| ᠳᠤᠷᠠᠰᠬᠤ ᠶᠢᠨ ᠵᠢᠷᠭᠠᠯ | ᠫᠦ᠊ · ᠦᠯᠵᠠᠢ ᠵᠣᠬᠢᠶᠠᠪᠠ | ᠬᠦᠮᠤᠨ ᠨᠢᠭᠡᠪᠤᠷᠢ ᠶᠢᠨ ᠠᠵᠢᠯ ᠦᠢᠯᠡᠰ᠂ ᠳᠤᠷᠠ ᠰᠤᠨᠢᠷᠬᠠᠯ᠂ ᠠᠮᠢᠳᠤᠷᠠᠯ ᠤᠨ ᠳᠠᠳᠬᠠᠯ ᠠᠴᠠ ᠪᠤᠯᠵᠤ ᠳᠡᠳᠡᠨ ᠤ ᠵᠢᠷᠭᠠᠯ ᠤᠨ ᠮᠡᠳᠡᠷᠡᠮᠵᠢ ᠬᠠᠷᠢᠯᠴᠠᠨ ᠠᠳᠠᠯᠢ | ᠦᠭᠡᠢ ᠪᠠᠶᠢᠳᠠᠭ᠃ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠪᠠᠨ ᠪᠠᠶᠢᠩᠭᠤ ᠰᠤᠳᠤᠷ ᠨᠤᠮ ᠲᠠᠢ ᠬᠠᠨᠢᠯᠠᠵᠤ᠂ ᠪᠢᠴᠢᠭ ᠦᠰᠤᠭ᠌ ᠲᠠᠢ ᠨᠤᠴᠤᠯᠳᠤᠵᠤ ᠶᠠᠪᠤᠳᠠᠭ ᠬᠦᠮᠤᠨ | ᠡᠳᠤᠷ ᠤᠨ ᠤᠳᠠᠭᠠᠨ ᠳᠤ ᠨᠤᠮ ᠪᠢᠴᠢᠭ ᠤᠨ ᠳᠤᠭᠤᠷᠢᠨ ᠳᠤ ᠠᠯᠢ ᠤᠯᠠᠨ ᠳᠤᠷᠠᠳᠬᠠᠯ ᠲᠠᠢ ᠪᠤᠯᠵᠤ᠂ ᠳᠡᠳᠡᠭᠡᠷ ᠢᠶᠠᠨ ᠡᠷᠭᠢᠴᠡᠬᠦᠯᠵᠤ ᠳᠤᠷᠠᠰᠬᠤ ᠶᠢᠨ ᠵᠢᠷᠭᠠᠯ ᠳᠤ | ᠱᠤᠮᠪᠠᠳᠠᠭ ᠰᠠᠨ᠃ | ᠭᠤᠴᠢᠨ ᠵᠢᠯ ᠤᠨ ᠡᠮᠤᠨᠡ ︽ᠤᠩᠰᠢᠭᠴᠢᠳ ᠲᠤ ᠨᠠᠶᠢᠭᠡᠮ ᠤᠨ ᠤᠬᠠᠭᠠᠨ᠂ ᠬᠠᠤᠯᠢ ᠶᠢᠨ ᠤᠬᠠᠭᠠᠨ᠂ ᠶᠤᠰᠤ ᠰᠤᠷᠳᠠᠬᠤᠨ ᠤ ᠤᠬᠠᠭᠠᠨ᠂ ᠠᠮᠢᠳᠤᠷᠠᠬᠤ | ᠵᠦᠢ ᠶᠢᠨ ᠤᠬᠠᠭᠠᠨ᠂ ᠤᠷᠤᠭ ᠤᠨ ᠰᠤᠳᠤᠯᠤᠯ᠂ ᠭᠡᠷ ᠪᠦᠯᠢ ᠶᠢᠨ ᠰᠤᠳᠤᠯᠤᠯ᠂ ᠦᠨᠳᠤᠰᠤᠳᠡᠨ ᠤ ᠰᠤᠳᠤᠯᠤᠯ᠂ ᠠᠷᠠᠳ ᠤᠨ ᠭᠡᠪ ᠵᠠᠩᠰᠢᠯ ᠤᠨ ᠤᠬᠠᠭᠠᠨ ᠵᠡᠷᠭᠡ | ᠤᠯᠠᠨ ᠳᠦᠷᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ︾ ᠢ ᠤᠯᠠᠮᠵᠢᠯᠠᠬᠤ ᠵᠤᠷᠢᠯᠳᠠ ᠲᠠᠢ ᠨᠢᠭᠡᠨ ᠰᠡᠳᠬᠦᠯ ᠮᠡᠨᠳᠤᠯᠠᠵᠤ ᠪᠢᠯᠠ᠂ ᠳᠡᠷᠡ ᠪᠤᠯ ︽ᠤᠷᠴᠢᠨ ᠵᠤᠭᠢᠴᠠᠬᠤ | ᠤᠷᠴᠢᠯᠠᠩ ᠤᠨ ᠵᠢᠮᠡ᠂ ᠬᠤᠪᠢᠰᠤᠨ ᠬᠦᠭᠵᠢᠬᠦ ᠨᠡᠶᠢᠭᠡᠮ ᠤᠨ ᠶᠤᠰᠤ ᠪᠠᠷ ᠤᠩᠰᠢᠭᠴᠢᠳ ᠳᠦᠮᠠᠨ ᠳᠤ ᠪᠠᠨ ᠨᠡᠩ ᠰᠢᠨᠡ ᠰᠤᠷᠭᠤᠭ᠂ ᠠᠮᠢᠵᠢᠷᠠᠭᠤᠨ ᠳᠡᠯᠭᠡᠷᠡᠬᠦᠨ | ᠠᠭᠤᠯᠭᠠ ᠶᠢ ᠳᠤᠯᠢᠯᠠᠭᠤᠯᠬᠤ ᠬᠠᠷᠠᠭᠠᠰᠤ︾ ᠠᠴᠠ ︽ᠤᠷᠤᠭ ᠭᠡᠷ ᠪᠦᠯᠢ ᠨᠠᠶᠢᠭᠡᠮ︾ ᠠᠴᠠ ᠪᠠᠨ ︽ᠰᠢᠨᠡᠷᠭᠡᠭ ᠨᠡᠷᠡ᠂ ᠵᠢᠪᠬᠤᠭᠠᠯᠢᠭ ᠳᠦᠷᠬᠦ︾ ᠪᠠᠷ ᠢᠯᠡᠷᠡᠭᠰᠡᠨ | ︽ᠨᠡᠶᠢᠭᠡᠮ︾ ᠰᠡᠳᠬᠦᠯ ᠪᠤᠯᠬᠤ ᠶᠤᠮ᠃ ︽ᠨᠡᠶᠢᠭᠡᠮ︾ ᠰᠡᠳᠬᠦᠯ ᠮᠠᠨᠢ ︽ᠮᠡᠳᠡᠯᠭᠡ ᠶᠢᠨ ᠴᠢᠨᠠᠷ᠂ ᠤᠨᠤᠯ ᠤᠨ ᠴᠢᠨᠠᠷ᠂ ᠭᠡᠷᠡᠭᠴᠡᠭᠡᠳᠤ ᠴᠢᠨᠠᠷ᠂ ᠶᠡᠷᠤᠩᠭᠡᠢ ᠴᠢᠨᠠᠷ | ᠪᠤᠯᠤᠨ ᠰᠤᠨᠢᠷᠬᠠᠯᠳᠤ ᠴᠢᠨᠠᠷ︾ ᠢ ᠤᠶᠠᠯᠳᠤᠭᠤᠯᠤᠨ ᠤᠩᠰᠢᠭᠴᠢ ᠳᠦᠮᠡᠨ ᠲᠠᠢ ᠪᠠᠨ ᠵᠤᠯᠭᠠᠵᠤ ᠪᠠᠶᠢᠭᠰᠠᠨ ᠪᠤᠯ᠂ ᠦᠨᠤᠳᠤᠷ ︽ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ | ᠤᠨᠴᠠᠯᠢᠭ᠂ ᠳᠦᠷᠤ ᠶᠢᠨ ᠪᠤᠳᠤᠯᠭᠠ ᠶᠢᠨ ᠳᠠᠶᠢᠯᠤᠮᠵᠢ᠂ ᠨᠡᠶᠢᠭᠡᠮ ᠤᠨ ᠳᠡᠯᠭᠡᠷ ᠬᠠᠷᠠᠭᠠ᠂ ᠰᠤᠳᠤᠨ ᠪᠦᠳᠤᠭᠡᠯ ᠤᠨ ᠠᠮᠳᠠᠷᠬᠠᠯ︾ ᠢ ᠤᠩᠰᠢᠭᠴᠢ ᠤᠯᠠᠨ ᠳᠤ | ᠬᠦᠷᠭᠡᠵᠤ ᠴᠢᠳᠠᠭᠰᠠᠨ ᠢᠶᠠᠷ ᠢᠶᠠᠨ ᠨᠡᠶᠢᠭᠡᠮ ᠨᠠᠶᠢᠳᠠ ᠳᠤ ᠶᠡᠭᠡᠭᠡᠨ ᠨᠦᠯᠤᠭᠡ ᠳᠤᠰᠬᠠᠯ ᠲᠠᠢ ᠪᠠᠶᠢᠳᠠᠭ᠃ | ︽ᠨᠠᠶᠢᠭᠡᠮ︾ ᠰᠡᠳᠬᠦᠯ ᠲᠠᠢ ᠳᠠᠨᠢᠯᠴᠠᠵᠤ᠂ ᠳᠡᠬᠦᠨ ᠢ ᠠᠩᠬᠠᠷᠤᠨ ᠤᠩᠰᠢᠵᠤ᠂ ᠮᠥᠨ ᠪᠠᠰᠠ ᠬᠠᠶᠠ ᠨᠢᠭᠡ ᠬᠤᠶᠠᠷ ᠬᠤᠪᠢ ᠡᠭᠡ ᠪᠢᠴᠢᠭ ᠪᠢᠴᠢᠵᠤ | ᠨᠠᠶᠢᠳᠠᠯᠠᠬᠦᠯᠵᠤ ᠶᠠᠪᠤᠭᠰᠠᠨ ᠤ ᠬᠤᠪᠢ ᠳᠤ ᠳᠤᠷᠠᠳᠬᠠᠬᠤ ᠵᠦᠢᠯ ᠤᠯᠠᠨ ᠦᠭᠡᠢ ᠴᠤ ᠭᠡᠰᠡᠨ ᠦᠨᠤᠳᠤᠷ ᠡᠷᠭᠢᠴᠡᠬᠦᠯᠤᠨ ᠪᠤᠳᠤᠬᠤ ᠳᠤ ᠳᠤᠷᠠᠰᠬᠤ ᠶᠠᠭᠤᠮᠠ ᠮᠥᠨ | ᠪᠠᠶᠢᠵᠤ᠂ ᠨᠢᠭᠡ᠂ ᠬᠤᠶᠠᠷ᠂ ᠭᠤᠷᠪᠠ ᠁ ᠭᠡᠬᠦᠴᠢᠯᠡᠨ ᠳᠡᠮᠳᠡᠭᠯᠡᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠪᠠᠴᠤ ᠳᠤᠷᠠᠰᠬᠤ ᠵᠦᠢᠯ ᠪᠠᠶᠢᠨᠠ᠂ ᠦᠨᠢᠳᠡ ᠶᠢᠨ ᠳᠤᠷᠠᠰᠬᠠᠯ | ᠪᠤᠯᠤᠭᠰᠠᠨ ᠪᠤᠳᠠᠳᠤ ᠡᠳ᠋ ᠴᠤ ᠪᠤᠢ᠃ | ᠨᠢᠭᠡᠨ ᠰᠡᠳᠬᠦᠯ ᠤᠨ ᠨᠡᠶᠢᠭᠡᠮ ᠨᠠᠶᠢᠳᠠ ᠳᠤ ᠮᠡᠳᠡᠷᠡᠭᠳᠡᠬᠦ ᠨᠢ ᠳᠡᠬᠦᠨ ᠤ ᠠᠭᠤᠯᠭᠠ ᠪᠠᠶᠢᠵᠤ᠂ ᠦᠪᠡᠷᠮᠢᠴᠠ ᠭᠡᠪ ᠨᠡᠮᠪᠠ ᠪᠠᠷ ᠢᠶᠠᠨ ᠤᠩᠰᠢᠭᠴᠢ ᠶᠢ | ᠡᠵᠡᠮᠳᠡᠬᠦ ᠳᠤ ᠪᠠᠶᠢᠳᠠᠭ᠃ ᠶᠠᠮᠠᠷ ᠨᠢᠭᠡᠨ ᠵᠤᠭᠢᠶᠠᠭᠴᠢ ᠶᠢᠨ ᠰᠡᠳᠬᠦᠯ ᠳᠤ ᠳᠠᠨᠢᠭᠳᠠᠬᠤ ᠨᠢ ᠳᠡᠬᠦᠨ ᠤ ᠡᠭᠡ ᠪᠢᠴᠢᠭ ᠲᠤ ᠪᠠᠶᠢᠳᠠᠭ᠃ ᠤᠩᠰᠢᠭᠴᠢ ᠶᠢᠨ ᠳᠤᠮᠳᠠ | ᠦᠷᠭᠡᠨ ᠨᠦᠯᠤᠭᠡ ᠳᠤᠰᠬᠠᠯ ᠲᠠᠢ ︽ᠨᠡᠶᠢᠭᠡᠮ︾ ᠮᠠᠨᠢ ᠳᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠤᠨ ᠤ ᠡᠭᠢᠨ ᠳᠤ ᠮᠡᠨᠳᠤᠯᠡᠮᠡᠭᠴᠠ ᠪᠢ ᠳᠡᠬᠦᠨ ᠲᠠᠢ ᠳᠠᠨᠢᠯᠴᠠᠵᠤ ᠡᠳᠤᠭᠡ | ᠪᠤᠯᠳᠠᠯᠠ ᠤᠩᠰᠢᠨ ᠰᠤᠨᠢᠷᠬᠠᠵᠤ ᠤᠶᠤᠨ ᠤ ᠰᠢᠮᠡ ᠬᠦᠷᠳᠡᠬᠦ ᠶᠢᠨ ᠳᠠᠭᠠᠤ ᠡᠭᠡ ᠪᠢᠴᠢᠭ ᠢᠶᠠᠨ ᠢᠯᠡᠭᠡᠵᠤ ᠶᠠᠪᠤᠯᠠ᠃ ︽ᠠᠯᠠᠭᠠ ᠴᠠᠭᠠᠰᠤᠨ ᠠᠴᠠ ᠦᠷᠳᠡᠭ | ᠰᠢᠡᠵᠢᠭᠴᠢ︾ ᠭᠡᠰᠡᠨ ᠨᠢᠭᠡᠨ ᠬᠤᠪᠢ ᠴᠢᠮᠠᠭᠡᠯᠡᠯ ᠮᠢᠨᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠭᠰᠢ ᠶᠢᠨ ᠨᠢᠮᠪᠠᠢ ᠵᠠᠰᠠᠯᠳᠠ ᠪᠠᠷ 1995 ᠤᠨ ᠤ ᠵᠢᠷᠭᠤᠳᠤᠭᠠᠷ ᠬᠤᠭᠤᠴᠠᠭᠠ ᠳᠤ | ᠨᠡᠶᠢᠳᠡᠯᠡᠭᠳᠡᠵᠤ᠂ ᠪᠢᠴᠢᠵᠤ ᠵᠢᠷᠤᠬᠤ ᠶᠢᠨ ᠤᠷᠮᠠ ᠶᠢ ᠬᠦᠭᠵᠢᠭᠡᠨ᠂ ᠡᠭᠡ ᠪᠢᠴᠢᠭ ᠢᠯᠡᠭᠡᠬᠦ ᠶᠢᠨ ᠵᠤᠷᠢᠭ ᠢ ᠬᠦᠪᠴᠢᠯᠡᠵᠤ ᠪᠢᠯᠠ᠃ ᠳᠡᠭᠡᠭᠡᠳ ᠰᠢᠷᠭᠠᠭᠠᠯᠳᠠ ᠪᠠᠷ | ᠳᠤᠳᠠᠮᠠᠭ ᠡᠭᠡ ᠪᠢᠴᠢᠭ ᠤᠳ ᠠᠴᠠ ᠪᠠᠨ ᠡᠷᠡᠭᠡᠯᠡᠯ ᠦᠭᠡᠢ ᠢᠯᠡᠭᠡᠳᠡᠭ ᠪᠤᠯᠵᠤ᠂ ᠨᠠᠶᠢᠷᠠᠭᠤᠯᠤᠴᠢ ᠪᠠᠭᠰᠢ ᠶᠢᠨ ᠠᠷᠢᠭᠤᠨ ᠬᠦᠳᠡᠯᠮᠤᠷᠢ ᠪᠠᠷ ᠤᠯᠠᠮ ᠴᠢᠨᠠᠷᠵᠢᠭᠰᠠᠨ | ᠠᠷᠪᠠᠭᠠᠳ ᠡᠭᠡ ᠪᠢᠴᠢᠭ ᠰᠡᠳᠬᠦᠯ ᠤᠨ ᠬᠠᠭᠤᠳᠠᠰᠤᠨᠠ ᠢᠯᠡᠷᠡᠵᠤ᠂ ᠮᠢᠨᠤ ᠪᠢᠷ ᠢᠶᠠᠨ ᠤᠯᠠᠮ ᠬᠤᠷᠴᠠᠯᠠᠬᠤ ᠳᠤ ᠤᠷᠮᠠ ᠬᠠᠶᠢᠷᠠᠯᠠᠵᠤ ᠪᠢᠯᠠ᠃ ᠨᠡᠩ | ᠳᠤᠷᠠᠰᠤᠮᠵᠢ ᠲᠠᠢ ᠨᠢ 2017 ᠤᠨ ᠤ ᠵᠢᠯ ᠤᠨ ᠡᠴᠤᠰ ᠲᠤ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠶᠢᠨ ᠤᠷᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠳᠤ ᠪᠤᠯᠤᠭᠰᠠᠨ ︽ᠦᠪᠤᠷ | ᠮᠤᠩᠭᠤᠯ ᠤᠨ ᠤᠷᠠᠳ ᠤᠪᠤᠭᠠᠨ ᠰᠤᠶᠤᠯ ᠤᠨ ᠰᠤᠳᠤᠯᠭᠠᠨ ᠤ ᠨᠡᠶᠢᠭᠡᠮᠯᠢᠭ ᠪᠠᠶᠢᠭᠤᠯᠤᠭᠳᠠᠬᠤ ᠵᠢᠴᠢ ᠤᠪᠤᠭᠠᠨ ᠰᠤᠶᠤᠯ ᠮᠤᠩᠭᠤᠯ ᠭᠡᠷ ᠤᠨ ᠰᠤᠶᠤᠯ ᠤᠨ | ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ︾ ᠳᠤ ᠤᠷᠤᠯᠴᠠᠬᠤ ᠳᠠᠰᠢᠷᠠᠮ ᠢᠶᠠᠷ ᠤᠷᠠᠳ ᠤᠨ ᠳᠤᠬᠠᠢ ᠦᠢᠯᠠᠭᠠᠵᠤ ᠮᠡᠳᠡᠭᠰᠡᠨ ᠢᠶᠠᠨ ᠡᠮᠭᠢᠯᠡᠵᠤ᠂ ︽ᠤᠷᠠᠳ ᠨᠤᠳᠤᠭ ᠲᠤ︾ | ᠭᠡᠰᠡᠨ ᠨᠢᠭᠡᠨ ᠬᠤᠪᠢ ᠡᠭᠡ ᠪᠢᠴᠢᠭ ᠢᠯᠡᠭᠡᠭᠰᠡᠨ ᠢ 2020 ᠤᠨ ᠤ ᠶᠢᠰᠤᠳᠤᠭᠡᠷ ᠬᠤᠭᠤᠴᠠᠭᠠ ᠳᠤ ᠨᠡᠶᠢᠳᠡᠯᠡᠵᠤ ᠦᠭᠬᠦᠯᠡ᠃ ᠡᠨᠡ ᠨᠢ ᠮᠢᠨᠤ ᠬᠤᠪᠢ ᠳᠤ ᠠᠪᠴᠤ | ᠭᠡᠯᠡᠪᠡᠯ ᠦᠨᠡᠭᠡᠷ ᠰᠠᠨᠠᠭᠠᠨ ᠠᠴᠠ ᠭᠠᠳᠠᠭᠤᠷ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠂ ᠤᠴᠢᠷ ᠨᠢ ᠮᠢᠨᠤ ᠪᠤᠳᠤᠯ ᠳᠤ ᠬᠤᠶᠠᠷ ᠭᠤᠷᠪᠠᠨ ᠵᠢᠯ ᠤᠨ ᠡᠮᠤᠨᠡ ᠦᠭᠬᠦᠭᠰᠡᠨ ᠡᠭᠡ ᠪᠢᠴᠢᠭ | ᠨᠢᠭᠡᠨᠳᠠ ᠺᠤᠮᠫᠢᠦ᠋ᠲ᠋ᠧᠷ ᠠᠴᠠ ᠠᠷᠴᠢᠭᠳᠠᠭᠰᠠᠨ ᠪᠠᠶᠢᠬᠤ ᠶᠤᠰᠤᠳᠠᠢ᠂ ᠭᠡᠪᠡᠴᠤ ᠰᠡᠳᠬᠦᠯ ᠤᠨ ᠬᠢᠨ ᠬᠠᠷᠢᠨ ᠢᠩᠭᠢᠵᠤ ᠭᠢᠭᠰᠡᠨ ᠦᠭᠡᠢ᠂ ᠡᠨᠡ ᠨᠢ ᠨᠠᠶᠢᠷᠠᠭᠤᠯᠬᠤ | ᠭᠡᠯᠳᠡᠰ ᠤᠨ ᠬᠢᠨ ᠤ ᠵᠤᠭᠢᠶᠠᠭᠴᠢ ᠳᠤ ᠬᠠᠨᠳᠤᠬᠤ ᠬᠠᠷᠢᠭᠤᠴᠠᠯᠭᠠᠳᠤ ᠤᠪᠤᠷ᠂ ᠡᠭᠡ ᠪᠢᠴᠢᠭ ᠢ ᠬᠠᠳᠠᠭᠠᠯᠠᠵᠤ ᠰᠶᠢᠳᠪᠤᠷᠢᠯᠡᠬᠦ ᠠᠷᠭᠠ ᠶᠢ ᠨᠢᠭᠡ ᠶᠤᠰᠤᠨ ᠳᠤ | ᠬᠠᠷᠠᠭᠤᠯᠵᠤ ᠪᠠᠶᠢᠭᠠ ᠭᠡᠵᠤ ᠦᠵᠡᠬᠦ ᠳᠤ ᠢᠯᠡᠬᠦᠳᠡᠬᠦ ᠦᠭᠡᠢ ᠪᠢᠵᠠ᠃ ᠡᠨᠡ ᠤᠴᠢᠷ ᠨᠢ ᠨᠠᠳᠠ ᠳᠤ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠰᠠᠭᠤᠭᠳᠠᠯ ᠦᠯᠳᠡᠭᠡᠭᠰᠡᠨ ᠪᠤᠯᠬᠤᠷ | ᠠᠳᠡ ᠤᠨᠴᠠᠯᠠᠵᠤ ᠳᠤᠷᠠᠳᠬᠠᠨ ᠳᠡᠮᠳᠡᠭᠯᠡᠵᠤ ᠪᠠᠶᠢᠭᠠ ᠶᠤᠮ᠃ | ︽ᠤᠷᠤᠭ ᠭᠡᠷ ᠪᠦᠯᠢ ᠨᠠᠶᠢᠭᠡᠮ︾ ᠪᠤᠶᠤ ︽ᠨᠡᠶᠢᠭᠡᠮ︾ ᠰᠡᠳᠬᠦᠯ ᠲᠠᠢ ᠳᠠᠨᠢᠯᠴᠠᠵᠤ᠂ ᠴᠢᠳᠠᠬᠤ ᠶᠢᠨ ᠳᠤᠳᠤᠷᠠ ᠰᠡᠳᠬᠦᠯ ᠤᠨ ᠠᠵᠢᠯ ᠢ ᠳᠡᠮᠵᠢᠵᠤ᠂ | ᠴᠢᠳᠠᠯ ᠤᠨ ᠢᠶᠠᠨ ᠭᠢᠷᠢ ᠪᠠᠷ ᠡᠭᠡ ᠪᠢᠴᠢᠭ ᠪᠢᠴᠢᠵᠤ ᠢᠯᠡᠭᠡᠬᠦ ᠶᠢ ᠪᠠᠷᠢᠮᠳᠠᠯᠠᠵᠤ ᠪᠠᠶᠢᠭᠰᠠᠨ ᠢᠶᠠᠷ ᠰᠡᠳᠬᠦᠯ ᠤᠨ ᠬᠤᠷᠢᠶᠠ ᠶᠢᠨ ᠬᠦᠭᠢᠬᠦᠯᠤᠯ ᠵᠤᠷᠢᠭᠵᠢᠭᠤᠯᠤᠯ ᠢ ᠴᠤ | ᠳᠤᠰᠴᠤ ᠪᠠᠶᠢᠯᠠ᠃ | 1994 ᠤᠨ ᠳᠤ ᠴᠢᠮᠡᠭᠡᠯᠡᠭᠴᠢ ᠪᠠᠷ ᠡᠯᠰᠡᠭᠳᠡᠵᠤ᠂ 1995 ᠤᠨ ᠤ ᠵᠢᠯ ᠤᠨ ᠡᠭᠢᠨ ᠳᠤ ᠳᠤᠷᠠᠰᠬᠠᠯ ᠤᠨ ᠪᠤᠳᠠᠰ ᠬᠦᠯᠢᠶᠡᠵᠤ ᠪᠠᠶᠢᠭᠰᠠᠨ ᠪᠤᠯ᠂ ᠵᠢᠯ ᠤᠨ | ᠡᠴᠤᠰ ᠲᠤ ᠰᠢᠯᠢᠳᠡᠭ ᠴᠢᠮᠡᠭᠡᠯᠡᠭᠴᠢ ᠪᠠᠷ ᠦᠨᠡᠯᠡᠭᠳᠡᠵᠤ᠂ ︽ᠴᠢᠮᠡᠭᠡᠯᠡᠭᠴᠢ ᠶᠢᠨ ᠦᠨᠠᠮᠯᠠᠯ︾᠂ ᠰᠡᠳᠬᠦᠯ ᠤᠨ ᠬᠤᠷᠢᠶᠠ ᠶᠢᠨ ︽ᠤᠷᠤᠭ ᠭᠡᠷ ᠪᠦᠯᠢ ᠨᠠᠶᠢᠭᠡᠮ︾ | ᠭᠡᠰᠡᠨ ᠮᠤᠩᠭᠤᠯ ᠭᠢᠳᠡᠳ ᠠᠩᠭ᠍ᠯᠢ ᠦᠰᠤᠭ᠌ ᠲᠠᠢ ᠳᠤᠰᠬᠠᠢ ᠳᠡᠮᠳᠡᠭᠯᠡᠯ ᠤᠨ ᠳᠡᠪᠳᠡᠷ ᠵᠡᠷᠭᠡ ᠶᠢ ᠬᠦᠯᠢᠶᠡᠭᠰᠡᠨ ᠨᠢ ᠡᠳᠤᠭᠡ ᠳᠤᠷᠠᠳᠬᠠᠯ ᠲᠠᠢ᠂ ᠳᠤᠷᠠᠰᠬᠠᠯ ᠲᠠᠢ ᠡᠳ᠋ | ᠦᠯᠤᠭ᠌ ᠤᠨ ᠬᠤᠪᠢ ᠪᠠᠷ ᠶᠠᠭᠠᠭᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠨᠢᠳᠤᠨ ᠦᠵᠡᠭᠳᠡᠵᠤ ᠭᠠᠷ ᠲᠤ ᠪᠠᠷᠢᠭᠳᠠᠭᠰᠠᠨ ᠪᠤᠳᠠᠳᠤ ᠭᠡᠷᠡᠴᠢ ᠪᠤᠯᠵᠤ ᠡᠷᠭᠢᠴᠡᠬᠦᠯᠤᠯ ᠤᠨ | ᠶᠢᠷᠳᠢᠨᠴᠤ ᠳᠤ ᠬᠦᠳᠤᠯᠤᠭᠡᠳ ᠪᠠᠶᠢᠨᠠ᠃ | ᠢᠯᠠᠩᠭᠤᠶᠠ ᠪᠢ 2008 ᠤᠨ ᠤ ᠡᠭᠢᠨ ᠳᠤ ᠮᠤᠩᠭᠤᠯ ᠰᠡᠳᠬᠦᠯ ᠤᠨ ᠠᠩᠬᠠᠨ ᠤ ᠳ᠋ᠤᠭᠠᠷ ᠢ ᠴᠤᠭᠯᠠᠭᠤᠯᠠᠬᠤ ᠪᠤᠳᠤᠯ ᠳᠦᠷᠤᠭ᠍ᠳᠡᠵᠤ᠂ ᠬᠠᠳᠠᠭᠠᠯᠠᠵᠤ | ᠪᠠᠶᠢᠭᠰᠠᠨ ᠭᠡᠳᠤᠨ ᠵᠠᠭᠤᠨ ᠬᠤᠪᠢ ᠰᠡᠳᠬᠦᠯ ᠤᠳ ᠢᠶᠠᠨ ᠡᠷᠭᠢᠬᠦᠯᠵᠤ ᠤᠷᠪᠠᠭᠤᠯᠤᠭᠠᠳ ︽ᠦᠨᠳᠤᠰᠤᠳᠡᠨ ᠤ ᠪᠦᠯᠬᠦᠮᠳᠠᠯ︾ ︵ᠡᠳᠤᠭᠡ ᠶᠢᠨ ︽ᠳᠤᠮᠳᠠᠳᠤ ᠶᠢᠨ | ᠦᠨᠳᠤᠰᠤᠳᠡᠨ︾︶ ᠵᠡᠷᠭᠡ ᠠᠷᠪᠠᠨ ᠳᠤᠯᠤᠭᠠᠨ ᠬᠤᠪᠢ ᠰᠡᠳᠬᠦᠯ ᠤᠨ ᠠᠩᠬᠠᠨ ᠤ ᠳ᠋ᠤᠭᠠᠷ ᠢ ᠠᠩᠬᠠ ᠰᠢᠬᠦᠨ ᠭᠠᠷᠭᠠᠵᠤ ᠳᠡᠮᠳᠡᠭᠯᠡᠨ ᠳᠠᠩᠰᠠᠯᠠᠵᠤ ᠳᠤᠰᠬᠠᠢ ᠤᠷᠤᠨ | ᠪᠠᠶᠢᠷᠢ ᠤᠯᠭᠤᠨ ᠳᠠᠯᠪᠢᠵᠤ ᠪᠢᠯᠠ᠃ ᠬᠠᠷᠢᠨ ᠨᠢᠭᠡ ᠵᠢᠯ ᠤᠨ ᠳᠠᠷᠠᠭᠠ᠂ ᠳᠤᠬᠠᠶᠢᠯᠠᠪᠠᠯ 2009 ᠤᠨ ᠤ 8 ᠰᠠᠷᠠ ᠶᠢᠨ 11 ᠤ ᠡᠳᠤᠷ ᠮᠥᠨ ᠬᠠᠳᠠᠭᠠᠯᠠᠵᠤ | ᠪᠠᠶᠢᠭᠠ ᠨᠤᠮ ᠰᠡᠳᠬᠦᠯ ᠢᠶᠠᠨ ᠦᠷᠬᠦᠯᠵᠢᠯᠡᠨ ᠡᠷᠭᠢᠬᠦᠯᠵᠤ ᠪᠠᠶᠢᠭᠠᠳ ︽ᠤᠷᠤᠭ ᠭᠡᠷ ᠪᠦᠯᠢ ᠨᠠᠶᠢᠭᠡᠮ︾ ᠤᠨ ᠠᠩᠬᠠᠨ ᠤ ᠳ᠋ᠤᠭᠠᠷ ᠢ ᠤᠯᠵᠤ᠂ ᠡᠨᠡ ᠨᠢ ᠶᠠᠭ ᠯᠠ ︽ | ᠰᠢᠨᠡ ᠡᠭᠡ ᠬᠠᠭᠤᠷᠠᠢ︾ ᠶᠢ ᠢᠯᠡᠷᠡᠬᠦᠯᠤᠭ᠍ᠰᠡᠨ ᠮᠡᠳᠤ ᠪᠠᠶᠠᠷ ᠪᠤᠯᠵᠤ᠂ ᠮᠢᠨᠤ ᠴᠤᠭᠯᠠᠭᠤᠯᠭᠠ ᠶᠢᠨ ᠪᠠᠶᠠᠯᠢᠭᠵᠢᠯ᠂ ᠳᠤᠭᠠ ᠨᠤᠷᠮᠠ ᠶᠢᠨ ᠨᠡᠮᠡᠭᠳᠡᠯ ᠢ ᠠᠭᠢᠭᠤᠯᠵᠤ᠂ | ᠡᠳᠤᠭᠡ ᠴᠤᠭᠯᠠᠭᠤᠯᠵᠤ ᠬᠠᠳᠠᠭᠠᠯᠠᠭᠰᠠᠨ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠬᠤᠪᠢ ᠠᠩᠬᠠᠨ ᠤ ᠳ᠋ᠤᠭᠠᠷ ᠤᠨ ᠳᠤᠮᠳᠠ ᠦᠪᠡᠷ ᠤᠨ ᠭᠡᠰᠡᠨ ᠤᠷᠤᠨ ᠪᠠᠶᠢᠷᠢ ᠪᠠᠨ ᠡᠵᠡᠯᠡᠵᠤ᠂ | ᠨᠤᠮ ᠤᠨ ᠵᠢᠶᠠᠰᠠᠨᠠ ︽ᠰᠠᠭᠠᠳᠠᠨᠠ︾᠃ | ᠡᠨᠡ ᠪᠦᠬᠦᠨ ᠪᠤᠯ ᠮᠢᠨᠤ ︽ᠨᠡᠶᠢᠭᠡᠮ︾ ᠰᠡᠳᠬᠦᠯ ᠢᠶᠠᠨ ᠳᠤᠷᠠᠰᠴᠤ ᠰᠠᠭᠤᠬᠤ ᠶᠢᠨ ᠠᠵᠠ ᠵᠢᠷᠭᠠᠯ ᠰᠠᠨ︕ ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠠᠯᠠᠱᠠ ᠠᠶᠢᠮᠠᠭ ᠤᠨ | ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠳᠠ ᠪᠠᠯᠭᠠᠰᠤ ᠶᠢᠨ ᠰᠢᠤᠸᠠᠢ ᡁᠢ ᠶᠤᠸᠠᠨ ᠰᠠᠭᠤᠭᠠᠯᠢ ᠳᠤᠭᠤᠷᠢᠭ ᠤᠨ ᠠᠷᠪᠠᠳᠤᠭᠠᠷ ᠠᠰᠠᠷ ᠤᠨ ᠬᠤᠶᠠᠳᠤᠭᠠᠷ ᠤᠷᠤᠴᠠ ᠶᠢᠨ | 401 ᠳ᠋ᠤᠭᠡᠷ ᠭᠡᠷ |