| ︽ ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ ᠰᠤᠷᠲᠠᠯ | ᠪᠦᠷᠢᠨᠪᠠᠶᠠᠷ ᠵᠣᠬᠢᠶᠠᠪᠠ | ᠨᠢᠳᠤᠨᠤᠨ ᠤ 5 ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠶᠤᠮ ᠳ᠋ᠠᠭ᠃ ᠰᠢᠨᠡ ᠳᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯ ᠤᠨ ᠬᠢᠵᠢᠭ ᠤᠨ ᠬᠤᠷᠢᠭᠠ ᠰᠡᠷᠭᠡᠶᠢᠯᠡᠯᠲᠡ ᠬᠠᠷᠠᠬᠠᠨ | ᠲᠠᠯᠪᠢᠭᠳᠠᠭᠠ ᠦᠬᠡᠢ᠂ ᠬᠦᠮᠦᠰ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠤᠬᠤ ᠳᠤ ᠪᠠᠨ ᠪᠦᠷ ᠠᠮᠠᠪᠴᠢ ᠵᠡᠭᠦᠵᠦ᠂ ᠣᠷᠣᠵᠣ ᠭᠠᠷᠬᠤ ᠳᠤ ᠪᠡᠶᠡ ᠶᠢᠨ ᠳᠤᠯᠠᠭᠠᠨ ᠢ ᠨᠢ | ᠪᠠᠶᠢᠴᠠᠭᠠᠳᠠᠭ ᠢᠶᠠᠷ ᠦᠯᠦ ᠪᠠᠷᠠᠨ ᠬᠠᠮᠢᠭᠠ ᠠᠴᠠ ᠢᠷᠡᠭᠰᠡᠨ᠂ ᠬᠠᠮᠢᠭᠠ ᠬᠦᠷᠬᠦ ᠭᠡᠵᠦ ᠪᠠᠶᠢᠭᠠ᠂ ᠶᠠᠭᠤᠨ ᠳᠤ ᠶᠠᠪᠤᠵᠤ ᠪᠠᠶᠢᠬᠤ᠂ ᠪᠡᠶᠡ ᠶᠢᠨ ᠦᠨᠡᠮᠯᠡᠯ᠂ ᠭᠠᠷ | ᠤᠲᠠᠰᠤᠨ ᠤ ᠨᠤᠮᠧᠷ ᠵᠢᠴᠢ ᠪᠠᠶᠢᠭᠤᠯᠭᠠ᠂ ᠰᠠᠭᠤᠵᠤ ᠪᠠᠶᠢᠭᠠ ᠲᠤᠭᠤᠷᠢᠭ ᠭᠡᠬᠦ ᠮᠡᠲᠦ ᠪᠠᠷ ᠨᠠᠷᠢᠨ ᠨᠢᠮᠪᠠᠢ ᠳᠠᠩᠰᠠᠯᠠᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠰᠠᠨ ᠦᠶᠡ ᠪᠢᠯᠡ᠃ | ᠬᠠᠭᠠᠰ ᠵᠢᠯ ᠬᠠᠮᠢᠭᠠ ᠴᠦ ᠣᠴᠢᠭᠠ ᠦᠬᠡᠢ ᠂ ᠬᠠᠭᠠᠯᠭᠠ ᠡᠭᠦᠳᠡ ᠪᠠᠨ ᠳᠠᠷᠤᠨ ᠬᠢᠳᠡᠯ ᠠᠯᠳᠠᠨ ᠪᠤᠬᠢᠨᠢᠳᠤᠨ ᠠᠲᠠᠯᠠ ᠦᠬᠠᠨ ᠤ ᠬᠢᠵᠢᠭ ᠤᠨ ᠪᠠᠶᠢᠳᠠᠯ | ᠨᠡᠯᠢᠶᠡᠳ ᠨᠠᠮᠳᠠᠵᠤ᠂ ᠨᠢᠰᠭᠡᠯ᠂ ᠭᠠᠯᠲᠤ ᠲᠡᠷᠭᠡ᠂ ᠠᠶᠠᠨᠴᠢᠳ ᠤᠨ ᠮᠠᠰᠢᠨ ᠦᠨᠳᠦᠰᠦᠨ ᠳᠤ ᠪᠠᠨ ᠨᠡᠪᠲᠡᠷᠡᠭᠡᠳ᠂ ᠬᠦᠮᠦᠰ ᠠᠵᠢᠯ ᠶᠠᠪᠤᠳᠠᠯ ᠳᠤ ᠪᠠᠨ ᠮᠣᠩᠬᠢᠨᠠᠵᠤ | ᠡᠬᠢᠯᠡᠵᠡᠢ᠃ ᠬᠤᠭᠤᠯᠠᠨ ᠭᠡᠷ ᠲᠤ ᠴᠤ ᠠᠷᠪᠠᠨ ᠬᠦᠮᠦᠨ ᠠᠴᠠ ᠳᠣᠭᠤᠭᠰᠢᠬᠢ ᠬᠦᠮᠦᠨ ᠨᠠᠶᠢᠷᠯᠠᠵᠤ ᠪᠣᠯᠬᠤ ᠪᠣᠯᠵᠠᠢ᠃ | ᠶᠠᠭ ᠡᠨᠡ ᠦᠶᠡ ᠳᠤ ᠨᠠᠳᠠ ᠳᠤ ᠨᠢᠭᠡᠨ ᠤᠲᠠᠰᠤ ᠢᠷᠡᠭᠡᠳ᠄ | — ᠪᠦ᠊ ᠪᠠᠭᠰᠢ ᠡ᠂ ᠬᠢᠵᠢᠭ ᠨᠡᠯᠢᠶᠡᠳ ᠳᠠᠷᠣᠭᠳᠠᠴᠢᠬᠠᠯᠠ᠃ ᠵᠢᠭᠠᠬᠠᠨ ᠰᠠᠯᠬᠢ ᠠᠪᠴᠣ ᠭᠡᠷ ᠠᠴᠠ ᠪᠠᠨ ᠭᠠᠷᠴᠣ ᠢᠷᠡᠨ ᠵᠣᠭᠤᠭᠳᠠᠵᠤ ᠰᠠᠭᠤᠬᠤ ᠦᠬᠡᠢ | ᠦᠦ︖ ᠭᠡᠨᠡ᠃ | — ᠬᠦᠶ᠋ᠢ᠂ ᠲᠠ ᠬᠡᠳᠦᠢ ᠪᠦᠳᠦᠭᠦᠨ ᠵᠢᠷᠦᠬᠡ ᠲᠠᠢ ᠬᠦᠮᠦᠨ ᠶᠤᠮ︖ ᠣᠶᠢᠷᠠ ᠰᠠᠳᠤᠨ ᠤ ᠳᠤ ᠪᠠᠨ ᠪᠠᠰᠠ ᠠᠶᠤᠵᠤ ᠣᠴᠢᠬᠤ ᠦᠬᠡᠢ ᠴᠠᠭ᠂ ᠬᠡᠨ | ᠬᠤᠭᠤᠯᠠᠨ ᠭᠡᠷ ᠡᠷᠢᠵᠦ ᠭᠦᠶᠦᠬᠦ ᠪᠣᠢ ︖ ᠭᠡᠪᠡᠯ᠄ | — ᠰᠡᠵᠢᠭ ᠦᠬᠡᠢ ᠪᠣᠯ ᠠᠵᠢᠭ ᠦᠬᠡᠢ ᠭᠡᠳᠡᠭ ᠶᠣᠰᠣᠲᠠᠢ ᠮᠡᠷᠭᠡᠨ ᠦᠭᠡ ᠪᠠᠶᠢᠭᠠ ᠰᠢᠦ ᠂ ᠪᠦ᠊ ᠪᠠᠭᠰᠢ ᠡ᠂ ᠪᠢ ᠡᠷᠭᠢᠨ ᠲᠠᠨ ᠲᠠᠢ ᠨᠢᠭᠡᠨ ᠴᠢᠬᠤᠯᠠ | ᠤᠴᠢᠷ ᠢ ᠵᠦᠪᠳᠡᠶᠡ ᠭᠡᠰᠡᠨ ᠶᠤᠮ᠃ ᠰᠠᠷᠠ ᠰᠢᠨᠡ ᠳᠤ ᠨᠠᠶᠢᠷᠯᠠᠯᠳᠤᠵᠤ ᠳᠡᠶᠢᠯᠦᠭᠡ ᠦᠬᠡᠢ ᠪᠠᠨ ᠨᠦᠬᠦᠪᠦᠷᠢᠯᠡᠵᠦ ᠪᠠᠶᠢᠭᠠ ᠶᠤᠮ ᠦᠦ ︖ ᠪᠣᠦ ᠮᠡᠳᠡ︕ ᠬᠦᠮᠦᠰ | ᠬᠤᠭᠤᠯᠠᠨ ᠭᠡᠷ ᠲᠤ ᠬᠤᠷᠠᠨ ᠴᠣᠭᠯᠠᠷᠠᠴᠢᠬᠠᠬᠤ ᠪᠣᠯᠴᠢᠬᠠᠭᠰᠠᠨ᠃ ᠪᠢᠳᠡ ᠠᠷᠢᠬᠢ ᠳᠠᠷᠠᠰᠤ ᠤᠤᠭᠤᠬᠤ ᠦᠬᠡᠢ᠂ ᠰᠡᠯᠡᠭᠦᠦ ᠰᠢᠭ ᠴᠠᠢ ᠶᠢᠨ ᠮᠤᠬᠤᠯᠠᠭ ᠣᠯᠵᠣ | ᠵᠣᠭᠤᠭᠳᠠᠵᠤ ᠰᠠᠭᠤᠶᠠ ᠭᠡᠨᠡ᠃ | — ᠶᠠᠭᠠᠷᠠᠣ ᠶᠠᠪᠤᠳᠠᠯ ᠲᠠᠢ ᠡᠷᠢᠨ ᠪᠠᠶᠢᠭᠠ ᠶᠢ ᠴᠢᠨᠢ ᠮᠡᠳᠡᠵᠦ ᠪᠠᠶᠢᠨᠠ᠃ ᠬᠠᠭᠠᠰ ᠵᠢᠯ ᠠᠭᠤᠯᠵᠠᠭᠠ ᠦᠬᠡᠢ ᠶᠤᠮ ᠴᠢᠨᠢ ᠬᠡᠯᠡᠯᠴᠡᠵᠦ ᠰᠠᠭᠤᠶᠠ ᠭᠡᠵᠦ | ᠰᠠᠨᠠᠨᠠ ᠰᠢᠦ᠃ ᠭᠡᠲᠡᠯᠡ ᠪᠤᠯᠳᠠᠭ ᠪᠢᠯᠡ ᠦᠦ ᠳ᠋ᠠ︖ ᠭᠡᠵᠦ ᠪᠢ ᠬᠡᠳᠦᠢ ᠡᠷᠡᠭᠡᠯᠵᠡᠨ ᠳᠠᠳᠠᠭᠠᠯᠵᠠᠭᠰᠠᠨ ᠴᠤ ᠬᠠᠰᠢ ᠯᠡ ᠣᠨᠴᠠᠭᠠᠢ ᠵᠠᠯᠠᠯᠭᠠ ᠶᠢ ᠨᠢ ᠬᠦᠯᠢᠶᠡᠨ | ᠠᠪᠴᠠᠢ᠃ | ᠬᠦᠬᠡᠬᠤᠲᠠ ᠶᠢᠨ ᠴᠠᠢ ᠶᠢᠨ ᠮᠤᠬᠤᠯᠠᠭ ᠭᠡᠳᠡᠭ ᠴᠢᠨᠢ ᠦᠨᠡᠨᠳᠡᠭᠡᠨ ᠬᠤᠭᠤᠯᠠᠨ ᠭᠡᠷ ᠲᠠᠢ ᠳᠡᠮᠡᠢ ᠴᠤ ᠢᠯᠭᠠᠭᠠ ᠦᠬᠡᠢ ᠶᠤᠮᠰᠠᠨ᠃ ᠬᠠᠭᠤᠷᠣᠯᠭᠠ ᠬᠠᠭᠠᠷᠢᠯᠭᠠ | ᠭᠡᠵᠦ ᠲᠡᠶᠢᠮᠦ ᠣᠯᠠᠨ ᠪᠠᠶᠢᠳᠠᠭ ᠦᠬᠡᠢ ᠪᠣᠯᠪᠠᠴᠣ ᠬᠤᠭᠤᠯᠠᠢ ᠭᠤᠪᠣᠭᠤᠨᠠᠭᠤᠯᠣᠮᠠ ᠬᠤᠨᠢ ᠦᠬᠡᠷ ᠤᠨ ᠱᠠᠩᠳᠠᠭᠤᠨ ᠮᠢᠬᠠ᠂ ᠰᠢᠯᠦᠰᠦ ᠭᠤᠭᠤᠵᠢᠭᠤᠯᠣᠮᠠ ᠲᠠᠭᠠᠨᠠ | ᠬᠦᠮᠡᠯᠢ ᠲᠠᠷᠭᠤᠨ ᠮᠢᠬᠠ ᠲᠠᠢ ᠪᠤᠤᠰᠠ ᠵᠢᠴᠢ ᠱᠦᠯᠦ ᠲᠠᠢ ᠭᠤᠯᠢᠷ ᠂ ᠰᠢᠷᠠ ᠲᠣᠰᠣ ᠲᠠᠢ ᠪᠣᠣᠪᠤ ᠠᠩᠬᠢᠯᠤᠮᠠ ᠰᠢᠷᠭᠠᠯ ᠰᠦ ᠲᠠᠢ ᠴᠠᠢ ᠵᠡᠷᠭᠡ ᠤᠯᠠᠭᠠᠨ ᠴᠠᠭᠠᠨ | ᠢᠳᠡᠭᠡ ᠪᠠᠷ ᠳᠤᠲᠠᠬᠤ ᠪᠠᠷ ᠦᠬᠡᠢ᠃ | ᠠᠷᠢᠬᠢᠨ ᠬᠤᠨᠳᠠᠭᠠ ᠭᠤᠷᠪᠠ ᠡᠷᠭᠢᠬᠦ ᠪᠠᠷ ︽ᠦᠨᠢᠷ ᠴᠡᠴᠡᠭ ︾ ᠰᠡᠳᠭᠦᠯ ᠤᠨ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠠᠴᠠ ᠪᠠᠨ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ | ᠬᠤᠷᠢᠶᠠᠨ ᠳᠠᠷᠤᠭᠠ ᠂ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠪᠠᠷ ᠠᠵᠢᠯ ᠰᠢᠯᠵᠢᠨ ᠣᠴᠢᠭᠠᠳ ᠤᠳᠠᠭᠠ ᠦᠬᠡᠢ ᠬᠤᠣᠰ ᠲᠤᠰᠢᠶᠠᠯ ᠲᠠᠢ ᠶᠠᠪᠤᠭᠠ ᠬᠠᠢ ᠹᠧᠩ᠄ | — 3 ᠰᠠᠷᠠ ᠶᠢᠨ 5 ᠤ ᠣᠷᠣᠢ ᠶᠢᠨ ᠲᠥᠪ ᠲᠧᠯᠸᠢᠰ ᠤᠨ ᠰᠣᠨᠢᠨ ᠮᠡᠳᠡᠭᠡ ᠶᠢ ᠪᠠᠭᠰᠢ ᠲᠠ ᠦᠵᠡᠯᠡ ᠪᠢᠵᠡ ︖ ᠭᠡᠵᠦ ᠵᠣᠭᠤᠭ ᠤᠨ ᠣᠭᠤᠲᠠ ᠶᠢ | ᠨᠡᠬᠡᠬᠡᠬᠡᠳ ᠨᠢᠳᠦ ᠪᠠᠷ ᠢᠶᠠᠨ ᠢᠨᠢᠶᠡᠪᠡ᠃ | — ᠦᠵᠡᠭᠰᠡᠨ᠃ ᠲᠠ ᠪᠠᠷᠤᠭ ᠮᠢᠨᠦ ᠨᠤᠲᠤᠭ ᠤᠨ ᠵᠠᠯᠠᠭᠤ ᠡᠦ ᠶᠦᠨ ᠪᠦᠸᠧ ᠶᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠪᠦᠬᠦ ᠣᠯᠣᠰ ᠤᠨ | ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠭᠤᠷᠪᠠᠳᠤᠭᠠᠷ ᠪᠦᠭᠦᠳᠡ ᠬᠤᠷᠠᠯᠳᠤᠭᠠᠨ ᠳᠡᠭᠡᠷᠡ ᠰᠢ ᠶᠢᠨ ᠫᠢᠩ ᠶᠡᠷᠦᠩᠬᠡᠢ ᠱᠦᠵᠢ ᠳᠤ ︽ᠮᠠᠯᠴᠢᠨ ᠠᠶᠢᠯ | ᠦᠬᠡᠷ ᠲᠡᠵᠢᠭᠡᠬᠦ ᠲᠤᠰᠬᠠᠢ ᠬᠤᠷᠰᠢᠶᠠᠵᠢᠯ︾ ᠤᠨ ᠢᠶᠠᠨ ᠲᠤᠬᠠᠢ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠬᠢᠭᠰᠡᠨ ᠪᠠᠶᠢᠭᠠ ᠶᠢ ᠠᠰᠠᠭᠤᠵᠤ ᠪᠠᠶᠢᠨᠠ ᠦᠦ︖ ᠭᠡᠪᠡᠯ᠄ | — ᠲᠡᠶᠢᠮᠦ ᠡ ᠂ ᠬᠥᠬᠡ ᠦᠩᠭᠡ ᠲᠠᠢ ᠲᠡᠷᠯᠢᠭ ᠢᠶᠠᠨ ᠲᠡᠷᠡᠶᠢᠳᠡᠯᠡ ᠬᠡᠳᠡᠷᠴᠦ ᠂ ᠬᠥᠬᠡ ᠰᠠᠮᠫᠠᠨ ᠲᠠᠢ ᠮᠠᠯᠠᠭᠠᠢ ᠶᠢ ᠲᠡᠷᠢᠭᠦᠨ ᠳᠤ ᠪᠠᠨ ᠳᠠᠷᠤᠵᠤ᠂ ᠬᠤᠷᠳᠤᠨ | ᠴᠤ ᠪᠢᠰᠢ ᠤᠳᠠᠭᠠᠨ ᠴᠤ ᠪᠢᠰᠢ ᠦᠭᠡᠨ ᠳᠤ ᠪᠠᠨ ᠪᠠᠶᠢᠨ ᠳᠠᠬᠢᠨ ︽ᠮᠠᠯᠴᠢᠨ ᠠᠶᠢᠯ︾ ᠭᠡᠲᠡᠯᠡ ︽ᠵᠡᠭᠦᠨ ᠰᠠᠯᠠᠭᠠ ᠭᠠᠴᠠᠭᠠ︾ ᠭᠡᠬᠦ ᠨᠡᠷᠡᠶᠢᠳᠦᠯ ᠢ | ᠬᠠᠪᠴᠢᠭᠤᠯᠣᠨ ᠶᠠᠷᠢᠭᠠᠳ᠂ ᠶᠡᠷᠦᠩᠬᠡᠢ ᠱᠦᠵᠢ ᠳᠤ ᠭᠠᠴᠠᠭᠠ ᠠᠶᠢᠯ ᠳᠤ ᠣᠴᠢᠬᠤ ᠵᠠᠮ ᠢᠶᠠᠨ ᠵᠢᠭᠠᠨ ᠥᠭᠴᠦ ᠪᠠᠶᠢᠭᠰᠠᠨ ᠵᠠᠷᠤᠳ ᠬᠤᠰᠢᠭᠤᠨ ᠤ ᠪᠠᠶᠠᠨᠲᠠᠯᠠ | ᠰᠤᠮᠤ ᠶᠢᠨ ᠵᠡᠭᠦᠨ ᠰᠠᠯᠠᠭᠠ ᠭᠠᠴᠠᠭᠠ ᠶᠢᠨ ᠨᠠᠮ ᠤᠨ ᠡᠭᠦᠷ ᠤᠨ ᠱᠦᠵᠢ᠂ ᠭᠠᠴᠠᠭᠠ ᠶᠢᠨ ᠵᠦᠪᠯᠡᠯ ᠤᠨ ᠡᠷᠬᠢᠯᠡᠭᠴᠢ᠂ ︽ᠮᠠᠯᠴᠢᠨ ᠠᠶᠢᠯ ᠦᠬᠡᠷ ᠲᠡᠵᠢᠭᠡᠬᠦ | ᠲᠣᠰᠬᠠᠢ ᠬᠤᠷᠰᠢᠶᠠᠵᠢᠯ︾ ᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠳᠠᠷᠤᠭᠠ ᠡᠦ ᠶᠦᠨ ᠪᠦᠸᠧ ᠶᠢ ᠬᠡᠯᠡᠵᠦ ᠪᠠᠶᠢᠨᠠ᠃ | — ᠦᠨᠡᠬᠡᠷ ᠭᠡᠮ ᠃ ᠡᠨᠡ ᠵᠠᠯᠠᠭᠤ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠰᠣᠨᠣᠰᠣᠭᠠᠳ ᠪᠢ ᠮᠠᠰᠢ ᠰᠡᠳᠭᠢᠯ ᠬᠦᠳᠡᠯᠵᠡᠢ᠃ ᠬᠡᠴᠢᠨᠡᠬᠡᠨ ᠵᠢᠯ ᠤᠨ ︽ᠶᠠᠳᠠᠭᠤ | ᠭᠠᠴᠠᠭᠠ︾ ᠭᠡᠰᠡᠨ ᠮᠠᠯᠠᠭᠠᠢ ᠶᠢ ᠠᠪᠴᠣ ᠬᠠᠶᠠᠭᠠᠳ 132 ᠡᠷᠦᠬᠡ ᠮᠠᠯᠴᠢᠨ ᠢ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠵᠤ᠂ ᠪᠦᠬᠦ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠳ ᠤᠨ | ᠲᠡᠭᠰᠢᠳᠭᠡᠭᠰᠡᠨ ᠣᠷᠣᠯᠭᠠ ᠶᠢ 172 ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ ᠲᠤ ᠬᠦᠷᠭᠡᠬᠦ ᠭᠡᠭᠴᠢ ᠨᠡᠬᠡᠷᠡᠨ ᠬᠢᠯᠪᠠᠷ ᠦᠬᠡᠢ︕ ᠭᠡᠬᠦ ᠪᠠᠷ ᠬᠠᠢ ᠹᠧᠩ᠄ | — 2014 ᠣᠨ ᠤ ᠡᠬᠢᠨ ᠳᠤ ᠪᠠᠶᠢᠭᠤᠯᠣᠭᠳᠠᠭᠰᠠᠨ ︽ᠮᠠᠯᠴᠢᠨ ᠠᠶᠢᠯ ᠬᠤᠷᠰᠢᠶᠠᠵᠢᠯ︾ ᠨᠢ ᠲᠠᠪᠤᠨ ᠵᠢᠯ ᠳᠤ 6 ᠤᠳᠠᠭᠠ ᠂ ᠨᠡᠶᠢᠲᠡ 8 ᠲᠦᠮᠡ | ᠭᠠᠷᠤᠢ ᠠᠰᠢᠭ ᠣᠷᠣᠯᠭᠠ ᠬᠤᠪᠢᠶᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠂ ᠮᠠᠯᠴᠢᠳ ᠤᠨ ᠡᠮᠦᠨᠡ ᠠᠴᠠ ᠬᠠᠮᠲᠤᠷᠠᠭᠰᠠᠨ ᠡᠮᠨᠡᠯᠭᠡ ᠶᠢᠨ ᠳᠠᠭᠠᠳᠬᠠᠯ ᠪᠠ ᠡᠳ᠋ ᠬᠦᠷᠦᠩᠭᠡ ᠶᠢᠨ | ᠳᠠᠭᠠᠳᠬᠠᠯ ᠭᠡᠵᠦ 14 ᠲᠦᠮᠡᠨ ᠮᠦᠩᠭᠦ ᠲᠤᠰᠢᠶᠠᠭᠰᠠᠨ ᠨᠢ ᠪᠦᠬᠦ ᠭᠠᠴᠠᠭᠠ ᠶᠢᠨ ᠮᠠᠯᠴᠢᠳ ᠢᠶᠠᠨ ᠥᠪ ᠦᠨᠡᠨ ᠬᠦ ᠵᠣᠯ ᠵᠢᠷᠭᠠᠯ ᠲᠠᠢ ᠂ ᠣᠯᠵᠠ ᠣᠮᠤᠭ ᠲᠠᠢ ᠂ | ᠠᠮᠤᠷ ᠲᠦᠪᠰᠢᠨ ᠠᠵᠤ ᠲᠦᠷᠦᠬᠦ ᠪᠤᠯᠭᠠᠵᠠᠢ︕ ᠭᠡᠳ ᠲᠡᠷᠡ ᠡᠷᠡᠬᠡᠢ ᠭᠠᠷᠭᠠᠪᠠ᠃ | ᠪᠢ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠬᠡᠩᠭᠡᠷᠭᠡ ᠳᠡᠭᠡᠷᠡ ᠪᠤᠷᠴᠠᠭ ᠬᠠᠶᠠᠬᠤ ᠮᠡᠲᠦ ᠤᠭᠰᠠᠷᠠᠭᠤᠯᠤᠨ ᠬᠡᠯᠡᠬᠦ ᠶᠢ ᠨᠢ ᠰᠣᠨᠣᠰᠤᠭᠠᠳ ᠭᠠᠶᠢᠬᠠᠨ | ᠪᠢᠰᠢᠷᠡᠵᠡᠢ᠃ ᠬᠡᠵᠢᠶᠡ ᠬᠤᠷᠰᠢᠶᠠ ᠪᠠᠶᠢᠭᠤᠯᠣᠭᠰᠠᠨ᠂ ᠬᠡᠳᠦᠢ ᠡᠷᠦᠬᠡ ᠮᠠᠯᠴᠢᠳ ᠢ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠣᠭᠰᠠᠨ᠂ ᠬᠤᠷᠰᠢᠶᠠᠵᠢᠯ ᠤᠨ ᠬᠢᠨ ᠬᠡᠳᠦ ᠤᠳᠠᠭᠠ | ᠠᠰᠢᠭ ᠣᠷᠣᠯᠭᠠ ᠬᠤᠪᠢᠶᠠᠭᠰᠠᠨ ᠂ ᠮᠠᠯᠴᠢᠳ ᠢ ᠣᠷᠣᠯᠠᠨ ᠬᠡᠳᠦᠢ ᠮᠦᠩᠭᠦ ᠶᠢᠨ ᠬᠠᠮᠲᠤᠷᠠᠭᠰᠠᠨ ᠡᠮᠨᠡᠯᠭᠡ ᠶᠢᠨ ᠳᠠᠭᠠᠳᠬᠠᠯ ᠪᠠ ᠡᠳ᠋ ᠬᠦᠷᠦᠩᠭᠡ ᠶᠢᠨ ᠳᠠᠭᠠᠳᠬᠠᠯ | ᠲᠤᠰᠢᠶᠠᠨ ᠪᠠᠶᠢᠭᠠ ᠶᠢ ᠲᠡᠷᠡ ᠪᠠᠷ ᠨᠢᠭᠡ ᠯᠡ ᠤᠳᠠᠭᠠ ᠲᠧᠯᠸᠢᠰ ᠦᠵᠡᠮᠡᠭᠴᠡ ᠪᠠᠨ ᠶᠠᠭᠤ ᠶᠦᠨᠦᠭ ᠦᠬᠡᠢ ᠪᠦᠬᠦᠨ ᠢ ᠴᠡᠭᠡᠵᠢᠯᠡᠴᠢᠬᠡᠭᠰᠡᠨ ᠠᠵᠢ᠃ | ᠡᠨᠡ ᠲᠤᠬᠠᠢ ᠳᠤ ︽ᠣᠯᠣᠰ ᠲᠦᠷᠦᠴᠢᠨ ᠰᠣᠨᠢᠨ ᠰᠡᠳᠭᠦᠯ ᠡᠷᠬᠢᠯᠡᠬᠦ ᠬᠡᠷᠡᠭᠲᠡᠢ︾ ᠭᠡᠰᠡᠨ ᠲᠥᠷᠦ ᠵᠠᠰᠠᠭ ᠤᠨ ᠵᠢᠭᠠᠪᠤᠷᠢ ᠮᠢᠨᠦ ᠪᠣᠳᠣᠯ ᠳᠤ ᠳᠣᠯᠠᠰᠬᠢᠨ | ᠳᠣᠳᠣᠷᠠᠬᠤ ᠶᠢᠨ ᠳᠠᠭᠠᠤ ᠂ ᠡᠳᠡᠭᠡᠷ ᠪᠦᠬᠦᠨ ᠢ ᠲᠡᠷᠡ ᠪᠠᠷ ᠡᠶᠢᠮᠦᠷᠬᠦᠦ ᠳᠣᠳᠣᠬᠠᠨ ᠶᠠᠷᠢᠨ ᠪᠠᠶᠢᠭᠠ ᠨᠢ ᠯᠠᠪᠲᠠᠢ ᠴᠠᠭᠠᠨᠠ ᠪᠠᠨ ᠶᠠᠪᠤᠳᠠᠯ ᠲᠠᠢ ᠭᠡᠮᠡᠨ ᠲᠦᠰᠦᠪᠯᠡᠭᠡᠳ | ᠄ | — ᠲᠠ ᠲᠥᠪ ᠤᠨ ᠰᠣᠨᠢᠨ ᠮᠡᠳᠡᠭᠡ ᠶᠢ ᠶᠡᠷᠦ ᠨᠢ ᠡᠶᠢᠮᠦ ᠨᠠᠷᠢᠨ ᠦᠵᠡᠵᠦ ᠲᠣᠭᠲᠠᠭᠠᠳᠠᠭ ᠶᠤᠮ ᠦᠦ ︖ ᠭᠡᠵᠦ ᠯᠠᠪᠯᠠᠪᠠᠯ᠄ | — ᠰᠣᠨᠢᠨ ᠰᠡᠳᠭᠦᠯ ᠡᠷᠬᠢᠯᠡᠳᠡᠭ ᠬᠦᠮᠦᠨ ᠲᠥᠪ ᠤᠨ ᠰᠣᠨᠢᠨ ᠮᠡᠳᠡᠭᠡ ᠶᠢ ᠠᠩᠬᠠᠷᠬᠤ ᠦᠬᠡᠢ ᠪᠠᠷ ᠶᠠᠭᠠᠬᠢᠵᠤ ᠪᠣᠯᠬᠤ ᠪᠤᠢ᠃ ᠡᠦ ᠶᠦᠨ ᠪᠦᠸᠧ | ᠱᠦᠵᠢ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠮᠠᠰᠢ ᠶᠡᠭᠡ ᠳᠠᠭᠤᠷᠢᠶᠠᠯ ᠤᠨ ᠬᠦᠴᠦᠨ ᠲᠠᠢ᠃ ᠪᠤᠯᠳᠠᠭ ᠰᠡᠨ ᠪᠣᠯ ᠪᠠᠭᠰᠢ ᠲᠠ᠂ ᠨᠤᠲᠤᠭ ᠤᠨ ᠢᠶᠠᠨ ᠥᠨᠥᠬᠢ ᠵᠠᠯᠠᠭᠤ ᠶᠢ | ᠮᠠᠨ ᠤ ᠰᠡᠳᠭᠦᠯ ᠳᠤ ᠠᠮᠢᠯᠠᠭᠤᠯᠤᠭᠠᠳ ᠥᠭᠴᠢᠬᠡᠬᠦ ᠦᠦ ︕ ᠭᠡᠵᠦ ᠲᠡᠷᠡ ᠪᠠᠷ ᠤᠭ ᠰᠠᠨᠠᠭᠠ ᠪᠠᠨ ᠴᠣᠬᠤᠶᠢᠯᠭᠠᠪᠠ᠃ | ᠪᠢ ᠶᠤᠰᠤᠲᠠᠢ ᠶᠠᠭᠤ ᠬᠡᠯᠡᠬᠦ ᠪᠠᠨ ᠣᠯᠵᠣ ᠶᠠᠳᠠᠵᠠᠢ ᠃ ᠪᠣᠯᠣᠨᠠ ᠭᠡᠵᠦ ᠲᠣᠯᠣᠭᠠᠢ ᠳᠣᠬᠢᠬᠤ ᠦᠦ ︖ ᠨᠢᠭᠡ ᠨᠣᠮ ᠪᠢᠴᠢᠨᠡ ᠭᠡᠳᠡᠭ ᠲᠡᠶᠢᠮᠦ ᠬᠢᠯᠪᠠᠷ ᠦᠦ ᠳ᠋ᠠ︕ | ᠪᠠᠷᠢᠮᠲᠠᠲᠤ ᠷᠣᠮᠠᠨ ᠭᠡᠵᠦ ᠪᠠᠶᠢᠭᠠ ᠶᠤᠮ ᠴᠢᠨᠢ ᠪᠦᠲᠦᠭᠡᠯ ᠤᠨ ᠣᠷᠲᠤᠴᠠ᠂ ᠦᠷᠭᠡᠴᠡ᠂ ᠭᠦᠨᠴᠡ ᠪᠦᠷ ᠱᠠᠭᠠᠷᠳᠠᠯᠭᠠ ᠳᠤ ᠨᠡᠶᠢᠴᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠃ | ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ᠂ ᠡᠦ ᠶᠦᠨ ᠪᠦᠸᠧ ᠶᠢᠨ ᠦᠯᠢᠭᠡᠷ ᠤᠴᠢᠷ ᠨᠢ ᠨᠢᠭᠡ ᠢᠵᠢ ᠨᠣᠮ ᠪᠤᠯᠭᠠᠨ ᠪᠢᠴᠢᠬᠦ ᠳᠤ ᠬᠦᠷᠦᠯᠴᠡᠬᠦ ᠡᠰᠡᠬᠦ ︖ ᠡᠰᠡ ᠲᠡᠶᠢᠮᠦ ᠪᠣᠯ | ᠰᠠᠨᠠᠭᠠ ᠪᠠᠶᠢᠭᠠᠳ ᠣᠨᠤᠭᠠ ᠬᠦᠷᠬᠦ ᠦᠬᠡᠢ ᠶᠠᠪᠤᠳᠠᠯ ᠪᠣᠯᠴᠢᠬᠠᠬᠤ ᠨᠢ ᠲᠡᠷᠡ ᠪᠢᠰᠢ ᠦᠦ ︖ ᠪᠤᠯᠠᠬᠤ ᠦᠬᠡᠢ ᠭᠡᠵᠦ ᠲᠣᠯᠣᠭᠠᠢ ᠳᠠᠮᠠᠷᠣᠳᠠᠭᠤᠯᠬᠤ ᠦᠦ ︖ ︽ | ᠨᠤᠲᠤᠭ ᠤᠨ ᠢᠶᠠᠨ ᠵᠠᠯᠠᠭᠤ ᠪᠠᠨ︾ ᠭᠡᠵᠦ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠦᠭᠡ ᠶᠢᠨ ᠰᠢᠵᠢᠮ ᠢᠶᠠᠨ ᠬᠡᠳᠦ᠋ᠢᠨ ᠤ ᠲᠠᠯᠪᠢᠴᠢᠬᠠᠭᠰᠠᠨ ᠬᠤᠶᠢᠨᠠ ᠲᠠᠰᠤ | ᠬᠦᠯᠢᠶᠡᠬᠦ ᠦᠬᠡᠢ ᠪᠣᠯᠣᠭᠰᠠᠭᠠᠷ ᠬᠡᠨ ᠠᠯᠢ ᠨᠢ ᠭᠠᠰᠢᠭᠤᠨ ᠤᠲᠤᠭᠠ ᠳᠤ ᠬᠠᠭ᠋ᠠᠭᠰᠠᠨ ᠮᠡᠲᠦ ᠬᠤᠭᠤᠯᠠᠢ ᠪᠦᠭᠯᠡᠷᠡᠬᠦ ᠨᠢ ᠯᠠᠪᠲᠠᠢ᠃ | ᠪᠢ ᠬᠠᠷᠢᠭᠤ ᠦᠬᠡᠢ ᠬᠡᠳᠦᠨ ᠮᠢᠨᠦ᠋ᠲ ᠪᠣᠳᠣᠯᠭᠠᠰᠢᠷᠠᠪᠠ ᠃ ᠲᠦᠮᠡᠨ ᠬᠦᠮᠦᠨ ᠬᠥᠯ ᠭᠠᠷ ᠢᠶᠠᠨ ᠬᠤᠷᠢᠶᠠᠨ ᠪᠠᠶᠢᠲᠠᠯᠠ ᠡᠪᠦᠭᠡᠨ ᠪᠢ ᠶᠠᠭᠤ ᠭᠡᠮᠡᠨ ᠲᠡᠶᠢᠮᠦ | ᠬᠤᠯᠠ ᠭᠠᠵᠠᠷ ᠵᠣᠬᠢᠶᠠᠯ ᠪᠢᠴᠢᠬᠦ ᠭᠡᠵᠦ ᠣᠴᠢᠵᠤ ᠲᠡᠪᠵᠢᠶᠡᠷᠡᠬᠦ ᠪᠣᠢ ᠭᠡᠰᠡᠨ ᠮᠠᠶ᠋ᠢᠭ ᠲᠠᠢ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠶᠢ ᠪᠢ ᠬᠠᠷᠠᠵᠤ ᠠᠪᠤᠪᠠ᠃ | ︽ᠪᠢ ᠴᠤ ᠡᠨᠡ ᠬᠦ ᠰᠠᠨᠠᠭᠠ ᠪᠠᠨ ᠪᠠᠭᠰᠢ ᠲᠠᠨ ᠳᠤ ᠬᠡᠯᠡᠬᠦ ᠦᠦ ᠂ ᠪᠠᠶᠢᠬᠤ ᠦᠦ ︖ ᠭᠡᠵᠦ ᠳᠠᠬᠢᠨ ᠳᠠᠪᠳᠠᠨ ᠪᠣᠳᠣᠯᠬᠢᠯᠠᠵᠠᠢ᠃ ᠭᠡᠶᠡ᠂ ᠨᠤᠲᠤᠭ ᠤᠨ ᠢᠶᠠᠨ | ᠲᠤᠬᠠᠢ ᠤᠷᠲᠤ ᠪᠦᠲᠦᠭᠡᠯ ᠪᠢᠴᠢᠭᠡ ᠦᠬᠡᠢ ᠭᠡᠵᠦ ᠪᠠᠭᠰᠢ ᠲᠠ 10 ᠪᠤᠳᠢ ᠵᠣᠬᠢᠶᠠᠯ ᠤᠨ ᠲᠡᠭᠦᠪᠦᠷᠢ ᠶᠢᠨ ᠢᠶᠠᠨ ᠠᠩᠬᠠ ᠲᠠᠷᠬᠠᠭᠠᠬᠤ ᠶᠤᠰᠤᠯᠠᠯ ᠳᠤ ᠮᠠᠰᠢ | ᠬᠠᠷᠠᠮᠰᠠᠯᠲᠠᠢ ᠬᠡᠯᠡᠵᠦ ᠪᠠᠶᠢᠭᠰᠠᠨ ᠢ ᠴᠢᠨᠢ ᠰᠠᠨᠠᠵᠤ ᠣᠯᠣᠭᠠᠳ ᠡᠷᠡᠭᠡ ᠦᠬᠡᠢ ᠶᠠᠷᠢᠴᠢᠬᠠᠯᠠ᠃ ᠶᠡᠷᠦᠩᠬᠡᠢ ᠱᠦᠵᠢ ᠲᠠᠢ ᠨᠢᠭᠤᠷᠳᠠᠨ ᠰᠠᠭᠤᠵᠤ ᠪᠠᠶᠢᠭᠠᠳ ᠠᠶᠢᠯ | ᠭᠠᠴᠠᠭᠠ ᠶᠢᠨ ᠢᠶᠠᠨ ᠲᠤᠬᠠᠢ ᠠᠷᠪᠠᠨ ᠬᠡᠳᠦᠨ ᠮᠢᠨᠦ᠋ᠲ ᠤᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠬᠢᠬᠦ ᠭᠡᠭᠴᠢ ᠶᠠᠮᠠᠷ ᠶᠡᠭᠡ ᠠᠵᠠ ᠲᠤᠬᠢᠶᠠᠯ ᠪᠣᠯᠬᠤ ᠠᠵᠢ︕ ᠪᠢ ᠥᠨᠥᠬᠢ | ᠬᠠᠮᠤᠭ ᠤᠨ ᠶᠡᠭᠡ ᠪᠠᠶᠠᠷᠲᠤ ᠮᠡᠳᠡᠭᠡ ᠶᠢ ᠬᠠᠮᠤᠭ ᠤᠨ ᠲᠦᠷᠦᠬᠦᠦ ᠴᠠᠭ ᠲᠤ ᠬᠠᠮᠤᠭ ᠤᠨ ᠲᠦᠷᠭᠡᠨ ᠬᠤᠷᠳᠤᠴᠠ᠂ ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠂ ᠬᠠᠮᠤᠭ ᠤᠨ | ᠰᠤᠨᠢᠷᠬᠠᠯᠲᠠᠢ ᠦᠯᠢᠭᠡᠷ ᠦᠢᠯᠡ ᠪᠠᠷ ᠣᠩᠰᠢᠭᠴᠢᠳ ᠲᠤ ᠪᠠᠨ ᠳᠠᠮᠵᠢᠭᠤᠯᠣᠶᠠ ᠭᠡᠵᠦ ᠪᠣᠳᠣᠭᠠᠳ᠂ ᠪᠠᠭᠰᠢ ᠲᠠᠨ ᠢ ᠣᠨᠴᠠᠭᠠᠶᠢᠯᠠᠨ ᠤᠷᠢᠨ ᠪᠠᠶᠢᠭᠠ ᠨᠢ ᠡᠨᠡ︾ | ᠭᠡᠵᠦ ᠲᠡᠷᠡ ᠪᠠᠷ ᠶᠠᠷᠢᠨᠠ᠃ | ᠦᠨᠳᠦᠰᠦᠨ ᠱᠠᠲᠤᠨ ᠤ ᠱᠦᠵᠢ ᠡᠦ ᠶᠦᠨ ᠪᠦᠸᠧ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠬᠠᠷᠠᠭᠠᠳ ᠪᠢ ᠨᠢᠭᠡ ᠳᠣᠭᠳᠣᠯᠣᠯᠠ ᠭᠡᠬᠦ ᠳᠤ ᠬᠠᠢ ᠹᠧᠩ ᠶᠡᠷᠦᠩᠬᠡᠢ | ᠨᠠᠶᠢᠷᠠᠭᠤᠯᠣᠭᠴᠢ ᠶᠢᠨ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠭᠢᠯ ᠢ ᠮᠡᠳᠡᠷᠡᠭᠡᠳ ᠪᠠᠰᠠ ᠨᠢᠭᠡ ᠶᠡᠭᠡ ᠢᠭᠳᠦᠯᠵᠦ ᠪᠢᠯᠡ᠃ | 2000 ᠣᠨ ᠤ ᠡᠬᠢ ᠪᠠᠷ᠂ ᠪᠢ ᠴᠤ ᠶᠠᠳᠠᠭᠤ ᠶᠢ ᠲᠡᠳᠭᠦᠬᠦ ᠬᠦᠨᠳᠦ ᠡᠭᠦᠷᠭᠡ ᠶᠢ ᠠᠴᠢᠶᠠᠯᠠᠭᠠᠳ ᠬᠦᠳᠡᠭᠡ ᠲᠤᠰᠬᠤᠨ ᠤ ᠨᠢᠭᠡᠨ ᠭᠠᠴᠠᠭᠠ ᠶᠢ | ᠳᠠᠭᠠᠭᠠᠴᠢᠯᠠᠭᠰᠠᠨ ᠤᠳᠠᠭᠠ ᠲᠠᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠲᠦᠩᠯᠢᠶᠤᠤ ᠬᠤᠲᠠ ᠶᠢᠨ ᠬᠢᠨ᠂ ᠬᠤᠰᠢᠭᠤ ᠭᠠᠵᠠᠷ ᠤᠨ ᠳᠡᠰ ᠤᠨ ᠺᠠᠳ᠋ᠷ ᠬᠦᠮᠦᠨ ᠪᠦᠬᠦᠨ ᠨᠢᠭᠡ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠠᠶᠢᠯ ᠢ | ᠳᠠᠭᠠᠭᠠᠴᠢᠯᠠᠵᠤ᠂ ᠭᠤᠷᠪᠠᠨ ᠵᠢᠯ ᠳᠤ ᠶᠠᠳᠠᠭᠤ ᠮᠠᠯᠠᠭᠠᠢ ᠶᠢ ᠨᠢ ᠠᠪᠴᠣ ᠬᠠᠶᠠᠵᠤ ᠳᠡᠶᠢᠯᠪᠡᠯ᠂ ᠰᠠᠷᠠ ᠶᠢᠨ ᠴᠠᠯᠢᠩ ᠮᠦᠩᠭᠦ ᠶᠢ ᠨᠢ ᠬᠤᠶᠠᠷ ᠳᠡᠰ ᠦᠰᠦᠷᠭᠡᠨ | ᠱᠠᠩᠨᠠᠵᠤ᠂ ᠬᠡᠷᠪᠡ ᠭᠤᠷᠪᠠᠨ ᠵᠢᠯ ᠳᠤ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠵᠤ ᠳᠡᠶᠢᠯᠬᠦ ᠦᠬᠡᠢ ᠶᠤᠮ ᠪᠣᠯ ᠰᠠᠷᠠ ᠶᠢᠨ ᠴᠠᠯᠢᠩ ᠢ ᠨᠢ ᠨᠢᠭᠡ ᠳᠡᠰ ᠪᠠᠭᠤᠷᠠᠭᠤᠯᠤᠨ | ᠲᠤᠷᠭᠠᠭᠠᠬᠤ ᠭᠡᠰᠡᠨ ᠬᠤᠲᠠ ᠶᠢᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠤᠯᠠᠭᠠᠨ ᠦᠰᠦᠭᠲᠦ ᠮᠠᠲ᠋ᠧᠷᠢᠶᠠᠯ ᠤᠨ ᠳᠤᠭᠲᠠᠭᠠᠯ ᠲᠠᠢ᠃ ᠭᠡᠬᠦ ᠳᠤ ᠪᠠᠨ ᠳᠣᠷᠣᠭᠰᠢ ᠪᠠᠭᠤᠭᠰᠠᠨ | ᠺᠠᠳ᠋ᠷ ᠲᠤ ᠬᠤᠲᠠ ᠶᠢᠨ ᠡᠳ᠋ ᠤᠨ ᠵᠠᠰᠠᠭ ᠤᠨ ᠲᠣᠪᠴᠢᠶᠠ ᠠᠴᠠ ᠵᠢᠯ ᠳᠤ 10 ᠲᠦᠮᠡᠨ ᠵᠣᠭᠤᠰ ᠥᠭᠴᠦ᠂ ᠭᠤᠷᠪᠠᠨ ᠵᠢᠯ ᠳᠤ 30 ᠲᠦᠮᠡᠨ ᠮᠦᠩᠭᠦ ᠪᠠᠷ ᠶᠠᠳᠠᠭᠤ | ᠡᠷᠦᠬᠡ ᠶᠢᠨ ᠠᠮᠢᠳᠤᠷᠠᠯ ᠢ ᠥᠭᠡᠳᠡ ᠲᠠᠲᠠᠵᠤ᠂ ᠭᠠᠴᠠᠭᠠ ᠶᠢᠨ ᠥᠭᠡᠷᠡ ᠪᠤᠰᠤᠳ ᠬᠦᠮᠦᠰ ᠲᠠᠢ ᠠᠳᠠᠯᠢᠬᠠᠨ ᠠᠰᠢᠭ ᠣᠷᠣᠯᠭᠠ ᠲᠠᠢ ᠪᠣᠯᠭᠠᠬᠤ ᠠᠵᠢ᠃ | ᠨᠢᠭᠡᠨᠲᠡ ᠴᠠᠯᠢᠩ ᠬᠦᠯᠦᠰᠦ ᠲᠠᠢ ᠨᠢ ᠬᠡᠯᠡᠯᠴᠡᠴᠢᠬᠡᠭᠰᠡᠨ ᠤᠴᠢᠷ᠂ ᠶᠠᠳᠠᠭᠤ ᠠᠶᠢᠯ ᠢ ᠳᠠᠭᠠᠭᠠᠴᠢᠯᠠᠭᠰᠠᠨ ᠤᠳᠤᠷᠢᠳᠤᠯᠭᠠ ᠶᠢᠨ ᠬᠡᠨ ᠨᠢ ᠠᠮᠢ ᠴᠦᠯᠡᠨ ᠵᠢᠳᠬᠦᠬᠦ | ᠦᠬᠡᠢ ᠪᠠᠶᠢᠵᠤ ᠴᠢᠳᠠᠬᠤ ᠪᠢᠯᠡ ︕ ᠲᠡᠭᠡᠭᠡᠳ ᠡᠳ᠋ ᠤᠨ ᠵᠠᠰᠠᠭ ᠠᠴᠠ ᠪᠠᠭᠤᠯᠭᠠᠬᠤ 30 ᠲᠦᠮᠡᠨ ᠵᠣᠭᠤᠰ ᠢ ᠶᠠᠳᠠᠭᠤ ᠶᠢ ᠲᠡᠳᠭᠦᠬᠦ ᠺᠠᠳ᠋ᠷ ᠡᠷᠬᠡ ᠮᠡᠳᠡᠨ ᠬᠡᠷᠡᠭᠯᠡᠵᠦ | ᠪᠤᠯᠳᠠᠭ ᠤᠴᠢᠷ᠂ ᠬᠠᠰᠢᠶᠠᠨ ᠳᠣᠳᠣᠷᠠ ᠨᠢ ᠦᠬᠡᠷ ᠂ ᠬᠤᠨᠢ ᠢᠮᠠᠭᠠ ᠲᠠᠢ ᠂ ᠬᠦᠷᠢᠶᠡᠨ ᠳᠣᠳᠣᠷᠠ ᠨᠢ ᠭᠠᠭ᠋ᠠᠢ᠂ ᠳᠠᠬᠢᠶᠠ ᠭᠠᠯᠠᠭᠤ ᠲᠠᠢ ᠪᠤᠯᠵᠤ᠂ ᠭᠤᠷᠪᠠᠨ ᠵᠢᠯ | ᠳᠡᠭᠡᠷᠡ ᠪᠠᠨ ᠮᠠᠨ ᠤ ᠬᠢᠨ ᠤᠤᠯ ᠲᠤᠭᠳᠠᠭᠠᠯ ᠢᠶᠠᠷ ᠬᠤᠶᠠᠷ ᠳᠡᠰ ᠴᠠᠯᠢᠩ ᠦᠰᠦᠭᠰᠡᠨ ᠦᠬᠡᠢ ᠪᠣᠯᠪᠠᠴᠣ ᠬᠤᠶᠠᠷ ᠮᠢᠩᠭᠠᠨ ᠵᠣᠭᠤᠰ ᠢᠶᠠᠷ ᠱᠠᠩᠨᠠᠭᠳᠠᠪᠠ᠃ ᠭᠡᠪᠡᠴᠦ | ᠳᠠᠬᠢᠭᠠᠳ ᠭᠤᠷᠪᠠᠨ ᠵᠢᠯ ᠪᠣᠯᠬᠤᠯᠠᠷ᠂ ᠶᠠᠭᠤ ᠳᠤᠲᠠᠪᠠᠯ ᠶᠠᠭᠤ ᠶᠢ ᠨᠢ ᠬᠤᠳᠠᠯᠳᠤᠨ ᠠᠪᠴᠤ ᠥᠭᠭᠦᠭᠰᠡᠨ ᠲᠡᠳᠡᠭᠡᠷ ᠶᠠᠳᠠᠭᠤ ᠡᠷᠦᠬᠡ ᠶᠢᠨ ᠣᠯᠠᠩᠬᠢ ᠨᠢ ᠳᠠᠬᠢᠭᠠᠳ | ᠶᠠᠳᠠᠭᠤᠷᠠᠴᠢᠬᠠᠭᠰᠠᠨ ᠢ ᠶᠠᠭᠠᠬᠢᠯᠲᠠᠢ ᠪᠢᠯᠡ᠃ | ᠥᠨᠥᠬᠢ ᠨᠢ ᠭᠤᠣᠯᠳᠠᠭᠤ ᠡᠪᠡᠳᠴᠢᠨ ᠡᠮᠭᠡᠭ ᠲᠤ ᠳᠠᠷᠤᠯᠠᠭᠳᠠᠭᠰᠠᠨ ᠂ ᠦᠷᠡ ᠬᠡᠦᠭᠡᠳ ᠦᠮᠦᠭ ᠲᠦᠰᠢᠭ ᠦᠬᠡᠢ᠂ ᠠᠯᠵᠠᠭᠤ ᠵᠠᠯᠬᠠᠭᠤ ᠂ ᠠᠷᠢᠬᠢᠨ | ᠰᠣᠭᠲᠤᠭᠤ᠂ ᠮᠦᠷᠦᠢ ᠶᠢᠨ ᠨᠠᠭᠠᠳᠤᠮᠴᠢᠨ ᠡᠰᠡᠬᠦᠯᠡ ᠡᠵᠡᠩᠨᠡᠯᠲᠡ ᠬᠠᠮᠢᠶᠠᠷᠤᠯᠲᠠ ᠳᠤ ᠪᠠᠨ ᠠᠨᠠᠢ᠂ ᠴᠢᠨᠠᠭᠰᠢᠯᠠᠪᠠᠯ ᠦᠵᠡᠯ ᠪᠣᠳᠣᠯ ᠨᠢ ᠬᠤᠴᠣᠷᠣᠩᠭᠤᠢ ᠬᠡᠪᠰᠢᠮᠡᠯ | ᠮᠡᠲᠦ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠣᠭᠰᠠᠨ ᠨᠢ ᠳᠣᠳᠣᠷᠬᠠᠢ᠃ | ᠨᠢᠭᠤᠪᠠᠴᠣ ᠨᠢᠷᠤᠭᠤ ᠪᠠᠷ ᠨᠢ ᠢᠯᠡ᠂ ᠳᠠᠯᠳᠠᠯᠠᠪᠠᠴᠣ ᠳᠠᠯᠤ ᠪᠠᠷ ᠨᠢ ᠢᠯᠡ ᠡᠨᠡ ᠬᠦ ᠠᠰᠠᠭᠤᠳᠠᠯ ᠢ ᠪᠢ ᠤᠳᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠤᠨᠤᠭ ᠢᠶᠠᠷ | ᠪᠣᠳᠣᠯᠬᠢᠯᠠᠵᠠᠢ ᠃ ᠴᠢᠰᠤ ᠶᠡᠭᠦᠯᠡᠬᠦ ᠰᠢᠭ ᠡᠶᠢᠮᠦᠷᠬᠦᠦ ᠶᠠᠳᠠᠭᠤ ᠶᠢ ᠲᠡᠳᠭᠦᠬᠦ ᠠᠷᠭᠠ ᠬᠤᠯᠠ ᠶᠠᠪᠤᠵᠤ ᠳᠡᠶᠢᠯᠬᠦ ᠦᠬᠡᠢ ᠭᠡᠳᠡᠭ ᠢ ᠪᠢ ᠳᠣᠳᠣᠷᠬᠠᠢ ᠦᠵᠡᠵᠦ | ᠭᠠᠷᠤᠭᠰᠠᠨ ᠪᠣᠯᠪᠠᠴᠣ ᠴᠣᠬᠤᠮ ᠶᠠᠭᠠᠬᠢᠪᠠᠯ ᠰᠠᠶ᠋ᠢ ᠶᠠᠩᠵᠤ ᠪᠦᠷᠢ ᠶᠢᠨ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤᠭ ᠶᠠᠪᠤᠬᠤ ᠳᠣᠲᠤᠮ ᠤᠷᠤᠭᠤᠳᠠᠬᠤ ᠲᠡᠳᠡᠭᠡᠷ ᠬᠦᠮᠦᠰ ᠤᠨ | ᠠᠮᠢᠳᠤᠷᠠᠯ ᠢ ᠬᠡᠷᠬᠢᠨ ᠦᠨᠳᠦᠰᠦ ᠠᠴᠠ ᠨᠢ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠵᠠᠮ ᠢ ᠶᠡᠷᠦ ᠨᠢ ᠪᠤᠳᠤᠵᠤ ᠣᠯᠣᠭᠰᠠᠨ ᠦᠬᠡᠢ᠃ | ︽ᠮᠠᠯᠴᠢᠨ ᠠᠶᠢᠯ ᠦᠬᠡᠷ ᠲᠡᠵᠢᠭᠡᠬᠦ ᠬᠤᠷᠰᠢᠶᠠᠵᠢᠯ︾ ᠤᠨ ᠠᠨᠠᠷ ᠤᠨ ᠦᠷᠡ ᠰᠢᠭ ᠨᠢᠭᠳᠠᠷᠠᠯᠴᠠᠨ᠂ ᠮᠠᠯ ᠣᠨᠤᠭᠠ ᠂ ᠲᠠᠷᠢᠶᠠᠨ ᠭᠠᠵᠠᠷ᠂ ᠪᠡᠯᠴᠢᠭᠡᠷ | ᠬᠠᠳᠤᠯᠠᠩ᠂ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠳᠡᠳᠭᠦᠮᠵᠢ ᠶᠢᠨ ᠮᠦᠩᠭᠦ ᠵᠡᠷᠭᠡ ᠪᠠᠷ ᠢᠶᠠᠨ ᠬᠤᠷᠰᠢᠶᠠᠵᠢᠯ ᠳᠤ ᠬᠤᠪᠢ ᠣᠷᠣᠨ᠂ ᠬᠤᠷᠰᠢᠶᠠᠵᠢᠯ ᠠᠴᠠ ᠨᠢᠭᠡᠲᠦᠯᠲᠡᠢ | ᠡᠵᠡᠩᠨᠡᠨ ᠬᠠᠮᠢᠶᠠᠷᠴᠣ᠂ ᠬᠤᠪᠢ ᠣᠷᠣᠭᠰᠠᠨ ᠮᠠᠯᠴᠢᠨ ᠠᠷᠠᠳ ᠲᠤ ᠵᠢᠯ ᠪᠦᠷᠢ ᠠᠰᠢᠭ ᠮᠦᠩᠭᠦ ᠬᠤᠪᠢᠶᠠᠨ ᠥᠭᠬᠦ ᠪᠠᠷ ᠦᠯᠦ ᠪᠠᠷᠠᠨ ᠢᠳᠡᠭ ᠢᠳᠡᠭ ᠢᠶᠠᠷ ᠮᠠᠯ | ᠣᠨᠤᠭᠠ ᠴᠤ ᠬᠤᠪᠢᠳᠠᠨ ᠥᠭᠬᠦ ᠨᠢ ᠮᠢᠨᠦ ᠣᠨ ᠵᠢᠯᠵᠢᠨ ᠪᠤᠳᠤᠯᠭᠠᠰᠢᠷᠠᠭᠰᠠᠨ ᠡᠨᠡ ᠬᠦ ᠠᠰᠠᠭᠤᠳᠠᠯ ᠳᠤ ᠮᠣᠩᠭᠤᠯ ᠭᠡᠷ ᠤᠨ ᠡᠷᠦᠬᠡ ᠶᠢ ᠰᠡᠭᠦᠭᠰᠡᠨ ᠮᠡᠲᠦ ᠭᠡᠶᠢᠲᠡᠯᠡ | ᠬᠠᠷᠢᠭᠤᠯᠲᠠ ᠥᠭᠴᠡᠢ᠃ | ︽ᠡᠦ ᠶᠦᠨ ᠪᠦᠸᠧ ᠱᠦᠵᠢ ᠶᠢᠨ ︿ᠦᠬᠡᠷ ᠲᠡᠵᠢᠭᠡᠬᠦ ᠲᠤᠰᠬᠠᠢ ᠬᠤᠷᠰᠢᠶᠠᠵᠢᠯ﹀ ᠪᠠᠶᠢᠭᠤᠯᠣᠭᠰᠠᠨ ᠨᠢ ᠴᠢᠰᠤ ᠶᠡᠭᠦᠯᠡᠬᠦ ᠪᠢᠰᠢ᠂ ᠬᠠᠷᠢᠨ ᠴᠢᠰᠤ ᠪᠦᠲᠦᠭᠡᠬᠦ | ᠰᠢᠨᠡ ᠠᠷᠭᠠ ᠵᠠᠮ ᠢ ᠮᠠᠰᠢ ᠤᠶᠤᠨᠯᠢᠭ ᠨᠡᠬᠡᠬᠡᠵᠡᠢ︕︾ ᠭᠡᠰᠡᠨ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠶᠢᠨ ᠬᠤᠶᠠᠷᠬᠠᠨ ᠦᠭᠡ ᠨᠠᠮᠠ ᠶᠢ ᠰᠠᠭᠤᠵᠤ ᠶᠠᠳᠠᠮᠠ | ᠣᠪᠣᠯᠵᠠᠭᠤᠯᠣᠭᠠᠳ᠂ ︽ᠡᠪᠦᠭᠡᠨ ᠪᠠᠭᠰᠢ ᠨᠢ ᠴᠢᠩᠭᠢᠪᠡᠯ ᠨᠤᠲᠤᠭ ᠥᠭᠡᠳᠡ ᠪᠠᠨ ᠨᠢᠭᠡ ᠳᠠᠪᠬᠢᠭᠤᠯᠴᠢᠬᠠᠬᠤ ᠦᠦ ᠳ᠋ᠠ︕︾ ᠭᠡᠰᠡᠨ ᠦᠭᠡ ᠶᠢ ᠦᠪᠡᠷ ᠤᠨ ᠡᠷᠬᠡ | ᠦᠬᠡᠢ ᠬᠡᠯᠡᠨ ᠭᠠᠷᠭᠠᠪᠠ᠃ ᠦᠨᠡᠨ ᠳᠤ ᠪᠠᠨ ᠡᠨᠡ ᠦᠭᠡ ᠶᠢ ᠨᠠᠮᠠ ᠶᠢ ᠬᠡᠯᠡᠯᠡ ᠭᠡᠬᠦ ᠶᠢᠨ ᠣᠷᠣᠨ ᠳᠤ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠬᠡᠯᠡᠭᠦᠯᠵᠡᠢ ᠭᠡᠪᠡᠯ | ᠨᠡᠩ ᠣᠨᠣᠪᠴᠢᠲᠠᠢ ᠪᠠᠶᠢᠭᠠ ᠶᠤᠮ᠃ | ᠲᠡᠭᠡᠭᠡᠳ ᠰᠠᠷᠠ ᠰᠢᠬᠠᠮ ᠤᠨ ᠰᠣᠷᠪᠣᠯᠵᠢᠯᠠᠭᠠ ᠪᠠᠷ ᠳᠠᠮᠵᠢᠭᠠᠳ ᠪᠢᠳᠡ ᠪᠠᠷᠢᠮᠲᠠᠲᠤ ᠷᠣᠮᠠᠨ ︽ᠮᠠᠯᠴᠢᠨ ᠠᠶᠢᠯ ᠤᠨ ᠵᠠᠮ︾ ᠤᠨ ᠢᠶᠠᠨ ︽ᠮᠠᠯᠴᠢᠨ ᠵᠠᠯᠠᠭᠤ ᠶᠢᠨ | ᠠᠵᠠ ᠲᠤᠬᠢᠶᠠᠯ︾᠂ ︽ᠰᠠᠶᠢᠨ ᠬᠦᠮᠦᠨ ᠤ ᠦᠷᠡ︾᠂ ︽ᠵᠠᠷᠤᠳ ᠬᠤᠰᠢᠭᠤᠨ ᠳᠤ ᠵᠡᠭᠦᠨ ᠰᠠᠯᠠᠭᠠ ᠭᠡᠮᠡᠬᠦ ᠨᠢᠭᠡᠨ ᠭᠠᠴᠠᠭᠠ ᠪᠣᠢ︾᠂ ︽ᠮᠠᠯᠴᠢᠨ ᠠᠶᠢᠯ᠂ | ᠮᠠᠨ ᠤ ᠠᠶᠢᠯ︾ ᠭᠡᠬᠦ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠪᠠ ︽ᠠᠶᠢᠯ ᠤᠨ ᠣᠯᠣᠰ ᠲᠤ ᠪᠠᠨ ᠲᠣᠭᠤᠭᠳᠠᠭᠰᠠᠨ ᠵᠠᠯᠠᠭᠤ︾᠂ ︽ᠭᠠᠴᠠᠭᠠᠨ ᠤ ᠵᠦᠪᠯᠡᠯ ᠤᠨ ᠰᠢᠨᠡ ᠡᠷᠬᠢᠯᠡᠭᠴᠢ︾ | ᠂ ︽ᠦᠶᠡᠷ ᠢ ᠰᠡᠷᠭᠡᠶᠢᠯᠡᠬᠦ ᠬᠠᠰᠢᠯᠭᠠ︾᠂ ︽ᠺᠠᠩ ᠡᠵᠢ ᠶᠢᠨ ᠲᠠᠯᠠᠷᠬᠠᠯ︾᠂ ︽ᠪᠠᠭᠰᠢ ᠰᠣᠷᠣᠭᠴᠢᠳ ᠤᠨ ᠪᠠᠶᠠᠰᠤᠯ︾᠂ ︽ᠡᠷᠬᠢᠮ ᠬᠦᠮᠦᠨ ᠤ ᠳᠡᠮᠵᠢᠯᠭᠡ︾ | ᠭᠡᠬᠦ ᠬᠤᠶᠠᠳᠤᠭᠠᠷ ᠪᠦᠯᠦᠭ ᠢᠶᠠᠨ ᠪᠢᠴᠢᠵᠦ ᠳᠠᠭᠤᠰᠬᠠᠭᠠᠳ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ ᠢᠮᠧᠯ ᠳᠤ ᠶᠠᠪᠤᠭᠤᠯᠪᠠ᠃ | ᠠᠷᠠᠢ ᠬᠤᠶᠠᠷ ᠡᠳᠦᠷ ᠪᠣᠯᠣᠭᠰᠠᠨ ᠦᠬᠡᠢ ᠂ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠤᠲᠠᠰᠤ ᠢᠷᠡᠭᠦᠯᠵᠦ᠄ ︽ᠮᠠᠨ ᠤ ᠰᠡᠳᠭᠦᠯ ᠤᠨ 2020 ᠣᠨ ᠤ | ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠ ᠠᠴᠠ ᠡᠬᠢᠯᠡᠭᠡᠳ ᠲᠠᠨ ᠤ ᠪᠠᠷᠢᠮᠲᠠᠲᠤ ᠷᠣᠮᠠᠨ ︿ᠮᠠᠯᠴᠢᠨ ᠠᠶᠢᠯ ᠤᠨ ᠵᠠᠮ﹀ ᠢ ᠦᠷᠭᠦᠯᠵᠢᠯᠡᠨ ᠨᠡᠶᠢᠲᠡᠯᠡᠬᠦ ᠪᠠᠷ ᠪᠤᠯᠵᠠᠢ᠃ ᠡᠭᠦᠨᠴᠢᠯᠡᠨ | ᠳᠠᠷᠠᠭᠠᠴᠢ ᠶᠢᠨ ᠪᠦᠯᠦᠭ ᠤᠳ ᠢ ᠵᠣᠭᠰᠤᠭᠠ ᠪᠠᠷ ᠬᠦᠯᠢᠶᠡᠵᠦ ᠪᠠᠶᠢᠨᠠ︾ ᠭᠡᠵᠦ ᠪᠠᠶᠠᠷ ᠬᠦᠷᠭᠡᠬᠦ ᠰᠢᠭ ᠪᠠᠰᠠ ᠬᠤᠷᠳᠤᠨ ᠮᠣᠷᠢᠨ ᠳᠤ ᠲᠠᠰᠢᠭᠤᠷ ᠨᠡᠮᠡᠬᠦ ᠰᠢᠭ ᠢᠶᠠᠷ | ᠬᠤᠱᠤᠩ ᠶᠦᠮᠦᠷᠯᠢᠭ ᠬᠡᠯᠡᠭᠡᠳ ᠬᠠᠨᠣᠮᠵᠢᠲᠠᠶᠢᠬᠠᠨ ᠢᠨᠢᠶᠡᠪᠡ᠃ | 6 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠰᠡᠭᠦᠯᠴᠢ ᠪᠤᠯᠴᠢᠬᠠᠭᠰᠠᠨ ᠪᠠᠶᠢᠲᠠᠯᠠ ᠪᠠᠰᠠ ︽ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠ︾ ᠭᠡᠵᠦ ᠬᠡᠯᠡᠨ ᠪᠠᠶᠢᠭᠠ ᠠᠴᠠ ᠦᠵᠡᠬᠦ ᠳᠤ ᠥᠨᠥᠬᠢ | ᠪᠦᠲᠦᠭᠡᠯ ᠢ ᠲᠡᠳᠡᠨᠦᠰ ᠵᠤᠷᠢᠭᠤᠳᠠ ᠬᠦᠯᠢᠶᠡᠵᠦ ᠪᠠᠶᠢᠭᠰᠠᠨ ᠨᠢ ᠢᠯᠡᠷᠬᠡᠢ᠃ | ᠳᠠᠬᠢᠭᠠᠳ ᠬᠤᠶᠠᠷ ᠰᠠᠷᠠ ᠪᠣᠯᠬᠤᠯᠠᠷ ᠮᠠᠨᠣᠰ ᠭᠤᠷᠪᠠᠳᠤᠭᠠᠷ ᠪᠦᠯᠦᠭ ︽ᠬᠤᠷᠰᠢᠶᠠᠵᠢᠯ ᠤᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠶᠢᠨ ᠵᠦᠪᠯᠡᠯ︾᠂ ︽ᠬᠤᠷᠰᠢᠶᠠᠵᠢᠯ ᠤᠨ | ᠳᠦᠷᠢᠮ ᠬᠢᠭᠡᠳ ᠬᠤᠪᠢ ᠣᠷᠣᠭᠰᠠᠨ ᠨᠤᠷᠮᠠ︾᠂ ︽ᠬᠤᠷᠰᠢᠶᠠᠵᠢᠯ ᠬᠢᠭᠡᠳ ᠣᠲᠤᠷ ᠮᠠᠯᠵᠢᠯ︾᠂ ︽ᠬᠤᠷᠰᠢᠶᠠᠵᠢᠯ ᠠᠴᠠ ᠬᠤᠪᠢᠶᠠᠭᠰᠠᠨ ᠠᠰᠢᠭ ᠣᠷᠣᠯᠭᠠ︾᠂ | ︽ᠬᠤᠷᠰᠢᠶᠠᠵᠢᠯ ᠠᠴᠠ ᠡᠷᠬᠢᠯᠡᠭᠰᠡᠨ ᠣᠪᠣᠭᠠᠨ ᠨᠠᠶᠢᠷ︾᠂ ︽ᠬᠤᠷᠰᠢᠶᠠᠵᠢᠯ ᠠᠴᠠ ᠣᠷᠣᠯᠠᠨ ᠲᠤᠰᠢᠶᠠᠭᠰᠠᠨ ᠳᠠᠭᠠᠳᠬᠠᠯ︾᠂ ︽ᠮᠠᠯᠴᠢᠨ ᠠᠶᠢᠯ ᠵᠢᠭᠤᠯᠴᠢᠯᠠᠯ ᠤᠨ | ᠭᠠᠵᠠᠷ ᠤᠨ ᠨᠢᠭᠡᠨ ᠡᠳᠦᠷ︾᠂ ︽ᠠᠶᠠᠯᠠᠯ ᠪᠦᠬᠦᠨ ᠣᠯᠵᠠ ᠲᠠᠢ︾ ᠪᠣᠯᠣᠨ ᠳᠦᠷᠪᠡᠳᠦᠭᠡᠷ ᠪᠦᠯᠦᠭ ︽ᠪᠠᠭᠠ ᠨᠠᠰᠤᠨ ᠤ ᠡᠦ ᠶᠦᠨ ᠪᠦᠸᠧ︾᠂ ︽ᠰᠣᠷᠭᠠᠭᠤᠯᠢ | ᠳᠠᠪᠰᠢᠵᠤ ᠴᠢᠳᠠᠭᠠ ᠦᠬᠡᠢ ᠰᠣᠷᠣᠭᠴᠢ︾᠂ ︽ᠨᠠᠰᠤᠨ ᠤ ᠬᠠᠨᠢ ᠡᠯᠢᠭᠡ ᠪᠦᠲᠦᠨ ᠭᠡᠷ ᠪᠦᠯᠢ︾ ᠭᠡᠬᠦ ᠬᠤᠶᠠᠷ ᠪᠦᠯᠦᠭ ᠢᠶᠠᠨ ᠲᠤᠰᠢᠶᠠᠭᠠᠳ᠂ 10 ᠰᠠᠷᠠ ᠶᠢᠨ | ᠰᠡᠭᠦᠯᠴᠢ ᠪᠣᠯᠬᠤ ᠳᠤ ᠲᠠᠪᠤᠳᠤᠭᠠᠷ ᠪᠦᠯᠦᠭ ︽ᠤᠷᠲᠤ ᠶᠢᠨ ᠬᠢᠨ ᠪᠤᠶᠤ ᠲᠦᠢᠮᠠᠷ ᠲᠠᠯᠪᠢᠭᠰᠠᠨ ᠬᠡᠷᠡᠭᠲᠡᠨ︾᠂ ︽ᠠᠯᠲᠠᠨ᠋ᠧᠴᠢᠷ ᠤᠨ ᠬᠢᠨ ᠪᠤᠶᠤ ᠸᠢᠴᠠᠲ ᠳᠡᠭᠡᠷᠡ | ᠴᠣᠭᠯᠠᠭᠤᠯᠣᠭᠰᠠᠨ ᠬᠠᠨᠳᠢᠪ ᠤᠨ ᠮᠦᠩᠭᠦ︾᠂ ︽ᠪᠠᠢ ᠭᠡᠷᠡᠯᠲᠦ ᠶᠢᠨ ᠬᠢᠨ ᠪᠤᠶᠤ ᠡᠪᠡᠳᠴᠢᠨ ᠠᠴᠠ ᠪᠤᠯᠵᠤ ᠶᠠᠳᠠᠭᠤᠷᠠᠭᠰᠠᠨ ᠡᠷᠦᠬᠡ︾᠂ ︽ᠬᠡᠰᠢᠭᠪᠦᠶᠠᠨ ᠤ ᠬᠢᠨ | ᠪᠤᠶᠤ ᠵᠡᠭᠦᠨ ᠰᠠᠯᠠᠭᠠ ᠭᠠᠴᠠᠭᠠ ᠶᠢᠨ ᠶᠠᠳᠠᠭᠤ ᠡᠷᠦᠬᠡ ᠨᠦᠭᠦᠳ︾᠂ ︽ᠾᠦᠸᠧ ᠡᠷᠳᠡᠨᠢᠲᠣᠭᠳᠠᠬᠤ ᠶᠢᠨ ᠬᠢᠨ ᠬᠢᠭᠡᠳ ᠸᠠᠩ ᠪᠣᠣᠦ ᠢᠦᠢ ᠶᠢᠨ ᠬᠢᠨ︾᠂ ︽ᠨᠣᠣ | ᠦᠯᠵᠡᠢ ᠶᠢᠨ ᠬᠢᠨ ᠪᠤᠶᠤ ᠨᠠᠢᠮᠠᠨ ᠬᠤᠰᠢᠭᠤᠨ ᠠᠴᠠ ᠨᠡᠭᠦᠵᠦ ᠢᠷᠡᠭᠰᠡᠨ ᠡᠷᠦᠬᠡ︾ ᠪᠣᠯᠣᠨ ᠵᠢᠷᠭᠤᠳᠣᠭᠠᠷ ᠪᠦᠯᠦᠭ ︽ᠪᠤᠰᠢᠭᠤ ᠭᠠᠷ ᠤᠨ ᠪᠣᠷᠣᠯᠠᠭᠤᠯᠭᠠ︾᠂ ︽ | ᠪᠤᠰᠢᠭᠤ ᠭᠠᠷ ᠤᠨ ᠪᠣᠰᠣᠳ ᠦᠢᠯᠡᠳᠦᠯ︾᠂ ︽ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠶᠢᠨ ᠡᠷᠭᠦᠭᠡ ᠬᠠᠷᠢᠭᠤᠴᠠᠯᠭᠠ ︾ ᠪᠠᠨ ᠳᠡᠪᠰᠢᠭᠦᠯᠵᠦ ᠂ 11 ᠰᠠᠷᠠ ᠶᠢᠨ | ᠳᠤᠮᠳᠠᠴᠢ ᠪᠠᠷ ᠳᠣᠯᠣᠳᠣᠭᠠᠷ ᠪᠦᠯᠦᠭ ︽ᠶᠠᠭᠤᠨ ᠳᠤ ᠬᠤᠷᠰᠢᠶᠠᠵᠢᠯ ᠤᠨ ᠵᠠᠮ ᠢ ᠰᠣᠩᠭᠤᠬᠤ ᠪᠣᠢ︾᠂ ︽ᠬᠤᠷᠰᠢᠶᠠᠵᠢᠯ ᠤᠨ ᠲᠤᠬᠠᠢ ᠡᠷᠳᠡᠨᠢᠪᠤᠯᠠᠭ | ᠳᠠᠭᠠᠭᠠᠮᠠᠯ ᠤᠨ ᠦᠵᠡᠯ ᠪᠣᠳᠣᠯ︾᠂ ︽ᠬᠤᠷᠰᠢᠶᠠᠵᠢᠯ ᠤᠨ ᠲᠤᠬᠠᠢ ᠪᠦᠷᠢᠨᠴᠣᠭᠲᠤ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠶᠢᠨ ᠦᠨᠡᠯᠡᠯᠲᠡ︾᠂ ︽ᠮᠠᠰᠲ᠋ᠧᠷ ᠰᠣᠳᠣᠪᠢᠯᠢᠭ᠌ | ᠬᠢᠭᠡᠳ ᠬᠠᠮᠢᠶᠠ ᠪᠦᠬᠦᠢ ᠡᠷᠳᠡᠮᠲᠡᠳ ᠤᠨ ᠰᠣᠳᠣᠯᠭᠠᠨ ᠳᠤ ᠬᠢ ᠬᠤᠷᠰᠢᠶᠠᠵᠢᠯ︾᠂ ︽ᠬᠤᠷᠰᠢᠶᠠᠵᠢᠯ ᠬᠢᠭᠡᠳ ᠬᠦᠳᠡᠭᠡ ᠲᠤᠰᠬᠤᠨ ᠤ ᠲᠤᠬᠠᠢ ᠡᠦ ᠶᠦᠨ ᠪᠦᠸᠧ | ᠱᠦᠵᠢ ᠶᠢᠨ ᠵᠣᠭᠤᠭ︾ ᠢᠶᠠᠨ ᠲᠣᠭᠤᠷᠪᠢᠵᠤ ᠳᠠᠭᠤᠰᠬᠠᠭᠠᠳ ᠬᠠᠩᠳᠠᠭᠤᠳ ᠤᠰᠤᠨᠪᠤᠳᠤᠭ ᠲᠠᠢ ᠪᠢᠳᠡ ᠬᠤᠶᠠᠭᠤᠯᠠ ᠠᠭᠤᠵᠢᠷᠠᠲᠠᠯᠠ ᠪᠠᠨ ᠨᠢᠭᠡ ᠠᠮᠢᠰᠬᠤᠵᠤ | ᠠᠪᠤᠪᠠ᠃ | ᠳᠠᠷᠤᠯᠲᠠ ᠲᠠᠢ᠂ ᠳᠠᠰᠬᠠᠯ ᠲᠠᠢ ᠰᠠᠷᠠ ᠡᠳᠦᠷ ᠵᠢᠭᠠᠵᠤ ᠪᠠᠶᠢᠭᠠᠳ ᠪᠦᠲᠦᠭᠡᠯ ᠬᠤᠷᠢᠶᠠᠬᠤ ᠭᠡᠭᠴᠢ ᠵᠣᠬᠢᠶᠠᠭᠴᠢ ᠳᠤ ᠪᠠᠨ ᠵᠢᠭᠠᠬᠠᠨ ᠬᠠᠯᠠ ᠲᠠᠢ ᠭᠡᠳᠡᠭ | ᠪᠣᠯᠪᠠᠴᠣ ᠣᠪᠣᠭᠠ ᠶᠡᠭᠡ ᠦᠷᠡ ᠪᠦᠲᠦᠮᠵᠢ ᠲᠠᠢ ᠠᠷᠭᠠ ᠪᠠᠷᠢᠯ ᠪᠠᠶᠢᠵᠠᠢ ᠃ | ᠪᠢ ᠴᠤ ᠰᠣᠷᠭᠠᠭᠤᠯᠢ ᠲᠡᠭᠦᠰᠴᠤ ᠠᠵᠢᠯ ᠤᠨ ᠭᠠᠷᠤᠭᠠ ᠠᠪᠤᠮᠠᠭᠴᠠ ᠤᠷᠠᠨ ᠵᠤᠬᠢᠶᠠᠯᠴᠢᠳ ᠤᠨ ᠰᠡᠳᠭᠦᠯ ᠳᠤ ᠨᠠᠶᠢᠷᠠᠭᠤᠯᠣᠭᠴᠢ᠂ ᠶᠡᠷᠦᠩᠬᠡᠢ | ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠲᠤᠰᠢᠶᠠᠯ ᠢ ᠭᠤᠴᠢᠨ ᠬᠡᠳᠦᠨ ᠵᠢᠯ ᠬᠠᠷᠢᠭᠤᠴᠠᠵᠤ ᠦᠩᠭᠡᠷᠡᠪᠡ᠃ ᠭᠡᠶᠡ ᠂ ᠴᠠᠭ ᠡᠷᠢᠨ ᠤ ᠵᠦᠢᠷᠭ᠋ ᠰᠠᠨᠠᠭᠠ ᠶᠢ ᠬᠠᠷᠠᠭᠤᠯᠣᠭᠰᠠᠨ | ᠬᠦᠨᠳᠦ ᠶᠢᠨ ᠵᠢᠩ ᠲᠠᠢ ᠲᠣᠷᠪᠢᠯᠢᠭ ᠪᠦᠲᠦᠭᠡᠯ ᠭᠡᠮᠡᠨ ᠵᠣᠬᠢᠶᠠᠯᠴᠢ ᠶᠢ ᠣᠨᠴᠠᠯᠠᠨ ᠤᠷᠢᠵᠤ ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠣᠷᠣᠨ ᠳᠤ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ᠂ | ᠵᠣᠬᠢᠶᠠᠯᠴᠢ ᠨᠠᠶᠢᠷᠠᠭᠤᠯᠣᠭᠴᠢ ᠵᠤᠤᠵᠠᠢ ᠬᠤᠯᠪᠣᠨ ᠳᠠᠪᠬᠢᠬᠤ ᠰᠢᠭ᠋ ᠪᠢᠴᠢᠬᠦ ᠶᠢᠨ ᠳᠠᠭᠠᠤ ᠨᠠᠶᠢᠲᠡᠯᠡᠵᠦ᠂ ᠨᠡᠶᠢᠲᠡᠯᠡᠬᠦ ᠳᠤᠮᠳᠠ ᠵᠤᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠵᠣᠭᠤᠭ | ᠶᠡᠷᠦ ᠠᠴᠠ ᠭᠠᠷᠣᠭᠰᠠᠨ ᠦᠬᠡᠢ ᠃ 22 ᠲᠦᠮᠡᠨ ᠦᠰᠦᠭ ᠪᠦᠬᠦᠢ ᠪᠠᠷᠢᠮᠲᠠᠲᠤ ᠷᠣᠮᠠᠨ ︽ᠮᠠᠯᠴᠢᠨ ᠠᠶᠢᠯ ᠤᠨ ᠵᠠᠮ︾ 2020 ᠣᠨ ᠤ ᠵᠢᠷᠭᠤᠳᠣᠭᠠᠷ | ᠬᠤᠭᠤᠴᠠᠭᠠ ᠠᠴᠠ 2021 ᠣᠨ ᠤ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠ ᠬᠦᠷᠲᠡᠯᠡ ᠣᠨ ᠰᠤᠨᠳᠠᠯᠠᠨ 10 ᠬᠤᠭᠤᠴᠠᠭᠠ ᠦᠷᠭᠦᠯᠵᠢᠯᠡᠭᠡᠳ᠂ ᠡᠴᠦᠰ ᠤᠨ ᠦᠷᠲᠡᠭᠡᠨᠡ | ᠬᠦᠷᠦᠭᠰᠡᠨ ᠭᠠᠯᠲᠤ ᠲᠡᠷᠭᠡ ᠮᠡᠲᠦ ᠲᠡᠭᠦᠰᠭᠡᠯ ᠤᠨ ᠴᠡᠭ ᠢᠶᠠᠨ ᠲᠠᠯᠪᠢᠪᠠ᠃ | ᠣᠨᠴᠠ ᠤᠷᠢᠭᠰᠠᠨ ᠲᠣᠰ ᠪᠦᠲᠦᠭᠡᠯ ᠴᠣᠬᠤᠮ ᠬᠢᠷᠢ ᠵᠡᠷᠭᠡ ᠪᠣᠯᠣᠯᠠ ᠭᠡᠳᠡᠭ ᠢ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠳᠤ ᠨᠡᠶᠢᠲᠡᠯᠡᠭᠰᠡᠨ ᠤ ᠳᠠᠷᠠᠭᠠᠬᠢ ᠲᠡᠭᠦᠨ ᠤ ᠨᠦᠯᠦᠭᠡ | ᠲᠤᠰᠬᠠᠯ ᠠᠴᠠ ᠪᠢᠳᠡ ᠦᠵᠡᠨ ᠮᠡᠳᠡᠰᠦᠭᠡᠢ᠄ | ᠳᠤᠮᠳᠠᠳᠤ ᠣᠯᠣᠰ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ︽ᠦᠨᠳᠦᠰᠦᠳᠡᠨ ᠤ ᠤᠳᠬᠠ ᠵᠣᠬᠢᠶᠠᠯ︾ ᠰᠡᠳᠭᠦᠯ ᠤᠨ ᠬᠢᠨ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠲᠣᠰ | ᠪᠦᠲᠦᠭᠡᠯ ᠢ ᠨᠡᠶᠢᠲᠡᠯᠡᠵᠦ ᠳᠠᠭᠤᠰᠬᠤ ᠲᠠᠢ ᠵᠡᠷᠭᠡ 2020 ᠣᠨ ᠤ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠ ᠳᠤ ᠪᠠᠨ ᠨᠠᠷᠡᠲᠦ ᠣᠷᠴᠢᠭᠤᠯᠣᠭᠴᠢ ᠬᠠᠰᠤᠨ ᠢᠶᠠᠷ | ᠰᠤᠩᠭᠤᠨ ᠣᠷᠴᠢᠭᠤᠯᠤᠭᠤᠯᠵᠤ ᠂ 6 ᠲᠦᠮᠡᠨ ᠦᠰᠦᠭ ᠪᠦᠬᠦᠢ ᠮᠣᠩᠭᠤᠯ ᠢ ᠬᠢᠳᠠᠳᠴᠢᠯᠠᠭᠰᠠᠨ ᠪᠦᠲᠦᠭᠡᠯ ᠢ ᠨᠢᠭᠡ ᠯᠡ ᠬᠤᠭᠤᠴᠠᠭᠠ ᠳᠡᠭᠡᠷᠡ ᠪᠦᠬᠦᠨ ᠢ | ᠨᠡᠶᠢᠲᠡᠯᠡᠵᠦ ᠳᠠᠭᠤᠰᠬᠠᠪᠠ᠃ | ᠲᠥᠪ ᠤᠨ ᠷᠠᠳᠢᠤ᠋ ᠲᠧᠯᠸᠢᠰ ᠬᠤᠷᠢᠶᠠ ᠶᠢᠨ ᠬᠢᠨ ︽ᠪᠦᠬᠦ ᠣᠯᠣᠰ ᠤᠨ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠣᠭᠤᠮᠲᠠ ᠰᠢᠪᠲᠤᠯᠬᠤ ᠳᠠᠶᠢᠯᠠᠯᠳᠤᠭᠠᠨ ᠤ | ᠭᠠᠪᠰᠢᠭᠠᠢ ᠵᠢᠱᠢᠶᠡᠴᠢ ᠶᠢᠨ ᠱᠠᠩᠨᠠᠯ︾ ᠬᠦᠷᠲᠡᠭᠴᠢ ᠡᠦ ᠶᠦᠨ ᠪᠦᠸᠧ ᠪᠠᠷ ᠲᠤᠰᠬᠠᠢ ᠫᠷᠣᠭ᠍ᠷᠠᠮ ᠦᠢᠯᠡᠳᠴᠦ᠂ ᠳᠤᠮᠳᠠᠳᠤ ᠣᠯᠣᠰ ᠤᠨ ᠡᠪ ᠬᠠᠮᠲᠤ ᠨᠠᠮ | ᠪᠠᠶᠢᠭᠤᠯᠣᠭᠳᠠᠭᠰᠠᠨ 100 ᠵᠢᠯ ᠤᠨ ᠣᠢ ᠶᠢᠨ ᠪᠠᠶᠠᠷ ᠲᠤ ᠲᠡᠪᠰᠢᠭᠦᠯᠪᠡ᠃ | ᠲᠥᠪ ᠤᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠲᠥᠪ ᠤᠨ ᠬᠦᠳᠡᠭᠡ ᠲᠤᠰᠬᠤᠨ ᠲᠠᠷᠢᠶᠠᠯᠠᠩ ᠤᠨ ᠶᠠᠮᠤᠨ ᠡᠦ ᠶᠦᠨ ᠪᠦᠸᠧ ᠶᠢ ᠲᠤᠰᠬᠠᠶᠢᠯᠠᠨ ᠪᠡᠭᠡᠵᠢᠩ ᠳᠤ ᠵᠠᠯᠠᠨ | ᠠᠪᠠᠴᠢᠵᠦ᠂ ︽ᠮᠠᠯᠴᠢᠨ ᠠᠶᠢᠯ ᠦᠬᠡᠷ ᠲᠡᠵᠢᠭᠡᠬᠦ ᠲᠤᠰᠬᠠᠢ ᠬᠤᠷᠰᠢᠶᠠᠵᠢᠯ︾ ᠤᠨ ᠲᠤᠬᠠᠢ ᠭᠠᠳᠠᠭᠠᠳᠤ ᠲᠤᠲᠤᠭᠠᠳᠤ ᠶᠢᠨ ᠰᠣᠷᠪᠣᠯᠵᠢᠯᠠᠭᠴᠢᠳ ᠲᠤ ᠣᠨᠴᠠᠯᠠᠨ | ᠲᠠᠨᠢᠯᠴᠠᠭᠤᠯᠪᠠ᠃ | ᠦᠨᠡᠨᠳᠡᠭᠡᠨ 2020 ᠣᠨ ᠤ 3 ᠳ᠋ᠤᠭᠠᠷ ᠰᠠᠷᠠ ᠶᠢᠨ 5 ᠤ ᠣᠷᠣᠢ ᠶᠢᠨ ᠲᠥᠪ ᠤᠨ ᠰᠣᠨᠢᠨ ᠮᠡᠳᠡᠭᠡ ᠶᠢ ᠬᠦᠮᠦᠰ ᠴᠦᠮ ᠠᠩᠬᠠᠷᠤᠯ ᠳᠤ ᠪᠠᠨ ᠠᠪᠤᠭᠰᠠᠨ ᠨᠢ | ᠯᠠᠪᠲᠠᠢ᠃ ᠭᠡᠲᠡᠯᠡ ᠠᠯᠢ ᠰᠣᠨᠢᠨ ᠰᠡᠳᠭᠦᠯ ᠤᠨ ᠬᠤᠷᠢᠶᠠ ᠶᠢᠨ ᠬᠢᠨ᠂ ᠬᠠᠢ ᠹᠧᠩ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠣᠭᠴᠢ ᠰᠢᠭ᠋ ᠲᠡᠷᠡ ᠳᠠᠷᠤᠢ ᠳᠤ ᠨᠢ ᠵᠣᠬᠢᠶᠠᠯᠴᠢ ᠤᠷᠢᠵᠤ | ᠵᠡᠭᠦᠨ ᠰᠠᠯᠠᠭᠠ ᠭᠠᠴᠠᠭᠠ ᠳᠤ ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ ᠪᠠᠷᠢᠮᠲᠠᠲᠤ ᠷᠣᠮᠠᠨ ᠪᠢᠴᠢᠭᠦᠯᠪᠡ ᠳ᠋ᠠ︖ ᠣᠯᠣᠰ ᠲᠥᠷᠦ ᠶᠢᠨ ᠰᠡᠷᠭᠡᠭ ᠲᠠᠨᠢᠯᠲᠠ᠂ ᠴᠠᠭ ᠡᠷᠢᠨ ᠤ ᠵᠣᠷᠢᠭ | ᠰᠠᠨᠠᠭᠠ᠂ ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ ᠤᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠭᠡᠳᠡᠭ ᠡᠭᠦᠨ ᠢ ᠬᠡᠯᠡᠭᠰᠡᠨ ᠪᠢᠵᠡ ︕ ᠬᠠᠯᠠᠭᠤᠨ ᠳᠤᠯᠠᠭᠠᠪᠴᠢ ᠲᠠᠢ ᠰᠡᠳᠭᠦᠯ ᠡᠷᠬᠢᠯᠡᠬᠦ ᠭᠡᠭᠴᠢ | ᠡᠭᠦᠨ ᠢ ᠵᠢᠭᠠᠭᠰᠠᠨ ᠪᠢᠵᠡ︕ ᠵᠥᠪ ᠡᠨᠧᠷᠭᠢ ᠶᠢ ᠴᠠᠭ ᠲᠤᠬᠠᠢ ᠳᠤ ᠨᠢ ᠦᠷᠭᠡᠨ ᠣᠯᠠᠨ ᠣᠩᠰᠢᠭᠴᠢ ᠳᠤ ᠬᠦᠷᠭᠡᠬᠦ ᠭᠡᠭᠴᠢ ᠡᠭᠦᠨ ᠢ ᠳᠣᠬᠢᠭᠰᠠᠨ ᠪᠢᠵᠡ ︕ ᠡᠨᠡ | ᠪᠣᠯ ᠳᠠᠷᠤᠢ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ ᠰᠤᠷᠲᠠᠯ︕ | ᠪᠢ ᠣᠷᠴᠢᠮ ᠤᠨ ᠬᠤᠶᠠᠷ ᠵᠢᠯ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠢ ᠬᠤᠭᠤᠴᠠᠭᠠ ᠠᠯᠭᠠᠰᠠᠯ ᠦᠬᠡᠢ ᠣᠩᠰᠢᠨ ᠰᠣᠨᠢᠷᠬᠠᠵᠤ ᠪᠣᠢ ᠃ ᠡᠭᠦᠨ ᠳᠤ ᠲᠣᠰ ᠰᠡᠳᠭᠦᠯ ᠤᠨ | ᠨᠢᠭᠡᠨ ᠪᠣᠯᠣᠩ ᠤᠨ ᠨᠡᠷᠡ ᠮᠢᠨᠦ ᠠᠩᠬᠠᠷᠤᠯ ᠢ ᠣᠨᠴᠠ ᠲᠠᠲᠠᠪᠠ᠃ | 2020 ᠣᠨ ᠤ ᠵᠢᠷᠭᠤᠳᠣᠭᠠᠷ ᠬᠤᠭᠤᠴᠠᠭᠠ ᠳᠤ ᠪᠠᠷᠢᠮᠲᠠᠲᠤ ᠷᠣᠮᠠᠨ ︽ᠮᠠᠯᠴᠢᠨ ᠠᠶᠢᠯ ᠤᠨ ᠵᠠᠮ ︾ ᠢ ᠡᠬᠢᠯᠡᠨ ᠨᠡᠶᠢᠲᠡᠯᠡᠬᠦ ᠳᠤ ︽ᠶᠠᠳᠠᠭᠤ ᠠᠴᠠ | ᠠᠩᠭᠢᠵᠢᠷᠠᠭᠤᠯᠬᠤ ᠪᠤᠭᠤᠮᠲᠠ ᠰᠢᠪᠲᠤᠯᠬᠤ ᠳᠠᠶᠢᠯᠠᠯᠳᠤᠭᠠᠨ ᠤ ᠬᠤᠰᠢᠭᠤᠴᠢ︾ ᠭᠡᠮᠡᠬᠦ ᠪᠣᠯᠣᠩ ᠳᠤ ᠨᠡᠶᠢᠲᠡᠯᠡᠨ ᠪᠠᠶᠢᠪᠠ᠃ ᠭᠡᠬᠦ ᠳᠤ 2021 ᠣᠨ ᠤ ᠨᠢᠭᠡᠳᠦᠭᠡᠷ | ᠬᠤᠭᠤᠴᠠᠭᠠ ᠪᠣᠯᠬᠤ ᠳᠤ ︽ᠮᠠᠨᠳᠤᠯᠲᠤ ᠬᠦᠳᠡᠭᠡ︾ ᠪᠣᠯᠣᠩ ᠪᠣᠯᠣᠨ ᠰᠣᠯᠢᠭᠰᠠᠨ ᠢ ᠣᠩᠰᠢᠭᠴᠢᠳ ᠠᠨᠳᠠᠬᠤ ᠦᠬᠡᠢ ᠰᠠᠶᠢᠨ ᠮᠡᠳᠡᠵᠦ ᠪᠠᠶᠢᠬᠠ ᠳ᠋ᠠ︕ | ᠥᠨᠥᠬᠢ ᠨᠢ ᠦᠨᠡᠨ ᠳᠤ ᠪᠠᠨ ᠭᠠᠭᠴᠠ ᠬᠦ ᠪᠣᠯᠣᠩ ᠰᠣᠯᠢᠭᠰᠠᠨ ᠳᠡᠳᠦᠢ ᠪᠢᠰᠢ᠂ ᠬᠠᠷᠢᠨ ᠶᠠᠳᠠᠭᠤ ᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠲᠠ ᠰᠢᠪᠳᠣᠯᠬᠤ ᠳᠠᠶᠢᠯᠠᠯᠳᠣᠭᠠᠨ | ᠲᠡᠦᠭᠡᠳᠦ ᠴᠢᠨᠠᠷᠲᠠᠢ ᠢᠯᠠᠯᠲᠠ ᠣᠯᠵᠣ ︽ᠠᠷᠪᠠᠨ ᠳᠦᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ ᠤᠨ ᠲᠦᠯᠦᠪᠵᠢᠭᠦᠯᠭᠡ︾ ᠶᠢᠨ ᠠᠩᠬᠠᠨ ᠤ ᠠᠯᠬᠤᠮ ᠨᠢᠬᠡᠨᠲᠡ ᠡᠬᠢᠯᠡᠴᠢᠬᠡᠭᠰᠡᠨ ᠢ | ᠮᠡᠳᠡᠭᠡᠯᠡᠵᠦ ᠪᠠᠶᠢᠭᠠ ᠶᠤᠮ᠃ ᠨᠠᠮ ᠤᠨ ᠲᠥᠪ ᠬᠤᠷᠢᠶᠠ ᠠᠴᠠ ᠬᠦᠳᠡᠭᠡ ᠲᠤᠰᠬᠤᠨ ᠢ ᠬᠦᠭᠵᠢᠭᠦᠯᠦᠨ ᠮᠠᠨᠳᠣᠭᠤᠯᠬᠤ ᠰᠢᠢᠳᠪᠦᠷᠢ ᠶᠢ 2021 ᠣᠨ ᠤ 3 | ᠰᠠᠷᠠ ᠶᠢᠨ ᠡᠬᠢᠨ ᠳᠤ ᠲᠤᠩᠬᠠᠭᠯᠠᠭᠰᠠᠨ ᠪᠠᠶᠢᠭᠠ ᠳᠤ᠂ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ ᠬᠢᠨ 2021 ᠣᠨ ᠤ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠ ᠶᠢᠨ ᠰᠡᠳᠭᠦᠯ | ᠳᠡᠭᠡᠷᠡ ᠪᠠᠨ ᠳᠠᠷᠤᠢ ᠰᠢᠨᠡ ᠪᠣᠯᠣᠩ ᠭᠠᠷᠭᠠᠴᠢᠬᠠᠭᠰᠠᠨ ᠪᠠᠶᠢᠭᠠ ᠶᠢ ᠪᠢ ᠠᠩᠬᠠᠷᠤᠨ ᠮᠡᠳᠡᠭᠡᠳ ᠲᠤᠩ ᠭᠠᠶᠢᠬᠠᠭᠰᠠᠨ ᠮᠦᠷᠲᠡᠭᠡᠨ ᠰᠡᠳᠭᠢᠯ ᠤᠨ ᠭᠦᠨ ᠠᠴᠠ ᠪᠠᠨ | ᠪᠢᠰᠢᠷᠡᠪᠡ᠃ | ᠲᠢᠩ · ᠪᠠᠭᠠᠲᠤᠷ ᠂ ᠳᠦᠭᠦ᠋ᠢᠮᠠ᠂ ᠪᠠᠢ ᠵᠢᠩ ᠶᠢᠩ ᠂ ᠡᠦ ᠶᠦᠨ ᠪᠦᠸᠧ ᠪᠦᠷ ᠪᠦᠬᠦ ᠣᠯᠣᠰ ᠤᠨ ᠱᠠᠩᠨᠠᠯ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠭᠰᠠᠨ ᠬᠦᠮᠦᠰ᠃ ︽ | ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ ᠬᠢᠨ ᠡᠳᠡᠭᠡᠷ ᠪᠠᠭᠠᠲᠤᠷ ᠰᠠᠶᠢᠴᠤᠤᠯ ᠤᠨ ᠵᠢᠷᠤᠭ ᠢ ᠨᠢᠭᠤᠷ ᠬᠠᠪᠢᠰᠤ ᠳᠡᠭᠡᠷᠡ ᠪᠠᠨ ᠨᠡᠶᠢᠲᠡᠯᠡᠵᠦ᠂ ᠣᠩᠰᠢᠭᠴᠢᠳ ᠲᠤ ᠪᠠᠨ ᠣᠨᠴᠠᠯᠠᠨ | ᠲᠠᠨᠢᠯᠴᠠᠭᠤᠯᠣᠭᠰᠠᠨ ᠨᠢ ᠲᠡᠷᠡ ᠪᠠᠶᠢᠯᠲᠠᠢ᠃ | ᠨᠢᠭᠡ ᠭᠡᠷ ᠰᠤᠷᠲᠠᠯ ᠰᠠᠶᠢᠲᠠᠢ ᠪᠣᠯ ᠦᠷᠡ ᠠᠴᠢᠷ ᠨᠢ ᠶᠣᠰᠣᠯᠢᠭ ᠂ ᠤᠶᠤᠨᠯᠢᠭ ᠂ ᠰᠢᠨᠳᠠᠰᠤᠯᠢᠭ᠃ ᠨᠢᠭᠡ ᠰᠡᠳᠭᠦᠯ ᠰᠤᠷᠲᠠᠯ ᠲᠥᠪ ᠪᠣᠯ ᠨᠡᠶᠢᠲᠡᠯᠡᠬᠦ | ᠪᠦᠲᠦᠭᠡᠯ ᠨᠢ ᠠᠮᠲᠠᠷᠬᠠᠭ᠂ ᠥᠭᠡᠳᠡᠷᠬᠡᠭ ᠂ ᠰᠣᠨᠢᠷᠬᠠᠮᠵᠢᠲᠠᠢ᠃ | ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠭᠤᠴᠢᠨ ᠵᠢᠯ ᠤᠨ ᠣᠢ ᠪᠠᠨ ᠡᠯᠪᠡᠭ ᠳᠡᠯᠪᠡᠭ ᠦᠷᠡ ᠵᠢᠮᠢᠰ ᠲᠠᠢ ᠤᠭᠲᠤᠴᠢᠬᠠᠯᠠ᠃ | ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠢᠩᠬᠢᠮ ᠠᠴᠠ ᠭᠤᠤᠯᠯᠠᠨ ᠡᠷᠬᠢᠯᠡᠵᠦ ᠪᠠᠶᠢᠭᠠ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠴᠢᠨᠠᠷᠲᠠᠢ ᠰᠡᠳᠭᠦᠯ ᠶᠤᠮᠰᠠᠨ᠃ ︽ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ | ᠣᠨᠴᠠᠯᠢᠭ ᠂ ᠲᠥᠷᠦ ᠶᠢᠨ ᠪᠣᠳᠣᠯᠭᠠ ᠶᠢᠨ ᠲᠠᠶᠢᠯᠤᠮᠵᠢ ᠂ ᠨᠡᠶᠢᠭᠡᠮ ᠤᠨ ᠳᠡᠯᠭᠡᠷ ᠬᠠᠷᠠᠭᠠ᠂ ᠰᠣᠳᠣᠨ ᠪᠦᠲᠦᠭᠡᠯ ᠤᠨ ᠠᠮᠲᠠᠷᠬᠠᠯ︾ ᠭᠡᠮᠡᠬᠦ ᠤᠭ ᠵᠣᠷᠢᠯᠲᠠ ᠪᠠᠨ | ᠦᠯᠦ ᠤᠮᠠᠷᠳᠠᠨ᠂ ᠨᠡᠩ ᠣᠯᠠᠨ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠢᠶᠠᠷ ᠣᠩᠰᠢᠭᠴᠢᠳ ᠤᠨ ᠢᠶᠠᠨ ᠤᠶᠤᠨ ᠪᠢᠯᠢᠭ ᠢ ᠨᠡᠩᠲᠡ ᠭᠡᠭᠡᠷᠡᠭᠦᠯᠬᠦ ᠪᠣᠯᠲᠤᠭᠠᠢ᠃ | 2021 ᠣᠨ ᠤ 9 ᠳ᠋ᠦ᠋ᠭᠡᠷ ᠰᠠᠷᠠ ᠶᠢᠨ 9 ᠤ ᠡᠳᠦᠷ᠂ ᠬᠦᠬᠡᠬᠤᠲᠠᠨᠠ | ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠦᠪᠦᠷ ᠮᠣᠩᠭᠤᠯ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ |