| ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠡᠳ ᠳᠦᠩᠭᠡᠵᠦ ᠨᠢᠭᠡ ᠰᠠᠷᠠ ᠪᠣᠯᠬᠤ ᠳᠤ ᠠᠩᠬᠠ ᠳᠣᠮᠳᠠᠳᠤ ᠳᠤ ᠳᠠᠪᠰᠢᠬᠤ ᠰᠢᠯᠭᠠᠯᠲᠠ ᠶᠢᠨ ᠣᠷᠣᠰᠢᠯ ᠳᠠᠭᠤᠤ ᠨᠢ ᠦᠨᠳᠦᠷ | ᠲᠦᠷᠢᠯᠭᠡ ᠲᠠᠢ ᠬᠠᠩᠬᠢᠨᠠᠨ ᠳᠠᠭᠤᠷᠢᠰᠣᠯᠠ᠃ ᠰᠣᠷᠭᠠᠭᠤᠯᠢ ᠶᠢᠨ ᠵᠠᠬᠢᠷᠤᠯ ᠲᠢᠶᠠᠨ ᠠᠨ ᠮᠧᠨ ᠲᠠᠯᠠᠪᠠᠢ ᠳᠡᠭᠡᠷᠡᠬᠢ ︽ᠰᠢᠶᠠᠩᠭᠠᠩ ᠤᠨ ᠡᠬᠡ ᠣᠯᠣᠰ ᠲᠤ ᠪᠠᠨ | ᠪᠤᠴᠠᠬᠤ ᠳᠤ ᠦᠯᠡᠳᠡᠵᠦ ᠪᠠᠶᠢᠭᠠ ᠴᠠᠭ︾ ᠢ ᠳᠠᠭᠤᠷᠢᠶᠠᠵᠤ᠂ ᠵᠢᠭᠠᠨ ᠰᠤᠷᠭᠠᠬᠤ ᠠᠰᠠᠷ ᠤᠨ ᠨᠢᠭᠡᠳᠦᠭᠡᠷ ᠳᠠᠪᠬᠤᠷᠯᠢᠭ ᠤᠨ ᠠᠰᠠᠷ ᠤᠨ ᠱᠠᠲᠤ ᠶᠢᠨ ᠠᠮᠠᠨ ᠳᠤ ᠨᠢᠭᠡᠨ | ᠬᠦᠳᠡᠯᠦᠩᠭᠦᠢ ᠭᠠᠯᠢᠨᠳᠠᠷ ᠤᠨ ᠫᠠᠶᠢᠰᠠ ᠵᠣᠬᠢᠶᠠᠨ ᠂ ᠳᠡᠭᠡᠷᠡ ᠨᠢ ᠬᠡᠳᠦᠨ ᠲᠣᠮᠣ ᠦᠰᠦᠭ ᠪᠢᠴᠢᠭᠰᠡᠨ ᠨᠢ᠄ ︽ᠪᠠᠭᠠ ᠰᠣᠷᠭᠠᠭᠤᠯᠢ ᠠᠴᠠ ᠠᠩᠬᠠ ᠳᠣᠮᠳᠠᠳᠣ ᠳᠤ | ᠳᠠᠪᠰᠢᠬᠤ ᠰᠢᠯᠭᠠᠯᠲᠠ ᠪᠠᠰᠠ ᠡᠳᠦᠷ ᠪᠣᠢ᠃︾ | ᠬᠡᠯᠨ ᠪᠢᠴᠢᠭ ᠤᠨ ᠪᠠᠭᠰᠢ ᠵᠢᠭᠠᠬᠤ ᠲᠠᠶᠢᠰᠠᠨ ᠳᠤ ᠭᠠᠷᠣᠮᠠᠭᠴᠠ ᠬᠡᠯᠡᠳᠡᠭ ᠲᠦᠷᠦᠭᠦᠨ ᠤ ᠦᠭᠡ ᠨᠢ ᠳᠠᠷᠤᠢ᠄ ︽ᠪᠠᠰᠠ 3 ᠰᠠᠷᠠ ᠶᠢᠨ ᠭᠠᠳᠠᠨᠠ ᠠᠷᠪᠠᠨ | ᠡᠳᠦᠷ ᠪᠣᠢ᠃︾ | ᠲᠣᠭᠠᠨ ᠤ ᠤᠬᠠᠭᠠᠨ ᠤ ᠪᠠᠭᠰᠢ ᠲᠠᠶᠢᠰᠠᠨ ᠳᠤ ᠭᠠᠷᠣᠭᠠᠳ ᠠᠮᠠ ᠨᠡᠬᠡᠬᠡᠮᠡᠭᠴᠡ ᠬᠡᠯᠡᠬᠦ ᠨᠢ ᠄ ︽ᠪᠠᠰᠠ 94 ᠡᠳᠦᠷ ᠤᠨ ᠭᠠᠳᠠᠨᠠ 16 ᠴᠠᠭ 35 ᠮᠢᠨᠦ᠋ᠲ | ᠪᠣᠢ᠃︾ | ᠠᠩᠭ᠍ᠯᠢ ᠬᠡᠯᠡᠨ ᠤ ᠪᠠᠭᠰᠢ ᠠᠩᠭᠢ ᠶᠢᠨ ᠭᠡᠷ ᠲᠤ ᠣᠷᠣᠵᠣ ᠢᠷᠡᠮᠡᠭᠴᠡ ᠠᠩᠭ᠍ᠯᠢ ᠬᠡᠯᠨ ᠪᠠᠷ ᠠᠰᠠᠭᠤᠬᠤ ᠨᠢ᠄ ︽6 ᠰᠠᠷᠠ ᠶᠢᠨ 28 ᠤ ᠡᠳᠦᠷ ᠶᠠᠮᠠᠷ ᠡᠳᠦᠷ ᠪᠣᠢ | ︖︾ | ᠨᠢᠭᠡ ᠤᠳᠠᠭᠠ ᠱᠠᠩ ᠬᠠᠢ ᠦᠨᠡᠬᠡᠷ ᠲᠡᠰᠪᠦᠷᠢᠯᠡᠬᠦᠶᠡ ᠪᠡᠷᠬᠡ ᠪᠣᠯᠵᠤ ᠳᠣᠣᠷᠠ ᠠᠴᠠ ᠨᠢ ᠠᠩᠭ᠍ᠯᠢ ᠬᠡᠯᠡᠨ ᠤ ᠪᠠᠭᠰᠢ ᠶᠢᠨ ᠦᠭᠡ ᠶᠢ ᠵᠠᠯᠭᠠᠨ ᠨᠠᠮ ᠳᠠᠭᠤᠨ ᠢᠶᠠᠷ᠄ | ︽ ᠰᠢᠭᠦᠨ ᠲᠠᠰᠣᠯᠬᠤ ᠡᠳᠦᠷ︾ ᠭᠡᠵᠦ ᠳᠦᠳᠦᠨᠡᠪᠡ᠃ | ᠬᠡᠨ ᠮᠡᠳᠡᠵᠡᠮ᠂ ᠠᠩᠭ᠍ᠯᠢ ᠬᠡᠯᠡᠨ ᠤ ᠪᠠᠭᠰᠢ ᠨᠠᠰᠤ ᠵᠠᠯᠠᠭᠤ ᠪᠠᠶᠢᠵᠤ ᠰᠣᠨᠣᠰᠬᠤ ᠴᠢᠳᠠᠪᠤᠷᠢ ᠨᠢ ᠮᠠᠰᠢ ᠰᠠᠶᠢᠨ ᠲᠤᠯᠠ ᠮᠠᠰᠢ ᠵᠦᠪ ᠣᠨᠣᠪᠴᠢᠳᠠᠢ ᠪᠠᠷ ᠲᠡᠭᠦᠨ ᠤ | ᠡᠨᠡ ᠳᠤᠷᠠ ᠦᠭᠡᠶᠢᠴᠡᠯ ᠤᠨ ᠰᠢᠨᠵᠢᠲᠡᠢ ᠲᠦᠳᠦᠨᠡᠯ ᠢ ᠨᠢ ᠣᠯᠵᠣ ᠰᠣᠨᠣᠰᠪᠠ ᠃ ᠲᠡᠭᠦᠨ ᠤ ᠦᠨᠳᠦᠷ ᠦᠰᠦᠭᠡᠶᠢᠲᠦ ᠱᠠᠬᠠᠢ ᠨᠢ ︽ᠲᠠᠭ ᠲᠠᠭ︾ ᠲᠣᠪᠰᠢᠯᠠᠭᠰᠠᠭᠠᠷ | ᠢᠷᠡᠵᠦ᠂ ᠨᠢᠭᠤᠷ ᠴᠢᠷᠠᠢ ᠳᠤ ᠪᠠᠨ ᠶᠠᠮᠠᠷ ᠴᠦ ᠢᠯᠡᠷᠡᠯ ᠦᠬᠡᠢ ᠪᠠᠷ ᠱᠠᠩ ᠬᠠᠢ ᠤᠨ ᠡᠮᠦᠨᠡ ᠵᠣᠭᠰᠤᠨ ᠲᠡᠭᠦᠨ ᠠᠴᠠ᠄ ︽ᠴᠢ ᠰᠠᠶ᠋ᠢ ᠶᠠᠭᠤ ᠶᠠᠷᠢᠪᠠ ︖︾ ᠭᠡᠵᠦ | ᠠᠰᠠᠭᠤᠬᠤ ᠶᠤᠮ᠃ ᠱᠠᠩ ᠬᠠᠢ ᠠᠩᠭᠢ ᠳᠤ ᠪᠠᠨ ᠶᠡᠷᠦ ᠠᠴᠠ ᠵᠣᠷᠢᠭ ᠰᠥᠰᠥ ᠪᠠᠭᠠᠲᠠᠢ ᠪᠠᠷ ᠢᠶᠠᠨ ᠠᠯᠳᠠᠷᠰᠢᠭᠰᠠᠨ ᠲᠤᠯᠠ ᠤᠷᠤᠭᠤᠯ ᠠᠮᠠ ᠨᠢ ᠴᠣᠩᠬᠢᠢᠨ ᠴᠠᠶᠢᠵᠤ | ᠪᠣᠰᠴᠣ ᠵᠣᠭᠰᠣᠭᠠᠳ ᠲᠣᠷᠴᠣ ᠲᠡᠭᠡᠭᠯᠡᠭᠰᠡᠭᠡᠷ᠄ ︽ ᠦᠬᠡᠢ ᠁ ᠶᠠᠭᠤ ᠴᠤ ᠶᠠᠷᠢᠭᠠ ᠦᠬᠡᠢ ᠁︾ ᠭᠡᠪᠡ᠃ | ᠠᠩᠭ᠍ᠯᠢ ᠬᠡᠯᠡᠨ ᠤ ᠪᠠᠭᠰᠢ ᠬᠠᠷᠠᠴᠠ ᠪᠠᠨ ᠶᠢᠨ ᠯᠢᠩ ᠤᠨ ᠳᠡᠭᠡᠷᠡ ᠰᠢᠯᠵᠢᠭᠦᠯᠵᠦ᠄ ︽ᠴᠢ ᠲᠡᠭᠦᠨ ᠢ ᠣᠷᠣᠯᠠᠨ ᠬᠠᠷᠢᠭᠤᠯ︕ ᠲᠡᠷᠡ ᠰᠠᠶ᠋ᠢ ᠶᠠᠭᠤ ᠶᠠᠷᠢᠪᠠ︖ | ︾ ᠭᠡᠵᠦ ᠠᠰᠠᠭᠤᠯᠠ᠃ ᠶᠢᠨ ᠯᠢᠩ ᠠᠭᠠᠵᠢᠮᠬᠠᠨ ᠢᠶᠠᠷ ᠪᠣᠰᠴᠣ ᠵᠣᠭᠰᠤᠯᠠ᠃ ᠲᠡᠷᠡ ᠡᠨᠡ ᠬᠦ ᠠᠭᠱᠠᠨ ᠳᠤ ᠦᠨᠡᠬᠡᠷ ᠠᠷᠭᠠ ᠪᠠᠷᠠᠭᠳᠠᠯᠠ᠄ ᠬᠡᠯᠡᠬᠦ ᠦᠬᠡᠢ ᠪᠣᠯ | ᠬᠤᠳᠠᠯ ᠬᠡᠯᠡᠭᠰᠡᠨ ᠳᠤ ᠪᠠᠨ ᠲᠣᠭᠠᠴᠠᠭᠳᠠᠨᠠ ᠂ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠪᠠᠭᠰᠢ ᠪᠦᠷ ᠣᠯᠣᠭᠠᠳ ᠰᠣᠨᠣᠰᠴᠢᠬᠠᠯᠠ ᠃ ᠬᠡᠯᠡᠶᠡ ᠭᠡᠬᠦ ᠳᠤ ᠨᠠᠶᠢᠵᠠ ᠪᠠᠨ ᠬᠤᠳᠠᠯᠳᠤᠭᠰᠠᠨ | ᠰᠢᠭ᠋ ᠰᠠᠨᠠᠭᠳᠠᠨᠠ ᠃ ᠲᠡᠭᠡᠪᠡᠯ ᠬᠠᠮᠲᠤ ᠰᠣᠷᠣᠭᠴᠢᠳ ᠲᠤ ᠪᠠᠨ ᠤᠷᠪᠠᠭᠴᠢ ᠪᠠᠷ ᠬᠠᠷᠠᠭᠳᠠᠬᠤ ᠶᠤᠮ ᠂ ᠲᠡᠷᠡ ᠨᠢᠭᠡ ᠬᠠᠨᠢᠶᠠᠭᠰᠠᠨ ᠢᠶᠠᠨ ᠵᠣᠷᠢᠭᠤᠳᠠ ᠬᠦᠮᠦᠰᠭᠡ ᠪᠠᠨ | ᠠᠲᠤᠷᠢᠭᠤᠯᠤᠨ᠄ ︽ ᠰᠠᠶ᠋ᠢ ᠁ ᠰᠠᠶ᠋ᠢ ᠁ ᠨᠢᠭᠡ ᠬᠤᠷᠤᠬᠠᠢ ᠮᠢᠨᠦ ᠴᠢᠬᠢᠨ ᠳᠤ ᠨᠢᠰᠴᠣ ᠣᠷᠣᠯᠠ︾ ᠭᠡᠪᠡ᠃ | ᠠᠩᠭ᠍ᠯᠢ ᠬᠡᠯᠡᠨ ᠤ ᠪᠠᠭᠰᠢ ᠠᠭᠤᠷᠯᠠᠭᠠᠳ ᠴᠢᠷᠠᠢ ᠨᠢ ᠴᠠᠶᠢᠵᠤ᠄ ︽ᠰᠠᠶᠢᠨ᠂ ᠲᠠᠨᠣᠰ ᠪᠦᠷ ᠬᠠᠷᠢᠯᠴᠠᠨ ᠥᠮᠥᠭᠯᠡᠬᠦ ᠶᠢ ᠰᠣᠷᠣᠴᠢᠬᠠᠯᠠ᠃ ᠪᠢ ᠲᠠᠨᠣᠰ ᠤᠨ | ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢ ᠣᠴᠢᠵᠤ ᠡᠷᠢᠶᠡ︕︾ ᠭᠡᠪᠡ᠃ | ᠲᠡᠷᠡ ᠬᠢᠴᠢᠶᠡᠯ ᠢᠶᠠᠨ ᠣᠷᠣᠬᠤ ᠪᠠᠨ ᠴᠤ ᠪᠣᠯᠢᠵᠤ᠂ ᠪᠡᠶᠡ ᠡᠷᠭᠢᠮᠡᠭᠴᠡ ᠭᠠᠷᠴᠣ ᠶᠠᠪᠤᠪᠠ᠃ ᠢᠦᠢ ᠲᠠᠷᠭᠤᠨ ᠰᠠᠭᠤᠳᠠᠯ ᠠᠴᠠ ᠪᠠᠨ ᠰᠠᠯᠵᠤ ᠬᠤᠶᠠᠷ ᠠᠯᠬᠤᠮ | ᠨᠡᠬᠡᠨ ᠳᠠᠭᠠᠭᠠᠳ᠂ ᠠᠩᠭᠢ ᠶᠢᠨ ᠭᠡᠷ ᠤᠨ ᠡᠭᠦᠳᠡ ᠪᠠᠷ ᠠᠵᠢᠨ ᠬᠠᠷᠠᠭᠰᠠᠨ ᠢᠶᠠᠨ ᠨᠢᠳᠦ ᠬᠦᠮᠦᠰᠭᠡ ᠨᠢ ᠪᠦᠷ ᠣᠷᠣᠨ ᠲᠣᠷᠣᠨ ᠦᠬᠡᠢ ᠪᠣᠯᠵᠤ ᠱᠠᠩ ᠬᠠᠢ ᠳᠤ᠄ ︽ | ᠦᠨᠡᠬᠡᠷ ᠠᠯᠪᠠᠨ ᠭᠡᠷ ᠥᠭᠡᠳᠡ ᠶᠠᠪᠤᠯᠠ︾ ᠭᠡᠵᠦ ᠬᠡᠯᠡᠵᠦ ᠦᠭᠭᠦᠯᠡ᠃ | ᠱᠠᠩ ᠬᠠᠢ ᠰᠠᠶ᠋ᠢᠬᠠᠨ ᠰᠠᠭᠤᠭᠠᠳ ᠡᠭᠦᠨ ᠢ ᠰᠣᠨᠣᠰᠣᠮᠠᠭᠴᠠ ᠪᠣᠰᠣᠨ ᠵᠣᠭᠰᠣᠵᠣ᠂ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠠᠯᠠ ᠪᠠᠨ ᠦᠬᠦᠨ ᠪᠦᠲᠡᠭᠡᠵᠦ ᠠᠷᠭᠠ | ᠪᠠᠷᠠᠭᠳᠠᠭᠰᠠᠨ ᠴᠢᠷᠠᠶᠢᠯᠠᠨ᠄ ︽ ᠪᠢ ᠵᠣᠷᠯᠣᠩ ᠳᠤ ᠣᠴᠢᠨᠠ᠂ ᠪᠢ ᠳᠡᠰᠪᠦᠷᠢᠯᠡᠵᠦ ᠳᠡᠶᠢᠯᠬᠦ ᠦᠬᠡᠢ ᠪᠣᠯᠪᠠ︾ ᠭᠡᠳ ᠰᠡᠩᠳᠡ ᠮᠡᠩᠲᠡ ᠡᠭᠦᠳᠡ ᠪᠠᠷ ᠱᠣᠩᠬᠤᠯᠠᠨ | ᠭᠠᠷᠤᠯᠠ᠃ ᠪᠦᠬᠦ ᠠᠩᠭᠢ ᠪᠠᠷ ᠢᠶᠠᠨ ᠬᠦᠷᠴᠢᠬᠢᠨᠡᠲᠡᠯᠡ ᠢᠨᠢᠶᠡᠯᠳᠦᠪᠡ᠃ ᠶᠢᠨ ᠯᠢᠩ ᠳᠣᠷᠣᠮᠰᠢᠶᠠᠭᠰᠠᠨ ᠶᠠᠩᠵᠤᠳᠠᠢ ᠤᠷᠤᠭᠤᠯ ᠢᠶᠠᠨ ᠢᠷᠪᠠᠶᠢᠯᠭᠠᠨ᠄ ︽ᠦᠨᠡᠬᠡᠷ | ᠨᠢᠭᠤᠷ ᠪᠠᠷᠠᠵᠤ ᠪᠠᠶᠢᠨᠠ ᠠᠶᠣᠭᠠᠳ ᠪᠦᠷ ᠰᠢᠭᠡᠰᠦ ᠠᠯᠳᠠᠴᠢᠬᠠᠯᠠ ᠭᠡᠪᠡ ᠡᠴᠤᠰ ᠤᠨ ᠳ᠋ᠦᠩ ᠳᠤ ᠨᠢ ᠰᠢᠩ ᠪᠠᠭᠰᠢ ᠤᠲᠠᠰᠤ ᠪᠠᠷ ᠱᠠᠩ ᠬᠠᠢ ᠶᠢᠨ ᠡᠵᠢ ᠶᠢ ᠨᠢ | ᠳᠠᠭᠤᠳᠠᠵᠤ᠂ ᠪᠠᠭᠰᠢ ᠬᠢᠭᠡᠳ ᠭᠡᠷ ᠤᠨ ᠠᠬᠠᠮᠠᠳ ᠬᠠᠮᠲᠤᠷᠠᠨ ᠱᠠᠩ ᠬᠠᠢ ᠶᠢ ᠣᠯᠠᠶᠢᠵᠤ ᠴᠠᠶᠢᠲᠠᠯᠠ ᠰᠢᠭᠦᠮᠵᠢᠯᠡᠨ ᠲᠡᠭᠦᠨ ᠢ ᠰᠢᠬᠠᠮᠳᠠᠭᠤᠯᠣᠨ ᠳᠠᠷᠤᠢ ᠣᠷᠴᠢᠭᠤᠯᠵᠣ | ᠠᠩᠭ᠍ᠯᠢ ᠬᠡᠯᠡᠨ ᠤ ᠪᠠᠭᠰᠢ ᠳᠤ ᠪᠣᠷᠣᠭᠤ ᠮᠡᠳᠡᠭᠦᠯᠦᠭᠡᠳ ᠡᠨᠡ ᠬᠦ ᠪᠠᠭᠠ ᠦᠢᠮᠡᠭᠡᠨ ᠰᠠᠶ᠋ᠢ ᠳᠠᠷᠣᠭᠳᠠᠵᠠᠢ᠃ | ᠬᠤᠵᠢᠮ ᠨᠢ ᠪᠠᠭᠰᠢ ᠲᠠᠶᠢᠰᠠᠨ ᠳᠤ ᠭᠠᠷᠴᠣ ᠪᠠᠰᠠ᠄ ︽※※※ ᠡᠳᠦᠷ ᠪᠣᠢ︾ ᠭᠡᠵᠦ ᠶᠠᠷᠢᠬᠤ ᠦᠶᠡᠰ ᠪᠦᠬᠦ ᠠᠩᠭᠢ ᠶᠢᠨ ᠬᠠᠮᠲᠤ ᠰᠣᠷᠣᠭᠴᠢᠳ | ᠵᠡᠷᠭᠡ ᠪᠠᠷ ᠳᠡᠷᠢ ᠲᠡᠭᠰᠢ ᠰᠠᠭᠤᠵᠠᠭᠠᠵᠤ ᠂ ᠬᠤᠶᠠᠷ ᠭᠠᠷ ᠢᠶᠠᠨ ᠨᠢᠷᠣᠭᠤᠨ ᠳᠤ ᠪᠠᠨ ᠡᠭᠦᠷᠴᠦ ᠴᠢᠷᠠᠢ ᠪᠠᠨ ᠲᠥᠪ ᠴᠢᠩᠭᠠ ᠪᠣᠯᠭᠠᠨ ᠠᠰ ᠰᠢᠷᠲᠡᠭᠡᠳ ᠰᠢᠭᠦᠨ | ᠲᠠᠰᠣᠯᠬᠤ ᠶᠢ ᠬᠦᠯᠢᠶᠡᠵᠦ ᠪᠠᠶᠢᠭᠠ ᠳᠦᠷᠢ ᠦᠵᠡᠭᠦᠯᠬᠦ ᠪᠣᠯᠵᠠᠢ᠃ ᠪᠦᠬᠦ᠋ᠢᠯᠡ ᠪᠠᠭᠰᠢ ᠨᠠᠷ ᠡᠨᠡ ᠨᠢ ᠲᠡᠳᠡᠨ ᠤ ᠳᠠᠯᠳᠠᠭᠤᠷ ᠰᠠᠶᠢᠲᠤᠷ ᠵᠦᠪᠳᠡᠯᠴᠡᠭᠰᠡᠨ ᠨᠢᠭᠤᠴᠠ | ᠳᠣᠬᠢᠶᠠ ᠪᠣᠯᠬᠤ ᠶᠢ ᠮᠡᠳᠡᠭᠡ ᠦᠬᠡᠢ᠂ ᠬᠠᠷᠢᠨ ᠳᠡᠷᠢ ᠲᠡᠭᠰᠢ ᠰᠠᠭᠤᠵᠠᠭᠠᠵᠤ ᠪᠠᠶᠢᠭᠠ ᠨᠢ ᠣᠯᠠᠨ ᠢᠶᠠᠷ ᠢᠶᠠᠨ ᠰᠢᠯᠭᠠᠯᠲᠠ ᠶᠢ ᠬᠦᠨᠳᠦᠳᠭᠡᠵᠦ ᠪᠠᠶᠢᠨᠠ ᠭᠡᠵᠦ | ᠪᠣᠳᠣᠳᠠᠭ᠃ | ᠭᠤᠷᠪᠠᠨ ᠡᠳᠦᠷ ᠲᠤ ᠨᠢᠭᠡ ᠪᠠᠭᠠ ᠰᠢᠯᠭᠠᠯᠲᠠ ᠲᠠᠪᠤᠨ ᠡᠳᠦᠷ ᠲᠤ ᠨᠢᠭᠡ ᠶᠡᠭᠡ ᠰᠢᠯᠭᠠᠯᠲᠠ ᠪᠠᠶᠢᠵᠤ ᠡᠳᠦᠷ ᠪᠣᠯᠭᠠᠨ ᠪᠠᠰᠠ ᠨᠡᠯᠢᠶᠡᠳ ᠰᠢᠯᠭᠠᠯᠲᠠ ᠶᠢᠨ | ᠬᠠᠭᠤᠳᠠᠰᠤ ᠶᠢ ᠣᠯᠠᠨ ᠳᠤ ᠲᠠᠷᠬᠠᠭᠠᠨ ᠥᠭᠴᠦ ᠭᠡᠷ ᠲᠤ ᠨᠢ ᠠᠪᠠᠴᠢᠭᠤᠯᠵᠣ ᠭᠦᠢᠴᠡᠳᠭᠡᠯᠭᠡᠳᠡᠭ᠃ ᠰᠤᠷᠭᠠᠭᠤᠯᠢ ᠶᠢᠨ ᠳᠠᠷᠤᠮᠠᠯᠯᠠᠬᠤ ᠲᠠᠰᠤᠭ ᠤᠨ ᠪᠠᠭᠰᠢ ᠪᠦᠷ | ᠶᠠᠭᠠᠷᠠᠵᠤ ᠮᠣᠩᠭᠠᠨᠢᠭᠠᠳ ᠪᠣᠷᠪᠢ ᠪᠤᠬᠢᠰᠬᠢᠯ ᠦᠬᠡᠢ ᠪᠣᠯᠵᠤ᠂ ᠴᠢᠪᠠᠭᠠ ᠰᠢᠭ᠋ ᠣᠯᠠᠶᠢᠭᠰᠠᠨ ᠨᠢᠳᠦ ᠪᠠᠨ ᠨᠤᠬᠤᠯᠠᠭᠰᠠᠭᠠᠷ ᠵᠠᠬᠢᠷᠤᠯ ᠢ ᠡᠷᠢᠵᠦ ᠣᠴᠢᠭᠠᠳ | ᠠᠵᠢᠯ ᠢᠶᠠᠨ ᠵᠣᠭᠰᠣᠬᠤ ᠭᠡᠪᠡ᠃ ᠵᠠᠬᠢᠷᠤᠯ ᠬᠠᠷᠢᠨ ᠣᠨᠳᠣᠣ ᠨᠢᠭᠡᠨ ᠠᠷᠭᠠ ᠪᠣᠳᠣᠵᠣ ᠣᠯᠣᠨ ᠡᠯᠡ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠶᠢ ᠱᠠᠭᠠᠷᠳᠠᠵᠤ ᠂ ᠰᠣᠷᠣᠭᠴᠢ ᠶᠢᠨ | ᠭᠡᠷ ᠤᠨ ᠠᠬᠠᠮᠠᠳ ᠢ ᠳᠠᠶᠢᠴᠢᠯᠠᠨ ᠬᠠᠪᠰᠣᠷᠣᠭᠤᠯᠬᠤ ᠪᠠᠷ ᠪᠣᠯᠵᠤ᠂ ᠪᠠᠶᠢᠭᠤᠯᠭᠠ ᠳᠤ ᠨᠢ ᠳᠠᠷᠤᠮᠠᠯᠯᠠᠨ ᠪᠠᠭᠤᠯᠭᠠᠬᠤ ᠮᠠᠰᠢᠨ ᠲᠠᠢ ᠪᠤᠯᠠᠭᠠᠨ ᠴᠢᠳᠠᠯ ᠤᠨ ᠢᠶᠠᠨ | ᠬᠢᠷᠢ ᠪᠠᠷ ᠠᠩᠭᠢ ᠶᠢᠨ ᠬᠢᠨ ᠢ ᠬᠠᠪᠰᠣᠷᠴᠣ᠂ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠳᠠᠷᠤᠮᠠᠯᠯᠠᠨ ᠪᠠᠭᠤᠯᠭᠠᠵᠤ ᠨᠢᠭᠡ ᠰᠠᠷᠠ ᠨᠢᠭᠡ ᠤᠳᠠᠭᠠ ᠴᠤ ᠭᠡᠰᠡᠨ ᠪᠣᠯᠣᠨᠠ᠂ ᠨᠢᠭᠡ | ᠭᠠᠷᠠᠭ ᠲᠤ ᠨᠢᠭᠡ ᠤᠳᠠᠭᠠ ᠪᠣᠯ ᠨᠡᠩ ᠰᠠᠶᠢᠨ ᠭᠡᠵᠡᠢ ᠃ ᠠᠩᠭᠢ ᠪᠤᠯᠠᠭᠠᠨ 50 ᠭᠠᠷᠤᠢ ᠰᠣᠷᠣᠭᠴᠢ ᠲᠠᠢ ᠪᠠᠶᠢᠵᠤ 100 ᠭᠠᠷᠤᠢ ᠭᠡᠷ ᠤᠨ ᠠᠬᠠᠮᠠᠳ ᠲᠠᠢ ᠲᠤᠯᠠ | ᠳᠠᠷᠠᠭᠠᠯᠠᠨ ᠡᠭᠡᠯᠵᠢᠯᠡᠪᠡᠯ ᠪᠠᠷᠲᠠᠭᠠ ᠪᠠᠷ ᠭᠦᠢᠴᠡᠨᠡ᠃ | ᠰᠢᠩ ᠪᠠᠭᠰᠢ ᠠᠩᠭᠢ ᠳᠤ ᠪᠠᠨ ᠬᠠᠪᠰᠣᠷᠣᠨ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠣ ᠶᠢ ᠳᠠᠷᠣᠮᠠᠯᠯᠠᠨ ᠪᠠᠭᠤᠯᠭᠠᠵᠤ ᠳᠡᠶᠢᠯᠬᠦ ᠭᠡᠷ ᠤᠨ ᠠᠬᠠᠮᠠᠳ ᠢ ᠪᠦᠷᠢᠳᠭᠡᠬᠦ | ᠦᠶᠡᠰ ᠶᠢᠨ ᠯᠢᠩ ᠪᠠᠰᠠ ᠬᠤᠵᠢᠮᠳᠠᠯ ᠦᠬᠡᠢ ᠭᠠᠷ ᠢᠶᠠᠨ ᠡᠷᠭᠦᠯᠡ᠃ ᠲᠡᠭᠡᠭᠡᠳ ᠭᠡᠷ ᠲᠤ ᠪᠠᠨ ᠬᠠᠷᠢᠨ ᠠᠪᠤ ᠡᠵᠢ ᠳᠤ ᠪᠠᠨ ᠬᠡᠯᠡᠭᠰᠡᠨ ᠴᠢᠨᠢ ᠂ ᠬᠤᠢ ᠽᠢ | ᠤᠷᠢᠳ ᠢᠶᠠᠷ᠄ ︽ ᠡᠨᠡ ᠤᠴᠢᠷ ᠲᠤ ᠨᠠᠮᠠ ᠶᠢ ᠪᠢᠲᠡᠭᠡᠢ ᠡᠷᠢ︕ ᠮᠠᠨ ᠤ ᠪᠠᠶᠢᠭᠤᠯᠭᠠ ᠵᠢᠵᠢᠭᠬᠡᠨ᠂ ᠳᠠᠷᠤᠮᠠᠯᠯᠠᠨ ᠪᠠᠭᠤᠯᠭᠠᠬᠤ ᠮᠠᠰᠢᠨ ᠦᠬᠡᠢ︾ ᠭᠡᠵᠦ | ᠣᠪᠤᠷ ᠢᠶᠠᠨ ᠢᠯᠡᠳᠭᠡᠨ ᠬᠡᠯᠡᠪᠡ᠃ | ᠶᠢᠨ ᠢ ᠮᠢᠩ᠄ ︽ᠮᠠᠨ ᠤ ᠰᠠᠯᠪᠤᠷᠢ ᠳᠤ ᠬᠠᠷᠢᠨ ᠪᠠᠶᠢᠨᠠ᠂ ᠭᠡᠲᠡᠯᠡ ᠮᠠᠲ᠋ᠧᠷᠢᠶᠠᠯ ᠳᠠᠷᠣᠮᠠᠯᠯᠠᠨ ᠪᠠᠭᠤᠯᠭᠠᠬᠤ ᠳᠤ ᠵᠣᠭᠤᠰ ᠥᠭᠬᠦ ᠬᠡᠷᠡᠭᠳᠡᠢ᠃ ᠲᠣᠰ | ᠰᠠᠯᠪᠤᠷᠢ ᠶᠢᠨ ᠪᠠᠭᠰᠢ ᠰᠣᠷᠣᠭᠴᠢ ᠳᠤ ᠬᠠᠨᠳᠣᠭᠤᠯᠣᠭᠰᠠᠨ ᠬᠢᠮᠳᠠᠷᠠᠯ ᠤᠨ ᠮᠦᠩᠭᠦ ᠨᠢ ᠨᠢᠭᠡ ᠬᠠᠭᠤᠳᠠᠰᠤ ᠭᠤᠷᠪᠠᠨ ᠮᠤᠤ︕︾ ᠭᠡᠪᠡ᠃ | ᠶᠢᠨ ᠯᠢᠩ ᠰᠠᠨᠳᠣᠷᠣᠨ ᠦᠭᠡ ᠶᠢ ᠨᠢ ᠡᠯᠭᠦᠨ ᠠᠪᠴᠣ᠄ ︽ ᠭᠤᠷᠪᠠᠨ ᠮᠤᠤ ᠬᠡᠳᠦᠢ ᠬᠢᠮᠳᠠ ᠪᠣᠢ ︕ ᠭᠠᠳᠠᠨᠠ ᠳᠠᠷᠣᠮᠠᠯᠯᠠᠨ ᠪᠠᠭᠤᠯᠭᠠᠬᠤ ᠳᠤ ᠲᠠᠪᠤᠨ ᠮᠤᠤ | ᠰᠢᠦ︕︾ ᠭᠡᠪᠡ᠃ | ᠶᠢᠨ ᠮᠢᠩ᠂ ᠬᠤᠢ ᠽᠢ ᠶᠢᠨ ᠵᠦᠭ ᠭᠠᠷ ᠢᠶᠠᠨ ᠠᠯᠳᠠᠯᠠᠨ ᠪᠠᠶᠢᠵᠤ᠄ ︽ ᠡᠨᠡ ᠴᠢᠨᠢ ᠶᠠᠮᠠᠷ ᠤᠴᠢᠷ ᠪᠢᠯᠡ︖ ᠪᠦᠬᠦ ᠠᠩᠭᠢ ᠶᠢᠨ ᠰᠣᠷᠣᠭᠴᠢᠳ ᠤᠨ | ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠶᠢ ᠮᠢᠨᠦ ᠭᠠᠭᠴᠠ ᠬᠦᠮᠦᠨ ᠢᠶᠠᠷ ᠳᠠᠷᠣᠮᠠᠯᠯᠠᠨ ᠪᠠᠭᠤᠯᠭᠠᠬᠤ ᠠᠵᠢᠯ ᠢ ᠳᠠᠭᠠᠭᠠᠯᠭᠠᠬᠤ ᠶᠤᠮ ᠭᠡᠨᠡ︕ ᠶᠣᠰᠣᠳᠠᠢ ᠡᠪ ᠳᠦᠢ ᠦᠬᠡᠢ | ᠶᠠᠪᠣᠳᠠᠯ︕︾ ᠭᠡᠨᠡ᠃ ︽ᠲᠡᠭᠡᠪᠡᠯ ᠲᠠᠨᠣᠰ ᠮᠢᠨᠦ ᠰᠠᠶᠢᠨ ᠰᠣᠷᠭᠠᠭᠤᠯᠢ ᠳᠤ ᠶᠢ ᠪᠣᠳᠣᠬᠤ ᠦᠬᠡᠢ ᠦᠦ ᠭᠡᠵᠦ ᠦᠦ︖︾ ᠭᠡᠮᠡᠨ ᠶᠢᠨ ᠯᠢᠩ ᠳᠠᠷᠦ᠋ᠢᠬᠠᠨ | ᠲᠤᠯᠭᠠᠨ ᠠᠰᠠᠭᠤᠨᠠ᠃ | ᠶᠢᠨ ᠢ ᠮᠢᠩ ᠶᠠᠷᠢᠬᠤ ᠦᠭᠡ ᠦᠬᠡᠢ ᠪᠣᠯᠣᠭᠠᠳ ᠂ ᠲᠦᠷ ᠪᠣᠳᠣᠯᠬᠢᠯᠭ᠍ᠰᠠᠨ ᠢᠶᠠᠨ᠄ ︽ ᠪᠦᠬᠦ ᠠᠩᠭᠢ ᠪᠠᠷ ᠢᠶᠠᠨ 50 ᠭᠠᠷᠣᠢ ᠰᠣᠷᠣᠭᠴᠢ ᠲᠠᠢ ᠂ ᠨᠢᠭᠡ | ᠤᠳᠠᠭᠠ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤ ᠳᠠᠷᠣᠮᠠᠯᠯᠠᠪᠠᠯ ᠮᠢᠨᠦ ᠨᠢᠭᠡ ᠡᠳᠦᠷ ᠤᠨ ᠴᠠᠯᠢᠩ ᠤᠨ ᠣᠷᠣᠯᠭᠠ ᠶᠢ ᠵᠠᠷᠣᠭᠠᠳ ᠳᠠᠭᠤᠰᠬᠠᠴᠢᠬᠠᠨᠠ︾ ᠭᠡᠵᠦ | ᠲᠦᠳᠦᠨᠡᠭᠰᠡᠨ ᠢᠶᠠᠨ ᠲᠣᠯᠣᠭᠠᠢ ᠰᠠᠵᠢᠵᠤ᠂ ᠰᠣᠷᠭᠠᠭᠤᠯᠢ ᠶᠢᠨ ᠠᠷᠭᠠ ᠠᠪᠴᠠᠯ ᠢ ᠱᠠᠯ ᠲᠣᠭᠤᠬᠤ ᠦᠬᠡᠢ ᠪᠠᠶᠢᠭᠠ ᠪᠠᠨ ᠢᠯᠡᠷᠬᠡᠶᠢᠯᠡᠪᠡ᠃ | ᠭᠤᠷᠪᠠᠨ ᠰᠠᠷᠠ ᠶᠢᠨ ᠠᠳᠠᠭ ᠢᠶᠠᠷ ᠰᠣᠷᠭᠠᠭᠤᠯᠢ ᠠᠴᠠ ᠵᠢᠷᠭᠤᠳᠣᠭᠠᠷ ᠣᠨ ᠤ ᠲᠡᠭᠦᠰᠬᠦ ᠰᠣᠷᠣᠭᠴᠢᠳ ᠲᠤ ᠨᠢᠭᠡᠨ ᠤᠳᠠᠭᠠᠨ ᠤ ᠰᠣᠷᠭᠠᠭᠤᠯᠢ ᠳᠠᠪᠰᠢᠬᠤ | ᠰᠣᠷᠢᠭᠠᠨ ᠤ ᠰᠢᠯᠭᠠᠯᠲᠠ ᠶᠠᠪᠣᠭᠤᠯᠪᠠ ᠃ ᠰᠢᠯᠭᠠᠭᠰᠠᠨ ᠨᠢ ᠲᠤᠭᠠ ᠪᠣᠳᠣᠯᠭᠠ ᠪᠠᠶᠢᠯᠠ ᠃ ᠵᠢᠩᠬᠢᠨᠢ ᠰᠢᠯᠭᠠᠯᠲᠠ ᠶᠢᠨ ᠳᠦᠷᠢᠮ ᠳᠣᠭᠳᠠᠭᠠᠯ ᠶᠣᠰᠣᠭᠠᠷ ᠨᠢᠭᠡ | ᠰᠢᠷᠡᠭᠡᠨ ᠳᠤ ᠨᠢᠭᠡ ᠰᠣᠷᠣᠭᠴᠢ ᠰᠠᠭᠤᠨ᠂ ᠬᠢᠴᠢᠶᠡᠯ ᠤᠨ ᠭᠡᠷ ᠤᠨ ᠡᠮᠦᠨᠡ ᠬᠤᠶᠢᠨᠠ ᠪᠦᠷ ᠰᠢᠯᠭᠠᠯᠲᠠ ᠪᠠᠶᠢᠴᠠᠭᠠᠭᠴᠢ ᠪᠠᠭᠰᠢ ᠰᠠᠭᠤᠯᠴᠠᠵᠤ᠂ ᠴᠣᠩᠬᠤᠨ | ᠭᠠᠳᠠᠨᠠ ᠨᠡᠭᠦᠳᠡᠯ ᠮᠠᠶ᠋ᠢᠭ ᠤᠨ ᠰᠢᠯᠭᠠᠯᠲᠠ ᠪᠠᠶᠢᠴᠠᠭᠠᠭᠴᠢ ᠪᠠᠭᠰᠢ ᠨᠠᠭᠠᠰᠢ ᠴᠠᠭᠠᠰᠢ ᠲᠣᠭᠤᠷᠢᠨ ᠪᠠᠶᠢᠴᠠᠭᠠᠵᠤ᠂ ᠵᠣᠷᠯᠣᠩ ᠳᠤ ᠣᠴᠢᠬᠤ ᠳᠤ ᠴᠤ ᠲᠣᠰᠬᠠᠢ ᠬᠦᠮᠦᠨ | ᠲᠣᠮᠢᠯᠠᠨ ᠪᠠᠷᠠ ᠪᠣᠯᠭᠠᠨᠠ᠃ ᠰᠢᠯᠭᠠᠯᠲᠠ ᠶᠢᠨ ᠬᠠᠭᠤᠳᠠᠰᠤᠨ ᠳᠤ ᠰᠣᠷᠣᠯᠭᠠ ᠶᠢᠨ ᠨᠤᠮᠧᠷ ᠢᠶᠠᠨ ᠪᠢᠴᠢᠨ ᠰᠢᠯᠭᠠᠵᠤ ᠳᠠᠭᠤᠰᠣᠭᠠᠳ ᠰᠢᠯᠭᠠᠯᠲᠠ ᠶᠢᠨ | ᠬᠠᠭᠤᠳᠠᠰᠤ ᠶᠢ ᠬᠤᠷᠢᠶᠠᠬᠤ ᠦᠶᠡ ᠳᠤ ᠲᠣᠬᠠᠢ ᠶᠢᠨ ᠲᠠᠯᠠᠪᠠᠢ ᠳᠤ ᠨᠢᠭᠲᠠ ᠪᠢᠲᠡᠭᠦᠮᠵᠢᠯᠡᠵᠦ ᠂ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤ ᠰᠣᠷᠭᠠᠭᠤᠯᠢ ᠶᠢᠨ ᠰᠣᠷᠭᠠᠨ ᠬᠦᠮᠦᠵᠢᠯ ᠤᠨ | ᠶᠠᠪᠣᠳᠠᠯ ᠤᠨ ᠭᠠᠵᠠᠷ ᠠᠴᠠ ᠲᠣᠰᠬᠠᠶᠢᠯᠠᠨ ᠪᠠᠭᠰᠢ ᠨᠠᠷ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠣ ᠲᠦᠪᠡᠯᠡᠷᠡᠭᠦᠯᠦᠨ ᠰᠢᠯᠭᠠᠯᠲᠠ ᠬᠢᠨᠠᠭᠤᠯᠵᠣ ᠂ ᠡᠯᠡ ᠠᠩᠭᠢ ᠶᠢᠨ ᠬᠢᠴᠢᠶᠡᠯ ᠤᠨ | ᠪᠠᠭᠰᠢ ᠨᠠᠷ ᠤᠨ ᠭᠦᠷᠢᠮ ᠦᠢᠯᠡᠳᠬᠦ ᠠᠴᠠ ᠬᠢᠴᠢᠶᠡᠨ ᠰᠡᠷᠭᠡᠶᠢᠯᠡᠬᠦ ᠠᠵᠢ᠃ | ᠰᠢᠯᠭᠠᠯᠲᠠ ᠠᠴᠠ ᠡᠮᠦᠨᠡᠬᠢ ᠨᠢᠭᠡ ᠡᠳᠦᠷ᠂ ᠲᠣᠭᠠᠨ ᠤ ᠤᠬᠠᠭᠠᠨ ᠤ ᠵᠠᠩ ᠪᠠᠭᠰᠢ ᠬᠢᠴᠢᠶᠡᠯ ᠤᠨ ᠲᠠᠶᠢᠰᠠᠨ ᠳᠡᠭᠡᠷᠡ ᠵᠣᠭᠰᠣᠵᠣ ᠣᠯᠠᠨ ᠢ ᠲᠥᠪ ᠴᠢᠩᠭᠠ ᠪᠠᠷ | ᠰᠢᠷᠲᠡᠭᠡᠳ᠄ ︽ᠣᠯᠠᠨ ᠢᠶᠠᠷ ᠢᠶᠠᠨ ᠰᠣᠨᠣᠰᠴᠣ ᠪᠠᠶᠢᠭᠲᠤᠨ︕ ᠠᠮᠵᠢᠯᠲᠠ ᠣᠯᠬᠤ ᠠᠴᠠ ᠪᠢᠰᠢ ᠢᠯᠠᠭᠳᠠᠵᠤ ᠪᠣᠯᠬᠤ ᠦᠬᠡᠢ ᠃ ᠰᠣᠷᠢᠭᠠᠨ ᠤ ᠰᠢᠯᠭᠠᠯᠲᠠ | ᠦᠨᠳᠦᠰᠦᠨ ᠳᠤ ᠪᠠᠨ ᠵᠢᠩᠬᠢᠨᠢ ᠰᠢᠯᠭᠠᠯᠲᠠ ᠶᠢᠨ ᠬᠦᠴᠢᠷ ᠤᠨ ᠬᠡᠮᠵᠢᠶᠡ ᠶᠢ ᠢᠯᠡᠷᠡᠭᠦᠯᠵᠦ ᠳᠡᠶᠢᠯᠬᠦ ᠶᠤᠮ ᠃ ᠡᠶᠢᠮᠦ ᠠᠴᠠ ᠲᠠᠨᠤᠰ ᠮᠠᠷᠭᠠᠰᠢ ᠶᠠᠮᠠᠷ ᠬᠤᠪᠢ ᠰᠢᠯᠭᠠᠪᠠᠯ ᠂ | ᠰᠣᠷᠭᠠᠭᠤᠯᠢ ᠳᠠᠪᠰᠢᠬᠤ ᠰᠢᠯᠭᠠᠯᠲᠠ ᠶᠢᠨ ᠦᠶᠡ ᠳᠤ ᠪᠠᠷᠤᠭ ᠯᠡ ᠲᠡᠶᠢᠮᠦᠷᠬᠦᠦ ᠬᠤᠪᠢ ᠣᠯᠣᠨᠠ ᠃ ᠪᠢ ᠡᠨᠡ ᠬᠡᠳᠦᠨ ᠵᠢᠯ ᠲᠡᠭᠦᠰᠬᠦ ᠠᠩᠭᠢ ᠳᠤ ᠬᠢᠴᠢᠶᠡᠯ | ᠵᠢᠭᠠᠭᠰᠠᠨ ᠲᠤᠯᠠ ᠳᠣᠳᠣᠷᠠ ᠪᠠᠨ ᠲᠤᠭᠠ ᠲᠠᠢ ᠃ ᠬᠡᠦ ᠮᠸᠢ᠂ ᠯᠢᠦ ᠶᠠ ᠷᠦ᠋ ᠂ ᠨᠢ ᡁᠢ ᠸᠧᠢ ︕︾ ᠭᠡᠵᠦ ᠰᠣᠷᠭᠠᠮᠵᠢᠯᠠᠨ ᠶᠠᠷᠢᠪᠠ᠃ | ᠨᠡᠷᠡ ᠪᠠᠨ ᠳᠠᠭᠤᠳᠠᠭᠤᠯᠣᠭᠰᠠᠨ ᠭᠤᠷᠪᠠᠨ ᠬᠦᠮᠦᠨ ᠶᠠᠮᠠᠷ ᠶᠠᠪᠣᠳᠠᠯ ᠪᠣᠯᠣᠭᠰᠠᠨ ᠢ ᠮᠡᠳᠡᠯ ᠦᠬᠡᠢ ᠰᠠᠨᠳᠣᠷᠣᠨ ᠪᠣᠰᠴᠣ ᠵᠣᠭᠰᠣᠭᠠᠳ᠂ ᠨᠢᠭᠤᠷ ᠴᠢᠷᠠᠢ ᠪᠠᠨ | ᠰᠢᠷᠲᠡᠯᠴᠡᠨᠡ᠃ ᠵᠠᠩ ᠪᠠᠭᠰᠢ᠄ ︽ᠲᠠᠨ ᠤ ᠭᠤᠷᠪᠠ 98 ᠬᠤᠪᠢ ᠶᠢ ᠪᠠᠲᠣᠯᠠᠵᠤ 100 ᠬᠤᠪᠢ ᠣᠯᠬᠤ ᠪᠠᠷ ᠲᠡᠮᠡᠴᠡᠬᠦ ᠬᠡᠷᠡᠭᠲᠡᠢ᠃ ᠮᠠᠨ ᠤ ᠠᠩᠭᠢ ᠶᠢᠨ | ᠭᠠᠳᠠᠭᠠᠳᠤ ᠬᠡᠯᠡᠨ ᠤ ᠰᠣᠷᠭᠠᠭᠤᠯᠢ ᠥᠭᠡᠳᠡ ᠳᠣᠪᠲᠣᠯᠣᠨ ᠳᠠᠭᠠᠷᠢᠬᠤ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠦᠷ ᠲᠠᠨᠣᠰ ᠤᠨ ᠪᠡᠶᠡ ᠳᠡᠭᠡᠷᠡ ᠪᠠᠶᠢᠨᠠ︾ ᠭᠡᠪᠡ᠃ | ᠭᠤᠷᠪᠠᠭᠤᠯᠨ ᠪᠠᠨ ᠣᠳᠣ ᠰᠠᠶ᠋ᠢ ᠲᠠᠶᠢᠳᠬᠤᠷᠠᠨ ᠲᠠᠶᠢᠪᠣᠰᠢᠷᠠᠵᠤ᠂ ᠣᠷᠣ ᠣᠷᠣᠨ ᠳᠤ ᠪᠠᠨ ᠰᠠᠭᠤᠵᠤ ᠴᠢᠷᠠᠢ ᠳᠡᠭᠡᠷᠡ ᠨᠢ ᠣᠮᠤᠭ ᠪᠠᠭ᠋ᠠᠲᠣᠯ ᠢᠯᠡᠷᠡᠨᠡ ᠃ ᠨᠢ | ᡁᠢ ᠸᠧᠢ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠬᠠᠷᠠᠯᠬᠢᠯᠠᠨ ᠪᠠᠶᠠᠷᠯᠠᠨ ᠣᠮᠣᠭᠰᠢᠭᠰᠠᠨ ᠶᠠᠩᠵᠤ ᠭᠠᠷᠭᠠᠨᠠ᠃ | ᠶᠢᠨ ᠯᠢᠩ ᠬᠠᠷᠢᠨ ᠪᠢᠰᠢᠷᠡᠭᠰᠡᠨ ᠶᠠᠩᠵᠤ ᠦᠭᠡᠢ ᠳᠣᠳᠣᠷᠠ ᠪᠠᠨ᠄ ᠬᠡᠷᠪᠡ ᠲᠡᠳᠡ ᠳᠡᠶᠢᠯᠬᠦ ᠦᠬᠡᠢ ᠪᠣᠯ ᠶᠠᠭᠠᠬᠢᠨᠠ ︖ ᠬᠡᠷᠪᠡ ᠪᠢ ᠠᠪᠢᠶᠠᠰ ᠪᠢᠯᠢᠭ ᠢᠶᠠᠨ | ᠶᠡᠷᠦ ᠪᠣᠰᠤ ᠪᠠᠷ ᠪᠠᠳᠠᠷᠠᠭᠤᠯᠪᠠᠯ ᠶᠠᠭᠠᠬᠢᠨᠠ︖ ᠪᠠᠭᠰᠢ ᠪᠣᠯᠣᠭᠰᠠᠳ ᠬᠡᠷᠬᠢᠨ ᠬᠦᠮᠦᠨ ᠢ ᠳᠣᠣᠷᠠ ᠦᠵᠡᠨᠡ ︖ ᠡᠨᠡ ᠴᠢᠨᠢ ᠬᠦᠮᠦᠨ ᠢ ᠦᠵᠡᠨ ᠶᠠᠳᠠᠵᠤ | ᠪᠠᠶᠢᠭᠠ ᠨᠢ ᠢᠯᠡᠬᠡᠨ ᠪᠠᠶᠢᠭᠠ ᠪᠢᠰᠢ ᠦᠦ︖ ᠭᠡᠵᠦ ᠪᠣᠳᠣᠯᠠ᠃ ᠶᠠᠭ ᠡᠶᠢᠨ ᠬᠦ ᠳᠡᠮᠡᠢ ᠯᠡ ᠪᠣᠳᠣᠯᠬᠢᠯᠠᠵᠤ ᠪᠠᠶᠢᠲᠠᠯᠠ᠂ ᠭᠡᠨᠡᠳᠲᠡ ᠱᠠᠩ ᠬᠠᠢ ᠲᠡᠭᠦᠨ ᠤ | ᠮᠦᠷᠦ ᠶᠢ ᠴᠢᠴᠢᠬᠦ ᠶᠤᠮ ᠃ ᠣᠣᠯ ᠨᠢ ᠵᠠᠩ ᠪᠠᠭᠰᠢ ᠲᠡᠭᠦᠨ ᠤ ᠨᠡᠷᠡ ᠶᠢ ᠳᠠᠭᠤᠳᠠᠭᠰᠠᠨ ᠪᠠᠶᠢᠵᠠᠢ᠃ ᠵᠠᠩ ᠪᠠᠭᠰᠢ ᠶᠡᠭᠡ ᠠᠭᠤᠷᠲᠠᠢ ᠪᠠᠷ ᠲᠡᠭᠦᠨ ᠢ ᠰᠢᠷᠲᠡᠨ᠄ ︽ | ᠪᠣᠳᠣᠯ ᠰᠡᠳᠭᠢᠯ ᠢᠶᠠᠨ ᠥᠭᠡᠷᠡ ᠲᠡᠶᠢᠰᠢ ᠵᠠᠯᠠᠭᠠᠳ ᠯᠡ᠂ ᠡᠨᠡ ᠦᠶᠡ ᠪᠣᠯᠵᠤ ᠪᠠᠶᠢᠲᠠᠯᠠ ᠴᠢ ᠪᠠᠰᠠ ᠰᠡᠳᠭᠢᠯ ᠲᠠᠯᠪᠢᠬᠤ ᠦᠬᠡᠢ ᠪᠠᠶᠢᠭᠰᠠᠭᠠᠷ ᠦᠦ ︖ ᠴᠢ | ᠴᠣᠣᠮ ᠬᠡᠳᠦᠢ ᠬᠤᠪᠢ ᠣᠯᠬᠤ ᠰᠠᠨᠠᠭᠠ ᠲᠠᠢ ᠶᠤᠮ︖︾ ᠭᠡᠪᠡ᠃ ᠶᠢᠨ ᠯᠢᠩ ᠠᠮᠠᠨ ᠤ ᠠᠭᠤᠯᠠ ᠶᠢᠨ ᠠᠮᠠ ᠪᠠᠷ᠄ ︽100︾ ᠭᠡᠪᠡ᠃ | ᠲᠡᠷᠡ ᠳᠣᠣᠷᠠ ᠨᠢ ᠫᠦᠰ ᠭᠡᠳᠡᠯᠡ ᠢᠨᠢᠶᠡᠯᠳᠦᠬᠦ ᠴᠢᠮᠡᠭᠡ ᠳᠣᠭᠤᠯᠳᠠᠪᠠ᠃ | ᠶᠢᠨ ᠯᠢᠩ ᠤᠨ ᠴᠢᠷᠠᠢ ᠨᠢ ᠣᠯᠠᠶᠢᠵᠤ ᠠᠭᠤᠷᠲᠠᠢ ᠪᠠᠷ᠄ ︽ ᠶᠠᠭᠤᠨ ᠳᠤ ᠨᠢ ᠢᠨᠢᠶᠡᠴᠢᠭᠡᠭᠰᠡᠨ ᠶᠤᠮ︖︾ ᠭᠡᠵᠦ ᠵᠠᠩᠳᠣᠷᠪᠠ᠃ ᠵᠠᠩ ᠪᠠᠭᠰᠢ ᠶᠢᠨ ᠴᠢᠷᠠᠢ | ᠳᠡᠭᠡᠷᠡ ᠬᠠᠷᠢᠨ ᠮᠦᠰᠢᠶᠡᠳᠦ ᠳᠣᠳᠣᠷᠠᠵᠣ ᠭᠠᠷ ᠢᠶᠠᠨ ᠠᠯᠠᠭᠠᠳᠠᠨ᠄ ︽ᠡᠷᠴᠢ ᠵᠣᠷᠢᠭ ᠰᠠᠶᠢᠨ ᠪᠠᠶᠢᠨᠠ᠂ ᠬᠡᠳᠡᠯᠡ ᠠᠯᠠᠩ ᠰᠠᠯᠠᠩ ᠪᠠᠶᠢᠬᠤ ᠶᠢ ᠪᠠᠳᠤᠯᠠᠬᠤ ᠬᠡᠷᠡᠭᠳᠡᠢ︾ | ᠬᠡᠪᠡ᠃ |