| ᠠᠷᠭᠠᠢ ᠬᠠᠷᠪᠤᠬᠤ ᠨᠠᠭᠠᠳᠤᠮ ᠪᠣᠯ ᠮᠣᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠮᠦᠰᠦᠨ ᠳᠡᠭᠡᠷᠡᠬᠢ ᠪᠡᠶᠡ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠶᠤᠮ᠃ ᠤᠯᠠᠭᠠᠨᠬᠠᠳᠠ | ᠬᠤᠲᠠ ᠶᠢᠨ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤ ᠶᠢᠨ ᠤᠤᠯ ᠤᠨ ᠪᠠᠶᠠᠨᠪᠤᠯᠠᠭ ᠰᠣᠮᠤ ᠶᠢᠨ ᠠᠮᠠᠰᠠᠷ᠂ ᠪᠣᠷᠤᠬᠤᠲᠠ ᠪᠣᠯᠤᠨ ᠴᠠᠭᠠᠬᠤᠪᠤᠭᠠ ᠵᠡᠷᠭᠡ ᠭᠠᠴᠠᠭᠠ ᠳᠤ ᠣᠳᠣ | ᠪᠣᠯᠲᠠᠯᠠ ᠤᠯᠠᠮᠵᠢᠯᠠᠭᠳᠠᠵᠤ ᠪᠣᠢ᠃ | ᠮᠣᠩᠭᠤᠯᠴᠤᠳ ᠦᠬᠡᠷ᠂ ᠲᠡᠮᠡᠭᠡ ᠵᠡᠷᠭᠡ ᠪᠤᠳᠠ ᠮᠠᠯ ᠪᠣᠯᠤᠨ ᠪᠤᠭᠤ ᠵᠡᠷᠭᠡ ᠲᠣᠷᠤᠭ ᠠᠩ ᠤᠨ ᠱᠠᠭᠠ ᠶᠢ ᠵᠠᠰᠠᠵᠤ ᠶᠠᠩᠵᠤᠯᠠᠭᠠᠳ ᠠᠷᠭᠠᠢ ᠭᠡᠳᠡᠭ᠃ ᠡᠳᠡᠭᠡᠷ | ᠱᠠᠭᠠ ᠶᠢ ᠬᠠᠷᠪᠤᠨ ᠨᠠᠭᠠᠳᠬᠤ ᠠᠷᠭᠠᠢ ᠪᠣᠯᠭᠠᠨ ᠵᠠᠰᠠᠬᠤ ᠳᠤ᠂ ᠳᠡᠭᠡᠷᠡᠬᠢ ᠰᠢᠷᠪᠦᠰᠦ ᠰᠢᠨᠳᠠᠰᠤ ᠲᠣᠰᠤ ᠪᠤᠷᠲᠠᠭ ᠶᠢ ᠨᠢ ᠴᠡᠪᠡᠷᠯᠡᠨ ᠬᠠᠶᠠᠵᠤ᠂ ᠪᠦᠭᠡ ᠪᠣᠯᠤᠨ ᠴᠡᠭᠡ | ᠲᠠᠯᠠ ᠶᠢ ᠨᠢ ᠬᠠᠪᠲᠠᠭᠠᠶᠢᠯᠠᠨ ᠴᠠᠪᠴᠢᠨᠠ᠃ ᠪᠠᠷᠤᠭ ᠤᠤᠯ ᠱᠠᠭᠠ ᠶᠢᠨ ᠬᠠᠭᠠᠰ ᠢᠯᠡᠭᠦᠦ ᠶᠢ ᠦᠯᠡᠳᠡᠭᠡᠵᠦ᠂ ᠪᠦᠭᠡ ᠲᠠᠯᠠ ᠶᠢᠨ ᠭᠤᠣᠯ ᠳᠤᠮᠳᠠ ᠨᠢ ᠨᠦᠬᠡᠯᠡᠵᠦ᠂ | ᠴᠠᠭᠠᠨ ᠲᠤᠭᠤᠯᠭᠠ ᠴᠢᠳᠬᠤᠨ ᠣᠷᠤᠭᠤᠯᠳᠠᠭ᠃ ᠡᠨᠡ ᠨᠢ ᠠᠷᠭᠠᠢ ᠶᠢᠨ ᠬᠦᠨᠳᠦᠴᠡ ᠶᠢ ᠨᠡᠮᠡᠭᠳᠡᠭᠦᠯᠬᠦ ᠦᠢᠯᠡᠳᠦᠯ ᠲᠠᠢ᠃ ᠬᠠᠷᠢᠨ ᠣᠨᠴᠠ ᠵᠠᠷᠢᠮ ᠰᠠᠶᠢᠨ ᠱᠠᠭᠠ ᠨᠢ | ᠲᠣᠭᠤᠯᠭᠠ ᠦᠭᠡᠢ ᠪᠠᠷ ᠴᠦ ᠠᠷᠭᠠᠢ ᠪᠣᠯᠭᠠᠨ ᠬᠠᠷᠪᠤᠵᠤ ᠪᠣᠯᠳᠠᠭ᠃ | ᠠᠷᠭᠠᠢ ᠶᠢ ᠮᠦᠰᠦᠨ ᠳᠡᠭᠡᠷᠡ ᠬᠠᠷᠪᠤᠬᠤ ᠳᠤ᠂ ᠪᠦᠭᠡ ᠲᠠᠯᠠ ᠶᠢ ᠨᠢ ᠳᠡᠭᠡᠭᠰᠢ ᠬᠠᠷᠠᠭᠤᠯᠤᠨ ᠪᠠᠷᠢᠵᠤ᠂ ᠡᠷᠡᠬᠡᠢ ᠪᠣᠯᠤᠨ ᠳᠣᠯᠢᠶᠠᠪᠤᠷ ᠬᠤᠷᠤᠭᠤ ᠶᠢᠨ ᠨᠢᠳᠡᠷᠡᠬᠦ | ᠬᠦᠴᠦ ᠪᠠᠷ ᠬᠤᠯᠠ ᠵᠦᠭ ᠡᠷᠭᠢᠯᠳᠦᠭᠦᠯᠦᠨ ᠶᠠᠪᠤᠭᠤᠯᠤᠨᠠ᠃ ᠲᠡᠭᠦᠨ ᠢᠶᠠᠷ ᠬᠠᠷᠠᠯᠲᠠ ᠪᠣᠯᠭᠠᠵᠤ᠂ ᠪᠣᠰᠤᠳ ᠠᠷᠭᠠᠢ ᠪᠠᠷ ᠣᠨᠢᠯᠠᠨ ᠬᠠᠷᠪᠤᠵᠤ᠂ ᠣᠨᠤᠭᠠᠭᠰᠠᠨ ᠪᠣᠯ | ᠳᠡᠶᠢᠯᠦᠭᠰᠡᠨ ᠳᠤ ᠣᠷᠤᠨᠠ᠃ ᠡᠶᠢᠮᠦ ᠠᠴᠠ᠂ ᠡᠨᠡᠬᠦ ᠨᠠᠭᠠᠳᠤᠮ ᠢ ᠬᠤᠶᠠᠷ ᠬᠦᠮᠦᠨ ᠴᠦ ᠨᠠᠭᠠᠳᠴᠤ ᠪᠣᠯᠬᠤ ᠪᠦᠭᠡᠳ ᠤᠷᠤᠯᠴᠠᠬᠤ ᠬᠦᠮᠦᠨ ᠣᠯᠠᠨ ᠪᠣᠯ ᠨᠡᠩ | ᠬᠦᠭᠵᠢᠶᠡᠨ ᠲᠠᠢ ᠪᠣᠯᠳᠠᠭ᠃ ᠭᠡᠪᠡᠴᠦ᠂ ᠭᠤᠷᠪᠠ ᠲᠠᠪᠤᠨ ᠬᠦᠮᠦᠨ ᠨᠢᠭᠡ ᠨᠠᠭᠠᠳᠤᠮ ᠪᠣᠯᠪᠠᠯ ᠬᠠᠮᠤᠭ ᠲᠣᠬᠢᠷᠠᠮᠵᠢᠲᠠᠢ᠃ ᠲᠤᠰ ᠨᠠᠭᠠᠳᠤᠮ ᠤᠨ ᠱᠦᠭᠦᠯᠴᠡᠭᠡᠨ ᠳᠤ | ᠬᠤᠨᠢ ᠢᠮᠠᠭᠠᠨ ᠱᠠᠭᠠ ᠲᠠᠯᠪᠢᠨᠠ᠃ | ᠡᠷᠲᠡ ᠳᠡᠭᠡᠳᠦ ᠶᠢᠨ ᠠᠷᠤ ᠬᠤᠷᠴᠢᠨ ᠪᠣᠯ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠨᠢᠭᠡ ᠰᠠᠯᠠᠭᠠ ᠨᠢ ᠪᠠᠶᠢᠵᠤ᠂ ᠬᠠᠪᠤᠲᠤ ᠬᠠᠰᠠᠷ ᠪᠣᠯᠤᠨ ᠲᠡᠭᠦᠨ ᠤ ᠦᠷᠡ ᠬᠤᠶᠢᠴᠢᠰ ᠤᠨ | ᠬᠠᠷᠢᠶᠠᠲᠤ ᠢᠷᠭᠡᠨ ᠶᠤᠮ᠃ ᠠᠵᠢᠯᠴᠢ ᠪᠣᠷᠤᠭᠵᠢᠭᠤᠨ ᠪᠦᠭᠡᠳ ᠡᠷᠡᠯᠬᠡᠭ ᠪᠠᠭᠠᠳᠤᠷᠯᠢᠭ ᠠᠷᠤ ᠬᠤᠷᠴᠢᠨ ᠤ ᠠᠷᠠᠳ ᠲᠦᠮᠡᠨ᠂ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠮᠠᠯᠵᠢᠬᠤ | ᠦᠢᠯᠡᠳᠪᠦᠷᠢᠯᠡᠯ ᠡᠷᠬᠢᠯᠡᠵᠦ᠂ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠨᠡᠭᠦᠳᠡᠯ ᠰᠣᠶᠣᠯ ᠤᠨ ᠪᠣᠯᠪᠠᠰᠤᠨ ᠢ ᠪᠦᠲᠦᠭᠡᠵᠦ᠂ ᠡᠷᠲᠡᠨ ᠤ ᠮᠣᠩᠭᠤᠯ ᠤᠯᠠᠮᠵᠢᠯᠠᠯ ᠢᠶᠠᠨ ᠴᠦ ᠵᠠᠯᠭᠠᠮᠵᠢᠯᠠᠨ | ᠢᠷᠡᠵᠡᠢ᠃ ᠡᠭᠦᠨ ᠤ ᠨᠢᠭᠡ ᠵᠢᠱᠢᠶᠡ ᠨᠢ ᠠᠷᠭᠠᠢ ᠬᠠᠷᠪᠤᠬᠤ ᠨᠠᠭᠠᠳᠤᠮ ᠪᠣᠯᠤᠨᠠ᠃ ᠡᠭᠦᠨ ᠤ ᠳᠤᠬᠠᠢ᠂ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠪᠣᠯᠤᠨ ︽ | ᠮᠠᠨᠳᠤᠬᠠᠢ ᠰᠡᠴᠡᠨ︾ ᠵᠡᠷᠭᠡ ᠲᠡᠤᠬᠡ ᠶᠢᠨ ᠨᠣᠮ ᠵᠣᠬᠢᠶᠠᠯ ᠳᠤ ᠪᠦᠷ ᠲᠡᠮᠳᠡᠭᠯᠡᠯ ᠪᠣᠢ᠃ | ᠠᠷᠭᠠᠢ ᠬᠠᠷᠪᠤᠬᠤ ᠨᠠᠭᠠᠳᠤᠮ ᠨᠢ ᠱᠠᠭᠠ ᠨᠢᠰᠠᠯᠬᠤ ᠨᠠᠭᠠᠳᠤᠮ ᠠᠴᠠ ᠡᠭᠦᠰᠦᠯ ᠲᠠᠢ᠃ ᠪᠤᠭ ᠮᠠᠯ ᠤᠨ ᠱᠠᠭᠠ ᠵᠢᠭᠠᠬᠠᠨ ᠪᠣᠯᠬᠤᠷ᠂ ᠬᠦᠮᠦᠰ ᠲᠡᠭᠦᠨ ᠢ ᠨᠢᠰᠠᠯᠠᠨ | ᠨᠠᠭᠠᠳᠴᠤ ᠪᠣᠯᠳᠠᠭ᠃ ᠬᠠᠷᠢᠨ ᠦᠬᠡᠷ ᠤᠨ ᠱᠠᠭᠠ ᠮᠡᠲᠦ ᠠᠷᠭᠠᠢ ᠶᠢ ᠨᠢᠰᠠᠯᠠᠭᠠᠳ ᠶᠠᠪᠤᠭᠤᠯᠵᠤ ᠳᠡᠶᠢᠯᠬᠦ ᠦᠭᠡᠢ᠃ ᠡᠶᠢᠮᠦ ᠠᠴᠠ᠂ ᠲᠡᠳᠡᠨ ᠢ ᠮᠦᠰᠦᠨ ᠳᠡᠭᠡᠷᠡ | ᠭᠤᠯᠭᠤᠭᠤᠯᠵᠤ᠂ ᠨᠢᠭᠡ ᠶᠢ ᠨᠢ ᠨᠦᠭᠦᠭᠡ ᠪᠠᠷ ᠨᠢ ᠬᠠᠷᠪᠤᠨ ᠣᠨᠤᠭᠠᠬᠤ ᠨᠠᠭᠠᠳᠤᠮ ᠪᠣᠢ ᠪᠣᠯᠵᠠᠢ᠃ | ᠠᠷᠭᠠᠢ ᠬᠠᠷᠪᠤᠬᠤ ᠳᠤ᠂ ᠨᠠᠭᠠᠳᠤᠮ ᠳᠤ ᠣᠷᠤᠯᠴᠠᠭᠴᠢ ᠠᠴᠠ ᠬᠠᠷᠠᠯᠲᠠ ᠶᠢᠨ ᠠᠷᠭᠠᠢ ᠶᠢ ᠦᠵᠡᠵᠦ᠂ ᠤᠷᠤᠭᠰᠢ ᠪᠠᠨ ᠬᠡᠳᠦᠨ ᠠᠯᠬᠤᠮ ᠭᠦᠶᠦᠵᠦ᠂ | ᠭᠠᠷ ᠲᠠᠬᠢ ᠠᠷᠭᠠᠢ ᠪᠠᠷ ᠢᠶᠠᠨ ᠬᠠᠷᠠᠯᠳᠡ ᠪᠠᠨ ᠣᠨᠢᠯᠠᠵᠤ᠂ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠨᠢᠳᠡᠷᠡᠨ ᠶᠠᠪᠤᠭᠤᠯᠳᠠᠭ᠃ ᠡᠨᠡ ᠦᠶᠡ ᠳᠤ᠂ ᠬᠦᠮᠦᠨ ᠤ ᠪᠡᠶᠡ ᠶᠢᠨ | ᠲᠡᠩᠴᠡᠭᠦᠷᠢ᠂ ᠠᠯᠬᠤᠮ ᠭᠦᠶᠦᠳᠡᠯ᠂ ᠮᠠᠭᠠᠳᠯᠠᠬᠤ ᠴᠢᠳᠠᠪᠤᠷᠢ᠂ ᠨᠢᠳᠤ ᠪᠣᠯᠤᠨ ᠭᠠᠷ ᠤᠨ ᠳᠡᠮ ᠪᠠ ᠬᠦᠴᠦ ᠵᠡᠷᠭᠡ ᠨᠢ ᠪᠦᠷ ᠤᠶᠠᠯᠳᠤᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠡᠶᠢᠮᠦ ᠠᠴᠠ᠂ ᠠᠷᠭᠠᠢ ᠨᠠᠭᠠᠳᠤᠮ ᠢ ᠮᠦᠰᠦᠨ ᠳᠡᠭᠡᠷᠡᠬᠢ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠭᠡᠵᠤ᠂ ᠡᠭᠦᠨ ᠳᠤ ᠣᠷᠤᠯᠴᠠᠬᠤ ᠬᠦᠮᠦᠰ ᠢ ᠠᠷᠭᠠᠶᠢᠴᠢᠨ ᠭᠡᠳᠡᠭ᠃ | ᠠᠷᠭᠠᠢ ᠨᠠᠭᠠᠳᠤᠮ ᠳᠤ᠂ ᠬᠠᠮᠤᠭ ᠲᠡᠷᠢᠭᠦᠨ ᠤ ᠬᠦᠮᠦᠨ ᠦᠪᠡᠷ ᠤᠨ ᠨᠢᠭᠡ ᠠᠷᠭᠠᠢ ᠪᠠᠨ ᠬᠠᠷᠪᠤᠨ ᠶᠠᠪᠤᠭᠤᠯᠵᠤ᠂ ᠣᠨᠳᠤᠤ ᠨᠢᠭᠡ ᠠᠷᠭᠠᠢ ᠪᠠᠷ ᠲᠡᠭᠦᠨ ᠢᠶᠠᠨ | ᠬᠠᠷᠪᠤᠳᠠᠭ᠃ ᠬᠡᠷᠪᠡ ᠣᠨᠤᠭᠠᠬᠤ ᠳᠤ ᠬᠦᠷᠪᠡᠯ᠂ ᠡᠨᠡ ᠨᠢᠭᠡ ᠤᠳᠠᠭᠠ ᠶᠢᠨ ᠨᠠᠭᠠᠳᠤᠮ ᠳᠠᠭᠤᠰᠴᠤ᠂ ᠪᠣᠰᠤᠳ ᠬᠦᠮᠦᠨ ᠤ ᠱᠠᠭᠠ ᠪᠦᠷ ᠲᠡᠭᠦᠨ ᠤ ᠪᠣᠯᠤᠨᠠ᠃ | ᠲᠡᠷᠢᠭᠦᠨ ᠤ ᠬᠦᠮᠦᠨ ᠬᠡᠷᠪᠡ ᠣᠨᠤᠭᠠᠭᠰᠠᠨ ᠦᠭᠡᠢ ᠪᠣᠯ᠂ ᠳᠠᠷᠠᠭᠠ ᠶᠢᠨ ᠬᠦᠮᠦᠰ ᠬᠦᠮᠦᠨ ᠪᠦᠷᠢ ᠬᠤᠶᠠᠷ ᠤᠳᠠᠭᠠ ᠬᠠᠷᠪᠤᠬᠤ ᠡᠷᠬᠡ ᠲᠠᠢ᠃ ᠣᠨᠤᠭᠠᠭᠰᠠᠨ ᠪᠣᠯ | ᠮᠥᠨ ᠪᠦᠭᠦᠳᠡ ᠱᠠᠭᠠ ᠶᠢ ᠠᠪᠤᠨᠠ᠃ ᠬᠡᠷᠪᠡ ᠬᠠᠷᠠᠯᠲᠠ ᠶᠢᠨ ᠠᠷᠭᠠᠢ ᠶᠢ ᠬᠡᠨ ᠴᠦ ᠣᠨᠤᠭᠠᠭᠰᠠᠨ ᠦᠭᠡᠢ ᠪᠣᠯ᠂ ᠮᠥᠨ ᠲᠡᠷᠢᠭᠦᠨ ᠤ ᠬᠦᠮᠦᠨ ᠬᠠᠷᠠᠯᠲᠠ ᠶᠢᠨ | ᠠᠷᠭᠠᠢ ᠪᠠᠨ ᠪᠤᠴᠠᠨ ᠬᠠᠷᠪᠤᠵᠤ᠂ ᠨᠠᠭᠠᠳᠤᠮ ᠤᠨ ᠱᠦᠭᠦᠯᠴᠡᠭᠡ ᠳᠤ ᠲᠠᠯᠪᠢᠭᠰᠠᠨ ᠱᠠᠭᠠ ᠨᠤᠭᠤᠳ ᠤᠨ ᠬᠠᠪᠢ ᠳᠤ ᠵᠣᠭᠰᠤᠭᠠᠳᠠᠭ᠃ ᠳᠠᠬᠢᠨ ᠨᠦᠭᠦᠭᠡ ᠠᠷᠭᠠᠢ ᠪᠠᠷ | ᠲᠡᠭᠦᠨ ᠢᠶᠠᠨ ᠬᠠᠷᠪᠤᠵᠤ᠂ ᠪᠣᠰᠤᠳ ᠬᠦᠮᠦᠨ ᠬᠠᠷᠪᠤᠬᠤ ᠨᠢ ᠲᠦᠷᠦᠭᠦᠨ ᠤ ᠲᠠᠢ ᠠᠳᠠᠯᠢ᠃ ᠬᠡᠷᠪᠡ ᠬᠡᠨ ᠴᠦ ᠡᠨᠡᠬᠦ ᠠᠷᠭᠠᠢ ᠶᠢ ᠣᠨᠤᠭᠠᠭᠰᠠᠨ ᠦᠭᠡᠢ ᠪᠣᠯ᠂ | ᠲᠡᠷᠢᠭᠦᠨ ᠤ ᠬᠦᠮᠦᠨ ᠲᠡᠭᠦᠨ ᠢᠶᠠᠷ ᠢᠶᠠᠨ ᠱᠦᠭᠦᠯᠴᠡᠭᠡ ᠶᠢᠨ ᠱᠠᠭᠠ ᠶᠢ ᠬᠠᠷᠪᠤᠵᠤ᠂ ᠠᠷᠭᠠᠢ ᠲᠠᠢ ᠨᠢ ᠠᠳᠠᠯᠢ ᠲᠠᠯᠠ ᠭᠠᠷᠤᠭᠰᠠᠨ ᠱᠠᠭᠠ ᠶᠢ ᠠᠪᠳᠠᠭ᠃ ᠡᠳᠡᠭᠡᠷ | ᠪᠣᠯ ᠬᠠᠮᠤᠭ ᠲᠡᠷᠢᠭᠦᠨ ᠳᠤ ᠬᠠᠷᠪᠤᠬᠤ ᠬᠦᠮᠦᠨ ᠤ ᠠᠰᠢᠭ ᠲᠠᠢ ᠵᠦᠢᠯ ᠶᠤᠮ᠃ | ᠠᠷᠭᠠᠢ ᠬᠠᠷᠪᠤᠬᠤ ᠳᠡᠰ ᠳᠠᠷᠠᠭᠠ ᠶᠢ ᠲᠣᠭᠳᠠᠭᠠᠬᠤ ᠳᠤ᠂ ᠬᠦᠮᠦᠨ ᠪᠦᠷᠢ ᠶᠢᠨ ᠨᠢᠭᠡ ᠠᠷᠭᠠᠢ ᠶᠢ ᠨᠡᠶᠢᠯᠡᠭᠦᠯᠦᠨ ᠪᠠᠷᠢᠵᠤ᠂ ᠵᠣᠬᠢᠬᠤ ᠦᠨᠳᠦᠷ ᠳᠡᠭᠡᠷᠡ ᠠᠴᠠ | ᠮᠦᠰᠦᠨ ᠳᠡᠭᠡᠷᠡ ᠬᠠᠶᠠᠵᠤ᠂ ᠭᠠᠷᠤᠭᠰᠠᠨ ᠲᠠᠯᠠ ᠪᠠᠷ ᠨᠢ ᠦᠨᠳᠦᠰᠦ ᠪᠠᠷᠢᠮᠲᠠ ᠪᠣᠯᠭᠠᠳᠠᠭ᠃ ᠡᠭᠦᠨ ᠳᠤ᠂ ᠣᠯᠠᠨ ᠵᠦᠢᠯ ᠤᠨ ᠠᠷᠭᠠ ᠪᠠᠶᠢᠵᠤ᠂ ᠣᠯᠠᠨ ᠢᠶᠠᠷ ᠢᠶᠠᠨ | ᠬᠡᠯᠡᠯᠴᠡᠨ ᠪᠠᠶᠢᠵᠤ ᠲᠣᠭᠲᠠᠭᠠᠳᠠᠭ᠃ ᠶᠡᠷᠦᠳᠡ ᠪᠠᠨ᠂ ᠱᠠᠭᠠ ᠶᠢᠨ ᠪᠦᠭᠡ᠂ ᠴᠡᠭᠡ᠂ ᠮᠣᠷᠢ᠂ ᠲᠡᠮᠡᠭᠡ ᠵᠡᠷᠭᠡ ᠲᠠᠯᠠ ᠪᠠᠷ ᠳᠡᠰ ᠳᠠᠷᠠᠭᠠᠯᠠᠯ ᠪᠣᠯᠭᠠᠳᠠᠭ᠃ ᠭᠡᠪᠡᠴᠦ᠂ | ᠨᠢᠭᠡ ᠤᠳᠠᠭᠠ ᠶᠢᠨ ᠬᠠᠶᠠᠳᠠᠯ ᠳᠤ ᠠᠳᠠᠯᠢ ᠲᠠᠯᠠ ᠨᠢ ᠣᠯᠠᠨ ᠭᠠᠷᠴᠤ᠂ ᠣᠨᠴᠠᠭᠠᠢ ᠨᠢᠭᠡ ᠯᠡ ᠲᠠᠯᠠ ᠪᠠᠶᠢᠪᠠᠯ᠂ ᠲᠡᠷᠡ ᠨᠢ ᠬᠠᠮᠤᠭ ᠲᠡᠷᠢᠭᠦᠨ ᠤ ᠠᠷᠭᠠᠢ ᠪᠣᠯᠳᠠᠭ᠃ | ᠢᠩᠬᠢᠵᠦ ᠬᠡᠳᠦ ᠤᠳᠠᠭᠠ ᠬᠠᠶᠠᠵᠤ᠂ ᠪᠦᠬᠦ ᠳᠡᠰ ᠳᠠᠷᠠᠭᠠᠯᠠᠯ ᠢᠶᠠᠨ ᠭᠠᠷᠭᠠᠳᠠᠭ᠃ | ᠠᠷᠤ ᠬᠤᠷᠴᠢᠨ ᠳᠤ᠂ ᠨᠡᠯᠢᠶᠡᠳ ᠶᠡᠭᠡ ᠬᠡᠪᠴᠢᠶᠡ ᠶᠢᠨ ᠠᠷᠭᠠᠢ ᠬᠠᠷᠪᠤᠬᠤ ᠮᠦᠷᠦ᠋ᠢᠴᠡᠭᠡᠨ ᠨᠢ ᠨᠠᠶᠢᠷ ᠨᠠᠭᠠᠳᠤᠮ ᠰᠢᠭ᠋ ᠶᠠᠪᠤᠭᠳᠠᠵᠤ᠂ ᠰᠠᠶᠢᠨ ᠠᠷᠭᠠᠶᠢᠴᠢᠨ ᠨᠢ | ᠣᠯᠠᠨ ᠤ ᠳᠤᠮᠳᠠ ᠪᠠᠨ ᠣᠳᠣ ᠪᠣᠯᠵᠤ ᠭᠢᠯᠠᠷᠠᠳᠠᠭ᠃ ᠮᠦᠷᠦ᠋ᠢᠴᠡᠭᠡᠨ ᠤ ᠳᠠᠷᠠᠭᠠ᠂ ᠨᠠᠭᠠᠳᠤᠮ ᠡᠷᠬᠢᠯᠡᠭᠴᠢ ᠠᠴᠠ ᠮᠦᠰᠦᠨ ᠲᠠᠯᠠᠪᠠᠢ ᠶᠢᠨ ᠣᠶᠢᠷᠠᠯᠴᠠᠭᠠ ᠮᠢᠬᠠ | ᠱᠦᠯᠦ ᠲᠠᠢ ᠪᠤᠳᠠᠭᠠ ᠴᠢᠨᠠᠵᠤ᠂ ᠠᠷᠭᠠᠶᠢᠴᠢᠳ ᠢ ᠳᠠᠶᠢᠯᠠᠳᠠᠭ᠃ ᠡᠨᠡ ᠨᠢ ᠵᠠᠷᠢᠮ ᠲᠠᠯᠠ ᠪᠠᠷ ᠢᠶᠠᠨ ᠠᠷᠤ ᠬᠤᠷᠴᠢᠨ ᠤ ᠪᠣᠰᠤᠳ ᠨᠠᠶᠢᠷ ᠨᠠᠭᠠᠳᠤᠮ ᠲᠠᠢ ᠠᠳᠠᠯᠢ | ᠪᠠᠶᠢᠳᠠᠭ᠃ | ᠠᠷᠤ ᠬᠤᠷᠴᠢᠨ ᠤ ᠵᠠᠷᠢᠮ ᠬᠦᠮᠦᠰ ᠤᠨ ᠦᠵᠡᠬᠦ ᠪᠠᠷ᠂ ᠠᠷᠭᠠᠢ ᠬᠠᠷᠪᠤᠬᠤ ᠳᠤ ᠡᠷᠡᠬᠡᠢ ᠪᠠᠷ ᠨᠢᠳᠡᠷᠡᠬᠦ ᠪᠣᠯᠤᠨ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠷ ᠨᠣᠮᠤ ᠶᠢᠨ ᠬᠦᠪᠴᠢ ᠶᠢ | ᠲᠠᠲᠠᠬᠤ ᠶᠣᠰᠤ ᠨᠢ ᠠᠳᠠᠯᠢ᠃ ᠡᠶᠢᠮᠦ ᠠᠴᠠ᠂ ᠠᠷᠭᠠᠢ ᠨᠠᠭᠠᠳᠤᠮ ᠨᠢ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠶᠢᠨ ᠦᠨᠳᠦᠰᠦᠨ ᠪᠣᠯᠪᠠᠰᠤᠷᠠᠯ ᠤᠨ ᠨᠢᠭᠡ ᠠᠭᠤᠯᠭᠠ ᠭᠡᠳᠡᠭ᠃ ᠴᠢᠩᠬᠢᠰ | ᠬᠠᠭᠠᠨ ᠤ ᠦᠶᠡ ᠳᠤ᠂ ᠳᠡᠭᠦᠦ ᠬᠠᠰᠠᠷ ᠨᠢ ᠨᠣᠮᠤ ᠰᠣᠮᠤ ᠬᠠᠷᠪᠤᠬᠤ ᠪᠠᠷ ᠢᠶᠠᠨ ᠨᠡᠷᠡ ᠠᠯᠳᠠᠷᠰᠢᠵᠤ᠂ ︽ᠬᠠᠪᠤᠲᠤ︾ ᠶᠢᠨ ᠴᠤᠯᠠ ᠣᠯᠵᠠᠢ᠃ ᠲᠡᠭᠦᠨ ᠤ | ᠵᠠᠬᠢᠷᠤᠭᠰᠠᠨ ᠬᠤᠷᠴᠢᠨ ᠠᠶᠢᠮᠠᠭ ᠴᠦ ᠴᠢᠩᠬᠢᠰ ᠬᠠᠭᠠᠨ ᠢ ᠬᠠᠮᠠᠭᠠᠯᠠᠬᠤ ᠨᠣᠮᠤ ᠰᠣᠮᠤ ᠶᠢᠨ ᠴᠡᠷᠢᠭ ᠪᠠᠶᠢᠭᠰᠠᠨ ᠶᠤᠮ᠃ | ᠠᠷᠤ ᠬᠤᠷᠴᠢᠨ ᠬᠦᠮᠦᠰ ᠳᠡᠭᠡᠳᠦ ᠶᠢᠨ ᠦᠶᠡ ᠶᠢᠨ ᠮᠡᠷᠭᠡᠨ ᠬᠠᠷᠪᠤᠭᠠᠴᠢ ᠶᠢᠨ ᠤᠯᠠᠮᠵᠢᠯᠠᠯ ᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠠᠷᠭᠠᠢ ᠬᠠᠷᠪᠤᠬᠤ ᠨᠠᠭᠠᠳᠤᠮ ᠢ ᠴᠦ | ᠵᠠᠯᠭᠠᠮᠵᠢᠯᠠᠨ ᠢᠷᠡᠵᠡᠢ᠃ ᠡᠨᠡᠬᠦ ᠨᠠᠭᠠᠳᠤᠮ ᠨᠢ ᠬᠤᠷᠴᠠ ᠰᠢᠷᠦᠭᠦᠨ ᠦᠷᠢᠰᠦᠯᠳᠦᠭᠡᠨ ᠲᠠᠢ ᠮᠦᠷᠲᠡᠭᠡᠨ ᠤᠷᠮᠠ ᠰᠣᠨᠢᠷᠬᠠᠯ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠪᠠᠶᠢᠵᠤ᠂ ᠢᠯᠡ | ᠲᠣᠳᠤ ᠮᠣᠩᠭᠤᠯ ᠣᠨᠴᠠᠯᠢᠭ ᠪᠣᠯᠤᠨ ᠨᠤᠲᠤᠭ ᠣᠷᠤᠨ ᠤ ᠳᠦᠷᠭᠦ ᠪᠠᠶᠢᠳᠠᠯ ᠲᠠᠢ᠃ ᠲᠡᠭᠦᠨ ᠤ ᠳᠣᠲᠤᠷᠠ᠂ ᠤᠭᠰᠠᠭᠠᠳᠠᠨ ᠤ ᠤᠬᠠᠭᠠᠨ᠂ ᠪᠡᠶᠡ ᠲᠠᠮᠢᠷ ᠤᠨ | ᠤᠬᠠᠭᠠᠨ ᠪᠣᠯᠤᠨ ᠮᠣᠩᠭᠤᠯ ᠰᠣᠶᠣᠯ ᠤᠨ ᠤᠬᠠᠭᠠᠨ ᠵᠡᠷᠭᠡ ᠣᠯᠠᠨ ᠠᠭᠤᠯᠭᠠ ᠪᠠᠶᠢᠳᠠᠭ᠃ | 2007 ᠣᠨ ᠤ 6 ᠰᠠᠷᠠ ᠳᠤ᠂ ︽ᠠᠷᠭᠠᠢ ᠬᠠᠷᠪᠤᠬᠤ ᠨᠠᠭᠠᠳᠤᠮ︾ ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨ ᠤ ᠠᠩᠬᠠᠳᠤᠭᠠᠷ ᠪᠦᠯᠦᠭ | ᠪᠣᠳᠠᠰ ᠤᠨ ᠪᠣᠰᠤ ᠰᠣᠶᠣᠯ ᠤᠨ ᠦᠪ ᠤᠨ ᠲᠦᠷᠦᠯ ᠵᠦᠢᠯ ᠤᠨ ᠨᠠᠷᠡᠰ ᠲᠤ ᠣᠷᠤᠭᠰᠠᠨ ᠶᠤᠮ᠃ 2009 ᠣᠨ ᠤ 8 ᠰᠠᠷᠠ ᠳᠤ᠂ ᠲᠤᠰ ᠨᠠᠭᠠᠳᠤᠮ ᠳᠠᠬᠢᠨ | ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠪᠣᠳᠠᠰ ᠤᠨ ᠪᠣᠰᠤ ᠰᠣᠶᠣᠯ ᠤᠨ ᠦᠪ ᠤᠨ ᠲᠦᠷᠦᠯ ᠵᠦᠢᠯ ᠤᠨ ᠨᠠᠷᠡᠰ ᠲᠤ ᠣᠷᠤᠭᠰᠠᠨ ᠪᠠᠶᠢᠨᠠ᠃ ︵ | ᠪᠠᠭᠠᠪᠣᠯᠤᠳ︶ |