| ᠠᠷᠤ ᠬᠤᠷᠴᠢᠨ ᠳᠤ᠂ ︽ᠪᠤᠭᠤ ᠵᠢᠷᠭᠢᠭᠡ︾ ᠪᠣᠯᠤᠨ ︽ᠮᠦᠷᠭᠦᠭᠡ︾ ᠭᠡᠬᠦ ᠮᠣᠩᠭᠤᠯ ᠰᠢᠲᠠᠷᠠ ᠨᠠᠭᠠᠳᠤᠮ ᠪᠠᠶᠢᠳᠠᠭ᠃ | ᠲᠤᠰ ᠬᠤᠶᠠᠷ ᠨᠠᠭᠠᠳᠤᠮ ᠢ ᠪᠦᠷ ᠬᠦᠯᠭᠡ ᠶᠢᠨ ᠳᠡᠭᠡᠷᠡ ᠬᠤᠶᠠᠷ ᠬᠦᠮᠦᠨ ᠨᠠᠭᠠᠳᠤᠳᠠᠭ᠃ ᠲᠡᠷᠡᠬᠦ ᠬᠦᠯᠭᠡ ᠨᠢ ᠲᠣᠮᠤ ᠵᠢᠵᠢᠭ ᠭᠤᠷᠪᠠᠨ ᠬᠡᠰᠡᠭ ᠢᠶᠠᠷ | ᠪᠦᠷᠢᠯᠳᠦᠨᠡ᠃ ᠡᠭᠦᠨ ᠳᠤ᠂ ᠲᠣᠮᠤ ᠬᠦᠯᠭᠡ ᠨᠢ ᠲᠡᠭᠰᠢ ᠳᠦᠷᠪᠡᠯᠵᠢᠨ ᠪᠠᠶᠢᠵᠤ᠂ ᠬᠦᠨᠳᠡᠯᠡᠨ ᠭᠤᠯᠳᠤ ᠪᠠᠷ ᠪᠦᠷ ᠠᠳᠠᠯᠢ ᠵᠠᠢ ᠲᠠᠢ ᠲᠠᠪᠤᠨ ᠵᠢᠷᠤᠭᠠᠰᠤ ᠲᠠᠢ᠃ | ᠲᠡᠳᠡᠭᠡᠷ ᠤᠨ ᠳᠤᠮᠳᠠ ᠪᠠᠰᠠ ᠤᠷᠲᠤ ᠬᠤᠶᠠᠷ ᠲᠠᠰᠢᠭᠤᠪᠴᠢ ᠪᠣᠯᠤᠨ ᠣᠬᠤᠷ ᠳᠦᠷᠪᠡᠨ ᠲᠠᠰᠢᠭᠤᠪᠴᠢ ᠪᠠᠶᠢᠳᠠᠭ᠃ | ᠬᠦᠨᠳᠡᠯᠡᠨ ᠪᠣᠶᠤ ᠭᠤᠯᠳᠤ ᠭᠤᠣᠯ ᠵᠢᠷᠤᠭᠠᠰᠤ ᠪᠣᠯᠤᠨ ᠲᠡᠭᠦᠨ ᠲᠠᠢ ᠵᠣᠯᠭᠠᠭᠰᠠᠨ ᠣᠬᠤᠷ ᠲᠠᠰᠢᠭᠤᠪᠴᠢ ᠶᠢ ᠳᠡᠭᠡᠭᠰᠢ ᠳᠣᠷᠤᠭᠰᠢ ᠤᠷᠲᠤᠰᠬᠠᠵᠤ᠂ | ᠨᠢᠭᠡ ᠶᠢ ᠨᠢ ᠵᠢᠰᠢᠭᠦᠦ ᠳᠦᠷᠪᠡᠯᠵᠢᠨ᠂ ᠨᠦᠭᠦᠭᠡ ᠶᠢ ᠨᠢ ᠭᠤᠷᠪᠠᠯᠵᠢᠨ ᠵᠢᠷᠤᠵᠤ᠂ ᠴᠡᠭ ᠲᠤᠮᠳᠠ ᠨᠢ ᠪᠦᠷ ᠬᠦᠨᠳᠡᠯᠡᠨ ᠵᠢᠷᠤᠭᠠᠰᠤ ᠪᠠᠷ ᠲᠤᠱᠠᠪᠠᠯ ᠬᠤᠶᠠᠷ ᠵᠢᠵᠢᠭ | ᠬᠦᠯᠭᠡ ᠨᠢ ᠪᠣᠯᠳᠠᠭ᠃ ᠡᠳᠡ ᠬᠤᠶᠠᠷ ᠢ ᠪᠠᠰᠠ ᠠᠭᠤᠯᠠ ᠭᠡᠵᠤ᠂ ᠵᠢᠰᠢᠭᠦᠦ ᠳᠦᠷᠪᠡᠯᠵᠢᠨ ᠢ ᠨᠢ ︽ᠮᠣᠩᠭᠤᠯ ᠠᠭᠤᠯᠠ︾᠂ ᠭᠤᠷᠪᠠᠯᠵᠢᠨ ᠢ ᠨᠢ ︽ᠲᠠᠩᠭᠤᠳ | ᠠᠭᠤᠯᠠ︾ ᠪᠠᠷ ᠲᠤᠰᠪᠤᠷᠢ ᠨᠡᠷᠡᠯᠡᠳᠡᠭ᠃ ᠬᠡᠷᠪᠡ ᠮᠦᠷᠭᠦᠭᠡ ᠨᠠᠭᠠᠳᠤᠮ ᠨᠠᠭᠠᠳᠤᠪᠠᠯ᠂ ︽ᠲᠠᠩᠭᠤᠳ ᠠᠭᠤᠯᠠ︾ ᠶᠢ ᠴᠦ ︽ᠮᠣᠩᠭᠤᠯ ᠠᠭᠤᠯᠠ︾ ᠪᠠᠷ ᠪᠣᠳᠤᠳᠠᠭ | ᠃ ᠡᠳᠡᠭᠡᠷ ᠬᠦᠯᠭᠡᠨ ᠳᠡᠭᠡᠷᠡᠬᠢ ᠵᠢᠷᠤᠭᠠᠰᠤ ᠵᠣᠯᠭᠠᠭᠰᠠᠨ ᠴᠡᠭ ᠪᠣᠯᠭᠠᠨ ᠢ ᠰᠢᠲᠠᠷᠠ ᠶᠢᠨ ᠰᠠᠭᠤᠳᠠᠯ ᠭᠡᠨᠡ᠃ | ︽ᠪᠣᠭᠤ ᠵᠢᠷᠭᠢᠭᠡ︾ ᠳᠤ᠂ ᠨᠢᠭᠡ ᠬᠦᠮᠦᠨ ᠨᠢ ᠬᠤᠶᠠᠷ ︽ᠪᠤᠭᠤ︾ ᠶᠢᠨ ᠰᠢᠲᠠᠷᠠ ᠠᠪᠴᠤ᠂ ᠨᠦᠭᠦᠭᠡ ᠨᠢᠭᠡ ᠨᠢ ᠬᠤᠷᠢᠨ ᠳᠦᠷᠪᠡᠨ ︽ᠨᠣᠬᠠᠢ︾ ᠶᠢᠨ | ᠰᠢᠲᠠᠷᠠ ᠲᠠᠢ᠃ ᠡᠳᠡᠭᠡᠷ ᠰᠢᠲᠠᠷᠠ ᠶᠢ ᠴᠢᠯᠠᠭᠤ ᠮᠣᠳᠤ ᠪᠠᠷ ᠴᠦ ᠣᠷᠤᠯᠠᠭᠤᠯᠵᠤ᠂ ︽ᠪᠣᠭᠤ︾᠂ ︽ᠨᠣᠬᠠᠢ︾ ᠨᠢ ᠢᠯᠭᠠᠭᠳᠠᠪᠠᠯ ᠪᠣᠯᠴᠢᠬᠠᠨᠠ᠃ | ᠦᠩᠭᠡᠷᠡᠭᠰᠡᠨ ᠳᠤ᠂ ᠪᠠᠭᠠ ᠬᠡᠤᠬᠡᠳ ᠬᠤᠨᠢ ᠢᠮᠠᠭᠠᠨ ᠬᠤᠷᠭᠤᠯ ᠢᠶᠠᠷ ︽ᠨᠣᠬᠠᠢ︾ ᠪᠣᠯᠭᠠᠨ ᠨᠠᠭᠠᠳᠴᠤ ᠪᠠᠶᠢᠵᠠᠢ᠃ ᠬᠤᠨᠲᠤ ᠪᠠᠯᠭᠠᠰᠤ ᠶᠢᠨ ᠣᠩᠭᠤᠨᠮᠣᠳᠤ | ᠭᠠᠴᠠᠭᠠ ᠶᠢᠨ ᠰᠠᠭᠠᠳᠠᠸᠠ ᠭᠤᠸᠠᠢ ᠶᠢᠨ ᠤᠤᠯ ᠤᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠵᠦᠢᠯᠡᠰ ᠲᠤ ᠪᠤᠭᠤ ᠵᠢᠷᠬᠢᠬᠡ ᠶᠢᠨ ᠬᠥᠯᠭᠡ ᠠᠴᠠ ᠭᠠᠳᠠᠨᠠ ᠬᠤᠨᠢ ᠶᠢᠨ ᠬᠤᠶᠠᠷ ᠱᠠᠭᠠ | ᠪᠣᠯᠤᠨ ᠬᠤᠨᠢᠨ ᠰᠢᠬᠢᠷᠡ ᠶᠢᠨ ᠬᠤᠷᠢᠨ ᠳᠦᠷᠪᠡᠨ ᠲᠢᠲᠢᠮ ᠶᠠᠰᠤ ᠶᠤᠮ᠃ ᠲᠢᠲᠢᠮ ᠶᠠᠰᠤ ᠨᠤᠭᠤᠳ ᠤᠨ ᠬᠠᠭᠠᠰ ᠢ ᠤᠯᠠᠭᠠᠨ᠂ ᠬᠠᠭᠠᠰ ᠢ ᠨᠢ ᠨᠣᠭᠤᠭᠠᠨ ᠢᠶᠠᠷ | ᠪᠣᠳᠤᠵᠠᠢ᠃ | ᠪᠤᠭᠤ ᠵᠢᠷᠭᠢᠭᠡ ᠨᠠᠭᠠᠳᠬᠤ ᠳᠤ᠂ ᠬᠡᠨ ᠨᠢ ᠶᠠᠮᠠᠷ ᠰᠢᠲᠠᠷᠠ ᠠᠪᠬᠤ ᠶᠢ ᠬᠡᠯᠡᠯᠴᠡᠵᠦ ᠪᠠᠶᠢᠭᠠᠳ ᠪᠣᠯᠳᠠᠭ᠃ ᠡᠬᠢᠯᠡᠵᠦ ᠨᠠᠭᠠᠳᠬᠤ ᠳᠤ᠂ ︽ᠪᠤᠭᠤ︾ ᠤᠷᠢᠳᠠᠪᠠᠷ | ᠬᠦᠳᠡᠯᠬᠦ ᠪᠣᠯᠬᠤᠷ ᠡᠨᠡᠬᠦ ᠰᠢᠲᠠᠷᠠ ᠶᠢ ᠬᠦᠮᠦᠰ ᠪᠦᠷ ᠠᠪᠬᠤ ᠳᠤᠷᠠ ᠲᠠᠢ ᠶᠤᠮ᠃ ᠬᠠᠷᠢᠨ ︽ᠨᠤᠬᠠᠢ︾ ᠰᠢᠲᠠᠷᠠ ᠣᠯᠠᠨ ᠢᠶᠠᠷ ᠢᠶᠠᠨ ᠪᠠᠰᠠ ᠨᠠᠭᠠᠳᠤᠮᠴᠢᠨ ᠳᠤ | ᠲᠠᠭᠠᠰᠢᠶᠠᠭᠳᠠᠳᠠᠭ᠃ ᠭᠡᠪᠡᠴᠦ᠂ ᠬᠡᠷᠪᠡ ᠬᠤᠶᠠᠷ ᠬᠦᠮᠦᠨ ᠪᠦᠷ ᠠᠳᠠᠯᠢ ᠨᠢᠭᠡ ᠰᠢᠲᠠᠷᠠ ᠶᠢ ᠠᠪᠬᠤ ᠲᠤᠷᠠ ᠲᠠᠢ ᠪᠣᠯᠴᠢᠬᠠᠪᠠᠯ᠂ ᠨᠢᠭᠡ ᠨᠢ ᠨᠠᠶᠢᠷ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ | ᠃ ᠦᠭᠡᠢ ᠪᠣᠯ ᠨᠠᠭᠠᠳᠤᠮ ᠢᠶᠠᠨ ᠨᠠᠭᠠᠳᠴᠤ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠤᠨᠠ᠃ ᠬᠡᠷᠪᠡ ᠬᠤᠶᠠᠷ ᠤᠳᠠᠭᠠ ᠨᠠᠭᠠᠳᠬᠤ ᠪᠣᠯ᠂ ᠬᠦᠮᠦᠨ ᠪᠦᠷᠢ ᠨᠢᠭᠡ ᠤᠳᠠᠭᠠ ︽ᠪᠤᠭᠤ︾ | ᠪᠣᠶᠤ ︽ᠨᠣᠬᠠᠢ︾ ᠶᠢ ᠠᠪᠬᠤ ᠨᠢ ᠨᠡᠩ ᠡᠷᠬᠡ ᠲᠡᠭᠰᠢ ᠶᠤᠮ᠃ | ᠪᠤᠭᠤ ᠵᠢᠷᠭᠢᠭᠡ ᠶᠢ ᠡᠬᠢᠯᠡᠭᠦᠯᠬᠦ ᠳᠤ᠂ ᠬᠤᠶᠠᠷ ᠪᠤᠭᠤ ᠠᠭᠤᠯᠠ ᠪᠣᠯᠤᠨ ᠶᠡᠭᠡ ᠬᠦᠯᠭᠡ ᠶᠢᠨ ᠠᠭᠤᠯᠵᠠᠷ ᠤᠨ ᠰᠠᠭᠤᠳᠠᠯ ᠳᠡᠭᠡᠷᠡ ᠰᠠᠭᠤᠵᠤ᠂ ᠨᠠᠢᠮᠠᠨ ᠨᠣᠬᠠᠢ | ᠶᠡᠭᠡ ᠬᠦᠯᠭᠡ ᠶᠢᠨ ᠳᠤᠮᠳᠠᠬᠢ ᠨᠠᠢᠮᠠᠨ ᠰᠠᠭᠤᠳᠠᠯ ᠢ ᠡᠵᠡᠯᠡᠨᠡ᠃ ᠢᠩᠬᠢᠬᠦ ᠳᠤ᠂ ︽ᠨᠣᠬᠠᠢ︾ ᠠᠪᠤᠭᠰᠠᠨ ᠬᠦᠮᠦᠨ ᠳᠤ ᠪᠠᠰᠠ ᠠᠷᠪᠠᠨ ᠵᠢᠷᠭᠤᠭᠠᠨ ᠰᠢᠲᠠᠷᠠ | ᠪᠠᠶᠢᠳᠠᠭ᠃ | ᠪᠤᠭᠤ ᠤᠷᠢᠳᠠᠪᠠᠷ ᠶᠠᠪᠤᠬᠤ ᠳᠤ᠂ ᠨᠢᠭᠡ ᠨᠣᠬᠠᠢ ᠶᠢᠨ ᠳᠡᠭᠡᠭᠦᠷ ᠦᠰᠦᠷᠴᠦ᠂ ᠲᠡᠭᠦᠨ ᠢ ︽ᠢᠳᠡᠭᠡᠳ︾ ᠴᠢᠨᠠᠲᠤ ᠲᠠᠯᠠ ᠶᠢᠨ ᠬᠤᠭᠤᠰᠤᠨ ᠰᠠᠭᠤᠳᠠᠯ ᠳᠡᠭᠡᠷᠡ | ᠰᠠᠭᠤᠳᠠᠭ᠃ ᠡᠶᠢᠮᠦ ᠠᠴᠠ᠂ ᠰᠢᠲᠠᠷᠠ ᠪᠠᠨ ᠡᠬᠢᠯᠡᠵᠦ ᠪᠠᠶᠢᠷᠢᠯᠠᠭᠤᠯᠬᠤ ᠦᠶᠡ ᠳᠤ᠂ ᠪᠤᠭᠤ ᠪᠦᠷᠢ ᠳᠤ ᠨᠣᠬᠠᠢ ᠶᠢ ︽ᠢᠳᠡᠬᠦ︾ ᠭᠤᠷᠪᠠᠨ ᠰᠠᠭᠤᠳᠠᠯ ᠪᠠᠶᠢᠳᠠᠭ᠃ | ᠳᠡᠳᠡᠭᠡᠷ ᠨᠢ ᠬᠦᠯᠭᠡ ᠶᠢᠨ ᠭᠤᠣᠯ ᠴᠡᠭ ᠪᠣᠯᠤᠨ ᠭᠤᠣᠯ ᠵᠢᠷᠤᠭᠠᠰᠤ ᠶᠢᠨ ᠵᠡᠭᠦᠨ ᠪᠠᠷᠠᠭᠤᠨ ᠵᠠᠬᠠ ᠶᠢᠨ ᠬᠤᠶᠠᠷ ᠴᠡᠭ ᠶᠤᠮ᠃ | ᠨᠠᠭᠠᠳᠤᠮ ᠡᠬᠢᠯᠡᠬᠦ ᠳᠤ᠂ ᠠᠯᠢ ᠨᠢᠭᠡᠨ ᠪᠤᠭᠤ ᠠᠰᠬᠠᠨ ᠪᠣᠶᠤ ᠵᠢᠰᠢᠭᠦᠦ ᠦᠰᠦᠷᠴᠦ᠂ ᠨᠢᠭᠡ ᠨᠣᠬᠠᠢ ᠶᠢ ︽ᠢᠳᠡᠭᠡᠳ︾ ᠴᠠᠭᠠᠳᠤᠬᠢ ᠰᠠᠭᠤᠳᠠᠯ ᠳᠡᠭᠡᠷᠡ ᠨᠢ | ᠣᠴᠢᠳᠠᠭ᠃ ᠡᠭᠦᠨ ᠤ ᠬᠠᠮᠲᠤ ︽ᠢᠳᠡᠭᠰᠡᠨ︾ ᠨᠣᠬᠠᠢ ᠪᠠᠨ ᠬᠠᠵᠠᠭᠤ ᠳᠠᠭᠠᠨ ᠠᠪᠴᠤ ᠲᠠᠯᠪᠢᠨᠠ᠃ ᠲᠡᠭᠡᠪᠡᠯ ᠨᠦᠭᠦᠭᠡ ᠲᠠᠯᠠ ᠠᠴᠠ ᠨᠢᠭᠡ ᠨᠣᠬᠠᠢ ᠪᠠᠨ ᠠᠪᠴᠤ᠂ | ᠪᠣᠭᠤ ᠦᠰᠦᠷᠦᠨ ᠣᠴᠢᠬᠤ ᠪᠣᠯᠬᠤ ᠨᠢᠭᠡ ᠰᠠᠭᠤᠳᠠᠯ ᠳᠡᠭᠡᠷᠡ ᠲᠠᠯᠪᠢᠳᠠᠭ᠃ ᠡᠨᠡ ᠨᠢ ᠪᠣᠭᠤ ᠶᠢᠨ ᠦᠰᠦᠷᠬᠦ ᠵᠠᠮ ᠢ ᠬᠠᠰᠢᠵᠤ ᠪᠠᠶᠢᠨᠠ᠃ ︽ᠪᠣᠭᠤ︾ ᠬᠠᠷᠢᠨ | ᠬᠠᠰᠢᠭᠳᠠᠬᠤ ᠦᠭᠡᠢ ᠮᠦᠷᠲᠡᠭᠡᠨ ︽ᠨᠣᠬᠠᠢ︾ ᠶᠢ ᠢᠳᠡᠬᠦ ᠰᠠᠭᠤᠳᠠᠯ ᠢ ᠪᠣᠳᠤᠯᠬᠢᠯᠠᠨ ᠦᠰᠦᠷᠳᠡᠭ᠃ ᠡᠨᠡ ᠮᠡᠲᠦ ᠪᠠᠷ ᠪᠤᠭᠤ ᠨᠣᠬᠠᠢ ᠶᠢ ︽ᠢᠳᠡᠬᠦ︾ ᠪᠣᠶᠤ | ᠨᠣᠬᠠᠢ ᠪᠤᠭᠤ ᠶᠢᠨ ᠦᠰᠦᠷᠬᠦ ᠰᠠᠭᠤᠳᠠᠯ ᠢ ︽ᠪᠦᠭᠯᠡᠵᠦ︾᠂ ᠬᠠᠮᠤᠭ ᠰᠡᠭᠦᠯ ᠳᠤ ᠪᠤᠭᠤ ᠦᠰᠦᠷᠬᠦ ᠰᠠᠭᠤᠳᠠᠯ ᠦᠭᠡᠢ ᠪᠣᠯᠪᠠᠯ ᠳᠡᠶᠢᠯᠦᠭᠳᠡᠭᠰᠡᠨ ᠢᠶᠠᠷ ᠪᠣᠳᠣᠳᠠᠭ᠃ | ᠨᠦᠭᠦᠭᠡ ᠬᠦᠮᠦᠨ ᠨᠢ ᠴᠦ ᠪᠣᠭᠤ ᠶᠢ ᠬᠠᠰᠢᠬᠤ ᠨᠤᠬᠠᠢ ᠦᠭᠡᠢ ᠪᠣᠯᠪᠠᠯ ᠨᠠᠭᠠᠳᠤᠮ ᠳᠠᠭᠤᠰᠳᠠᠭ᠃ | ᠠᠳᠡ ᠲᠣᠳᠤᠷᠬᠠᠶᠢᠯᠠᠬᠤ ᠨᠢ᠂ ᠪᠤᠭᠤ ᠬᠠᠰᠢᠭᠳᠠᠬᠤ ᠪᠣᠶᠤ ᠰᠢᠨᠡ ᠪᠠᠷ ᠲᠠᠯᠪᠢᠬᠤ ᠨᠣᠬᠠᠢ ᠦᠭᠡᠢ ᠪᠣᠯᠪᠠᠯ᠂ ᠲᠤᠰ ᠬᠤᠶᠠᠷ ᠰᠢᠲᠠᠷᠠ ᠠᠰ ᠵᠢᠷᠤᠭᠠᠰᠤ ᠪᠠᠷ | ᠬᠤᠯᠪᠤᠭᠰᠠᠨ ᠰᠠᠭᠤᠳᠠᠯ ᠳᠡᠭᠡᠷᠡ ᠨᠢᠭᠡ ᠨᠢᠭᠡ ᠠᠯᠬᠤᠮ ᠢᠶᠠᠷ ᠶᠠᠪᠤᠵᠤ ᠪᠣᠯᠳᠠᠭ᠃ | ᠮᠦᠷᠭᠦᠭᠡ ᠨᠠᠭᠠᠳᠤᠮ ᠳᠤ᠂ ᠬᠤᠶᠠᠷ ᠬᠦᠮᠦᠨ ᠲᠣᠰᠪᠤᠷᠢ ᠠᠷᠪᠠᠨ ᠬᠤᠶᠠᠷ ᠨᠣᠬᠠᠢ ᠠᠪᠴᠤ᠂ ᠮᠥᠨ ᠰᠢᠲᠠᠷᠠ ᠶᠢᠨ ᠬᠦᠯᠭᠡ ᠳᠡᠭᠡᠷᠡ ᠴᠡᠷᠢᠭ ᠪᠠᠶᠢᠷᠢᠯᠠᠭᠤᠯᠤᠨ | ᠨᠠᠭᠠᠳᠤᠳᠠᠭ᠃ ᠡᠶᠢᠮᠦ ᠠᠴᠠ᠂ ᠬᠤᠶᠠᠷ ᠲᠠᠯᠠ ᠶᠢᠨ ᠰᠢᠲᠠᠷᠠ ᠨᠢ ᠢᠯᠭᠠᠭᠠ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠮᠦᠷᠭᠦᠭᠡ ᠶᠢᠨ ᠴᠡᠷᠢᠭ ᠢ ᠲᠠᠯᠪᠢᠬᠤ ᠳᠤ᠂ ᠰᠢᠲᠠᠷᠠ ᠶᠢᠨ ᠬᠦᠯᠭᠡ ᠶᠢᠨ ᠭᠤᠣᠯ ᠵᠢᠷᠤᠭᠠᠰᠤ ᠪᠠᠷ ᠵᠠᠭᠠᠭ ᠪᠣᠯᠭᠠᠵᠤ᠂ ᠲᠡᠭᠦᠨ ᠤ ᠬᠤᠶᠠᠷ ᠲᠠᠯᠠ ᠶᠢᠨ ᠠᠷᠪᠠᠨ | ᠰᠠᠭᠤᠳᠠᠯ ᠳᠡᠭᠡᠷᠡ ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠢᠶᠠᠨ ᠰᠠᠭᠤᠯᠭᠠᠵᠤ᠂ ᠦᠯᠡᠳᠡᠭᠰᠡᠨ ᠬᠤᠶᠠᠷ ᠴᠡᠷᠢᠭ ᠢᠶᠠᠨ ᠮᠣᠩᠭᠤᠯ ᠠᠭᠤᠯᠠ ᠪᠣᠯᠤᠨ ᠲᠠᠩᠭᠤᠳ ᠠᠭᠤᠯᠠᠨ ᠤ | ᠵᠡᠭᠦᠨ ᠪᠠᠷᠠᠭᠤᠨ ᠱᠣᠷᠤᠯᠵᠢᠨ ᠰᠠᠭᠤᠳᠠᠯ ᠪᠣᠯᠤᠨ ᠪᠡᠯ ᠳᠡᠭᠡᠷᠡᠬᠢ ᠵᠡᠭᠦᠨ ᠪᠠᠷᠠᠭᠤᠨ ᠴᠡᠭ ᠳᠡᠭᠡᠷᠡ ᠲᠠᠯᠪᠢᠳᠠᠭ᠃᠂ ᠲᠠᠩᠭᠤᠳ ᠠᠭᠤᠯᠠ ᠶᠢ ᠮᠣᠩᠭᠤᠯ ᠠᠭᠤᠯᠠ ᠪᠠᠷ | ᠪᠣᠳᠤᠬᠤ ᠶᠢᠨ ᠤᠴᠢᠷ ᠨᠢ ᠡᠶᠢᠮᠦ ᠪᠠᠶᠢᠵᠠᠢ᠃ | ᠬᠤᠶᠠᠷ ᠲᠠᠯᠠ ᠶᠢᠨ ᠴᠡᠷᠢᠭ ᠬᠠᠷᠢᠯᠴᠠᠨ ᠮᠦᠷᠭᠦᠯᠳᠦᠬᠦ ᠳᠤ᠂ ᠮᠥᠨ ᠨᠦᠭᠦᠭᠡ ᠲᠠᠯᠠ ᠶᠢᠨ ᠨᠢᠭᠡ ᠶᠢᠨ ᠢᠶᠠᠨ ᠳᠡᠭᠡᠭᠦᠷ ᠵᠢᠷᠤᠭᠠᠰᠤ ᠲᠠᠭᠠᠨ ᠦᠰᠦᠷᠴᠦ᠂ | ᠲᠡᠭᠦᠨ ᠢ ᠢᠳᠡᠭᠡᠳ ᠴᠠᠭᠠᠳᠤᠬᠢ ᠬᠤᠭᠤᠰᠤᠨ ᠰᠠᠭᠤᠳᠠᠯ ᠳᠡᠭᠡᠷᠡ ᠰᠠᠭᠤᠳᠠᠭ᠃ ᠵᠠᠷᠢᠮ ᠳᠠᠭᠠᠨ ᠠᠰᠬᠠᠨ ᠪᠠ ᠵᠢᠰᠢᠭᠦᠦ ᠵᠢᠷᠤᠭᠠᠰᠤ ᠳᠠᠮᠵᠢᠵᠤ᠂ ᠵᠠᠯᠭᠠᠪᠠᠷ | ᠦᠰᠦᠷᠦᠨ ᠢᠳᠡᠵᠦ ᠪᠣᠯᠳᠠᠭ᠃ ᠬᠠᠮᠤᠭ ᠰᠡᠭᠦᠯ ᠳᠤ᠂ ᠦᠯᠡᠳᠡᠭᠰᠡᠨ ᠴᠡᠷᠢᠭ ᠤᠨ ᠣᠯᠠᠨ ᠴᠦᠬᠡᠨ ᠢᠶᠠᠷ ᠢᠯᠠᠵᠤ ᠢᠯᠠᠭᠳᠠᠭᠰᠠᠨ ᠢ ᠲᠣᠭᠲᠠᠭᠠᠳᠠᠭ᠃ | ᠪᠤᠭᠤ ᠵᠢᠷᠭᠢᠭᠡ ᠪᠣᠯᠤᠨ ᠮᠦᠷᠭᠦᠭᠡ ᠪᠣᠯ ᠬᠦᠮᠦᠨ ᠤ ᠣᠶᠤᠨ ᠢ ᠨᠡᠬᠡᠭᠡᠯᠭᠡᠬᠦ ᠨᠠᠭᠠᠳᠤᠮ ᠪᠠᠶᠢᠵᠤ᠂ ᠲᠡᠭᠦᠨ ᠢ ᠰᠠᠶᠢᠨ ᠨᠠᠭᠠᠳᠬᠤ ᠬᠦᠮᠦᠨ ᠠᠪᠠ ᠶᠢ ᠭᠠᠷᠮᠠᠭᠠᠢ | ᠬᠢᠵᠦ᠂ ᠴᠢᠨᠠᠭᠰᠢᠯᠠᠪᠠᠯ ᠴᠡᠷᠢᠭ ᠠᠩᠬᠢ ᠶᠢ ᠴᠦ ᠪᠠᠶᠢᠯᠳᠤᠭᠠᠨ ᠳᠤ ᠵᠠᠬᠢᠷᠴᠤ ᠴᠢᠳᠠᠨᠠ ᠭᠡᠳᠡᠭ᠃ ᠦᠩᠭᠡᠷᠡᠭᠰᠡᠨ ᠳᠤ᠂ ᠬᠦᠮᠦᠰ ᠡᠨᠡᠬᠦ ᠨᠠᠭᠠᠳᠤᠮ ᠢ ᠮᠠᠰᠢ | ᠬᠦᠭᠵᠢᠶᠡᠨᠲᠡᠢ ᠨᠠᠭᠠᠳᠴᠤ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ᠂ ᠡᠨᠡᠬᠦ ᠨᠠᠭᠠᠳᠤᠮ 2011 ᠣᠨ ᠤ 4 ᠰᠠᠷᠠ ᠳᠤ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠪᠣᠳᠠᠰ ᠤᠨ ᠪᠣᠰᠤ | ᠰᠣᠶᠣᠯ ᠤᠨ ᠦᠪ ᠲᠤ ᠲᠡᠮᠳᠡᠭᠯᠡᠭᠳᠡᠵᠦ᠂ ᠬᠤᠨᠲᠤ ᠪᠠᠯᠭᠠᠰᠤ ᠶᠢᠨ ᠣᠩᠭᠤᠠᠮᠣᠳᠤ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠨ ᠰᠠᠭᠠᠳᠠᠸᠠ ᠪᠣᠯᠤᠨ ᠨᠠᠰᠤᠬᠤᠷᠲᠤ ᠬᠤᠶᠠᠷ ᠴᠦ 2012 | ᠣᠨ ᠤ 3 ᠰᠠᠷᠠ ᠳᠤ ︽ᠪᠤᠭᠤ ᠵᠢᠷᠭᠢᠭᠡ ᠪᠣᠯᠤᠨ ᠮᠦᠷᠭᠦᠭᠡ ᠨᠠᠭᠠᠳᠤᠮ︾ ᠤᠨ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠶᠢᠨ ᠳᠡᠰ ᠤᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠲᠠᠢ ᠤᠯᠠᠮᠵᠢᠯᠠᠭᠴᠢ ᠪᠠᠷ | ᠨᠡᠷᠡᠶᠢᠳᠦᠭᠳᠡᠪᠡ᠃ ︵ᠪᠠᠭᠠᠪᠣᠯᠤᠳ ᠮᠠᠲ᠋ᠧᠷᠢᠶᠡᠯ ᠬᠠᠩᠭᠠᠪᠠ︶ |