| | | ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ | ᠲᠤᠭᠯᠠᠭᠠᠮ ᠶᠤᠮ᠃ ᠦᠩᠭᠡᠷᠡᠭᠰᠡᠨ ᠳᠤ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠨᠢᠭᠡᠳᠦᠯᠳᠡᠢ ᠲᠦᠷᠢᠮ ᠪᠠᠶᠢᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠡᠯᠡ ᠠᠶᠢᠮᠠᠭ᠂ ᠬᠤᠰᠢᠭᠤ ᠬᠤᠭᠤᠷᠤᠨᠳᠤ ᠪᠠᠨ | ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠲᠦᠷᠢᠮ ᠢ ᠬᠡᠷᠡᠭᠵᠢᠭᠦᠯᠳᠡᠭ ᠪᠠᠶᠢᠪᠠ᠃ | | 1982 ᠤᠨ ᠤ ᠪᠦᠬᠦ ᠤᠷᠤᠨ ᠤ ᠲᠡᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠪᠡᠶᠡ ᠶᠢᠨ ᠲᠠᠮᠢᠷ ᠤᠨ ᠴᠤᠭᠯᠠᠭᠠᠨ ᠲᠡᠭᠡᠷᠡ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠲᠦᠷᠢᠮ ᠢ | ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠲᠦᠷᠢᠮ ᠯᠦᠭᠡ ᠨᠢᠭᠡᠳᠭᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠬᠤᠵᠢᠮ ᠤᠨ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ ᠳᠤ | ᠤᠷᠤᠯᠴᠠᠬᠤ ᠳᠤ ᠰᠠᠭᠤᠷᠢ ᠲᠠᠯᠪᠢᠵᠤ ᠦᠭᠭᠦᠭᠰᠡᠨ ᠶᠤᠮ᠃ | ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠢ ᠶᠠᠪᠤᠭᠳᠠᠭᠤᠯᠬᠤ ᠪᠦᠷᠢ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ ᠢ ᠲᠠᠭᠠᠯᠳᠤᠭᠤᠯᠤᠨ ᠶᠠᠪᠤᠭᠳᠠᠭᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠂ | ᠮᠤᠩᠭᠤᠯᠴᠤᠳ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠦᠷ᠂ ᠬᠤᠷᠢᠮ ᠴᠤᠭᠯᠠᠭᠠᠨ ᠤ ᠨᠠᠶᠢᠷ ᠲᠤ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠤᠷᠤᠯᠳᠤᠭᠠᠨ ᠢ ᠦᠷᠭᠦᠯᠵᠢ ᠶᠠᠪᠤᠭᠤᠯᠳᠠᠭ ᠪᠢᠯᠡ ᠃ | ᠨᠢᠭᠡ᠂ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠡᠭᠦᠰᠦᠯ ᠪᠠ ᠤᠨᠴᠠᠯᠢᠭ | ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠡᠭᠦᠰᠦᠯ ᠨᠢ ᠠᠳᠠᠯᠢ ᠪᠠᠶᠢᠳᠠᠭ᠃ ᠬᠠᠮᠤᠭ ᠡᠷᠳᠡ ᠳᠤ ᠡᠷᠳᠡᠨ ᠤ ᠡᠨᠡᠳᠬᠡᠭ ᠲᠤ ᠲᠦᠷᠪᠡᠨ ᠬᠦᠮᠦᠨ ᠤ | ᠨᠠᠭᠠᠳᠬᠤ ︽ᠱᠠᠳᠠᠷᠠᠰ ︾ ᠭᠡᠵᠦ ᠪᠠᠶᠢᠵᠠᠢ ᠃ ᠡᠨᠡ ᠨᠢ ᠨᠢᠭᠡᠨᠳᠡ ᠬᠤᠶᠠᠷ ᠮᠢᠩᠭᠠᠨ ᠤᠨ ᠤ ᠲᠡᠤᠬᠡ ᠲᠠᠢ ᠪᠤᠯᠪᠠ ᠃ ᠲᠦᠷᠪᠡᠳᠦᠭᠡᠷ ᠵᠠᠭᠤᠨ ᠤ ᠦᠶᠡ ᠳᠤ ᠠᠷᠠᠪ ᠲᠤ | ᠤᠯᠠᠮᠵᠢᠯᠠᠭᠳᠠᠨ ᠤᠷᠤᠭᠠᠳ ᠲᠡᠭᠦᠨ ᠤ ᠨᠡᠷᠡ ᠶᠢ ︽ᠰᠢᠳᠠᠷᠠᠰ︾ ᠭᠡᠵᠦ ᠰᠢᠨᠡ ᠪᠠᠷ ᠦᠭᠡᠷᠡᠴᠢᠯᠡᠨ ᠲᠠᠭᠤᠳᠠᠬᠤ ᠪᠤᠯᠵᠠᠢ᠃ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠠᠭᠤᠨ ᠠᠴᠠ | ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠪᠤᠯᠬᠤ ᠳᠤ ᠡᠧᠦ᠋ᠷᠤᠫᠡ ᠲᠢᠪ ᠲᠤ ᠤᠯᠠᠮᠵᠢᠯᠠᠭᠳᠠᠨ ᠬᠦᠷᠪᠡ᠃ ᠢᠩᠭᠢᠵᠦ ᠤᠯᠠᠷᠢᠨ ᠲᠠᠷᠬᠠᠵᠤ ᠤᠯᠠᠨᠳᠠ | ᠦᠭᠡᠷᠡᠴᠢᠯᠡᠭᠳᠡᠭᠰᠡᠭᠡᠷ ᠪᠠᠶᠢᠭᠠᠳ ᠦᠨᠦ ᠶᠢᠨ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠳᠤᠭ ᠲᠤ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨ ᠨᠢ ᠡᠧᠦ᠋ᠷᠤᠫᠡ ᠲᠢᠪ ᠠᠴᠠ ᠡᠷᠳᠡ ᠶᠤᠮ᠃ ᠮᠤᠩᠭᠤᠯᠴᠤᠳ ᠠᠷᠪᠠᠨ | ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠭᠤᠴᠢᠭᠠᠳ ᠤᠨ ᠤ ᠦᠶᠡ ᠳᠤ ᠦᠨᠦ ᠶᠢᠨ ᠢᠷᠡᠨ᠂ ᠢᠷᠠᠺ ᠤᠯᠤᠰ ᠲᠠᠢ ᠠᠷᠠᠯᠵᠢᠶᠠ ᠮᠠᠶᠢᠮᠠᠢ ᠬᠢᠵᠦ ᠪᠠᠶᠢᠭᠠ ᠦᠶᠡᠰ ᠲᠡᠯᠡᠬᠡᠢ ᠶᠢᠨ | ᠰᠢᠳᠠᠷᠠ ᠮᠤᠩᠭᠤᠯ ᠤᠨ ᠨᠤᠳᠤᠭ ᠲᠤ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠲᠡᠷᠡ ᠦᠶᠡ ᠠᠴᠠ ᠡᠬᠢᠯᠡᠭᠡᠳ ᠮᠤᠩᠭᠤᠯ ᠤᠨ ᠲᠠᠯᠠ ᠨᠤᠳᠤᠭ ᠲᠤ ᠲᠠᠷᠬᠠᠨ | ᠲᠡᠯᠭᠡᠷᠡᠪᠡ ᠃ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠬᠦᠯᠭᠡ ᠨᠢ ᠨᠢᠭᠡᠨ ᠠᠳᠠᠯᠢ ᠲᠦᠷᠪᠡᠯᠵᠢᠨ ᠬᠡᠯᠪᠡᠷᠢ ᠲᠠᠢ᠂ ᠬᠦᠯᠭᠡ ᠶᠢ ᠬᠠᠷᠠ ᠴᠠᠭᠠᠨ | ᠦᠩᠭᠡ ᠶᠢᠨ ᠬᠤᠶᠠᠷ ᠪᠦᠯᠦᠭ ᠬᠤᠪᠢᠶᠠᠨᠠ᠃ ᠰᠢᠳᠠᠷᠠ ᠶᠢᠨ ᠪᠤᠳᠠ ᠬᠦᠦ ᠨᠦᠭᠦᠳ ᠨᠢ ᠨᠡᠶᠢᠳᠡ 32 ᠪᠠᠶᠢᠨᠠ᠂ ᠴᠠᠭᠠᠨ ᠬᠠᠷᠠ ᠦᠩᠭᠡ ᠪᠦᠷᠢ ᠳᠤ ᠨᠢᠭᠡ ᠨᠤᠶᠠᠨ᠂ | ᠬᠤᠶᠠᠷ ᠬᠠᠰᠠᠭ᠂ ᠬᠤᠶᠠᠷ ᠮᠤᠷᠢ᠂ ᠬᠤᠶᠠᠷ ᠲᠡᠮᠡᠭᠡ᠂ ᠨᠢᠭᠡ ᠪᠠᠷᠰ᠂ ᠨᠠᠢᠮᠠᠨ ᠬᠦᠦ ᠲᠠᠢ᠃ ᠨᠡᠶᠢᠳᠡ 64 ᠰᠠᠭᠤᠳᠠᠯ ᠲᠠᠢ᠂ ᠲᠦᠷᠪᠡᠨ ᠲᠠᠯᠠ ᠪᠦᠷᠢ ᠳᠤ ᠨᠠᠢᠮᠨ | ᠨᠠᠢᠮᠠᠨ ᠵᠢᠵᠢᠭ ᠲᠦᠷᠪᠡᠯᠵᠢᠨ ᠰᠠᠭᠤᠳᠠᠯ ᠢᠶᠠᠷ ᠬᠦᠯᠭᠡ ᠪᠠᠨ ᠪᠦᠳᠦᠭᠡᠪᠡ᠃ | ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠮᠤᠩᠭᠤᠯ ᠤᠷᠤᠨ ᠳᠤ ᠤᠯᠠᠮᠵᠢᠯᠠᠬᠳᠠᠨ ᠢᠷᠡᠭᠰᠡᠨ ᠤ ᠲᠠᠷᠠᠭᠠ ᠮᠤᠩᠭᠤᠯᠴᠤᠳ ᠦᠪᠡᠷ ᠤᠨ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠵᠠᠩ ᠳᠠᠳᠬᠠᠯ ᠢᠶᠠᠨ | ᠦᠨᠳᠦᠰᠦᠯᠡᠨ ᠬᠦᠯᠭᠡ ᠶᠢᠨ ᠨᠤᠶᠠᠨ ᠢ ᠨᠤᠶᠠᠨ ᠮᠡᠳᠦ ᠲᠡᠷᠭᠡᠨᠡ ᠪᠤᠶᠤ ᠰᠠᠭᠤᠳᠠᠯ ᠳᠤ ᠰᠠᠭᠤᠯᠭᠠᠵᠤ ᠰᠡᠶᠢᠯᠪᠡ᠃ ᠪᠠᠷᠰ ᠢ ᠨᠤᠶᠠᠨ ᠤ ᠬᠠᠳᠤᠨ ᠪᠤᠯᠭᠠᠨ ᠴᠢᠮᠡᠭᠯᠡᠨ | ᠰᠡᠶᠢᠯᠵᠤ ᠨᠤᠶᠠᠨ ᠢᠶᠠᠨ ᠬᠠᠮᠠᠭᠠᠯᠠᠨ ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠲᠤ ᠲᠠᠶᠢᠨ ᠬᠢᠬᠦ ᠬᠠᠮᠤᠭ ᠠᠴᠠ ᠬᠡᠴᠡᠭᠦᠦ ᠵᠠᠩᠵᠤᠨ ᠪᠤᠯᠭᠠᠪᠠ᠃ ᠦᠨᠡᠨ ᠳᠤ ᠪᠠᠨ ᠵᠢᠨᠤᠩ | ᠮᠦᠨ᠃ ᠬᠠᠰᠠᠭ ᠢ ᠮᠤᠩᠭᠤᠯ ᠤᠷᠤᠨ ᠤ ᠬᠠᠰᠠᠭ ᠤᠨ ᠪᠦᠷᠢᠨ ᠬᠡᠯᠪᠡᠷᠢ ᠲᠠᠢ ᠰᠠᠶᠢᠯᠵᠦ ᠭᠠᠷᠭᠠᠪᠠ᠃ ᠮᠤᠷᠢ ᠶᠢ ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠲᠠᠢ ᠠᠳᠠᠯᠢ ᠭᠠᠭᠴᠠ ᠬᠦ | ᠲᠤᠯᠤᠭᠠᠢ ᠶᠢ ᠨᠢ ᠦᠭᠡᠷᠡᠴᠢᠯᠡᠨ ᠮᠤᠩᠭᠤᠯ ᠮᠤᠷᠢ ᠶᠢᠨ ᠬᠡᠯᠪᠡᠷᠢ ᠪᠠᠷ ᠰᠡᠶᠢᠯᠵᠤ ᠭᠠᠷᠭᠠᠪᠠ᠃ ᠬᠦᠦ ᠶᠢ ᠠᠩ ᠬᠦᠷᠦᠭᠡ ᠳᠤ ᠶᠠᠪᠤᠬᠤ ᠭᠠᠷᠮᠠᠭᠠᠢ ᠨᠤᠬᠠᠢ ᠪᠠᠷ | ᠰᠡᠶᠢᠯᠦᠭᠰᠡᠨ ᠪᠠᠶᠢᠨᠠ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ ︽ᠰᠢᠳᠠᠷᠠᠰ︾ ᠭᠡᠳᠡᠭ ᠢ ᠮᠤᠩᠭᠤᠯ ᠬᠡᠯᠡ ᠪᠠᠷ ᠰᠢᠳᠠᠷᠠ ᠭᠡᠮᠡᠨ ᠲᠠᠭᠤᠳᠠᠨ ᠨᠡᠷᠡᠯᠡᠵᠡᠢ᠃ ᠡᠨᠡ ᠮᠡᠳᠦᠴᠢᠯᠡᠨ ᠬᠡᠯᠪᠡᠷᠢ ᠨᠢ | ᠦᠭᠡᠷᠡᠴᠢᠯᠡᠭᠳᠡᠭᠰᠡᠨ ᠪᠤᠯᠪᠠᠴᠤ ᠲᠡᠭᠦᠨ ᠤ ᠨᠡᠭᠦᠳᠡᠯ ᠪᠠ ᠢᠷᠡᠯᠳᠡ ᠨᠢ ᠦᠨᠳᠦᠰᠦᠨ ᠳᠤ ᠪᠠᠨ ᠠᠳᠠᠯᠢ ᠶᠤᠮ᠃ ᠭᠡᠪᠡᠴᠦ ᠮᠤᠩᠭᠤᠯ ᠰᠢᠳᠠᠷᠠ ᠳᠤ ᠢᠰᠯᠠᠮ ᠤᠨ | ᠱᠠᠰᠢᠨᠳᠠᠨ ᠢᠷᠡᠨ ᠤᠯᠤᠰ ᠠᠴᠠ ᠤᠷᠤᠵᠤ ᠢᠷᠡᠭᠰᠡᠨ ᠨᠠᠭᠠᠳᠬᠤ ᠠᠷᠭᠠ ᠶᠢ ᠤᠳᠠᠭᠠᠨ ᠵᠢᠯ ᠤᠯᠠᠮᠵᠢᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠲᠤᠯᠠ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠶᠢᠨ | ᠤᠷᠤᠯᠳᠤᠭᠠᠨ ᠤ ᠲᠦᠷᠢᠮ ᠠᠴᠠ ᠨᠡᠯᠢᠶᠡᠳ ᠤᠨ ᠬᠤᠵᠢᠮᠳᠠᠭᠰᠠᠨ ᠨᠢ ᠶᠠᠷᠢᠶᠠᠨ ᠦᠭᠡᠢ ᠶᠤᠮ᠃ | ᠮᠤᠩᠭᠤᠯᠴᠤᠳ ᠪᠤᠯ ᠡᠷᠳᠡᠨ ᠤ ᠪᠤᠯᠪᠠᠰᠤᠨ ᠦᠨᠳᠦᠰᠦᠳᠡᠨ ᠤ ᠨᠢᠭᠡ ᠪᠤᠯᠬᠤ ᠲᠤᠯᠠ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠦᠶᠡ ᠠᠴᠠ ᠪᠠᠨ ᠲᠠᠮᠢᠷ ᠤᠷᠠᠯᠢᠭ ᠲᠤ | ᠠᠪᠢᠶᠠᠰ ᠲᠠᠢ᠃ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ ᠠᠴᠠ ᠭᠠᠳᠠᠨᠠ ᠪᠦᠵᠢᠭ ᠪᠦᠵᠢᠭᠯᠡᠬᠦ᠂ ᠬᠤᠯᠠ ᠬᠦᠶᠦᠬᠦ ᠮᠡᠳᠦ ᠶᠢᠨ ᠬᠦᠳᠡᠯᠭᠡᠭᠡᠨ ᠳᠤ ᠪᠦᠷ ᠪᠠᠭ᠋ᠠᠳᠠᠢ ᠶᠤᠮ᠃ | ᠲᠡᠷᠡᠴᠢᠯᠡᠨ ᠮᠦᠷᠭᠦᠭᠡ᠂ ᠵᠢᠷᠭᠢᠭᠡ᠂ ᠱᠠᠭᠠ ᠮᠡᠳᠦ ᠶᠢᠨ ᠲᠤᠭᠯᠠᠭᠠᠮ ᠢ ᠴᠦᠮ ᠦᠷᠨᠢᠩᠭᠦᠢ ᠰᠠᠶᠢᠨ ᠨᠠᠭᠠᠳᠴᠤ ᠪᠠᠶᠢᠵᠠᠢ᠃ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯ ᠲᠡᠭᠦᠨ ᠤ | ᠲᠤᠳᠤᠷᠠᠬᠢ ᠨᠢᠭᠡ ᠵᠦᠢᠯ ᠪᠤᠯᠬᠤ ᠪᠦᠭᠡᠳ ᠮᠤᠩᠭᠤᠯᠴᠤᠳ ᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠ ᠬᠡᠪ ᠨᠠᠮᠪᠠ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠦᠨᠳᠦᠰᠦᠳᠡᠨ ᠤ ᠬᠡᠯᠪᠡᠷᠢ ᠶᠢᠨ | ᠤᠶᠤᠨ ᠤ ᠮᠦᠷᠦ᠋ᠢᠴᠡᠭᠡᠨ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠨᠡᠶᠢᠭᠡᠮ ᠤᠨ ᠪᠤᠳᠠᠰ ᠤᠨ ᠠᠮᠢᠳᠤᠷᠠᠯ ᠪᠠ ᠤᠶᠤᠨ ᠤ ᠪᠤᠯᠪᠠᠰᠤᠨ ᠢ | ᠪᠦᠬᠦ ᠲᠠᠯᠠ ᠪᠠᠷ ᠲᠦᠪᠯᠡᠷᠡᠭᠦᠯᠦᠨ ᠲᠤᠰᠬᠠᠭᠰᠠᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ ᠠᠴᠠ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠨᠡᠶᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠢ ᠦᠨᠡᠨ | ᠪᠤᠳᠠᠳᠠᠢ ᠪᠠᠷ ᠬᠠᠷᠠᠭᠤᠯᠵᠠᠢ᠃ | | ᠨᠤᠶᠠᠨ᠄ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠤ ︽ᠲᠡᠪᠡᠯ ᠵᠠᠬᠠ ᠲᠠᠢ᠂ ᠬᠦᠮᠦᠨ ᠠᠬᠠ ᠲᠠᠢ ︾ ᠭᠡᠵᠦ ᠰᠠᠶᠢᠨ᠂ ᠮᠡᠷᠭᠡᠨ᠂ ᠪᠠᠭᠠᠳᠤᠷ᠂ ᠬᠠᠨ ᠮᠡᠳᠦ ᠪᠠᠷ ᠠᠶᠢᠮᠠᠭ | ᠬᠤᠯᠪᠤᠭᠠᠨ ᠤ ᠪᠠᠨ ᠲᠦᠷᠦᠬᠦᠦ ᠪᠤᠶᠤ ᠴᠡᠷᠢᠭ ᠲᠠᠶᠢᠨ ᠤ ᠤᠳᠤᠷᠢᠳᠤᠭᠴᠢ ᠪᠠᠨ ᠨᠡᠷᠡᠯᠡᠵᠦ᠂ ᠲᠡᠭᠦᠨ ᠤ ᠵᠢᠯᠤᠭᠤᠳᠤᠯᠭᠠ ᠪᠠᠷ ᠲᠠᠶᠢᠰᠤᠨ ᠢᠶᠠᠨ ᠲᠠᠷᠤᠵᠤ ᠲᠠᠷᠬᠠᠨ | ᠴᠤᠯᠠ ᠪᠠᠨ ᠮᠠᠨᠳᠤᠭᠤᠯᠳᠠᠭ ᠪᠠᠶᠢᠯᠠ᠃ ᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ︽ᠨᠤᠶᠠᠨ︾ ᠢ ᠬᠤᠶᠠᠭ ᠲᠤᠭᠤᠯᠠᠭᠠ ᠬᠡᠳᠦᠷᠦᠭᠰᠡᠨ ᠮᠤᠷᠢᠳᠠᠢ ᠵᠠᠩᠵᠤᠨ ᠪᠤᠶᠤ | ᠠᠷᠠᠯᠳᠤ ᠲᠡᠷᠬᠡᠨ ᠳᠤ ᠲᠦᠪᠯᠡᠨ ᠰᠠᠭᠤᠭᠰᠠᠨ ᠵᠢᠯᠠᠭᠠ ᠵᠢᠩᠰᠡ ᠲᠠᠢ ᠨᠤᠶᠠᠨ ᠮᠠᠶ᠋ᠢᠭ ᠢᠶᠠᠷ ᠰᠡᠶᠢᠯᠦᠭᠰᠡᠨ ᠪᠠᠶᠢᠳᠠᠭ᠃ ︽ᠨᠤᠶᠠᠨ︾ ᠨᠢ ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ | ᠵᠤᠪᠬᠢᠰ ᠪᠦᠬᠦ ᠤᠯᠤᠰ ᠤᠨ ᠬᠡᠪᠴᠢᠶᠡᠨᠡ 64 ᠰᠠᠭᠤᠳᠠᠯ ᠳᠤ ᠬᠠᠮᠢᠭᠠ ᠨᠢ ᠪᠤᠯᠪᠠᠴᠤ ᠬᠦᠷᠴᠤ ᠴᠢᠳᠠᠨᠠ᠃ | ᠪᠠᠷᠰ᠄ ᠪᠠᠷᠰ ᠪᠤᠯ ᠨᠤᠶᠠᠨ ᠤ ᠬᠠᠳᠤᠨ ᠪᠤᠯᠬᠤᠷ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠳᠤ ᠨᠤᠶᠠᠨ ᠤ ᠡᠮᠦᠨᠡ ᠠᠴᠠ ᠠᠮᠢ ᠴᠦᠯᠡᠨ ᠪᠠᠶᠢᠯᠳᠤᠳᠠᠭ ᠡᠷᠡᠯᠭᠡᠭ ᠪᠠᠭᠠᠳᠤᠷᠯᠢᠭ | ᠡᠮᠡᠭᠳᠡᠢ ᠵᠠᠩᠵᠤᠨ ᠮᠦᠨ᠃ ᠠᠷᠤ ᠭᠠᠵᠠᠷ ᠤᠨ ᠮᠤᠩᠭᠤᠯᠴᠤᠳ ᠠᠩ ᠭᠦᠷᠦᠭᠡ ᠬᠢᠵᠦ ᠠᠷᠢᠶᠠᠳᠠᠨ ᠵᠢᠭᠦᠷᠳᠡᠨ ᠢ ᠬᠠᠷᠪᠤᠵᠤ ᠨᠠᠮᠨᠠᠵᠤ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠡᠨᠡ ᠬᠦ | ᠡᠮᠡᠭᠳᠡᠢ ᠪᠠᠭᠠᠳᠤᠷ ᠢ ᠪᠠᠷᠳᠠᠭᠠᠳᠤ ᠠᠭᠤᠯᠠᠨ ᠳᠤ ᠤᠷᠤᠰᠢᠳᠠᠭ ᠬᠦᠴᠦᠷᠭᠡᠭ ᠠᠷᠢᠶᠠᠳᠠᠨ ᠪᠠᠷᠰ ᠪᠤᠯᠭᠠᠨ ᠰᠡᠶᠢᠯᠤᠵᠡᠢ᠃ ᠪᠠᠷᠰ ᠨᠢ ᠮᠤᠷᠢᠨ ᠤ ᠨᠡᠭᠦᠳᠡᠯ ᠠᠴᠠ ᠪᠤᠰᠤᠳ | ᠨᠡᠭᠦᠳᠡᠯ ᠢ ᠪᠦᠷ ᠶᠠᠪᠤᠵᠤ ᠴᠢᠳᠠᠳᠠᠭ᠃ ᠶᠤᠰᠤᠳᠠᠢ ᠡᠷᠳᠡᠮ ᠴᠢᠳᠠᠯ ᠬᠤᠤᠰᠯᠠᠭᠰᠠᠨ ᠪᠠᠭᠠᠳᠤᠷ ᠪᠠᠶᠢᠵᠤ᠂ ᠬᠦᠨᠳᠡᠯᠡᠨ ᠭᠤᠯᠳᠤ ᠵᠢᠰᠢᠬᠦᠦ ᠪᠠᠷ ᠬᠤᠯᠠ ᠤᠢᠢᠷᠠ ᠭᠡᠰᠡᠨ | ᠦᠭᠡᠢ ᠰᠢᠪᠳᠤ ᠲᠠᠭᠠᠷᠢᠨ ᠤᠷᠤᠭᠰᠢᠯᠠᠳᠠᠭ᠃ ᠡᠨᠡ ᠨᠢ ᠮᠡᠬᠡᠳᠦ ᠪᠠᠭᠠᠳᠤᠷ ᠮᠡᠷᠬᠡᠨ ᠪᠤᠳᠤᠯᠭᠠᠳᠠᠢ ᠵᠠᠩᠵᠤᠨ ᠢ ᠵᠦᠢᠷᠯᠡᠭᠰᠡᠨ ᠶᠤᠮ᠃ | ᠮᠤᠷᠢ᠄ ᠮᠤᠷᠢ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠮᠤᠯᠤᠷ ᠡᠷᠳᠡᠨᠢ᠂ ᠠᠷᠤ ᠭᠠᠵᠠᠷ ᠤᠨ ᠠᠵᠢᠨᠠᠢ ᠬᠦᠯᠦᠭ᠂ ᠮᠠᠯᠴᠢᠨ ᠬᠦᠮᠦᠨ ᠤ ᠬᠡᠶᠢᠮᠤᠷᠢ ᠰᠦᠯᠳᠡ᠂ ᠴᠡᠷᠢᠭ | ᠡᠷᠡ ᠶᠢᠨ ᠲᠠᠶᠢᠴᠢᠨ ᠬᠠᠨᠢ ᠮᠦᠨ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠮᠤᠷᠢ ᠶᠢ ᠬᠤᠷ ᠲᠡᠯ ᠲᠠᠢ ᠬᠠᠩᠭᠠᠯ ᠠᠵᠢᠷᠭᠠ ᠪᠤᠶᠤ ᠬᠤᠷᠳᠤᠨ ᠭᠦᠶᠦᠳᠡᠯ ᠲᠠᠢ ᠰᠦᠳᠦ ᠭᠡᠭᠦᠦ | ᠤᠨᠠᠭᠠ ᠪᠠᠨ ᠬᠦᠬᠦᠭᠦᠯᠵᠦ ᠪᠠᠶᠢᠬᠤ ᠪᠠᠷ ᠰᠡᠶᠢᠯᠦᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠠᠯᠤᠰ ᠬᠤᠯᠠ ᠶᠢᠨ ᠠᠶᠠᠨ ᠲᠠᠶᠢᠨ ᠳᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ | ᠲᠠᠪᠬᠢᠳᠠᠭ ᠮᠤᠩᠭᠤᠯ ᠮᠤᠷᠢ ᠶᠢᠨ ︽ᠭᠠᠩ ᠲᠤᠭᠤᠷᠠᠢ︾ ᠶᠢᠨ ᠴᠢᠳᠠᠯ ᠢ ᠲᠦᠷᠰᠦᠯᠡᠵᠡᠢ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠮᠤᠷᠢᠨ ᠤ ᠬᠦᠨᠡ ᠤᠷᠤᠵᠤ ᠠᠴᠠ ᠰᠠᠯᠠᠭᠠ | ᠬᠢᠵᠦ᠂ ᠴᠦᠮᠦᠷᠡᠯᠳᠦᠨ ᠲᠠᠭᠠᠷᠢᠯᠳᠠ ᠬᠢᠬᠦ ᠤᠨᠴᠠᠯᠢᠭ ᠨᠢ ᠮᠤᠩᠭᠤᠯ ᠮᠤᠷᠢᠳᠤ ᠴᠡᠷᠢᠭ ᠤᠨ ᠮᠤᠷᠢᠨ ᠵᠢᠭᠰᠠᠭᠠᠯ ᠤᠨ ᠰᠦᠷ ᠵᠢᠪᠬᠤᠯᠠᠩ ᠲᠠᠢ ᠪᠠᠷ ᠤᠬᠤᠷᠢᠵᠤ | ᠰᠠᠬᠢᠬᠤ᠂ ᠤᠷᠤᠬᠰᠢᠯᠠᠬᠤ᠂ ᠲᠠᠭᠠᠷᠢᠬᠤ ᠬᠦᠳᠡᠯᠭᠡᠭᠡᠨᠳᠤ ᠲᠠᠶᠢᠨ ᠤ ᠪᠤᠳᠤᠯᠭᠠ ᠶᠢ ᠲᠦᠪᠯᠡᠷᠡᠭᠦᠯᠦᠨ ᠲᠤᠰᠬᠠᠵᠠᠢ᠃ | ᠲᠡᠮᠡᠭᠡ᠄ ᠲᠡᠮᠡᠭᠡ ᠪᠤᠯ ᠮᠤᠩᠭᠤᠯ ᠭᠠᠵᠠᠷ ᠤᠨ ᠨᠡᠭᠦᠳᠡᠯ ᠠᠵᠤ ᠠᠬᠤᠢ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠠᠴᠢᠶᠠ ᠵᠦᠭᠡᠭᠡᠪᠦᠷᠢ ᠶᠢᠨ ᠬᠡᠷᠡᠭᠰᠡᠯ ᠮᠦᠨ᠃ | ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠲᠡᠮᠡᠭᠡ ᠶᠢ ᠰᠢᠯᠢ ᠪᠠᠨ ᠬᠠᠨᠳᠠᠷᠴᠤ ᠰᠡᠭᠦᠯ ᠢᠶᠠᠨ ᠰᠠᠪᠠᠵᠤ ᠪᠠᠶᠢᠭᠠ ᠭᠠᠯᠵᠠᠭᠤ ᠪᠤᠤᠷᠠ ᠪᠤᠶᠤ ᠠᠴᠢᠶᠠ ᠬᠦᠰᠭᠡ ᠲᠠᠢ ᠠᠯᠤᠰ ᠭᠠᠵᠠᠷ | ᠠᠶᠠᠯᠠᠨ ᠶᠠᠪᠤᠳᠠᠭ ᠠᠳᠠᠨ ᠲᠡᠮᠡᠭᠡ ᠪᠠᠷ ᠰᠡᠶᠢᠯᠦᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠴᠠᠰᠤ ᠪᠤᠷᠤᠭᠠᠨ ᠬᠦᠢᠳᠡᠨ ᠬᠠᠭᠰᠠᠷᠠᠭᠠ ᠪᠠ ᠦᠯᠦᠰᠴᠤ ᠦᠯᠪᠡᠷᠬᠦ ᠠᠴᠠ ᠠᠶᠤᠬᠤ | ᠦᠭᠡᠢ᠂ ᠨᠡᠯᠢᠶᠡᠳ ᠡᠳᠦᠷ ᠬᠤᠨᠤᠭ ᠢᠶᠠᠷ ᠲᠡᠰᠪᠤᠷᠢᠯᠡᠨ ᠶᠠᠪᠤᠵᠤ ᠴᠢᠳᠠᠳᠠᠭ ᠮᠤᠩᠭᠤᠯ ᠤᠷᠤᠨ ᠤ ᠤᠷᠳᠤ ᠬᠦᠯ ᠲᠠᠢ ᠤᠳᠠᠭᠠᠨ ᠲᠠᠭᠠᠭᠠᠮᠠᠭᠠᠢ ᠲᠡᠮᠡᠭᠡ ᠶᠢᠨ | ᠲᠦᠷᠢ ᠶᠢ ᠦᠵᠡᠭᠦᠯᠵᠡᠢ᠃ | ᠬᠠᠰᠠᠭ᠄ ᠬᠠᠰᠠᠭ ᠲᠡᠷᠭᠡ ᠪᠤᠯ ᠮᠤᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠲᠤ ᠠᠯᠢ ᠡᠷᠳᠡᠨ ᠠᠴᠠ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠵᠦᠭᠡᠭᠡᠪᠤᠷᠢ ᠶᠢᠨ ᠭᠤᠤᠯ ᠪᠠᠭᠠᠵᠢ ᠮᠦᠨ᠃ | ᠬᠠᠩᠭᠠᠢ ᠲᠡᠷᠭᠡ᠂ ᠬᠠᠰᠠᠭ ᠲᠡᠷᠭᠡ᠂ ᠦᠨᠳᠦᠷ ᠲᠡᠷᠭᠡ᠂ ᠦᠵᠢᠶᠡᠨ ᠲᠡᠷᠭᠡ᠂ ᠦᠯᠴᠢᠭᠡᠳᠡᠢ ᠲᠡᠷᠭᠡ ᠪᠤᠯ ᠮᠤᠩᠭᠤᠯ ᠤᠨ ᠨᠡᠭᠦᠳᠡᠯ ᠠᠮᠢᠳᠤᠷᠠᠯ ᠤᠨ ᠪᠦᠳᠦᠭᠡᠯ ᠶᠤᠮ᠃ | ᠬᠦᠰᠭᠡ ᠲᠡᠷᠭᠡ ᠪᠠᠨ ᠬᠦᠳᠦᠯᠵᠦ ᠬᠦᠯᠦᠭ ᠮᠤᠷᠢ ᠪᠠᠨ ᠤᠨᠤᠵᠤ ᠶᠠᠪᠤᠳᠠᠭ ᠮᠤᠩᠭᠤᠯᠴᠤᠳ ᠲᠤ ᠲᠡᠷᠭᠡ ᠪᠤᠯ ᠶᠠᠷᠤ ᠠᠴᠠ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ | ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠬᠡᠷᠡᠭᠰᠡᠯ ᠮᠦᠨ᠃ ᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠰᠢᠳᠠᠷᠠ ᠳᠤ ᠬᠠᠰᠠᠭ ᠲᠡᠷᠭᠡ ᠪᠤᠶᠤ ᠬᠠᠮ ᠲᠡᠷᠭᠡ ᠶᠢ ᠰᠡᠶᠢᠯᠦᠭᠰᠡᠨ ᠪᠠᠶᠢᠳᠠᠭ᠃ | ᠬᠦᠦ᠄ ᠮᠤᠩᠭᠤᠯᠴᠤᠳ ᠦᠷᠡ ᠬᠡᠤᠬᠡᠳ ᠢᠶᠠᠨ ᠠᠷᠠᠳ ᠤᠨ ᠦᠨᠳᠦᠰᠦ᠂ ᠠᠮᠢᠳᠤ ᠡᠷᠳᠡᠨᠢ ᠪᠤᠯᠭᠠᠨ ᠦᠵᠡᠳᠡᠭ᠃ ᠡᠶᠢᠮᠦ ᠠᠴᠠ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ | ᠨᠠᠢᠮᠠᠨ ᠰᠠᠭᠤᠳᠠᠯ ᠢ ᠲᠦᠭᠦᠷᠡᠩ ᠡᠵᠡᠯᠡᠭᠦᠯᠦᠨ ᠠᠷᠠᠳ ᠢᠷᠭᠡᠳ ᠠᠴᠢ ᠦᠷᠡ ᠪᠠᠨ ᠲᠦᠯᠦᠭᠡᠯᠡᠭᠦᠯᠪᠡ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠬᠦᠦ ᠶᠢ ᠤᠷᠤᠯᠳᠤᠭᠠᠨ ᠤ ᠮᠤᠷᠢ | ᠤᠨᠤᠭᠰᠠᠨ ᠪᠤᠶᠤ ᠪᠦᠬᠡ ᠪᠠᠷᠢᠯᠳᠤᠵᠤ ᠪᠠᠶᠢᠭᠠ ᠬᠡᠤᠬᠡᠳ ᠤᠨ ᠶᠠᠩᠵᠤ ᠪᠠᠷ ᠤᠷᠠᠯᠠᠨ ᠰᠡᠶᠢᠯᠦᠭᠰᠡᠨ ᠶᠤᠮ᠃ ᠡᠳᠡᠭᠡᠷ ᠬᠡᠤᠬᠡᠳ ᠨᠢ ᠦᠵᠦᠭᠦᠷ ᠲᠤ ᠬᠦᠷᠪᠡᠯ᠂ | ᠵᠢᠰᠢᠭᠦᠦ ᠱᠤᠭᠤᠮ ᠢᠶᠠᠷ ᠨᠢᠳᠤ ᠲᠠᠢ ᠬᠠᠩᠭᠠᠢ ᠪᠤᠶᠤ ᠪᠠᠷᠰ ᠪᠤᠯᠭᠠᠨ ᠬᠤᠪᠢᠷᠠᠭᠤᠯᠳᠠᠭ᠃ | ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠤᠯᠠᠷᠢᠨ ᠬᠤᠪᠢᠰᠬᠤ ᠨᠢ ᠲᠤᠩ ᠤᠷᠠᠨ ᠨᠠᠷᠢᠨ ᠪᠦᠭᠡᠳ ᠪᠤᠳᠤᠯᠢᠶᠠᠨ ᠲᠠᠢ ᠪᠠᠶᠢᠳᠠᠭ᠃ ᠤᠷᠤᠭᠰᠢᠯᠠᠬᠤ᠂ ᠤᠬᠤᠷᠢᠬᠤ᠂ ᠲᠤᠪᠳᠤᠯᠬᠤ | ᠂ ᠬᠤᠷᠢᠭᠯᠠᠬᠤ᠂ ᠭᠡᠳᠡᠷᠭᠦ ᠲᠠᠭᠠᠷᠢᠬᠤ᠂ ᠭᠡᠨᠡᠳᠳᠡ ᠪᠠᠷ ᠴᠦᠮᠦᠷᠡᠨ ᠤᠷᠤᠬᠤ᠂ ᠬᠠᠯᠬᠠᠯᠠᠬᠤ᠂ ᠵᠠᠶᠢᠯᠠᠭᠤᠯᠬᠤ᠂ ᠬᠠᠭᠤᠷᠤᠨ ᠮᠡᠭᠡᠯᠡᠵᠦ᠂ ᠪᠤᠴᠠᠵᠤ ᠪᠤᠷᠤᠭᠤᠯᠠᠬᠤ ᠂ | ᠪᠠᠬᠢᠯᠠᠵᠦ ᠰᠠᠬᠢᠬᠤ᠂ ᠬᠠᠷᠰᠢ ᠰᠠᠭᠠᠳ ᠬᠢᠬᠦ᠂ ᠪᠤᠭᠤᠭᠳᠠᠭᠤᠯᠬᠤ᠂ ᠪᠤᠳᠠ ᠬᠠᠶᠠᠵᠤ ᠦᠳᠦᠭᠡᠬᠦ᠂ ᠵᠡᠭᠦᠨ ᠢ ᠵᠢᠭᠠᠵᠤ ᠪᠠᠷᠠᠭᠤᠨ ᠢ ᠴᠤᠬᠢᠬᠤ᠂ ᠤᠷᠤᠨ ᠰᠤᠯᠠᠯᠠᠵᠤ | ᠵᠠᠮ ᠨᠡᠭᠡᠭᠡᠬᠦ ᠵᠡᠷᠭᠡ ᠤᠯᠠᠨ ᠠᠷᠭᠠ ᠰᠠᠮᠪᠠᠭᠠ ᠶᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠠᠳ ᠨᠦᠬᠦᠭᠡ ᠡᠳᠡᠭᠡᠳ ᠤᠨ ᠪᠤᠳᠠ ᠬᠦᠦ ᠶᠢ ᠤᠰᠠᠳᠬᠠᠨ᠂ ᠪᠠᠬᠢᠯᠡᠯᠳᠡ ᠶᠢ ᠡᠪᠳᠡᠵᠦ᠂ | ᠪᠤᠭᠤᠮᠳᠠ ᠶᠢ ᠡᠵᠡᠯᠡᠨ ᠢᠯᠠᠯᠳᠠ ᠤᠯᠬᠤ ᠳᠤ ᠬᠦᠷᠭᠡᠳᠡᠭ᠃ ᠲᠡᠭᠦᠨ ᠤ ᠰᠤᠨᠢᠨ ᠨᠢᠭᠤᠴᠠ ᠠᠷᠭᠠ ᠪᠤᠳᠤᠯᠭᠠ ᠶᠢ ᠰᠦᠪᠡᠭᠴᠢᠯᠡᠨ ᠪᠤᠳᠤᠳᠠᠭ ᠨᠢ ᠬᠦᠮᠦᠰ ᠲᠤ | ᠲᠠᠷᠤᠤ ᠬᠢᠴᠢᠶᠡᠩᠭᠦᠢ ᠪᠠᠷᠳᠠᠮᠨᠠᠬᠤ ᠦᠭᠡᠢ᠂ ᠪᠠᠰᠤᠬᠤ ᠦᠭᠡᠢ᠂ ᠪᠠᠭᠠᠳᠤᠷᠯᠢᠭ ᠪᠦᠭᠡᠳ ᠪᠤᠳᠠᠰᠴᠢ ᠬᠤᠪᠢᠰᠤᠩᠭᠤᠢ ᠦᠵᠡᠯ ᠢᠶᠠᠷ ᠠᠰᠠᠭᠤᠳᠠᠯ ᠢ ᠦᠵᠡᠬᠦ ᠠᠷᠭᠠ ᠶᠢ | ᠡᠵᠡᠮᠰᠢᠭᠦᠯᠬᠦ᠂ ᠪᠤᠳᠤᠯᠢᠶᠠᠨ ᠲᠠᠢ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠨ ᠰᠢᠨᠵᠢᠬᠦ᠂ ᠵᠦᠢᠴᠢᠯᠡᠨ ᠮᠠᠭᠠᠳᠯᠠᠬᠤ ᠴᠢᠳᠠᠪᠤᠷᠢ ᠶᠢ ᠨᠢ ᠲᠡᠭᠡᠭᠰᠢᠯᠡᠭᠦᠯᠳᠡᠭ᠃ | ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠬᠦᠦ ᠲᠠᠶᠢᠰᠤᠨ ᠤ ᠠᠷᠤ ᠬᠠᠯᠬᠠᠪᠴᠢ ᠳᠤ ᠭᠠᠷᠤᠭᠰᠠᠨ ᠤ ᠰᠡᠭᠦᠯᠡᠷ ᠬᠠᠮᠤᠭ ᠡᠴᠦᠰ ᠤᠨ ᠬᠦᠨᠳᠡᠯᠡᠨ ᠱᠤᠭᠤᠮ ᠳᠤ ᠬᠦᠷᠪᠡᠯ ᠲᠡᠷᠡ | ᠲᠤᠤᠷᠠ ᠪᠠᠨ ᠶᠠᠮᠠᠷ ᠨᠢᠭᠡᠨ ᠪᠤᠳᠠ ᠦᠭᠡᠢ ᠭᠠᠵᠠᠷ ᠪᠠᠶᠢᠪᠠᠯ ᠲᠡᠭᠦᠨ ᠢ ᠨᠦᠬᠦᠪᠦᠷᠢᠯᠡᠨᠡ᠃ ᠡᠨᠡ ᠨᠢ ᠰᠤᠯᠠ ᠴᠡᠷᠢᠭ ᠪᠤᠯᠪᠠᠴᠤ ᠭᠠᠪᠢᠶᠠ ᠪᠠᠶᠢᠭᠤᠯᠵᠤ ᠲᠠᠶᠢᠰᠤᠨ ᠤ | ᠠᠷᠤ ᠪᠠᠬᠢᠯᠡᠯᠳᠡ ᠳᠤ ᠬᠦᠷᠦᠭᠰᠡᠨ ᠲᠤᠯᠠ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠲᠤᠮᠳᠠ ᠶᠠᠮᠠᠷ ᠨᠢᠭᠡᠨ ᠦᠬᠦᠭᠰᠡᠨ ᠵᠠᠩᠵᠤᠨ ᠢ ᠤᠷᠤᠯᠠᠵᠤ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠢ ᠤᠳᠤᠷᠢᠳᠤᠨ | ᠶᠠᠪᠤᠭᠤᠯᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠢᠯᠠᠭᠰᠠᠨ ᠡᠳᠡᠭᠡᠳ ᠨᠢ ᠶᠠᠮᠠᠷ ᠶᠡᠭᠡ ᠱᠦᠭᠦᠳᠡᠯ ᠢᠶᠠᠷ ᠢᠯᠠᠭᠰᠠᠨ ᠪᠤᠯᠪᠠᠴᠤ ᠨᠦᠭᠦᠬᠡ | ᠡᠳᠡᠭᠡᠳ ᠲᠤ ᠪᠠᠨ ᠵᠠᠪᠠᠯ ᠨᠢᠭᠡ ᠬᠦᠦ ᠦᠯᠡᠳᠡᠭᠡᠨ ᠦᠭᠬᠦ ᠶᠤᠰᠤᠳᠠᠢ᠂ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠠᠮᠢᠳᠤᠷᠠᠯ ᠪᠠ ᠲᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠲᠤᠮᠳᠠ ᠪᠠᠨ ᠡᠰᠡᠷᠬᠦ | ᠲᠠᠶᠢᠰᠤᠨ ᠳᠤ ᠪᠠᠨ ᠵᠠᠪᠠᠯ ᠨᠢᠭᠡ ᠬᠦᠦ ᠦᠯᠡᠳᠡᠭᠡᠨ ᠦᠭᠬᠦ ᠶᠤᠰᠤ ᠶᠢ ᠵᠢᠷᠤᠮᠯᠠᠨ ᠬᠦᠮᠦᠨ ᠢ ᠦᠷᠡ ᠠᠴᠢ ᠨᠠᠷ ᠦᠭᠡᠢ ᠪᠤᠯᠳᠠᠯᠠ ᠦᠨᠳᠦᠰᠦ ᠶᠢ ᠨᠢ ᠲᠠᠰᠤᠯᠬᠤ ᠶᠢ | ᠤᠨᠴᠠ ᠴᠡᠭᠡᠷᠯᠡᠳᠡᠭ ᠵᠠᠩᠰᠢᠯ ᠠᠴᠠ ᠢᠷᠡᠭᠰᠡᠨ ᠲᠦᠷᠢᠮ ᠪᠤᠯᠤᠨᠠ ᠃ ᠮᠤᠷᠢ ᠪᠠᠷ ᠱᠦᠭᠦᠳᠡᠯ ᠤᠨ ᠨᠢᠭᠡᠨ ᠪᠠᠭᠠᠵᠢ ᠪᠤᠯᠭᠠᠨ ᠱᠠᠯᠠᠵᠤ ᠦᠩᠭᠡᠷᠡᠭᠦᠯᠬᠦ ᠠᠴᠠ ᠪᠢᠰᠢ | ᠬᠠᠮᠤᠭ ᠲᠡᠭᠦᠰᠭᠡᠯ ᠤᠨ ᠱᠠᠯᠠᠭᠠ ᠬᠢᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠡᠨᠡ ᠨᠢ ᠮᠤᠩᠭᠤᠯ ᠤᠨ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠ᠂ ᠬᠦᠮᠦᠨ ᠢ ᠮᠤᠷᠢᠨ ᠴᠢᠳᠤᠷ ᠢᠶᠠᠷ ᠴᠢᠳᠦᠷᠯᠡᠬᠦ ᠦᠭᠡᠢ | ᠵᠠᠩᠰᠢᠯ ᠠᠴᠠ ᠢᠷᠡᠯ ᠲᠠᠢ ᠪᠠᠶᠢᠵᠤ ᠮᠡᠳᠡᠨᠡ ᠃ | ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠬᠠᠮᠤᠭ ᠶᠡᠭᠡ ᠱᠦᠭᠦᠳᠡᠯ ᠳ᠋ᠠᠮᠳᠠᠭᠠᠷ ᠪᠤᠯ ᠨᠡᠶᠢᠳᠡ ᠲᠠᠪᠤᠨ ᠱᠠᠯᠠᠭᠠ ᠪᠠᠷ ᠱᠠᠯᠠᠵᠤ ᠲᠡᠭᠦᠰᠬᠡᠨᠡ᠃ ᠱᠠᠯᠠᠭᠠ ᠪᠦᠷᠢ ᠶᠢᠨ ᠲᠤᠭᠳᠠᠭᠰᠠᠨ | ᠦᠭᠡᠰ ᠨᠢ ᠄ | ᠲᠡᠭᠷᠢ ᠶᠢᠨ ᠬᠦᠦ ᠳ᠋ᠠᠮᠳᠠᠭᠠᠷ ᠲᠡᠷᠢᠭᠦᠨ | ᠲᠡᠭᠡᠷᠡ ᠴᠢᠨᠢ ᠨᠢᠷᠭᠢᠨᠡ ᠱᠠ ᠂ | ᠬᠠᠰᠠᠭ ᠲᠡᠷᠭᠡ ᠪᠠᠷ ᠲᠠᠭᠠᠷᠢᠭᠤᠯᠤᠨᠠ ᠱᠠ᠂ | ᠬᠠᠷᠠ ᠪᠤᠤᠷᠠ ᠪᠠᠷ ᠲᠡᠪᠰᠡᠭᠦᠯᠦᠨᠡ ᠱᠠ ᠂ | ᠦᠷᠦᠭᠡᠯᠳᠦ ᠮᠤᠷᠢ ᠪᠠᠷ ᠢᠰᠭᠦᠯᠦᠭᠦᠯᠦᠨᠡ ᠱᠠ ᠂ | ᠦᠨᠦᠴᠢᠨ ᠬᠦᠦ ᠪᠠᠷ ᠦᠬᠦᠬᠦᠯᠦᠨᠡ ᠱᠠ ᠭᠡᠮᠡᠨ ᠲᠡᠭᠦᠰᠭᠡᠨᠡ ᠃ | ︽ᠱᠠ︾ ᠭᠡᠭᠴᠢ ᠨᠢ ᠱᠠᠯᠠᠭᠠ ᠶᠢ ᠲᠦᠭᠦᠮᠴᠢᠯᠡᠭᠰᠡᠨ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠲᠤᠰᠬᠠᠢ ᠨᠡᠷᠡᠰ᠃ | ᠬᠤᠶᠠᠷ᠂ ᠮᠤᠩᠭᠤᠯ ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠵᠦᠷᠢᠶᠡ | ᠮᠤᠩᠭᠤᠯ ᠰᠢᠳᠠᠷᠠ 800 ᠤᠨ ᠤ ᠲᠡᠤᠬᠡ ᠲᠠᠢ᠂ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠡ ᠠᠴᠠ ᠡᠭᠦᠰᠦᠭᠰᠡᠨ ᠲᠡᠤᠬᠡ ᠲᠠᠢ᠂ ᠮᠤᠩᠭᠤᠯ | ᠰᠢᠳᠠᠷᠠ ᠪᠤᠯᠤᠨ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠬᠦᠯᠬᠡ᠂ ᠰᠠᠭᠤᠳᠠᠯ᠂ ᠬᠦᠦ ᠪᠤᠳᠠ ᠶᠢᠨ ᠲᠤᠭᠠ ᠨᠢᠭᠡᠨ ᠠᠳᠠᠯᠢ ᠵᠦᠪᠬᠡᠨ ᠨᠡᠭᠦᠳᠡᠯᠯᠡᠬᠦ ᠠᠷᠭᠠ ᠨᠢ ᠵᠦᠷᠢᠶᠡ ᠲᠠᠢ᠃ | ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠪᠤᠯ ᠨᠤᠶᠠᠨ ᠪᠠ ᠲᠡᠷᠭᠡ ᠬᠦᠳᠡᠯᠦᠭᠰᠡᠨ ᠦᠭᠡᠢ ᠪᠤᠯ ᠬᠤᠶᠠᠭᠤᠯᠠ ᠰᠠᠭᠤᠳᠠᠯ ᠢᠶᠠᠨ ᠰᠤᠯᠢᠵᠤ ᠪᠤᠯᠤᠨᠠ᠃ | ᠮᠤᠩᠭᠤᠯ ᠰᠢᠳᠠᠷᠠ ᠬᠦᠳᠡᠯᠭᠦ ᠡᠰᠡᠬᠦ ᠶᠢ ᠬᠠᠮᠢᠶᠠᠷᠬᠤ ᠦᠭᠡᠢ᠂ ᠨᠤᠶᠠᠨ᠂ ᠲᠡᠷᠭᠡ ᠶᠢᠨ ᠰᠠᠭᠤᠳᠠᠯ ᠢ ᠶᠠᠷᠦ ᠰᠤᠯᠢᠵᠤ ᠪᠤᠯᠬᠤ ᠦᠭᠡᠢ᠃ | ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠡᠬᠢᠯᠡᠨ ᠨᠡᠭᠦᠭᠦ ᠦᠶᠡ ᠳᠤ ᠪᠤᠳᠠ ᠪᠤᠶᠤ ᠬᠦᠦ ᠶᠢᠨ ᠠᠯᠢ ᠨᠢ ᠴᠤ ᠪᠦᠷ ᠤᠷᠢᠳᠴᠢᠯᠡᠨ ᠨᠡᠭᠦᠵᠦ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ | ᠡᠬᠢᠯᠡᠯ ᠤᠨ ᠨᠡᠭᠦᠳᠡᠯ ᠡᠷᠬᠡᠪᠰᠢ ᠪᠠᠷᠰ ᠤᠨ ᠡᠮᠦᠨᠡᠬᠢ ᠬᠦᠦ ᠤᠷᠤᠭᠰᠢ ᠨᠡᠬᠦᠬᠦ ᠪᠤᠶᠤ ᠬᠤᠶᠠᠷ ᠡᠳᠡᠭᠡᠳ ᠬᠠᠷᠢᠯᠴᠠᠨ ᠲᠤᠭᠳᠠᠭᠰᠠᠨ ᠪᠠᠶᠢᠪᠠᠯ ᠨᠤᠶᠠᠨ ᠤ ᠡᠮᠦᠨᠡᠬᠢ | ᠬᠦᠦ ᠠᠴᠠ ᠡᠬᠢᠯᠡᠨ ᠨᠡᠬᠦᠬᠦ ᠵᠠᠩᠰᠢᠯ ᠲᠠᠢ᠃ ᠭᠡᠪᠡᠴᠦ ᠪᠤᠰᠤᠳ ᠪᠤᠳᠠ ᠪᠠ ᠬᠦᠦ ᠠᠴᠠ ᠡᠬᠢᠯᠡᠨ ᠨᠡᠭᠦᠵᠦ ᠪᠤᠯᠬᠤ ᠦᠭᠡᠢ᠃ ᠲᠡᠯᠡᠭᠡᠢ ᠶᠢᠨ ᠰᠢᠳᠠᠷᠠ ᠶᠢᠨ ᠬᠦᠦ | ᠡᠬᠢᠯᠡᠨ ᠤᠷᠤᠭᠰᠢ ᠨᠡᠭᠦᠭᠦ ᠳᠤ ᠪᠠᠨ ᠨᠢᠭᠡ ᠪᠤᠶᠤ ᠬᠤᠶᠠᠷ ᠰᠠᠭᠤᠳᠠᠯ ᠢᠶᠠᠷ ᠪᠦᠷ ᠤᠷᠤᠭᠰᠢ ᠨᠡᠭᠦᠵᠦ ᠪᠤᠯᠤᠨᠠ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠨᠤᠶᠠᠨ ᠪᠤᠶᠤ ᠪᠠᠷᠰ ᠤᠨ | ᠡᠮᠦᠨᠡᠬᠢ ᠬᠦᠦ ᠡᠬᠢᠯᠡᠨ ᠨᠡᠭᠦᠭᠦ ᠳᠤ ᠪᠠᠨ ᠨᠢᠭᠡ ᠪᠤᠶᠤ ᠬᠤᠶᠠᠷ ᠰᠠᠭᠤᠳᠠᠯ ᠨᠡᠭᠦᠵᠤ ᠪᠤᠯᠬᠤ ᠠᠴᠠ ᠭᠠᠳᠠᠨᠠ᠂ ᠪᠤᠰᠤᠳ ᠬᠦᠦ ᠨᠢ ᠪᠦᠷ ᠨᠢᠭᠡ ᠨᠢᠭᠡ ᠰᠠᠭᠤᠳᠠᠯ ᠢᠶᠠᠷ | ᠨᠡᠬᠦᠬᠦ ᠶᠤᠰᠤ ᠲᠠᠢ᠃ | ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠳᠤ ᠮᠤᠷᠢ ᠪᠤᠶᠤ ᠲᠡᠮᠡᠭᠡ ᠲᠤᠬᠢᠶᠠᠯ ᠲᠠᠢ ᠪᠤᠯ ᠰᠢᠭᠤᠳ ᠨᠤᠶᠠᠨ ᠢ ᠱᠠᠯᠠᠵᠤ ᠲᠡᠭᠦᠰᠬᠡᠨᠡ᠃ ᠮᠤᠩᠭᠤᠯ ᠰᠢᠳᠠᠷᠠ ᠶᠢᠨ ᠮᠤᠷᠢ ᠲᠡᠮᠡᠭᠡ | ᠵᠦᠪᠬᠡᠨ ᠱᠠᠯᠠᠵᠤ ᠦᠩᠭᠡᠷᠡᠬᠦᠯᠬᠦ ᠠᠴᠠ ᠪᠢᠰᠢ ᠰᠢᠭᠤᠳ ᠱᠠᠯᠠᠵᠤ ᠦᠬᠦᠬᠦᠯᠵᠦ ᠪᠤᠯᠬᠤ ᠦᠭᠡᠢ᠃ ᠡᠨᠡ ᠨᠢ ᠠᠮᠢᠳᠠᠨ ᠬᠦᠮᠦᠨ ᠢ ᠠᠯᠠᠵᠤ ᠪᠤᠯᠬᠤ ᠦᠭᠡᠢ ᠭᠡᠰᠡᠨ | ᠵᠠᠩᠰᠢᠯ ᠠᠴᠠ ᠢᠷᠡᠭᠰᠡᠨ ᠪᠠᠶᠢᠨᠠ᠃ | ᠲᠡᠯᠡᠬᠡᠢ ᠶᠢᠨ ᠰᠢᠳᠠᠷᠠ ᠳᠤ ᠵᠠᠪᠰᠢᠶᠠᠨ ᠲᠠᠢ ᠪᠤᠯ ᠪᠤᠳᠠ ᠪᠠ ᠬᠦᠦ ᠶᠢ ᠪᠦᠷ ᠢᠳᠡᠬᠦ ᠶᠢ ᠬᠢᠵᠠᠭᠠᠷᠯᠠᠬᠤ ᠦᠭᠡᠢ᠂ ᠮᠤᠩᠭᠤᠯ ᠰᠢᠳᠠᠷᠠ ᠳᠤ ᠪᠤᠯ ᠨᠢᠭᠡ ᠪᠤᠳᠠ | ᠪᠤᠶᠤ ᠨᠢᠭᠡ ᠬᠦᠦ ᠦᠯᠡᠳᠡᠭᠡᠬᠦ ᠶᠤᠰᠤ ᠲᠠᠢ᠃ ᠨᠢᠭᠡ ᠪᠤᠳᠠ ᠦᠯᠡᠳᠡᠭᠡᠬᠦ ᠨᠢ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠢ ᠬᠤᠭᠤᠰᠤᠷᠠᠳᠠᠯᠠ ᠦᠭᠡᠢ ᠪᠤᠯᠭᠠᠬᠤ ᠶᠢ ᠴᠡᠭᠡᠷᠯᠡᠭᠰᠡᠨ | ᠮᠤᠩᠭᠤᠯ ᠵᠠᠩᠰᠢᠯ ᠠᠴᠠ ᠢᠷᠡᠭᠰᠡᠨ ᠪᠠᠶᠢᠨᠠ᠃ |