ᠦᠨᠡᠬᠡᠷᠡᠨ ᠱᠠᠩᠨᠠᠯ ᠬᠦᠷᠲᠡᠴᠢᠬᠡᠯ᠎ᠡ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/3
    ᠡᠪᠦᠯ ᠤᠨ ᠠᠮᠠᠷᠠᠯᠲᠠ ᠳᠠᠭᠤᠰᠣᠭᠠᠳ᠂ ᠰᠣᠷᠭᠠᠭᠤᠯᠢ ᠳᠤ ᠪᠠᠨ ᠣᠴᠢᠵᠤ ᠨᠡᠷ᠎ᠡ ᠮᠡᠳᠡᠭᠦᠯᠦᠭᠰᠡᠨ ᠠᠩᠬᠠᠳᠠᠭᠴᠢ ᠡᠳᠦᠷ ᠢᠶᠠᠨ ᠶᠢᠨ ᠯᠢᠩ ᠳᠠᠷᠣᠢ ᠲᠣᠮᠣ ᠵᠢᠭᠠᠰᠤᠨ ᠤ ᠤᠴᠢᠷ ᠢ ᠰᠠᠶᠢᠨ ᠨᠠᠶᠢᠵᠠ ᠶᠠᠩ ᠰᠢᠶᠤᠤ ᠯᠢ ᠳᠤ ᠶᠠᠷᠢᠵᠤ ᠰᠣᠨᠣᠰᠬᠠᠭᠰᠠᠨ ᠶᠤᠮ᠃    ᠶᠠᠩ ᠰᠢᠶᠤᠤ ᠯᠢ ᠨᠠᠷᠢᠬᠠᠨ ᠤᠷᠲᠤ ᠨᠢᠳᠦ ᠪᠠᠨ ᠴᠠᠪᠴᠢᠯᠬᠢᠯᠠᠨ ᠪᠠᠶᠢᠵᠤ᠂ ᠭᠡᠨᠡᠳᠲᠡ ᠲᠡᠭᠦᠨ ᠠᠴᠠ᠄ ︽ᠠᠪᠤ ᠴᠢᠨᠢ ᠪᠠᠭᠰᠢ ᠪᠢᠰᠢ ᠦᠦ︖︾ ᠭᠡᠵᠦ ᠠᠰᠠᠭᠤᠪᠠ᠃ ᠶᠢᠨ ᠯᠢᠩ ᠶᠠᠮᠠᠷ ᠰᠠᠨᠠᠭ᠎ᠠ ᠲᠠᠢ ᠶᠢ ᠨᠢ ᠮᠡᠳᠡᠬᠦ ᠦᠬᠡᠢ᠂ ᠲᠡᠭᠡᠨᠡᠭᠡᠯᠵᠡᠩᠭᠦᠢ ᠪᠠᠷ᠄ ᠮᠦᠨ ᠡ︾ ᠭᠡᠯ᠎ᠡ᠃    ᠶᠠᠩ ᠰᠢᠶᠤᠤ ᠯᠢ ᠳᠠᠷᠤᠢ ᠭᠠᠳᠠᠷᠯᠠᠨ᠄ ︽ᠴᠢᠨᠦ ᠡᠨᠡ ᠴᠢᠨᠢ ᠣᠩᠬᠢᠷᠠᠵᠤ ᠪᠠᠶᠢᠨ᠎ᠠ︾ ᠭᠡᠪᠡ᠃     ᠶᠢᠨ ᠯᠢᠩ ᠰᠣᠨᠣᠰᠣᠭᠠᠳ ᠣᠴᠠᠭᠠᠷᠯᠠᠨ᠂ ᠰᠠᠶᠢᠨ ᠨᠠᠶᠢᠵᠠ ᠳᠤ ᠪᠠᠨ ᠶᠡᠭᠡ ᠳᠠᠭᠤᠨ ᠢᠶᠠᠷ᠄ ︽ᠴᠢ ᠰᠠᠶ᠋ᠢ ᠣᠩᠬᠢᠷᠠᠵᠤ ᠪᠠᠶᠢᠨ᠎ᠠ︾ ᠭᠡᠵᠠᠢ᠃    ᠶᠠᠩ ᠰᠢᠶᠤᠤ ᠯᠢ᠄ ︽ᠬᠡᠷᠪᠡ ᠪᠠᠭᠰᠢᠯᠠᠵᠤ ᠪᠠᠶᠢᠪᠠᠯ᠂ ᠠᠪᠤ ᠳᠤ ᠴᠢᠨᠢ ᠲᠡᠶᠢᠮᠦ ᠶᠡᠭᠡ ᠵᠢᠭᠠᠰᠤ ᠬᠦᠷᠭᠡᠬᠦ ᠪᠣᠯᠤᠯᠴᠠᠭ᠎ᠠ ᠦᠬᠡᠢ᠃ ᠮᠢᠨᠦ ᠭᠡᠷ ᠤᠨ ᠡᠰᠡᠷᠬᠦ ᠲᠠᠯ᠎ᠠ ᠳᠤ ᠨᠢᠭᠡ ᠶᠡᠭᠡ ᠳᠣᠪᠴᠢᠶᠠᠨ ᠳᠠᠷᠤᠭ᠎ᠠ ᠰᠠᠭᠤᠵᠤ ᠪᠠᠶᠢᠨ᠎ᠠ᠂ ᠲᠡᠳᠡᠨ ᠤ ᠬᠢᠨ ᠴᠠᠭᠠᠨ ᠰᠠᠷ᠎ᠠ ᠳᠤ ᠪᠠᠨ ᠣᠯᠠᠨ ᠵᠢᠭᠠᠰᠤ ᠬᠤᠷᠢᠶᠠᠵᠤ ᠣᠯᠣᠭᠠᠳ᠂ ᠪᠦᠷ ᠢ ᠨᠠᠷᠠᠪᠴᠢᠨ ᠳᠤ ᠪᠠᠨ ᠬᠠᠲᠠᠭᠠᠭᠰᠠᠨ ᠶᠤᠮ᠂ ᠬᠠᠮᠤᠭ ᠤᠨ ᠲᠣᠮᠣ ᠨᠢ ᠡᠶᠢᠮᠦ ᠳᠠᠶᠢᠳᠡᠢ︾ ᠭᠡᠵᠦ ᠭᠠᠷ ᠢᠶᠠᠷ ᠢᠶᠠᠨ ᠲᠦᠷᠰᠦᠯᠡᠨ ᠦᠵᠡᠭᠦᠯᠵᠡᠢ᠃     ᠶᠢᠨ ᠯᠢᠩ ᠬᠢᠯᠢᠩᠯᠡᠭᠡᠳ ᠬᠠᠮᠠᠷ ᠰᠢᠨᠳᠠᠶᠢᠯᠭᠠᠨ᠂ ᠳᠣᠳᠣᠷ᠎ᠠ ᠪᠠᠨ᠂ ᠶᠠᠩ ᠰᠢᠶᠤᠤ ᠯᠢ ᠳᠡᠩᠳᠡᠭᠦᠦ ᠡᠭᠡᠯ ᠪᠣᠯᠬᠢ ᠪᠠᠶᠢᠨ᠎ᠠ᠂ ᠨᠢᠳᠦᠨ ᠳᠤ ᠨᠢ ᠵᠦᠪᠬᠡᠨ ᠨᠣᠶᠠᠳ ᠯᠡ ᠪᠠᠭᠲᠠᠨ᠂ ᠡᠷᠳᠡᠮ ᠮᠡᠳᠡᠯᠭᠡ ᠮᠦᠨ ᠬᠦ ᠡᠳ᠋ ᠬᠦᠷᠦᠩᠭᠡ ᠪᠦᠲᠦᠭᠡᠵᠦ ᠳᠡᠶᠢᠯᠬᠦ ᠶᠢ ᠮᠡᠳᠡᠬᠦ ᠦᠬᠡᠢ ᠶᠤᠮ ᠪᠠᠶᠢᠨ᠎ᠠ ᠭᠡᠵᠦ ᠪᠣᠳᠣᠯ᠎ᠠ᠃ ᠡᠨᠡ ᠰᠣᠷᠣᠯᠭ᠎ᠠ ᠶᠢᠨ ᠬᠤᠭᠤᠴᠠᠭᠠᠨ  ᠳᠤ ᠪᠠᠨ ᠶᠠᠩ ᠰᠢᠶᠤᠤ ᠯᠢ ᠲᠠᠢ ᠴᠢᠨᠠᠭᠰᠢᠳᠠ ᠰᠠᠶᠢᠨ ᠨᠠᠶᠢᠵᠠ ᠪᠣᠯᠣᠯᠴᠠᠬᠤ ᠡᠰᠡᠬᠦ ᠲᠣᠬᠠᠢ ᠪᠠᠨ ᠲᠡᠷᠡ ᠪᠣᠳᠣᠯᠬᠢᠯᠠᠯ᠎ᠠ᠃     ᠶᠢᠨ ᠯᠢᠩ ᠡᠨᠡ ᠤᠴᠢᠷ ᠢᠶᠠᠨ ᠪᠠᠰᠠ ᠪᠣᠰᠣᠳ ᠬᠡᠳᠦᠨ ᠬᠠᠮᠲᠤ ᠰᠣᠷᠣᠭᠴᠢ ᠳᠤ ᠪᠠᠨ ᠬᠡᠯᠡᠭᠰᠡᠨ ᠪᠠᠶᠢᠵᠠᠢ᠃ ᠶᠠᠷᠢᠶᠠᠨ ᠦᠬᠡᠢ ᠢᠲᠡᠭᠡᠭᠰᠡᠨ ᠬᠦᠮᠦᠨ ᠦᠬᠡᠢ᠂ ᠪᠦᠷ ᠶᠢᠨ ᠯᠢᠩ ᠢ ᠣᠩᠬᠢᠷᠠᠵᠤ ᠪᠠᠶᠢᠨ᠎ᠠ ᠭᠡᠨ᠎ᠡ᠃ ᠨᠡᠩ ᠢᠯᠠᠩᠭᠤᠶ᠎ᠠ ᠱᠠᠩ ᠬᠠᠢ᠄ ᠴᠢ ᠵᠢᠭᠠᠰᠤᠨ ᠤ ᠪᠠᠨ ᠤᠷᠲᠤ ᠶᠢ ᠨᠢ ᠬᠤᠶᠠᠷ ᠢᠶᠠᠷ ᠦᠷᠡᠵᠢᠭᠦᠯᠦᠭᠰᠡᠨ ᠦᠬᠡᠢ ᠪᠢᠵᠡ︖︾ ᠭᠡᠵᠦ ᠬᠡᠯᠡᠪᠡ᠃     ᠶᠢᠨ ᠯᠢᠩ ᠠᠭᠤᠷᠯᠠᠭᠠᠳ ᠪᠦᠷ ᠮᠠᠨᠠᠷᠠᠴᠢᠬᠠᠬᠤ ᠰᠢᠬᠠᠪᠠ ᠃ ᠲᠡᠷᠡ ᠰᠢᠨ᠎ᠡ ᠲᠠᠷᠬᠠᠭᠠᠭᠰᠠᠨ ᠬᠢᠴᠢᠶᠡᠯ ᠤᠨ ᠨᠣᠮ ᠪᠢᠴᠢᠭ ᠢᠶᠠᠨ ᠳᠦᠭᠦᠷᠲᠡᠯ᠎ᠡ ᠰᠠᠪᠠᠯᠠᠭᠰᠠᠨ ᠪᠣᠭᠴᠣ ᠪᠠᠨ ᠨᠢᠷᠣᠭᠤ ᠪᠦᠬᠦ᠋ᠢᠨ ᠡᠭᠦᠷᠦᠭᠰᠡᠭᠡᠷ ᠭᠡᠷ ᠤᠷᠤᠭᠤ ᠪᠠᠨ ᠬᠡᠯᠳᠦᠷᠢᠬᠦ ᠳᠤ ᠪᠠᠨ ᠰᠢᠳᠦ ᠪᠠᠨ ᠳᠠᠴᠢᠬᠢᠨᠠᠲᠠᠯ᠎ᠠ ᠬᠠᠪᠢᠷᠤᠨ ᠪᠠᠶᠢᠵᠤ ᠂ ᠬᠠᠮᠲᠤ ᠰᠣᠷᠣᠭᠴᠢᠳ ᠢᠶᠠᠨ ︽ᠳᠡᠩᠳᠡᠭᠦᠦ ᠠᠰᠢᠭ ᠲᠤ ᠰᠢᠨᠤᠬᠠᠢ︾᠂ ᠪᠠᠭᠰᠢᠯᠠᠵᠤ ᠪᠠᠶᠢᠭ᠎ᠠ ᠠᠪᠤ ᠶᠢ ᠨᠢ ᠨᠢᠳᠦᠨ ᠳᠤ ᠪᠠᠨ ᠬᠠᠪᠴᠢᠬᠤ ᠦᠬᠡᠢ ᠭᠡᠵᠦ ᠬᠤᠷᠣᠰᠴᠣ ᠶᠠᠪᠣᠯ᠎ᠠ᠃    ᠡᠵᠢ ᠨᠢ ᠶᠢᠨ ᠯᠢᠩ ᠤᠨ ᠨᠡᠷ᠎ᠡ ᠮᠡᠳᠡᠭᠦᠯᠦᠭᠰᠡᠨ ᠡᠨᠡ ᠡᠳᠦᠷ ᠵᠣᠷᠰᠢᠯ ᠶᠣᠰᠣᠭᠠᠷ ᠬᠠᠭᠠᠰ ᠡᠳᠦᠷ ᠤᠨ ᠴᠢᠯᠦᠭᠡ ᠠᠪᠴᠣ᠂ ᠭᠡᠷ ᠲᠤ ᠪᠠᠨ ᠦᠯᠡᠳᠡᠭᠡᠳ ᠬᠠᠭᠤᠴᠢᠨ ᠭᠠᠯᠢᠨᠳᠠᠷ ᠢᠶᠠᠨ ᠬᠡᠰᠡᠭ ᠬᠡᠰᠡᠭ ᠢᠶᠠᠷ ᠬᠠᠶᠢᠴᠢᠯᠠᠭᠠᠳ᠂ ᠶᠢᠨ ᠯᠢᠩ ᠰᠢᠨ᠎ᠡ ᠨᠣᠮ ᠪᠢᠴᠢᠭ ᠠᠪᠴᠢᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠭᠠᠳᠠᠷᠯᠠᠬᠤ ᠪᠠᠨ ᠬᠦᠯᠢᠶᠡᠨ ᠰᠠᠭᠤᠯ᠎ᠠ᠃ ᠨᠣᠮ ᠨᠡᠯᠢᠶᠡᠳ ᠤᠯᠠᠨ᠂ ᠳᠡᠪᠲᠡᠷ ᠪᠠᠰᠠ ᠣᠯᠠᠨ ᠲᠤᠯᠠ ᠡᠨᠡ ᠨᠢ ᠯᠣᠳᠤ ᠶᠡᠭᠡ ᠢᠨᠵᠧᠨᠧᠷᠢᠩ ᠪᠠᠶᠢᠵᠤ᠂ ᠬᠤᠢ ᠽᠢ ᠪᠦᠷ ᠶᠠᠳᠠᠷᠠᠭᠠᠳ ᠨᠢᠳᠦ ᠨᠢ ᠡᠷᠢᠶᠡᠯᠵᠡᠨ ᠲᠣᠯᠣᠭᠠᠢ ᠨᠢ ᠡᠷᠭᠢᠵᠦ ᠂ ᠳᠠᠯᠤ ᠮᠦᠷᠦ ᠨᠢ ᠬᠦᠨᠳᠦᠷᠡᠭᠡᠳ ᠢᠷᠡᠳᠡᠭ᠃     ᠶᠢᠨ ᠯᠢᠩ ᠭᠡᠷ ᠲᠤ ᠪᠠᠨ ᠬᠠᠷᠢᠵᠤ ᠢᠷᠡᠮᠡᠭᠴᠡ᠂ ᠬᠤᠢ ᠽᠢ ᠲᠡᠭᠦᠨ ᠢ ᠬᠠᠪᠰᠣᠷᠣᠨ᠂ ᠨᠦᠰᠡᠷ ᠬᠦᠨᠳᠦ ᠪᠣᠭᠴᠣ ᠶᠢ ᠨᠢ ᠮᠦᠷᠦᠨ ᠠᠴᠠ ᠨᠢ ᠪᠠᠭᠤᠯᠭᠠᠬᠤ ᠶᠢᠨ ᠳᠠᠭᠠᠤ᠄ ︽ᠪᠠᠷᠠᠯ᠎ᠠ ᠂ ᠡᠶᠢᠮᠦ ᠣᠯᠠᠨ ᠪᠢᠴᠢᠭ ᠲᠠᠷᠬᠠᠭᠠᠨ᠎ᠠ ᠭᠡᠵᠦ ᠡ︕︾ ᠭᠡᠮᠡᠨ ᠶᠠᠷᠢᠯ᠎ᠠ᠃     ᠶᠢᠨ ᠯᠢᠩ ᠄ ︽ᠡᠨᠡ ᠨᠢ ᠠᠷᠪᠢᠨ ᠭᠡᠵᠦ ᠦᠦ︖ ᠪᠠᠰᠠ ᠬᠠᠭᠠᠰ ᠢ ᠨᠢ ᠲᠠᠷᠬᠠᠭᠠᠳᠣᠢ ᠰᠢᠦ ᠳ᠋ᠠ︕︾ ᠭᠡᠨ᠎ᠡ᠃    ᠬᠤᠢ ᠽᠢ ᠲᠣᠭᠠᠯᠠᠵᠤ ᠡᠬᠢᠯᠡᠯ᠎ᠡ᠃ ᠡᠭᠦᠨ ᠳᠤ ᠰᠤᠷᠬᠤ ᠪᠢᠴᠢᠭ 12 ᠳᠡᠪᠲᠡᠷ᠂ ᠯᠠᠪᠯᠠᠯᠲᠠ ᠶᠢᠨ ᠨᠣᠮ 3 ᠳᠡᠪᠲᠡᠷ᠂ ᠬᠢᠴᠢᠶᠡᠯ ᠤᠨ ᠭᠠᠳᠠᠨᠠᠬᠢ ᠪᠣᠯᠪᠠᠰᠣᠷᠠᠯ ᠤᠨ ᠳᠡᠪᠲᠡᠷ 3 ᠳᠡᠪᠲᠡᠷ᠂ ᠬᠠᠪᠰᠣᠷᠣᠮᠵᠢ ᠶᠢᠨ ᠪᠣᠯᠪᠠᠰᠣᠷᠠᠯ ᠤᠨ ᠰᠡᠳᠦᠪ ᠤᠨ ᠳᠠᠪᠲᠡᠷ 2 ᠳᠡᠪᠲᠡᠷ᠂ ᠴᠤᠭᠤᠷ ᠤᠨ ᠨᠣᠲ 1 ᠳᠡᠪᠲᠡᠷ᠂ ᠤᠷᠠᠨ ᠵᠢᠷᠤᠭ ᠤᠨ ᠴᠣᠮᠤᠭ 1 ᠳᠡᠪᠲᠡᠷ ᠂ ᠲᠣᠮᠣ ᠦᠰᠦᠭ ᠤᠨ ᠪᠣᠯᠪᠠᠰᠣᠷᠠᠯ ᠤᠨ ᠳᠡᠪᠲᠡᠷ 1 ᠳᠡᠪᠲᠡᠷ᠂ ᠪᠣᠯᠣᠳ ᠪᠢᠷ ᠤᠨ ᠲᠢᠭ ᠪᠢᠴᠢᠭᠡᠰᠦ 1 ᠳᠡᠪᠲᠡᠷ᠂ ᠨᠡᠪᠲᠡ ᠬᠠᠷᠠᠭᠳᠠᠬᠤ ᠳᠠᠭᠤᠷᠢᠶᠠᠮᠠᠯ ᠪᠢᠴᠢᠯᠭᠡ ᠶᠢᠨ ᠴᠠᠭᠠᠰᠤ ᠬᠡᠳᠦᠨ ᠬᠡᠰᠡᠭ᠂ ᠬᠡᠯᠡ ᠪᠢᠴᠢᠭ ᠤᠨ ᠨᠣᠮ 5 ᠂ ᠲᠣᠭᠠᠨ ᠤ ᠨᠣᠮ 5 ᠂ ᠠᠩᠭᠡᠯᠢ ᠬᠡᠯᠡᠨ ᠤ ᠨᠣᠮ 2 ᠪᠠᠶᠢᠯ᠎ᠠ᠃ ᠬᠤᠢ ᠽᠢ ᠨᠢᠭᠡ ᠦᠳᠡ ᠶᠢᠨ ᠬᠤᠶᠢᠨ᠎ᠠ᠂ ᠨᠢᠭᠡ ᠣᠷᠣᠢ ᠮᠣᠩᠭᠠᠨᠢᠭᠰᠠᠨ ᠴᠦ ᠪᠦᠬᠦ᠋ᠢᠯᠡ ᠳᠡᠪᠲᠡᠷ ᠢ ᠭᠠᠳᠠᠷᠯᠠᠵᠤ ᠳᠠᠭᠤᠰᠤᠭ᠎ᠠ ᠦᠬᠡᠢ᠃ ᠬᠡᠷᠪᠡ ᠮᠠᠷᠭᠠᠰᠢ ᠪᠠᠰᠠ ᠡᠶᠢᠮᠦ ᠣᠯᠠᠨ ᠨᠣᠮ ᠳᠡᠪᠲᠡᠷ ᠲᠠᠷᠬᠠᠭᠠᠪᠠᠯ᠂ ᠭᠡᠷ ᠲᠤ ᠬᠢ ᠭᠠᠯᠢᠨᠳᠠᠷ ᠤᠨ ᠴᠠᠭᠠᠰᠤ ᠴᠦ ᠬᠦᠷᠬᠦ ᠪᠠᠷ ᠦᠬᠡᠢ᠂ ᠪᠠᠰᠠ ᠯᠡ ᠪᠠᠶᠢᠭᠤᠯᠭ᠎ᠠ ᠳᠤ ᠪᠠᠨ ᠣᠴᠢᠵᠤ ᠬᠠᠮᠲᠤ ᠠᠵᠢᠯᠯᠠᠭᠰᠠᠳ ᠠᠴᠠ ᠪᠠᠨ ᠨᠢᠭᠡ ᠪᠦᠯᠦᠭ ᠴᠣᠭᠯᠠᠭᠤᠯᠵᠣ ᠠᠪᠴᠢᠷᠠᠬᠤ ᠯᠡ ᠬᠡᠷᠡᠭ ᠭᠡᠵᠦ ᠪᠣᠳᠣᠵᠣ ᠠᠮᠵᠢᠯ᠎ᠠ᠃     ᠶᠢᠨ ᠯᠢᠩ ᠡᠵᠢ ᠶᠢᠨ ᠢᠶᠠᠨ ᠬᠠᠵᠠᠭᠤ ᠳᠤ ᠰᠠᠭᠤᠭᠠᠳ ᠨᠣᠮ ᠳᠡᠪᠲᠡᠷ ᠭᠠᠳᠠᠷᠯᠠᠬᠤ ᠶᠢ ᠨᠢ ᠰᠣᠨᠢᠷᠬᠠᠨ ᠬᠠᠷᠠᠵᠤ ᠲᠡᠭᠦᠨ ᠳᠤ ᠬᠠᠶᠢᠴᠢ ᠂ ᠨᠠᠭᠠᠯᠲᠠ ᠵᠡᠷᠭᠡ ᠶᠢ ᠨᠢ ᠭᠠᠷᠳᠠᠭᠤᠯᠣᠨ᠎ᠠ ᠃ ᠬᠤᠢ ᠽᠢ ᠲᠡᠭᠦᠨ ᠳᠤ᠄ ︽ᠪᠢᠳᠡᠭᠡᠢ ᠵᠦᠭᠡᠷ ᠰᠠᠭᠤ ᠂ ᠡᠵᠢ ᠳᠤ ᠪᠠᠨ ᠬᠠᠮᠵᠢᠭᠠᠳ ᠠᠯᠢ᠂ ᠬᠦᠯᠳᠡᠭᠡᠭᠦᠷ ᠠᠴᠠ ᠵᠢᠭᠠᠰᠤ ᠠᠪᠴᠣ ᠭᠠᠷᠭᠠᠨ ᠭᠡᠰᠭᠡ︾ ᠭᠡᠯ᠎ᠡ᠃    ᠵᠢᠭᠠᠰᠤ ᠶᠢ ᠳᠣᠷᠠᠳᠣᠭᠰᠠᠨ ᠦᠬᠡᠢ ᠪᠣᠯ ᠶᠠᠭᠠᠬᠢᠬᠤ ᠪᠣᠢ᠃ ᠵᠢᠭᠠᠰᠤ ᠶᠢ ᠳᠣᠷᠠᠳᠬᠤᠯᠠᠷ ᠂ ᠶᠢᠨ ᠯᠢᠩ ᠤᠨ ᠠᠭᠤᠷ ᠨᠢ ᠪᠣᠴᠠᠯᠴᠢᠬᠠᠯ᠎ᠠ᠃    ᠲᠡᠷᠡ ᠡᠵᠢ ᠪᠠᠨ ᠵᠢᠮᠡᠯᠡᠨ᠄ ︽ᠴᠢ ᠵᠢᠭᠠᠰᠤᠨ ᠤ ᠬᠡᠳᠡᠰᠦ ᠶᠢ ᠠᠷᠢᠯᠭᠠᠬᠤ ᠠᠴᠠ ᠪᠠᠨ ᠡᠮᠦᠨ᠎ᠡ ᠶᠠᠭᠤᠨ ᠳᠤ ᠲᠣᠮᠣ ᠵᠢᠭᠠᠰᠤ ᠶᠢ ᠨᠢᠭᠡ ᠰᠡᠭᠦᠳᠡᠷᠯᠡᠵᠦ ᠠᠪᠣᠭᠰᠠᠨ ᠦᠬᠡᠢ ᠪᠣᠢ ︖︾ ᠭᠡᠪᠡ᠃    ᠬᠤᠢ ᠽᠢ ᠄ ︽ᠣᠣ︾ ᠭᠡᠰᠡᠨ ᠢᠶᠠᠨ ︽ᠦᠨᠡᠬᠡᠷ ᠳ᠋ᠡ︕ ᠪᠢ ᠶᠠᠭᠠᠬᠢᠭᠠᠳ ᠡᠨᠡ ᠤᠴᠢᠷ ᠶᠢ ᠮᠠᠷᠳᠠᠴᠢᠬᠠᠪᠠ︖ ᠬᠡᠷᠪᠡ ᠵᠢᠭᠠᠰᠤ ᠪᠠᠨ ᠰᠡᠭᠦᠳᠡᠷᠯᠡᠭᠡᠳ ᠳᠣᠷᠠᠰᠬᠠᠯ ᠦᠯᠡᠳᠡᠭᠡᠭᠰᠡᠨ ᠪᠣᠯ ᠶᠠᠭᠤᠳᠠᠢ ᠰᠠᠶᠢᠬᠠᠨ ᠪᠢᠯᠡ︕︾ ᠭᠡᠨ᠎ᠡ᠃     ᠶᠢᠨ ᠯᠢᠩ᠄ ︽ᠬᠠᠮᠲᠤ ᠰᠣᠷᠣᠭᠴᠢᠳ ᠤᠨ ᠳᠣᠳᠣᠷ᠎ᠠ ᠮᠢᠨᠦ ᠠᠪᠤ ᠳᠤ ᠲᠡᠶᠢᠮᠦ ᠲᠣᠮᠣ ᠵᠢᠭᠠᠰᠤ ᠪᠠᠶᠢᠬᠤ ᠶᠢ ᠢᠲᠡᠭᠡᠬᠦ ᠬᠦᠮᠦᠨ ᠦᠬᠡᠢ︾ ᠭᠡᠵᠦ ᠭᠤᠮᠣᠷᠬᠠᠨ᠎ᠠ᠃    ᠬᠤᠢ ᠽᠢ ᠦᠬᠢᠨ ᠤ ᠪᠠᠨ ᠦᠭᠡ ᠶᠢ ᠨᠢ ᠵᠠᠯᠠᠷᠠᠭᠤᠯᠵᠣ᠄ ︽ ᠠᠪᠤ ᠶᠢᠨ ᠴᠢᠨᠢ ᠵᠢᠭᠠᠰᠣ ᠪᠢᠰᠢ ᠰᠢᠦ᠂ ᠬᠠᠷᠢᠨ ᠦᠷᠦᠭᠡᠯ ᠤᠨ ᠠᠪᠤ ᠳᠤ ᠴᠢᠨᠢ ᠬᠦᠷᠭᠡᠭᠰᠡᠨ ᠵᠢᠭᠠᠰᠤ ᠶᠤᠮ︾ ᠭᠡᠪᠡ᠃  ᠶᠢᠨ ᠯᠢᠩ ᠶᠡᠭᠡ ᠳᠠᠭᠤᠨ ᠢᠶᠠᠷ᠄ ︽ᠡᠨᠡ ᠶᠠᠮᠠᠷ ᠬᠠᠮᠢᠶ᠎ᠠ ᠲᠠᠢ ᠪᠣᠢ︖ ᠠᠪᠤ ᠳᠤ ᠬᠦᠷᠭᠡᠭᠰᠡᠨ ᠶᠤᠮ ᠴᠢᠨᠢ ᠳᠠᠷᠤᠢ ᠠᠪᠤ ᠶᠢᠨ ᠮᠢᠨᠢ ᠶᠠᠭᠤᠮ᠎ᠠ︕︾ ᠭᠡᠵᠦ ᠬᠡᠯᠡᠪᠡ᠃    ᠬᠤᠢ ᠽᠢ᠂ ᠶᠢᠨ ᠯᠢᠩ ᠢ ᠭᠠᠶᠢᠬᠠᠰᠢᠷᠠᠨ ᠬᠠᠷᠠᠨ᠎ᠠ᠂ ᠲᠡᠷᠡ ᠦᠨᠦᠳᠦᠷ ᠴᠣᠬᠤᠮ ᠶᠠᠭᠠᠬᠢᠭᠰᠠᠨ ᠢ ᠮᠡᠳᠡᠬᠦ ᠦᠬᠡᠢ᠂ ᠵᠢᠭᠠᠰᠤᠨ ᠤ ᠶᠠᠪᠣᠳᠠᠯ ᠳᠡᠭᠡᠷ᠎ᠡ ᠡᠶᠢᠮᠦᠷᠬᠦᠦ ᠡᠷᠡᠰ ᠲᠠᠰᠤ ᠬᠠᠨᠳᠤᠨ᠎ᠠ ᠭᠡᠳᠡᠭ ᠴᠢᠨᠢ᠃ ᠡᠨᠡ ᠬᠡᠦᠭᠡᠳ ᠦᠨᠡᠬᠡᠷ ᠲᠣᠮᠣ ᠪᠣᠯᠬᠤ ᠲᠣᠳᠣᠮ ᠪᠣᠳᠣᠯ ᠨᠢ ᠠᠬᠠᠳᠠᠵᠤ ᠪᠠᠶᠢᠬᠤ ᠠᠵᠢ᠃    ᠰᠣᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠤ ᠳᠠᠷᠠᠭᠠᠬᠢ ᠠᠩᠬᠠᠳᠠᠬᠢ ᠵᠣᠬᠢᠶᠠᠨ ᠪᠢᠴᠢᠯᠭᠡ ᠶᠢᠨ ᠬᠢᠴᠢᠶᠡᠯ ᠳᠡᠭᠡᠷ᠎ᠡ᠂ ᠰᠢᠩ ᠪᠠᠭᠰᠢ ᠡᠶᠢᠮᠦ ᠨᠢᠭᠡᠨ ᠭᠠᠷᠴᠠᠭ᠄ ︽ᠮᠢᠨᠦ ※※︾ ᠦᠭᠭᠦᠭᠰᠡᠨ ᠪᠠᠶᠢᠯ᠎ᠠ᠃ ᠰᠢᠩ ᠪᠠᠭᠰᠢ ᠠᠴᠠ᠄ ︽ᠡᠨᠡ ᠪᠣᠯ ︿ᠬᠠᠭᠠᠰ ᠴᠢᠯᠦᠭᠡᠲᠦ ᠭᠠᠷᠴᠠᠭ﹀ ᠲᠠᠢ ᠵᠣᠬᠢᠶᠠᠯ ᠪᠣᠯᠣᠨ᠎ᠠ᠂ ᠵᠣᠬᠢᠬᠤ ᠬᠦᠷᠢᠶ᠎ᠡ ᠬᠡᠪᠴᠢᠶᠡᠨ ᠳᠣᠲᠣᠷ᠎ᠠ ᠵᠣᠬᠢᠶᠠᠯ ᠤᠨ ᠠᠭᠤᠯᠭ᠎ᠠ ᠪᠠᠨ ᠴᠢᠯᠦᠭᠡᠲᠡᠢ ᠰᠣᠩᠭᠤᠵᠣ ᠪᠣᠯᠣᠨ᠎ᠠ︾ ᠭᠡᠪᠡ᠃     ᠶᠢᠨ ᠯᠢᠩ ᠪᠡᠭᠲᠡᠷᠡᠭᠰᠡᠭᠡᠷ᠂ ᠳᠠᠷᠦ᠋ᠢᠬᠠᠨ ᠪᠢᠷ ᠠᠳᠬᠤᠨ᠄ ᠮᠢᠨᠦ ᠠᠪᠤ ᠭᠡᠰᠡᠨ ᠬᠤᠶᠠᠷ ᠦᠰᠦᠭ ᠢ ᠪᠢᠴᠢᠯ᠎ᠡ᠃ ᠲᠡᠷᠡ ᠲᠣᠯᠣᠭᠠᠢ ᠪᠦᠬᠦ᠋ᠢᠨ ᠬᠤᠷᠳᠤᠨ ᠭᠡᠭᠴᠢ ᠪᠢᠴᠢᠨ᠎ᠡ᠂ ᠱᠠᠩ ᠬᠠᠢ ᠲᠡᠭᠦᠨ ᠤ ᠶᠠᠭᠤ ᠪᠢᠴᠢᠵᠦ ᠪᠠᠶᠢᠭ᠎ᠠ ᠶᠢ ᠨᠢ ᠦᠵᠡᠬᠦ ᠭᠡᠭᠦᠯᠡᠷ᠂ ᠲᠡᠷᠡ ᠳᠠᠷᠦ᠋ᠢᠬᠠᠨ ᠭᠠᠷ ᠢᠶᠠᠷ ᠢᠶᠠᠨ ᠪᠦᠲᠡᠭᠡᠨ᠂ ᠤᠭᠲᠤ ᠨᠠᠶᠢᠷ ᠬᠠᠶᠠᠯ ᠦᠬᠡᠢ ᠪᠠᠷ᠄ ︽ᠶᠠᠪᠤ ᠶᠠᠪᠤ︕ ᠴᠢᠳᠠᠯ ᠲᠠᠢ ᠪᠣᠯ ᠴᠢ ᠦᠪᠡᠷ ᠢᠶᠠᠨ ᠪᠣᠳᠣ ᠳ᠋ᠠ᠂ ᠮᠢᠨᠦ ᠶᠠᠭᠤ ᠪᠢᠴᠢᠵᠦ ᠪᠠᠶᠢᠭ᠎ᠠ ᠶᠢ ᠨᠠᠳᠠ ᠠᠴᠠ ᠪᠣᠦ ᠠᠰᠠᠭᠤ︕︾ ᠭᠡᠵᠦ ᠠᠭᠰᠣᠮᠨᠠᠪᠠ ᠃    ᠬᠢᠴᠢᠶᠡᠯ ᠪᠠᠭᠤᠬᠤ ᠬᠤᠩᠬᠤ ᠳᠤᠤᠭᠠᠷᠬᠤ ᠦᠶ᠎ᠡ ᠳᠤ ᠶᠢᠨ ᠯᠢᠩ ᠪᠠᠰᠠ ᠪᠢᠴᠢᠵᠦ ᠪᠠᠷᠠᠭ᠎ᠠ ᠦᠬᠡᠢ᠂ ᠪᠠᠭᠰᠢ ᠨᠢ ᠪᠢᠴᠢᠵᠦ ᠪᠠᠷᠠᠭ᠎ᠠ ᠦᠬᠡᠢ ᠰᠣᠷᠣᠭᠴᠢ ᠶᠢᠨ ᠭᠡᠷ ᠲᠤ ᠪᠠᠨ ᠠᠪᠠᠴᠢᠵᠦ ᠵᠠᠯᠭᠠᠭᠠᠳ ᠪᠢᠴᠢᠬᠦ ᠶᠢ ᠵᠦᠪᠰᠢᠶᠡᠷᠡᠭᠰᠡᠨ ᠪᠠᠶᠢᠯ᠎ᠠ᠂ ᠡᠶᠢᠨ ᠬᠦ ᠬᠤᠢ ᠽᠢ ᠳᠤ ᠶᠢᠨ ᠯᠢᠩ ᠤᠨ ᠪᠢᠴᠢᠭᠰᠡᠨ ᠡᠨᠡ ᠵᠣᠬᠢᠶᠠᠯ ᠢ ᠣᠯᠵᠣ ᠦᠵᠡᠬᠦ ᠵᠠᠪᠰᠢᠶᠠᠨ ᠬᠠᠷᠭᠤᠪᠠ᠄
ᠢᠷᠡᠯᠲᠡ᠄ ︽ᠬᠡᠤᠬᠡᠳ ᠬᠦᠮᠤᠵᠢᠬᠦᠯᠦᠭᠰᠡᠨ ᠦᠯᠢᠬᠡᠷ︾ ᠨᠤᠮ