| | ᠨᠢᠭᠡ ᠡᠷᠲᠡ ᠣᠷᠢᠳᠣ ᠶᠢᠨ ᠴᠠᠭ ᠲᠤ | ᠡᠩᠬᠡ ᠶᠢᠨ ᠴᠠᠭᠠᠨ ᠳᠡᠯᠡᠬᠡᠢ ᠶᠢᠨ ᠭᠤᠣᠯ ᠳᠤ | ᠡᠪᠦᠬᠡᠨ ᠰᠠᠮᠠᠭᠠᠨ ︵1︶ ᠬᠤᠶᠠᠷ ᠪᠠᠶᠢᠵᠠᠢ᠃ | ᠡᠬᠡᠯ ᠠᠮᠢᠳᠤᠷᠠᠵᠤ ᠶᠠᠪᠤᠭᠰᠠᠨ ᠲᠡᠤᠬᠡ ᠲᠠᠢ ᠭᠡᠨᠡ᠃ | ᠭᠠᠰᠢᠭᠤᠨ ᠵᠦᠳᠡᠬᠦᠷᠢ ᠲᠠᠢ ᠡᠪᠦᠭᠡᠨ ᠡᠮᠡᠭᠡᠨ ᠬᠤᠶᠠᠷ | ᠭᠠᠯᠪᠠ ᠳᠡᠯᠡᠬᠡᠢ ᠳᠤ ᠠᠮᠢᠳᠤᠷᠠᠬᠤ ᠳᠠᠭᠠᠨ | ᠭᠠᠩ ᠬᠡᠬᠦ ᠨᠣᠬᠠᠢ ᠦᠬᠡᠢ ᠭᠠᠵᠠᠷ ᠬᠢᠰᠬᠢᠬᠦ ᠮᠠᠯ ᠴᠦ ᠦᠬᠡᠢ ᠪᠠᠶᠢᠲᠠᠯᠠ ᠪᠠᠨ | ᠣᠭᠲᠠᠷᠭᠤᠢ ᠶᠢᠨ ᠨᠠᠷᠠᠨ ᠤ ᠢᠪᠡᠭᠡᠯ ᠢᠶᠠᠷ | ᠣᠷᠴᠢᠯᠠᠩ ᠳᠡᠯᠡᠬᠡᠢ ᠶᠢᠨ ᠡᠨᠡᠷᠢᠯ ᠢᠶᠠᠷ | ᠣᠣᠷ ᠪᠣᠳᠣᠯᠭᠠ ᠬᠤᠷᠴᠠ ᠲᠡᠭᠦᠯᠳᠡᠷ | ᠣᠮᠤᠭ ᠰᠦᠷ ᠲᠠᠢ ᠬᠦᠪᠡᠭᠦᠨ ᠲᠠᠢ ᠪᠣᠯᠪᠠ ᠭᠡᠨᠡ᠃ | ᠦᠨᠦᠴᠢᠨ ᠭᠠᠭᠴᠠ ᠬᠦᠪᠡᠭᠦᠨ ᠳᠡᠭᠡᠨ | ᠥᠭᠭᠦᠮᠡᠷ ᠨᠡᠷᠡ ᠣᠯᠳᠠᠬᠤ ᠦᠬᠡᠢ ᠳᠤ | ᠡᠪᠦᠭᠡᠨ ᠰᠠᠮᠠᠭᠠᠨ ᠬᠤᠶᠠᠭᠤᠯᠠ ᠵᠦᠪᠯᠡᠵᠦ | ᠦᠷᠯᠦᠭ ᠬᠠᠨ ᠤ ᠲᠦᠯᠭᠡᠴᠢ ᠳᠤ ᠣᠴᠢᠪᠠᠢ᠃ | ᠠᠯᠲᠠᠨ ᠮᠦᠩᠭᠦᠨ ᠬᠠᠳᠠᠭ ᠢᠶᠠᠨ ᠡᠷᠭᠦᠵᠦ | ᠠᠯᠲᠠᠨ ᠲᠤᠷᠭᠠᠨ ᠫᠣᠯᠠᠳ᠋ ︵2︶ ᠢᠶᠠᠨ ᠪᠠᠷᠢᠵᠤ | ᠠᠯᠴᠢᠷ ︵3︶ ᠪᠠᠭᠠ ᠬᠥᠪᠡᠭᠦᠨ ᠳᠡᠭᠡᠨ | ᠠᠯᠳᠠᠷ ᠴᠤᠯᠠ ᠲᠠᠢ ᠨᠡᠷᠡ ᠭᠤᠶᠤᠪᠠᠢ᠃ | ᠵᠢᠷᠤᠬᠠᠶᠢᠴᠢ ᠲᠦᠯᠬᠡᠴᠢ ᠳᠤᠷᠠ ᠦᠭᠡᠶᠢᠬᠡᠨ ᠰᠤᠨᠤᠰᠤᠭᠠᠳ | ᠵᠠ ᠴᠢᠨᠤ ᠲᠡᠷᠡ ᠮᠠᠭᠤ ᠬᠦᠪᠡᠭᠦᠨ ᠳᠤ | ᠵᠠᠷ ᠲᠠᠢ ᠲᠦᠷᠦ ᠲᠠᠢ ᠨᠡᠷᠡ ᠪᠠᠷ ᠶᠠᠭᠤ ᠬᠢᠨᠡ᠃ | ᠵᠠᠬᠠ ᠵᠠᠶᠢᠳᠠᠭᠤ ᠪᠠᠷ ᠲᠠᠨᠤᠵᠤ ᠶᠠᠪᠤᠪᠠᠯ ᠪᠤᠯᠴᠢᠨᠠ ᠭᠡᠵᠤ | ᠲᠥᠯᠭᠡᠴᠢᠨ ᠮᠡᠷᠭᠡᠨ ᠤ ᠲᠤᠭᠤᠮᠰᠤᠷ ᠦᠬᠡᠢ ᠬᠡᠯᠡᠬᠦ ᠳᠤ | ᠲᠡᠷᠡ ᠡᠪᠦᠭᠡᠨ ᠬᠠᠳᠠᠭ ᠫᠤᠯᠠᠳ᠋ ᠢᠶᠠᠨ ᠪᠠᠷᠢᠵᠤ | ᠲᠥᠷᠦᠭᠰᠡᠨ ᠭᠠᠭᠴᠠ ᠮᠠᠭᠤ ᠬᠥᠪᠡᠬᠦᠨ ᠳᠤ ᠮᠢᠨᠢ | ᠲᠥᠷᠦᠯᠬᠢ ᠶᠢᠨ ᠨᠡᠷᠡ ᠶᠢ ᠬᠠᠶᠢᠷᠠᠯᠠ ᠬᠡᠮᠡᠨ ᠭᠤᠶᠣᠪᠠ᠃ | ᠪᠡᠯᠡᠭ ᠲᠤ ᠳᠣᠷᠠᠲᠠᠢ ᠲᠡᠷᠡ ᠵᠢᠷᠤᠬᠠᠶᠢᠴᠢ | ᠪᠡᠷᠬᠡᠯᠬᠡᠵᠦ ︵4︶ ᠪᠠᠶᠢᠭᠠᠳ ᠲᠥᠯᠭᠡ ᠪᠠᠨ ᠦᠵᠡᠵᠦ | ᠪᠡᠨᠡ ᠲᠠᠢ ᠴᠠᠨᠠ ᠲᠠᠢ ᠨᠡᠷᠡ ᠵᠠᠶᠠᠭᠠᠭᠰᠠᠨ ᠦᠬᠡᠢ ᠳᠤ | ᠪᠣᠷᠣᠯᠳᠠᠢ ᠬᠦᠪᠡᠭᠦᠨ ᠭᠡᠵᠦ ᠶᠠᠳᠠᠭᠤᠬᠠᠨ ᠨᠡᠷᠡ ᠦᠭᠪᠡᠢ᠃ | ᠵᠢᠷᠤᠬᠠᠶᠢᠴᠢ ᠲᠥᠯᠭᠡᠴᠢᠨ ᠤ ᠦᠭᠭᠦᠭᠰᠡᠨ ᠨᠡᠷᠡ ᠳᠤ | ᠵᠠ ᠪᠣᠯᠵᠠᠢ︕ ᠪᠤᠶᠠᠨᠲᠠᠢ ᠨᠡᠷᠡ ᠭᠡᠵᠣ ᠮᠦᠷᠭᠦᠭᠡᠳ | ᠵᠠᠭᠤᠢ ᠶᠡᠭᠡ ᠪᠠᠷ ᠶᠠᠭᠠᠷᠠᠨ ᠬᠠᠷᠢᠵᠤ | ᠵᠠᠩ ᠢᠶᠠᠷ ᠠᠨᠠᠶᠢᠬᠠᠨ ᠬᠦᠭᠰᠢᠨ ᠳᠡᠭᠡᠨ ᠬᠡᠯᠡᠪᠡᠢ᠃ | ᠴᠡᠪᠡᠷᠬᠡᠨ ᠲᠥᠷᠦᠭᠰᠡᠨ ᠪᠣᠷᠣᠯᠳᠠᠢ ᠬᠦᠦ | ᠴᠢᠨᠡᠭᠡᠵᠢᠵᠣ ᠭᠤᠷᠢᠲᠠᠶᠢᠬᠠᠨ ︵5︶ ᠪᠣᠯᠤᠭᠠᠳ | ᠰᠡᠭᠡᠷ ᠭᠤᠳᠤᠯᠢ ᠮᠤᠳᠤᠨ ᠤ ᠰᠤᠮᠤ | ᠰᠡᠪᠡᠷᠭᠡᠳᠡᠰᠤᠨ ᠶᠠᠰᠤᠨ ᠨᠤᠮᠤ ᠳᠦᠭᠦᠭᠡᠷᠴᠦ | ᠰᠢᠰ ᠬᠢᠭᠰᠡᠨ ᠰᠢᠴᠢᠭᠠᠯᠳᠠᠢ ︵6︶ ᠶᠢ ᠵᠠᠩᠨᠠᠵᠤ | ᠰᠢᠪᠲᠦ ᠨᠡᠪᠲᠡ ᠬᠠᠷᠪᠤᠨ ᠠᠯᠠᠵᠤ | ᠰᠠᠪᠢᠭᠦᠯᠵᠦ ᠭᠦᠬᠢᠵᠦ ᠶᠠᠪᠤᠳᠠᠭ ᠪᠣᠯᠪᠠᠢ᠃ | ᠫᠠᠳ ᠬᠠᠷᠠᠩᠭᠤᠢ ᠰᠦᠨᠢ ᠪᠠᠷ ᠮᠣᠷᠳᠠᠵᠣ | ᠫᠢᠰ ᠬᠢᠭᠰᠡᠨ ᠪᠢᠰᠢᠯᠭᠠᠯᠳᠠᠢ ︵7︶ ᠶᠢ ᠠᠩᠨᠠᠵᠤ | ᠫᠢᠰᠢᠬᠢᠨᠠᠲᠠᠯᠠ ᠨᠢᠵᠢᠬᠢᠨᠡᠲᠡᠯᠡ ᠬᠠᠷᠪᠤᠨ ᠠᠯᠠᠵᠤ | ᠫᠢᠶᠠᠷᠳᠠᠵᠤ ︵8︶ ᠨᠠᠭᠠᠳᠤᠨ ᠶᠠᠪᠤᠳᠠᠭ ᠴᠦ ᠪᠣᠯᠪᠠᠢ᠃ | ᠥᠨᠦᠬᠢ ᠬᠤᠶᠠᠷ ᠡᠪᠦᠭᠡᠨ ᠰᠠᠮᠠᠭᠠᠨ | ᠥᠱᠦᠦ ︵9︶ ᠨᠢᠭᠡ ᠪᠠᠰᠠᠭᠠᠨ ᠲᠠᠢ ᠪᠣᠯᠪᠠ᠃ | ᠥᠩᠭᠡᠳᠦ ᠰᠠᠶᠢᠬᠠᠨ ᠪᠠᠰᠠᠭᠠᠨ ︵10︶ ᠳᠠᠭᠠᠨ | ᠥᠭᠬᠦᠮᠡᠷ ᠨᠡᠷᠡ ᠪᠠᠰᠠ ᠣᠯᠳᠠᠭᠰᠠᠨ ᠦᠬᠡᠢ ᠳᠤ ᠣᠯᠳᠠᠭᠰᠠᠨ ᠦᠬᠡᠢ ᠳᠤ | ᠬᠠᠷᠠᠳᠬᠠᠨ ᠬᠠᠨ ᠤ ᠮᠡᠷᠭᠡᠨ ᠲᠥᠯᠭᠡᠴᠢ ᠳᠤ | ᠬᠠᠳᠠᠭ ᠫᠤᠯᠠᠳ᠋ ᠤᠨ ᠪᠡᠯᠡᠭ ᠢᠶᠠᠨ ᠠᠪᠤᠭᠠᠳ | ᠬᠠᠶᠢᠷᠠᠯᠠᠵᠤ ᠨᠡᠷᠡ ᠦᠬᠢᠨ ᠳᠤ ᠮᠢᠨᠢ ᠥᠭᠬᠦᠭᠡᠴᠢ ᠭᠡᠵᠦ | ᠬᠠᠯᠠᠭᠤᠮᠰᠤᠭ ᠣᠪᠤᠷ ᠢᠶᠠᠷ ᠳᠠᠬᠢᠨ ᠤᠴᠢᠪᠠ᠃ | ᠤᠭᠲᠠᠢ ︵11︶ ᠮᠡᠷᠭᠡᠨ ᠲᠥᠯᠭᠡᠴᠢ ᠵᠢᠷᠤᠬᠠᠶᠢᠴᠢ | ᠣᠯᠵᠠ ᠠᠰᠢᠭ ᠲᠠᠢ ᠪᠡᠯᠡᠭ ᠢ ᠨᠢ ᠠᠪᠤᠭᠠᠳ | ᠤᠬᠠᠭᠠᠨ ᠲᠠᠢ ᠲᠥᠷᠦᠭᠰᠡᠨ ᠭᠤᠸᠠ ᠪᠠᠰᠠᠭᠠᠨ ᠳᠤᠨᠢ | ᠤᠷᠠᠨᠴᠡᠴᠡᠭ ᠬᠡᠮᠡᠬᠦ ᠨᠡᠷᠡ ᠬᠠᠶᠢᠷᠠᠯᠠᠪᠠᠢ᠃ | ᠥᠩᠭᠡ ᠲᠠᠢ ᠲᠥᠷᠦᠭᠰᠡᠨ ᠭᠤᠸᠠ ᠪᠠᠰᠠᠭᠠᠨ ᠳᠠᠭᠠᠨ | ᠥᠭᠯᠢᠭᠡᠲᠦ ᠲᠥᠷᠦᠯᠬᠢ ᠨᠡᠷᠡ ᠶᠢ ᠨᠢ ᠣᠯᠪᠠᠢ ᠬᠡᠮᠡᠨ | ᠦᠨᠡᠬᠡᠷ ᠴᠦ ᠶᠡᠭᠡ ᠪᠠᠶᠠᠷᠯᠠᠨ ᠬᠥᠭᠡᠷᠴᠦ ᠥᠪᠡᠷ ᠤᠨ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ ᠢᠷᠡᠭᠡᠳ | ᠰᠠᠶᠢᠬᠠᠨ ᠲᠥᠷᠦᠭᠰᠡᠨ ᠦᠬᠢᠨ ᠢ ᠮᠢᠨᠢ | ᠴᠠᠯ ᠪᠣᠭᠤᠷᠣᠯ ᠡᠬᠡ ᠶᠢᠨ ᠬᠢᠨᠢ | ᠰᠠᠨᠠᠭᠠᠨ ᠳᠤᠨᠢ ᠲᠣᠬᠢᠷᠠᠭᠰᠠᠨ ᠨᠡᠷᠡ ᠪᠠᠶᠢᠬᠠ ᠬᠡᠮᠡᠨ | ᠰᠠᠭᠰᠠᠭᠤᠷᠠᠨ ᠤᠮᠤᠭᠰᠢᠨ ᠬᠡᠯᠡᠵᠦ ᠥᠭᠪᠡᠢ᠃ | ᠤᠭ ᠤᠨ ᠨᠢᠳᠡᠷ ᠲᠤᠨᠢ ᠲᠣᠬᠢᠷᠠᠭᠰᠠᠨ | ᠤᠷᠠᠨᠴᠡᠴᠡᠭ ᠭᠡᠳᠡᠭ ᠰᠠᠶᠢᠬᠠᠨ ᠨᠡᠷᠡ ᠪᠠᠶᠢᠨᠠ ᠭᠡᠳ | ᠤᠬᠠᠭᠠᠨᠲᠤ ᠮᠡᠷᠭᠡᠨ ᠪᠣᠷᠤᠯᠳᠠᠢ ᠠᠬᠠ ᠨᠢ | ᠤᠴᠢᠷ ᠶᠡᠭᠡ ᠪᠠᠷ ᠪᠠᠶᠠᠷᠯᠠᠨ | ᠰᠡᠭᠡᠷ ᠮᠤᠳᠤᠨ ᠭᠤᠳᠤᠯᠢ ᠪᠠᠨ ᠰᠠᠭᠠᠳᠠᠭᠯᠠᠵᠤ | ᠰᠡᠪᠡᠷᠭᠡᠳᠡᠰᠣᠨ ᠶᠠᠰᠤᠨ ᠨᠤᠮᠤ ᠪᠠᠨ ᠪᠠᠷᠢᠵᠤ | ᠰᠦᠨᠢ ᠡᠳᠦᠷ ᠢ ᠴᠦ ᠢᠯᠭᠠᠬᠤ ᠦᠬᠡᠢ | ᠰᠦᠷᠲᠦ ᠶᠡᠭᠡ ᠠᠩ ᠲᠠᠭᠠᠨ ᠮᠤᠷᠳᠠᠳᠠᠭ ᠪᠣᠯᠪᠠ᠃ | ᠤᠨᠲᠠᠬᠤ ᠨᠦᠢᠷ ᠤᠨ ᠰᠡᠭᠦᠯᠭᠡᠨᠡᠷ ᠰᠡᠷᠢᠵᠤ | ᠦᠥᠷ ᠤᠨ ᠳᠤᠯᠤᠩ ︵12︶ ᠤᠨ ᠤᠷᠢᠳᠠᠨᠠᠭᠤᠷ ᠪᠣᠰᠴᠤ | ᠤᠷᠭᠤᠬᠤ ᠨᠠᠷᠠᠨ ᠤ ᠡᠬᠢᠨ ᠢᠶᠠᠷ | ᠣᠯᠵᠠᠲᠤ ᠠᠭᠤᠯᠠᠨ ᠳᠠᠭᠠᠨ ᠭᠠᠷᠴᠢᠬᠠᠭᠠᠳ | ᠠᠲᠠᠷ ᠬᠡᠭᠡᠷᠡ ᠶᠢᠨ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠢ | ᠠᠮᠠᠳᠠᠨ ᠰᠤᠮᠤᠳᠠᠨ ᠬᠠᠷᠪᠤᠬᠤ ᠳᠠᠭᠠᠨ | ᠠᠷᠪᠠ ᠲᠠᠪᠤ ᠪᠠᠷ ᠰᠦᠷᠦᠭᠯᠡᠨ ᠤᠨᠠᠭᠠᠵᠤ | ᠠᠰᠢᠭ ᠣᠯᠵᠠ ᠶᠠᠬᠡᠲᠡᠢ ᠪᠣᠯᠣᠨ | ᠠᠪᠤ ᠡᠵᠢ ᠬᠤᠶᠠᠷ ᠢᠶᠠᠨ ᠲᠡᠵᠢᠭᠡᠬᠦ | ᠡᠩᠬᠦᠷᠡᠢ ᠳᠡᠬᠦᠦ ᠳᠡᠭᠡᠨ ᠢᠳᠡᠭᠦᠯᠬᠦ | ᠡᠷᠡᠮᠡᠭ ᠮᠠᠷᠠᠯ ᠤᠨ ᠰᠢᠭᠦᠰᠦ ᠲᠠᠢ ᠬᠡᠮᠡᠨ | ᠡᠭᠡᠵᠦ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠳᠠᠭᠠᠨ | ᠬᠠᠷᠠᠳᠬᠠᠨ ᠬᠠᠨ ᠤ ᠠᠳᠤᠭᠤᠨ ᠰᠦᠷᠦᠭ ᠤᠨ | ᠬᠠᠷᠠᠵᠠ ︵13︶ ᠣᠷᠣᠭᠰᠠᠨ ᠴᠣᠪᠣᠴᠠ ︵14︶ ᠵᠠᠮ ᠢᠶᠠᠷ | ᠬᠠᠲᠤᠷᠢᠭᠴᠢ ᠮᠤᠷᠢᠨ ᠤ ᠬᠤᠷᠳᠤᠨ ᠭᠦᠶᠦᠳᠡᠯ ᠰᠢᠭ | ᠬᠠᠷᠠᠶᠢᠵᠤ ᠦᠰᠦᠷᠦᠨ ᠪᠠᠶᠠᠷᠲᠠᠢ ᠶᠠᠪᠤᠲᠠᠯᠠ | ᠠᠳᠤᠭᠤᠨ ᠤ ᠰᠤᠪᠠᠴᠠ ︵ᠴᠤᠪᠠᠴᠠ︶ ᠶᠢᠨ ᠭᠤᠤ ᠳᠤᠲᠤᠷᠠ | ᠠᠷᠭᠤᠮᠠᠭ ︵15︶ ᠮᠠᠶ᠋ᠢᠭ ᠤᠨ ᠬᠠᠯᠵᠠᠨ ᠤᠨᠠᠭᠠ | ᠠᠵᠠᠢ ᠪᠤᠭᠤᠷᠤᠯ ᠡᠬᠡ ᠠᠴᠠ ᠪᠠᠨ ᠬᠤᠴᠤᠷᠴᠤ | ᠠᠷᠠᠢ ᠭᠤᠤᠯᠲᠠᠢ ᠬᠡᠪᠲᠡᠵᠤ ᠪᠠᠶᠢᠪᠠᠢ᠃ | ᠦᠷᠯᠦᠭ ᠮᠡᠷᠭᠡᠨ ᠪᠤᠷᠤᠯᠲᠠᠢ ᠬᠦᠪᠡᠭᠦᠨ | ᠦᠨᠳᠦᠷ ᠰᠡᠭᠦᠯ ᠲᠠᠢ ᠬᠠᠯᠵᠠᠨ ᠤᠨᠠᠭᠠ ᠶᠢ | ᠦᠬᠦᠭᠡᠷᠳᠡᠵᠦ ︵16︶ ᠠᠷᠭᠠᠳᠠᠨ ᠬᠦᠲᠦᠯᠵᠦ ᠪᠠᠶᠢᠭᠠᠳ | ᠥᠪᠡᠷ ᠤᠨ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ ᠶᠠᠪᠤᠲᠠᠯᠠ | ᠬᠠᠷᠠᠳᠬᠠᠨ ᠬᠠᠨ ᠤ ᠠᠳᠤᠭᠤᠴᠢᠨ ᠡᠷᠡ | ᠬᠠᠵᠠᠭᠠᠷ ᠤᠨ ᠵᠤᠤᠵᠠᠢ ᠲᠠᠲᠠᠯ ᠦᠭᠡᠢ ᠳᠠᠪᠬᠢᠭᠤᠯᠤᠨ | ᠬᠠᠵᠠᠭᠤ ᠳᠤᠨᠢ ᠰᠢᠭᠤᠳ ᠲᠤᠯᠤᠴᠠ ︵17︶ ᠢᠷᠡᠭᠡᠳ | ᠬᠠᠮᠢᠶᠠ ᠴᠦ ᠦᠬᠡᠢ ᠬᠡᠳᠦᠨ ᠦᠭᠡ ᠬᠡᠯᠡᠪᠡᠢ᠄ | ︽ᠬᠠᠷᠢ ᠶᠢᠨ ᠬᠦᠦ ᠶᠢᠨ ᠠᠯᠳᠠᠷ ᠬᠡᠨ ᠪᠤᠢ︖ | ᠬᠠᠮᠢᠭᠠᠬᠢ ᠭᠠᠵᠠᠷ ᠤᠨ ᠳᠡᠭᠦᠤᠳᠠᠢ ᠪᠤᠢ︖ | ᠬᠠᠯᠵᠠᠨ ᠤᠨᠠᠭᠠ ᠶᠢ ᠮᠢᠨᠢ ᠴᠢ ᠤᠳᠤ | ᠬᠠᠮᠢᠭᠠ ᠠᠴᠠ ᠣᠯᠵᠤ ᠠᠪᠤᠭᠰᠠᠨ ᠪᠤᠢ︖︾ ᠭᠡᠬᠦᠯᠡᠷ | ︽ᠬᠠᠷᠢ ᠶᠢᠨ ᠬᠦᠦ ᠶᠢᠨ ᠠᠯᠳᠠᠷ ᠪᠤᠯ | ᠬᠠᠷᠠᠲᠠᠢ ᠲᠥᠷᠦᠭᠰᠡᠨ ᠪᠤᠷᠤᠯᠳᠠᠢ ᠭᠡᠳᠡᠭ | ᠬᠠᠳᠠ ᠠᠭᠤᠯᠠ ᠪᠠᠷ ᠲᠡᠨᠤᠵᠤ ᠶᠠᠪᠤᠭᠰᠠᠭᠠᠷ | ᠬᠠᠯᠵᠠᠨ ᠤᠨᠠᠭᠠ ᠶᠢ ᠴᠢᠨᠢ ᠤᠯᠤᠭᠰᠠᠨ ᠶᠤᠮ︕ | ᠥᠭᠡᠶᠢᠳᠡᠢ ᠲᠥᠷᠦᠭᠰᠡᠨ ᠪᠤᠷᠤᠯᠳᠠᠢ ᠪᠢ | ᠦᠨᠡᠨᠴᠢ ᠵᠠᠩ ᠲᠠᠢ ᠡᠷᠡ ᠬᠦᠮᠦᠨ | ᠥᠨᠦᠴᠢᠨ ᠬᠠᠯᠵᠠᠨ ᠤᠨᠠᠭᠠ ᠶᠢ ᠴᠢᠨᠢ | ᠦᠬᠦᠬᠦᠯᠬᠦ ᠦᠬᠡᠢ ᠭᠡᠵᠦ ᠪᠤᠳᠤᠭᠰᠠᠨ ᠶᠤᠮᠰᠠᠨ | ᠠᠳᠤᠭᠤᠨ ᠳᠠᠭᠠᠨ ᠶᠠᠪᠤᠳᠠᠭ ᠠᠪᠠᠭᠠ ᠲᠠ | ᠠᠷᠳᠠᠭᠯᠠᠵᠤ ᠵᠠᠩᠨᠠᠭᠠᠳ ᠶᠠᠭᠤ ᠬᠢᠨᠡ︖ | ᠠᠮᠢᠲᠠᠢ ᠪᠠᠶᠢᠭᠠ ᠬᠠᠯᠵᠠᠨ ᠤᠨᠠᠭᠠ ᠪᠠᠨ | ᠠᠪᠤᠭᠠᠳ ᠶᠠᠪᠤᠭᠰᠠᠨ ᠴᠦ ᠪᠤᠯᠴᠢᠨᠠ︕ | ᠠᠲᠠᠷ ᠬᠦᠳᠡᠭᠡ ᠲᠠᠯᠠ ᠪᠠᠷ | ᠠᠯᠬᠤᠵᠤ ᠬᠡᠰᠦᠵᠦ ᠰᠤᠷᠤᠭᠰᠠᠨ ᠶᠤᠮ | ᠠᠩᠭᠤᠴᠢ ᠠᠮᠢᠳᠤᠷᠠᠯ ᠳᠠᠭᠠᠨ ᠳᠠᠰᠤᠭᠰᠠᠨ ᠨᠠᠳᠠ | ᠠᠭᠲᠠ ᠮᠣᠷᠢ ᠬᠡᠷᠡᠭ ᠦᠬᠡᠢ︾ ᠭᠡᠬᠦᠯᠡᠷ᠄ | ᠬᠠᠷᠠᠳᠬᠠᠨ ᠬᠠᠨ ᠤ ᠠᠳᠤᠭᠤᠴᠢᠨ | ᠬᠠᠷᠠᠵᠤ ᠰᠢᠨᠵᠢᠵᠤ ᠬᠦᠦ ᠶᠢ ᠦᠵᠡᠭᠡᠳ | ︽ᠬᠠᠢ ᠳ᠋ᠠ︕ ᠡᠨᠡ ᠮᠠᠭᠤ ᠬᠠᠯᠵᠠᠨ ᠤᠨᠠᠭᠠ ᠶᠢ | ᠬᠠᠶᠢᠷᠠᠯᠠᠵᠤ ᠴᠢᠮᠠ ᠳᠤ ᠦᠭᠴᠢᠶᠡ︕ | ᠠᠮᠢᠳᠤ ᠶᠠᠪᠤᠭᠠ ᠡᠨᠡ ᠤᠨᠠᠭᠠ ᠶᠢ | ᠠᠪᠤᠭᠠᠳ ᠬᠠᠷᠢ ᠳ᠋ᠠ ᠨᠤᠲᠤᠭ ᠲᠠᠭᠠᠨ︕ | ᠠᠰᠠᠷᠠᠵᠤ ᠰᠠᠶᠢᠬᠠᠨ ᠲᠡᠵᠢᠭᠡᠪᠡᠯ ᠴᠢᠨᠢ | ᠠᠷᠳᠠᠭ ᠴᠢᠨᠢ ᠪᠤᠯᠤᠨᠠ ᠢᠷᠡᠭᠡᠳᠦᠢ ᠳᠤ︾ ᠭᠡᠪᠡᠢ᠃ | ᠪᠤᠷᠤᠯᠳᠠᠢ ᠮᠡᠷᠭᠡᠨ ᠭᠠᠭᠴᠠ ᠬᠦᠪᠡᠭᠦᠨ | ᠪᠤᠭᠤᠷᠤᠯ ᠬᠠᠯᠵᠠᠨ ᠤᠨᠠᠭᠠ ᠲᠠᠢ ᠪᠤᠯᠤᠭᠰᠠᠨ ᠳᠠᠭᠠᠨ | ᠪᠤᠬᠢᠳᠬᠢᠨ ᠬᠥᠯ ᠲᠠᠲᠠᠴᠢᠬᠠᠭᠠᠳ | ᠪᠤᠴᠠᠭᠠᠳ ᠢᠷᠡᠪᠡ ᠭᠡᠷ ᠲᠡᠭᠡᠨ︕ | ᠬᠠᠰᠢᠷ ᠳᠣᠬᠢ ᠡᠪᠦᠭᠡᠨ ᠠᠪᠤ ᠨᠢ | ᠬᠤᠸᠠ ᠬᠠᠯᠵᠠᠨ ᠤᠨᠠᠭᠠ ᠶᠢ ᠦᠵᠡᠭᠡᠳ | ᠬᠠᠨ ᠬᠦᠮᠦᠨ ᠤ ᠠᠳᠤᠭᠤᠨ ᠰᠦᠷᠦᠭ ᠠᠴᠠ | ᠬᠠᠮᠢᠶᠠ ᠦᠬᠡᠢ ᠶᠠᠭᠤᠨ ᠳᠤ ᠠᠪᠴᠢᠷᠠᠪᠠ ᠭᠡᠵᠦ | ᠠᠶᠤᠵᠤ ᠡᠮᠢᠶᠡᠭᠰᠡᠨ ᠰᠡᠳᠬᠢᠯ ᠢᠶᠠᠷ | ᠠᠶᠢᠯᠠᠳᠴᠤ ᠬᠦᠪᠡᠬᠦᠨ ᠳᠡᠭᠡᠨ ᠬᠡᠯᠡᠬᠦ ᠳᠤᠨᠢ | ᠠᠷᠢᠭᠤᠬᠠᠨ ᠰᠠᠨᠠᠭᠠᠲᠠᠢ ᠪᠤᠷᠤᠯᠳᠠᠢ ᠬᠦᠪᠡᠬᠦᠨ | ᠠᠷᠠᠢ ᠪᠤᠷᠤᠭᠤᠲᠠᠭᠠ ᠦᠬᠡᠢ ᠬᠡᠮᠡᠨ ᠬᠠᠷᠢᠭᠤᠯᠪᠠᠢ᠄ | ︽ᠬᠠᠷᠠᠳᠬᠠᠨ ᠬᠠᠨ ᠤ ᠠᠳᠤᠭᠤᠴᠢᠨ ᠠᠪᠠᠭᠠ | ᠬᠠᠶᠢᠷᠠᠯᠠᠵᠤ ᠨᠠᠳᠠ ᠦᠭᠭᠦᠭᠰᠡᠨ ᠶᠤᠮ | ᠬᠠᠮᠠᠭᠠᠯᠠᠵᠤ ᠰᠠᠶᠢᠬᠠᠨ ᠠᠷᠠᠴᠢᠯᠠᠪᠠᠯ | ᠬᠠᠨᠢ ᠮᠢᠨᠢ ᠪᠤᠯᠤᠨᠠ ᠬᠤᠵᠢᠮ ᠳᠠᠭᠠᠨ︾ ᠭᠡᠪᠡᠢ᠃ | ᠦᠨᠤᠬᠢ ᠮᠠᠭᠤ ᠪᠤᠭᠤᠷᠤᠯ ᠤᠨᠠᠭᠠ ᠪᠠᠨ | ᠦᠨᠡᠨ ᠰᠠᠨᠠᠭᠠᠨ ᠠᠴᠠ ᠪᠠᠨ ᠠᠷᠠᠴᠢᠯᠠᠭᠠᠳ | ᠡᠷᠭᠦᠵᠦ ᠰᠠᠶᠢᠬᠠᠨ ᠲᠡᠵᠢᠭᠡᠬᠦᠯᠡᠷ ᠨᠢ | ᠦᠷᠯᠦᠭ ᠠᠭᠲᠠ ᠶᠢᠨ ᠨᠢᠭᠡᠨ ᠪᠣᠯᠪᠠᠢ᠃ | ᠪᠤᠷᠤᠯᠳᠠᠢ ᠬᠦᠪᠡᠭᠦᠨ ᠮᠣᠷᠢ ᠲᠠᠢ ᠪᠤᠯᠵᠤ | ᠪᠣᠷᠣ ᠬᠤᠭᠤᠯᠠᠢ ᠪᠠᠨ ᠲᠡᠵᠢᠭᠡᠬᠦ ᠬᠡᠮᠡᠨ | ᠪᠣᠷᠪᠢᠲᠠᠢ ᠬᠦᠷᠦᠭᠡᠰᠦ ᠶᠢ ᠨᠠᠮᠨᠠᠨ ᠬᠦᠭᠡᠭᠡᠵᠦ | ᠪᠤᠯᠤᠮᠠᠷ ᠠᠩᠴᠢᠨ ᠤ ᠨᠢᠭᠡᠨ ᠪᠣᠯᠴᠢᠪᠠᠢ᠃ | ᠠᠩᠴᠢᠨ ᠮᠡᠷᠭᠡᠨ ᠪᠣᠷᠣᠯᠳᠠᠢ ᠬᠦᠪᠡᠭᠦᠨ | ᠠᠷᠣ ᠶᠢᠨ ᠬᠦᠷᠦᠭᠡᠰᠦ ᠶᠢ ᠬᠦᠭᠡᠭᠡᠨ ᠨᠠᠮᠨᠠᠵᠤ | ᠠᠭᠯᠠᠭ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠤ ᠬᠤᠷᠤᠭᠠᠵᠤ | ᠠᠯᠠᠵᠤ ᠤᠨᠠᠭᠠᠵᠤ ᠶᠠᠪᠤᠳᠠᠭ ᠪᠣᠯᠪᠠ᠃ | ᠥᠷᠯᠦᠭ ᠮᠡᠷᠭᠡᠨ ᠪᠤᠷᠤᠯᠳᠠᠢ ᠬᠦᠪᠡᠭᠦᠨ | ᠥᠪᠦᠷ ᠤᠨ ᠵᠡᠭᠡᠷᠡ ᠶᠢ ᠨᠠᠮᠨᠠᠨ ᠬᠦᠭᠡᠭᠡᠵᠦ | ᠥᠨᠳᠦᠷ ᠬᠠᠳᠠ ᠶᠢᠨ ᠬᠤᠷᠮᠤᠢ ᠳᠤ ᠴᠤᠭᠯᠠᠭᠤᠯᠵᠤ | ᠦᠬᠦᠬᠦᠯᠵᠦ ᠠᠯᠠᠵᠤ ᠶᠠᠪᠤᠳᠠᠭ ᠴᠦ ᠪᠤᠯᠪᠠ᠃ | ᠠᠪᠤ ᠡᠵᠢ ᠬᠤᠶᠠᠷ ᠢᠶᠠᠨ ᠲᠡᠵᠢᠭᠡᠵᠦ | ᠠᠩ ᠬᠦᠷᠦᠭᠡ ᠬᠢᠭᠰᠡᠭᠡᠷ ᠶᠠᠪᠤᠲᠠᠯᠠ | ᠠᠷᠤ ᠬᠦᠨᠳᠡᠢ ᠨᠤᠲᠤᠭ ᠤᠷᠤᠨ ᠳᠤᠨᠢ | ᠠᠷᠢᠶᠠᠲᠠᠨ ᠠᠮᠢᠲᠠᠨ ᠠᠯᠠᠭᠠ ᠪᠣᠯᠴᠢᠪᠠ᠃ | ᠪᠤᠷᠤᠯᠳᠠᠢ ᠮᠡᠷᠭᠡᠨ ᠨᠢᠭᠡᠨ ᠰᠦᠨᠢ ᠪ᠊ | ᠤᠷᠴᠠᠶᠢᠨ ᠬᠡᠪᠲᠡᠵᠦ ᠤᠨᠲᠠᠵᠤ ᠪᠠᠶᠢᠲᠠᠯᠠ | ᠪᠤᠵᠠᠭᠠᠢ ︵18︶ ᠨᠢᠭᠡᠨ ᠵᠡᠭᠦᠳᠦ ᠵᠡᠭᠦᠳᠦᠯᠡᠭᠰᠡᠨ ᠳᠡᠭᠡᠨ | ᠪᠣᠰᠣᠨ ᠬᠠᠷᠠᠶᠢᠭᠠᠳ ᠪᠤᠳᠤᠵᠤ ᠰᠠᠭᠤᠨᠠ᠃ | ᠠᠶᠠᠷ ᠪᠠᠷᠠᠭᠤᠨ ᠬᠤᠶᠢᠲᠤ ᠵᠦᠭ ᠤᠨ | ᠠᠯᠲᠠᠨ ᠰᠢᠷᠭᠠᠯ ᠬᠠᠳᠠ ᠶᠢᠨ ᠡᠩᠭᠡᠷ ᠲᠤ | ᠠᠩ ᠠᠷᠢᠶᠠᠲᠠᠨ ᠲᠠᠷᠬᠢᠯᠠᠵᠤ ︵19︶ ᠣᠴᠢᠭᠠᠳ | ᠠᠮᠠᠷᠠᠨ ᠳᠠᠷᠭᠤᠯᠠᠨ ᠨᠠᠭᠠᠳᠴᠤ ᠪᠠᠶᠢᠨᠠ ᠭᠡᠵᠦ | ᠵᠡᠭᠦᠳᠦᠯᠡᠭᠰᠡᠨ ᠵᠡᠭᠦᠳᠦᠨ ᠠᠴᠠ ᠪᠠᠨ ᠪᠤᠯᠤᠭᠠᠳ | ᠵᠦᠭᠯᠡᠵᠦ ᠮᠤᠷᠳᠠᠬᠤ ᠪᠤᠯᠤᠭᠰᠠᠨ ᠰᠠᠨᠠᠭᠠ ᠪᠠᠨ | ᠵᠦᠪᠯᠡᠵᠦ ᠠᠪᠤ ᠡᠵᠢ ᠳᠡᠭᠡᠨ ᠬᠡᠯᠡᠴᠢᠭᠡᠳ | ᠵᠢᠬᠢᠭᠦᠯᠵᠦ ︵20︶ ᠭᠠᠷᠪᠠ ᠪᠠᠷᠠᠭᠤᠨ ᠬᠤᠶᠢᠰᠢ ᠪᠠᠨ᠃ | ᠰᠣᠳᠤ ᠲᠤᠩᠭᠠᠯᠠᠭ ᠨᠢᠭᠡᠨ ᠦᠷᠯᠦᠭᠡᠭᠦᠷ | ᠰᠤᠭᠤᠨ ︵21︶ ᠴᠢᠬᠢᠲᠠᠢ ᠪᠤᠭᠤᠷᠤᠯ ᠮᠤᠷᠢᠨ ᠳᠠᠭᠠᠨ | ᠰᠣᠷᠴᠢᠨ ᠨᠤᠮᠤᠴᠢᠨ ᠮᠠᠶ᠋ᠢᠭ ᠢᠶᠠᠷ ᠮᠤᠷᠳᠠᠵᠤ | ᠱᠣᠩᠭᠢᠨᠠᠭᠤᠯᠵᠤ ᠦᠰᠦᠷᠦᠭᠦᠯᠦᠨ ᠳᠠᠪᠬᠢᠭᠤᠯᠪᠠᠢ᠃ | ᠪᠣᠷᠣᠯᠳᠠᠢ ᠮᠡᠷᠭᠡᠨ ᠢ ᠠᠶᠠᠨ ᠮᠤᠷᠳᠠᠬᠤᠯᠠᠷ | ᠪᠤᠶᠠᠨᠲᠤ ᠶᠡᠭᠡ ᠬᠠᠷᠠᠳᠬᠠᠨ ᠬᠠᠨ | ᠪᠤᠯᠬᠤ ᠵᠠᠪᠰᠢᠶᠠᠨ ᠲᠤᠬᠢᠶᠠᠯᠳᠤᠯᠠ ᠬᠡᠮᠡᠨ | ᠪᠤᠯᠢᠶᠠᠵᠤ ᠠᠪᠠᠴᠢᠯᠠ ᠥᠬᠢᠨ ᠳᠡᠭᠦᠦ ᠶᠢ ᠨᠢ᠃ | ᠤᠬᠠᠭᠠᠨ ᠰᠡᠷᠭᠦᠯᠡᠩ ᠤᠷᠠᠨᠴᠡᠴᠡᠭ ᠥᠬᠢᠨ ᠢ | ᠤᠶᠤᠳᠠᠯᠴᠢᠨ ᠤᠷᠠᠨ ᠵᠠᠷᠤᠴᠠ ᠪᠤᠯᠭᠠᠵᠤ | ᠤᠭᠠᠯᠵᠠ ᠲᠠᠢ ᠨᠠᠷᠢᠨ ᠤᠶᠤᠳᠠᠯ ᠤᠶᠤᠭᠤᠯᠵᠤ | ᠤᠯᠢᠭ ᠦᠬᠡᠢ ᠮᠠᠭᠤᠬᠠᠢ ᠬᠡᠷᠡᠭᠯᠡᠵᠦ ᠭᠡᠨᠡ᠃ | ᠬᠤᠪᠢᠲᠠᠢ ᠲᠦᠷᠦᠭᠰᠡᠨ ᠤᠷᠠᠨᠴᠡᠴᠡᠭ | ᠬᠤᠷᠮᠤᠢ ᠶᠢᠨ ᠴᠢᠨᠡᠭᠡᠨ ᠠᠷᠠᠰᠤ ᠰᠢᠷᠢ ᠶᠢ | ᠬᠤᠷᠢᠨ ᠵᠠᠬᠠᠲᠤ ᠪᠤᠯᠭᠠᠨ ᠤᠶᠤᠳᠠᠭ | ᠬᠤᠣᠰ ᠦᠬᠡᠢ ᠤᠷᠠᠨ ᠬᠡᠤᠬᠡᠨ ᠭᠡᠨᠡ᠃ | ᠪᠤᠷᠤᠯᠳᠠᠢ ᠮᠡᠷᠭᠡᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠵᠦᠭ ᠲᠤ | ᠪᠤᠷᠤᠭᠤᠯᠠᠵᠤ ᠤᠴᠢᠭᠰᠠᠨ ᠬᠦᠷᠦᠭᠡᠰᠦ ᠶᠢ ᠭᠦᠭᠡᠬᠡᠵᠦ ᠶᠠᠪᠤᠲᠠᠯᠠ | ᠪᠤᠭᠤᠷᠤᠯ ᠬᠠᠯᠵᠠᠨ ᠰᠢᠩᠬᠤᠨ ᠬᠦᠷᠡᠩ ᠨᠢ | ᠪᠤᠳᠤᠯ ᠲᠠᠢ ᠨᠢᠭᠡᠨ ᠦᠭᠡ ᠬᠡᠯᠡᠪᠡᠢ᠄ | ︽ᠪᠦᠷᠬᠦᠭᠡᠲᠦ ᠠᠭᠤᠯᠠ ᠶᠢᠨ ᠡᠩᠭᠡᠷ ᠲᠠᠯᠠ ᠳᠤ | ᠪᠦᠳᠦᠭᠦᠨ ᠬᠠᠷᠠ ᠴᠢᠯᠠᠭᠤ ᠪᠠᠶᠢᠬᠤ | ᠪᠦᠳᠦᠭᠦᠨ ᠬᠠᠷᠠ ᠴᠢᠯᠠᠭᠤ ᠭᠡᠨᠡᠳᠬᠡᠨ | ᠪᠦᠭᠯᠡᠭᠳᠡᠵᠦ ᠠᠩᠭᠠᠶᠢᠵᠤ ᠪᠠᠶᠢᠳᠠᠭ ᠪᠠᠶᠢᠬᠤ᠂ | ᠳᠡᠪᠬᠢᠭᠡᠷ ᠬᠠᠷᠠ ᠴᠢᠯᠠᠭᠤᠨ ᠳᠤᠨᠢ ᠬᠦᠷᠬᠦ ᠳᠤᠨᠢ | ᠲᠡᠷᠡ ᠴᠢᠯᠠᠭᠤᠨ ᠳᠡᠷᠪᠡᠰ ᠬᠢᠵᠦ ᠠᠩᠭᠠᠶᠢᠭᠤ | ᠳᠡᠷᠪᠡᠰ ᠬᠢᠵᠦ ᠠᠩᠭᠠᠶᠢᠬᠤ ᠳᠤᠨᠢ | ᠳᠡᠪᠬᠡᠳᠡᠵᠦ ᠣᠷᠬᠢᠭᠠᠷᠠᠢ ᠭᠤᠳᠤᠯᠢ ᠪᠠᠷ ᠢᠶᠠᠨ | ᠴᠢᠯᠠᠭᠤᠨ ᠤ ᠠᠩᠭᠠᠶᠢᠭᠰᠠᠨ ᠵᠠᠢ ᠵᠠᠪᠰᠠᠷ ᠢᠶᠠᠷ | ᠱᠠᠭᠠᠶᠢᠵᠤ ᠨᠠᠷᠢᠯᠢᠭ ᠰᠢᠷᠲᠡᠪᠡᠯ ᠴᠢᠨᠢ | ᠴᠢᠨᠦ ᠠᠮᠢ ᠨᠠᠰᠣᠨ ᠳᠤ ᠬᠡᠷᠡᠭᠲᠡᠢ | ᠴᠢᠨᠠᠷ ᠰᠠᠶᠢᠲᠠᠢ ᠬᠡᠷᠡᠭᠰᠡᠯ ᠡᠳ᠋ ᠪᠠᠶᠢᠬᠤ᠂ | ᠠᠷᠲᠠᠭ ᠮᠤᠷᠢᠨ ᠳᠠᠭᠠᠨ ᠳᠠᠷᠤᠨ ᠲᠤᠬᠤᠳᠠᠭ | ᠠᠭᠠᠷᠠᠤ ᠽᠠᠨᠳᠠᠨ ᠡᠮᠡᠭᠡᠯ ᠪᠠᠶᠢᠬᠤ᠂ | ᠠᠷᠭᠤᠮᠠᠭ ᠪᠤᠭᠤᠷᠤᠯ ᠢᠶᠠᠨ ᠬᠠᠵᠠᠭᠠᠷᠯᠠᠳᠠᠭ | ᠠᠯᠲᠠᠨ ᠵᠡᠮᠬᠡᠭ ︵22︶ ᠲᠠᠢ ᠬᠠᠵᠠᠭᠠᠷ ᠪᠠᠶᠢᠬᠤ᠂ | ᠲᠡᠭᠦᠨ ᠠᠴᠠ ᠴᠠᠭᠠᠰᠢ ᠬᠠᠷᠠᠪᠠᠯ ᠴᠢᠨᠢ | ᠲᠠᠯᠠ ᠶᠢᠨ ᠠᠩ ᠳᠤ ᠬᠡᠷᠡᠭᠴᠡᠳᠡᠭ | ᠲᠠᠪᠤᠨ ᠬᠡᠭᠡᠷ ᠠᠯᠠᠭ ᠭᠤᠳᠤᠯᠢ ᠲᠠᠢ | ᠳᠡᠪᠲᠡᠷ ᠰᠠᠶᠢᠬᠠᠨ ᠨᠤᠮᠤ ᠪᠠᠶᠢᠬᠤ᠂ | ᠬᠤᠯᠠ ᠶᠢᠨ ᠵᠠᠮ ᠳᠠᠭᠠᠨ ᠬᠡᠷᠡᠭᠯᠡᠳᠡᠭ | ᠬᠤᠤᠷᠲᠠᠨ ᠳᠠᠶᠢᠰᠤᠨ ᠲᠠᠢ ᠦᠵᠡᠯᠴᠡᠳᠡᠭ | ᠬᠤᠣᠰ ᠦᠬᠡᠢ ᠪᠠᠬᠢᠯᠢᠭ᠌ ᠪᠦᠭᠡᠪᠲᠤᠷ | ᠬᠤᠶᠠᠭ ᠳᠤᠭᠤᠯᠭᠠ ᠪᠦᠷᠢᠨ ᠪᠠᠶᠢᠬᠤ᠃ | ᠳᠤᠬᠤᠵᠤ ᠶᠠᠪᠤᠳᠠᠭ ᠡᠮᠡᠭᠡᠯ ᠢᠶᠠᠨ | ᠳᠤᠷᠪᠢᠵᠤ ᠬᠠᠵᠠᠭᠠᠷᠯᠠᠳᠠᠭ ᠬᠠᠵᠠᠭᠠᠷ ᠢᠶᠠᠨ | ᠲᠤᠭᠤᠵᠤ ᠬᠡᠷᠡᠭᠯᠡᠳᠡᠭ ᠭᠤᠳᠤᠯᠢ ᠪᠠᠨ | ᠲᠤᠬᠢᠷᠠᠭᠤᠯᠵᠤ ᠬᠠᠷᠪᠤᠳᠠᠭ ᠨᠤᠮᠤ ᠪᠠᠨ | ᠬᠠᠬᠢᠷ ᠬᠦᠢᠲᠡᠨ ᠳᠤ ᠡᠮᠦᠰᠳᠡᠭ | ᠬᠠᠯᠴᠠᠷᠬᠠᠢ ᠠᠷᠠᠰᠤᠨ ᠳᠡᠪᠡᠯ ᠢᠶᠠᠨ | ᠬᠠᠷᠠ ᠴᠢᠯᠠᠭᠤᠨ ᠤ ᠠᠩᠭᠠᠷᠬᠠᠢ ᠳᠤ | ᠬᠠᠮᠲᠤᠷᠠᠭᠤᠯᠵᠤ ᠰᠠᠶᠢᠬᠠᠨ ᠲᠠᠯᠪᠢᠯᠴᠠ︾ ᠭᠡᠪᠡᠢ᠃ | ᠪᠤᠳᠤᠯ ᠤᠬᠠᠭᠠᠨ ᠲᠠᠢ ᠲᠥᠷᠦᠭᠰᠡᠨ | ᠪᠣᠷᠣᠯᠳᠠᠢ ᠮᠡᠷᠭᠡᠨ ᠦᠷᠯᠦᠭ ᠬᠦᠪᠡᠬᠦᠨ | ᠪᠤᠭᠤᠷᠤᠯ ᠬᠠᠯᠵᠠᠨ ᠳᠤ ᠪᠠᠨ ᠬᠡᠯᠡᠭᠰᠡᠨ ᠦᠭᠡ ᠪᠠᠷ | ᠪᠤᠯᠭᠤᠮᠵᠢ ᠲᠤᠬᠢᠷᠠᠮᠵᠢᠲᠠᠢ ᠬᠢᠴᠢᠭᠡᠳ | ᠠᠷᠳᠠᠭ ᠪᠤᠭᠤᠷᠤᠯ ᠳᠠᠭᠠᠨ ᠲᠠᠷᠤᠨ ᠲᠤᠬᠤᠳᠠᠭ | ᠠᠭᠠᠷᠠᠤ ᠽᠠᠨᠳᠠᠨ ᠡᠮᠡᠭᠡᠯ ᠢᠶᠠᠨ ᠲᠤᠬᠤᠵᠤ | ᠠᠷᠭᠤᠮᠠᠭ ᠬᠦᠷᠡᠩ ᠳᠡᠭᠡᠨ ᠬᠠᠵᠠᠭᠠᠷᠯᠠᠳᠠᠭ | ᠠᠯᠲᠠᠨ ᠵᠡᠮᠬᠡᠭ ᠲᠠᠢ ᠬᠠᠵᠠᠭᠠᠷ ᠢᠶᠠᠨ ᠬᠠᠵᠠᠭᠠᠷᠯᠠᠵᠤ | ᠲᠠᠯᠠ ᠶᠢᠨ ᠠᠩ ᠳᠤ ᠬᠡᠷᠡᠭᠯᠡᠳᠡᠭ | ᠲᠠᠪᠤᠨ ᠬᠡᠭᠡᠷ ᠠᠯᠠᠭ ᠰᠣᠷᠴᠢ ᠲᠠᠢ | ᠲᠠᠩᠰᠤᠭ ᠰᠢᠨᠡ ᠨᠤᠮᠤ ᠪᠠᠨ ᠠᠪᠴᠤ | ᠲᠠᠭᠠᠮᠵᠢ ᠲᠤᠬᠢᠲᠠᠢ ᠰᠠᠭᠠᠳᠠᠭᠯᠠᠨ ᠮᠦᠷᠦᠯᠡᠪᠡᠢ᠃ | ᠬᠤᠯᠠ ᠬᠡᠳᠦ ᠳᠡᠭᠡᠨ ᠬᠡᠷᠡᠭᠯᠡᠵᠦ ᠶᠠᠪᠤᠳᠠᠭ | ᠬᠤᠤᠷᠲᠠᠨ ᠳᠠᠶᠢᠰᠤᠨ ᠲᠠᠢ ᠦᠵᠡᠯᠴᠡᠳᠡᠭ | ᠬᠤᠶᠠᠭ ᠳᠤᠭᠤᠯᠭᠠ ᠪᠠᠨ ᠲᠠᠭᠠᠷᠠᠭᠤᠯᠵᠤ | ᠬᠤᠪᠢ ᠲᠠᠢ ᠰᠠᠶᠢᠬᠠᠨ ᠮᠦᠷᠦᠯᠡᠵᠦ ᠣᠷᠬᠢᠪᠠᠢ᠃ | ᠪᠤᠭᠤᠷᠤᠯ ᠬᠠᠯᠵᠠᠨ ᠤ ᠪᠠᠨ ᠦᠭᠡ ᠪᠠᠷ | ᠪᠣᠷᠣᠯᠳᠠᠢ ᠮᠡᠷᠭᠡᠨ ᠬᠤᠷᠴᠠᠯᠠᠵᠤ ᠣᠷᠬᠢᠭᠠᠳ | ᠪᠣᠷᠣᠭᠤᠯᠠᠵᠤ ᠭᠠᠷᠤᠭᠰᠠᠨ ᠭᠦᠷᠦᠭᠡᠰᠦ ᠶᠢ | ᠪᠤᠲᠠᠷᠠᠲᠠᠯᠠ ᠨᠢᠴᠠᠷᠠᠲᠠᠯᠠ ᠬᠠᠷᠪᠤᠵᠤ ᠶᠠᠪᠤᠪᠠᠢ᠃ | ᠦᠷᠯᠦᠭ ᠪᠤᠭᠤᠷᠤᠯ ᠤᠨ ᠢᠶᠠᠨ ᠦᠭᠡ ᠪᠠᠷ | ᠦᠨᠡᠨ ᠪᠡᠶᠡ ᠪᠠᠨ ᠪᠡᠶᠡᠯᠡᠵᠦ | ᠦᠨᠡᠭᠡᠨ ᠳᠠᠬᠤ ᠪᠠᠨ ᠳᠠᠬᠤᠯᠠᠵᠤ | ᠥᠨᠦᠬᠢ ᠬᠦᠷᠦᠭᠡᠰᠦᠨ ᠤ ᠬᠤᠶᠢᠨᠠ ᠠᠴᠠ ᠳᠠᠪᠬᠢᠭᠤᠯᠪᠠᠢ᠃ | ᠠᠶᠠᠷ ᠪᠠᠷᠠᠭᠤᠨ ᠬᠤᠶᠢᠲᠤ ᠵᠦᠭ ᠲᠠᠬᠢ | ᠠᠯᠲᠠᠨ ᠰᠢᠷᠠ ᠬᠠᠳᠠ ᠶᠢᠨ ᠡᠩᠭᠡᠷ ᠲᠤ | ᠠᠲᠠᠷ ᠬᠡᠭᠡᠷᠡ ᠶᠢᠨ ᠬᠦᠷᠦᠭᠡᠰᠦ ᠵᠡᠭᠡᠷᠡ ᠶᠢ | ᠠᠷᠤ ᠲᠡᠰᠢ ᠨᠢ ᠤᠨᠠᠭᠠᠭᠠᠳ ᠤᠷᠬᠢᠵᠤ | ᠦᠷᠦᠨᠡ ᠵᠦᠭ ᠤᠨ ᠳᠠᠶᠢᠳᠤ ︵23︶ ᠳᠠᠬᠢ | ᠦᠨᠳᠦᠷ ᠰᠢᠷᠠ ᠬᠠᠳᠠ ᠶᠢᠨ ᠬᠤᠷᠮᠤᠢ ᠳᠤ | ᠥᠨᠳᠡᠭᠡ ᠵᠤᠯᠵᠠᠭᠠ ᠲᠠᠢ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠢ | ᠥᠪᠦᠷ ᠲᠠᠶᠢᠰᠢ ᠨᠢ ᠬᠠᠷᠪᠤᠨ ᠤᠨᠠᠭᠠᠵᠤ | ᠤᠴᠢᠭᠰᠠᠨ ᠵᠣᠷᠢᠯᠭᠠ ᠳᠠᠭᠠᠨ ᠪᠦᠷᠢᠨ ᠬᠦᠷᠴᠦ | ᠣᠯᠵᠠ ᠣᠮᠤᠭ ᠶᠡᠭᠡ ᠪᠠᠷ ᠴᠤᠭᠯᠠᠭᠤᠯᠵᠤ | ᠤᠯᠠᠨ ᠬᠦᠷᠦᠭᠡᠰᠦ ᠪᠠᠨ ᠬᠤᠷᠢᠶᠠᠵᠤ ᠠᠪᠤᠭᠠᠳ | ᠤᠷᠤᠨ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠬᠤ ᠪᠣᠯᠪᠠᠢ᠃ | ᠠᠲᠠᠷ ᠬᠡᠭᠡᠷᠡ ᠶᠢᠨ ᠠᠩ ᠬᠦᠷᠦᠭᠡᠰᠦᠨ ᠠᠴᠠ | ᠠᠷᠳᠠᠭ ᠬᠦᠷᠡᠩ ᠳᠡᠭᠡᠨ ᠠᠴᠢᠶᠠᠯᠠᠨ ᠭᠠᠨᠵᠤᠭᠠᠯᠠᠵᠤ | ᠠᠶᠠᠨ ᠵᠠᠮ ᠢᠶᠠᠨ ᠬᠦᠭᠡᠭᠡᠨ ᠪᠤᠴᠠᠵᠤ | ᠠᠶᠢᠯ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠶᠠᠪᠤᠪᠠᠢ᠃ | ᠠᠴᠢᠲᠤ ᠪᠤᠭᠤᠷᠤᠯ ᠡᠵᠢ ᠨᠢ ᠭᠡᠨᠡᠳᠲᠡ | ᠠᠩ ᠳᠤ ᠶᠠᠪᠤᠭᠰᠠᠨ ᠬᠦᠦ ᠢᠶᠠᠨ | ᠠᠯᠤᠰ ᠤᠨ ᠵᠠᠮ ᠳᠤ ᠣᠯᠵᠠ ᠲᠠᠢ | ᠠᠴᠢᠶᠠ ᠲᠡᠩᠨᠡᠭᠡ ᠶᠡᠬᠡᠲᠡᠢ | ᠤᠷᠭᠤᠬᠤ ᠨᠠᠷᠠ ᠢ ᠴᠢᠭᠯᠡᠨ ᠵᠤᠷᠢᠵᠤ | ᠤᠷᠤᠨ ᠨᠤᠲᠤᠭ ᠲᠠᠭᠠᠨ ᠡᠷᠬᠢᠵᠤ ᠶᠠᠪᠤᠨᠠ ᠬᠡᠮᠡᠨ | ᠤᠨᠲᠠᠬᠤ ᠨᠦᠢᠷ ᠤᠨ ᠵᠠᠪᠰᠠᠷ ᠳᠤᠮᠳᠠᠭᠤᠷ | ᠤᠷᠤᠨ ᠳᠠᠭᠠᠨ ᠬᠡᠪᠲᠡᠭᠰᠡᠭᠡᠷ ᠵᠡᠭᠦᠳᠦᠯᠡᠪᠡ ᠭᠡᠨᠡ᠃ | ᠦᠷᠯᠦᠭᠡᠬᠦᠷ ᠡᠷᠲᠡ ᠤᠷᠤᠨ ᠠᠴᠠ ᠪᠠᠨ ᠪᠤᠰᠴᠤ | ᠡᠪᠦᠭᠡᠨ ᠡ︕ ᠡᠪᠦᠭᠡᠨ ᠡ ᠬᠤᠷᠳᠤᠨ ᠬᠤᠷᠳᠤᠨ ᠪᠤᠰᠤᠭᠠᠴᠢ | ᠡᠨᠡ ᠰᠦᠨᠢ ᠪᠢ ᠴᠢᠨᠢ ᠨᠦᠢᠷ ᠳᠣᠮᠳᠠ ᠪᠠᠨ | ᠡᠯᠳᠡᠪ ᠤᠨ ᠵᠡᠭᠦᠳᠦ ᠵᠡᠭᠦᠳᠦᠯᠡᠪᠡ ᠬᠡᠮᠡᠨ | ᠰᠢᠨᠠᠭᠠᠨ ᠤ ᠪᠤᠳᠤᠭᠠ ᠵᠤᠭᠰᠤᠴᠢᠮᠠᠷ | ᠴᠢᠨᠳᠠᠭᠠᠨ ᠤ ᠰᠢᠪᠠᠷᠲᠠᠨ ᠤᠨᠠᠮᠠᠷ | ᠰᠢᠷᠠ ᠤᠯᠠᠭᠠᠨ ᠴᠠᠢ ᠪᠠᠨ ᠴᠢᠨᠠᠵᠤ | ᠱᠠᠪ ᠱᠠᠪ ᠭᠡᠲᠡᠯᠡ ᠰᠠᠮᠤᠷᠴᠤ ᠪᠠᠶᠢᠪᠠ᠃ | ᠡᠪᠦᠭᠡᠨ ᠬᠦᠭᠰᠢᠨ ᠬᠤᠶᠠᠭᠤᠯᠠ | ᠡᠷᠲᠡ ᠶᠢᠨ ᠴᠠᠢ ᠪᠠᠨ ᠰᠢᠮᠡᠲᠠᠢ ᠤᠤᠭᠤᠵᠤ | ᠡᠨᠡ ᠰᠦᠨᠢ ᠶᠢᠨ ᠵᠡᠭᠦᠳᠦ ᠶᠢ ᠶᠠᠷᠢᠯᠴᠠᠨ | ᠡᠶᠡᠲᠡᠢ ᠨᠠᠶᠢᠷ ᠲᠠᠢ ᠪᠠᠶᠢᠵᠤ ᠪᠠᠶᠢᠲᠠᠯᠠ | ᠬᠠᠨ ᠬᠦᠮᠦᠨ ᠤ ᠲᠦᠰᠢᠮᠡᠯ ᠶᠠᠩᠵᠣ ᠲᠠᠢ | ᠬᠠᠷᠢ ᠶᠢᠨ ᠣᠷᠣᠨ ᠤ ᠵᠢᠷᠤᠬᠠᠶᠢᠴᠢ ᠬᠡᠪ ᠲᠠᠢ | ᠬᠠᠷᠬᠢᠰ ᠮᠠᠶ᠋ᠢᠭ ᠤᠨ ᠲᠤᠭᠰᠢᠨ ᠨᠤᠶᠠᠨ | ᠬᠠᠷᠠ ᠥᠷᠭᠦᠭᠡ ᠶᠢᠨ ᠡᠭᠦᠳᠡᠨ ᠳᠤ ᠢᠷᠡᠭᠡᠳ | ︽ᠬᠠᠷᠠᠴᠤ ᠪᠤᠭᠤᠯ ᠡᠪᠦᠭᠡᠨ ᠡᠮᠡᠭᠡᠨ ᠬᠤᠶᠠᠷ ᠡ | ᠬᠠᠷᠠᠳᠬᠠᠨ ᠬᠠᠨ ᠤ ᠡᠵᠡᠨ ᠤ ᠲᠤᠰᠢᠶᠠᠭᠰᠠᠨ | ᠬᠠᠲᠠᠭᠤ ᠴᠢᠩᠭᠠ ᠵᠠᠷᠯᠢᠭ ᠢ ᠰᠤᠨᠤᠰᠴᠤ | ᠬᠠᠷᠢᠵᠤ ᠶᠠᠪᠤᠭᠰᠠᠨ ᠬᠦᠦ ᠳᠡᠭᠡᠨ ᠬᠡᠯᠡ︾ ᠬᠡᠮᠡᠨ | ᠦᠨᠳᠦᠷ ᠳᠠᠭᠤᠨ ᠢᠶᠠᠷ ᠬᠠᠰᠬᠢᠷᠤᠨ ᠵᠠᠩᠳᠤᠷᠴᠤ | ᠡᠪᠦᠭᠡᠨ ᠡᠮᠡᠭᠡᠨ ᠬᠤᠶᠠᠷ ᠢ ᠰᠦᠷᠳᠡᠭᠦᠯᠦᠨ | ᠦᠢᠮᠡᠭᠡᠨ ᠲᠦᠢᠪᠡᠭᠡᠨ ᠳᠠᠲᠠᠬᠤ ᠮᠠᠶ᠋ᠢᠭ ᠢᠶᠠᠷ | ᠦᠷᠭᠦᠯᠵᠢᠯᠡᠭᠦᠯᠦᠨ ᠵᠠᠷᠯᠢᠭ ᠪᠠᠭᠤᠯᠭᠠᠪᠠᠢ᠃ | ︽ᠥᠨᠦᠬᠢ ᠮᠠᠭᠤ ᠲᠡᠨᠤᠭᠦᠯᠴᠢ ᠬᠦᠦ ᠴᠢᠨᠢ | ᠦᠷᠯᠦᠭ ᠬᠠᠨ ᠤ ᠲᠡᠵᠢᠭᠡᠯᠲᠦ ᠠᠮᠢᠲᠠᠳ ᠢ | ᠦᠢ ᠲᠦᠮᠡ ᠪᠠᠷ ᠠᠯᠠᠵᠤ ᠭᠠᠨᠵᠤᠭᠠᠯᠠᠭᠠᠳ | ᠥᠷᠯᠦᠭᠡ ᠮᠦᠨᠤ ᠬᠦᠷᠬᠦ ᠭᠡᠵᠦ ᠪᠠᠶᠢᠨᠠ᠃ | ᠬᠦᠪᠡᠭᠦᠨ ᠴᠢᠨᠢ ᠭᠡᠷ ᠲᠡᠭᠡᠨ ᠢᠷᠡᠮᠡᠭᠴᠡ | ᠬᠦᠷᠦᠭᠡᠳ ᠣᠴᠢ ᠬᠠᠨ ᠤ ᠣᠷᠳᠣᠨ ᠳᠤ ᠭᠡᠵᠦ | ᠬᠦᠴᠦᠲᠦ ᠮᠢᠨᠤ ᠬᠠᠲᠠᠭᠤ ᠵᠠᠷᠯᠢᠭ ᠢ | ᠬᠦᠦ ᠳᠡᠭᠡᠨ ᠲᠤᠳᠤ ᠬᠡᠯᠡᠵᠦ ᠦᠢᠭ︕ | ᠬᠤᠪᠢᠲᠤ ᠶᠡᠭᠡ ᠬᠠᠨ ᠤ ᠳᠤ ᠣᠴᠢᠬᠤ ᠳᠠᠭᠠᠨ | ᠬᠤᠭᠤᠰᠤᠨ ᠭᠠᠷ ᠢᠶᠠᠷ ᠵᠤᠯᠭᠠᠵᠤ ᠪᠤᠯᠬᠤ ᠦᠬᠡᠢ | ᠬᠤᠯᠠ ᠶᠢ ᠠᠶᠠᠨ ᠤ ᠭᠠᠨᠵᠤᠭᠠᠨ ᠡᠳ᠋ ᠠᠴᠠ ᠪᠠᠨ | ᠬᠤᠣᠰ ᠦᠬᠡᠢ ᠰᠠᠶᠢᠨ ᠢ ᠰᠢᠯᠢᠵᠤ ᠪᠡᠯᠡᠭ ᠬᠦᠷᠭᠡ︕ | ᠠᠷᠰᠯᠠᠨ ᠪᠠᠷᠰ ᠤᠨ ᠠᠷᠠᠰᠤ ᠰᠢᠷᠢ ᠶᠢ | ᠠᠷᠪᠠ ᠬᠤᠷᠢ ᠪᠠᠷ ᠪᠡᠯᠡᠭ ᠬᠦᠷᠭᠡ︕ | ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ ᠤ ᠥᠳᠦ ᠨᠣᠣᠰᠣ ᠶᠢ | ᠠᠴᠢᠶᠠ ᠲᠡᠷᠭᠡ ᠪᠠᠷ ᠠᠪᠠᠴᠢᠵᠤ ᠦᠭ︕ | ᠢᠷᠡᠭᠰᠡᠨ ᠡᠳᠦᠷ ᠲᠤ ᠪᠠᠨ ᠤᠴᠢᠬᠤ ᠦᠬᠡᠢ ᠪᠣᠯ | ᠢᠳᠡᠷ ᠨᠠᠰᠤ ᠶᠢ ᠨᠢ ᠲᠡᠭᠦᠰᠬᠡᠬᠦ ᠪᠣᠢ︕ | ᠡᠯᠳᠡᠪ ᠤᠨ ᠪᠡᠯᠡᠭ ᠠᠪᠠᠴᠢᠬᠤ ᠦᠬᠡᠢ ᠪᠣᠯ | ᠡᠮᠡᠭᠡᠯᠲᠦ ᠮᠣᠷᠢᠨ ᠠᠴᠠ ᠨᠢ ᠣᠨᠠᠭᠠᠬᠤ ᠪᠣᠢ︕ | ᠬᠦᠷᠦᠭᠰᠡᠨ ᠡᠳᠦᠷ ᠲᠡᠭᠡᠨ ᠵᠣᠯᠭᠠᠬᠤ ᠦᠬᠡᠢ ᠪᠣᠯ | ᠬᠥᠭᠡᠷᠦᠬᠦᠢ ᠠᠮᠢ ᠶᠢ ᠨᠢ ᠲᠠᠰᠣᠯᠬᠤ ᠪᠣᠢ︕ | ᠬᠦᠷᠭᠡᠬᠦ ᠪᠡᠯᠡᠭ ᠦᠬᠡᠢ ᠬᠤᠭᠤᠰᠤᠨ ᠣᠴᠢᠪᠠᠯ | ᠬᠦᠢᠲᠡᠨ ᠲᠠᠮᠤ ᠳᠤ ᠬᠠᠶᠠᠬᠤ ᠪᠤᠢ︕︾ ᠭᠡᠳ | ᠣᠨᠣᠭᠰᠠᠨ ᠮᠤᠷᠢᠨ ᠤ ᠪᠠᠨ ᠲᠤᠭᠤᠰᠤ ᠪᠠᠷ | ᠤᠷᠤᠨ ᠳᠡᠯᠡᠬᠡᠢ ᠶᠢ ᠮᠠᠨᠠᠨᠲᠠᠭᠤᠯᠤᠭᠰᠠᠭᠠᠷ | ᠣᠷᠳᠣᠨ ᠬᠠᠷᠰᠢ ᠵᠦᠭ ᠢᠶᠠᠨ ᠴᠢᠭᠯᠡᠵᠦ | ᠣᠷᠣᠯᠠᠩ ︵24︶ ᠠᠳᠠᠯᠢ ᠳᠠᠪᠬᠢᠭᠤᠯᠤᠨ ᠣᠳᠪᠠᠢ᠃ | ᠬᠠᠷᠬᠢᠰ ᠵᠠᠷᠯᠢᠭ ᠢ ᠬᠦᠷᠭᠡᠭᠰᠡᠨ ᠲᠦᠰᠢᠮᠡᠯ | ᠬᠠᠷᠠᠳᠬᠠᠨ ᠬᠠᠨ ᠳᠠᠭᠠᠨ ᠶᠤᠰᠣᠯᠠᠨ ᠮᠡᠳᠡᠭᠦᠯᠵᠦ | ᠬᠠᠷᠰᠢ ᠣᠷᠳᠣᠨ ᠤ ᠪᠠᠨ ᠵᠡᠭᠦᠨ ᠡᠮᠦᠨᠡ | ᠬᠠᠷᠠ ᠮᠠᠭᠤ ᠣᠪᠤᠬᠠᠢ ᠪᠠᠷᠢᠭᠤᠯᠪᠠ᠃ | ᠲᠥᠭᠡ ᠬᠢᠷᠢ ᠶᠢᠨ ᠤᠬᠠᠭᠠᠨ ᠲᠠᠢ | ᠲᠥᠯᠭᠡᠴᠢ ᠵᠢᠷᠤᠬᠠᠶᠢᠴᠢ ᠪᠠᠨ ᠵᠠᠯᠠᠵᠤ | ᠲᠡᠨᠤᠭᠦᠯ ᠬᠦᠪᠡᠭᠦᠨ ᠤ ᠵᠠᠶᠠᠭᠠ ᠶᠢ | ᠲᠡᠩᠴᠡᠭᠦᠯᠵᠦ ᠪᠤᠳᠤᠭᠤᠯᠵᠤ ᠦᠵᠡᠪᠡ᠃ | ᠯᠡᠮᠠ ᠶᠢᠨ ᠰᠢᠨᠵᠢ ᠲᠠᠢ ᠵᠢᠷᠤᠬᠠᠶᠢᠴᠢ ᠨᠢ | ᠪᠡᠯᠠᠷ ᠤᠬᠠᠭᠠᠨ ᠢ ᠭᠡᠭᠡᠷᠡᠭᠦᠯᠳᠡᠭ | ᠪᠠᠷᠴᠢᠳ ᠶᠡᠬᠡᠲᠡᠢ ᠵᠢᠷᠤᠬᠠᠢ ᠪᠠᠨ ᠪᠠᠷᠢᠵᠤ | ᠪᠠᠭᠤᠯᠭᠠᠵᠤ ᠬᠡᠯᠡᠭᠰᠡᠨ ᠨᠢ ᠡᠶᠢᠮᠦ ᠭᠡᠨᠡ᠄ | ︽ᠪᠤᠷᠤᠯᠳᠠᠢ ᠮᠡᠷᠭᠡᠨ ᠮᠠᠭᠤ ᠬᠦᠪᠡᠭᠦᠨ ᠤ | ᠪᠣᠷᠣ ᠪᠡᠶᠡ ᠨᠢ ᠲᠤᠮᠤᠭᠠᠵᠢᠨ ᠲᠡᠩᠭᠡᠭᠡᠵᠢᠵᠦ | ᠪᠠᠷᠲᠠᠨ ᠰᠠᠨᠠᠭᠠ ᠨᠢ ᠴᠢᠩᠭᠠᠷᠠᠨ ᠶᠡᠬᠡᠵᠢᠭᠡᠳ | ᠪᠠᠭᠠᠲᠤᠷ ᠡᠷᠡ ᠶᠢᠨ ᠰᠢᠨᠵᠢ ᠣᠷᠣᠴᠢᠵᠠᠢ᠃ | ᠬᠤᠣᠷᠯᠠᠵᠣ ᠲᠡᠭᠦᠨ ᠢ ᠠᠯᠠᠬᠤ ᠦᠬᠡᠢ ᠪᠣᠯ | ᠬᠤᠵᠢᠮ ᠳᠠᠭᠠᠨ ᠪᠢᠳᠡᠨ ᠤ ᠭᠠᠢ ᠪᠤᠯᠤᠨᠠ | ᠬᠤᠶᠢᠨᠠ ᠢᠷᠡᠭᠡᠳᠦᠢ ᠳᠤ ᠠᠮᠢᠳᠤ ᠶᠠᠪᠤᠪᠠᠯ | ᠬᠠᠤᠯᠢᠳᠤ ᠬᠠᠨ ᠤ ᠰᠠᠨᠳᠠᠭᠠᠨᠠ ᠭᠡᠪᠡᠢ︾᠃ | ᠣᠲᠤᠭᠲᠤ ᠲᠦᠰᠢᠮᠡᠯ ᠰᠤᠨᠤᠰᠤᠮᠠᠭᠴᠠ | ᠤᠬᠠᠭᠠ ᠰᠡᠭᠡᠭᠡ ᠪᠠᠨ ᠪᠡᠯᠡᠷᠠᠲᠠᠯᠠ ᠠᠶᠤᠵᠤ | ᠠᠭᠤᠰᠬᠢ ᠵᠢᠷᠦᠬᠡ ᠲᠡᠷᠡ ᠪᠦᠬᠦᠨ ᠨᠢ | ᠤᠷᠤᠭᠤᠯ ᠠᠮᠠ ᠪᠠᠷ ᠨᠢ ᠭᠠᠷᠬᠤ ᠰᠢᠬᠠᠪᠠ᠃ | ︽ᠬᠤᠯᠠ ᠶᠢ ᠪᠤᠳᠤᠳᠠᠭ ᠵᠢᠷᠤᠬᠠᠶᠢᠴᠢ ᠮᠢᠨᠢ | ᠬᠤᠵᠢᠮ ᠢ ᠮᠡᠳᠡᠳᠡᠭ ᠲᠥᠯᠭᠡᠴᠢ ᠮᠠᠨᠢ | ᠬᠤᠷᠤᠭᠠᠵᠤ ᠲᠡᠭᠦᠨ ᠢ ᠠᠯᠠᠵᠤ ᠴᠢᠳᠠᠮᠠᠷ | ᠬᠤᠨᠵᠢᠨ ᠠᠷᠭᠠ ᠶᠠᠭᠤ ᠪᠠᠶᠢᠨᠠ︖︾ ᠭᠡᠬᠦᠯᠡᠷ᠄ | ᠵᠢᠷᠤᠬᠠᠶᠢᠴᠢ ᠠᠵᠢᠯᠴᠢ ᠬᠤᠯᠵᠢᠨ ᠯᠠᠮᠠ | ᠵᠠᠯᠢᠲᠠᠢ ᠮᠡᠬᠡᠲᠡᠢ ᠠᠷᠭᠠ ᠭᠠᠷᠭᠠᠵᠤ | ︽ᠵᠠᠪᠢᠯᠠᠵᠤ ᠰᠠᠭᠤᠳᠠᠭ ᠬᠤᠶᠢᠮᠤᠷ ᠲᠠᠭᠠᠨ | ᠵᠢᠷᠠᠨ ᠠᠯᠲᠠᠨ ᠨᠦᠬᠡᠨ ᠳᠤᠲᠤᠷᠠ | ᠵᠠᠭᠠᠨ ᠤ ᠠᠷᠠᠰᠤᠨ ᠲᠤᠯᠤᠮ ᠬᠢᠵᠦ | ᠵᠠᠯᠠᠷᠠᠵᠤ ᠠᠳᠡ ᠮᠣᠷᠢᠯᠠ ᠭᠡᠳ | ᠵᠠᠪᠳᠤᠵᠤ ᠲᠡᠭᠦᠨ ᠢ ᠲᠦᠯᠬᠢᠵᠤ ᠣᠷᠬᠢ︕ | ᠬᠠᠰᠬᠢᠷᠴᠤ ᠲᠡᠭᠦᠨ ᠢ ᠤᠨᠠᠭᠰᠠᠨ ᠬᠤᠶᠢᠨᠠ | ᠬᠠᠷᠠᠯᠠᠭ ᠲᠡᠮᠡᠭᠡᠨ ᠤ ᠨᠣᠣᠰᠣ ᠪᠠᠷ ᠲᠠᠮᠤᠭᠰᠠᠨ | ᠬᠢᠯᠭᠠᠰᠤᠨ ᠡᠷᠴᠢ ᠲᠠᠢ ᠲᠡᠭᠡᠰᠦᠨ ᠤᠯᠤᠰᠤ ᠪᠠᠷ | ᠬᠠᠷᠠ ᠲᠤᠯᠤᠮ ᠤᠨ ᠠᠮᠠᠰᠠᠷ ᠢ ᠤᠶᠠ︕ | ᠭᠤᠤᠯᠲᠤ ᠬᠠᠨ ᠤ ᠰᠦᠷᠦᠭ ᠤᠨ ᠳᠤᠮᠳᠠᠬᠢ | ᠭᠤᠴᠢᠨ ᠠᠯᠳᠠ ᠪᠡᠶᠡ ᠲᠠᠢ | ᠭᠤᠷᠪᠠᠨ ᠠᠯᠳᠠ ᠡᠪᠡᠷ ᠲᠠᠢ | ᠭᠤᠨᠠᠨ ᠬᠥᠬᠡ ᠪᠤᠬᠠ ᠶᠢ ᠬᠥᠯᠵᠦ | ᠵᠠᠭᠠᠨ ᠤ ᠠᠷᠠᠰᠤᠨ ᠲᠤᠯᠤᠮ ᠳᠠᠬᠢ | ᠵᠠᠨᠳᠠᠭᠠᠷ ᠲᠡᠷᠡ ᠲᠡᠨᠤᠭᠦᠯ ᠬᠦᠪᠡᠭᠦᠨ ᠢ | ᠵᠠᠬᠠ ᠬᠢᠯᠢ ᠪᠠᠷ ᠴᠢᠷᠴᠣ ᠠᠪᠠᠴᠢᠭᠠᠳ | ᠽᠠᠮᠪᠤ ᠶᠡᠭᠡ ᠳᠠᠯᠠᠢ ᠳᠤ ᠬᠠᠶᠠ︕ | ᠵᠢᠷᠤᠬᠠᠶᠢᠴᠢ ᠮᠡᠷᠭᠡᠨ ᠪᠢ ᠲᠡᠷᠡ ᠦᠶᠡ ᠳᠤ | ᠵᠢᠷᠣᠮ ᠲᠠᠢ ᠨᠢᠭᠡᠨ ᠰᠢᠪᠰᠢᠭ ᠢᠷᠦᠭᠡᠨᠡ᠂ | ᠵᠤᠬᠢᠶᠠᠵᠤ ᠪᠠᠶᠢᠭᠠᠳ ᠬᠠᠶᠠᠪᠠᠯ | ᠵᠣᠪᠠᠵᠤ ᠶᠠᠪᠤᠭᠰᠠᠭᠠᠷ ᠦᠬᠦᠬᠦ ᠶᠤᠮ᠃ | ᠬᠤᠪᠢᠲᠠᠢ ᠡᠨᠡ ᠢᠷᠦᠭᠡᠯ ᠢᠶᠠᠷ | ᠬᠤᠷᠢᠶᠠ ᠬᠠᠭᠠᠯᠲᠠ ᠳᠤ ᠬᠠᠭᠠᠭᠳᠠᠯ ᠦᠬᠡᠢ | ᠬᠤᠷᠢᠨ ᠵᠢᠯ ᠳᠤ ᠬᠤᠲᠣ ︵25︶ ᠣᠷᠣᠰᠴᠣ | ᠬᠠᠪ ᠵᠢᠭᠠᠰᠤᠨ ᠤ ᠬᠢᠪᠢᠰᠤᠨ ︵ᠬᠢᠪᠢᠳᠡᠰᠤ︶ ᠪᠤᠯᠤᠨᠠ᠃ | ᠵᠠᠶᠠᠭᠠᠲᠤ ᠡᠨᠡ ᠢᠷᠦᠭᠡᠯ ᠢᠶᠠᠷ | ᠵᠢᠯᠠᠭᠠ ᠬᠦᠨᠳᠡᠢ ᠲᠤᠷᠤᠯ ᠦᠬᠡᠢ | ᠵᠢᠷᠠᠨ ᠵᠢᠯ ᠳᠤ ᠰᠢᠪᠲᠤ ᠤᠷᠤᠰᠴᠤ | ᠵᠢᠷᠠᠭᠠᠬᠠᠢ ᠵᠢᠭᠠᠰᠤᠨ ᠤ ᠬᠦᠨᠡᠰᠦᠨ ᠪᠤᠯᠤᠨᠠ︾ ᠬᠡᠬᠦᠯᠡᠷ | ᠲᠦᠰᠢᠮᠡᠯ ᠨᠤᠶᠠᠨ ᠶᠡᠬᠡᠳᠡ ᠪᠠᠶᠠᠷᠯᠠᠵᠤ | ᠲᠦᠭᠦᠴᠢᠨ ︵26︶ ᠪᠦᠳᠦᠷᠢᠨ ᠲᠤᠬᠢᠨ ᠮᠦᠷᠭᠦᠵᠦ | ︽ᠲᠦᠮᠡᠨ ᠢ ᠮᠡᠳᠡᠳᠡᠭ ᠵᠢᠷᠣᠬᠠᠶᠢᠴᠢ ᠮᠢᠨᠢ | ᠲᠢᠪ ᠳᠤ ᠦᠬᠡᠢ ᠮᠡᠷᠭᠡᠨ ᠪᠠᠶᠢᠨᠠ︾ ᠭᠡᠪᠡᠢ᠃ | | ᠲᠠᠶᠢᠯᠪᠤᠷᠢ ︵1︶ . ᠰᠠᠮᠠᠭᠠᠨ — ᠡᠬᠡᠨᠡᠷ ᠬᠦᠮᠦᠨ | ︵2︶ . ᠫᠣᠯᠠᠲ — ᠠᠯᠴᠢᠭᠤᠷ ︵ᠣᠷᠣᠰ ᠦᠭᠡ︶ | ︵3︶ . ᠠᠯᠴᠢᠷ — ᠪᠠᠯᠴᠢᠷ | ︵4︶ . ᠪᠡᠷᠬᠡᠯᠬᠡᠵᠦ — ᠮᠡᠳᠡᠭᠡᠷᠭᠡᠵᠦ | ︵5︶ . ᠭᠤᠷᠢᠲᠠᠶᠢᠬᠠᠨ — ᠶᠡᠬᠡᠬᠡᠨ | ︵6︶ . ᠰᠢᠴᠢᠭᠠᠯᠳᠠᠢ — ᠪᠤᠯᠵᠤᠮᠤᠷ | ︵7︶ . ᠫᠤᠰᠢᠭᠠᠯᠳᠠᠢ — ᠪᠤᠯᠵᠤᠮᠤᠷ | ︵8︶ . ᠫᠢᠶᠠᠷᠳᠠᠵᠤ — ᠬᠠᠷᠪᠤᠵᠤ | ︵9︶ . ᠥᠱᠦᠦ — ᠪᠠᠰᠠ᠂ ᠳᠠᠬᠢᠨ | ︵10︶ . ᠪᠠᠰᠠᠭᠠᠨ — ᠬᠡᠣᠬᠡᠨ | ︵11︶ . ᠤᠭᠲᠠᠢ — ᠬᠦᠮᠦᠨ ᠤ ᠨᠡᠷᠡ | ︵12︶ . ᠳᠤᠯᠤᠩ — ᠦᠷ ᠤᠨ ᠲᠤᠶᠠᠭᠠ | ︵13︶ . ᠬᠠᠷᠠᠵᠠ — ᠬᠠᠷᠠᠯᠠᠭᠰᠠᠨ ᠭᠠᠵᠠᠷ | ︵14︶ . ᠴᠤᠪᠤᠴᠠ — ᠨᠠᠷᠢᠨ ᠴᠤᠪᠤᠭᠠ | ︵15︶ . ᠠᠷᠭᠤᠮᠠᠭ — ᠡᠭᠦᠯᠳᠡᠷ ᠰᠠᠶᠢᠲᠠᠢ ᠲᠤᠮᠤ ᠮᠣᠷᠢ | ︵16︶ . ᠦᠬᠦᠭᠡᠷᠳᠡᠵᠦ — ᠬᠦᠭᠡᠷᠦᠬᠦ᠋ᠢᠯᠡᠵᠦ | ︵17︶ . ᠲᠤᠯᠤᠴᠠ — ᠲᠤᠯᠵᠤ ᠢᠷᠡᠬᠦ | ︵18︶ . ᠪᠤᠵᠠᠭᠠᠢ — ᠲᠤᠮᠤ᠂ ᠵᠠᠷᠢᠮ ᠳᠠᠭᠠᠨ ᠬᠡᠴᠡᠭᠦᠦ ᠤᠳᠬᠠ ᠪᠠᠷ ᠬᠡᠷᠡᠭᠯᠡᠨᠡ᠃ | ︵19︶ . ᠳᠡᠷᠬᠢᠯᠡᠵᠤ — ᠳᠤᠲᠠᠭᠠᠵᠤ᠂ ᠵᠠᠭᠤᠭᠳᠠᠵᠤ | ︵20︶ . ᠵᠢᠷᠭᠢᠭᠦᠯᠵᠦ — ᠰᠣᠨᠣᠭᠤᠯᠵᠣ᠂ ᠳᠠᠪᠬᠢᠭᠤᠯᠵᠤ | ︵21︶ . ᠰᠤᠭᠤᠨ — ᠡᠮᠡ ᠪᠤᠭᠤ ᠶᠢᠨ ᠴᠢᠬᠢ ᠰᠢᠭ ᠬᠤᠷᠴᠠ ᠰᠣᠭᠤᠷᠠᠭ ᠰᠠᠶᠢᠬᠠᠨ ᠴᠢᠬᠢ᠃ | ︵22︶ . ᠵᠠᠮᠬᠡᠭ — ᠲᠤᠪᠤᠷᠤᠤ᠂ ᠬᠠᠵᠠᠭᠠᠷ ᠤᠨ ᠴᠡᠭᠠᠷᠢᠭ ᠵᠡᠮᠾᠩ᠃ | ︵23︶ . ᠳᠠᠶᠢᠳᠤ — ᠬᠤᠯᠠ ᠬᠡᠭᠡᠷᠡ᠂ ᠡᠵᠡᠭᠦᠢ ᠲᠠᠯᠠ | ︵24︶ . ᠣᠷᠣᠯᠠᠩ — ᠪᠦᠷᠢᠶᠠᠳ ᠤᠨ ᠬᠠᠷᠢᠶᠠᠯ ᠤᠨ ᠦᠭᠡ | ︵25︶ . ᠬᠤᠲᠣ — ᠦᠷᠭᠦᠯᠵᠢ | ︵26︶ . ᠲᠦᠭᠦᠴᠡ — ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠᠨ ᠳᠤ ᠰᠠᠭᠠᠳ ᠪᠤᠯᠤᠨ ᠪᠦᠳᠦᠷᠢᠬᠦ | ᠦᠷᠭᠦᠯᠵᠢᠯᠡᠯ ᠪᠣᠢ | ᠨᠣᠮ ᠵᠦᠢ᠄ ᠫᠣᠩᠴᠣᠭᠸᠠᠩᠵᠢᠯ ᠨᠠᠶᠢᠷᠠᠭᠤᠯᠪᠠ᠄ ︽ᠬᠦᠯᠦᠨ ᠪᠥᠢᠷ ᠤᠨ ᠪᠠᠷᠭᠤ ᠪᠣᠷᠢᠶᠠᠳ ᠲᠣᠣᠯᠢ︾᠂ ︵ᠥᠪᠦᠷ ᠮᠣᠩᠭᠤᠯ ᠤᠨ ᠰᠣᠶᠣᠯ ᠤᠨ ᠬᠡᠪᠯᠡᠯ ᠤᠨ | ᠬᠤᠷᠢᠶᠠ︶ 2009 ᠣᠨ︔ | |