| ᠮᠤᠷᠢ ᠤᠷᠤᠯᠳᠤᠬᠤ ᠪᠤᠯ ︽ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ︾ ᠤᠨ ᠨᠢᠭᠡ ᠵᠦᠢᠯ ᠨᠢ ᠪᠤᠯᠬᠤ ᠶᠤᠮ᠃ ᠵᠢᠷᠤᠭᠠ ᠮᠤᠷᠢ ᠤᠷᠤᠯᠳᠤᠬᠤ᠂ ᠠᠵᠢᠷᠭᠠ᠂ ᠦᠷᠢᠶᠡ᠂ | ᠲᠠᠭᠠ ᠤᠷᠤᠯᠳᠤᠬᠤ᠂ ᠡᠮᠨᠢᠭ ᠰᠤᠷᠭᠠᠬᠤ᠂ ᠮᠤᠷᠢ ᠪᠠᠷ ᠠᠩᠨᠠᠬᠤ᠂ ᠮᠤᠷᠢᠨ ᠲᠡᠭᠡᠷᠡ ᠠᠴᠠ ᠬᠠᠷᠪᠤᠵᠦ ᠨᠠᠮᠨᠠᠬᠤ᠂ ᠮᠤᠷᠢᠨ ᠲᠡᠭᠡᠷᠡ ᠰᠡᠯᠡᠮᠡ ᠡᠷᠭᠢᠭᠦᠯᠬᠦ᠂ ᠴᠢᠯᠠᠭᠤ | ᠰᠢᠳᠡᠬᠦ ᠪᠤᠯ ᠤᠤᠯ ᠠᠴᠠ ᠪᠠᠨ ᠮᠤᠷᠢᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠦᠰᠴᠦ ᠠᠮᠢᠳᠤᠷᠠᠬᠰᠠᠨ ᠮᠤᠩᠭᠤᠯᠴᠤᠳ ᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠨᠢ ᠶᠤᠮ᠃ ᠡᠨᠡ ᠨᠢ ᠠᠭᠠᠵᠢᠮ ᠢᠶᠠᠷ | ᠬᠦᠭᠵᠢᠭᠰᠡᠭᠡᠷ ᠰᠡᠭᠦᠯᠳᠡᠵᠦ ᠮᠤᠷᠢᠨ ᠮᠡᠷᠭᠡᠵᠢᠯᠲᠡᠨ ᠴᠤᠯᠭᠤᠷᠠᠨ ᠭᠠᠷᠴᠦ ᠮᠤᠷᠢᠨ ᠲᠡᠭᠡᠷᠡ ᠲᠤᠯᠤᠭᠠᠢ ᠪᠠᠷ ᠢᠶᠠᠨ ᠵᠤᠬᠰᠤᠵᠦ ᠤᠷᠤᠯᠳᠤᠬᠤ᠂ ᠬᠡᠳᠦᠨ ᠬᠦᠮᠦᠨ ᠨᠢᠭᠡ | ᠮᠤᠷᠢ ᠤᠨᠤᠵᠦ ᠤᠷᠤᠯᠳᠤᠬᠤ᠂ ᠨᠢᠭᠡ ᠬᠦᠮᠦᠨ ᠬᠤᠶᠠᠷ ᠮᠤᠷᠢᠨ ᠨᠢᠷᠤᠭᠤᠨ ᠲᠡᠭᠡᠷᠡ ᠵᠤᠬᠰᠤᠵᠦ ᠤᠷᠤᠯᠳᠤᠬᠤ᠂ ᠮᠤᠷᠢᠨ ᠴᠡᠷᠢᠭ ᠤᠨ ᠪᠤᠯᠪᠠᠰᠤᠷᠠᠯ ᠬᠢᠬᠦ᠂ ᠮᠤᠷᠢᠨ | ᠪᠦᠮᠪᠦᠭᠡ ᠤᠷᠤᠯᠳᠤᠬᠤ ᠵᠡᠷᠭᠡ ᠤᠷᠤᠯᠳᠤᠭᠠᠨ ᠨᠠᠭᠠᠳᠤᠮ ᠡᠭᠦᠰᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠲᠤᠬᠠᠢ ︽ᠶᠤᠧᠠᠨ ᠤᠯᠤᠰ ᠤᠨ ᠲᠡᠤᠬᠡ︾ ᠳᠤ ︽ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠢᠨᠤ ᠡᠶᠢᠨᠬᠦ ᠢᠵᠠᠭᠤᠷ ᠠᠴᠠ ᠪᠠᠨ ᠬᠠᠷᠪᠤᠵᠦ ᠨᠠᠮᠨᠠᠬᠤ ᠳᠤᠷ ᠰᠤᠷᠮᠠᠭᠠᠢ ᠵᠠᠩᠰᠢᠯ ᠲᠠᠢ ᠶᠢᠨ ᠤᠴᠢᠷ ᠲᠡᠯᠡᠬᠡᠢ ᠳ᠋ᠠᠬᠢᠨ ᠢ ᠠᠨᠤ ᠬᠤᠷ ᠰᠠᠭᠠᠳᠠᠬ | ᠬᠤᠷᠳᠤᠨ ᠬᠦᠯᠦᠭ ᠢᠶᠠᠷ ᠡᠪᠭᠡᠭᠰᠡᠨ ᠁︾ ᠭᠡᠵᠡᠢ᠃ | ᠮᠤᠷᠢ ᠤᠷᠤᠯᠳᠤᠬᠤ ᠳᠤ ᠲᠤᠭᠠᠨ ᠤ ᠬᠢᠵᠠᠭᠠᠷ ᠦᠭᠡᠢ᠂ ᠤᠷᠤᠯᠳᠤᠭᠠᠨ ᠡᠬᠢᠯᠡᠬᠦ ᠦᠶᠡ ᠨᠠᠭᠠᠳᠤᠮ ᠤᠨ ᠲᠠᠯᠠᠪᠠᠢ ᠬᠦᠮᠦᠨ ᠤᠯᠠᠨ ᠲᠠᠢ ᠭᠠᠵᠠᠷ ᠠᠴᠠ ᠰᠢᠯᠵᠢᠵᠦ | ᠠᠭᠤᠳᠠᠮ ᠲᠠᠯᠠ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠳᠤᠪᠤᠷᠬᠠᠬ ᠭᠠᠵᠠᠷ ᠢ ᠰᠤᠩᠭᠤᠨ ᠬᠢᠳᠡᠭ᠂ ᠬᠡᠷᠪᠡ ᠲᠦᠴᠢᠨ ᠭᠠᠵᠠᠷ ᠤᠨ ᠦᠵᠦᠭᠦᠷ ᠠᠴᠠ ᠮᠤᠷᠢ ᠲᠠᠯᠪᠢᠬᠤ ᠪᠠᠷ ᠪᠤᠳᠤᠪᠠᠯ | ᠲᠡᠨᠳᠡ ᠤᠷᠤᠯᠳᠤᠬᠴᠢ ᠪᠠ ᠮᠤᠷᠢ ᠬᠢᠨᠠᠬᠴᠢ ᠠᠴᠠ ᠤᠷᠤᠯᠳᠤᠭᠠᠨ ᠤ ᠮᠤᠷᠢ ᠪᠠ ᠤᠨᠤᠬᠰᠠᠳ ᠢ ᠨᠠᠷᠢᠨ ᠪᠠᠶᠢᠴᠠᠭᠠᠵᠦ ᠲᠢᠬ ᠲᠠᠬ ᠲᠡᠳᠡᠨᠦᠰ ᠢ ᠨᠠᠭᠠᠳᠤᠮ ᠤᠨ ᠲᠠᠯᠠᠪᠠᠢ | ᠵᠦᠭ ᠡᠩᠨᠡᠷᠡᠭᠦᠯᠦᠨ ᠵᠢᠬᠰᠠᠭᠠᠵᠦ᠂ ᠲᠤᠬ ᠳᠠᠯᠪᠠᠭᠠ ᠬᠤᠷᠦ᠋ᠢᠯᠠᠬᠤ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠳᠤᠬᠢᠶᠠ ᠦᠭᠬᠦ ᠳᠤ ᠲᠡᠳᠡᠭᠡᠷ ᠤᠷᠤᠯᠳᠤᠬᠰᠠᠳ ᠲᠤᠭᠤᠰᠤ ᠲᠠᠳᠠᠭᠤᠯᠤᠨ | ᠰᠤᠮᠤᠳᠠᠵᠦ ᠭᠠᠷᠳᠠᠬ᠃ ᠤᠷᠤᠯᠳᠤᠭᠠᠨ ᠡᠬᠢᠯᠡᠮᠡᠭᠴᠡ ᠵᠠᠮ ᠤᠨ ᠲᠠᠭᠠᠤ ᠬᠤᠶᠠᠷ ᠲᠠᠯᠠ ᠪᠠᠷ ᠤᠷᠤᠯᠳᠤᠵᠦ ᠢᠷᠡᠬᠦ ᠮᠤᠷᠢᠳ ᠢ ᠬᠠᠰᠢᠵᠦ ᠵᠢᠯᠤᠭᠤᠳᠬᠤ ᠬᠦᠴᠦ ᠨᠡᠮᠡᠬᠦ | ᠵᠡᠷᠭᠡ ᠬᠦᠮᠦᠰ ᠲᠤᠰ ᠲᠤᠰ ᠮᠤᠷᠢ ᠤᠨᠤᠵᠦ᠂ ᠲᠠᠮ ᠲᠠᠮ ᠲᠤᠰᠴᠦ ᠤᠷᠤᠯᠳᠤᠭᠠᠨ ᠤ ᠮᠤᠷᠢᠳ ᠤᠨ ᠲᠡᠷᠢᠭᠦᠨ ᠲᠡᠳ᠋ ᠭᠤᠳᠠᠭᠠᠷ ᠭᠡᠮᠡᠨ ᠲᠤᠰ ᠲᠤᠰ ᠤᠬᠳᠤᠵᠦ | ᠬᠢᠨᠠᠨ᠂ ᠨᠠᠭᠠᠳᠤᠮ ᠤᠨ ᠲᠠᠯᠠᠪᠠᠢ ᠵᠦᠭ ᠤᠳᠤᠷᠢᠳᠬᠤ ᠬᠦᠮᠦᠰ ᠪᠤᠢ᠃ ᠭᠡᠪᠡᠴᠦ ᠡᠳᠡᠭᠡᠷ ᠬᠦᠮᠦᠰ ᠵᠦᠪᠬᠡᠨ ᠦᠪᠡᠷ ᠦᠪᠡᠷ ᠤᠨ ᠨᠤᠬᠳᠠᠬᠰᠠᠨ ᠳ᠋ᠤᠭᠠᠷ ᠲᠤᠭᠠᠳᠦ | ᠬᠦᠮᠦᠨ ᠮᠤᠷᠢᠳ ᠢᠶᠠᠨ ᠵᠠᠯᠭᠠᠨ ᠲᠠᠮᠵᠢᠵᠦ ᠤᠳᠤᠷᠢᠳᠬᠤ ᠠᠴᠠ ᠪᠢᠰᠢ᠂ ᠪᠤᠰᠤᠳ ᠤᠨ ᠤᠷᠤᠯᠳᠤᠵᠦ ᠪᠦᠬᠦᠢ ᠮᠤᠷᠢ ᠶᠢ ᠬᠠᠰᠢᠵᠦ ᠰᠠᠭᠠᠳᠠᠭᠠᠵᠦ ᠪᠤᠯᠳᠠᠬ ᠦᠭᠡᠢ᠃ | ᠠᠯᠤᠰ ᠤᠨ ᠪᠠᠷᠠ ᠳᠤ ᠮᠤᠷᠢᠨ ᠤ ᠲᠤᠭᠤᠰᠤ ᠦᠵᠡᠭᠳᠡᠬᠦ ᠲᠠᠢ ᠵᠡᠷᠭᠡ ᠨᠠᠭᠠᠳᠤᠮ ᠤᠨ ᠲᠠᠯᠠᠪᠠᠢ ᠨᠡᠶᠢᠳᠡᠮ ᠬᠦᠷ ᠬᠦᠭᠵᠢᠶᠡᠨ ᠢᠶᠠᠷ ᠪᠢᠯᠬᠠᠵᠦ᠂ ᠭᠱᠡᠨ ᠵᠠᠭᠤᠷᠠ | ᠬᠡᠨ ᠬᠡᠨ ᠤ ᠶᠠᠮᠠᠷ ᠮᠤᠷᠢ ᠲᠡᠷᠢᠭᠦᠯᠡᠵᠦ ᠲᠡᠳ᠋ᠯᠡᠬᠦ ᠶᠢ ᠵᠢᠱᠢᠵᠦ ᠲᠠᠭᠠᠮᠠᠬᠯᠠᠨ ᠶᠡᠬᠡᠳᠡ ᠬᠦᠭᠵᠢᠶᠡᠨ ᠲᠡᠪᠵᠢᠶᠡᠨ ᠪᠤᠯᠳᠠᠬ᠃ ᠡᠨᠡ ᠦᠶᠡ ᠳᠤ ᠨᠠᠶᠢᠷ ᠤᠨ ᠡᠷᠬᠢᠯᠡᠭᠴᠢ | ᠪᠤᠶᠤ ᠤᠷᠤᠯᠳᠤᠭᠠᠨ ᠬᠠᠮᠢᠶᠠᠷᠤᠬᠴᠢ ᠠᠴᠠ ᠲᠤᠰᠬᠠᠶᠢᠯᠠᠨ ᠦᠭᠡ ᠬᠡᠯᠡᠨ ᠳᠡᠭᠡᠨ ᠠᠪᠢᠶᠠᠰ ᠲᠠᠢ ᠨᠡᠷᠡ ᠬᠦᠨᠳᠦᠳᠦ ᠢᠷᠦᠭᠡᠯᠴᠢ ᠨᠠᠷ ᠢ ᠵᠠᠯᠠᠬᠰᠠᠨ ᠪᠠᠶᠢᠳᠠᠬ᠃ ᠲᠡᠳᠡ | ᠮᠤᠷᠢᠨ ᠳᠠᠭᠠᠨ ᠮᠤᠷᠳᠠᠵᠦ ᠵᠡᠭᠦᠨ ᠭᠠᠷ ᠲᠠᠭᠠᠨ ᠬᠠᠳᠠᠬ ᠲᠠᠢ ᠮᠦᠡᠭᠭᠦᠨ ᠠᠶᠠᠭᠠᠨ ᠳᠤ ᠠᠶᠢᠷᠠᠬ ᠰᠦ ᠶᠢ ᠮᠡᠯᠮᠡᠯᠵᠡᠲᠡᠯᠡ ᠬᠢᠵᠦ ᠡᠷᠭᠦᠭᠡᠳ ᠪᠠᠷᠠᠭᠤᠨ ᠭᠠᠷ ᠢᠶᠠᠨ | ᠲᠠᠰᠢᠶᠠ ᠲᠡᠭᠡᠷᠡ ᠪᠠᠨ ᠲᠤᠯᠵᠦ ᠤᠳᠠᠯ ᠦᠭᠡᠢ ᠢᠷᠡᠬᠦ ᠭᠡᠵᠦ ᠪᠠᠶᠢᠭᠠ ᠮᠤᠷᠢᠳ ᠢ ᠬᠡᠷᠬᠢᠨ ᠢᠷᠦᠭᠡᠵᠦ ᠮᠠᠬᠳᠠᠵᠦ᠂ ᠮᠢᠯᠢᠶᠡᠵᠦ ᠲᠦᠭᠡᠭᠡᠯᠡᠬᠦ ᠪᠠᠨ ᠪᠠᠵᠠᠭᠠᠵᠦ | ᠵᠤᠬᠰᠤᠨᠠ᠃ | ᠤᠷᠤᠯᠳᠤᠭᠠᠨ ᠤ ᠮᠤᠷᠢᠨ ᠳᠤ ᠬᠠᠵᠠᠭᠠᠷ ᠨᠤᠬᠳᠦ ᠪᠠᠶᠢᠬᠤ ᠠᠴᠠ ᠭᠠᠳᠠᠨᠠ ᠨᠢᠮᠬᠡᠨ ᠰᠢᠷᠳᠡᠭ ᠲᠠᠳᠠᠬᠰᠠᠨ ᠪᠠᠶᠢᠳᠠᠬ᠃ ᠤᠯᠠᠩᠬᠢ ᠳᠠᠭᠠᠨ ᠴᠦᠮ ᠵᠠᠶᠢᠳᠠᠩ | ᠤᠨᠤᠳᠠᠬ᠃ ᠤᠨᠤᠬᠰᠠᠳ ᠨᠢ ᠠᠷᠪᠠᠭᠠᠳ ᠨᠠᠰᠤᠨ ᠤ ᠬᠦᠡᠭᠬᠡᠨ ᠱᠠᠯᠠᠮᠠᠭᠠᠢ ᠪᠦᠰᠡᠲᠡᠢ ᠪᠦᠰᠡᠭᠦᠢ ᠪᠠᠭᠠᠴᠤᠳ ᠪᠠᠶᠢᠳᠠᠬ ᠪᠦᠭᠡᠳ ᠲᠤᠯᠤᠭᠠᠢ ᠪᠠᠨ ᠦᠡᠭᠭᠡ ᠶᠢᠨ | ᠰᠠᠶᠢᠬᠠᠨ ᠲᠤᠷᠭᠠ ᠲᠤᠷᠳᠤᠩ ᠢᠶᠠᠷ ᠤᠷᠢᠶᠠᠨ ᠭᠤᠶᠤᠯᠠᠬᠰᠠᠨ ᠪᠠᠶᠢᠨᠠ᠃ ᠮᠤᠷᠢᠨ ᠤ ᠮᠠᠩᠨᠠᠢ ᠳᠤ ᠴᠦ ᠤᠯᠠᠭᠠᠨ ᠨᠤᠭᠤᠭᠠᠨ ᠦᠡᠭᠭᠡ ᠶᠢᠨ ᠲᠤᠷᠭᠠ ᠫᠠᠩᠰᠠᠨ ᠤ | ᠦᠭᠡᠳᠡᠰᠦ ᠨᠠᠪᠰᠠᠯᠵᠠᠭᠤᠯᠤᠨ ᠴᠢᠮᠡᠭᠰᠡᠨ ᠲᠤᠯᠠ ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ ᠲᠠᠷᠪᠠᠯᠵᠠᠨ ᠰᠤᠯᠤᠩᠭᠠᠷᠠᠵᠦ ᠦᠵᠡᠭᠳᠡᠳᠡᠭ᠃ | ᠰᠤᠪᠤᠷᠠᠵᠦ ᠰᠢᠯᠭᠠᠷᠠᠨ ᠭᠠᠷᠤᠬᠰᠠᠨ ᠮᠤᠷᠢᠳ ᠨᠢ ᠨᠢᠭᠡ ᠨᠢ ᠨᠦᠭᠦᠭᠡ ᠪᠠᠨ ᠲᠠᠭᠠᠷᠢᠵᠦ ᠭᠠᠷᠬᠤ ᠳᠤ ᠡᠷᠬᠡᠪᠰᠢ ᠲᠦᠷᠦᠭᠦᠦ ᠮᠤᠷᠢᠨ ᠤ ᠵᠦᠪ ᠲᠠᠯᠠ ᠪᠠᠷ | ᠲᠠᠭᠠᠷᠢᠵᠦ ᠭᠠᠷᠳᠠᠬ ᠲᠦᠷᠢᠮ ᠲᠠᠢ᠃ ᠤᠴᠢᠷ ᠨᠢ ᠬᠡᠷᠪᠡ ᠪᠤᠷᠤᠭᠤ ᠲᠠᠯᠠ ᠪᠠᠷ ᠨᠢ ᠲᠠᠭᠠᠷᠢᠵᠦ ᠭᠠᠷᠬᠤ ᠳᠤ ᠬᠦᠷᠪᠡᠯ ᠡᠮᠦᠨᠡ ᠶᠠᠪᠤᠭᠠ ᠮᠤᠷᠢᠨ ᠤ ᠭᠦᠶᠦᠯᠭᠡᠭᠴᠢ | ᠲᠠᠰᠢᠭᠤᠷ ᠢᠶᠠᠷ ᠢᠶᠠᠨ ᠮᠤᠷᠢ ᠪᠠᠨ ᠭᠤᠶᠠᠳᠠᠬᠤ ᠮᠠᠶ᠋ᠢᠬ ᠭᠠᠷᠭᠠᠨ ᠲᠠᠭᠠᠷᠢᠵᠦ ᠭᠠᠷᠬᠤ ᠮᠤᠷᠢᠨ ᠲᠤᠯᠤᠭᠠᠢ ᠤᠷᠤᠭᠤ ᠭᠤᠶᠠᠳᠠᠬᠤ ᠪᠤᠯᠤᠯᠴᠠᠭᠠ ᠪᠤᠢ᠃ ᠡᠨᠡ | ᠦᠵᠡᠭᠳᠡᠯ ᠢ ᠬᠢᠨᠠᠬᠴᠢ ᠬᠠᠮᠢᠶᠠᠷᠬᠤ ᠦᠭᠡᠢ ᠶᠤᠮ᠃ ᠬᠡᠷᠪᠡ ᠮᠦᠨ ᠵᠦᠪ ᠲᠠᠯᠠ ᠪᠠᠷ ᠲᠠᠭᠠᠷᠢᠵᠦ ᠭᠠᠷᠬᠤ ᠮᠤᠷᠢᠨ ᠲᠤᠯᠤᠭᠠᠢ ᠤᠷᠤᠭᠤ ᠭᠤᠶᠠᠳᠠᠪᠠᠯ ᠬᠢᠨᠠᠬᠴᠢ ᠠᠴᠠ | ᠵᠤᠷᠢᠯᠭᠠ ᠲᠠᠢ ᠭᠤᠶᠠᠳᠠᠬᠰᠠᠨ ᠢᠶᠠᠷ ᠰᠢᠳᠭᠡᠳᠡᠭ ᠶᠤᠮ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠮᠤᠷᠢ ᠤᠨᠤᠳᠠᠬ ᠬᠦᠮᠦᠨ ᠪᠦᠷ ᠵᠡᠭᠦᠨ ᠭᠠᠷ ᠢᠶᠠᠷ ᠢᠶᠠᠨ ᠵᠢᠯᠤᠭᠤ ᠪᠠᠨ ᠪᠠᠷᠢᠵᠦ | ᠪᠠᠷᠠᠭᠤᠨ ᠭᠠᠷ ᠲᠠᠭᠠᠨ ᠲᠠᠰᠢᠭᠤᠷ ᠪᠠᠷᠢᠵᠦ ᠪᠠᠶᠢᠳᠠᠬ ᠠᠴᠠ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠮᠤᠷᠢᠨ ᠤ ᠵᠡᠭᠦᠨ ᠤᠮᠤᠷᠤᠤ ᠭᠤᠶᠠ ᠤᠷᠤᠭᠤ ᠭᠤᠶᠠᠳᠠᠬᠤ ᠡᠪ ᠬᠠᠪᠤ ᠦᠭᠡᠢ | ᠶᠤᠮ᠃ | ᠤᠷᠤᠯᠳᠤᠭᠠᠨ ᠡᠬᠢᠯᠡᠭᠡᠳ ᠮᠤᠷᠢᠨ ᠤ ᠲᠡᠷᠢᠭᠦᠨ ᠤᠷᠤᠵᠦ ᠢᠷᠡᠬᠦ ᠦᠶᠡ ᠢᠷᠦᠭᠡᠯᠴᠢᠳ ᠤᠬᠳᠤᠨ ᠤᠴᠢᠵᠦ ᠵᠤᠤᠵᠠᠶᠢᠳᠠᠨ ᠲᠤᠭᠤᠷᠢᠭᠤᠯᠵᠦ ᠤᠨᠤᠬᠰᠠᠨ | ᠡᠵᠡᠨ ᠠᠴᠠ ᠨᠢ ᠡᠬᠢᠯᠡᠭᠦᠯᠦᠨ ᠠᠶᠢᠷᠠᠬ ᠲᠠᠷᠠᠬ ᠢᠶᠠᠷ ᠮᠢᠯᠢᠶᠠᠵᠦ ︽ᠲᠡᠷᠢᠭᠦᠨ ᠠᠵᠢᠷᠭᠠᠨ ᠤ ᠴᠤᠯᠠ︾᠂ ︽ᠲᠡᠷᠢᠭᠦᠨ ᠮᠤᠷᠢᠨ ᠤ ᠴᠤᠯᠠ︾ ︵ᠠᠵᠢᠨᠠᠢ ᠬᠦᠯᠦᠭ︶᠂ | ︽ᠲᠡᠳ᠋ ᠮᠤᠷᠢᠨ ᠤ ᠴᠤᠯᠠ ︵ᠪᠢᠯᠢᠭ ᠤᠨ ᠬᠡᠭᠡᠷ︶︾᠂ ︽ᠭᠤᠳᠠᠭᠠᠷ ᠮᠤᠷᠢᠨ ᠤ ᠴᠤᠯᠠ ︵ᠨᠠᠷᠠᠨ ᠮᠠᠨᠳᠤᠯ︶︾᠂ ︽ᠳᠦᠳᠦᠭᠡᠷ ᠮᠤᠷᠢᠨ ᠤ ᠴᠤᠯᠠ ︵ᠨᠠᠴᠢᠨ | ᠱᠤᠩᠬᠤᠷ︶︾᠂ ︽ᠲᠠᠪᠤᠳᠤᠭᠠᠷ ᠮᠤᠷᠢᠨ ᠤ ᠴᠤᠯᠠ ︵ᠢᠳᠡᠷ ᠵᠠᠭᠠᠨ︶︾᠂ ︽ᠵᠢᠷᠭᠤᠳᠤᠭᠠᠷ ᠮᠤᠷᠢᠨ ᠤ ᠴᠤᠯᠠ ︵ᠬᠦᠷᠡᠩ ᠪᠦᠷᠭᠦᠳ︶︾᠂ ︽ᠳᠤᠯᠤᠳᠤᠭᠠᠷ | ᠮᠤᠷᠢᠨ ᠤ ᠴᠤᠯᠠ ︵ᠬᠦᠬᠡ ᠠᠷᠰᠯᠠᠨ︶︾᠂ ︽ᠨᠠᠢᠮᠠᠳᠤᠭᠠᠷ ᠮᠤᠷᠢᠨ ᠤ ᠴᠤᠯᠠ ︵ᠵᠢᠷᠭᠠᠯ︶︾᠂ ︽ᠠᠳᠠᠬ ᠮᠤᠷᠢᠨ ᠤ ᠢᠷᠦᠭᠡᠯ︾ ᠭᠡᠮᠡᠨ ᠨᠢᠭᠡᠳ ᠨᠢᠭᠡ ᠪᠠᠷ | ᠲᠡᠰ ᠲᠠᠷᠠᠭᠠᠯᠠᠭᠤᠯᠤᠨ ᠢᠷᠦᠭᠡᠵᠦ᠂ ᠬᠦᠮᠦᠨ ᠡᠵᠡᠨ ᠠᠴᠠ ᠨᠢ ᠠᠪᠤᠭᠠᠳ ᠬᠦᠯᠦᠭ ᠮᠤᠷᠢᠨ ᠤ ᠬᠢᠨᠢ ᠦᠡᠭᠭᠡ ᠵᠢᠰᠦ᠂ ᠰᠢᠨᠵᠢ ᠪᠠᠶᠢᠳᠠᠯ᠂ ᠬᠦᠴᠦᠨ ᠴᠢᠳᠠᠯ ᠢ | ᠲᠦᠷᠰᠦᠯᠢᠭ ᠰᠠᠶᠢᠬᠠᠨ ᠮᠠᠬᠳᠠᠵᠦ᠂ ᠲᠡᠷᠡᠴᠢᠯᠡᠨ ᠵᠢᠷᠤᠭᠠ ᠮᠤᠷᠢ ᠤᠷᠤᠯᠳᠤᠬᠰᠠᠳ ᠤᠨ ᠡᠮᠡᠭᠡᠯ ᠲᠤᠬᠤᠮ᠂ ᠭᠠᠨᠵᠤᠭᠠ ᠳᠦᠷᠦᠭᠡ᠂ ᠨᠤᠬᠳᠦ ᠬᠠᠵᠠᠭᠠᠷ ᠬᠦᠷᠳᠡᠯᠡ | ᠦᠯᠡᠳᠡᠭᠡᠯ ᠦᠭᠡᠢ ᠮᠠᠬᠳᠠᠨ ᠢᠷᠦᠭᠡᠳᠡᠭ ᠪᠠᠶᠢᠨᠠ᠃ | ᠵᠢᠷᠤᠭᠠ ᠮᠤᠷᠢ ᠤᠷᠤᠯᠳᠤᠬᠤ ᠳᠤ ᠡᠩ ᠳᠡᠭᠡᠨ ᠲᠠᠪᠤ ᠠᠷᠪᠠᠨ ᠭᠠᠵᠠᠷ ᠤᠨ ᠦᠵᠦᠭᠦᠷ ᠠᠴᠠ ᠲᠠᠯᠪᠢᠳᠠᠬ᠃ ᠡᠭᠦᠨ ᠳᠤ ᠤᠯᠠᠩᠬᠢ ᠨᠢ ᠡᠪᠦᠭᠡᠳ ᠢᠳᠡᠷᠴᠤᠳ | ᠪᠠᠶᠢᠵᠦ ᠲᠠᠯᠮᠠᠨ ᠵᠢᠷᠤᠭᠠᠯᠠᠭᠤᠯᠵᠦ ᠴᠢᠳᠠᠬᠤ ᠤᠷᠠ ᠡᠷᠳᠡᠮ ᠲᠠᠢ ᠬᠦᠮᠦᠰ ᠪᠠᠶᠢᠳᠠᠬ ᠪᠦᠭᠡᠳ ᠲᠡᠳᠡ ᠤᠨᠤᠬᠤ ᠮᠤᠷᠢ ᠪᠠᠨ ᠪᠦᠷᠢᠨ ᠬᠦᠢᠴᠡᠳ ᠡᠮᠡᠭᠡᠯᠯᠡᠵᠦ | ᠲᠤᠬᠤᠮᠯᠠᠭᠠᠳ ᠭᠤᠶᠤ ᠰᠠᠶᠢᠬᠠᠨ ᠴᠢᠮᠡᠵᠦ ᠵᠠᠰᠠᠬᠰᠠᠨ ᠪᠠᠶᠢᠳᠠᠬ᠃ ᠵᠢᠷᠤᠭᠠ ᠮᠤᠷᠢ ᠪᠤᠯ ᠭᠤᠤᠯᠳᠠᠭᠤ ᠲᠡᠭᠦᠨ ᠤ ᠬᠦᠯ ᠤᠨ ᠡᠷᠳᠡᠮ ᠢᠶᠠᠨ ᠬᠢᠷᠢ ᠵᠡᠷᠭᠡ | ᠭᠠᠶᠢᠬᠠᠭᠤᠯᠵᠦ ᠪᠠᠶᠢᠬᠤ ᠶᠢ ᠰᠢᠯᠭᠠᠬᠤ ᠪᠠᠷ ᠦᠯᠦ ᠪᠠᠷᠠᠮ ᠬᠤᠷᠳᠤᠴᠠ ᠶᠢᠨ ᠲᠠᠯᠠ ᠪᠠᠷ ᠴᠦ ᠱᠠᠭᠠᠷᠳᠠᠳᠠᠬ᠃ ᠬᠡᠷᠪᠡ ᠡᠶᠢᠮᠦᠷᠬᠦ ᠤᠷᠤᠯᠳᠤᠭᠠᠨ ᠳᠤ ᠤᠷᠤᠴᠢᠬᠠᠭᠠᠳ | ᠮᠤᠷᠢ ᠪᠠᠨ ᠵᠠᠮ ᠳᠤᠮᠳᠠ ᠨᠢ ᠵᠤᠬᠰᠤᠭᠠᠴᠢᠬᠠᠬᠤ ᠪᠤᠶᠤ ᠡᠰᠡᠭᠦᠯᠡ ᠭᠡᠨᠡᠳᠳᠡ ᠬᠦᠯ ᠠᠯᠠᠳᠠᠬᠳᠠᠨ ᠦᠭᠡᠷᠡ ᠭᠦᠶᠦᠳᠡᠯ ᠶᠠᠪᠤᠭᠠ ᠳᠤ ᠤᠷᠤᠪᠠᠯ ᠲᠦᠷᠢᠮ | ᠵᠦᠷᠢᠴᠡᠭᠰᠡᠨ ᠳᠤ ᠲᠤᠭᠠᠴᠠᠵᠦ᠂ ᠱᠠᠩ ᠬᠡᠰᠢᠭ ᠬᠦᠷᠳᠡᠬᠦ ᠦᠭᠡᠢ ᠪᠤᠯᠳᠠᠬ᠃ | ᠲᠤᠭᠤᠢ ᠤᠷᠤᠯᠳᠤᠭᠠᠨ ᠭᠡᠳᠡᠭ ᠨᠢ ᠦᠵᠡᠭᠴᠢᠳ ᠰᠤᠨᠢᠷᠬᠠᠬᠴᠢᠳ ᠲᠤ ᠲᠦᠭᠦᠮ ᠦᠵᠡᠭᠦᠯᠬᠦ ᠶᠢᠨ ᠲᠤᠰᠠᠳᠠ ᠳᠤᠪᠤᠷᠬᠠᠬ ᠭᠠᠵᠠᠷ ᠢ ᠲᠤᠭᠤᠷᠢᠨ | ᠤᠷᠤᠯᠳᠤᠬᠤ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ ᠦᠷᠢᠶᠡ ᠲᠠᠭᠠ ᠤᠷᠤᠯᠳᠤᠬᠤ ᠳᠤ ᠠᠬᠳᠠ ᠮᠤᠷᠢᠳ ᠤᠷᠤᠬᠤ ᠦᠭᠡᠢ ᠮᠦᠷᠳᠡᠬᠡᠨ ᠢᠳᠡᠷ ᠵᠠᠯᠠᠭᠤ ᠬᠦᠮᠦᠰ ᠴᠦ ᠤᠨᠤᠳᠠᠬ | ᠦᠭᠡᠢ᠃ ᠤᠷᠳᠤᠰ ᠲᠤ ︽ᠬᠠᠭᠤᠷᠮᠠᠬ ᠤᠤᠭᠤᠯᠭᠠᠨᠠ︾ ᠭᠡᠵᠦ ᠬᠠᠮᠤᠬ ᠤᠨ ᠰᠡᠭᠦᠯ ᠳᠤ ᠳᠤᠪᠲᠤᠯᠵᠦ ᠢᠷᠡᠭᠰᠡᠨ ᠬᠦᠮᠦᠨ ᠮᠤᠷᠢ ᠶᠢ ᠶᠡᠬᠡᠪᠡᠷ ᠮᠢᠯᠢᠶᠠᠵᠦ ᠶᠠᠮᠠᠷᠪᠠ | ᠮᠠᠯ ᠠᠳᠤᠭᠤᠰᠤᠨ ᠤ ᠪᠤᠶᠠᠨ ᠬᠡᠰᠡᠭ ᠢ ᠭᠡᠭᠡᠭᠳᠡᠯ ᠦᠭᠡᠢ ᠬᠤᠷᠢᠶᠠᠨ ᠠᠪᠴᠢᠷᠠᠯᠠ ᠭᠡᠮᠡᠨ ᠤᠨᠤᠬᠰᠠᠨ ᠬᠦᠮᠦᠨ ᠳᠤᠨᠢ ᠨᠢᠭᠡ ᠠᠶᠠᠭᠠ ᠬᠠᠭᠤᠷᠮᠠᠬ ᠴᠠᠭᠠ | ᠤᠤᠭᠤᠯᠭᠠᠳᠠᠬ ᠪᠦᠭᠡᠳ ᠪᠠᠰᠠ ᠱᠠᠩ ᠬᠡᠰᠢᠭ ᠬᠦᠷᠭᠡᠳᠡᠭ ᠪᠠᠶᠢᠨᠠ᠃ | ᠡᠶᠢᠨᠬᠦ ᠢᠷᠦᠭᠡᠵᠦ ᠮᠢᠯᠢᠶᠠᠨ᠂ ᠤᠶᠠᠩᠭᠠᠯᠠᠵᠦ ᠮᠠᠬᠳᠠᠭᠠᠳ ᠲᠠᠭᠤᠰᠪᠠᠯ ᠱᠠᠩᠨᠠᠯ ᠤᠯᠭᠤᠵᠦ ᠨᠠᠭᠠᠳᠤᠮ ᠦᠭᠡᠷᠡ ᠨᠢᠭᠡᠨ ᠠᠭᠤᠯᠭᠠ ᠳᠤ ᠰᠢᠯᠵᠢᠨᠡ᠃ ᠱᠠᠩᠨᠠᠯ | ᠤᠯᠭᠤᠬᠤ ᠳᠠᠭᠠᠨ ᠡᠩ ᠳᠡᠭᠡᠨ ᠴᠦᠬᠡᠨ ᠮᠤᠷᠢ ᠤᠷᠤᠯᠳᠤᠪᠠᠯ ᠲᠡᠷᠢᠭᠦᠨ ᠤ ᠠᠷᠪᠠᠨ ᠮᠤᠷᠢ ᠶᠢ ᠱᠠᠩᠨᠠᠳᠠᠬ᠃ ᠡᠭᠦᠨ ᠳᠤ ᠲᠡᠷᠢᠭᠦᠨ ᠮᠤᠷᠢᠨ ᠤ ᠡᠵᠡᠨ ᠳᠤ ᠮᠤᠷᠢ᠂ | ᠲᠡᠳ᠋ ᠮᠤᠷᠢᠨ ᠤ ᠡᠮᠡᠭᠡᠯ ᠬᠠᠵᠠᠭᠠᠷ᠂ ᠭᠤᠳᠠᠭᠠᠷ ᠮᠤᠷᠢᠨ ᠳᠤ ᠬᠡᠪ ᠤᠨ ᠴᠠᠢ᠂ ᠲᠤᠷᠭᠠᠨ ᠪᠦᠰᠡ ᠭᠡᠬᠦ ᠮᠡᠳᠦ ᠪᠠᠷ ᠲᠡᠰ ᠲᠠᠷᠠᠭᠠᠯᠠᠨ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠪᠡᠯᠡᠳᠭᠡᠯ | ᠵᠦᠢᠯ ᠢᠶᠠᠨ ᠦᠵᠡᠵᠦ ᠱᠠᠩᠨᠠᠳᠠᠬ᠃ | ᠬᠡᠷᠪᠡ ᠬᠤᠶᠠᠷ ᠮᠤᠷᠢ ᠡᠴᠦᠰ ᠤᠨ ᠰᠢᠯᠭᠠᠷᠠᠭᠤᠯᠬᠤ ᠤᠳᠠᠰᠤᠨ ᠲᠡᠭᠡᠷᠡ ᠵᠡᠷᠭᠡᠴᠡᠵᠦ ᠬᠦᠷᠪᠡᠯ ᠵᠦᠪ ᠲᠠᠯᠠ ᠪᠠᠷ ᠤᠴᠢᠬᠰᠠᠨ ᠮᠤᠷᠢ ᠶᠢ ᠲᠦᠷᠦᠭᠦᠯᠡᠭᠰᠡᠨ ᠢᠶᠠᠷ | ᠲᠤᠭᠠᠴᠠᠬᠤ ᠳᠦᠷᠢᠮ ᠲᠠᠢ᠃ ᠤᠴᠢᠷ ᠨᠢ ᠳᠡᠭᠡᠷᠡ ᠳᠤᠷᠠᠳᠤᠬᠰᠠᠨ ᠲᠠᠭᠠᠷᠢᠵᠦ ᠭᠠᠷᠬᠤ ᠮᠤᠷᠢ ᠵᠠᠪᠠᠯ ᠵᠦᠪ ᠲᠠᠯᠠ ᠪᠠᠷ ᠨᠢ ᠲᠠᠪᠠᠵᠦ ᠭᠠᠷᠬᠤ ᠭᠡᠳᠡᠭ | ᠲᠦᠷᠢᠮ ᠲᠠᠢ ᠪᠠᠨ ᠳᠤᠬᠢᠷᠠᠯᠴᠠᠬᠤ ᠶᠤᠮ᠃ |