| ︿︿ ᠶᠠᠭᠤᠮᠠᠨ﹀﹀ ᠳᠤ ᠳᠠᠰᠬᠤ ᠶᠢᠨ ᠵᠤᠪᠠᠯᠠᠩ ᠢ ᠮᠡᠳᠡᠭᠰᠡᠨ ᠮᠢᠨᠢ ᠰᠠᠶ᠋ᠢᠬᠠᠨ᠃ ᠶᠠᠪᠤᠵᠤ ᠮᠤᠬᠤᠬᠤ ᠶᠢᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠯᠡ ᠡᠨᠡ ᠳᠠᠰᠤᠨᠠ ᠭᠡᠳᠡᠭ | ᠠᠶᠠᠯᠳᠤᠨ ᠬᠠᠭᠤᠴᠢᠷᠠᠬᠤ᠂ ᠬᠦᠯᠢᠶᠡᠨ ᠴᠦᠬᠦᠬᠦ ᠶᠢᠨ ᠨᠡᠷᠡ ᠴᠦ ᠪᠢᠯᠡ ᠦᠦ ᠭᠡᠵᠦ ᠪᠤᠳᠤᠪᠠ︔ ᠤᠢ ᠰᠠᠨᠠᠮᠵᠢ ᠂ ᠡᠷᠴᠢ ᠵᠤᠷᠢᠭ ᠂ ᠠᠮᠢᠳᠤᠷᠠᠯ ᠰᠡᠳᠬᠢᠯ ᠂ ᠬᠠᠶᠢᠷᠠ | ᠳᠤᠷᠠᠯᠠᠯ ᠁ ᠶᠠᠳᠠᠵᠤ ᠬᠦᠳᠡᠯᠭᠡᠭᠡᠨ ᠬᠦᠷᠲᠡᠯᠡ ᠲᠢᠭ ᠢᠶᠠᠨ ᠠᠯᠳᠠᠵᠤ ᠬᠦᠴᠦ ᠦᠭᠡᠢ ᠪᠤᠯᠳᠠᠭ ᠠᠵᠢ᠃ ᠶᠠᠭ ᠯᠠ ᠦᠯᠦᠭᠡᠢ ᠳᠤ ᠰᠠᠵᠢᠯᠠᠭᠤᠯᠤᠨ ᠪᠤᠢ ᠨᠢᠯᠬᠠ | ᠭᠡᠦᠭᠡᠳ ᠰᠢᠭ ᠨᠢᠭᠡᠨ ᠵᠢᠭᠳᠡ ᠠᠶᠢᠵᠠᠮ ᠳᠡᠭᠡᠷᠡ ᠠᠮᠳᠠᠷᠬᠠᠨ ᠤᠨᠲᠠᠲᠠᠭ ᠯᠤᠭᠠ ᠠᠳᠠᠯᠢ᠃ ᠢᠷᠡᠬᠦ ᠪᠤᠯᠬᠤ ᠪᠦᠬᠦ ᠵᠦᠢᠯ ᠢ ᠦᠭᠡᠷᠡᠴᠢᠯᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠢᠨ | ᠳᠤᠯᠠᠳᠠ ᠡᠨᠡ ᠳᠠᠰᠬᠠᠯ ᠤᠰᠤᠯ ᠦᠭᠡᠢ ᠤᠬᠠᠭᠠᠯᠢᠭ ᠂ ᠵᠤᠪᠠᠯ ᠦᠭᠡᠢ ᠵᠤᠷᠢᠭᠤᠳᠠ ᠬᠢᠭᠳᠡᠳᠡᠭ ᠶᠤᠮ ᠪᠠᠶᠢᠨᠠ᠃ ᠮᠡᠳᠡᠲᠡᠯᠡ ᠮᠤᠬᠤᠵᠤ ᠰᠡᠭᠡᠲᠡᠯᠡ ᠰᠦᠨᠦᠭᠰᠡᠨ | ᠭᠠᠰᠢᠭᠤᠨ ᠦᠨᠡᠨ ᠢ ᠪᠢ ᠢᠡᠭᠬᠢᠵᠦ ᠯᠠ ᠳᠠᠷᠠᠰᠤ ᠰᠢᠭ᠋ ᠬᠦᠨᠲᠦᠷᠴᠦ ᠳᠠᠭᠤᠤ ᠰᠢᠭ᠋ ᠡᠭᠡᠰᠢᠭᠯᠡᠵᠡᠢ᠃ ᠡᠨᠡ ᠲᠠᠯᠠ ᠪᠠᠷ ᠢᠶᠠᠨ ᠳᠠᠰᠤᠯᠲᠠ ᠳᠠᠰᠬᠠᠯᠲᠠ ᠬᠤᠶᠠᠷ | ᠠᠳᠠᠯᠢᠬᠠᠨ ᠵᠢᠮᠡ ᠲᠠᠢ᠃ | ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠬᠤ ᠳᠤ ᠳᠠᠭᠤᠨ ᠵᠢᠭᠠᠳᠠᠭ ᠪᠠᠭᠰᠢ ︿︿ ᠬᠠᠶᠢᠷᠠ ᠬᠤᠷᠤᠰᠤᠯ ᠲᠤᠳᠤ ᠤᠭ ᠢᠶᠠᠨ ᠮᠠᠷᠲᠠᠯ ᠦᠭᠡᠢ ᠂ ᠬᠠᠳᠠᠨ ᠵᠤᠷᠢᠭ ᠪᠠᠲᠤ | ᠵᠤᠭᠰᠤᠯᠲᠠ ᠲᠠᠢ ᠁﹀﹀ ᠭᠡᠰᠡᠨ ᠳᠠᠭᠤᠤ ᠵᠢᠭᠠᠭᠰᠠᠨ ᠪᠦᠭᠡᠳ ᠡᠷᠬᠡᠪᠰᠢ ᠰᠤᠷᠬᠤ ᠳᠠᠰᠬᠠᠯ ᠪᠤᠯᠭᠠᠨ ᠦᠯᠡᠳᠡᠭᠡᠭᠰᠡᠨ ᠶᠤᠮ᠃ ᠪᠢ ᠰᠤᠯᠤᠭᠠᠢ ᠬᠤᠭᠤᠯᠠᠢ ᠲᠠᠢ | ᠪᠠᠶᠢᠭᠰᠠᠨ ᠲᠡᠷᠡ ᠳᠠᠭᠤᠤ ᠶᠢ ᠴᠦ ᠬᠢᠴᠢᠶᠡᠩᠭᠦ᠋ᠢᠯᠡᠨ ᠰᠤᠷᠴᠦ ᠠᠪᠤᠭᠠᠳ ᠤᠳᠤ ᠪᠤᠯᠲᠠᠯᠠ ᠴᠡᠭᠡᠵᠢᠯᠡᠭᠰᠡᠭᠡᠷ ᠪᠠᠶᠢᠭᠠ ᠮᠢᠨᠢ ᠪᠠᠭᠠ ᠶᠢᠨ ᠠᠷᠬᠠᠭ ᠨᠢᠭᠡᠨᠲᠡ ᠪᠡᠶᠡ ᠳᠤ | ᠰᠢᠩᠭᠡᠭᠰᠡᠨ ᠤ ᠬᠤᠤᠷ ᠪᠤᠶᠠ᠃ ᠳᠠᠭᠠᠭᠠᠮᠠᠭᠠᠢ ᠰᠠᠶᠢᠨ᠂ ᠲᠡᠪᠴᠢᠶᠡᠷᠢ ᠲᠠᠢ ᠰᠠᠶᠢᠨ ᠭᠡᠵᠦ ᠤᠳᠠᠭᠠᠨ ᠵᠢᠯ ᠢᠶᠠᠷ ᠬᠠᠨᠢᠯᠠᠨ ᠶᠠᠪᠤᠭᠰᠠᠨ ᠡᠨᠡ ᠳᠠᠰᠬᠠᠯ ᠳᠤ | ᠬᠠᠭᠤᠯᠤᠭᠰᠠᠨ ᠨᠢ ᠪᠠᠭᠠ᠂ ᠬᠠᠭᠤᠯᠤᠭᠳᠠᠭᠰᠠᠨ ᠨᠢ ᠤᠯᠠᠨ ᠪᠦᠭᠡᠳ ᠭᠦᠢᠴᠡᠭᠰᠡᠨ ᠨᠢ ᠴᠦᠬᠡᠨ᠂ ᠬᠦᠢᠴᠡᠭᠳᠡᠭᠰᠡᠨ ᠨᠢ ᠦᠯᠡᠮᠵᠢ᠃ ᠬᠤᠭᠤᠰᠤᠷᠠᠯ ᠢ ᠭᠠᠭᠴᠠᠭᠠᠷᠳᠠᠯ | ᠰᠢᠭ᠋ ᠭᠡᠵᠦ ᠬᠡᠯᠡᠭᠡᠳ ᠬᠤᠶᠠᠭᠤᠯᠠ ᠬᠤᠶᠠᠭᠤᠯᠠ ᠪᠠᠨ ᠡᠭᠡᠨᠡᠭᠰᠢᠨ ᠬᠤᠨᠳᠠᠭᠠ ᠮᠦᠷᠭᠦᠭᠦᠯᠦᠨ ᠪᠠᠶᠠᠷᠯᠠᠭᠠᠳ ᠁ | ᠠᠶᠠ ᠂ ᠶᠠᠭᠤᠲᠠᠢ ᠰᠠᠶᠢᠬᠠᠨ ᠡ ᠃ | ᠬᠠᠶᠠ ᠴᠠᠭ ᠤᠨ ᠲᠤᠬᠠᠢ ᠪᠤᠳᠤᠭᠠᠳ ᠬᠠᠴᠢᠨ ᠶᠡᠭᠡ ᠭᠠᠭᠴᠠᠭᠠᠷᠳᠠᠳᠠᠭ᠃ ᠴᠠᠭ᠂ ᠰᠡᠳᠬᠢᠯ ᠠᠬᠤᠢ ᠬᠤᠶᠠᠷ ᠤᠨ ᠪᠦᠯᠢᠶᠡᠨ ᠲᠤᠭᠲᠠᠯᠴᠠᠭᠠ ᠳᠡᠭᠡᠷᠡ ᠯᠠ | ᠬᠦᠴᠦ ᠶᠢ ᠤᠯᠵᠤ ᠬᠦᠪᠦᠷᠡᠨ ᠦᠷᠭᠦᠯᠵᠢᠯᠡᠳᠡᠭ ᠭᠡᠵᠦ ᠯᠠᠪ ᠢᠲᠡᠭᠡᠳᠡᠭ ᠴᠦ ᠦᠡᠭᠭᠡᠷᠡᠭᠡᠳ ᠶᠠᠪᠤᠵᠤ ᠪᠠᠶᠢᠬᠤ ᠳᠤ ᠨᠢ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠭᠤᠨᠢᠭᠯᠠᠳᠠᠭ ᠰᠠᠨ | ᠃ ᠬᠠᠷᠢᠨ ᠢᠷᠡᠭᠡ ᠦᠭᠡᠢ ᠴᠠᠭ ᠢ ᠨᠢ ᠬᠠᠯᠠᠭᠤᠨ ᠵᠡᠭᠦᠳᠦ ᠴᠦ ᠬᠡᠮᠡᠨ ᠰᠠᠨᠠᠳᠠᠭ᠃ ᠮᠢᠨᠤ ᠴᠠᠭ ᠪᠤᠯ ᠵᠡᠭᠦᠳᠦᠨ ᠳᠤ ᠯᠡ ᠬᠠᠮᠤᠭ ᠤᠨ ᠦᠨᠡᠲᠠᠢ ᠪᠦᠭᠡᠳ ᠡᠷᠬᠡ ᠲᠠᠢ | ᠶᠤᠮ ᠪᠢᠯᠡ᠃ ᠬᠡᠬᠦ ᠳᠤ ᠪᠠᠨ ᠲᠡᠨᠳᠡ ᠪᠠᠶᠢᠭᠠ ᠪᠦᠬᠦ ᠵᠦᠢᠯ ᠢ ᠭᠦᠢᠴᠡᠨᠡ ᠭᠡᠵᠦ ᠪᠠᠶᠢᠬᠤ ᠦᠭᠡᠢ᠃ ᠰᠡᠷᠡᠬᠦ ᠮᠡᠳᠡᠬᠦ ᠮᠢᠨᠢ ᠳᠠᠩᠳᠠ ᠬᠤᠴᠤᠷᠤᠨᠠ᠃ ᠰᠡᠷᠢᠵᠦ | ᠲᠠᠰᠤᠷᠠᠨᠠ᠃ ᠨᠢᠭᠡᠨᠳᠡ ᠲᠠᠰᠤᠷᠬᠠᠢ ᠪᠤᠯᠬᠤ ᠪᠠᠷ ᠢᠶᠠᠨ ᠦᠯᠡᠳᠡᠨᠡ ᠭᠡᠰᠡᠨ ᠶᠠᠭᠤᠮᠠ ᠪᠠᠶᠢᠬᠤ ᠦᠭᠡᠢ᠃ ᠶᠠᠭ ᠢᠷᠡᠭᠡ ᠦᠭᠡᠢ ᠲᠠᠢ ᠪᠠᠨ ᠠᠳᠠᠯᠢᠬᠠᠨ᠃ | ᠶᠠᠮᠠᠷ ᠴᠦ ᠰᠢᠨᠡ ᠰᠡᠪᠡᠭᠦᠨ ᠵᠦᠢᠯ ᠦᠯᠦ ᠤᠷᠤᠯᠴᠠᠭᠰᠠᠨ ᠢ ᠡᠪᠯᠡᠭᠦᠯᠭᠡ ᠭᠡᠳᠡᠭ ᠪᠦᠭᠡᠳ ᠴᠢᠳᠠᠨ ᠶᠠᠳᠠᠨ ︿︿ᠪᠦᠲᠦᠭᠡᠭᠰᠡᠨ ﹀﹀ ᠵᠦᠢᠯ ᠴᠠᠭ ᠤᠨ | ᠤᠷᠲᠤ ᠳᠤ ᠠᠶᠠᠨᠳᠠᠭᠠᠨ ᠰᠠᠷᠨᠢᠬᠤ ᠦᠵᠡᠭᠳᠡᠯ ᠢ ᠬᠡᠯᠡᠳᠡᠭ ᠴᠦ ᠪᠤᠯ ᠦᠦ᠃ ᠬᠠᠷᠢᠨ ᠡᠪ ᠢ ᠨᠢ ᠤᠯᠤᠨᠠ ᠭᠡᠵᠦ ᠤᠷᠢᠳᠤ ᠶᠢᠨ ᠡᠪᠦᠭᠡᠳ ᠤᠨ ᠬᠡᠯᠡᠳᠡᠭ ᠦᠭᠡ | ᠠᠶᠤᠮᠰᠢᠭᠲᠠᠢ ᠪᠦᠭᠡᠳ ᠭᠠᠶᠢᠬᠠᠮᠰᠢᠭᠲᠠᠢ᠃ ᠭᠡᠪᠡᠴᠦ ᠡᠪᠯᠡᠭᠦᠯᠭᠡ ᠲᠠᠢ ᠡᠷᠡᠰ ᠤᠨᠳᠤᠤ᠃ ᠠᠶᠤᠮᠰᠢᠭ ᠨᠢ ᠭᠡᠪᠡᠯ᠂ ᠦᠭᠡ ᠶᠢᠨ ᠴᠠᠭᠠᠨᠠ ᠦᠢᠯᠡ ᠨᠢᠭᠤᠭᠳᠠᠵᠤ | ᠪᠠᠶᠢᠨᠠ᠃ ᠭᠠᠶᠢᠬᠠᠮᠰᠢᠭ ᠨᠢ ᠭᠡᠪᠡᠯ ᠤᠬᠠᠭᠠᠨ ᠤ ᠴᠠᠭᠠᠨᠠ ᠤᠷᠠᠨ ᠴᠤᠬᠤᠯᠵᠠᠵᠤ ᠪᠤᠢ᠃ | ᠬᠦᠨᠳᠦ ᠴᠠᠭ ᠲᠤ ᠬᠦᠯᠦᠭ ᠮᠡᠲᠦ ᠡᠨᠡ ᠦᠭᠡ ᠡᠩᠬᠡ ᠴᠠᠭ ᠲᠤ ᠡᠷᠴᠢᠮ ᠪᠤᠯᠵᠤ ᠴᠢᠩᠭᠠᠷᠠᠨᠠ᠃ ᠡᠪ ᠢ ᠨᠢ ᠤᠯᠤᠭᠰᠠᠨ ᠶᠠᠭᠤᠮᠠ ᠠᠮᠠᠷᠬᠠᠨ᠃ ᠦᠪᠡᠷ ᠢ ᠪᠠᠨ | ᠦᠪᠡᠷ ᠢᠶᠠᠨ ᠴᠢᠯᠦᠭᠡᠯᠡᠬᠦ ᠰᠢᠭ᠋ ᠬᠢᠯᠪᠠᠷᠬᠠᠨ᠃ | ᠳᠤᠲᠠᠭᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠢᠶᠠᠨ ᠤᠷᠬᠢᠬᠤ ᠂ ᠶᠡᠭᠡ ᠰᠠᠨᠠᠭᠰᠠᠨ ᠬᠦᠮᠦᠨ ᠢᠶᠠᠨ ᠦᠭᠡᠶᠢᠯᠡᠬᠦ ᠠᠴᠠ ᠯᠠ ᠠᠮᠢᠳᠤᠷᠠᠯ ᠤᠨ ᠠᠶᠠ ᠡᠭᠡᠰᠢᠭ ᠳᠤᠷᠭᠢᠨ ᠡᠬᠢᠯᠡᠵᠦ | ᠲᠡᠭᠦᠨ ᠠᠴᠠ ᠦᠷᠭᠦᠯᠵᠢᠯᠡᠨ ᠤᠷᠲᠤᠰᠬᠤ ᠴᠠᠭ ᠨᠢ ᠦᠪᠡᠷ ᠢ ᠪᠠᠨ ᠦᠪᠡᠷ ᠢᠶᠠᠨ ᠬᠦᠭᠵᠢᠮᠳᠡᠨ ᠠᠷᠭᠠᠳᠠᠳᠠᠭ ᠶᠤᠮ ᠪᠠᠶᠢᠨᠠ᠃ ᠬᠠᠶᠠ ᠰᠤᠯᠤᠭᠠᠶᠢᠷᠠᠬᠤ ᠨᠢ ᠬᠠᠷᠢᠨ | ᠡᠷᠡᠭᠦᠯ ᠪᠠᠶᠢᠭᠠ ᠬᠡᠳᠦᠢ ᠴᠦ ᠳᠠᠩᠳᠠ ᠰᠤᠯᠤᠭᠠᠢ ᠪᠠᠶᠢᠬᠤ ᠠᠴᠠ ᠪᠠᠨ ᠦᠪᠡᠷ ᠢᠶᠠᠨ ᠬᠦᠷᠲᠡᠯᠡ ᠠᠶᠤᠨᠠ ᠃ ᠨᠢᠭᠡ ᠳᠦᠷᠰᠦᠨ ᠳᠤ ᠤᠳᠠᠭᠠᠨ ᠪᠠᠶᠢᠬᠤ ᠶᠢᠨ | ᠭᠠᠴᠢᠯᠠᠩ ᠪᠤᠯᠤᠭᠠᠳ ᠪᠠᠶᠠᠰᠬᠤᠯᠠᠩ ᠢ ᠬᠦᠮᠦᠨ ᠪᠦᠬᠦᠨ ᠦᠯᠦ ᠭᠦᠢᠴᠡᠬᠦ ᠶᠢᠨ ᠰᠢᠯᠲᠠᠭᠠᠨ ᠡᠨᠡ ᠴᠦ ᠶᠤᠮ ᠪᠤᠯᠪᠠ ᠦᠦ᠃ ᠪᠤᠳᠤᠭ ᠪᠤᠳᠤᠯ ᠤᠨ ᠠᠯᠢᠨ ᠴᠦ | ᠦᠭᠡᠢ ᠪᠤᠯᠲᠠᠯᠠ ᠪᠠᠨ ᠱᠤᠭᠤᠪᠲᠤᠷᠯᠠᠭᠤᠯᠵᠤ ᠪᠠᠶᠢᠬᠤ ᠳᠤ ᠪᠠᠨ ᠦᠵᠡᠭᠳᠡᠬᠦ ᠦᠭᠡᠢ ᠦᠬᠦᠯ ᠤᠨ ᠲᠤᠬᠠᠢ ᠯᠠ ᠬᠠᠮᠤᠭ ᠤᠨ ᠲᠤᠳᠤ ᠰᠠᠨᠠᠳᠠᠭ ᠪᠠᠶᠢᠭᠰᠠᠨ ᠮᠢᠨᠢ | ᠬᠠᠷᠠᠭᠠ ᠦᠭᠡᠢ ᠨᠢᠳᠤᠨ ᠤ ᠤᠴᠢᠷ ᠪᠢᠰᠢ ᠭᠡᠰᠡᠨ ᠢ ᠢᠲᠡᠭᠡᠭᠰᠡᠨ ᠶᠤᠮ᠃ ᠦᠡᠭᠭᠡ ᠭᠡᠳᠡᠭ ᠠᠷᠠᠨᠰᠢᠨ ᠳᠤ ᠰᠠᠭᠤᠭᠳᠠᠳᠠᠭ ᠴᠦ ᠠᠮᠢᠳᠤ ᠳᠤ ᠮᠡᠳᠡᠷᠡᠭᠳᠡᠳᠡᠭ ᠦᠭᠡᠢ ︿ | ︿ ᠴᠢᠨᠠᠷ ﹀﹀ ᠶᠤᠮ ᠪᠠᠶᠢᠨᠠ᠃ | ᠰᠠᠨᠠᠬᠤ᠂ ᠬᠠᠭᠠᠴᠠᠬᠤ᠂ ᠢᠲᠡᠭᠡᠬᠦ ᠁ ᠳᠤ ᠬᠦᠷᠲᠡᠯᠡ ᠳᠠᠰᠬᠤ ᠶᠢᠨ ᠰᠢᠯᠲᠠᠭᠠᠨ ᠪᠤᠢ ᠠᠭᠠᠳ ᠲᠡᠷᠡ ︿︿ᠦᠷᠲᠡᠭᠡᠨ﹀﹀ ᠠᠴᠠ ᠨᠢᠭᠡᠨᠲᠠᠶᠢᠶᠠ ᠭᠠᠷ ᠡᠷᠭᠦᠨ | ᠰᠠᠯᠵᠤ ᠴᠢᠳᠠᠪᠠᠯ ᠬᠦᠮᠦᠨ ᠪᠠᠶᠢᠲᠤᠭᠠᠢ ᠠᠮᠢᠲᠠᠨ ᠠᠷᠢᠶᠠᠲᠠᠨ ᠴᠦ ᠡᠷᠬᠡ ᠴᠢᠯᠦᠭᠡᠨ ᠤ ᠭᠡᠷᠡᠯ ᠭᠡᠭᠡᠨ ᠳᠤ ᠦᠪᠡᠷ ᠤᠨ ᠲᠠᠪᠠ ᠪᠠᠷ ᠢᠶᠠᠨ ᠤᠷᠤᠰᠢᠨ ᠲᠤᠭᠲᠠᠨᠢᠵᠦ | ᠴᠢᠳᠠᠬᠤ ᠮᠦᠷᠳᠡᠭᠡᠨ ᠬᠦᠯᠢᠶᠡᠰᠦ ᠠᠯᠳᠠᠷᠠᠭᠰᠠᠨ ᠮᠡᠲᠦ ᠬᠦᠡᠭᠭᠡᠨ ᠭᠠᠪᠰᠢᠭᠠᠢ ᠪᠠᠶᠢᠵᠦ ᠪᠤᠯᠬᠤ ᠶᠢ ᠠᠯᠢ ᠶᠢ ᠨᠢ ᠲᠡᠷᠡ ᠬᠡᠬᠦ ᠶᠤᠮ ᠪᠢᠯᠡ᠃ | ᠡᠨᠡ ᠢᠨᠠᠭᠯᠠᠨ ᠬᠤᠤᠷᠯᠠᠬᠤ ᠮᠡᠲᠦ ᠨᠢᠯᠤᠭᠤᠨ ᠪᠤᠯᠤᠭᠠᠳ ᠤᠶᠠᠨ ᠬᠠᠳᠠᠨ ᠴᠢᠨᠠᠷᠲᠤ ᠭᠠᠭᠴᠠ ᠦᠭᠡ ᠶᠢᠨ ᠲᠤᠬᠠᠢ ᠬᠡᠳᠦᠢ ᠪᠤᠳᠤᠭᠠᠳ ᠴᠦ ᠡᠪᠲᠠᠢ ᠵᠦᠢᠷᠯᠠᠯ | ᠡᠰᠡ ᠤᠯᠳᠠᠭᠰᠠᠨ ᠴᠦ ᠶᠡᠭᠡ ᠶᠢ ᠪᠠᠭᠠ ᠪᠤᠯᠭᠠᠬᠤ᠂ ᠪᠠᠭᠠ ᠶᠢ ᠠᠯᠠᠭᠠ ᠪᠤᠯᠭᠠᠬᠤ ᠪᠠᠲᠤᠶᠤᠰᠤ ᠶᠢᠨ ᠤᠬᠠᠭᠠᠨ ᠢ ᠪᠠᠭᠠ ᠠᠴᠠ ᠰᠤᠷᠤᠭᠰᠠᠨ ᠢᠶᠠᠨ ᠡᠷᠭᠡ ᠦᠭᠡᠢ | ᠰᠠᠨᠠᠪᠠ᠃ | ᠵᠣᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠰᠠᠶᠢᠬᠠᠨᠲᠠᠯᠠ ᠰᠤᠮᠤ ᠶᠢᠨ ᠶᠠᠮᠤᠨ ᠭᠠᠴᠠᠭᠠ |