ᠮᠢᠨᠤ ᠰᠤᠷᠤᠯᠭ᠎ᠠ ᠶᠢᠨ ᠵᠠᠮ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/3
    ᠪᠠᠰᠠ ᠯᠡ ᠠᠵᠢᠯ ᠤᠨ ᠬᠡᠮᠵᠢᠶ᠎ᠡ ᠶᠢᠨ ᠠᠰᠠᠭᠤᠳᠠᠯ ᠂ ᠪᠠᠰᠠ ᠯᠡ ᠬᠠᠷᠢᠴᠠᠯ ᠤᠨ ᠠᠰᠠᠭᠤᠳᠠᠯ᠂ ᠰᠡᠳᠦᠪ ᠭᠠᠷᠭᠠᠭᠰᠠᠨ ᠪᠠᠭᠰᠢ ᠶᠡᠭᠠᠬᠢᠭᠠᠳ ᠡᠶᠢᠮᠦ ᠬᠤᠣᠷᠳᠠᠢ ᠪᠣᠢ︕     ᠶᠢᠨ ᠯᠢᠩ ᠲᠣᠰᠣᠨ ᠪᠢᠷ ᠢᠶᠠᠷ ᠢᠶᠠᠨ ᠬᠢᠴᠢᠶᠡᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷ ᠭᠤᠷᠪᠠᠨ ᠲᠣᠮᠣ ᠦᠰᠦᠭ ᠪᠢᠴᠢᠯ᠎ᠡ᠄ ᠶᠣᠰᠣ ᠶᠠᠷᠢᠬᠤ ᠦᠬᠡᠢ᠃     ᠶᠢᠨ ᠯᠢᠩ ᠰᠠᠶ᠋ᠢᠬᠠᠨ ᠪᠢᠴᠢᠵᠦ ᠪᠠᠷᠠᠲᠠᠯ᠎ᠠ ᠬᠤᠶᠢᠨ᠎ᠠ ᠠᠴᠠ ᠨᠢ ᠬᠥᠯ ᠤᠨ ᠴᠢᠮᠡᠭᠡ ᠳᠣᠭᠤᠯᠲᠠᠬᠤ ᠪᠠᠷ ᠬᠤᠶᠢᠰᠢ ᠪᠠᠨ ᠰᠢᠷᠪᠢᠨ ᠬᠠᠷᠠᠭᠰᠠᠨ ᠴᠢᠨᠢ ᠰᠢᠯᠭᠠᠯᠲᠠ ᠪᠠᠶᠢᠴᠠᠭᠠᠭᠴᠢ ᠪᠠᠭᠰᠢ ᠶᠠᠩ ᠡᠷᠬᠢᠯᠡᠭᠴᠢ ᠠᠵᠢ︕ ᠶᠢᠨ ᠯᠢᠩ ᠠᠶᠤᠬᠤ ᠳᠤ ᠪᠠᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠪᠠᠨ ᠳᠡᠭᠡᠭᠰᠢ ᠪᠠᠨ ᠪᠦᠲᠡᠭᠡᠨ᠂ ᠲᠡᠷᠡ ᠬᠦᠮᠦᠨ ᠳᠤ ᠦᠵᠡᠭᠦᠯᠦᠰᠢ ᠦᠬᠡᠢ ᠭᠤᠷᠪᠠᠨ ᠦᠰᠦᠭ ᠢᠶᠠᠨ ᠬᠠᠯᠬᠠᠯᠠᠪᠠ᠃    ᠶᠠᠩ ᠡᠷᠬᠢᠯᠡᠭᠴᠢ ᠪᠠᠷᠤᠭ ᠶᠠᠭᠤ ᠣᠯᠵᠣ ᠬᠠᠷᠠᠭᠰᠠᠨ ᠰᠢᠣᠬᠠᠨ ᠶᠢᠨ ᠯᠢᠩ ᠤᠨ ᠠᠷᠤ ᠳᠤ ᠨᠡᠯᠢᠶᠡᠳ ᠬᠡᠰᠡᠭ ᠵᠣᠭᠰᠣᠭᠠᠳ ᠰᠠᠶ᠋ᠢ ᠶᠠᠪᠤᠪᠠ ᠃ ᠶᠢᠨ ᠯᠢᠩ ᠬᠠᠭᠠᠰ ᠪᠡᠶ᠎ᠡ ᠪᠠᠷ ᠢᠶᠠᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠳᠡᠭᠡᠷ᠎ᠡ ᠪᠠᠨ ᠡᠯᠢᠭᠡᠳᠡᠵᠦ ᠶᠠᠭ ᠬᠦᠳᠡᠯᠦᠭᠰᠡᠨ ᠦᠬᠡᠢ᠃    ᠬᠥᠯ ᠤᠨ ᠴᠢᠮᠡᠭᠡ ᠳᠦᠩᠭᠡᠵᠦ ᠬᠤᠯᠠᠲᠠᠲᠠᠯ᠎ᠠ ᠶᠢᠨ ᠯᠢᠩ ᠶᠠᠭᠠᠷᠠᠨ ᠪᠠᠯᠠᠯᠣᠭᠤᠷ ᠢᠶᠠᠨ ᠡᠷᠢᠵᠦ ᠰᠢᠷᠡᠭᠡᠨ ᠳᠡᠭᠡᠷᠡᠬᠢ ᠬᠡᠳᠦᠨ ᠦᠰᠦᠭ ᠢᠶᠠᠨ ᠪᠠᠯᠠᠯᠬᠤ ᠭᠡᠪᠡ ᠃ ᠲᠡᠷᠡ ᠤᠷᠢᠳ ᠢᠶᠠᠷ ᠬᠠᠨᠴᠣᠢ ᠪᠠᠨ ᠡᠷᠭᠦᠭᠰᠡᠨ ᠴᠢᠨᠢ ᠪᠠᠯᠠᠯᠤᠭᠤᠷ ᠨᠢ ᠭᠠᠷ ᠤᠨ ᠳᠣᠣᠷ᠎ᠠ ᠨᠢ ᠪᠠᠶᠢᠬᠤ ᠦᠬᠡᠢ ᠃ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠪᠠᠨ ᠡᠷᠭᠦᠭᠰᠡᠨ ᠴᠢᠨᠢ ᠮᠦᠨ ᠪᠠᠯᠠᠯᠤᠭᠤᠷ ᠤᠨ ᠢᠶᠠᠨ ᠮᠦᠷ ᠰᠡᠭᠦᠳᠡᠷ ᠢ ᠣᠯᠤᠭ᠎ᠠ ᠦᠬᠡᠢ ᠂ ᠬᠠᠮᠢᠭ᠎ᠠ ᠣᠷᠣᠴᠢᠬᠠᠪᠠ︖ ᠪᠤᠷᠬᠠᠨ᠂ ᠵᠢᠵᠢᠭ ᠶᠠᠭᠤᠮ᠎ᠠ ᠴᠢᠨᠢ ᠦᠪᠡᠷ ᠢᠶᠠᠨ ᠪᠣᠰᠣᠳ ᠤᠨ ᠰᠢᠷᠡᠭᠡᠨ ᠳᠤᠤᠷ᠎ᠠ ᠦᠩᠬᠦᠷᠢᠨ ᠣᠷᠣᠭᠰᠠᠨ ᠠᠵᠢ᠃     ᠶᠢᠨ ᠯᠢᠩ ᠪᠦᠬᠦ ᠪᠡᠶ᠎ᠡ ᠪᠠᠷ ᠢᠶᠠᠨ ᠰᠢᠷᠡᠭᠡᠨ ᠳᠤᠤᠷ᠎ᠠ ᠮᠦᠯᠬᠦᠨ ᠣᠷᠣᠵᠣ ᠂ ᠭᠠᠷ ᠢᠶᠠᠨ ᠤᠷᠲᠤ ᠭᠡᠭᠴᠢ ᠰᠣᠨᠣᠭᠠᠨ ᠪᠠᠯᠠᠯᠤᠭᠤᠷ ᠢᠶᠠᠨ ᠠᠪᠬᠤ ᠭᠡᠪᠡ᠃    ᠬᠤᠶᠢᠲᠤ ᠲᠠᠯ᠎ᠠ ᠶᠢᠨ ᠴᠣᠩᠬᠤᠨ ᠭᠠᠳᠠᠨ᠎ᠠ ᠠᠴᠠ ᠭᠡᠨᠡᠳᠲᠡ ᠨᠢᠭᠡᠨ ᠵᠢᠪᠠᠷ ᠦᠯᠢᠶᠡᠨ ᠢᠷᠡᠵᠦ ᠶᠢᠨ ᠯᠢᠩ ᠤᠨ ᠰᠢᠷᠡᠭᠡᠨ ᠳᠡᠭᠡᠷ᠎ᠡ ᠳᠡᠯᠭᠡᠭᠡᠰᠦᠳᠡᠢ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠦᠯᠢᠶᠡᠨ ᠲᠡᠭᠳᠡᠭᠡᠪᠡ ᠶᠠᠭ ᠠᠷᠠᠪ ᠤᠨ ᠶᠧᠯᠸᠢᠲᠦ ᠬᠡᠪᠢᠰ ᠰᠢᠭ ᠢᠶᠠᠷ ᠬᠦᠩᠭᠡᠬᠡᠨ ᠳᠡᠭᠳᠡᠯᠬᠢᠯᠡᠨ ᠠᠭᠠᠵᠢᠮ ᠢᠶᠠᠷ ᠰᠠᠵᠢᠯᠬᠢᠯᠠᠨ ᠂ ᠠᠩᠭᠢ ᠶᠢᠨ ᠭᠡᠷ ᠤᠨ ᠳᠡᠭᠡᠭᠦᠷ ᠪᠦᠵᠢᠨ ᠡᠷᠭᠢᠯᠳᠦᠨ᠎ᠡ ᠃    ᠨᠢᠳᠦ ᠭᠢᠷᠠᠬᠠᠢ ᠢᠦᠢ ᠲᠠᠷᠭᠤᠨ ᠤᠷᠢᠳ ᠢᠶᠠᠷ᠄ ︽ᠠᠢ ᠶᠠ ︕ ᠬᠡᠨ ᠤ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠪᠣᠢ ︖ ᠭᠡᠵᠦ ᠬᠠᠰᠬᠢᠷᠪᠠ᠃     ᠶᠢᠨ ᠯᠢᠩ ᠰᠢᠷᠡᠭᠡᠨ ᠳᠣᠣᠷ᠎ᠠ ᠠᠴᠠ ᠮᠦᠯᠬᠦᠨ ᠭᠠᠷᠴᠣ ᠢᠷᠡᠭᠡᠳ ᠶᠡᠭᠡ ᠳᠠᠭᠤᠨ ᠢᠶᠠᠷ᠄ ︽ ᠠᠢ ᠶᠠ ︕ ᠮᠢᠨᠦ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ︾ ᠭᠡᠵᠦ ᠪᠠᠷᠬᠢᠷᠠᠪᠠ᠃    ᠯᠢ ᠯᠢᠨ ᠶᠠᠭ ᠬᠡᠷᠡᠭᠯᠡᠭᠡᠨ ᠤ ᠰᠡᠳᠦᠪ ᠢᠶᠠᠨ ᠬᠢᠵᠦ ᠴᠢᠳᠠᠬᠤ ᠦᠬᠡᠢ ᠰᠠᠭᠤᠳᠠᠯ ᠳᠤ ᠪᠠᠨ ᠰᠠᠭᠤᠭᠠᠳ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠵᠤ ᠪᠠᠶᠢᠵᠠᠢ ᠃ ᠡᠶᠢᠮᠦᠷᠬᠦᠦ ᠵᠦᠴᠦᠭᠡᠯᠢᠭ ᠴᠢᠨᠠᠷ ᠲᠠᠢ ᠠᠬᠤᠢ ᠲᠠᠯᠠᠪᠠᠢ ᠶᠢ ᠲᠡᠷᠡ ᠬᠡᠷᠬᠢᠨ ᠵᠦᠭᠡᠷ ᠦᠩᠭᠡᠷᠡᠭᠡᠬᠦ ᠠᠵᠢ ︕ ᠲᠡᠷᠡ ᠦᠰᠦᠷᠬᠢᠯᠡᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠰᠢᠭᠦᠷᠡᠬᠦ ᠭᠡᠰᠡᠨ ᠴᠤ ᠳᠡᠩᠳᠡᠭᠦᠦ ᠶᠡᠭᠡ ᠢᠳᠡᠯᠡᠭᠰᠡᠨ ᠳᠤ ᠪᠠᠨ ᠪᠦᠭᠰᠡ ᠨᠢ ᠰᠢᠷᠡᠭᠡ ᠶᠢ ᠨᠢ ᠲᠦᠯᠬᠢᠨ ᠣᠨᠠᠭᠠᠵᠤ᠂ ᠦᠪᠡᠷ ᠤᠨ ᠬᠢ ᠨᠢ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠣ ᠨᠢ ᠪᠠᠰᠠ ᠬᠥᠪ ᠬᠦᠩᠭᠡᠬᠡᠨ ᠢᠶᠠᠷ ᠳᠡᠭᠳᠡᠨ ᠶᠠᠪᠤᠵᠤ ᠂ ᠱᠠᠯᠠᠨ ᠳᠡᠭᠡᠭᠦᠷ ᠨᠡᠯᠢᠶᠡᠳ ᠬᠤᠯᠠ ᠭᠤᠯᠭᠤᠨ ᠶᠠᠪᠣᠯ᠎ᠠ ᠃ ᠭᠡᠲᠡᠯ᠎ᠡ ᠯᠢ ᠯᠢᠨ ᠦᠪᠡᠷ ᠤᠨ ᠬᠢ ᠪᠠᠨ ᠦᠷᠡᠭᠳᠡᠭᠦᠯᠵᠦ ᠪᠣᠰᠣᠳ ᠢ ᠠᠪᠤᠷᠠᠬᠤ  ᠪᠠᠷ ᠦᠪᠡᠷ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠪᠠᠨ ᠦᠯᠦ ᠬᠠᠶᠢᠬᠤᠷᠤᠨ᠂ ᠶᠢᠨ ᠯᠢᠩ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠴᠦᠬᠦᠷᠡᠰᠢ ᠦᠬᠡᠢ ᠲᠠᠭᠤᠨ ᠨᠡᠬᠡᠨ᠎ᠡ᠃     ᠶᠢᠨ ᠯᠢᠩ᠂ ᠯᠢ ᠯᠢᠨ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠵᠤ ᠲᠡᠭᠦᠨ ᠤ ᠬᠠᠷᠢᠭᠤᠯᠲᠠ ᠶᠢ ᠨᠢ ᠬᠤᠯᠠᠭᠤᠨ ᠦᠵᠡᠬᠦ ᠭᠡᠵᠦ ᠪᠠᠶᠢᠨ᠎ᠠ ᠭᠡᠵᠦ ᠪᠤᠳᠤᠭᠠᠳ᠂ ᠰᠠᠨᠳᠤᠷᠬᠤ ᠳᠤ ᠪᠠᠨ ᠣᠷᠣᠨ ᠠᠴᠠ ᠪᠠᠨ ᠪᠣᠰᠣᠭᠠᠳ ᠰᠠᠭᠤᠳᠠᠯ ᠠᠴᠠ ᠪᠠᠨ ᠰᠠᠯᠵᠤ ᠵᠠᠪᠳᠤᠨ ᠱᠣᠩᠬᠤᠯᠠᠨ ᠣᠷᠣᠯ᠎ᠠ᠃ ᠭᠡᠲᠡᠯ᠎ᠡ ᠰᠠᠨᠠᠮᠰᠠᠷ ᠦᠬᠡᠢ ᠡᠮᠦᠨ᠎ᠡ ᠲᠠᠯ᠎ᠠ ᠶᠢᠨ ᠴᠣᠩᠬᠤᠨ ᠠᠴᠠ ᠨᠢᠭᠡᠨ ᠰᠠᠯᠬᠢ ᠦᠯᠢᠶᠡᠨ ᠢᠷᠡᠵᠦ ᠂ ᠬᠤᠶᠠᠷ ᠠᠭᠠᠷ ᠤᠨ ᠤᠷᠤᠰᠬᠠᠯ ᠨᠡᠶᠢᠯᠡᠭᠡᠳ ᠂ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠣ ᠶᠢ ᠨᠢ ᠤᠯᠠᠮ ᠦᠨᠳᠦᠷ ᠲᠤ ᠬᠡᠶᠢᠰᠭᠡᠨ ᠠᠪᠠᠴᠢᠪᠠ ᠃ ᠳᠠᠷᠠᠭ᠎ᠠ ᠨᠢ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠨᠢ ᠨᠢᠳᠦ ᠣᠷᠭᠤᠭᠰᠠᠨ ᠰᠢᠭ᠋ ᠴᠣᠩᠬᠤᠨ ᠭᠠᠳᠠᠨ᠎ᠠ ᠵᠦᠭ ᠨᠢᠰᠦᠨ ᠣᠳᠣᠯ᠎ᠠ᠃    ᠠᠩᠭᠢ ᠶᠢᠨ ᠭᠡᠷ ᠳᠠᠶᠠᠭᠠᠷ ᠶᠡᠭᠡ ᠪᠠᠷ ᠦᠢᠮᠡᠯᠳᠦᠨ᠂ ᠪᠣᠢ ᠪᠦᠬᠦᠢ ᠨᠢᠳᠦ ᠪᠦᠷ ᠦᠪᠡᠷ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠠᠴᠠ ᠪᠠᠨ ᠰᠠᠯᠵᠤ ᠲᠡᠷᠡ ᠬᠦ ᠴᠠᠭᠠᠨ ︽ᠶᠧᠯᠸᠢᠲᠦ ᠬᠡᠪᠢᠰ︾ ᠢ ᠲᠠᠭᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠡᠷᠭᠢᠯᠳᠦᠵᠦ᠂ ᠠᠮᠠᠨ ᠠᠴᠠ ᠪᠠᠨ ᠭᠠᠶᠢᠬᠠᠰᠢ ᠠᠯᠳᠠᠬᠤ ᠳᠠᠭᠤᠨ᠂ ᠨᠠᠭᠠᠳᠤᠨ ᠱᠣᠭᠯᠠᠬᠤ ᠳᠠᠭᠤᠨ ᠬᠢᠭᠡᠳ ᠶᠢᠨ ᠯᠢᠩ ᠢ ᠱᠠᠯᠠᠪᠳᠠᠭᠤᠯᠵᠤ᠄ ︽ᠬᠤᠷᠳᠤᠨ ᠨᠡᠭᠡ ︕ ᠬᠤᠷᠳᠤᠨ ᠨᠡᠭᠡ ︕︾ ᠭᠡᠬᠦ ᠳᠠᠭᠤᠨ ᠭᠠᠷᠭᠠᠵᠤ᠂ ᠨᠡᠩ ᠢᠯᠠᠩᠭᠤᠶ᠎ᠠ ᠶᠡᠷᠦ ᠠᠴᠠ ᠪᠠᠨ ᠠᠯᠢᠶ᠎ᠠ ᠲᠦᠢᠳᠭᠡᠷ ᠬᠡᠳᠦᠨ ᠵᠢᠭᠠᠯ ᠪᠣᠰᠴᠣ ᠵᠣᠭᠰᠣᠭᠠᠳ᠂ ᠴᠠᠭ ᠢᠮᠠᠭᠲᠠ ᠭᠦᠶᠦᠨ ᠣᠴᠢᠵᠦ ᠶᠢᠨ ᠯᠢᠩ ᠢ ᠬᠠᠮᠵᠢᠬᠤ ᠳᠤ ᠪᠡᠯᠡᠬᠡᠨ ᠪᠠᠶᠢᠯ᠎ᠠ᠃    ᠦᠭᠡ ᠳᠠᠭᠤ ᠴᠦᠬᠡᠨᠲᠡᠢ ᠶᠠᠩ ᠡᠷᠬᠢᠯᠡᠭᠴᠢ ᠡᠨᠡ ᠦᠶᠡᠰ ᠨᠠᠮ ᠳᠣᠭᠲᠠᠭᠤᠨ ᠪᠠᠶᠢᠵᠤ ᠴᠢᠳᠠᠬᠤ ᠪᠠᠨ ᠪᠤᠯᠢᠵᠤ ᠰᠡᠩᠳᠡ ᠮᠡᠨᠡᠭᠳᠡ ᠬᠢᠴᠢᠶᠡᠯ ᠤᠨ ᠲᠠᠶᠢᠰᠠᠨ ᠳᠤ ᠭᠠᠷᠴᠣ ᠵᠠᠯᠭᠠᠭ᠎ᠠ ᠪᠠᠷ᠄ ︽ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠪᠢᠲᠡᠭᠦᠮᠵᠢᠯᠡ︕ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠪᠢᠲᠡᠭᠦᠮᠵᠢᠯᠡ︕ ᠭᠡᠵᠦ︾ ᠬᠠᠰᠬᠢᠷᠣᠭᠠᠳ ᠬᠠᠷᠠᠴᠠ ᠪᠣᠯᠣᠨ ᠭᠠᠷ ᠤᠨ ᠳᠣᠬᠢᠶ᠎ᠠ ᠪᠠᠷ ᠢᠶᠠᠨ ᠬᠤᠶᠢᠨᠠᠬᠢ ᠨᠦᠭᠦᠭᠡ ᠨᠢᠭᠡᠨ ᠰᠢᠯᠭᠠᠯᠲᠠ ᠪᠠᠶᠢᠴᠠᠭᠠᠭᠴᠢ ᠪᠠᠭᠰᠢ  ᠳᠤ ᠵᠠᠷᠯᠢᠭ ᠭᠦᠢᠴᠡᠳᠭᠡᠬᠦ ᠶᠢ ᠵᠠᠬᠢᠯ᠎ᠠ᠃ ᠲᠡᠷᠡ ᠬᠤᠶᠠᠷ ᠤᠨ ᠭᠠᠷ ᠬᠥᠯ ᠨᠢ ᠰᠠᠨᠳᠣᠷᠣᠨ ᠪᠠᠯᠠᠶᠢᠳᠠᠵᠤ ᠰᠣᠷᠣᠭᠴᠢᠳ ᠤᠨ ᠬᠢᠵᠦ ᠪᠠᠷᠠᠭ᠎ᠠ ᠦᠬᠡᠢ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠳᠠᠷᠠᠭ᠎ᠠ ᠳᠠᠷᠠᠭ᠎ᠠ ᠪᠠᠷ ᠨᠢ ᠰᠢᠭᠦᠷᠡᠨ ᠠᠪᠤᠭᠠᠳ ᠭᠠᠷ ᠲᠤ ᠪᠠᠨ ᠪᠦᠭᠡᠮᠯᠡᠨ ᠠᠳᠬᠤᠯ᠎ᠠ᠃     ᠶᠢᠨ ᠯᠢᠩ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠨᠢ ᠡᠮᠦᠨ᠎ᠡ ᠲᠠᠯ᠎ᠠ ᠶᠢᠨ ᠴᠣᠩᠬᠤᠨ ᠳᠡᠭᠡᠷ᠎ᠡ ᠵᠢᠭᠠᠬᠠᠨ ᠵᠣᠭᠰᠤᠰᠬᠢᠭᠰᠠᠨ ᠢᠶᠠᠨ ᠬᠤᠩᠭᠢᠯ ᠤᠨ ᠮᠤᠬᠤᠷ ᠠᠴᠠ ᠦᠯᠢᠶᠡᠨ ᠢᠷᠡᠭᠰᠡᠨ ᠰᠠᠯᠬᠢᠨ ᠳᠤ ᠵᠠᠯᠠᠭᠳᠠᠨ ᠬᠤᠩᠭᠢᠯ ᠢ  ᠲᠠᠭᠠᠨ ᠪᠠᠷᠠᠭᠤᠨᠰᠢ ᠪᠠᠨ ᠨᠢᠰᠦᠨ ᠣᠳᠣᠯ᠎ᠠ ᠃ ᠳᠠᠷᠠᠭᠠᠴᠢ ᠶᠢᠨ ᠨᠢᠭᠡᠨ ᠠᠩᠭᠢ ᠶᠢᠨ ᠭᠠᠷ ᠤᠨ ᠴᠣᠩᠬᠤ ᠪᠠᠷ ᠦᠩᠭᠡᠷᠡᠬᠦ ᠦᠶᠡᠰ ᠲᠡᠷᠡ ᠬᠦ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠣ ᠳᠣᠳᠣᠭᠰᠢ ᠪᠠᠨ ᠬᠢᠯᠠᠶᠢᠵᠤ ᠦᠵᠡᠭᠰᠡᠨ ᠢᠶᠠᠨ ᠦᠪᠡᠷ ᠤᠨ ᠡᠷᠬᠡ ᠦᠬᠡᠢ ᠴᠣᠩᠬᠤᠨ ᠲᠣᠲᠣᠷᠠᠬᠢ ᠰᠠᠯᠬᠢᠨ ᠳᠤ ᠰᠣᠷᠣᠭᠳᠠᠨ ᠣᠷᠣᠯ᠎ᠠ᠃ ᠤᠤᠯ ᠨᠢ ᠬᠤᠶᠠᠳᠣᠭᠠᠷ ᠠᠩᠭᠢ ᠶᠢᠨ ᠬᠢᠴᠢᠶᠡᠯ ᠤᠨ ᠭᠡᠷ ᠨᠢ ᠦᠨᠦᠳᠦᠷ ᠪᠠᠰᠠ ᠴᠣᠩᠬᠤ ᠪᠠᠨ ᠨᠡᠬᠡᠬᠡᠭᠰᠡᠨ ᠠᠵᠢ᠃    ᠣᠳᠣ ᠬᠤᠶᠠᠳᠤᠭᠠᠷ ᠠᠩᠭᠢ ᠶᠢᠨ ᠡᠮᠬᠢ ᠲᠢᠭᠯᠢᠮ ᠨᠢ ᠰᠠᠮᠠᠭᠤᠷᠠᠬᠤ ᠡᠭᠡᠯᠵᠢ ᠪᠣᠯᠣᠯ᠎ᠠ᠃ ᠬᠦᠮᠦᠨ ᠢ ᠰᠠᠮᠭᠠᠷᠳᠠᠭᠤᠯᠣᠭᠰᠠᠨ ᠪᠦᠭᠴᠢᠮ ᠤᠶᠢᠳᠬᠠᠷᠲᠤ ᠰᠢᠯᠭᠠᠯᠲᠠ ᠶᠢᠨ ᠳᠤᠮᠳᠠ ᠡᠶᠢᠮᠦᠷᠬᠦᠦ ᠰᠣᠨᠢᠷᠬᠠᠯᠲᠠᠢ ᠲᠡᠭᠷᠢ ᠶᠢᠨ ᠭᠠᠳᠠᠨᠠᠬᠢ ᠵᠣᠴᠢᠨ ᠬᠠᠷᠭᠤᠭᠰᠠᠨ ᠶᠤᠮ ᠴᠢᠨᠢ ᠬᠡᠨ ᠬᠦᠭᠰᠡᠯ ᠳᠣᠭᠳᠣᠯᠣᠯ ᠬᠢᠭᠡᠳ ᠪᠠᠶᠠᠷ ᠭᠠᠶᠢᠬᠠᠰᠢᠷᠠᠯ ᠢᠶᠠᠨ ᠳᠠᠷᠤᠵᠤ ᠳᠡᠶᠢᠯᠬᠦ ᠶᠤᠮ ᠪᠣᠢ︕ ᠬᠤᠶᠠᠳᠣᠭᠠᠷ ᠠᠩᠭᠢ ᠶᠢᠨ ᠬᠢᠴᠢᠶᠡᠯ ᠤᠨ ᠭᠡᠷ ᠲᠤ ᠨᠢᠭᠡᠨ ᠵᠡᠷᠭᠡ ᠱᠣᠣᠭᠢᠯᠳᠤᠨ ᠦᠢᠮᠡᠯᠳᠦᠭᠰᠡᠨ ᠤ ᠳᠠᠷᠠᠭ᠎ᠠ ᠰᠢᠯᠭᠠᠯᠲᠠ ᠶᠢᠨ ᠳᠠᠯᠠᠪᠠᠢ ᠶᠢᠨ ᠰᠢᠯᠭᠠᠯᠲᠠ ᠪᠠᠶᠢᠴᠠᠭᠠᠭᠴᠢ ᠪᠠᠭᠰᠢ ᠠᠷᠭ᠎ᠠ ᠪᠤᠰᠤ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠨᠢ ᠪᠢᠲᠡᠭᠦᠮᠵᠢᠯᠡᠪᠡ᠃    ᠳᠦᠷᠪᠡᠨ ᠲᠡᠭᠦᠰᠬᠦ ᠠᠩᠭᠢ ᠨᠢ ᠨᠠᠢᠮᠠᠨ ᠠᠩᠭᠢ ᠶᠢᠨ ᠭᠡᠷ ᠲᠤ ᠲᠠᠷᠬᠠᠭᠠᠭᠳᠠᠨ ᠰᠣᠷᠢᠭᠠᠨ ᠤ ᠰᠢᠯᠭᠠᠯᠲᠠ ᠬᠢᠭᠡᠳ ᠬᠠᠷᠢᠨ ᠬᠤᠶᠠᠷ ᠠᠩᠭᠢ ᠶᠢᠨ ᠭᠡᠷ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠨᠢ ᠪᠦᠷᠢᠮᠦᠰᠦᠨ ᠬᠦᠴᠦᠨ ᠦᠬᠡᠢ ᠬᠠᠶᠠᠭᠳᠠᠭᠰᠠᠨ ᠠᠴᠠ ᠯᠣᠳᠣᠢ ᠶᠡᠭᠡ ᠠᠯᠳᠠᠭ᠎ᠠ ᠭᠡᠮ ᠪᠣᠯᠵᠠᠢ᠃ ᠵᠠᠬᠢᠷᠤᠯ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠶᠡᠭᠡ ᠳᠠᠭᠤᠨ ᠢᠶᠠᠷ ᠬᠠᠷᠢᠭᠤᠴᠠᠯᠭ᠎ᠠ ᠨᠡᠬᠡᠮᠵᠢᠯᠡᠨ᠄ ︽ ᠡᠨᠡ ᠬᠡᠷᠪᠡ ᠵᠢᠩᠬᠢᠨᠢ ᠰᠢᠯᠭᠠᠯᠲᠠ ᠪᠣᠯᠣᠭᠰᠠᠨ ᠪᠣᠯ ᠶᠠᠭᠠᠬᠢᠨ᠎ᠠ︖ ᠠᠩ᠂ ᠨᠢᠭᠡ ᠠᠩᠭᠢ ᠶᠢᠨ ᠭᠡᠷ ᠲᠤ ᠰᠦᠢᠳ ᠪᠣᠯᠪᠠᠯ ᠪᠦᠬᠦ ᠲᠣᠭᠤᠷᠢᠭ ᠤᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠪᠦᠷ ᠬᠡᠷᠡᠭ ᠦᠬᠡᠢ ᠪᠣᠯᠣᠨ᠎ᠠ ᠃ ᠪᠢᠳᠡ ᠬᠡᠷᠬᠢᠨ ᠳᠡᠭᠡᠳᠦ ᠱᠠᠳᠤᠨ ᠳᠤ ᠪᠠᠨ ᠲᠣᠰᠢᠶᠠᠬᠤ ᠶᠤᠮ︖ ᠲᠡᠷᠡ ᠦᠶ᠎ᠡ ᠳᠤ ᠣᠬᠢᠯᠠᠭᠰᠠᠨ ᠴᠤ ᠲᠣᠰᠠ ᠭᠠᠷᠬᠤ ᠦᠬᠡᠢ ᠭᠡᠵᠦ ᠪᠣᠳᠣ ︕ ᠬᠢᠨᠳᠠᠨ ᠳᠤ ᠰᠠᠭᠤᠭᠰᠠᠨ ᠴᠤ ᠭᠦᠢᠴᠡᠨ᠎ᠡ︾ ᠭᠡᠵᠦ ᠮᠠᠨᠴᠣᠷᠭᠠᠳᠠᠪᠠ᠃    ᠵᠠᠬᠢᠷᠤᠯ ᠤᠨ ᠦᠭᠡ ᠨᠢ ᠪᠠᠭᠰᠢ ᠨᠠᠷ ᠤᠨ ᠬᠤᠶᠢᠬ᠎ᠠ ᠶᠢᠨ ᠦᠰᠦ ᠶᠢ ᠪᠣᠰᠬᠠᠪᠠ᠃ ᠰᠢᠩ ᠪᠠᠭᠰᠢ ᠬᠢᠭᠡᠳ ᠲᠣᠭᠠᠨ ᠤ ᠤᠬᠠᠭᠠᠨ ᠤ ᠵᠠᠩ ᠪᠠᠭᠰᠢ ᠬᠠᠮᠲᠤᠷᠠᠨ ᠶᠢᠨ ᠯᠢᠩ ᠢ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠳᠠᠭᠤᠳᠠᠨ ᠠᠪᠠᠴᠢᠵᠦ ᠶᠠᠷᠢᠯᠴᠠᠪᠠ ᠃ ᠶᠢᠨ ᠯᠢᠩ ᠶᠠᠮᠠᠷ ᠴᠤ ᠶᠠᠯ᠎ᠠ ᠭᠡᠮ ᠦᠬᠡᠢ ᠪᠠᠷ ᠬᠢᠯᠢᠰ ᠢᠶᠠᠨ ᠲᠣᠭᠠᠴᠢᠨ᠄ ︽ ᠨᠠᠮ᠎ᠠ ᠶᠢ ᠪᠤᠷᠤᠭᠤᠰᠢᠶᠠᠨ ᠵᠢᠮᠡᠯᠡᠬᠦ ᠬᠡᠷᠡᠭ ᠪᠠᠶᠢᠬᠤ ᠦᠬᠡᠢ᠂ ᠰᠠᠯᠬᠢᠨ ᠦᠯᠢᠶᠡᠭᠰᠡᠨ ᠤ ᠬᠢ᠂ ᠵᠢᠮᠠᠯᠡᠪᠡᠯ ᠵᠦᠪᠬᠡᠨ ᠴᠣᠩᠬᠤ ᠨᠡᠬᠡᠬᠡᠭᠰᠡᠨ ᠬᠦᠮᠦᠨ ᠢ ᠯᠡ ᠵᠢᠮᠡᠯᠡᠨ᠎ᠡ︾ ᠭᠡᠰᠡᠨ ᠢᠶᠠᠨ ᠨᠠᠮ ᠳᠠᠭᠤᠨ ᠢᠶᠠᠷ᠄ ︽ ᠪᠢ ᠤᠤᠯ ᠨᠢ 100 ᠬᠤᠪᠢ ᠣᠯᠬᠤ ᠪᠠᠶᠢᠭᠰᠠᠨ︾ ᠭᠡᠨ᠎ᠡ᠃    ᠰᠢᠩ ᠪᠠᠭᠰᠢ ᠬᠢᠭᠡᠳ ᠵᠠᠩ ᠪᠠᠭᠰᠢ ᠪᠣᠳᠣᠵᠣ ᠦᠵᠡᠪᠡᠯ ᠪᠠᠰᠠ ᠲᠠᠭᠠᠷᠠᠨ᠎ᠠ᠂ ᠡᠨᠡ ᠤᠴᠢᠷ ᠲᠤ ᠶᠢᠨ ᠯᠢᠩ ᠢ ᠪᠤᠷᠤᠭᠤᠰᠢᠶᠠᠬᠤ ᠬᠡᠷᠡᠭ ᠠᠯᠠᠭ᠎ᠠ᠃ ᠲᠡᠭᠡᠭᠡᠳ ᠬᠡᠨ ᠴᠣᠩᠬᠤ ᠨᠡᠭᠡᠭᠡᠭᠰᠡᠨ ᠢ ᠨᠡᠬᠡᠮᠵᠢᠯᠡᠪᠡ᠃ ᠣᠯᠠᠨ ᠢᠶᠠᠷ ᠢᠶᠠᠨ ᠳᠠᠭᠤᠨ ᠨᠢᠭᠡᠲᠡᠢ ᠪᠠᠷ ᠨᠢ ᡁᠢ ᠸᠧᠢ ᠶᠢ ᠲᠦᠯᠬᠢᠨ ᠭᠠᠷᠭᠠᠪᠠ᠃     ᠨᠢ ᡁᠢ ᠸᠧᠢ ᠪᠠᠰᠠ ᠶᠠᠮᠠᠷ ᠴᠤ ᠶᠠᠯ᠎ᠠ ᠭᠡᠮ ᠦᠬᠡᠢ ᠰᠢᠭ ᠠᠪᠤᠷᠢᠯᠠᠨ᠄ ︽ ᠰᠢᠯᠭᠠᠯᠲᠠ ᠬᠢᠬᠦ ᠳᠤ ᠴᠣᠩᠬᠤ ᠨᠡᠭᠡᠭᠡᠵᠦ ᠪᠣᠯᠬᠤ ᠦᠬᠡᠢ ᠭᠡᠵᠦ ᠪᠠᠭᠰᠢ ᠲᠣᠩᠬᠠᠭᠯᠠᠭ᠎ᠠ ᠦᠬᠡᠢ᠃ ᠰᠣᠨᠣᠰᠣᠭᠰᠠᠨ ᠬᠦᠮᠦᠨ ᠪᠠᠶᠢᠨ᠎ᠠ ᠦᠦ︖ ᠪᠢ ᠰᠠᠶᠢᠨ ᠰᠠᠨᠠᠭᠠᠨ ᠠᠴᠠ ᠪᠠᠨ ᠣᠯᠠᠨ ᠳᠤ ᠰᠠᠯᠬᠢ ᠵᠢᠪᠠᠷ ᠦᠵᠡᠭᠦᠯᠵᠦ᠂ ᠳᠠᠷᠢᠬᠢ ᠲᠣᠯᠣᠭᠠᠢ ᠶᠢ ᠨᠢ ᠬᠤᠷᠴᠠ ᠰᠡᠷᠭᠡᠢ ᠪᠠᠶᠢᠯᠭᠠᠬᠤ ᠭᠡᠰᠡᠨ ᠶᠤᠮ︾ ᠭᠡᠪᠡ᠃    ᠬᠡᠨ ᠨᠢ ᠴᠤ ᠪᠤᠷᠤᠭᠤᠳᠠᠭ᠎ᠠ ᠦᠭᠡᠢ᠂ ᠪᠦᠷ ᠬᠠᠪᠤᠷ ᠤᠨ ᠰᠠᠯᠬᠢᠨ ᠤ ᠬᠠᠷ᠎ᠠ ᠤᠷᠰᠢᠭ᠃ ᠶᠢᠨ ᠯᠢᠩ ᠤᠩᠰᠢᠵᠤ ᠦᠩᠭᠡᠷᠡᠭᠰᠡᠨ ᠨᠣᠮ ᠳᠤ ᠨᠢ ᠡᠶᠢᠮᠦᠷᠬᠦᠦ ᠡᠷᠲᠡᠨ ᠤ ᠰᠢᠯᠦᠭ ᠪᠠᠶᠢᠭᠰᠠᠨ ᠢ ᠪᠣᠳᠣᠵᠣ ᠣᠯᠣᠯ᠎ᠠ᠃    ᠪᠠᠷᠤᠭ ︽ᠴᠡᠪᠡᠷ ᠰᠠᠯᠬᠢ ᠦᠰᠦᠭ ᠲᠠᠨᠢᠭ᠎ᠠ ᠦᠬᠡᠢ ᠠᠲᠠᠯ᠎ᠠ ᠶᠠᠭᠤᠨ ᠳᠤᠷ ᠨᠣᠮ ᠢ ᠳᠣᠷ᠎ᠠ ᠪᠠᠷ ᠤᠷᠪᠠᠭᠤᠯᠣᠮᠣᠢ︾ ᠭᠡᠵᠦ ᠶᠠᠷᠢᠭᠰᠠᠨ ᠰᠢᠭ᠋ ᠳ᠋ᠠ︕ ᠲᠡᠷᠡ ᠬᠢᠴᠢᠶᠡᠯ ᠤᠨ ᠲᠠᠩᠬᠢᠮ ᠳᠡᠭᠡᠷ᠎ᠡ ᠳᠡᠰᠴᠤ ᠴᠢᠳᠠᠯ ᠦᠬᠡᠢ ᠫᠦᠰ ᠭᠡᠳᠡᠯ᠎ᠡ ᠢᠨᠢᠶᠡᠴᠢᠬᠡᠯ᠎ᠡ᠃    ᠡᠷᠲᠡᠨ ᠤ ᠬᠦᠮᠦᠨ ᠦᠨᠡᠬᠡᠷ ᠰᠡᠴᠡᠨ ᠰᠡᠷᠭᠦᠯᠡᠩ ᠪᠠᠶᠢᠨ᠎ᠠ ᠭᠡᠵᠦ ᠲᠡᠷᠡ ᠮᠢᠰᠢᠯᠵᠡᠨ ᠪᠣᠳᠣᠨ᠎ᠠ᠃ ᠬᠦᠮᠦᠨ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠡᠮᠦᠨ᠎ᠡ ᠳᠠᠷᠤᠢ ᠪᠠᠭ᠎ᠠ ᠰᠣᠷᠭᠠᠭᠤᠯᠢ ᠠᠴᠠ ᠠᠩᠬ᠎ᠠ ᠳᠤᠮᠳᠠᠳᠤ ᠳᠤ ᠳᠠᠪᠰᠢᠬᠤ ᠰᠣᠷᠢᠭᠠᠨ ᠤ ᠰᠢᠯᠭᠠᠯᠲᠠ ᠶᠢᠨ ᠲᠠᠯᠠᠪᠠᠢ ᠳᠤ ᠡᠶᠢᠮᠦᠷᠬᠦᠦ ᠵᠦᠴᠦᠭᠡᠯᠢᠭ ᠴᠢᠨᠠᠷ ᠲᠠᠢ ᠵᠢᠷᠤᠭ ᠦᠵᠡᠭᠳᠡᠯ ᠦᠷᠨᠢᠨ ᠡᠭᠦᠰᠬᠦ ᠶᠢ ᠪᠣᠳᠣᠵᠣ ᠮᠡᠳᠡᠭᠰᠡᠨ ᠠᠵᠢ᠃
ᠢᠷᠡᠯᠲᠡ᠄ ︽ᠬᠡᠤᠬᠡᠳ ᠬᠦᠮᠤᠵᠢᠬᠦᠯᠦᠭᠰᠡᠨ ᠦᠯᠢᠬᠡᠷ︾ ᠨᠤᠮ