯᠠᠭᠤᠯᠵᠦ᠂ ᠵᠡᠭᠡᠷᠡᠩᠭᠡᠢ ᠪᠦᠭᠡᠷᠡᠩᠭᠡᠢ ᠪᠦᠵᠢᠭ ᠪᠦᠵᠢᠭᠯᠡᠬᠦᠯᠵᠦ᠂ ᠲᠠᠭᠤᠤ ᠶᠢ ᠨᠢ ᠰᠢᠩᠭᠡᠭᠡᠵᠦ᠂ ᠠᠪᠠᠭᠠᠢ ᠲᠡᠪᠡᠯ᠂ ᠤᠤᠵᠢ ᠶᠢ ᠰᠡᠷᠬᠦᠭᠡᠨ ᠤᠶᠤᠭᠤᠯᠵᠦ᠂ | ᠰᠡᠬᠦᠳᠡᠷ ᠵᠢᠷᠤᠭ ᠠᠪᠴᠦ ᠪᠠᠶᠢᠭᠰᠠᠨ ᠶᠤᠮ᠃ ᠪᠤᠳᠤᠬᠤ ᠳᠤ ᠲᠡᠷᠡ ᠦᠶᠠ ᠶᠢᠨ ᠮᠠᠲ᠋ᠧᠷᠢᠶᠠᠯ ᠪᠠᠶᠢᠪᠠᠯ ᠲᠠᠭᠠᠷᠠᠬᠤ ᠶᠤᠮ ᠳ᠋ᠠ᠃ | ᠮᠢᠨᠦ ᠮᠦᠮᠦ ᠶᠡᠭᠡ ᠠᠯᠢᠶᠠ ᠱᠤᠭᠴᠢ ᠬᠦᠮᠦᠨ᠃ ᠦᠭᠡ ᠶᠠᠷᠢᠬᠤ ᠪᠤᠯᠭᠠᠨ ᠳᠤᠨᠢ ᠬᠦᠮᠦᠰ ᠢᠨᠢᠶᠡᠳᠡᠭ᠃ ᠬᠦᠮᠦᠨ ᠢ ᠢᠨᠢᠶᠡᠯᠭᠡᠴᠢᠭᠡᠭᠡᠳ ᠦᠪᠡᠷ ᠢᠶᠠᠨ | ᠶᠠᠭᠠᠬᠢᠭᠠ ᠴᠦ ᠦᠭᠡᠢ ᠶᠤᠮ ᠰᠢᠭ ᠰᠠᠭᠤᠳᠠᠭ᠃ ᠬᠦᠮᠦᠨ ᠤ ᠦᠭᠡ ᠶᠢ ᠲᠠᠭᠤᠷᠢᠶᠠᠵᠦ ᠶᠠᠭ ᠲᠡᠷᠡ ᠬᠦᠮᠦᠨ ᠰᠢᠭ ᠶᠠᠷᠢᠨᠠ᠃ ᠨᠢᠭᠤᠷ ᠢ ᠨᠢ ᠬᠠᠷᠠᠬᠤ ᠦᠭᠡᠢ ᠪᠤᠯ | ᠶᠠᠭ ᠯᠡ ᠲᠡᠷᠡ ᠬᠦᠮᠦᠨ ᠭᠡᠵᠦ ᠪᠤᠳᠤᠨᠠ᠃ ᠬᠦᠮᠦᠨ ᠤ ᠠᠯᠬᠤᠵᠦ ᠬᠢᠰᠬᠢᠬᠦ ᠶᠢ ᠬᠦᠷᠳᠡᠯᠠ ᠶᠠᠭ ᠠᠳᠠᠯᠢᠬᠠᠨ ᠲᠠᠭᠤᠷᠢᠶᠠᠨᠠ᠃ ᠤᠳᠦ ᠪᠠᠶᠢᠭᠰᠠᠨ ᠪᠤᠯ ᠰᠠᠶᠢᠨ | ᠲᠠᠭᠤᠴᠢᠨ᠂ ᠠᠯᠢᠶᠠᠯᠠᠭᠴᠢ᠂ ᠠᠪᠢᠶᠠᠯᠠᠭᠴᠢ ᠪᠠᠶᠢᠬᠤ ᠶᠤᠮᠰᠠᠨ ᠳ᠋ᠠ᠃ ᠪᠠᠰᠠ ᠶᠡᠭᠡ ᠤᠷᠠᠨ᠂ ᠠᠵᠦ ᠲᠠᠢ ᠬᠦᠮᠦᠨ ᠪᠠᠶᠢᠯᠠ᠃ ︽ᠮᠠᠭᠤ ᠶᠠᠭᠤᠮᠠ ᠶᠢ ᠰᠠᠶᠢᠨ | ᠪᠤᠯᠭᠠᠨᠠ᠂ ᠮᠠᠭᠤᠬᠠᠢ ᠶᠠᠭᠤᠮᠠ ᠶᠢ ᠰᠠᠶᠢᠬᠠᠨ ᠬᠢᠵᠦ ᠪᠠᠢ︾ ᠭᠡᠵᠦ ᠨᠠᠳᠠ ᠲᠠᠩᠳᠠ ᠵᠠᠬᠢᠳᠠᠭ ᠪᠠᠶᠢᠯᠠ᠃ ᠪᠠᠷᠤᠭ ᠲᠠᠯᠠ ᠰᠢᠬᠠᠭᠠᠳ ᠲᠠᠮᠤᠭᠰᠠᠨ ᠡᠪᠡᠷᠵᠢᠶᠠ᠂ | ᠪᠦᠰᠡᠯᠡᠬᠦᠷ᠂ ᠵᠡᠬᠦᠦ ᠶᠢᠨ ᠬᠠᠳᠬᠤᠭᠤᠷ ᠨᠢ ᠤᠳᠦ ᠪᠤᠯᠳᠠᠯᠠ ᠪᠤᠢ᠃ | ᠮᠢᠨᠦ ᠮᠦᠮᠦ ᠶᠡᠭᠡ ᠰᠠᠷᠬᠦᠯᠡᠩ᠂ ᠬᠤᠯᠠ ᠶᠢᠨ ᠪᠤᠳᠤᠯ ᠲᠠᠢ ᠬᠦᠮᠦᠨ᠃ ᠠᠪᠤ ᠠᠬᠠ ᠬᠤᠶᠠᠷ ᠨᠠᠰᠦ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠵᠢᠷᠠ ᠰᠢᠬᠠᠭᠰᠠᠨ ᠪᠠᠶᠢᠳᠠᠯᠠ | ᠭᠤᠯᠤᠮᠳᠠ ᠵᠠᠯᠭᠠᠭᠤᠯᠬᠤ ᠬᠦᠦ ᠲᠡᠵᠢᠭᠡᠨᠠ ᠭᠡᠬᠦ ᠳᠤᠨᠢ ᠪᠢ ︽ᠶᠠᠭᠠᠬᠢᠬᠤ ᠴᠦ ᠶᠤᠮ ᠳ᠋ᠠ᠂ ᠲᠡᠬᠦᠨ ᠤ ᠡᠴᠦᠰ ᠲᠤ ᠬᠦᠷᠬᠦ ᠳᠤ ᠶᠤᠮ ᠪᠢᠰᠢ︾ ᠭᠡᠵᠦ ᠰᠠᠨᠠᠳᠠᠭ | ᠪᠠᠶᠢᠯ ᠠ᠃ ᠤᠳᠦ ᠪᠤᠳᠤᠬᠤ ᠳᠤ ᠲᠡᠷᠡ ᠨᠢ ᠦᠪᠡᠷ ᠤᠨ ᠪᠡᠶᠠ ᠪᠠᠨ ᠪᠤᠳᠤᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠦᠡᠭᠭᠡᠷᠡᠭᠰᠡᠨ ᠨᠦᠬᠦᠷ᠂ ᠬᠦᠦ ᠬᠤᠶᠠᠷ ᠤᠨ ᠢᠶᠠᠨ ᠭᠤᠯᠤᠮᠳᠠ᠂ | ᠦᠯᠡᠳᠡᠵᠦ ᠪᠠᠶᠢᠭᠠ ᠨᠠᠮᠠᠢᠢ ᠪᠤᠳᠤᠭᠰᠠᠨ ᠶᠤᠮ ᠪᠠᠶᠢᠨᠠ ᠳ᠋ᠠ᠂ ᠬᠦᠭᠡᠷᠦᠭᠦᠢ᠃ ᠲᠡᠭᠡᠭᠡᠳ ᠴᠠᠷᠠᠨᠳᠤᠷᠵᠢ ᠪᠠᠪᠠᠢ ᠶᠢᠨ ᠬᠤᠶᠠᠳᠤᠭᠠᠷ ᠬᠦᠦ ᠵᠢᠷᠤᠮᠳᠦ ᠶᠢ ᠦᠷᠡᠴᠢᠯᠡᠨ | ᠲᠡᠵᠢᠭᠡᠵᠦ ᠨᠠᠳᠠ ᠲᠦᠷᠬᠦᠮ ᠲᠠᠢ ᠪᠤᠯᠭᠠᠭᠰᠠᠨ ᠶᠤᠮ᠃ | ᠪᠠᠰᠠ ᠤᠯᠠᠨ ᠬᠡᠤᠬᠡᠳ ᠢ ᠭᠡᠷ ᠲᠡᠭᠡᠨ ᠠᠪᠴᠢᠷᠠᠨ ᠲᠡᠵᠢᠭᠡᠵᠦ᠂ ᠪᠡᠶᠠ ᠳᠡᠭᠡᠨ ᠲᠠᠭᠠᠭᠤᠯᠵᠦ ᠶᠠᠪᠤᠳᠠᠭ ᠪᠠᠶᠢᠯᠠ᠃ ᠰᠠᠷᠠᠨᠠ᠂ ᠤᠶᠤᠨ᠂ ᠲᠤᠯᠭᠠᠷᠮᠠ ᠭᠡᠳ | ᠮᠦᠮᠦ ᠪᠠᠷᠤᠭ ᠪᠦᠬᠦᠳᠡ ᠶᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠬᠦ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠰᠠᠨ᠂ ᠦᠪᠡᠷ ᠤᠨ ᠬᠡᠤᠬᠡᠳ ᠰᠢᠭ ᠢᠶᠠᠨ ᠰᠠᠨᠠᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠨᠡᠩ ᠢᠯᠡᠬᠦᠦ | ᠠᠴᠢ ᠦᠬᠢᠨ ᠰᠠᠷᠠᠨᠠ ᠶᠢ 8 ᠰᠠᠷᠠ ᠲᠠᠢ ᠲᠡᠵᠢᠭᠡᠵᠦ᠂ ᠠᠮᠢᠨ ᠭᠤᠤᠯ ᠰᠢᠬ ᠢᠶᠠᠨ ᠬᠠᠶᠢᠷᠠᠯᠠᠵᠦ ᠰᠠᠨᠠᠳᠠᠭ ᠪᠠᠶᠢᠯᠠ᠃ ᠦᠪᠡᠷ ᠢᠶᠠᠨ ᠨᠠᠰᠦ ᠠᠬᠢᠵᠦ᠂ ᠶᠠᠳᠠᠷᠠᠵᠦ | ᠵᠦᠳᠡᠷᠡᠵᠦ ᠪᠠᠶᠢᠭᠰᠠᠨ ᠴᠦ ᠬᠤᠵᠢᠮ ᠮᠢᠨᠦ ᠭᠠᠭᠴᠠ ᠦᠬᠢᠨ ᠳᠤ ᠮᠢᠨᠢ ᠬᠠᠨᠢ ᠲᠦᠰᠢᠭ ᠪᠤᠯᠬᠤ ᠶᠤᠮ ᠯᠡ ᠭᠡᠵᠦ ᠰᠠᠨᠠᠭᠰᠠᠨ ᠪᠠᠶᠢᠬᠠ ᠳ᠋ᠠ᠂ ᠬᠦᠭᠡᠷᠦᠭᠦᠢ︕ | ᠪᠢ ᠡᠵᠢ ᠪᠠᠨ ᠶᠡᠭᠡ ᠮᠡᠷᠭᠡᠨ᠂ ᠵᠢᠷᠤᠬᠠᠢᠢᠴᠢ ᠬᠦᠮᠦᠨ ᠭᠡᠵᠦ ᠰᠠᠨᠠᠭᠰᠠᠨ ᠶᠤᠮ᠃ 1987 ᠤᠨ ᠤ ᠵᠤᠨ ᠪᠢ ᠬᠦᠬᠡᠬᠤᠳᠠ ᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠭᠠᠳ | ᠢᠷᠡᠬᠦ ᠳᠤ ︽ᠪᠢ ᠪᠤᠷᠬᠠᠨ ᠢᠶᠠᠨ ᠰᠦᠮᠠ ᠳᠤ ᠡᠷᠬᠦᠭᠰᠡᠨ᠂ ᠨᠢᠭᠡ ᠯᠡ ᠴᠦᠬᠦᠴᠡ ᠦᠯᠡᠳᠡᠭᠰᠡᠨ᠃ ᠨᠠᠮᠠᠢᠢ ᠦᠬᠦᠪᠡᠯ ᠬᠡᠳᠦᠨ ᠬᠤᠨᠤᠭ ᠵᠤᠯᠠ ᠪᠠᠷᠢᠭᠠᠷᠠᠢ᠃ ᠪᠢ | ᠮᠠᠭᠤ ᠬᠤᠪᠴᠠᠰᠦ ᠬᠤᠨᠠᠷ ᠢᠶᠠᠨ ᠪᠦᠬᠦᠨ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ᠃ ᠮᠢᠨᠦ ᠨᠤᠪᠰᠢ ᠭᠡᠵᠦ ᠪᠠᠶᠢᠬᠤ ᠦᠭᠡᠢ︾ ᠭᠡᠬᠦ ᠳᠤ ᠪᠢ᠄ ︽ᠲᠡᠷᠡ ᠴᠠᠭᠠᠨ ᠤᠭᠤᠳᠠ ᠲᠠᠢ ᠲᠠᠨ ᠤ | ᠶᠠᠭᠤᠮᠠ ᠳ᠋ᠠ︾ ᠭᠡᠬᠦ ᠳᠤ ︽ᠲᠡᠷᠡ ᠬᠡᠳᠦᠨ ᠡᠪᠡᠷᠵᠢᠶᠠ᠂ ᠪᠦᠰᠡᠯᠡᠬᠦᠷ ᠪᠠᠶᠢᠭᠠ᠃ ᠡᠨᠡ ᠴᠠᠭᠠᠨ ᠢᠰᠡᠭᠡᠢ ᠲᠡᠭᠡᠷᠠ ᠬᠦᠭᠡ ᠪᠦᠰ ᠰᠢᠳᠡᠭᠡᠳ ᠨᠠᠮᠠᠢᠢ | ᠤᠷᠤᠰᠢᠭᠤᠯᠬᠤ ᠳᠤ ᠬᠡᠷᠡᠭᠯᠡᠭᠡᠷᠡᠢ︾ ᠭᠡᠬᠦ ᠳᠤ ᠪᠢ ᠶᠠᠭᠤ ᠴᠦ ᠪᠤᠳᠤᠵᠦ ᠮᠡᠳᠡᠬᠦ ᠦᠭᠡᠢ᠂ ᠤᠭᠳᠦ ᠬᠠᠮᠢᠶᠠ ᠦᠭᠡᠢ ᠪᠠᠶᠢᠭᠠᠳ ᠶᠠᠭᠤᠨ ᠤ ᠬᠤᠵᠢᠮ ᠤᠨ | ᠶᠠᠪᠤᠳᠠᠯ ᠢᠶᠠᠨ ᠬᠡᠯᠡᠵᠦ ᠪᠠᠶᠢᠭᠠ ᠶᠤᠮ ᠭᠡᠰᠡᠨ ᠰᠢᠭ ᠯᠡ ᠰᠠᠨᠠᠵᠦ ᠪᠠᠶᠢᠯᠠ᠃ ᠲᠡᠮᠡᠢ ᠭᠡᠳᠦᠨ ᠡᠳᠦᠷ ᠪᠤᠯᠤᠭᠰᠠᠨ ᠦᠭᠡᠢ᠂ ᠡᠷᠳᠡ ᠴᠠᠢ ᠶᠢᠨ ᠲᠡᠭᠡᠵᠢ ᠪᠠᠨ ᠡᠷᠬᠦᠵᠦ᠂ | ᠤᠷᠤᠢ ᠬᠤᠭᠤᠯᠠ ᠪᠠᠨ ᠢᠳᠡᠵᠦ ᠨᠠᠶᠢᠵᠠ ᠲᠡᠬᠦᠦ ᠬᠡᠤᠬᠡᠨ ᠪᠤᠯᠬᠤ ᠰᠧᠠᠳᠡᠵᠠᠪ ᠡᠵᠢ ᠲᠠᠢ ᠶᠠᠷᠢᠵᠦ ᠬᠦᠭᠡᠷᠦᠯᠳᠦᠵᠦ ᠭᠠᠷᠭᠠᠵᠦ ᠦᠭᠬᠦᠭᠡᠳ᠂ ᠡᠷᠬᠢᠵᠦ ᠤᠷᠤᠭᠠᠳ | ᠤᠷᠤᠨ ᠳᠠᠭᠠᠨ ᠤᠨᠳᠠᠭᠠᠳ ᠦᠨᠢ ᠮᠦᠡᠭᠭᠡ ᠨᠦᠢᠷᠰᠤᠭᠰᠠᠨ᠃ ᠪᠤᠶᠠᠨᠳᠠᠢ ᠬᠦᠮᠦᠨ ᠶᠤᠮ ᠳ᠋ᠠ᠂ ᠮᠢᠨᠦ ᠮᠦᠮᠦ᠃ ᠬᠦᠮᠦᠨ ᠪᠤᠯᠭᠠᠨ ᠬᠡᠵᠢᠶᠠ ᠶᠠᠭᠠᠬᠢᠵᠦ ᠶᠠᠪᠤᠬᠤ ᠪᠠᠨ | ᠮᠡᠳᠡᠳᠡᠭ ᠦᠭᠡᠢ᠃ ᠪᠤᠶᠠᠨ ᠤ ᠦᠢᠯᠡ ᠶᠡᠭᠡ ᠬᠢᠭᠰᠡᠨ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ ᠬᠦᠮᠦᠨ ᠦᠡᠭᠭᠡᠷᠡᠬᠦ ᠳᠡᠭᠡᠨ ᠶᠠᠮᠠᠷ ᠴᠦ ᠵᠤᠪᠠᠯᠠᠩ ᠦᠭᠡᠢ᠂ ᠦᠪᠡᠷ ᠤᠨ | ᠰᠠᠨᠠᠭᠰᠠᠨ ᠢᠶᠠᠷ ᠦᠡᠭᠭᠡᠷᠡᠳᠡᠭ᠃ ᠶᠠᠪᠤᠨᠠ ᠭᠡᠳᠡᠭ ᠢᠶᠠᠨ ᠤᠷᠢᠳᠴᠢᠯᠠᠨ ᠮᠡᠳᠡᠳᠡᠭ ᠶᠤᠮ ᠪᠠᠶᠢᠬᠠ ᠳ᠋ᠠ᠃ ᠪᠢ ᠡᠵᠢ ᠪᠠᠨ ᠬᠡᠵᠢᠶᠡᠳᠡ ᠵᠠᠯᠠᠭᠤᠬᠠᠨ ᠶᠤᠮ ᠰᠢᠬ ᠰᠠᠨᠠᠵᠦ | ᠂ ᠭᠠᠭᠴᠠ ᠴᠦ ᠦᠷᠯᠦᠭᠡ ᠡᠵᠢ ᠳᠡᠭᠡᠨ ᠰᠠᠶᠢᠬᠠᠨ ᠴᠠᠢ ᠤᠤᠭᠤᠯᠭᠠᠵᠦ᠂ ᠭᠠᠭᠴᠠ ᠴᠦ ᠰᠠᠶᠢᠬᠠᠨ ᠦᠭᠡ ᠪᠠᠷ ᠡᠵᠢ ᠪᠠᠨ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠦᠭᠡᠢ | ᠶᠠᠪᠤᠭᠤᠯᠤᠭᠰᠠᠨ ᠮᠠᠭᠤᠬᠠᠢ ᠠᠮᠢᠳᠠᠨ ᠶᠤᠮ᠃ ᠬᠤᠵᠢᠮ ᠤᠨ ᠬᠦᠮᠦᠰ ᠲᠤ ᠵᠠᠬᠢᠬᠤ ᠨᠢ ᠬᠦᠮᠦᠨ ᠪᠦᠬᠦᠨ ᠡᠵᠢ ᠪᠠᠨ ᠪᠠᠶᠠᠷᠯᠠᠭᠤᠯᠵᠦ ᠶᠠᠪᠤᠭᠠᠷᠠᠢ ᠭᠡᠵᠦ ᠬᠡᠯᠡᠶᠠ᠃ | ᠮᠢᠨᠦ ᠡᠵᠢ ᠵᠤᠨ ᠤᠯᠠᠨ ᠤ ᠬᠠᠶᠢᠷᠠ ᠶᠢ ᠲᠠᠳᠠᠭᠰᠠᠨ᠂ ᠵᠤᠨᠰᠠᠭ᠂ ᠦᠭᠯᠢᠭᠡᠴᠢ ᠬᠦᠮᠦᠨ ᠶᠠᠪᠤᠭᠰᠠᠨ ᠶᠤᠮ᠃ ᠰᠠᠶᠢᠬᠠᠨ ᠴᠠᠢ᠂ ᠰᠠᠶᠢᠬᠠᠨ ᠬᠤᠭᠤᠯᠠ ᠬᠢᠪᠡᠯ | ᠲᠦᠮᠡᠨ ᠤᠯᠠᠨ ᠲᠠᠢ ᠬᠤᠪᠢᠶᠠᠯᠴᠠᠶᠠ ᠯᠡ ᠭᠡᠵᠦ ᠪᠤᠳᠤᠳᠠᠭ᠃ ᠨᠠᠮᠠᠢᠢ ︽ᠦᠷᠬᠦᠯᠵᠢ ᠬᠦᠮᠦᠨ ᠳᠤ ᠶᠠᠭᠤᠮᠠ ᠦᠭᠴᠦ ᠪᠠᠢ᠃ ᠬᠦᠮᠦᠨ ᠤ ᠰᠠᠪᠠ ᠶᠢ ᠬᠤᠭᠤᠰᠤᠨ | ᠪᠤᠦ ᠶᠠᠪᠤᠭᠤᠯ︕ ᠬᠦᠮᠦᠨ ᠳᠤ ᠶᠠᠭᠤᠮᠠ ᠦᠭᠬᠦ ᠦᠭᠡᠢ ᠬᠦᠮᠦᠨ᠂ ᠬᠦᠮᠦᠨ ᠠᠴᠠ ᠶᠠᠭᠤᠮᠠ ᠤᠯᠳᠠᠭ ᠦᠭᠡᠢ ᠶᠤᠮ᠃ ᠬᠦᠮᠦᠨ ᠠᠴᠠ ᠶᠠᠭᠤᠮᠠ ᠤᠯᠤᠶᠠ ᠭᠡᠪᠡᠯ | ᠬᠦᠮᠦᠨ ᠳᠤ ᠶᠠᠭᠤᠮᠠ ᠦᠭᠴᠦ ᠪᠠᠢ︾ ᠭᠡᠵᠦ ᠲᠠᠩᠳᠠ ᠵᠠᠬᠢᠳᠠᠭ ᠪᠠᠶᠢᠯᠠ᠃ | ᠮᠢᠨᠦ ᠮᠦᠮᠦ ᠬᠦᠳᠡᠯᠮᠦᠷᠢ ᠪᠠᠷᠢᠭᠠᠳᠠ ᠶᠢᠨ ᠮᠠᠯ ᠢ ᠦᠰᠭᠡᠨ ᠦᠷᠡᠵᠢᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠪᠡᠶᠠ ᠰᠡᠳᠭᠢᠯ ᠬᠤᠶᠠᠷ ᠢᠶᠠᠨ ᠬᠠᠷᠠᠮ ᠦᠭᠡᠢ ᠵᠤᠷᠢᠭᠤᠯᠤᠭᠰᠠᠨ | ᠶᠡᠭᠡ ᠬᠦᠳᠡᠯᠮᠦᠷᠢᠴᠢ ᠬᠦᠮᠦᠨ᠃ ᠬᠠᠳᠤᠯᠠᠩ ᠤᠨ ᠲᠤᠭᠤᠭᠠ ᠪᠠᠷᠢᠬᠤ᠂ ᠰᠠᠭᠠᠯᠢᠴᠢᠨ᠂ ᠬᠤᠨᠢ ᠬᠠᠶᠢᠴᠢᠯᠠᠬᠤ᠂ ᠤᠯᠠᠨ ᠨᠡᠶᠢᠳᠡ ᠶᠢᠨ ᠠᠵᠢᠯ ᠢ ᠦᠪᠡᠷ ᠤᠨ ᠶᠤᠮ | ᠰᠢᠭ ᠬᠢᠳᠡᠭ ᠪᠤᠯᠬᠤᠷ ᠪᠠᠷᠢᠭᠠᠳᠠ ᠨᠡᠶᠢᠳᠡ ᠠᠴᠠ ᠤᠯᠠᠨ ᠤᠳᠠᠭᠠ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ ᠤᠯᠵᠦ ᠪᠠᠶᠢᠭᠰᠠᠨ᠃ ᠲᠡᠭᠡᠷᠠ ᠵᠠᠭᠤᠨ ᠤ ᠲᠠᠯᠠᠭᠠᠳ ᠤᠨ ᠳᠤ ᠬᠠᠳᠤᠯᠠᠩ | ᠲᠡᠭᠡᠷᠠ ᠠᠵᠢᠯᠯᠠᠭᠠᠳ ᠱᠠᠩᠨᠠᠭᠤᠯᠤᠭᠰᠠᠨ ᠱᠠᠩᠨᠠᠯ ᠤᠨ ᠫᠢᠯᠡ ᠨᠢ ᠤᠳᠦ ᠪᠤᠯᠳᠠᠯᠠ ᠨᠠᠳᠠ ᠪᠤᠢ᠃ | ᠮᠢᠨᠦ ᠮᠦᠮᠦ ᠦᠷᠬᠦᠯᠵᠢ᠄ ᠡᠷᠳᠡᠨᠢ ᠠᠭᠤᠯᠠ ᠶᠢᠨ ᠪᠠᠷᠠ ᠢᠯᠡᠭᠡᠨ ᠲᠤᠳᠤᠷᠬᠠᠢ ᠬᠠᠷᠠᠭᠳᠠᠨᠠ᠂ ᠡᠶᠢᠮᠦ ᠯᠡ ᠤᠢᠢᠷᠠᠬᠠᠨ ᠪᠠᠶᠢᠳᠠᠯᠠ ᠡᠷᠬᠢᠵᠦ ᠯᠡ ᠢᠷᠡᠬᠦ ᠨᠢ | ᠶᠠᠭᠠᠬᠢᠭᠠ ᠪᠤᠢ ᠭᠡᠵᠦ ᠲᠠᠭᠤᠯᠠᠳᠠᠭ ᠪᠠᠶᠢᠯᠠ᠃ ᠴᠠᠭ ᠰᠠᠶᠢᠬᠠᠨ ᠪᠤᠯᠵᠦ᠂ ᠲᠦᠷᠬᠦᠮ ᠤᠨ ᠬᠦᠮᠦᠨ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠶᠢ ᠶᠡᠭᠡ ᠬᠦᠰᠡᠭᠰᠡᠨ ᠪᠠᠶᠢᠬᠠ ᠳ᠋ᠠ᠃ | 1982 ᠤᠨ ᠤ ᠦᠶᠠ ᠳᠤ ᠨᠤᠳᠤᠭ ᠤᠨ ᠬᠦᠮᠦᠰ ᠤᠳᠠᠢ ᠳᠤ ᠤᠴᠢᠬᠤ ᠭᠡᠵᠦ ᠪᠠᠷᠤᠭ ᠪᠠᠶᠢᠭᠠ ᠦᠭᠡᠢ᠃ ᠮᠦᠮᠦ ᠪᠢᠳᠡᠨ ᠢ ᠲᠠᠭᠠᠭᠤᠯᠵᠦ ᠤᠳᠠᠢ ᠳᠤ | ᠤᠴᠢᠵᠦ᠂ ᠦᠡᠭᠭᠡᠷᠡᠭᠰᠡᠨ ᠤᠯᠠᠨ ᠬᠦᠮᠦᠰ ᠤᠨ ᠲᠦᠯᠦᠭᠡ ᠪᠤᠶᠠᠨ ᠤ ᠢᠷᠦᠭᠡᠯ ᠠᠪᠴᠦ᠂ ᠠᠮᠢᠳᠤ ᠶᠠᠪᠤᠭᠠ ᠬᠦᠮᠦᠰ ᠲᠡᠭᠡᠨ ᠠᠮᠢᠳᠦ ᠶᠢᠨ ᠢᠷᠦᠭᠡᠯ ᠠᠪᠴᠦ | ᠢᠷᠡᠭᠰᠡᠨ ᠶᠤᠮ᠃ ᠪᠢ ᠲᠡᠷᠡ ᠦᠶ ᠠ ᠳᠤ ᠠᠮᠢᠳᠦ ᠶᠢᠨ ᠢᠷᠦᠭᠡᠯ ᠠᠪᠳᠠᠭ ᠭᠡᠳᠡᠭ ᠢ ᠰᠠᠶ᠋ᠢ ᠮᠡᠳᠡᠭᠰᠡᠨ ᠪᠢᠯᠡ᠃ | ᠮᠢᠨᠦ ᠮᠦᠮᠦ ᠢᠡᠭᠬᠢᠵᠦ ᠯᠡ ᠬᠤᠮᠤᠬᠠᠢ ᠰᠢᠨᠤᠬᠠᠢ ᠰᠡᠳᠬᠢᠯ ᠢ ᠲᠠᠪᠴᠢᠵᠦ᠂ ᠠᠷᠢᠭᠤᠨ ᠰᠠᠶᠢᠬᠠᠨ ᠰᠠᠨᠠᠭᠠ ᠶᠢ ᠡᠪᠦᠷᠯᠡᠨ ᠠᠬᠠ ᠲᠡᠬᠦᠦ᠂ ᠠᠷᠠᠳ ᠤᠯᠠᠨ᠂ | ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠲᠦᠯᠦᠭᠡ ᠵᠤᠯᠠ ᠪᠠᠷᠢᠵᠦ ᠮᠠᠨᠢ ᠲᠤᠭᠠᠯᠠᠵᠦ᠂ ᠠᠮᠤᠷ ᠠᠮᠤᠭᠤᠯᠠᠩ ᠦᠨᠢ ᠮᠦᠡᠭᠭᠡ ᠨᠦᠢᠷᠰᠤᠭᠰᠠᠨ ᠪᠤᠶᠠᠨᠳᠠᠢ ᠨᠠᠰᠤᠳᠠᠨ ᠶᠤᠮ᠃ | ᠲᠤᠭᠤᠯᠵᠦ ᠢᠷᠡᠭᠰᠡᠨ ᠮᠢᠨᠦ ᠠᠮᠢᠳᠤᠷᠠᠯ | ᠪᠢ 1955 ᠤᠨ ᠳᠤ ᠰᠢᠨᠡᠪᠤᠯᠠᠭ ᠰᠤᠮᠤᠨ ᠤ ᠬᠦᠳᠡᠯᠮᠦᠷᠢ ᠪᠠᠷᠢᠭᠠᠳᠠ ᠶᠢᠨ ᠬᠠᠷᠭᠠᠨᠠ ᠬᠠᠯᠠ ᠶᠢᠨ ᠪᠠᠶᠠᠷᠳᠦ ᠶᠢᠨ ᠰᠧᠡᠭᠳᠡᠵᠠᠪ᠂ ᠭᠠᠯᠵᠤᠳ ᠬᠠᠯᠠ ᠶᠢᠨ | ᠨᠠᠮᠵᠢᠯ ᠤᠨ ᠵᠢᠪᠽᠡᠮᠠ ᠬᠤᠶᠠᠷ ᠤᠨ ᠭᠠᠭᠴᠠ ᠬᠡᠤᠬᠡᠨ ᠪᠤᠯᠵᠦ ᠵᠠᠶᠠᠭᠠᠵᠠᠢ᠃ | ᠪᠢ ᠨᠠᠶᠠᠨ ᠵᠢᠯ ᠤᠨ ᠡᠮᠦᠨᠠ ︽ᠡᠬᠦᠳᠡ ᠶᠢᠨ ᠵᠢᠷᠠᠩ ᠠᠴᠠ ᠨᠡᠬᠦᠭᠡᠳ — ᠦᠪᠡᠷ ᠤᠨ ᠢᠶᠠᠨ ᠨᠤᠳᠤᠭ ᠢᠶᠠᠨ ᠴᠢᠭᠯᠡᠬᠦᠯᠦᠶᠠ︾ ᠭᠡᠵᠦ ᠲᠠᠭᠤᠯᠠᠭᠰᠠᠭᠠᠷ | ᠡᠨᠡ ᠨᠤᠳᠤᠭ ᠲᠤ ᠬᠤᠶᠠᠳᠡᠬᠢ ᠤᠳᠠᠭᠠ ᠪᠠᠨ ᠨᠡᠬᠦᠵᠦ ᠢᠷᠡᠵᠦ ᠨᠤᠳᠤᠭᠰᠢᠭᠰᠠᠨ ᠮᠠᠯᠴᠢᠨ ᠲᠡᠭᠡᠳᠦᠰ ᠤᠨ ᠬᠤᠶᠢᠴᠢᠰ᠂ ᠪᠠᠷᠭᠤ ᠬᠦᠮᠦᠨ ᠪᠢᠯᠡ᠃ | ᠮᠢᠨᠦ ᠠᠪᠤ ᠨᠠᠮᠬᠠᠨ ᠪᠡᠶᠠ ᠲᠠᠢ᠂ ᠨᠠᠷᠠ ᠰᠠᠯᠬᠢ ᠰᠢᠩᠭᠡᠭᠰᠡᠨ ᠪᠤᠷᠦ ᠤᠯᠠᠭᠠᠨ ᠴᠢᠷᠠᠢ ᠲᠠᠢ ᠬᠦᠮᠦᠨ᠃ ᠠᠶᠢᠯ ᠬᠦᠷᠰᠢ᠂ ᠠᠬᠠ ᠲᠡᠬᠦᠦ᠂ ᠰᠠᠳᠤᠨ | ᠲᠦᠷᠦᠯ ᠢᠶᠠᠨ ᠮᠠᠯ ᠲᠠᠢ᠂ ᠬᠦᠮᠦᠨ ᠲᠠᠢ ᠨᠢ ᠬᠠᠷᠠᠵᠦ ᠬᠠᠪᠰᠤᠷᠴᠦ ᠬᠠᠮᠢᠶᠠᠷᠴᠦ ᠶᠠᠪᠤᠳᠠᠭ᠂ ᠬᠠᠮᠳᠤᠴᠢ ᠦᠵᠡᠯ ᠲᠠᠢ᠂ ᠬᠠᠰᠢᠷ ᠮᠠᠯᠴᠢᠨ᠂ ᠨᠤᠳᠤᠭᠴᠢᠨ᠂ | ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ᠂ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ᠂ ᠬᠦᠷᠦᠩᠭᠡ ᠬᠦᠴᠦ ᠬᠤᠶᠠᠷ ᠢᠶᠠᠨ ᠪᠠᠷᠢᠭᠠᠳᠠ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠮᠠᠯᠴᠢᠨ ᠬᠦᠮᠦᠨ ᠶᠤᠮ᠃ ︽ | ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠪᠤᠯᠵᠦ ᠨᠠᠰᠤᠯᠠᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ 54 ᠨᠠᠰᠤᠨ ᠳᠠᠭᠠᠨ ᠨᠢᠭᠡ ᠰᠦᠨᠢ ᠲᠡᠮᠡᠴᠡᠬᠦᠯᠵᠦ ᠶᠠᠪᠤᠭᠠᠳ ᠪᠤᠴᠠᠵᠦ ᠢᠷᠡᠭᠰᠡᠨ | ᠦᠭᠡᠢ᠃ ᠪᠢ ᠠᠪᠤ ᠳᠠᠭᠠᠨ ᠲᠡᠩᠳᠡᠬᠦᠦ ᠡᠷᠭᠡ ᠬᠡᠤᠬᠡᠳ ᠪᠠᠶᠢᠵᠠᠢ᠃ ᠠᠪᠤ ᠪᠠᠨ ᠠᠯᠳᠠᠭᠠᠳ ᠰᠡᠳᠬᠢᠯ ᠤᠨ ᠶᠡᠭᠡ ᠰᠢᠷᠬᠠ ᠤᠯᠤᠭᠰᠠᠨ ᠬᠦᠮᠦᠨ ᠪᠠᠶᠢᠵᠠᠢ᠃ ᠦᠷᠭᠡᠨ | ᠲᠦᠮᠡᠨ ᠤ ᠦᠷᠦᠭᠡᠯ ᠨᠢ ᠡᠷᠬᠦᠮᠡᠯ ᠦᠨᠦᠴᠢᠨ ᠬᠤᠶᠠᠷ ᠪᠠᠶᠢᠳᠠᠭᠴᠢᠯᠠᠨ ᠮᠢᠨᠦ ᠠᠪᠤ᠂ ᠠᠪᠠᠭᠠ ᠶᠢᠨ ᠳᠠᠭᠠᠨ ᠡᠷᠬᠦᠬᠦᠯᠦᠭᠰᠡᠨ ᠬᠡᠤᠬᠡᠳ ᠶᠤᠮ᠃ | ᠮᠢᠨᠦ ᠠᠪᠤ ᠶᠢ ᠲᠡᠵᠢᠭᠡᠭᠰᠡᠨ ᠡᠵᠢ ᠨᠢ ᠰᠧᠪᠡᠭ ᠭᠡᠵᠦ ᠬᠠᠯᠠ ᠦᠵᠡᠵᠦ᠂ ᠬᠠᠯᠠᠭᠤᠨ ᠴᠢᠯᠠᠭᠤ ᠲᠤᠯᠢᠶᠠᠭᠰᠠᠨ ᠬᠦᠮᠦᠨ ᠶᠤᠮ᠃ ᠬᠦᠮᠦᠨ ᠤ ᠦᠪᠡᠷ ᠤᠨ | ᠢᠯᠭᠠᠭᠠ ᠦᠭᠡᠢ ᠵᠠᠩᠨᠠᠵᠦ ᠵᠠᠩᠳᠤᠷᠴᠦ ᠵᠢᠭᠠᠪᠤᠷᠢᠯᠠᠵᠦ ᠶᠠᠪᠤᠳᠠᠭ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ ᠨᠠᠰᠤᠳᠠᠨ ᠪᠠᠶᠢᠯᠠ᠃ ᠦᠭᠡ ᠶᠢᠨ ᠡᠮᠦᠨᠠ ᠵᠠᠪᠠᠯ ᠵᠦᠢᠷ ᠰᠡᠴᠡᠨ ᠦᠭᠡ᠂ | ᠬᠤᠯᠪᠤᠭᠠ ᠬᠤᠷᠰᠢᠶᠠ ᠦᠭᠡ ᠬᠡᠷᠡᠭᠯᠡᠳᠡᠭ᠃ ᠵᠢᠱᠢᠶᠡᠯᠡᠪᠡᠯ᠂ ︽ᠪᠤᠶᠢᠷ ᠤᠨ ᠲᠡᠷᠭᠡᠳᠡ ᠤᠰᠦ ᠪᠠᠷ ᠲᠤᠳᠠᠵᠦ᠂ ᠪᠦᠭᠡᠰᠢᠷᠢ ᠶᠢᠨ ᠠᠳᠤᠭᠤᠨ ᠤ ᠲᠡᠷᠭᠡᠳᠡ | ᠠᠷᠭᠠᠯ ᠢᠶᠠᠷ ᠲᠤᠳᠠᠨᠠ ᠭᠡᠳᠡᠭ ᠮᠠᠨ ᠤ ᠳᠤ ᠢᠷᠡᠬᠦ ᠨᠢ ᠡ︾ ᠭᠡᠵᠦ ᠡᠵᠢ ᠳᠤ ᠰᠤᠨᠤᠰᠬᠠᠨᠠ᠃ ᠡᠨᠡ ᠪᠤᠯ ᠤᠰᠦ ᠠᠷᠭᠠᠯ ᠪᠠᠭᠠ ᠪᠤᠯᠤᠭᠰᠠᠨ ᠢ ᠮᠡᠳᠡᠭᠡᠯᠡᠵᠦ ᠪᠠᠶᠢᠭᠠ | ᠭᠡᠷᠡᠭ᠃ | ᠮᠠᠨ ᠤ ᠬᠢ ᠢᠵᠢᠢ ᠮᠡᠳᠡᠯ ᠲᠠᠢ ᠠᠶᠢᠯ ᠪᠤᠯᠤᠨᠠ᠃ ᠦᠷ ᠤᠨ ᠤᠨᠤᠨ ᠬᠡᠭᠡ ᠪᠠᠷ ᠪᠤᠰᠴᠦ᠂ ᠦᠳᠡᠰᠢ ᠶᠢᠨ ᠪᠦᠷᠦᠢ ᠲᠠᠰᠤᠷᠠᠳᠠᠯᠠ ᠭᠡᠷ ᠲᠤ ᠤᠷᠤᠬᠤ ᠬᠦᠮᠦᠨ | ᠦᠭᠡᠢ᠃ ᠢᠳᠡᠭᠡ ᠬᠤᠭᠤᠯᠠ ᠭᠡᠳᠡᠭ ᠢ ᠤᠷᠤᠢ ᠪᠦᠬᠦᠳᠡᠭᠡᠷ ᠴᠤᠭᠯᠠᠪᠠᠯ ᠰᠠᠶ᠋ᠢ ᠢᠳᠡᠨᠠ᠃ ᠤᠷᠤᠢ ᠶᠢᠨ ᠠᠵᠢᠯ ᠲᠠᠭᠤᠰᠤᠮᠠᠭᠴᠠ ᠢᠵᠢᠢ ᠨᠠᠳᠠ ᠦᠯᠢᠭᠡᠷ ᠶᠠᠷᠢᠵᠦ᠂ | ᠤᠨᠢᠰᠤᠭᠠ ᠲᠠᠭᠠᠯᠭᠠᠵᠦ᠂ ᠱᠠᠭᠠᠢ ᠬᠠᠷᠪᠤᠭᠤᠯᠵᠦ᠂ ᠲᠠᠭᠠ ᠪᠠᠷᠢᠭᠤᠯᠤᠨᠠ᠃ ᠲᠡᠷᠡ ᠡᠷᠢᠨ ᠤ ᠬᠡᠤᠬᠡᠳ ᠢᠡᠭᠬᠢᠭᠡᠳ ᠯᠡ ᠢᠵᠢᠢ ᠡᠪᠦᠭᠡ ᠶᠢᠨ ᠰᠤᠷᠭᠠᠯ ᠢᠶᠠᠷ | ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠦᠷᠢ ᠲᠠᠢ᠂ ᠲᠤᠭᠠᠨ ᠤ ᠤᠬᠠᠭᠠᠨ ᠢ ᠪᠦᠷᠢᠳᠦᠬᠦᠯᠳᠡᠭ ᠪᠠᠶᠢᠵᠠᠢ᠃ | ᠨᠠᠮᠠᠢᠢ ᠪᠠᠷᠤᠭ 4 — 5 ᠨᠠᠰᠤᠳᠠᠢ ᠳᠤ ᠭᠠᠷ ᠢ ᠨᠢ ᠨᠤᠭᠤᠷᠠᠭᠤᠯᠤᠨᠠ ᠭᠡᠳ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠭᠤᠷᠪᠠᠨ ᠤ ᠡᠳᠦᠷ ᠲᠤ ᠰᠢᠯᠪᠢ | ᠡᠮᠭᠡᠷᠢᠳᠦᠬᠦᠯᠵᠦ ᠤᠶᠤᠳᠠᠯ ᠡᠬᠢᠯᠡᠬᠦᠯᠦᠭᠰᠡᠨ ᠶᠤᠮ᠃ ᠭᠠᠯ ᠲᠦᠯᠡᠵᠦ ᠰᠤᠷᠤᠭᠰᠠᠨ ᠴᠦ ᠡᠷᠳᠡᠮ᠂ ᠭᠠᠳᠠᠰᠦ ᠰᠢᠭᠠᠵᠦ ᠰᠤᠷᠤᠭᠰᠠᠨ ᠴᠦ ᠡᠷᠳᠡᠮ ᠭᠡᠳ ᠨᠠᠳᠠ ᠪᠠᠷ | ᠶᠠᠭᠤ ᠶᠢ ᠴᠦ ᠬᠢᠯᠭᠡᠳᠡᠭ ᠪᠠᠶᠢᠯᠠ᠃ ︽ᠬᠦᠮᠦᠨ ᠪᠤᠯᠬᠤ ᠪᠠᠭᠠ ᠠᠴᠠ᠂ ᠬᠦᠯᠦᠭ ᠪᠤᠯᠬᠤ ᠤᠨᠠᠭᠠᠨ ᠠᠴᠠ︾ ᠭᠡᠳ ᠪᠠᠷᠤᠭ ᠭᠠᠷᠭᠠᠭᠤᠯ ︵ᠦᠨᠡᠰᠦᠨ ᠤ ᠰᠠᠪᠠ︶ | ᠲᠠᠭᠠᠭᠠᠬᠤ ᠦᠭᠡᠢ ᠪᠠᠶᠢᠬᠤ ᠳᠤ ᠦᠨᠡᠰᠦ ᠬᠤᠭ ᠬᠠᠶᠠᠭᠤᠯᠵᠦ᠂ ᠦᠨᠢᠶᠠ ᠲᠤᠭᠤᠯ ᠢᠪᠢᠯᠭᠡᠬᠦᠯᠵᠦ᠂ ᠬᠤᠨᠢ ᠬᠤᠷᠠᠭᠠ ᠪᠤᠴᠠᠭᠠᠯᠭᠠᠨᠠ᠃ ᠡᠷᠳᠡ ᠶᠢᠨ ᠴᠠᠭᠠᠨ | ᠰᠢᠬᠦᠳᠡᠷᠢ ᠳᠤ ᠬᠦᠯ ᠨᠢᠴᠦᠬᠦᠨ ᠬᠦᠶᠦᠯᠭᠡᠵᠦ᠂ ᠦᠨᠢᠶᠡᠨ ᠤ ᠬᠠᠯᠠᠭᠤᠨ ᠰᠢᠭᠡᠰᠦᠨ ᠳᠤ ᠬᠦᠯ ᠢᠶᠠᠨ ᠲᠤᠯᠠᠭᠠᠴᠠᠵᠦ ᠨᠢᠭᠡ ᠵᠢᠷᠭᠠᠨᠠ᠃ ᠠᠪᠤ ᠡᠵᠢ ᠬᠤᠶᠠᠷ ᠨᠠᠮᠠᠢᠢ | ᠦᠷᠦᠪᠳᠦᠵᠦ ᠬᠠᠶᠢᠷᠠᠯᠠᠪᠠᠯ ︽ᠬᠠᠶᠢᠷᠠ ᠨᠢ ᠲᠤᠳᠤᠷᠠ ᠪᠠᠨ᠂ ᠬᠠᠶᠢᠭ ᠨᠢ ᠭᠠᠳᠠᠨᠠ ᠪᠠᠨ︾ ᠭᠡᠵᠦ ᠵᠠᠩᠨᠠᠨᠠ᠃ | ᠮᠢᠨᠦ ᠢᠵᠢᠢ ᠭᠡᠨ ᠳᠤ ᠴᠦ ᠬᠠᠮᠢᠭᠠ ᠦᠭᠡᠢ ︽ᠤᠷᠤᠭᠤᠳᠠᠬᠤ ᠳᠤ ᠤᠨᠳᠠᠵᠦ ᠢᠳᠡᠬᠦ ᠬᠤᠶᠠᠷ᠂ ᠦᠭᠡᠳᠡᠯᠡᠬᠦ ᠳᠤ ᠰᠠᠨᠠᠬᠤ ᠰᠡᠷᠡᠬᠦ ᠬᠤᠶᠠᠷ᠂ ᠤᠨᠳᠠᠵᠦ | ᠢᠳᠡᠬᠦ ᠪᠠᠨ ᠬᠠᠰᠤᠵᠦ᠂ ᠠᠭᠤᠷᠯᠠᠵᠦ ᠪᠠᠴᠢᠮᠳᠠᠬᠤ ᠪᠠᠨ ᠲᠠᠪᠴᠢᠵᠦ᠂ ᠠᠭᠤᠴᠢᠯᠠᠵᠦ ᠪᠠᠭᠳᠠᠭᠠᠬᠤ ᠶᠢ ᠬᠢᠴᠢᠶᠡ︾ ᠭᠡᠵᠦ ᠵᠠᠬᠢᠵᠦ ᠯᠡ ᠰᠠᠭᠤᠳᠠᠭ ᠨᠢ ᠤᠳᠦ | ᠪᠤᠳᠤᠬᠤ ᠳᠤ ᠬᠦᠮᠦᠨ ᠰᠢᠭ ᠬᠦᠮᠦᠨ ᠶᠠᠪᠤᠬᠤ ᠶᠢᠨ ᠨᠠᠷᠢᠨ ᠤᠬᠠᠭᠠᠨ ᠢ ᠵᠢᠭᠠᠵᠦ ᠪᠠᠶᠢᠭᠰᠠᠨ ᠶᠤᠮ ᠪᠠᠶᠢᠵᠠᠢ ᠳ᠋ᠠ᠃ ︽ᠬᠦᠮᠦᠨ ᠤ ᠪᠤᠶᠠᠨ ᠵᠠᠶᠠᠭᠠ ᠭᠡᠳᠡᠭ ᠢ | ᠬᠦᠷᠦᠩᠭᠡ ᠮᠦᠡᠭᠬᠦ ᠪᠠᠷ ᠢᠯᠭᠠᠳᠠᠭ ᠦᠭᠡᠢ ᠶᠤᠮ᠃ ᠤᠳᠠᠰᠤᠨ ᠤ ᠴᠢᠨᠡᠭᠡᠨ ᠤᠯᠠᠭᠠᠨ ᠠᠮᠢ ᠲᠠᠰᠤᠷᠠᠬᠤ ᠳᠤ ᠢᠯᠭᠠᠷᠠᠳᠠᠭ ᠶᠤᠮ︾ ᠭᠡᠬᠦ ᠳᠤ ᠪᠢ ᠶᠡᠭᠡ ᠭᠠᠶᠢᠬᠠᠵᠦ᠂ | ᠦᠬᠦᠬᠦ ᠳᠤ ᠶᠠᠭᠤᠨ ᠦᠭᠡᠷᠠ ᠪᠠᠶᠢᠳᠠᠭ ᠶᠤᠮ ᠭᠡᠵᠦ ᠪᠤᠳᠤᠭᠳᠠᠳᠠᠭ ᠪᠠᠶᠢᠯᠠ᠃ | ᠮᠢᠨᠦ ᠢᠵᠢᠢ 80 ᠨᠠᠰᠤᠯᠠᠵᠦ᠂ ᠡᠪᠡᠳᠬᠦ ᠵᠤᠪᠠᠭ᠋ᠤ ᠵᠦᠢᠯ ᠦᠭᠡᠢ᠂ ᠤᠬᠠᠭᠠᠨ ᠰᠠᠨᠠᠭᠠ ᠰᠠᠷᠠᠭᠤᠯ ᠭᠡᠪ ᠲᠡᠭᠡᠨ ᠵᠠᠬᠢᠶᠠ ᠵᠢᠭᠠᠪᠤᠷᠢ ᠪᠠᠨ ᠪᠠᠭᠤᠯᠭᠠᠭᠰᠠᠭᠠᠷ | ᠪᠠᠶᠢᠵᠦ᠂ ᠯᠠᠮᠠ ᠬᠦᠦ ᠪᠠᠷ ᠢᠶᠠᠨ ᠲᠡᠪᠡᠷᠢᠬᠦᠯᠵᠦ᠂ ᠮᠢᠨᠦ ᠭᠠᠷ ᠠᠴᠠ ᠱᠦᠯᠦ ᠤᠤᠭᠤᠵᠦ ᠪᠠᠶᠢᠭᠠᠳ ᠰᠠᠵᠢᠴᠢᠬᠠᠭᠰᠠᠨ ᠬᠦᠮᠦᠨ ᠳ᠋ᠠ᠃ ᠡᠬᠦᠨ ᠢ ᠯᠡ ᠪᠤᠶᠠᠨ ᠲᠠᠢ | ᠬᠦᠮᠦᠨ ᠭᠡᠵᠦ ᠬᠡᠯᠡᠳᠡᠭ ᠶᠤᠮ ᠪᠠᠶᠢᠨᠠ ᠭᠡᠵᠦ ᠪᠢ ᠪᠤᠳᠤᠯᠠ᠃ ᠬᠦᠮᠦᠨ ᠰᠠᠶᠢᠬᠠᠨ ᠰᠡᠳᠬᠢᠯ ᠲᠠᠢ᠂ ᠬᠠᠷᠠ ᠮᠠᠭᠤ ᠰᠠᠨᠠᠭᠠ᠂ ᠬᠤᠪᠳᠤᠭ ᠰᠢᠨᠤᠬᠠᠢ ᠵᠠᠩ ᠦᠭᠡᠢ᠂ | ᠪᠠᠭᠠ ᠢᠳᠡᠵᠦ ᠪᠠᠭᠠ ᠤᠨᠳᠠᠵᠦ᠂ ᠶᠡᠭᠡ ᠬᠦᠳᠡᠯᠮᠦᠷᠢᠯᠡᠵᠦ ᠯᠡ ᠶᠠᠪᠤᠪᠠᠯ ᠡᠨᠡ ᠬᠦ ᠶᠡᠭᠡ ᠪᠤᠶᠠᠨ ᠢ ᠡᠳ᠋ᠯᠡᠳᠡᠭ ᠪᠠᠶᠢᠬᠠ ᠳ᠋ᠠ᠃ | ᠪᠢ ᠨᠢᠭᠡ ᠯᠡ ᠠᠬᠠ ᠲᠠᠢ᠃ ᡀᠠᠮᠤᠵᠠᠪ ᠭᠡᠳᠡᠭ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠶᠤᠯ ᠲᠠᠢ ᠪᠤᠯᠪᠠᠴᠦ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠬᠦᠰᠦᠭᠰᠡᠨ ᠨᠠᠳᠠ ᠠᠴᠠ ᠬᠤᠯᠠ | ᠢᠯᠡᠬᠦᠦ ᠦᠷᠭᠡᠨ ᠮᠡᠳᠡᠯᠭᠡ᠂ ᠤᠯᠠᠨ ᠴᠢᠳᠠᠪᠦᠷᠢ ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠮᠤᠩᠭᠤᠯ ᠦᠰᠦᠭ ᠪᠤᠷᠤᠭᠤ ᠪᠢᠴᠢᠳᠡᠭ ᠦᠭᠡᠢ᠂ ᠭᠤᠶᠤ ᠪᠢᠴᠢᠯᠭᠡ ᠲᠠᠢ᠂ ᠬᠢᠳᠠᠳ | ᠮᠤᠩᠭᠤᠯ ᠢᠶᠠᠷ ᠡᠳᠦᠷ ᠤᠨ ᠲᠡᠮᠳᠡᠭᠯᠡᠯ ᠬᠢᠳᠡᠭ᠃ ᠯᠢᠮᠪᠤ᠂ ᠠᠮᠠᠨ ᠬᠤᠭᠤᠷ ᠦᠯᠢᠶᠡᠵᠦ ᠲᠤᠭᠯᠠᠳᠠᠭ ᠮᠦᠷᠳᠡᠭᠡᠨ ᠨᠤᠮ ᠶᠡᠭᠡ ᠤᠡᠭᠰᠢᠨᠠ᠃ ᠠᠬᠠ ᠶᠢᠨ ᠤᠡᠭᠰᠢᠳᠠᠭ | ︽ᠡᠬᠦᠯᠡᠨ ᠪᠤᠷᠦ︾ ᠨᠤᠮ ᠤᠳᠦ ᠴᠦ ᠮᠢᠨᠦ ᠨᠢᠳᠦᠨ ᠳᠤ ᠲᠤᠳᠤᠬᠠᠨ᠂ ᠴᠡᠭᠡᠵᠢᠨ ᠳᠤ ᠢᠯᠡᠭᠡᠨ ᠪᠠᠶᠢᠭᠰᠠᠭᠠᠷ᠃ ᠮᠤᠷᠢᠨ ᠳᠤ ᠬᠠᠶᠢᠷᠠᠳᠠᠢ᠂ ᠮᠠᠯ ᠳᠤ ᠨᠢᠳᠦᠳᠠᠢ᠂ | ᠤᠯᠠᠨ ᠰᠠᠶᠢᠬᠠᠨ ᠮᠤᠷᠢ ᠲᠠᠷᠯᠠᠭᠤᠯᠵᠦ᠂ ᠬᠠᠯᠬᠠ ᠳᠤ ᠤᠷᠭᠤᠬᠤ ᠭᠡᠵᠦ ᠪᠠᠶᠢᠨᠠ ᠭᠡᠵᠦ ᠪᠠᠷᠢᠪᠴᠢᠯᠠᠭᠳᠠᠵᠦ ᠰᠤᠮᠤᠨ ᠤ ᠲᠦᠪ ᠲᠤ ᠬᠤᠷᠢᠵᠠᠢ᠃ ᠲᠡᠮᠡᠴᠡᠵᠦ | ᠰᠢᠬᠦᠬᠦ ᠳᠤ᠄ ︽ᠪᠢ ᠦᠨᠦᠴᠢᠨ ᠲᠡᠬᠦᠦ᠂ ᠡᠭᠡ ᠬᠤᠶᠠᠷ ᠢᠶᠠᠨ ᠤᠷᠬᠢᠭᠠᠳ ᠶᠠᠭᠤ ᠶᠢ ᠪᠠᠳᠡᠷᠢᠵᠦ ᠬᠠᠯᠬᠠ ᠳᠤ ᠤᠴᠢᠬᠤ ᠪᠤᠢ ᠳ᠋ᠠ︾ ᠭᠡᠰᠡᠨ ᠭᠡᠳᠡᠭ᠃ ᠪᠢ | ᠠᠬᠠ ᠠᠴᠠ ᠪᠠᠨ ᠶᠡᠭᠡ ᠠᠶᠤᠳᠠᠭ᠃ ᠠᠬᠠ ᠶᠢ ᠲᠠᠭᠠᠭᠠᠳ ᠠᠵᠢᠯ ᠬᠢᠬᠦ ᠳᠤ ᠬᠠᠭᠤᠷᠮᠠᠭ ᠲᠤᠳᠠᠭᠤ ᠬᠢᠵᠦ ᠪᠤᠯᠬᠤ ᠦᠭᠡᠢ᠃ ᠵᠠᠯᠬᠠᠭᠤᠷᠠᠵᠦ ᠨᠤᠵᠤᠭᠤᠷᠠᠵᠦ | ᠵᠤᠭᠰᠤᠵᠦ ᠪᠤᠯᠬᠤ ᠦᠭᠡᠢ᠂ ᠠᠬᠠ ᠶᠢᠨ ᠲᠡᠷᠭᠡᠳᠡ ᠤᠯᠠᠨ ᠵᠦᠢᠯ ᠢ ᠬᠢᠴᠢᠶᠡᠳᠡᠭ ᠪᠠᠶᠢᠵᠠᠢ᠃ ᠪᠢ ᠡᠶᠢᠮᠦ ᠪᠤᠶᠠᠨ ᠲᠠᠢ ᠲᠡᠭᠡᠳᠦᠬᠦᠯᠡ ᠲᠠᠢ᠂ ᠭᠡᠷ ᠤᠨ ᠰᠤᠷᠭᠠᠯ ᠲᠠᠢ | ᠠᠶᠢᠯ ᠤᠨ ᠬᠤᠶᠢᠮᠤᠷ ᠲᠤ ᠬᠠᠷᠢᠶᠠᠯ ᠤᠨ ᠮᠠᠭᠤᠬᠠᠢ ᠲᠠᠭᠤᠨ ᠢ ᠰᠤᠨᠤᠰᠴᠦ ᠦᠵᠡᠭᠡ ᠦᠭᠡᠢ᠂ ᠢᠷᠦᠭᠡᠯ ᠤᠨ ᠰᠠᠶᠢᠬᠠᠨ ᠦᠭᠡ ᠶᠢᠨ ᠲᠤᠮᠳᠠ ᠦᠰᠦᠭᠰᠡᠨ ᠬᠡᠤᠬᠡᠳ᠃ | 9 ᠨᠠᠰᠤᠳᠠᠢ ᠱᠠᠩᠳᠠ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠵᠦ᠂ ᠰᠤᠶᠤᠯ ᠤᠨ ᠠᠮᠢᠳᠤᠷᠠᠯ ᠢᠶᠠᠨ ᠡᠬᠢᠯᠡᠭᠰᠡᠨ ᠶᠤᠮ᠃ | ᠪᠢ ᠪᠠᠭᠠ ᠪᠠᠯᠴᠢᠷ ᠨᠠᠰᠤᠨ ᠳᠠᠭᠠᠨ ᠭᠡᠷ ᠲᠦᠬᠦᠷᠡᠩ ᠲᠤᠮᠤᠴᠤᠳ ᠤᠨ ᠲᠤᠮᠳᠠ ᠲᠠᠯᠠ ᠪᠦᠷᠢ ᠠᠴᠠ ᠪᠠᠨ ᠬᠠᠶᠢᠷᠠᠯᠠᠭᠳᠠᠵᠦ᠂ ᠪᠦᠬᠦ ᠨᠠᠰᠤᠨ ᠤ ᠪᠠᠨ | ᠵᠢᠷᠭᠠᠯ ᠢ 12 ᠵᠢᠯ ᠤᠨ ᠲᠤᠳᠤᠷᠠ ᠪᠦᠬᠦᠨ ᠢ ᠡᠳ᠋ᠯᠡᠭᠰᠡᠨ ᠬᠦᠮᠦᠨ ᠶᠤᠮ ᠳ᠋ᠠ᠃ ᠪᠢ 12 ᠨᠠᠰᠤᠳᠠᠢ ᠳᠠᠭᠠᠨ ᠠᠪᠤ ᠪᠠᠨ ᠠᠯᠳᠠᠵᠦ᠂ 13 ᠨᠠᠰᠤᠨ ᠳᠠᠭᠠᠨ | ᠠᠬᠠ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠠ ᠳᠤ ᠶᠢᠷᠳᠢᠨᠴᠦ ᠲᠡᠯᠡᠭᠡᠢ ᠳᠤ ᠠᠮᠢᠳᠦ ᠶᠠᠪᠤᠬᠤ ᠶᠢᠨ ᠵᠠᠮ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠯᠪᠠᠴᠦ ᠡᠮᠡᠭᠡ ᠢᠵᠢᠢ᠂ ᠡᠵᠢ | ᠬᠤᠶᠠᠷ ᠢᠶᠠᠨ ᠬᠠᠷᠠᠬᠤ ᠪᠠᠷ ᠪᠢ ᠲᠤᠮᠦ ᠬᠦᠮᠦᠨ ᠰᠢᠭ ᠪᠤᠯᠵᠦ᠂ ᠡᠷᠦᠭᠡ ᠪᠠᠨ ᠲᠤᠯᠵᠦ ᠬᠤᠶᠠᠷ ᠨᠠᠰᠤᠳᠠᠨ ᠢᠶᠠᠨ ᠲᠦᠰᠢᠵᠦ ᠪᠤᠳᠤᠯ ᠤᠷᠤᠭᠰᠠᠨ ᠶᠤᠮ᠃ ᠬᠦᠮᠦᠨ | ᠦᠨᠦᠴᠢᠷᠡᠪᠡᠯ ᠨᠢᠭᠡ ᠤᠬᠠᠭᠠᠨ ᠤᠷᠤᠵᠦ᠂ ᠡᠪᠡᠳᠪᠡᠯ ᠬᠤᠶᠠᠷ ᠤᠬᠠᠭᠠᠨ ᠰᠠᠭᠤᠵᠦ᠂ ᠦᠭᠡᠶᠢᠷᠡᠪᠡᠯ ᠭᠤᠷᠪᠠᠨ ᠤᠬᠠᠭᠠᠨ ᠨᠡᠮᠡᠭᠳᠡᠳᠡᠭ ᠪᠠᠶᠢᠬᠠ ᠭᠡᠵᠦ ᠪᠢ ᠪᠤᠳᠤᠳᠠᠭ | ᠶᠤᠮ᠃ | ᠭᠡᠷ ᠲᠤ ᠡᠶᠢᠮᠦ ᠶᠡᠭᠡ ᠭᠠᠰᠢᠭᠤᠨ ᠠᠮᠳᠠᠭᠳᠠᠬᠤ ᠳᠤ ᠭᠠᠳᠠᠭᠠ ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠰᠢᠭᠤᠷᠭᠠ ᠪᠤᠯᠵᠦ᠂ ᠤᠯᠠᠨ ᠬᠡᠤᠬᠡᠳ | ᠰᠤᠷᠭᠠᠭᠤᠯᠢ ᠠᠴᠠ ᠪᠠᠭᠤᠵᠦ ᠮᠠᠯᠴᠢᠨ ᠪᠤᠯᠵᠠᠢ᠃ ᠮᠢᠨᠦ ᠢᠵᠢᠢ᠂ ᠡᠵᠢ ᠬᠤᠶᠠᠷ ᠬᠤᠯᠠ ᠶᠢᠨ ᠪᠤᠳᠤᠯ ᠲᠠᠢ᠂ ᠠᠭᠤᠵᠢᠮ ᠤᠬᠠᠭᠠᠨ ᠲᠠᠢ ᠬᠦᠮᠦᠰ ᠪᠤᠯᠬᠤᠷ ᠨᠠᠮᠠᠢᠢ | ᠰᠤᠷᠭᠠᠭᠤᠯᠢ ᠠᠴᠠ ᠪᠠᠭᠤᠯᠭᠠᠭᠰᠠᠨ ᠦᠭᠡᠢ᠂ ᠬᠠᠶᠢᠯᠠᠷ ᠲᠠᠬᠢ ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠭᠤᠯᠤᠭᠰᠠᠨ ᠪᠢᠯᠡ᠃ ᠮᠢᠨᠦ ᠡᠵᠢ ᠦᠷᠬᠦᠯᠵᠢ ︽ᠮᠢᠨᠦ | ᠭᠠᠭᠴᠠ ᠦᠬᠢᠨ ᠰᠤᠷᠭᠠᠭᠤᠯᠢ ᠰᠤᠷᠳᠠᠯ ᠳᠤ ᠶᠠᠪᠤᠵᠦ ᠤᠯᠠᠨ ᠬᠠᠮᠳᠦ ᠰᠤᠷᠤᠭᠴᠢ ᠲᠠᠢ ᠪᠤᠯᠤᠭ ᠳ᠋ᠠ︾ ᠭᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠪᠢ ᠢᠡᠭᠬᠢᠭᠡᠳ ᠡᠵᠢ ᠶᠢᠨ ᠢᠶᠠᠨ | ᠶᠡᠭᠡ ᠵᠤᠷᠢᠭ ᠲᠤ ᠲᠦᠯᠬᠢᠭᠳᠡᠨ ᠠᠪᠠᠭᠠ ᠴᠡᠷᠡᠨᠳᠤᠷᠵᠢ᠂ ᠠᠪᠠᠭᠠ ᠪᠡᠷᠭᠡᠨ ᡀᠠᠪᠤᠭᠵᠠᠪ ᠤᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠠᠩᠬᠠ ᠲᠤᠮᠳᠠᠳᠦ᠂ ᠦᠨᠳᠦᠷ ᠵᠡᠷᠭᠡ ᠶᠢᠨ | ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠤᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ᠂ ᠶᠡᠭᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠶᠢ ᠲᠡᠰ ᠲᠠᠷᠠᠭᠠ ᠪᠠᠷ ᠲᠡᠬᠦᠰᠴᠦ᠂ 33 ᠵᠢᠯ | ᠠᠮᠵᠢᠯᠳᠠ ᠲᠠᠢ ᠠᠵᠢᠯᠯᠠᠭᠠᠳ ᠠᠮᠠᠷᠠᠯᠳᠠ ᠪᠠᠨ ᠠᠪᠤᠭᠰᠠᠨ ᠪᠠᠭᠰᠢ ᠶᠤᠮ ᠳ᠋ᠠ᠃ | ᠪᠢᠳᠡᠨ ᠤ ᠵᠠᠯᠠᠭᠤ ᠳᠤ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠭᠡᠪᠡᠯ ᠵᠠᠪᠠᠯ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠲᠠᠬᠢᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠢ ᠬᠦᠷᠳᠡᠨᠠ ᠭᠡᠵᠦ ᠬᠤᠶᠠᠷ | ᠵᠢᠯ ᠠᠴᠠ ᠲᠡᠭᠡᠭᠰᠢ ᠪᠠᠷᠢᠭᠠᠳᠠ ᠳᠤ ᠠᠵᠢᠯᠯᠠᠵᠦ᠂ ᠤᠯᠠᠨ ᠲᠦᠮᠡᠨ ᠤ ᠬᠢᠨᠠᠯᠳᠠ ᠰᠤᠩᠭᠤᠯᠳᠠ ᠪᠠᠷ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠳᠠᠭ ᠪᠠᠶᠢᠯᠠ᠃ ᠪᠢ 1973 ᠤᠨ ᠳᠤ | ᠬᠦᠳᠡᠯᠮᠦᠷᠢ ᠪᠠᠷᠢᠭᠠᠳᠠ ᠳᠠᠭᠠᠨ ᠢᠷᠡᠵᠦ᠂ ᠪᠠᠷᠢᠭᠠᠳᠠ ᠶᠢᠨ ᠰᠤᠷᠭᠠᠭᠤᠯᠢ ᠶᠢ ᠪᠠᠶᠢᠭᠤᠯᠵᠦ ᠠᠷᠪᠠᠭᠠᠳ ᠰᠤᠷᠤᠭᠴᠢ ᠲᠠᠢ ᠬᠢᠴᠢᠶᠡᠯᠯᠡᠵᠦ ᠪᠠᠶᠢᠵᠠᠢ᠃ ᠮᠢᠨᠦ ᠵᠠᠷᠢᠮ | ᠰᠤᠷᠤᠭᠴᠢ ᠲᠠᠬᠢᠨ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠭᠰᠠᠨ ᠦᠭᠡᠢ᠂ ︽ᠰᠤᠶᠤᠯ ᠤᠨ ᠬᠡᠮᠵᠢᠶᠠ︖︾ ᠭᠡᠵᠦ ᠠᠰᠠᠭᠤᠬᠤ ᠳᠤ ︽ᠲᠠ᠊ ᠪᠠᠭᠰᠢ ᠶᠢᠨ ᠰᠤᠷᠤᠭᠴᠢ᠂ ᠭᠤᠤᠯ ᠤᠨ | ᠰᠤᠷᠭᠠᠭᠤᠯᠢ ᠲᠡᠬᠦᠰᠦᠭᠰᠡᠨ︾ ᠭᠡᠵᠦ ᠬᠡᠯᠡᠭᠰᠡᠨ ᠢᠨᠢᠶᠡᠳᠦᠮ ᠪᠤᠢ᠃ | ᠪᠢ ᠪᠠᠷᠢᠭᠠᠳᠠ ᠳᠤ ᠬᠤᠶᠠᠷ ᠵᠢᠯ ᠪᠠᠶᠢᠬᠤ ᠳᠠᠭᠠᠨ ᠤᠯᠠᠨ ᠠᠵᠢᠯ ᠢ ᠲᠠᠪᠬᠤᠷ ᠬᠢᠳᠡᠭ ᠪᠠᠶᠢᠵᠠᠢ᠃ ᠲᠡᠷᠡ ᠦᠶᠠ ᠳᠤ ︽ᠲᠡᠮᠦᠷ ᠬᠡᠤᠬᠡᠨᠴᠤᠳ︾ ᠤᠨ | ᠲᠤᠭᠤᠢᠢᠯᠠᠩ ᠭᠡᠵᠦ ᠠᠩᠬᠠ ᠪᠠᠶᠢᠭᠤᠯᠬᠤ ᠳᠤ ᠪᠢ ᠲᠤᠭᠤᠢᠢᠯᠠᠩ ᠤᠨ ᠲᠠᠷᠤᠭᠠ ᠪᠤᠯᠵᠦ᠂ ᠰᠢᠪᠡᠷ ᠰᠢᠷᠤᠢ ᠶᠢᠨ ᠠᠵᠢᠯ᠂ ᠡᠪᠡᠰᠦᠨ ᠬᠦᠷᠢᠶᠠ ᠮᠠᠯᠳᠠᠬᠤ᠂ ᠬᠠᠳᠤᠯᠠᠩ | ᠪᠤᠷᠳᠤᠭᠠᠨ ᠳᠤ ᠭᠠᠷᠬᠤ᠂ ᠲᠠᠭᠤᠤ ᠪᠦᠵᠢᠭ ᠪᠤᠯᠪᠠᠰᠤᠷᠠᠬᠤ᠂ ᠲᠤᠭᠯᠠᠯᠳᠠ ᠭᠠᠷᠭᠠᠬᠤ᠂ ᠲᠤᠭᠯᠠᠯᠳᠠ ᠶᠢᠨ ᠬᠤᠪᠴᠠᠰᠦ ᠬᠤᠨᠠᠷ ᠢ ᠦᠪᠡᠷ ᠢᠶᠠᠨ ᠬᠢᠵᠦ ᠲᠤᠬᠢᠷᠠᠭᠤᠯᠬᠤ | ᠂ ᠳ᠋ᠠᠵᠠᠢ ᠠᠴᠠ ᠰᠤᠷᠤᠯᠴᠠᠬᠤ᠂ ᠡᠪ ᠬᠠᠮᠳᠦ ᠵᠠᠯᠠᠭᠤᠴᠤᠳ ᠤᠨ ᠡᠪᠯᠡᠯ ᠤᠨ ᠬᠦᠳᠡᠯᠭᠡᠭᠡᠨ ᠢ ᠬᠢᠬᠦ ᠮᠡᠳᠦ ᠲᠤᠬᠠᠢ ᠶᠢᠨ ᠦᠶᠠ ᠶᠢᠨ ᠤᠯᠤᠰ ᠲᠦᠷᠦ ᠶᠢᠨ ᠬᠦᠳᠡᠯᠭᠡᠭᠡᠨ | ᠂ ᠤᠯᠠᠨ ᠨᠡᠶᠢᠳᠡ ᠶᠢᠨ ᠠᠵᠢᠯ ᠪᠦᠬᠦᠨ ᠳᠤ ᠢᠳᠡᠪᠬᠢᠳᠠᠢ ᠤᠷᠤᠯᠴᠠᠵᠦ᠂ ᠡᠷᠦᠭᠡ ᠶᠢᠨ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠳᠤ ᠮᠠᠰᠢ ᠱᠠᠯᠠᠮᠠᠭᠠᠢ ᠪᠠᠶᠢᠵᠦ᠂ ᠮᠤᠷᠢᠳᠠᠢ ᠫᠤᠤᠳᠠᠬᠤ | ᠂ ᠮᠤᠷᠢᠳᠠᠢ ᠰᠡᠯᠡᠮᠠ ᠴᠠᠪᠴᠢᠬᠤ ᠮᠡᠳᠦ ᠶᠢᠨ ᠪᠤᠯᠪᠠᠰᠤᠷᠠᠯ ᠳᠤ ᠤᠷᠦ᠋ᠢᠯᠠᠵᠦ ᠰᠢᠯᠢᠳᠡᠭ ᠡᠷᠦᠭᠡ ᠶᠢᠨ ᠴᠡᠷᠢᠭ ᠤᠨ ᠱᠠᠩᠨᠠᠯ ᠬᠦᠷᠳᠡᠵᠦ᠂ ᠰᠢᠯᠢᠳᠡᠭ ᠡᠪ ᠬᠠᠮᠳᠦ | ᠵᠠᠯᠠᠭᠤᠴᠤᠳ ᠤᠨ ᠡᠪᠯᠡᠯ ᠤᠨ ᠭᠡᠰᠢᠬᠦᠨ ᠵᠡᠷᠭᠡ ᠵᠤᠷᠢᠭᠵᠢᠭᠤᠯᠤᠯ ᠱᠠᠩᠨᠠᠯ ᠢ ᠤᠯᠠᠨ ᠤᠯᠤᠭᠰᠠᠨ ᠠᠴᠠ ᠬᠤᠶᠠᠷ ᠵᠢᠯ ᠪᠤᠯᠤᠮᠠᠭᠴᠠ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ | ᠶᠠᠪᠤᠭᠰᠠᠨ ᠶᠤᠮ᠃ | ᠲᠡᠷᠡ ᠦᠶᠠ ᠳᠤ ᠪᠠᠰᠠ ᠨᠤᠳᠤᠭ ᠤᠨ ᠡᠮᠴᠢ ᠭᠡᠵᠦ ᠪᠠᠷᠢᠭᠠᠳᠠ ᠪᠤᠯᠭᠠᠨ ᠳᠤ ᠨᠢᠭᠡ ᠡᠮᠴᠢ ᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠪᠢ ᠬᠦᠳᠡᠯᠮᠦᠷᠢ ᠪᠠᠷᠢᠭᠠᠳᠠ ᠶᠢᠨ ᠡᠮᠴᠢ | ᠪᠠᠶᠢᠯᠠ᠃ ᠲᠡᠬᠦᠨ ᠢ ︽ᠬᠦᠯ ᠨᠢᠴᠦᠬᠦᠨ ᠡᠮᠴᠢ︾ ᠭᠡᠳᠡᠭ᠃ ᠡᠨᠡ ᠨᠢ ᠠᠭᠤᠯᠠᠨ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠤᠷᠤᠨ ᠤ ᠡᠮᠴᠢ ᠨᠠᠷ ᠶᠠᠪᠠᠭᠠᠨ ᠡᠮᠴᠢᠯᠡᠵᠦ ᠶᠠᠪᠤᠭᠰᠠᠭᠠᠷ | ᠪᠠᠶᠢᠭᠠᠳ ᠱᠠᠬᠠᠢ ᠨᠢ ᠴᠤᠭᠤᠷᠠᠵᠦ ᠬᠦᠯ ᠨᠢᠴᠦᠬᠦᠨ ᠶᠠᠪᠤᠭᠰᠠᠨ ᠠᠴᠠ ᠲᠡᠶᠢᠮᠦ ᠨᠡᠷᠠ ᠲᠠᠢ ᠪᠤᠯᠤᠭᠰᠠᠨ ᠭᠡᠳᠡᠭ᠃ ᠮᠠᠨ ᠳᠤ ᠨᠤᠳᠤᠭ ᠲᠤ ᠬᠠᠷᠢᠨ ᠮᠤᠷᠢᠳᠠᠢ ᠶᠠᠪᠤᠳᠠᠭ | ᠪᠠᠶᠢᠯᠠ᠃ ᠪᠢ ᠡᠮᠨᠡᠯᠭᠡ ᠶᠢᠨ ᠪᠤᠭᠴᠦ ᠡᠬᠦᠷᠴᠦ ᠠᠶᠢᠯ ᠠᠶᠢᠯ ᠢᠶᠠᠷ ᠶᠠᠪᠤᠵᠦ᠂ ᠬᠡᠤᠬᠡᠳ ᠬᠦᠭᠰᠢᠳ ᠲᠤ ᠵᠡᠬᠦᠦ ᠬᠠᠳᠬᠤᠵᠦ᠂ ᠡᠮ ᠦᠭᠴᠦ ᠶᠠᠪᠤᠳᠠᠭ ᠪᠠᠶᠢᠯᠠ᠃ | ᠪᠢ ᠪᠠᠭᠠ ᠠᠴᠠ ᠪᠠᠨ ᠵᠤᠷᠢᠭ ᠲᠠᠢ᠂ ᠶᠠᠭᠤ ᠶᠢ ᠴᠦ ᠬᠢᠵᠦ ᠴᠢᠳᠠᠨᠠ ᠭᠡᠳᠡᠭ ᠢᠳᠡᠭᠡᠯ ᠲᠠᠢ᠂ ᠪᠡᠶᠠ ᠪᠠᠨ ᠭᠤᠯᠤᠬᠤ ᠦᠭᠡᠢ᠂ ᠮᠡᠳᠡᠭᠡᠨ ᠬᠡᠤᠬᠡᠳ ᠪᠠᠶᠢᠵᠠᠢ᠃ | ᠰᠤᠮᠤᠨ ᠤ ᠡᠮᠨᠡᠯᠭᠡ ᠳᠤ ᠭᠤᠷᠪᠠᠨ ᠰᠠᠷᠠ ᠰᠤᠷᠤᠯᠴᠠᠭᠠᠳ ᠯᠡ ᠡᠮᠴᠢ ᠪᠤᠯᠤᠭᠠᠳ ᠶᠠᠪᠤᠨᠠ ᠭᠡᠳᠡᠭ ᠤᠳᠦ ᠪᠤᠳᠤᠬᠤ ᠳᠤ ᠠᠶᠢᠳᠠᠰ ᠬᠦᠷᠦᠮᠡᠷ᠃ ᠲᠡᠷᠡ ᠦᠶᠠ ᠶᠢᠨ | ᠡᠮ ᠤᠨ ᠴᠢᠨᠠᠷ ᠰᠠᠶᠢᠨ᠂ ᠬᠦᠮᠦᠨ ᠨᠢ ᠬᠦᠳᠡᠷ ᠪᠠᠶᠢᠭᠰᠠᠨ ᠴᠦ ᠶᠤᠮ ᠤᠤ᠂ ᠪᠤᠦ ᠮᠡᠳᠡ᠃ ᠡᠮᠴᠢ ᠬᠡᠳ ᠯᠡ ᠡᠷᠳᠡ ᠤᠷᠤᠢ ᠦᠭᠡᠢ ᠬᠦᠶᠦᠳᠡᠭ ᠪᠠᠶᠢᠯᠠ᠃ | ᠮᠢᠨᠦ ᠠᠪᠤ ᠶᠢᠨ ᠠᠪᠠᠭᠠ ᠴᠤᠭᠳᠦ ᠵᠠᠩᠬᠢ ᠭᠡᠵᠦ ᠮᠤᠩᠭᠤᠯ᠂ ᠮᠠᠨᠵᠦ ᠰᠤᠶᠤᠯ ᠲᠠᠢ ᠬᠦᠮᠦᠨ ᠪᠠᠶᠢᠭᠰᠠᠨ᠃ ᠭᠤᠷᠪᠠᠨ ᠦᠶᠠ ᠪᠠᠷ ᠢᠶᠠᠨ ᠨᠤᠮ ᠤᠡᠭᠰᠢᠳᠠᠭ | ᠠᠶᠢᠯ ᠪᠠᠶᠢᠪᠠ᠃ ᠮᠢᠨᠦ ᠠᠬᠠ ᠨᠤᠮ ᠶᠡᠭᠡ ᠦᠵᠡᠨᠠ᠃ ᠲᠡᠷᠡ ᠨᠦᠯᠦᠭᠡᠨ ᠠᠴᠠ ᠪᠢ ᠨᠤᠮ ᠤᠡᠭᠰᠢᠵᠦ᠂ ᠬᠦᠮᠦᠰ ᠲᠤ ᠶᠠᠷᠢᠬᠤ ᠲᠤᠷᠠᠳᠠᠢ᠂ ᠰᠢᠯᠦᠭ ᠵᠤᠬᠢᠶᠠᠯ ᠳᠤ | ᠤᠢᠢᠷᠬᠠᠨ ᠪᠤᠯᠤᠭᠰᠠᠨ ᠪᠠᠶᠢᠬᠠ᠃ 2002 ᠤᠨ ᠳᠤ ᠰᠢᠨᠠ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ︽ᠠᠯᠳᠠᠨ ᠲᠤᠯᠭᠠ︾ ᠰᠢᠯᠦᠭ ᠤᠨ | ᠤᠷᠠᠨ ᠤᠡᠭᠰᠢᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ︽ᠰᠠᠴᠤᠯᠢ︾ ᠰᠢᠯᠦᠭ ᠢᠶᠠᠷ ᠢᠶᠠᠨ ᠲᠡᠳ᠋ᠯᠡᠭᠰᠡᠨ ᠶᠤᠮ᠃ 1997 ᠤᠨ ᠳᠤ ︽ᠬᠡᠤᠬᠡᠳ ᠤᠨ ᠴᠡᠴᠡᠷᠯᠢᠭ ᠤᠨ | ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠦᠢᠯᠡᠳᠦᠯ ᠤᠨ ᠲᠤᠬᠠᠢ ᠦᠬᠦᠯᠡᠬᠦ ᠨᠢ︾ ᠭᠡᠳᠡᠭ ᠦᠬᠦᠯᠡᠯ ᠢᠶᠠᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠰᠡᠳᠬᠦᠯ ᠳᠤ ᠨᠡᠶᠢᠳᠡᠯᠡᠬᠦᠯᠵᠦ ᠨᠢᠭᠡᠳᠦᠭᠡᠷ | ᠲᠡᠰ ᠤᠨ ᠦᠬᠦᠯᠡᠯ ᠤᠨ ᠱᠠᠩᠨᠠᠯ ᠢ ᠭᠠᠷᠳᠠᠵᠠᠢ᠃ 2007 ᠤᠨ ᠳᠤ ︽ᠡᠳ᠋ ᠮᠦᠡᠭᠭᠡ᠂ ᠡᠵᠡᠨ ᠬᠡᠪᠡᠷᠡᠭ︾ ᠨᠠᠶᠢᠷᠠᠭᠤᠯᠤᠯ ᠢᠶᠠᠷ ᠢᠶᠠᠨ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨ ᠤ | ︽ᠪᠤᠶᠢᠷ ᠬᠦᠯᠦᠨ︾ ᠨᠡᠷᠡᠮᠵᠢᠳᠦ ᠦᠬᠦᠯᠡᠯᠭᠡ ᠨᠠᠶᠢᠷᠠᠭᠤᠯᠤᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠬᠤᠶᠠᠳᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠪᠢᠯᠡ᠃ | ᠬᠦᠮᠦᠨ ᠤ ᠪᠠᠭᠠ ᠨᠠᠰᠤᠨ ᠳᠤ ᠭᠡᠷ ᠤᠨ ᠬᠦᠮᠦᠨ ᠤ ᠨᠦᠯᠦᠭᠡ ᠭᠡᠳᠡᠭ ᠶᠡᠭᠡ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠳᠡᠭ ᠶᠤᠮ᠃ ᠮᠢᠨᠦ ᠠᠬᠠ ᠦᠪᠡᠷ ᠢᠶᠠᠨ ᠨᠤᠮᠦ ᠰᠤᠮᠦ | ᠬᠢᠵᠦ᠂ ᠢᠰᠡᠭᠡᠢ ᠪᠠᠷ ᠲᠦᠡᠭᠬᠦ ᠬᠢᠭᠡᠳ ᠬᠠᠷᠪᠤᠳᠠᠭ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠪᠢ ᠨᠤᠮᠦ ᠰᠤᠮᠦ ᠭᠡᠳᠡᠭ ᠢ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠬᠠᠷᠠᠵᠦ᠂ ᠶᠡᠭᠡ ᠲᠤᠷᠠᠳᠠᠢ ᠬᠠᠶᠢᠷᠠᠳᠠᠢ | ᠰᠢᠬ ᠰᠠᠨᠠᠭᠳᠠᠳᠠᠭ ᠪᠠᠶᠢᠯᠠ᠃ 2004 ᠤᠨ ᠳᠤ ᠰᠢᠨᠠ ᠪᠠᠷᠭᠤᠴᠤᠳ ᠬᠦᠯᠦᠨ ᠪᠤᠶᠢᠷ ᠲᠤ ᠨᠡᠬᠦᠵᠦ ᠢᠷᠡᠭᠰᠡᠨ 270 ᠵᠢᠯ ᠤᠨ ᠤᠢ ᠶᠢ ᠪᠡᠯᠭᠡᠯᠡᠬᠦ ᠰᠤᠷ | ᠬᠠᠷᠪᠤᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠠᠩᠬᠠ ᠬᠠᠷᠪᠤᠵᠦ ᠵᠢᠷᠭᠤᠳᠤᠭᠠᠷ ᠨᠡᠷᠡᠰ ᠲᠤ ᠤᠷᠤᠵᠦ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠤᠳᠠᠭᠠ ᠲᠠᠢ᠃ 2009 ᠤᠨ ᠳᠤ ᠰᠢᠨᠠ | ᠲᠤᠮᠳᠠᠳᠦ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ 60 ᠵᠢᠯ ᠤᠨ ᠤᠢ ᠶᠢ ᠪᠡᠯᠭᠡᠯᠡᠬᠦ ᠰᠤᠷ ᠬᠠᠷᠪᠤᠯᠭᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠪᠠᠷᠢᠮᠵᠢᠶᠠᠳᠦ ᠫᠠᠢ ᠬᠠᠷᠪᠤᠯᠭᠠ ᠳᠤ ᠡᠮᠡᠭᠳᠠᠢ | ᠲᠤᠭᠤᠢᠢᠯᠠᠩ ᠳᠤ ᠨᠢᠭᠡᠳᠦᠭᠡᠷ ᠲᠤ ᠲᠤᠳᠤᠷᠠᠵᠦ᠂ 500 ᠲᠦᠬᠦᠷᠢᠭ ᠢᠶᠠᠷ ᠱᠠᠩᠨᠠᠭᠳᠠᠵᠠᠢ᠃ ᠰᠢᠨᠠ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠰᠤᠷ ᠬᠠᠷᠪᠤᠯᠭᠠ ᠶᠢᠨ | ᠨᠡᠶᠢᠭᠡᠮᠯᠢᠭ ᠠᠩᠬᠠ ᠪᠠᠶᠢᠭᠤᠯᠤᠭᠳᠠᠬᠤ ᠳᠤ ᠬᠤᠶᠠᠷᠬᠠᠨ ᠡᠮᠡᠭᠳᠠᠢ ᠭᠡᠰᠢᠬᠦᠨ ᠲᠠᠢ ᠪᠠᠶᠢᠭᠰᠠᠨ ᠤ ᠨᠢᠭᠡ ᠨᠢ ᠪᠤᠯᠤᠭᠰᠠᠨ ᠶᠤᠮ᠃ | ᠤᠳᠦ ᠪᠢ ᠴᠢᠯᠦᠭᠡ ᠵᠠᠪ ᠲᠠᠭᠠᠨ ᠨᠤᠮ ᠰᠡᠳᠬᠦᠯ ᠦᠵᠡᠬᠦ ᠶᠢᠨ ᠬᠠᠮᠳᠦ ᠪᠠᠭᠠ ᠰᠠᠭᠠ ᠲᠠᠭᠤᠤ ᠶᠢᠨ ᠦᠭᠡ ᠪᠢᠴᠢᠵᠦ ᠰᠠᠭᠤᠳᠠᠭ ᠶᠤᠮ᠃ ᠲᠦᠪ ᠤᠨ ᠤᠯᠠᠨ | ᠤᠯᠤᠰ ᠤᠨ ᠷᠠᠳᠢᠣ᠋ ᠨᠡᠪᠳᠡᠷᠡᠬᠦᠯᠭᠡ ᠶᠢᠨ ᠮᠤᠩᠭᠤᠯ ᠬᠡᠤᠬᠡᠳ ᠤᠨ ᠲᠠᠭᠤᠤ ᠶᠢᠨ ᠦᠭᠡ ᠠᠶᠠᠯᠭᠤ ᠶᠢᠨ ᠤᠷᠤᠯᠳᠤᠭᠠᠨ ᠳᠤ ᠮᠢᠨᠦ ᠪᠢᠴᠢᠭᠰᠠᠨ ︽ᠢᠨᠵᠠᠭᠠ︾᠂ ︽ | ᠢᠰᠢᠭᠡ︾᠂ ︽ᠴᠡᠴᠡᠷᠯᠢᠭ ᠲᠡᠭᠡᠨ ᠶᠠᠪᠤᠨᠠ︾ ᠵᠡᠷᠭᠡ ᠭᠤᠷᠪᠠᠨ ᠲᠠᠭᠤᠤ ᠶᠢᠨ ᠦᠭᠡ ᠨᠢᠭᠡᠳᠦᠭᠡᠷ ᠲᠡᠰ ᠲᠤ ᠤᠷᠤᠵᠦ 1200 ᠲᠦᠬᠦᠷᠢᠭ ᠢᠶᠠᠷ ᠱᠠᠩᠨᠠᠭᠤᠯᠵᠠᠢ᠃ | ︽ᠨᠠᠭᠠᠳᠤᠶᠠ᠂ ᠲᠤᠭᠯᠠᠶᠠ︾ ᠭᠡᠳᠡᠭ ᠲᠠᠭᠤᠤ ᠶᠢᠨ ᠦᠭᠡᠨ ᠳᠤ ᠤᠷᠳᠤᠨᠠᠰᠤᠨ ᠠᠶᠠᠯᠭᠤ ᠵᠤᠬᠢᠶᠠᠵᠦ᠂ ᠶᠡᠭᠡ ᠬᠦᠭᠡᠷᠦᠬᠦᠨ ᠬᠡᠤᠬᠡᠳ ᠤᠨ ᠲᠠᠭᠤᠤ ᠪᠤᠯᠵᠠᠢ᠃ ᠲᠤᠰ | ᠲᠠᠭᠤᠤ ᠪᠠᠷ ᠢᠶᠠᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠴᠦ ᠪᠤᠢ᠃ ︽ᠲᠤᠯᠤᠭᠠᠨ ᠴᠠᠭᠠᠨ ᠢᠮᠠᠭᠠ︾᠂ ︽ᠰᠠᠨᠠᠭᠤ ᠶᠢᠨ ᠲᠠᠪᠢᠯᠠᠩ ᠲᠠᠢ ᠵᠠᠶᠠᠭᠠ︾᠂ ︽ᠮᠤᠩᠭᠤᠯ ᠡᠮᠴᠢᠯᠡᠭᠡ︾ | ᠵᠡᠷᠭᠡ ᠲᠠᠭᠤᠤ ᠶᠢᠨ ᠦᠭᠡᠨ ᠳᠤ ᠠᠶᠠᠯᠭᠤ ᠲᠠᠭᠠᠷᠠᠭᠤᠯᠵᠦ ᠲᠠᠭᠤᠯᠠᠭᠳᠠᠵᠠᠢ᠃ | ᠪᠢ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠤᠶᠤᠳᠠᠯ ᠰᠤᠷᠤᠭᠰᠠᠨ ᠪᠤᠯᠬᠤᠷ ᠤᠶᠤᠳᠠᠯ ᠳᠤ ᠪᠠᠬᠠ ᠲᠠᠢ᠃ ᠮᠦᠨᠴᠦ ᠮᠠᠨ ᠤ ᠵᠠᠯᠠᠭᠤ ᠦᠶᠠ ᠳᠤ ᠪᠦᠰᠡᠬᠦᠢ ᠬᠦᠮᠦᠨ᠂ | ᠬᠦᠮᠦᠨ ᠳᠤ ᠤᠶᠤᠳᠠᠯ ᠢᠶᠠᠨ ᠪᠠᠷᠢᠵᠦ ᠤᠴᠢᠬᠤ ᠰᠢᠬ ᠰᠢᠪᠰᠢᠭ ᠭᠡᠵᠦ ᠦᠭᠡᠢ ᠭᠡᠵᠦ ᠦᠵᠡᠳᠡᠭ᠃ ᠪᠦᠰᠡᠬᠦᠢ ᠬᠦᠮᠦᠨ ᠤᠷᠠᠨ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠤᠷᠠᠨ ᠪᠢᠰᠢ | ᠴᠦ ᠭᠡᠰᠡᠨ ᠦᠪᠡᠷ ᠤᠨ ᠬᠢ ᠪᠠᠨ ᠦᠪᠡᠷ ᠢᠶᠠᠨ ᠤᠶᠤᠬᠤ ᠵᠢᠷᠤᠮ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠮᠠᠨ ᠤ ᠨᠠᠰᠤᠨ ᠤ ᠡᠮᠡᠭᠳᠡᠶᠢᠴᠤᠳ ᠪᠦᠷᠢ ᠤᠷᠠᠨ ᠪᠠᠶᠢᠳᠠᠭ᠃ | 1988 ᠤᠨ ᠳᠤ ᠪᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠦ᠂ ᠴᠢᠯᠦᠭᠡᠨ ᠳᠡᠭᠡᠨ ᠪᠠᠷᠠᠭᠠ ᠤᠷᠤᠭᠤᠯᠵᠦ ᠭᠡᠷ ᠬᠦᠯᠦᠰᠦᠯᠡᠭᠡᠳ᠂ ᠨᠠᠭᠠᠴᠦ ᠡᠭᠡᠴᠢ ᠲᠠᠢ ᠪᠠᠨ | ᠤᠶᠤᠳᠠᠯ ᠤᠶᠤᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠠ ᠳᠤ ᠬᠦᠯᠦᠨ ᠪᠤᠶᠢᠷ ᠠᠶᠢᠮᠠᠭ ᠤᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠤᠷᠤᠯᠳᠤᠭᠠᠨ | ᠬᠠᠶᠢᠯᠠᠷ ᠲᠤ ᠬᠢᠬᠦ ᠳᠤ ᠮᠢᠨᠦ ᠤᠶᠤᠭᠰᠠᠨ ᠰᠢᠨᠠ ᠮᠠᠶ᠋ᠢᠭ ᠤᠨ ᠬᠦᠷᠡᠩ ᠯᠢᠶᠤᠤᠽᠠᠨ ᠲᠡᠪᠡᠯ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠱᠠᠩᠨᠠᠯ ᠢ ᠬᠦᠷᠳᠡᠵᠦ ᠪᠠᠶᠢᠪᠠ᠃ 1990 | ᠤᠨ ᠳᠤ ᠲᠦᠪ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠡᠯᠠ ᠦᠨᠳᠦᠰᠦᠳᠡᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠮᠢᠨᠦ ᠤᠶᠤᠭᠰᠠᠨ ᠯᠢᠶᠤᠤᠽᠠᠨ | ᠲᠡᠪᠡᠯ ᠮᠦᠨ ᠨᠢᠭᠡᠳᠦᠭᠡᠷ ᠲᠡᠰ ᠤᠨ ᠱᠠᠩᠨᠠᠯ ᠤᠯᠵᠠᠢ᠃ 1990 ᠭᠡᠳ ᠤᠨ ᠳᠤ ᠬᠡᠤᠬᠡᠳ ᠤᠨ ᠴᠡᠴᠡᠷᠯᠢᠭ ᠲᠤ ᠠᠵᠢᠯᠯᠠᠵᠦ ᠪᠠᠶᠢᠬᠤ ᠳᠠᠭᠠᠨ ᠬᠡᠤᠬᠡᠳ ᠤᠨ | ᠤᠷᠠᠯᠢᠭ ᠤᠨ ᠬᠤᠪᠴᠠᠰᠦ ᠬᠤᠨᠠᠷ ᠢ ᠠᠵᠢᠯ ᠤᠨ ᠴᠢᠯᠦᠭᠡᠨ ᠳᠡᠭᠡᠨ ᠤᠶᠤᠳᠠᠭ ᠪᠠᠶᠢᠯᠠ᠃ ᠡᠨᠡ ᠪᠤᠯ ᠪᠦᠷ ᠦᠪᠡᠷ ᠤᠨ ᠲᠤᠷ ᠠ ᠪᠠᠬᠠ ᠠᠴᠠ ᠪᠠᠨ ᠪᠤᠯᠵᠦ᠂ ᠰᠠᠶᠢᠨ | ᠲᠤᠷᠠ ᠶᠢᠨ ᠠᠵᠢᠯ ᠢ ᠬᠢᠵᠦ ᠪᠠᠶᠢᠭᠠ ᠨᠢ ᠲᠡᠷᠡ᠃ ᠲᠡᠬᠦᠨ ᠤ ᠬᠠᠷᠢᠭᠤ ᠳᠤ ᠴᠡᠴᠡᠷᠯᠢᠭ ᠤᠨ ᠰᠢᠯᠢᠳᠡᠭ ᠪᠠᠭᠰᠢ᠂ ᠬᠤᠰᠢᠭᠤᠨ ᠤ ᠰᠢᠯᠢᠳᠡᠭ ᠪᠠᠭᠰᠢ ᠶᠢᠨ ᠱᠠᠩᠨᠠᠯ | ᠰᠠᠶᠢᠰᠢᠶᠠᠯ ᠢ ᠤᠯᠵᠠᠢ᠃ 2014 ᠤᠨ ᠳᠤ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤᠨ ᠳᠤ ᠪᠤᠯᠤᠭᠰᠠᠨ ᠪᠦᠬᠦ ᠤᠷᠤᠨ ᠤ ᠡᠪᠦᠯ ᠤᠨ | ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠤᠷᠤᠯᠳᠤᠭᠠᠨ ᠳᠤ ᠮᠢᠨᠦ ᠤᠶᠤᠭᠰᠠᠨ ᠠᠪᠠᠭᠠᠢ ᠲᠡᠪᠡᠯ᠂ ᠤᠤᠵᠢ ᠤᠷᠤᠨ ᠤ ᠠᠷᠪᠠᠨ ᠰᠤᠳᠤᠨ ᠬᠤᠪᠴᠠᠰᠦ ᠪᠠᠷ ᠰᠤᠩᠭᠤᠭᠳᠠᠵᠦ᠂ ᠭᠤᠷᠪᠠᠨ | ᠮᠢᠩᠭᠠᠨ ᠲᠦᠬᠦᠷᠢᠭ᠂ ᠬᠦᠷᠡᠯ ᠱᠤᠭᠤᠮᠠᠯ ᠤᠨ ᠱᠠᠩᠨᠠᠯ ᠤᠯᠵᠠᠢ᠃ ᠬᠦᠳᠡᠯᠮᠦᠷᠢ ᠬᠦᠮᠦᠨ ᠤ ᠭᠤᠮᠤᠳᠠᠭᠠᠳᠠᠭ ᠦᠭᠡᠢ ᠪᠤᠯᠬᠤᠷ ᠬᠦᠮᠦᠨ ᠴᠢᠷᠮᠠᠶᠢᠨ ᠠᠵᠢᠯᠯᠠᠳᠠᠭ ᠯᠡ | ᠶᠤᠮ ᠪᠤᠯ ᠬᠠᠷᠢᠭᠤ ᠬᠠᠯᠠᠮᠵᠢ ᠵᠠᠪᠠᠯ ᠤᠯᠳᠠᠭ ᠪᠠᠶᠢᠬᠠ᠃ | ᠪᠢ 1978 ᠤᠨ ᠳᠤ ᠬᠦᠪᠳᠦᠬᠦᠳ ᠬᠠᠯᠠ ᠶᠢᠨ ᠠᠮᠤᠷ ᠤᠨ ᠭᠤᠷᠪᠠᠳᠤᠭᠠᠷ ᠬᠦᠦ ᠴᠢᠯᠠᠭᠤᠨᠪᠠᠭᠠᠳᠤᠷ ᠲᠠᠢ ᠠᠶᠢᠯ ᠪᠤᠯᠵᠦ ᠠᠮᠢᠳᠤᠷᠠᠨ᠂ ᠠᠨᠠᠷ ᠭᠡᠳᠡᠭ | ᠭᠠᠭᠴᠠ ᠬᠡᠤᠬᠡᠳ ᠲᠠᠢ ᠪᠤᠯᠵᠠᠢ᠃ ᠬᠡᠤᠬᠡᠨ ᠠᠨᠠᠷ ᠤᠳᠦ ᠡᠧᠡᠩᠬᠢ ᠦᠨᠳᠦᠰᠦᠳᠡᠨ ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨ ᠳᠤ ᠤᠯᠠᠮᠵᠢᠯᠠᠯᠳᠦ ᠪᠠᠶᠢᠭᠠᠯᠢᠯᠢᠭ ᠪᠡᠶᠠ | ᠰᠤᠪᠢᠯᠠᠵᠦ᠂ ᠵᠠᠰᠠᠬᠤ ᠭᠠᠵᠠᠷ ᠢ ᠡᠷᠬᠢᠯᠡᠨ ᠬᠢᠵᠦ ᠪᠠᠶᠢᠨᠠ᠃ ᠮᠠᠨ ᠤ ᠨᠦᠬᠦᠷ ᠵᠠᠯᠠᠭᠤ ᠠᠴᠠ ᠪᠠᠨ ᠨᠤᠮ ᠤᠡᠭᠰᠢᠬᠤ ᠲᠤᠷᠠᠳᠠᠢ᠂ ᠪᠢᠴᠢᠭ ᠶᠡᠭᠡ ᠴᠤᠭᠯᠠᠭᠤᠯᠳᠠᠭ | ᠬᠦᠮᠦᠨ᠃ ᠤᠯᠠᠨ ᠵᠤᠬᠢᠶᠠᠯ ᠪᠢᠴᠢᠵᠦ ᠨᠡᠶᠢᠳᠡᠯᠡᠬᠦᠯᠵᠦ ᠤᠷᠤᠨ᠂ ᠠᠶᠢᠮᠠᠭ᠂ ᠬᠤᠰᠢᠭᠤᠨ ᠤ ᠱᠠᠩᠨᠠᠯ ᠢ ᠤᠯᠠᠨᠳᠠ ᠭᠠᠷᠳᠠᠵᠠᠢ᠃ ᠰᠡᠬᠦᠯ ᠤᠨ ᠦᠶᠠ ᠳᠤ ᠤᠬᠤᠷ ᠺᠢᠨᠣ᠋ | ᠵᠤᠬᠢᠶᠠᠯ ᠪᠢᠴᠢᠵᠦ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠤᠳᠤᠨ ᠲᠧᠯᠧᠢᠰ ᠤᠨ ︽ᠬᠠᠮᠳᠦ ᠳᠠᠭᠠᠨ ᠲᠠᠭᠤᠯᠤᠶᠠ︾ ᠲᠡᠯᠭᠡᠴᠡ ᠪᠠᠷ ᠨᠡᠪᠳᠡᠷᠡᠬᠦᠯᠦᠭᠰᠡᠨ ᠶᠤᠮ᠃ | ᠲᠡᠬᠦᠨ ᠢ ᠲᠤᠭᠯᠠᠬᠤ ᠶᠠᠪᠤᠴᠠ ᠳᠤ ᠮᠦᠡᠭᠬᠦ ᠵᠤᠭᠤᠰ ᠦᠭᠡᠢ ᠲᠤᠭᠯᠠᠬᠤ ᠪᠤᠯᠬᠤᠷ ᠭᠠᠳᠠᠨᠠᠬᠢ ᠶᠢᠨ ᠲᠤᠭᠯᠠᠭᠴᠢ ᠪᠤᠶᠦ ᠨᠡᠷᠡᠳᠠᠢ ᠬᠦᠮᠦᠰ ᠢ ᠬᠡᠷᠡᠭᠯᠡᠵᠦ ᠴᠢᠳᠠᠬᠤ | ᠦᠭᠡᠢ ᠲᠤᠯᠠ ᠬᠤᠰᠢᠭᠤᠨ ᠤ ᠲᠡᠮᠵᠢᠯᠭᠡ᠂ ᠠᠬᠠ ᠲᠡᠬᠦᠦ ᠰᠠᠳᠤᠨ ᠲᠦᠷᠦᠯ᠂ ᠨᠠᠶᠢᠵᠠ ᠨᠦᠬᠦᠳ ᠤᠨ ᠬᠠᠪᠰᠤᠷᠤᠯᠭᠠ ᠪᠠᠷ ᠪᠦᠳᠦᠭᠡᠵᠦ᠂ ᠪᠢ ᠦᠪᠡᠷ ᠢᠶᠠᠨ ︽ | ᠴᠠᠩᠳᠤᠭᠰᠠᠨ ᠬᠠᠶᠢᠷᠠ︾᠂ ︽ᠽᠠᠨᠳᠠᠨ ᠱᠠᠳᠦ︾᠂ ︽ᠭᠠᠨᠭ᠍ᠭᠠᠡᠭ ᠶᠠᠭᠠᠨ︾ ᠵᠡᠷᠭᠡ ᠵᠦᠴᠦᠭᠡ ᠶᠢᠨ ᠭᠤᠤᠯ ᠲᠦᠷᠢ ᠪᠤᠯᠵᠠᠢ᠃ ᠪᠢ ᠲᠤᠭᠯᠠᠬᠤ ᠮᠡᠷᠭᠡᠵᠢᠯ | ᠪᠤᠯᠪᠠᠰᠤᠷᠠᠯ ᠤᠭᠳᠦ ᠦᠭᠡᠢ᠂ ᠵᠦᠪᠭᠡᠨ ᠪᠠᠷᠭᠤ ᠵᠠᠩ ᠦᠢᠯᠡ᠂ ᠠᠵᠦ ᠠᠮᠢᠳᠤᠷᠠᠯ ᠢ ᠲᠤᠩᠭᠠᠬᠤ ᠭᠡᠰᠡᠨ ᠵᠤᠷᠢᠭ ᠵᠶᠠᠷ ᠠᠮᠢᠳᠤᠷᠠᠯ ᠳᠠᠭᠠᠨ ᠪᠠᠶᠢᠭᠠ | ᠲᠦᠷᠢ ᠪᠠᠷ ᠢᠶᠠᠨ ᠪᠤᠯᠭᠠᠭᠰᠠᠨ ᠲᠡᠳᠦᠢ᠃ | ᠴᠢᠯᠠᠭᠤᠨᠪᠠᠭᠠᠳᠤᠷ ᠪᠢᠳᠡ ᠬᠤᠶᠠᠷ 36 ᠵᠢᠯ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ ᠪᠠᠭᠠ ᠦᠭᠡᠢ ᠤᠯᠠᠨ ᠰᠢᠨᠠ ᠵᠦᠢᠯ ᠢ ᠰᠡᠳᠦᠵᠦ ᠪᠦᠳᠦᠬᠡᠬᠦ ᠭᠡᠵᠦ ᠤᠷᠤᠯᠳᠤᠵᠦ᠂ | ᠤᠨᠠᠵᠦ ᠪᠤᠰᠴᠦ ᠢᠷᠡᠪᠡ᠃ ᠤᠯᠠᠩᠬᠢ ᠳᠠᠭᠠᠨ ᠲᠡᠷᠡ ᠡᠬᠦᠰᠭᠡᠵᠦ᠂ ᠪᠢ ᠲᠠᠮᠵᠢᠵᠦ᠂ ᠪᠦᠳᠦᠬᠦ ᠪᠦᠳᠦᠬᠦ ᠦᠭᠡᠢ ᠴᠦ ᠪᠤᠯᠤᠭ᠂ ᠲᠠᠮᠵᠢᠵᠦ ᠦᠵᠡᠳᠡᠭ ᠪᠠᠶᠢᠯᠠ᠃ | ᠵᠢᠱᠢᠶᠡᠯᠡᠪᠡᠯ᠂ ᠴᠠᠭᠠᠨ ᠠᠳᠤᠭᠤᠨ ᠤ ᠲᠡᠯ ᠰᠡᠬᠦᠯ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠠᠮᠳᠠᠳᠠᠨ ᠬᠢᠬᠦ᠂ ᠪᠡᠭᠡᠵᠢᠩ ᠭᠠᠯᠠᠭᠤ ᠲᠡᠵᠢᠭᠡᠬᠦ᠂ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠲᠠᠷᠤᠰᠢᠭᠤᠯᠬᠤ᠂ | ᠭᠠᠳᠠᠭᠠᠳᠦ ᠲᠠᠢ ᠮᠠᠶᠢᠮᠠᠢ ᠬᠢᠬᠦ᠂ ᠲᠡᠯᠭᠡᠬᠦᠷ ᠭᠠᠷᠭᠠᠬᠤ᠂ ᠪᠠᠭᠤᠳᠠᠯ ᠡᠷᠬᠢᠯᠡᠬᠦ᠂ ᠬᠤᠭᠤᠯᠠᠨ ᠭᠡᠷ ᠬᠡᠬᠦ ᠮᠡᠳᠦ ᠮᠠᠰᠢ ᠠᠷᠪᠢᠨ ᠵᠦᠢᠯ ᠢ ᠠᠵᠢᠯ ᠤᠨ ᠴᠢᠯᠦᠭᠡᠨ ᠳᠡᠭᠡᠨ | ᠬᠢᠵᠦ ᠦᠡᠭᠭᠡᠷᠡᠪᠡ᠃ ᠤᠯᠤᠭᠰᠠᠨ ᠤᠯᠵᠠ ᠨᠢ ᠬᠠᠮᠤᠭ ᠤᠨ ᠰᠡᠬᠦᠯ ᠳᠤ ᠲᠡᠷᠡ ᠵᠦᠴᠦᠭᠡ ᠪᠢᠴᠢᠵᠦ᠂ ᠪᠢ ᠲᠤᠭᠯᠠᠭᠴᠢ ᠪᠤᠯᠤᠭᠠᠳ ᠵᠤᠭᠰᠤᠭᠰᠠᠨ ᠪᠠᠶᠢᠯᠠ᠃ | ᠡᠳᠡᠭᠡᠷ ᠤᠯᠠᠨ ᠵᠢᠯ ᠤᠨ ᠲᠤᠳᠤᠷᠠ ᠬᠠᠮᠤᠭ ᠤᠨ ᠭᠡᠴᠡᠬᠦᠦ᠂ ᠬᠠᠮᠤᠭ ᠤᠨ ᠨᠠᠷᠢᠯᠢᠭ ᠨᠢ ᠦᠨᠳᠡᠭᠡ ᠲᠠᠷᠤᠰᠢᠭᠤᠯᠬᠤ ᠠᠵᠢᠯ ᠪᠠᠶᠢᠯᠠ᠃ ᠲᠡᠷᠡ ᠨᠢ | ᠲᠤᠯᠠᠭᠠᠨ ᠤ ᠬᠡᠮᠵᠢᠶᠠ᠂ ᠡᠷᠬᠢᠬᠦᠯᠬᠦ ᠴᠠᠭ ᠮᠢᠨᠦ᠋ᠲ ᠢ ᠠᠯᠳᠠᠵᠦ ᠪᠤᠯᠬᠤ ᠦᠭᠡᠢ᠃ ᠭᠡᠪᠡᠴᠦ ᠪᠢ ᠴᠢᠳᠠᠭᠰᠠᠨ᠃ ᠬᠠᠯᠠᠭᠤᠨ ᠤᠰᠤᠨ ᠲᠡᠭᠡᠷᠠ ᠨᠢ ᠭᠠᠷ ᠢᠶᠠᠷ ᠢᠶᠠᠨ | ᠦᠨᠳᠡᠭᠡ ᠲᠠᠷᠤᠰᠢᠭᠤᠯᠵᠦ᠂ 45 ᠳ᠋ᠤᠭᠠᠷ ᠡᠳᠦᠷ ᠲᠡᠭᠡᠨ ᠤᠯᠠᠨ ᠰᠢᠷᠠ ᠴᠤᠷᠪᠠᠭᠠ ᠬᠤᠨᠭ᠍ᠰᠢᠶᠠᠷ ᠢᠶᠠᠷ ᠢᠶᠠᠨ ᠬᠠᠯᠢᠰᠦ ᠪᠠᠨ ᠴᠤᠭᠤᠯᠵᠦ᠂ ᠴᠡᠴᠡᠭ ᠲᠡᠯᠭᠡᠷᠡᠬᠦ ᠰᠢᠭ | ᠭᠠᠷᠤᠭᠠᠳ ᠬᠠᠶᠢᠪᠠᠯᠵᠠᠨ ᠲᠠᠶᠢᠪᠠᠯᠵᠠᠨ ᠤᠨᠠᠨ ᠪᠤᠰᠤᠨ ᠬᠦᠴᠦᠯᠡᠨ ᠴᠢᠷᠮᠠᠶᠢᠵᠦ᠂ ᠵᠢᠵᠢᠭᠭᠡᠨ ᠲᠠᠯᠠᠪᠴᠢ ᠪᠠᠨ ᠲᠡᠪᠢᠵᠦ ᠠᠯᠬᠤᠬᠤ ᠨᠢ ᠦᠨᠡᠭᠡᠷ ᠬᠦᠭᠡᠷᠦᠬᠦᠨ᠃ | ᠲᠡᠶᠢᠮᠦ ᠤᠯᠠᠨ ᠠᠮᠢ ᠨᠠᠰᠦ ᠶᠢ ᠦᠪᠡᠷ ᠤᠨ ᠭᠠᠷ ᠤᠨ ᠢᠯᠴᠢ ᠪᠠᠷ ᠢᠶᠠᠨ ᠤᠯᠭᠤᠭᠰᠠᠨ ᠬᠦᠮᠦᠨ ᠤ ᠰᠡᠳᠬᠢᠯ᠂ ᠠᠮᠢ ᠨᠠᠰᠤᠨ ᠤ ᠦᠷᠳᠡᠭ ᠢ ᠤᠢᠢᠯᠠᠭᠠᠵᠦ᠂ | ᠤᠷᠴᠢᠯᠠᠩ ᠤᠨ ᠠᠮᠢᠳᠠᠨ ᠪᠦᠬᠦᠨ ᠢ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠲᠦᠷᠦᠭᠳᠡᠳᠡᠭ ᠶᠤᠮ ᠪᠢᠯᠡ᠃ ᠬᠦᠮᠦᠨ ᠳᠤ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠵᠦᠢᠯ | ᠭᠡᠵᠦ ᠦᠭᠡᠢ᠃ ᠬᠡᠪᠡᠴᠦ ᠬᠠᠮᠤᠭ ᠤᠨ ᠦᠨᠠ ᠦᠷᠳᠡᠭ ᠲᠠᠢ᠂ ᠬᠠᠮᠤᠭ ᠤᠨ ᠴᠢᠳᠠᠳᠠᠭ ᠵᠦᠢᠯ ᠢᠶᠠᠨ ᠠᠳᠬᠤᠵᠦ ᠬᠢᠬᠦ ᠨᠢ ᠵᠦᠪ ᠭᠡᠳᠡᠭ ᠢ ᠤᠢᠢᠯᠠᠭᠠᠭᠰᠠᠨ ᠶᠤᠮ᠃ | ᠪᠢᠳᠡ ᠬᠤᠶᠠᠷ ᠡᠪᠳᠠᠢ ᠴᠠᠭ ᠲᠠᠭᠠᠨ ᠡᠪᠯᠡᠷᠡᠵᠦ ᠪᠠᠶᠢᠭᠠᠳ ᠶᠡᠭᠡ ᠭᠡᠰᠦᠳᠡᠭ ᠪᠠᠶᠢᠵᠠᠢ᠃ ᠮᠤᠩᠭᠤᠯ ᠤᠨ ᠤᠯᠠᠨ ᠭᠠᠵᠠᠷ ᠢᠶᠠᠷ ᠶᠠᠪᠤᠵᠦ ᠦᠡᠭᠭᠡᠷᠡᠭᠰᠡᠨ | ᠮᠦᠷᠳᠡᠭᠡᠨ ᠬᠠᠮᠤᠭ ᠤᠨ ᠬᠤᠯᠠ ᠨᠢ ᠡᠮᠦᠨᠡᠭᠤᠪᠢ ᠠᠶᠢᠮᠠᠭ ᠬᠦᠷᠴᠠᠢ᠃ ᠤᠯᠤᠰ ᠲᠠᠭᠠᠨ ᠪᠠᠷᠤᠭ 10 ᠭᠠᠷᠤᠢ ᠬᠤᠳᠠ ᠪᠠᠷ ᠲᠤᠭᠤᠷᠢᠵᠦ᠂ ᠷᠠᠰᠢᠶᠠᠨ ᠰᠤᠪᠢᠯᠠᠯᠳᠠ | ᠬᠢᠵᠦ ᠠᠮᠠᠷᠠᠵᠦ ᠶᠠᠪᠤᠯᠠ᠃ ᠡᠮᠦᠨᠠ ᠵᠠᠬᠠ ᠨᠢ ᠭᠤᠸᠠᠩᠵᠧᠦ᠂ ᠬᠠᠶᠢᠺᠧᠦ᠂ ᠱᠧᠨᠵᠧᠨ ᠳᠤ ᠤᠴᠢᠵᠦ ᠴᠠᠭᠠᠨ ᠰᠠᠷᠠ ᠶᠢ ᠦᠡᠭᠭᠡᠷᠡᠬᠦᠯᠵᠦ ᠪᠠᠶᠢᠯᠠ᠃ | 1980 ᠭᠠᠳ ᠤᠨ ᠳᠤ ᠠᠵᠢᠯ ᠤᠨ ᠪᠠᠶᠢᠷᠢ ᠠᠴᠠ ᠪᠠᠨ ᠬᠦᠭᠡᠬᠤᠳᠠ ᠳᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠦ ᠪᠠᠶᠢᠵᠠᠢ᠃ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ | ᠠᠯᠳᠠᠵᠦ ᠤᠨᠤᠵᠦ᠂ ᠬᠡᠷᠡᠯᠳᠦᠵᠦ ᠬᠡᠯᠡᠯᠴᠡᠵᠦ᠂ ᠬᠤᠷᠸᠠ ᠶᠢᠨ ᠬᠦᠮᠦᠰ ᠤᠨ ᠬᠡᠨ ᠠᠯᠢᠨ ᠤ ᠲᠤᠭᠤᠯᠳᠠᠭ ᠵᠠᠮ ᠪᠦᠬᠦᠳᠡ ᠶᠢ ᠲᠤᠭᠤᠯᠤᠭᠰᠠᠭᠠᠷ ᠤᠳᠦ ᠵᠢᠷᠠ ᠶᠢᠨ | ᠲᠠᠪᠠᠭᠠ ᠶᠢ ᠲᠠᠪᠠᠵᠦ᠂ ᠦᠷᠠ ᠬᠡᠤᠬᠡᠳ ᠢᠶᠠᠨ ᠬᠠᠷᠠᠵᠦ ᠪᠠᠶᠠᠰᠤᠨ᠂ ᠦᠳᠡᠯᠦᠭᠡ ᠨᠠᠰᠦ ᠪᠠᠨ ᠦᠡᠭᠭᠡᠷᠡᠬᠦᠯᠬᠦ ᠵᠠᠮ ᠳᠠᠭᠠᠨ ᠤᠷᠤᠵᠠᠢ᠃ | ᠤᠳᠦ ᠪᠢ ᠵᠢᠭᠡ ᠦᠬᠢᠨ ᠢᠶᠠᠨ ᠬᠠᠷᠠᠵᠦ ᠬᠤᠰᠢᠭᠤᠨ ᠤ ᠲᠦᠪ ᠲᠡᠭᠡᠨ ᠰᠠᠭᠤᠵᠦ ᠪᠤᠢ᠃ ᠨᠡᠶᠢᠭᠡᠮ ᠠᠴᠠ ᠬᠤᠴᠤᠷᠬᠤ ᠦᠭᠡᠢ ᠪᠠᠶᠢᠬᠤ ᠶᠢᠨ ᠲᠤᠯᠠᠳᠠ ᠰᠢᠨᠠ | ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ ᠤ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠳ᠋ ᠲᠠᠷᠤᠭᠠ ᠶᠢᠨ ᠲᠤᠮᠦ ᠨᠡᠷᠠ ᠲᠠᠢ ᠶᠠᠪᠤᠵᠦ ᠪᠠᠶᠢᠨᠠ᠃ ᠴᠢᠳᠠᠬᠤ ᠶᠢᠨ | ᠴᠢᠨᠡᠭᠡ ᠪᠠᠷ ᠢᠶᠠᠨ ᠬᠤᠶᠢᠴᠢ ᠦᠶᠠ ᠶᠢᠨ ᠬᠡᠤᠬᠡᠳ ᠲᠡᠬᠦᠦ ᠨᠠᠷ ᠲᠡᠭᠡᠨ ᠤᠯᠠᠮᠵᠢᠯᠠᠯᠳᠦ ᠪᠠᠷᠭᠤ ᠬᠤᠪᠴᠠᠰᠦ ᠵᠠᠰᠠᠯ᠂ ᠠᠪᠠᠭᠠᠢ ᠲᠡᠪᠡᠯ᠂ ᠤᠤᠵᠢ᠂ ᠠᠪᠠᠭᠠᠢ ᠮᠠᠯᠠᠭᠠᠢ | ᠵᠡᠷᠭᠡ ᠶᠢ ᠬᠦᠮᠦᠨ ᠪᠤᠯᠭᠠᠨ ᠭᠤᠶᠤᠯᠠᠯ ᠤᠨ ᠪᠠ ᠬᠡᠷ ᠤᠨ ᠬᠤᠪᠴᠠᠰᠦ ᠪᠤᠯᠭᠠᠨ ᠡᠮᠦᠰᠴᠦ᠂ ︽ᠵᠡᠭᠡᠷᠡᠩᠭᠡᠢ︾ ᠪᠦᠵᠢᠭ ᠢ ᠨᠡᠶᠢᠳᠡ ᠶᠢᠨ ᠲᠠᠯᠠᠪᠠᠢ ᠶᠢᠨ ᠪᠦᠵᠢᠭ ᠪᠤᠶᠦ | ᠬᠤᠷᠢᠮ ᠨᠠᠶᠢᠷ ᠤᠨ ᠪᠦᠵᠢᠭ ᠪᠤᠯᠭᠠᠬᠤ ᠶᠢ ᠰᠡᠷᠬᠦᠭᠡᠨ ᠠᠮᠢᠯᠠᠭᠤᠯᠬᠤ ᠶᠢ ᠪᠤᠳᠤᠵᠦ ᠰᠠᠭᠤᠨᠠ᠃ | ᠲᠡᠭᠡᠳᠦᠰ ᠤᠨ ᠰᠤᠷᠭᠠᠯ ᠳᠤ ︽ᠶᠢᠷᠳᠢᠨᠴᠦ ᠳᠤ ᠬᠦᠮᠦᠨ ᠪᠤᠯᠵᠦ ᠢᠷᠡᠭᠰᠡᠨ ᠤ ᠬᠢ ᠡᠷᠳᠡᠨᠢᠳᠦ ᠪᠡᠶᠠ ᠪᠠᠨ ᠡᠷᠡᠬᠦᠯ ᠰᠠᠷᠠᠭᠤᠯ ᠠᠪᠴᠦ ᠶᠠᠪᠤᠬᠤ᠂ ᠡᠷᠳᠡᠮ | ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠵᠦ᠂ ᠡᠳ᠋ ᠡᠷᠳᠡᠨᠢᠰ ᠢ ᠬᠤᠷᠠᠮᠳᠤᠭᠤᠯᠵᠦ ᠶᠡᠭᠡ ᠦᠢᠯᠡᠰ ᠢ ᠪᠦᠳᠦᠬᠡᠬᠦ ᠶᠢᠨ ᠲᠦᠯᠦᠭᠡ ᠶᠤᠮ︾ ᠭᠡᠰᠡᠨ᠃ ᠪᠢ ᠬᠠᠷᠢᠨ ᠬᠤᠶᠠᠷ ᠨᠠᠷᠠᠨ ᠤ | ᠬᠤᠭᠤᠷᠤᠨᠳᠦ ᠦᠴᠦᠭᠡᠨ ᠴᠦ ᠵᠠᠪ ᠴᠢᠯᠦᠭᠡ ᠦᠭᠡᠢ ᠶᠠᠪᠤᠭᠰᠠᠭᠠᠷ ᠪᠠᠶᠢᠳᠠᠯᠠ ᠵᠢᠷᠠ ᠬᠦᠷᠴᠦ ᠤᠬᠠᠭᠠᠨ ᠤᠷᠤᠯᠠ᠃ ᠲᠡᠭᠡᠳᠦᠰ ᠤᠨ ᠰᠤᠷᠭᠠᠯ ᠢ ᠪᠦᠷ ᠵᠦᠷᠢᠴᠡᠵᠠᠢ᠃ | ᠬᠤᠶᠢᠴᠢ ᠶᠢᠨ ᠬᠦᠮᠦᠰ ᠨᠠᠳᠠ ᠪᠠᠷ ᠰᠤᠷᠭᠠᠮᠵᠢ ᠪᠤᠯᠭᠠᠭᠠᠰᠠᠢ᠃ | | | ᠵᠣᠬᠢᠶᠠᠭᠴᠢ᠄ ᠰ᠊ · ᠲᠠᠮᠳᠢᠮᠠ |