︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠢ ᠤᠩᠰᠢᠭᠰᠠᠨ ᠤᠶᠢᠯᠠᠭᠠᠯᠳᠠ | ᠸ᠊ · ᠠᠭᠤᠯᠨ | ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠪᠤᠯ ᠤᠥᠯ ᠤᠨ ︽ ᠤᠷᠤᠭ ᠭᠡᠷ ᠪᠦᠯᠢ ᠨᠡᠶᠢᠭᠡᠮ︾ ᠭᠡᠬᠦ ᠰᠡᠳᠭᠦᠯ ᠪᠤᠯᠤᠨᠠ᠃ ᠲᠤᠰ ᠰᠡᠳᠭᠦᠯ ᠪᠤᠯ ᠨᠡᠶᠢᠭᠡᠮ ᠤᠨ ᠬᠢᠨ ᠤ | ᠠᠩᠬᠠᠷᠤᠯ ᠢ ᠲᠠᠳᠠᠵᠤ ᠪᠠᠶᠢᠭᠠ ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠤᠳᠤᠯᠭᠠ᠂ ᠤᠯᠤᠰ ᠤᠷᠤᠨ ᠤ ᠬᠦᠭᠵᠢᠯᠳᠡ ᠂ ᠠᠵᠤ ᠠᠮᠢᠳᠤᠷᠠᠯ᠂ ᠭᠡᠷ ᠪᠦᠯᠢ ᠂ ᠰᠤᠷᠭᠠᠨ ᠬᠦᠮᠦᠵᠢᠯ᠂ | ᠰᠤᠶᠤᠯ ᠪᠤᠯᠪᠠᠰᠤᠷᠠᠯ᠂ ᠨᠡᠷᠡᠳᠦ ᠬᠦᠮᠦᠨ᠂ ᠠᠵᠤ ᠠᠬᠤᠶᠢᠯᠠᠯᠳᠠᠨ᠂ ᠡᠷᠭᠢᠴᠡᠭᠦᠯᠦᠯ ᠲᠤᠷᠠᠳᠬᠠᠯ ᠵᠡᠷᠭᠡ ᠮᠠᠰᠢ ᠤᠯᠠᠨ ᠲᠠᠯᠠ ᠶᠢᠨ ᠠᠭᠤᠯᠭᠠ ᠶᠢ ᠬᠠᠮᠤᠷᠴᠤ᠂ | ᠤᠩᠰᠢᠭᠴᠢᠳ ᠤᠨ ᠬᠠᠷᠠᠭᠠ ᠶᠢ ᠪᠠᠶᠠᠰᠬᠠᠨ᠂ ᠮᠡᠳᠡᠯᠭᠡ ᠶᠢᠨ ᠬᠦᠷᠢᠶᠡ ᠴᠠᠷᠠᠭᠠ ᠶᠢ ᠨᠢ ᠲᠡᠯᠡᠷᠡᠭᠦᠯᠦᠨ᠂ ᠶᠤᠰᠤᠳᠠᠢ ᠨᠢᠭᠡᠨ ᠤᠩᠰᠢᠪᠠᠰᠤ ᠵᠤᠬᠢᠬᠤ ᠰᠠᠶᠢᠨ ᠰᠡᠳᠭᠦᠯ | ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ | ᠪᠢᠳᠡ ᠪᠦᠬᠦᠨ ᠤ ᠮᠡᠳᠡᠭᠡᠵᠢ ᠪᠠᠷ ᠂ ᠤᠳᠤᠬᠠᠨᠠ ᠴᠢᠮᠡᠭᠡ ᠵᠠᠩᠭᠢ ᠬᠦᠭᠵᠢᠵᠦ ᠂ ᠭᠠᠷ ᠤᠳᠠᠰᠤ ᠵᠡᠷᠭᠡ ᠪᠠᠷ ᠤᠯᠠᠨ ᠵᠦᠢᠯ ᠤᠨ ᠮᠡᠳᠡᠯᠭᠡ ᠤᠯᠠᠮᠵᠢᠯᠠᠳᠠᠭ | ᠪᠤᠯᠪᠠᠴᠤ᠂ ᠬᠦᠮᠦᠰ ᠨᠤᠮ ᠤᠩᠰᠢᠬᠤ ᠲᠠᠯᠠ ᠪᠠᠷ ᠲᠤᠳᠠᠭᠤ ᠲᠤᠯᠢᠮᠠᠭ ᠪᠠᠶᠢᠬᠤ ᠪᠤᠳᠠᠳᠤ ᠪᠠᠶᠢᠳᠠᠯ ᠲᠤᠥᠷᠠ ᠂ ᠢᠯᠡᠭᠦᠥ ᠨᠤᠮ ᠤᠩᠰᠢᠬᠤ ᠳᠤ ᠶᠠᠭᠤᠨ ᠤ ᠡᠮᠦᠨᠡ | ᠤᠯᠠᠨ ᠵᠦᠢᠯ ᠤᠨ ᠰᠤᠨᠢᠨ ᠰᠡᠳᠭᠦᠯ ᠤᠩᠰᠢᠬᠤ ᠬᠡᠷᠡᠭᠳᠡᠢ ᠪᠠᠶᠢᠨᠠ᠂ ᠡᠭᠦᠨ ᠳᠤ ᠬᠡᠯᠡᠯᠭᠡᠨ ᠦᠭᠡᠢ ᠲᠤᠰᠬᠠᠢ ᠰᠡᠳᠭᠦᠯ᠂ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠴᠢᠨᠠᠷ ᠲᠠᠢ ᠰᠡᠳᠭᠦᠯ | ᠪᠠᠭᠳᠠᠨᠠ ᠃ | ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠪᠤᠯ ᠡᠯᠡ ᠵᠦᠢᠯ ᠤᠨ ᠠᠭᠤᠯᠭᠠ ᠶᠢ ᠬᠠᠮᠤᠷᠤᠭᠰᠠᠨ ᠶᠡᠷᠦᠩᠬᠡᠶᠢᠯᠡᠭᠰᠡᠨ ᠴᠢᠨᠠᠷ ᠲᠠᠢ ᠰᠡᠳᠭᠦᠯ ᠤᠨ ᠬᠤᠪᠢ ᠪᠠᠷ ᠤᠯᠠᠨ | ᠤᠩᠰᠢᠭᠴᠢᠳ ᠤᠨ ᠬᠠᠷᠠᠭᠠᠨ ᠳᠤ ᠲᠤᠳᠤᠷᠠᠭᠰᠠᠨ ᠰᠢᠯᠢᠳᠡᠭ ᠰᠠᠶᠢᠨ ᠰᠡᠳᠭᠦᠯ ᠪᠤᠯᠤᠨᠠ ᠃ ᠡᠭᠦᠨ ᠳᠤ ᠴᠠᠭ ᠡᠷᠢᠨ ᠤ ᠬᠦᠭ ᠠᠶᠠᠰ ᠢ ᠲᠤᠰᠬᠠᠨ ᠬᠠᠷᠠᠭᠤᠯᠤᠭᠰᠠᠨ | ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠲᠠᠶᠢᠯᠤᠮᠵᠢ ᠂ ᠠᠷᠢᠭᠤᠨ ᠴᠢᠭᠴᠢ ᠪᠠᠷ ᠵᠠᠰᠠᠭ ᠪᠠᠷᠢᠭᠰᠠᠨ ᠦᠯᠢᠭᠡᠷ ᠵᠢᠱᠢᠶᠡ ᠂ ᠠᠷᠠᠳ ᠲᠦᠮᠡᠨ ᠳᠤ ᠪᠠᠨ ᠠᠵᠠ ᠵᠢᠷᠭᠠᠯ ᠢ | ᠡᠳᠡᠯᠡᠭᠦᠯᠦᠭᠰᠡᠨ ᠬᠤᠰᠢᠭᠤᠴᠢ ᠰᠢᠯᠢᠳᠡᠭ ᠬᠦᠮᠦᠰ ᠤᠨ ᠤᠯᠠ ᠮᠦᠷ᠂ ᠦᠨᠳᠦᠰᠦᠨ ᠱᠠᠳᠤᠨ ᠳᠤ ᠲᠠᠭᠠᠭᠤᠯᠤᠭᠴᠢ ᠶᠢᠨ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠭᠠ ᠰᠢᠯᠢᠳᠡᠭ | ᠺᠠᠳ᠋ᠷ᠂ ᠶᠠᠳᠠᠭᠤ ᠠᠴᠠ ᠠᠩᠭᠢᠵᠢᠷᠠᠭᠤᠯᠤᠭᠰᠠᠨ ᠨᠠᠨᠳᠢᠨ ᠠᠵᠢᠯᠯᠠᠭᠠ ᠵᠡᠷᠭᠡ ᠠᠭᠤᠯᠭᠠ ᠲᠠᠢ ᠲᠤᠯᠠ ᠲᠤᠰ ᠰᠡᠳᠭᠦᠯ ᠢ ᠠᠪᠤᠨ ᠤᠩᠰᠢᠬᠤ ᠳᠤ ᠤᠩᠰᠢᠪᠤᠷᠢᠳᠠᠢ | ᠪᠦᠭᠡᠳ ᠮᠠᠰᠢ ᠤᠯᠠᠨ ᠲᠠᠯᠠ ᠠᠴᠠ ᠰᠡᠩᠭᠡᠷᠡᠭᠦᠯᠦᠯ ᠣᠯᠵᠣ᠂ ᠠᠰᠠᠭᠤᠳᠠᠯ ᠢ ᠦᠵᠡᠵᠦ᠂ ᠠᠰᠠᠭᠤᠳᠠᠯ ᠢ ᠵᠠᠳᠠᠯᠠᠬᠤ ᠴᠢᠳᠠᠪᠤᠷᠢ ᠪᠠᠨ ᠤᠯᠠᠮ ᠢᠯᠡᠭᠦᠥ | ᠲᠡᠭᠡᠭᠰᠢᠯᠡᠭᠦᠯᠬᠦ ᠳᠤ ᠮᠠᠰᠢ ᠰᠠᠶᠢᠨ ᠬᠦᠷᠲᠡᠭᠡᠯ ᠪᠤᠯᠳᠠᠭ ᠪᠠᠶᠢᠨᠠ᠃ | ᠤᠨᠴᠠᠭᠠᠶᠢᠯᠠᠨ ᠰᠤᠶᠤᠯ ᠬᠦᠮᠦᠵᠢᠯ ᠤᠨ ᠲᠠᠯᠠ ᠪᠠᠷ᠂ ᠠᠵᠢᠯᠴᠢ ᠪᠤᠷᠤᠭᠵᠢᠭᠤᠨ᠂ ᠠᠷᠪᠢᠴᠢ ᠭᠠᠮᠳᠠᠢ ᠪᠠᠶᠢᠬᠤ᠂ ᠦᠳᠡᠯᠦᠭᠡ ᠨᠠᠰᠤᠳᠠᠨ ᠢᠶᠠᠨ ᠬᠦᠨᠳᠦᠯᠡᠬᠦ᠂ | ᠨᠢᠯᠬᠠᠰ ᠢᠶᠠᠨ ᠬᠠᠶᠢᠷᠠᠯᠠᠬᠤ᠂ ᠦᠢᠯᠡᠳᠦᠯᠭᠡ ᠶᠢᠨ ᠲᠤᠮᠳᠠᠬᠢ ᠰᠠᠶᠢᠨ ᠰᠠᠶᠢᠬᠠᠨ ᠦᠢᠯᠡ ᠠᠵᠢᠯᠯᠠᠭᠠ᠂ ᠤᠷᠠᠮᠳᠠᠢ ᠰᠠᠶᠢᠬᠠᠨ ᠤᠯᠠ ᠮᠦᠷ ᠤᠨ ᠲᠡᠮᠳᠡᠭᠯᠡᠯ ᠂ | ᠤᠬᠠᠭᠠᠯᠢᠭ ᠭᠦᠨ ᠤᠷᠠᠨ ᠦᠯᠢᠭᠡᠷ ᠂ ᠤᠷᠠᠨ ᠲᠡᠮᠳᠡᠢ ᠰᠢᠨᠡ ᠮᠡᠷᠭᠡᠵᠢᠯ᠂ ᠤᠬᠠᠭᠠ ᠲᠡᠯᠡᠷᠡᠬᠦ ᠰᠡᠳᠭᠢᠯ ᠤᠨ ᠲᠤᠥᠯᠢᠶᠠᠨ᠂ ᠤᠷᠮᠠ ᠦᠨᠳᠡᠶᠢᠯᠬᠦ ᠠᠮᠢᠳᠤᠷᠠᠯ ᠤᠨ | ᠬᠠᠨᠢ ᠵᠡᠷᠭᠡ ᠤᠯᠠᠨ ᠬᠠᠷᠠᠭᠠᠰᠤ ᠠᠴᠠ ᠬᠦᠮᠦᠰ ᠲᠤ ᠶᠠᠮᠠᠷ ᠨᠢᠭᠡᠨ ᠭᠦᠨ ᠰᠤᠷᠭᠠᠮᠵᠢᠳᠦ ᠶᠤᠰᠤ ᠤᠴᠢᠷ ᠢ ᠤᠬᠠᠭᠭᠤᠯᠤᠨ ᠰᠡᠩᠭᠡᠷᠡᠭᠦᠯᠵᠦ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠲᠤᠰ | ᠰᠡᠳᠭᠦᠯ ᠨᠢ ᠶᠤᠰᠤᠳᠠᠢ ᠤᠩᠰᠢᠭᠴᠢᠳ ᠲᠤ ᠭᠦᠨ ᠲᠠᠭᠠᠯᠠᠭᠳᠠᠭᠰᠠᠨ ᠨᠢᠭᠡᠨ ᠤᠯᠳᠠᠰᠢ ᠦᠭᠡᠢ ᠦᠨᠡ ᠦᠷᠳᠡᠭ ᠲᠠᠢ ᠰᠡᠳᠭᠦᠯ ᠭᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ ᠃ | ︽ ᠨᠡᠶᠢᠭᠡᠮ︾ ᠰᠡᠳᠭᠦᠯ ᠤᠨ 2021 ᠤᠨ ᠤ 6 ᠳ᠋ᠤᠭᠠᠷ ᠬᠤᠭᠤᠴᠠᠭᠠ ᠪᠠᠷ ᠵᠢᠱᠢᠶᠡᠯᠡᠪᠡᠯ᠄ ᠪᠤᠯᠤᠩ ᠤᠨ ᠲᠠᠯᠠ ᠪᠠᠷ ᠤᠯᠠᠮ ᠢᠯᠡᠭᠦᠥ ᠰᠢᠨᠡᠴᠢᠯᠡᠯᠳᠡ ᠬᠢᠵᠦ᠂ | ︽ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠮᠡᠳᠡᠭᠡ ᠵᠠᠩᠭᠢ︾ ᠂ ︽ ᠨᠠᠮ ᠤᠨ ᠲᠡᠥᠬᠡ ᠶᠢᠨ ᠰᠤᠷᠤᠯᠴᠠᠯᠭᠠ ᠬᠦᠮᠦᠵᠢᠯ︾᠂ ︽ᠠᠶᠢᠮᠠᠭ ᠬᠤᠳᠠ ᠶᠢᠨ ᠮᠡᠳᠡᠭᠡ ᠵᠠᠩᠭᠢ ︾᠂ ︽ | ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠤ ᠬᠠᠮᠳᠤ ᠶᠢᠨ ᠴᠤᠭᠴᠠ ᠶᠢᠨ ᠤᠬᠠᠮᠰᠠᠷ ᠢ ᠪᠠᠳᠤᠳᠬᠠᠶᠠ ︾ ᠂ ︽ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠶᠢᠨ ᠲᠠᠶᠢᠯᠤᠮᠵᠢ ︾᠂ ︽ ᠰᠢᠨᠡ ᠴᠠᠭ | ᠦᠶᠡ ᠶᠢᠨ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠺᠠᠳ᠋ᠷ ᠤᠨ ᠴᠤᠭ ᠵᠢᠪᠬᠤᠭᠠ︾ ᠂ ︽ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠰᠤᠶᠤᠯ︾ ᠂ ︽ᠤᠳᠬᠠ ᠶᠢᠨ ᠭᠡᠷᠡᠯ ︾᠂ ︽ ᠭᠠᠵᠠᠷ | ᠤᠰᠤᠨ ᠤ ᠨᠡᠷᠡ ︾᠂ ︽ ᠦᠭᠦᠯᠡᠯ ᠤᠨ ᠲᠠᠪᠴᠠᠩ︾᠂ ︽ ᠵᠢᠷᠤᠭ ᠤᠷᠠᠯᠠᠯ︾ ᠵᠡᠷᠭᠡ ᠤᠯᠠᠨ ᠬᠠᠷᠠᠭᠠᠰᠤ ᠠᠴᠠ ᠲᠤᠰ ᠰᠡᠳᠭᠦᠯ ᠤᠨ ᠢᠶᠠᠨ ᠠᠭᠤᠯᠭᠠ ᠶᠢ ᠤᠯᠠᠮ | ᠢᠯᠡᠭᠦᠥ ᠠᠷᠠᠳ ᠲᠦᠮᠡᠨ ᠳᠤ ᠬᠠᠨᠳᠤᠭᠤᠯᠵᠤ᠂ ᠦᠨᠡᠨ ᠬᠦ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠤᠮᠳᠠᠬᠢ ᠶᠤᠰᠤ ᠤᠴᠢᠷ ᠢ ᠤᠯᠠᠮᠵᠢᠯᠠᠬᠤ ᠶᠢ ᠪᠠᠳᠤᠯᠠᠵᠤ ᠴᠢᠳᠠᠭᠰᠠᠨ | ᠪᠠᠶᠢᠨᠠ᠃ | ᠲᠡᠭᠡᠷᠡᠬᠢ ᠮᠡᠳᠦ ᠪᠠᠷ ᠪᠤᠯᠤᠩ ᠤᠨ ᠨᠠᠷᠢᠨ ᠨᠢᠮᠪᠠᠢ ᠲᠤᠬᠢᠷᠠᠭᠤᠯᠤᠯᠳᠠ ᠪᠠᠷ ᠲᠠᠮᠵᠢᠨ ᠲᠤᠰ ᠰᠡᠳᠭᠦᠯ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠨᠢ ᠤᠯᠠᠮ ᠢᠯᠡᠭᠦᠥ ᠲᠤᠷᠪᠢᠳᠠᠢ | ᠪᠤᠯᠵᠤ᠂ ᠮᠠᠰᠢ ᠤᠯᠠᠨ ᠬᠦᠮᠦᠰ ᠤᠨ ᠲᠤᠮᠳᠠ ᠨᠦᠯᠦᠭᠡ ᠲᠤᠰᠬᠠᠯ ᠭᠠᠷᠴᠣ ᠂ ᠬᠦᠷᠢᠶᠡᠯᠡᠯ ᠢ ᠨᠢ ᠤᠯᠵᠤ ᠪᠠᠶᠢᠨᠠ᠃ | ᠲᠤᠰᠬᠠᠢ ᠠᠵᠢᠯ ᠬᠢᠭᠡᠳ ᠤᠯᠤᠰ ᠲᠦᠷᠦ ᠶᠢᠨ ᠰᠤᠷᠤᠯᠴᠠᠯᠭᠠ ᠶᠢᠨ ᠲᠠᠯᠠ ᠪᠠᠷ ᠦᠨᠡᠬᠡᠷ ᠰᠡᠳᠭᠢᠯ ᠰᠠᠨᠠᠭᠠᠨ ᠳᠤ ᠲᠤᠬᠢᠷᠠᠭᠰᠠᠨ ᠰᠢᠯᠢᠳᠡᠭ ᠰᠠᠶᠢᠨ | ᠤᠩᠰᠢᠪᠤᠷᠢᠳᠠᠢ ᠰᠡᠳᠭᠦᠯ ᠬᠤᠮᠰᠠᠳᠠᠵᠤ ᠪᠠᠶᠢᠭᠠ ᠦᠨᠦᠳᠦᠷ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠨᠢ ᠤᠷᠤᠨ ᠤ ᠲᠤᠳᠤᠨᠠ ᠭᠠᠳᠠᠨᠠᠬᠢ ᠤᠯᠠᠨ ᠤᠩᠰᠢᠭᠴᠢᠳ ᠤᠨ | ᠲᠠᠭᠠᠰᠢᠶᠠᠯ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ ᠃ ᠡᠭᠦᠨ ᠳᠤ ᠤᠯᠳᠤᠢ ᠪᠢ᠂ ᠲᠡᠭᠡᠷᠡ ᠰᠠᠷᠠ ᠳᠤ ᠠᠵᠢᠯ ᠤᠨ ᠴᠢᠯᠦᠭᠡ ᠪᠠᠷ ᠦᠪᠦᠷ ᠮᠤᠩᠭᠤᠯ ᠤᠨ ᠨᠤᠮ ᠤᠨ ᠰᠠᠩ ᠤᠨ | ᠲᠦᠷᠪᠡᠳᠦᠭᠡᠷ ᠲᠠᠪᠬᠤᠷᠯᠢᠭ ᠲᠤ ᠭᠠᠷᠴᠤ᠂ ᠨᠤᠮ ᠦᠵᠡᠬᠦ ᠵᠠᠪᠰᠢᠶᠠᠨ ᠢᠶᠠᠷ ᠲᠡᠳᠡᠭᠡᠷ ᠮᠤᠩᠭᠤᠯ ᠰᠡᠳᠭᠦᠯ ᠤᠨ ᠲᠠᠯᠪᠢᠭᠤᠷ ᠲᠡᠭᠡᠷᠡ ᠠᠴᠠ ᠬᠡᠳᠦᠨ ᠰᠡᠳᠭᠦᠯ ᠠᠪᠴᠤ | ᠣᠩᠰᠢᠨ᠂ ᠲᠠᠬᠢᠨ ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠢ ᠠᠪᠴᠤ ᠤᠩᠰᠢᠬᠤ ᠭᠡᠬᠦ ᠳᠤ ᠬᠡᠳᠦᠨ ᠤᠩᠰᠢᠭᠴᠢ ᠰᠡᠳᠭᠦᠯ ᠤᠨ ᠲᠠᠯᠪᠢᠭᠤᠷ ᠲᠡᠭᠡᠷᠡ ᠠᠴᠠ ᠡᠨᠡ ᠬᠦ ᠰᠡᠳᠭᠦᠯ ᠢ | ᠠᠪᠤᠭᠠᠳ ᠲᠦᠭᠡ ᠰᠠᠯᠤᠯ ᠦᠭᠡᠢ ᠤᠩᠰᠢᠵᠤ ᠪᠠᠶᠢᠯᠠ ᠃ ᠲᠡᠭᠡᠭᠡᠳ ᠪᠢ ᠴᠤ ᠲᠤᠰ ᠰᠡᠳᠭᠦᠯ ᠢ ᠡᠷᠬᠡᠪᠰᠢ ᠤᠩᠰᠢᠬᠤ ᠨᠢᠭᠡᠨ ᠤᠩᠰᠢᠭᠴᠢ ᠶᠢᠨ ᠬᠤᠪᠢ ᠪᠠᠷ ᠠᠷᠭᠠ | ᠪᠤᠰᠤ ᠪᠠᠷᠤᠭ ᠬᠠᠭᠠᠰ ᠴᠠᠭ ᠰᠢᠬᠠᠮ ᠬᠦᠯᠢᠶᠡᠵᠦ ᠪᠠᠶᠢᠭᠠᠳ ᠲᠡᠷᠡ ᠬᠡᠳᠦᠨ ᠤᠩᠰᠢᠭᠴᠢ ᠤᠩᠰᠢᠵᠤ ᠪᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠰᠠᠶ᠋ᠢ ᠪᠢ ᠣᠯᠵᠣ ᠤᠩᠰᠢᠯᠠ ᠃ | ᠠᠷᠪᠠ ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ ᠡᠨᠡ ᠬᠦ ᠰᠡᠳᠭᠦᠯ ᠤᠨ ᠰᠢᠳᠤᠷᠭᠤ ᠤᠩᠰᠢᠭᠴᠢ ᠪᠤᠯᠤᠭᠰᠠᠨ ᠤ ᠬᠤᠪᠢ ᠳᠤ ᠂ ᠦᠪᠡᠷ ᠤᠨ ᠦᠵᠡᠯᠳᠡ ᠪᠠᠨ ᠰᠢᠭᠤᠳ | ᠰᠢᠯᠤᠭᠤᠨ ᠶᠠᠷᠢᠯᠠ᠃ ᠮᠢᠨᠦ ᠡᠷᠬᠡᠪᠡᠰᠢ ᠤᠩᠰᠢᠬᠤ ᠬᠡᠳᠦᠨ ᠰᠡᠳᠭᠦᠯ ᠤᠨ ᠨᠢᠭᠡ ᠨᠢ ᠲᠠᠷᠤᠢ ᠲᠤᠰ ᠰᠡᠳᠭᠦᠯ ᠶᠤᠮ᠃ ᠤᠶᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠳᠤ ᠠᠷᠠᠳ ᠤᠨ | ᠶᠠᠪᠤᠳᠠᠯ ᠤᠨ ᠲᠤᠬᠠᠢ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠲᠡᠭᠡᠷᠡ ᠱᠠᠳᠤᠨ ᠤ ᠱᠠᠭᠠᠷᠳᠠᠯᠭᠠ ᠪᠠᠷ ︽ ᠨᠡᠶᠢᠭᠡᠮ︾ ᠰᠡᠳᠭᠦᠯ ᠨᠢ ᠨᠢᠭᠤᠷ ᠬᠠᠪᠢᠰᠤ ᠶᠢᠨ ᠤᠷᠠᠯᠠᠯ᠂ ᠪᠤᠯᠤᠩ ᠤᠨ | ᠲᠤᠬᠢᠷᠠᠭᠤᠯᠤᠯᠳᠠ᠂ ᠨᠡᠶᠢᠭᠡᠮ ᠲᠠᠢ ᠬᠠᠷᠢᠯᠴᠠᠬᠤ ᠲᠠᠯᠠ ᠪᠠᠷ ᠨᠡᠩ ᠴᠤ ᠰᠢᠨᠡ ᠰᠡᠪᠡᠭᠦᠨ ᠠᠷᠠᠭᠠ ᠪᠠᠷᠢᠯ ᠬᠢᠭᠡᠳ ᠦᠭᠡᠷᠡᠴᠢᠯᠡᠯᠳᠡ ᠬᠢᠭᠰᠡᠨ ᠠᠴᠠ ᠲᠤᠰ | ᠰᠡᠳᠭᠦᠯ ᠤᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠵᠢᠴᠢ ᠤᠩᠰᠢᠭᠴᠢᠳ ᠤᠨ ᠲᠤᠰᠬᠠᠯ ᠤᠯᠠᠮ ᠦᠷᠭᠡᠨ ᠲᠡᠯᠭᠡᠷᠡᠩᠭᠦᠢ ᠪᠤᠯᠵᠤ᠂ ᠦᠨᠡᠨ ᠬᠦ ᠠᠷᠠᠳ ᠲᠦᠮᠡᠨ ᠤ ᠲᠤᠮᠳᠠ ᠠᠴᠠ | ᠰᠡᠳᠦᠪ ᠰᠣᠩᠭᠤᠨ ᠰᠡᠳᠭᠦᠯ ᠡᠷᠬᠢᠯᠡᠬᠦ ᠶᠢᠨ ᠬᠠᠮᠳᠤ ᠲᠠᠬᠢᠨ ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ ᠵᠤᠷᠢᠯᠭᠠ ᠳᠤ ᠪᠠᠨ ᠬᠦᠷᠴᠦ ᠪᠠᠶᠢᠨᠠ᠃ | ︽ᠨᠡᠶᠢᠭᠡᠮ︾ ᠰᠡᠳᠭᠦᠯ ᠮᠢᠨᠢ ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠠᠯᠬᠤᠭᠠ ᠶᠢ ᠲᠠᠭᠠᠨ᠂ ᠰᠡᠳᠭᠦᠯ ᠡᠷᠬᠢᠯᠡᠬᠦ ᠵᠠᠷᠴᠢᠮ ᠢᠶᠠᠨ ᠤᠯᠠᠮ ᠢᠯᠡᠭᠦᠥ ᠪᠠᠷᠢᠮᠳᠠᠯᠠᠨ᠂ ᠨᠡᠩ | ᠰᠢᠨᠡ ᠨᠢᠭᠡᠨ ᠦᠨᠳᠦᠷᠴᠡ ᠳᠤ ᠭᠠᠷᠴᠤ᠂ ᠨᠡᠩ ᠤᠯᠠᠨ ᠤᠩᠰᠢᠭᠴᠢᠳ ᠬᠢᠭᠡᠳ ᠵᠤᠬᠢᠶᠠᠭᠴᠢᠳ ᠤᠨ ᠢᠶᠠᠨ ᠭᠡᠭᠡᠨ ᠮᠡᠯᠮᠡᠢ ᠳᠤ ᠲᠠᠭᠠᠯᠠᠭᠳᠠᠵᠤ᠂ ᠨᠠᠮ ᠠᠷᠠᠳ | ᠲᠦᠮᠡᠨ ᠤ ᠪᠠᠨ ᠲᠠᠭᠤᠨ ᠬᠤᠭᠤᠯᠠᠢ ᠪᠤᠯᠵᠤ ᠮᠠᠨᠳᠤᠬᠤ ᠪᠤᠯᠳᠤᠭᠠᠢ ᠭᠡᠵᠦ ᠵᠦᠩᠨᠡᠶᠡ ︕ ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ ᠄ ᠦᠪᠦᠷ ᠮᠤᠩᠭᠤᠯ ᠤᠨ ᠯᠢᠩ ᠢ ᠲᠡᠭᠡᠳᠦ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠤᠨ ︵ᠪᠦᠯᠦᠭᠯᠡᠯ ︶ ᠤᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢ |