| ᠯᠤᠤ ᠱᠧ ᠵᠤᠬᠢᠶᠠᠪᠠ | ᠪᠣᠯᠣᠷᠮᠠ ᠣᠷᠴᠢᠭᠤᠯᠪᠠ | ᠬᠠᠮᠤᠭ ᠠᠴᠠ ᠳᠤᠷᠠᠰᠤᠭᠳᠠᠳᠠᠭ ᠨᠢ ᠬᠠᠰᠢ ᠯᠡ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠴᠠᠭᠠᠨ ᠰᠠᠷᠠ ᠪᠢᠯᠡ᠃ | ᠥᠷᠯᠥᠭᠡ ᠪᠣᠰᠤᠭᠠᠳ ᠴᠣᠩᠬᠤᠨ ᠬᠥᠰᠢᠭᠡ ᠪᠠᠨ ᠲᠠᠲᠠᠬᠤ ᠳᠤ᠂ ᠨᠢᠭᠡ ᠯᠡ ᠰᠥᠨᠢ ᠶᠢᠨ ᠬᠤᠭᠤᠷᠣᠨᠳᠣ ᠭᠠᠳᠠᠨᠠ ᠨᠢᠭᠡᠨᠲᠡ ᠮᠥᠩᠭᠦᠨ ᠬᠤᠶᠠᠭ ᠬᠡᠳᠠᠷᠦᠭᠰᠡᠨ | ᠶᠢᠷᠲᠢᠨᠴᠦ ᠪᠣᠯᠵᠠᠢ᠃ ᠦᠨᠦ ᠡᠪᠦᠯ ᠴᠠᠰᠤ ᠪᠠᠭᠠ ᠲᠤᠯᠠ ᠶᠠᠭ ᠯᠡ ᠵᠢᠭᠠᠬᠠᠨ ᠬᠡᠮᠨᠡᠯ ᠳᠤᠲᠠᠭᠤᠳᠠᠭᠰᠠᠨ ᠬᠡᠮᠡᠷ᠃ ᠡᠨᠡ ᠬᠦ ᠴᠠᠰᠤ ᠨᠢ ᠬᠥᠮᠦᠰ ᠲᠤ ᠰᠢᠨᠡᠯᠡᠬᠦ | ᠤᠢᠢᠷᠠᠳᠤᠯᠠ ᠭᠡᠳᠡᠭ ᠢ ᠰᠠᠨᠠᠭᠤᠯᠤᠯᠠ᠃ ᠲᠡᠶᠢᠮᠦ ᠠ᠋᠂ ᠪᠠᠰᠠ ᠴᠤ ᠰᠢᠨᠡᠯᠡᠬᠦ ᠤᠢᠢᠷᠠᠳᠤᠯᠠ᠂ ᠴᠠᠰᠤᠨ ᠳᠤ ᠳᠠᠷᠤᠭᠳᠠᠨ ᠮᠡᠬᠦ᠋ᠢᠭᠰᠡᠨ ᠮᠣᠳᠣᠨ ᠮᠦᠴᠢᠷ ᠤᠳ ᠴᠤ | ᠬᠠᠪᠤᠷ ᠤᠨ ᠪᠠᠶᠠᠰᠤᠯ ᠢᠶᠠᠷ ᠰᠠᠨᠵᠢᠬᠢᠨᠠᠵᠤ ᠪᠠᠶᠢᠭᠠ ᠬᠡᠮᠡᠷ᠃ | ᠰᠢᠨᠡᠯᠡᠬᠦ ᠭᠡᠭᠴᠢ ᠨᠢ ᠤᠢ ᠲᠦᠢᠨ ᠠᠴᠠ ᠮᠢᠨᠢ ᠶᠡᠬᠡᠬᠡᠨ ᠬᠤᠯᠠᠳᠠᠵᠤ᠂ ᠳᠡᠮᠡᠢ ᠤᠯᠠᠨ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠠᠯᠠᠭᠠ ᠪᠤᠯᠤᠭᠰᠠᠨ᠃ ᠬᠦᠭᠵᠢᠶᠡᠨᠲᠦ ᠬᠤᠲᠠ ᠳᠤ | ᠂ ᠶᠠᠭᠠᠷᠠᠯᠲᠠᠢ ᠳᠠᠪᠬᠢᠭᠠ ᠬᠥᠮᠥᠰ ᠤᠨ ᠳᠤᠮᠳᠠ᠂ ᠴᠠᠭᠠᠨ ᠰᠠᠷᠠ ᠶᠢᠨ ᠦᠨᠦᠷ ᠠᠮᠳᠠ ᠤᠯᠠᠮ ᠢᠶᠠᠷ ᠳᠤᠲᠠᠭᠤᠳᠠᠵᠤ᠂ ᠵᠠᠷᠢᠮ ᠳᠤ ᠪᠠᠨ ᠪᠢᠳᠡᠭᠦᠯᠡᠬᠦ ᠤᠢᠢᠷᠠᠳᠬᠤ ᠪᠠᠷ | ᠰᠠᠶ᠋ᠢ ᠪᠤᠳᠤᠵᠤ ᠤᠯᠳᠠᠭ ᠴᠤ ᠪᠤᠢ᠃ ᠦᠪᠡᠷ ᠲᠤ ᠮᠢᠨᠢ ᠬᠠᠮᠤᠭ ᠠᠴᠠ ᠲᠤᠷᠠᠰᠤᠭᠳᠠᠳᠠᠭ ᠨᠢ ᠬᠠᠰᠢ ᠯᠡ ᠪᠠᠭᠠ ᠶᠢᠨ ᠦᠶᠡ ᠳᠤ ᠦᠩᠭᠡᠷᠡᠭᠦᠯᠦᠭᠰᠡᠨ ᠴᠠᠭᠠᠨ ᠰᠠᠷᠠ | ᠪᠢᠯᠡ᠂ ᠬᠡᠳᠦ᠋ᠢᠪᠡᠷ ᠦᠨᠢ ᠡᠷᠲᠡ ᠶᠢᠨ ᠲᠤᠷᠠᠰᠤᠮᠵᠢ ᠪᠤᠯᠪᠠᠴᠤ ᠪᠦᠷ ᠴᠤ ᠲᠡᠶᠢᠮᠦ ᠲᠤᠳᠤᠬᠠᠨ ᠰᠠᠨ᠃ | ᠮᠢᠨᠦ ᠨᠤᠳᠤᠭ ᠬᠦᠳᠡᠭᠡ ᠳᠤ ᠪᠠᠶᠢᠳᠠᠭ᠂ ᠯᠠ ᠰᠠᠷᠠ ᠪᠤᠯᠤᠭᠰᠠᠭᠠᠷ ᠰᠢᠨᠡᠯᠡᠬᠦ ᠬᠡᠮᠡᠨ ᠲᠡᠪᠵᠢᠶᠡᠷᠡᠵᠦ ᠡᠬᠢᠯᠡᠳᠡᠭ᠂ ᠲᠤᠰᠬᠤᠨ ᠤ ᠬᠤᠷᠰᠢᠶᠠ ᠳᠤ ᠰᠢᠨᠡ ᠶᠢᠨ | ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠤᠭᠴᠢᠳ ᠬᠤᠶᠢᠨᠠ ᠬᠤᠶᠢᠨᠠ ᠪᠠᠨ ᠴᠤᠪᠤᠷᠠᠯᠳᠤᠳᠠᠭ᠃ ᠲᠡᠳᠡᠭᠡᠷ ᠤᠯᠠᠮᠵᠢᠯᠠᠯᠳᠤ ᠰᠢᠨᠡ ᠵᠢᠯ ᠤᠨ ᠵᠢᠷᠤᠭ ᠤᠳ ᠨᠠᠳᠠ ᠳᠤ ᠬᠦᠨ | ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠵᠤ᠂ ᠤᠳᠤ ᠴᠤ ᠭᠡᠰᠡᠨ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠬᠤᠯᠠᠷ ᠮᠦᠨ ᠭᠤᠶᠤᠬᠠᠨ ᠰᠠᠨᠠᠭᠳᠠᠳᠠᠭ᠂ ᠵᠤᠪ ᠵᠤᠵᠠᠭᠠᠨ ᠴᠠᠭᠠᠰᠤᠨ ᠠᠴᠠ ᠲᠤᠰᠤᠨ | ᠪᠤᠳᠤᠭ ᠤᠨ ᠦᠨᠦᠷ ᠰᠡᠩᠬᠢᠨᠡᠨ᠂ ᠤᠨᠠᠭᠠᠨ ᠪᠠᠭᠠ ᠶᠢᠨ ᠤᠢ ᠲᠦᠢᠨ ᠳᠤ ᠮᠢᠨᠢ ᠲᠡᠷᠡ ᠨᠢ ᠳᠠᠷᠤᠢ ᠰᠢᠨᠡ ᠵᠢᠯ ᠤᠨ ᠪᠡᠯᠭᠡ ᠲᠡᠮᠳᠡᠭ ᠪᠠᠶᠢᠭᠰᠠᠨ᠃ | ᠤᠮᠠᠷᠠᠳᠤ ᠤᠷᠤᠨ ᠤ ᠯᠠ ᠰᠠᠷᠠ ᠶᠢᠨ ᠨᠠᠢᠮᠠᠨ ᠪᠤᠯ ᠨᠢᠭᠡ ᠵᠢᠯ ᠤᠨ ᠬᠠᠮᠤᠭ ᠤᠨ ᠬᠦᠢᠳᠡᠨ ᠦᠶᠡ᠂ ᠲᠡᠷᠡ ᠨᠢ ᠰᠢᠨᠡᠯᠡᠬᠦ ᠤᠢᠢᠷᠠᠳᠤᠭᠰᠡᠨ ᠤ ᠲᠤᠬᠢᠶᠠ | ᠪᠤᠯᠬᠤᠢᠢᠴᠠ ᠤᠨᠴᠠᠭᠠᠢ ᠤᠳᠬᠠ ᠠᠭᠤᠯᠭᠠ ᠲᠠᠢ ᠡᠳᠦᠷ ᠰᠠᠨ᠃ ᠥᠷᠯᠦᠭᠡ ᠪᠤᠯᠭᠠᠨ ᠨᠠᠷᠠᠨ ᠠᠴᠠ ᠡᠷᠳᠡᠯᠡᠨ ᠪᠤᠰᠴᠤ᠂ ᠰᠢᠨᠡ ᠵᠢᠯ ᠪᠤᠯᠤᠯᠡ ᠬᠡᠮᠡᠨ ᠪᠤᠳᠤᠬᠤᠯᠠᠷ᠂ | ᠬᠦᠭᠰᠡᠨ ᠪᠠᠶᠠᠷᠯᠠᠭᠠᠳ ᠤᠨᠳᠠᠵᠤ ᠤᠷᠤᠬᠤ ᠪᠠᠨ ᠪᠤᠯᠢᠳᠠᠭ᠃ ᠨ᠊ | ᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠬᠡᠦᠬᠡᠳ ᠤᠳ ᠲᠤ᠄ ︽ᠬᠡᠦᠬᠡᠳ ᠡ᠂ ᠬᠡᠦᠬᠡᠳ ᠡ᠂ ᠪᠢᠳᠡᠭᠡᠢ ᠬᠤᠪᠳᠤᠭᠯᠠ᠂ ᠯᠠ ᠰᠠᠷᠠ ᠶᠢᠨ ᠨᠠᠢᠮᠠᠨ ᠦᠩᠭᠡᠷᠡᠭᠰᠡᠭᠡᠷ ᠰᠢᠨᠡ | ᠵᠢᠯ ᠰᠢᠦ᠃ ᠬᠡᠦᠬᠡᠳ ᠡ᠂ ᠬᠡᠦᠬᠡᠳ ᠡ ᠂ ᠪᠢᠳᠡᠭᠡᠢ ᠤᠬᠢᠯᠠ᠂ ᠯᠠ ᠰᠠᠷᠠ ᠶᠢᠨ ᠨᠠᠢᠮᠠᠨ ᠦᠩᠭᠡᠷᠡᠭᠰᠡᠭᠡᠷ ᠭᠠᠭ᠋ᠠᠢ ᠪᠠᠨ ᠠᠯᠠᠶᠠ︾ ᠬᠡᠮᠡᠨ ᠶᠠᠷᠢᠳᠠᠭ᠃ ᠲᠡᠭᠡᠬᠦ ᠳᠤ | ᠬᠡᠦᠬᠡᠳ ᠤᠳ ᠬᠦᠭᠡᠷᠦᠯᠳᠦᠨ ᠪᠠᠶᠠᠰᠤᠭᠰᠠᠭᠠᠷ ᠬᠦᠶᠦᠨ ᠣᠳᠳᠠᠭ᠃ ᠲᠡᠷᠡ ᠦᠶᠡ ᠳᠤ ᠠᠶᠢᠯ ᠪᠤᠯᠭᠠᠨ ᠰᠢᠨᠡ ᠶᠢᠨ ᠭᠠᠭ᠋ᠠᠢ ᠭᠠᠷᠭᠠᠵᠤ ᠳᠡᠶᠢᠯᠳᠡᠭ ᠪᠢᠰᠢ᠂ ᠭᠠᠭ᠋ᠠᠢ | ᠭᠠᠷᠭᠠᠭᠰᠠᠨ ᠠᠶᠢᠯ ᠰᠢᠷᠡᠭᠡ ᠵᠠᠰᠠᠵᠤ᠂ ᠠᠶᠢᠯ ᠠᠶᠢᠮᠠᠭ ᠰᠠᠳᠤᠨ ᠲᠦᠷᠦᠯ ᠢᠶᠠᠨ ᠵᠤᠴᠢᠯᠠᠳᠠᠭ᠃ ᠪᠢᠳᠡ ᠰᠢᠭ ᠬᠡᠦᠬᠡᠳ ᠮᠢᠬᠠ ᠬᠡᠳᠦᠢ ᠢᠳᠡᠬᠦ ᠪᠤᠢ᠂ ᠦᠢᠮᠡᠭᠡᠨ | ᠳᠡᠪᠵᠢᠶᠡᠨ ᠳᠤ ᠨᠢ ᠲᠤᠷᠠᠯᠠᠵᠤ᠂ ᠭᠠᠳᠠᠨᠠ ᠲᠤᠳᠤᠨᠠ ᠬᠦᠶᠦᠯᠳᠦᠨ ᠲᠤᠭᠯᠠᠵᠠᠭᠠᠳᠠᠭ᠃ | ᠲᠡᠳᠡᠭᠡᠷ ᠤᠨ ᠵᠢᠯ ᠤᠳ ᠬᠤᠭᠤᠯᠠ ᠵᠠᠭᠤᠰᠢ ᠠᠨᠠᠶᠢᠬᠠᠨ᠂ ᠶᠡᠷᠦ ᠳᠤ ᠪᠠᠨ ᠰᠢᠰᠢ ᠶᠢᠨ ᠪᠤᠤᠪᠤ᠂ ᠨᠠᠷᠢᠮᠤ ᠪᠤᠳᠠᠭᠠ ᠪᠠᠷ ᠭᠤᠤᠯᠳᠠᠵᠤ᠂ ᠴᠠᠭᠠᠨ ᠭᠤᠯᠢᠷ ᠢ ᠴᠤ | ᠣᠯᠵᠣ ᠢᠳᠡᠳᠡᠭ ᠦᠬᠡᠢ᠃ ᠲᠡᠶᠢᠮᠦ ᠠᠴᠠ ᠰᠢᠨᠡᠯᠡᠬᠦ ᠨᠢ ᠬᠡᠦᠬᠡᠳ ᠪᠢᠳᠡ ᠨᠠᠷ ᠲᠤ ᠠᠪᠴᠤ ᠬᠡᠯᠡᠪᠡᠯ ᠬᠤᠪᠳᠤᠭ ᠢᠶᠠᠨ ᠲᠠᠶᠢᠯᠬᠤ ᠰᠠᠶᠢᠬᠠᠨ ᠴᠠᠭ ᠪᠢᠯᠡ᠃ | ᠪᠢᠲᠡᠭᠦᠨ ᠠᠴᠠ ᠡᠮᠦᠨᠡ ᠬᠡᠳᠦᠨ ᠡᠳᠦᠷ᠂ ᠡᠵᠢ ᠡᠬᠢᠯᠡᠨ ᠴᠠᠭᠠᠨ ᠰᠠᠷᠠ ᠶᠢᠨ ᠨᠠᠩᠭᠢ ᠪᠤᠤᠪᠤ᠂ ᠮᠠᠨᠳᠠᠤ ᠵᠢᠩᠨᠡᠭᠡᠳ ᠶᠠᠭᠠᠷᠠᠵᠤ᠂ ᠪᠢᠳᠡᠭᠦᠨ ᠤ ᠲᠦᠷᠦᠭᠦᠦ ᠡᠳᠦᠷ | ᠰᠠᠶ᠋ᠢ ᠳᠤᠮᠤ ᠲᠤᠭᠤᠭᠠᠨ ᠳᠤ ᠪᠠᠨ ᠮᠢᠬᠠ ᠴᠢᠨᠠᠳᠠᠭ᠃ ᠮᠢᠨᠦ ᠵᠤᠤᠬᠠᠨ ᠤ ᠬᠠᠵᠠᠭᠤ ᠳᠤ ᠲᠤᠭᠤᠭᠠ ᠲᠠᠢ ᠮᠢᠬᠠᠨ ᠤ ᠰᠠᠶᠢᠬᠠᠨ ᠦᠨᠦᠷ ᠲᠤ ᠰᠢᠯᠦᠰᠦ | ᠭᠤᠭᠤᠵᠢᠭᠤᠯᠤᠨ ᠵᠤᠭᠰᠤᠬᠤ ᠶᠢ ᠬᠠᠷᠠᠭᠠᠳ ᠡᠵᠢ ᠲᠤᠭᠤᠭᠠᠨ ᠪᠦᠷᠬᠦᠭᠡᠰᠦ ᠪᠠᠨ ᠡᠷᠭᠦᠨ ᠰᠠᠪᠬᠠ ᠪᠠᠷ ᠨᠢᠭᠡᠨ ᠬᠡᠰᠡᠭ ᠮᠢᠬᠠ ᠴᠢᠴᠢᠵᠦ ᠠᠪᠤᠨ ᠠᠶᠠᠭᠠᠨ ᠳᠤ ᠬᠢᠵᠤ | ᠦᠭᠭᠦ ᠳᠤ᠂ ᠠᠮᠠ ᠪᠠᠨ ᠬᠠᠯᠠᠭᠠᠬᠤ ᠠᠴᠠ ᠴᠤ ᠡᠮᠢᠶᠡᠯ ᠦᠭᠡᠢ ᠰᠢᠭᠤᠳ ᠡᠮᠬᠦᠳᠡᠭ᠃ | ᠪᠢ ᠬᠦᠯᠳᠡᠭᠦᠦ ᠠᠯᠢᠮᠠ ᠢᠳᠡᠬᠦ ᠲᠤᠷᠠᠲᠠᠢ᠂ ᠬᠦᠯᠳᠡᠬᠦᠦ ᠠᠯᠢᠮᠠ ᠶᠢ ᠬᠠᠵᠠᠬᠤ ᠳᠤ ︽ᠱᠠᠷ ᠱᠠᠷ︾ ᠭᠡᠬᠦ ᠳᠠᠭᠤᠨ ᠬᠢᠭᠡᠳ ᠴᠠᠭᠠᠨ ᠠᠯᠢᠮᠠᠨ ᠤ ᠢᠰᠭᠦᠯᠡᠩ | ᠰᠢᠬᠢᠷᠯᠢᠭ ᠠᠮᠳᠠ ᠨᠢ ᠨᠠᠳᠠ ᠳᠤ ᠶᠡᠬᠡᠳᠡ ᠲᠠᠭᠠᠰᠢᠶᠠᠭᠳᠠᠳᠠᠭ᠃ ᠶᠡᠷᠢᠶᠠᠨ ᠦᠭᠡᠢ ᠰᠢᠨᠡᠯᠡᠬᠦ ᠦᠶᠡ ᠳᠤ ᠯᠡ ᠰᠠᠶ᠋ᠢ ᠠᠯᠢᠮᠠ ᠬᠤᠳᠠᠯᠳᠤᠨ ᠠᠪᠴᠤ ᠦᠭᠳᠡᠭ | ᠪᠠᠶᠢᠭᠰᠠᠨ᠃ | ᠨᠢᠭᠡᠨ ᠵᠢᠭᠠᠬᠠᠨ ᠶᠠᠪᠤᠳᠠᠯ ᠨᠠᠳᠠ ᠳᠤ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠭᠦᠨ ᠰᠠᠭᠤᠭᠳᠠᠯ ᠲᠠᠢ ᠪᠢᠯᠡ᠄ ᠲᠡᠷᠡ ᠤᠳᠠᠭᠠ ᠡᠵᠢ ᠬᠦᠯᠳᠡᠭᠦᠦ ᠠᠯᠢᠮᠠ ᠬᠤᠳᠠᠯᠳᠤᠨ | ᠠᠪᠤᠭᠠᠳ ᠠᠷᠰᠠᠷ ᠶᠠᠭᠤᠮᠠ ᠪᠠᠨ ᠬᠤᠷᠢᠶᠠᠳᠠᠭ ᠵᠢᠵᠢᠭ ᠬᠦᠮᠦᠷᠭᠡ ᠳᠤ ᠪᠠᠨ ᠬᠢᠪᠡ᠂ ᠲᠡᠭᠦᠨ ᠢ ᠬᠠᠷᠠᠭᠠᠳ ᠪᠢ ᠡᠵᠢ ᠪᠠᠨ ᠮᠠᠨᠠᠵᠤ᠂ ᠡᠵᠢ ᠭᠡᠷ ᠲᠤ ᠤᠷᠤᠬᠤᠯᠠᠷ | ᠱᠠᠯᠠᠪᠬᠠᠨ ᠬᠦᠮᠦᠷᠭᠡ ᠳᠤ ᠤᠷᠤᠵᠤ ᠡᠭᠦᠳᠡ ᠶᠢ ᠨᠢ ᠬᠠᠭᠠᠨ ᠠᠯᠢᠮᠠ ᠶᠢ ᠠᠪᠤᠭᠠᠳ ᠭᠡᠮᠡᠯᠢᠪᠡ ᠃ ᠤᠳᠠᠯ ᠦᠭᠡᠢ ᠡᠵᠢ ᠬᠦᠮᠦᠷᠭᠡ ᠠᠴᠠ ᠶᠠᠭᠤᠮᠠ ᠠᠪᠬᠤ ᠪᠠᠷ | ᠤᠷᠤᠵᠤ ᠢᠷᠡᠭᠡᠳ ᠨᠠᠮᠠ ᠶᠢ ᠤᠯᠵᠤ ᠬᠠᠷᠠᠯᠠ᠂ ᠪᠢ ᠵᠢᠭᠠᠬᠠᠨ ᠡᠪ ᠦᠭᠡᠶᠢᠷᠡᠭᠦ ᠳᠤ ᠡᠵᠢ ᠬᠠᠷᠢᠨ ᠢᠨᠢᠶᠡᠭᠡᠳ ᠮᠢᠨᠦ ᠲᠤᠯᠤᠭᠠᠢ ᠶᠢ ᠢᠯᠢᠭᠡᠳ ᠶᠠᠭᠤ ᠴᠤ ᠶᠠᠷᠢᠭᠠ | ᠦᠭᠡᠢ ᠦᠩᠭᠡᠷᠡᠭᠰᠡᠨ ᠪᠢᠯᠡ᠃ ᠤᠷᠤᠢ ᠶᠢᠨ ᠬᠤᠭᠤᠯᠠ ᠢᠳᠡᠬᠦ ᠳᠤ ᠲᠡᠭᠦᠦ ᠡᠵᠢ ᠠᠴᠠ᠄ ︽ᠬᠦᠯᠳᠡᠭᠦᠦ ᠠᠯᠢᠮᠠ ᠬᠡᠵᠢᠶᠡ ᠬᠤᠳᠠᠯᠳᠤᠵᠤ ᠠᠪᠬᠤ ᠶᠤᠮ ᠪᠤᠢ︖︾ | ᠭᠡᠵᠦ ᠠᠰᠠᠭᠤᠬᠤ ᠳᠤ ᠪᠢ ︽ ᠳᠡᠭᠡᠵᠢ ᠶᠢ ᠨᠢ ᠠᠮᠲᠠᠯᠠᠴᠢᠬᠠᠭᠰᠠᠨ︾ ᠭᠡᠵᠦ ᠰᠡᠮ ᠪᠠᠶᠠᠷᠯᠠᠭᠰᠠᠨ ᠳ᠋ᠠᠭ᠃ | ᠬᠤᠤᠰ ᠤᠶᠠᠩᠭᠠ ᠴᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠪᠢᠯᠡ᠃ ᠲᠡᠷᠡ ᠦᠶᠡᠰ ᠤᠨ ᠬᠤᠤᠰ ᠤᠶᠠᠩᠭᠠ ᠤᠳᠤᠬᠢ ᠲᠠᠢ ᠠᠳᠠᠯᠢ ᠦᠭᠡᠢ᠂ ᠪᠦᠷ ᠯᠡ ᠲᠤᠮᠤ | ᠵᠦᠰᠦᠮ ᠤᠨ ᠤᠯᠠᠭᠠᠨ ᠴᠠᠭᠠᠰᠤ ᠬᠤᠳᠠᠯᠳᠤᠨ ᠠᠪᠴᠤ ᠪᠤᠰᠤᠳ ᠢ ᠭᠤᠶᠤᠨ ᠪᠢᠴᠢᠭᠦᠯᠳᠡᠭ ᠃ ᠠᠪᠤ ᠶᠢᠨ ᠤᠷᠠᠨ ᠪᠢᠴᠢᠯᠬᠡ ᠭᠤᠶᠤ ᠂ ᠮᠦᠨ ᠬᠠᠪᠢ | ᠲᠥᠰᠦᠷ ᠲᠤ ᠪᠠᠨ ᠠᠯᠳᠠᠷᠳᠠᠢ ᠪᠠᠭᠰᠢ᠂ ᠲᠡᠶᠢᠮᠦ ᠠᠴᠠ ᠠᠪᠤ ᠶᠢ ᠭᠤᠶᠤᠨ ᠬᠤᠤᠰ ᠤᠶᠠᠩᠭᠠ ᠪᠢᠴᠢᠭᠦᠯᠬᠦ ᠬᠡᠮᠡᠨ ᠬᠥᠮᠥᠰ ᠪᠦᠷ ᠮᠦᠷᠯᠡᠭᠡᠳ ᠢᠷᠡᠳᠡᠭ ᠪᠠᠶᠢᠭᠰᠠᠨ᠂ | ᠰᠢᠨᠡᠯᠡᠬᠦ ᠠᠴᠠ ᠡᠮᠦᠨᠡᠬᠢ ᠬᠡᠳᠦᠨ ᠡᠳᠦᠷ ᠲᠤ ᠠᠪᠤ ᠬᠠᠮᠤᠭ ᠤᠨ ᠶᠠᠭᠠᠷᠠᠤ ᠪᠠᠶᠢᠳᠠᠭ᠃ ᠪᠢ ᠬᠠᠵᠠᠭᠤ ᠠᠴᠠ ᠨᠢ ᠬᠠᠪ ᠬᠠᠷᠠ ᠭᠢᠯᠲᠠᠭᠠᠨᠠᠭᠰᠠᠨ ᠦᠰᠦᠨ ᠪᠢᠷ ᠤᠨ | ᠦᠰᠦᠭ ᠤᠯᠠᠭᠠᠨ ᠴᠠᠭᠠᠰᠤᠨ ᠳᠡᠭᠡᠷᠡ ᠲᠤᠷᠠᠶᠢᠨ ᠲᠣᠳᠤᠷᠠᠬᠤ ᠶᠢ ᠬᠠᠷᠠᠭᠠᠳ ᠶᠡᠬᠡᠳᠡ ᠪᠠᠭ᠋ᠠᠷᠬᠠᠳᠠᠭ ᠪᠢᠯᠡ᠃ ᠤᠪ ᠤᠯᠠᠭᠠᠨ ᠬᠤᠤᠰ ᠤᠶᠠᠩᠭᠠ ᠪᠠᠨ ᠬᠡᠷᠡᠮ | ᠪᠣᠯᠣᠨ ᠡᠭᠦᠳᠡᠨ ᠳᠡᠭᠡᠷᠡ ᠪᠠᠨ ᠨᠠᠭᠠᠬᠤᠯᠠᠷ ᠪᠠᠶᠠᠷ ᠵᠢᠷᠭᠠᠯ᠂ ᠰᠢᠨᠡ ᠵᠢᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠢᠶᠠᠷ ᠪᠢᠯᠬᠠᠳᠠᠭ᠃ | ᠪᠢ ᠪᠠᠭᠠ ᠳᠤ ᠪᠠᠨ ᠰᠢᠨᠡ ᠬᠤᠪᠴᠠᠰᠤ ᠡᠮᠦᠰᠬᠦ ᠲᠤᠷᠠᠲᠠᠢ᠃ ᠪᠢᠲᠡᠭᠦᠨ ᠤ ᠡᠮᠦᠨᠡ ᠤᠷᠤᠢ ᠪᠢ ᠰᠢᠨᠡ ᠬᠤᠪᠴᠠᠰᠤ ᠪᠠᠨ ᠠᠪᠴᠤ ᠭᠠᠷᠭᠠᠨ ᠡᠷᠭᠢᠬᠦᠯᠦᠨ | ᠤᠷᠪᠠᠭᠤᠯᠤᠨ ᠰᠢᠨᠵᠢᠵᠦ᠂ ᠮᠠᠷᠭᠠᠰᠢ ᠰᠢᠨᠡ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠤᠨᠡ ᠬᠡᠮᠡᠨ ᠪᠤᠳᠤᠬᠤᠯᠠᠷ ᠲᠡᠷᠡ ᠶᠡᠭᠡ ᠪᠠᠶᠠᠷᠯᠠᠬᠤ ᠭᠡᠵᠦ ᠳ᠋ᠠ᠃ ᠨᠢᠭᠡ ᠵᠢᠯ ᠳᠤ ᠪᠠᠨ ᠰᠢᠨᠡ | ᠬᠤᠪᠴᠠᠰᠤ ᠤᠯᠵᠤ ᠡᠮᠦᠰᠬᠦ ᠲᠤᠬᠢᠶᠠᠯ ᠲᠤᠩ ᠪᠠᠭᠠ᠂ ᠶᠡᠷᠦ ᠳᠤ ᠪᠠᠨ ᠰᠢᠨᠡᠯᠡᠬᠦ ᠳᠤ ᠯᠡ ᠰᠠᠶ᠋ᠢ ᠰᠢᠨᠡ ᠬᠤᠪᠴᠠᠰᠤ ᠠᠪᠴᠤ ᠦᠭᠳᠡᠭ᠃ ᠤᠨᠳᠠᠬᠤ ᠠᠴᠠ ᠪᠠᠨ | ᠡᠮᠦᠨᠡ ᠬᠦᠯ ᠢᠶᠠᠨ ᠤᠬᠢᠶᠠᠨ᠂ ᠰᠢᠨᠡ ᠤᠢᠢᠮᠤᠰᠦ ᠭᠤᠳᠤᠯ ᠪᠠᠨ ᠲᠤᠯᠤᠭᠠᠢ ᠶᠢᠨ ᠦᠵᠦᠬᠦᠷ ᠲᠤ ᠪᠠᠨ ᠳᠠᠯᠪᠢᠨ ᠰᠢᠨᠵᠢᠵᠤ ᠪᠠᠶᠢᠭᠰᠠᠭᠠᠷ ᠤᠨᠳᠠᠴᠢᠬᠠᠳᠠᠭ᠂ | ᠵᠠᠷᠢᠮ ᠳᠤ ᠪᠠᠨ ᠵᠡᠭᠦᠳᠦᠯᠡᠳᠡᠭ ᠴᠤ ᠪᠠᠶᠢᠭᠰᠠᠨ᠂ ᠬᠡᠳᠦ᠋ᠢᠪᠡᠷ ᠲᠤᠬᠠᠢ ᠶᠢᠨ ᠴᠢᠷᠠᠢ ᠵᠢᠰᠦ ᠪᠠᠨ ᠤᠯᠵᠤ ᠬᠠᠷᠠᠭᠠ ᠦᠭᠡᠢ ᠴᠤ ᠬᠥᠭᠡᠷᠦᠭᠦᠨ ᠴᠢᠷᠠᠢ ᠳᠤ ᠯᠠᠪ | ᠮᠦᠰᠢᠶᠡᠳᠦ ᠪᠢᠯᠬᠠᠭᠰᠠᠨ ᠪᠠᠶᠢᠬᠤ ᠡ᠃ | ᠪᠢᠲᠡᠭᠦᠨ ᠢ ᠪᠠᠰᠠ ᠯᠠ ᠰᠠᠷᠠ ᠶᠢᠨ ᠭᠤᠴᠢᠨ ᠭᠡᠳᠡᠭ᠂ ᠡᠷᠦᠭᠡ ᠪᠤᠯᠭᠠᠨ ᠭᠡᠷᠡᠯᠲᠦ ᠳ᠋ᠧᠩᠯᠦ ᠦᠩᠭᠡᠲᠦ ᠴᠠᠴᠤᠭ ᠢᠶᠠᠷ ᠴᠢᠮᠡᠭᠯᠡᠨ᠂ ᠬᠥᠮᠥᠰ ᠤᠨ ᠴᠢᠷᠠᠢ ᠳᠤ | ᠪᠠᠶᠠᠷ ᠤᠨ ᠮᠦᠰᠢᠶᠡᠳᠦ ᠳᠦᠭᠦᠷᠡᠩ᠃ ᠲᠡᠷᠡ ᠴᠠᠭ ᠦᠶᠡ ᠳᠤ ᠪᠠᠷᠤᠭ ᠯᠡ ᠰᠢᠨᠡᠯᠡᠬᠦ ᠪᠠᠷ ᠰᠠᠶ᠋ᠢ ᠤᠯᠠᠨ ᠤ ᠴᠢᠷᠠᠢ ᠳᠤ ᠢᠨᠢᠶᠡᠳᠦ ᠲᠤᠳᠤᠷᠠᠬᠤ ᠶᠢ ᠤᠯᠵᠤ ᠬᠠᠷᠠᠳᠠᠭ | ᠪᠠᠶᠢᠬᠤ ᠡ᠂ ᠪᠢᠲᠡᠭᠦᠨ ᠤ ᠦᠷᠯᠦᠭᠡ ᠡᠷᠳᠡ᠂ ᠫᠤᠤᠵᠢᠩ ᠤᠨ ᠲᠠᠭᠤᠨ ᠢᠶᠠᠷ ᠪᠢ ᠵᠡᠭᠦᠳᠦ ᠨᠦᠢᠷ ᠠᠴᠠ ᠪᠠᠨ ᠰᠤᠴᠢᠨ ᠰᠡᠷᠡᠳᠡᠭ᠃ | ᠠᠪᠤ ᠴᠤ ᠡᠷᠲᠡᠯᠡᠨ ᠪᠢᠳᠡᠨ ᠤ ᠴᠢᠬᠢᠨ ᠳᠤ᠄ ︽ ᠡᠷᠳᠡ ᠪᠤᠰᠤᠭᠠᠷᠠᠢ᠂ ᠰᠢᠨᠡᠯᠡᠨᠡ ᠰᠢᠦ᠂ ᠡᠷᠳᠡ ᠰᠢᠭ ᠫᠤᠤᠵᠢᠩ ᠢᠶᠠᠨ ᠲᠠᠯᠪᠢᠶᠠ︾ ᠭᠡᠵᠦ ᠬᠡᠯᠡᠳᠡᠭ ᠪᠢᠯᠡ᠂ | ᠲᠡᠭᠡᠬᠦᠯᠡᠷ ᠪᠢᠳᠡ ᠰᠠᠨᠳᠤᠷᠤᠨ ᠪᠤᠰᠴᠠᠭᠠᠨ ᠰᠢᠨᠡ ᠬᠤᠪᠴᠠᠰᠤ ᠭᠤᠳᠤᠯ ᠢᠶᠠᠨ ᠡᠮᠦᠰᠦᠭᠡᠳ᠂ ᠭᠠᠳᠠᠭᠠ ᠬᠦᠶᠦᠨ ᠭᠠᠷᠴᠤ ᠫᠤᠤᠵᠢᠩ ᠲᠠᠯᠪᠢᠳᠠᠭ᠃ ᠲᠡᠭᠡᠭᠡᠳ | ᠬᠤᠭᠤᠯᠠᠨ ᠰᠢᠷᠡᠭᠡᠨ ᠳᠤ ᠪᠠᠨ ᠰᠠᠭᠤᠵᠠᠭᠠᠨ ᠠᠮᠲᠠᠳᠦ ᠪᠠᠩᠰᠢ ᠪᠠᠨ ᠵᠤᠭᠤᠭᠯᠠᠳᠠᠭ ᠃ | ᠮᠠᠨ ᠤ ᠤᠮᠠᠷᠠᠲᠤ ᠣᠷᠣᠨ ᠤ ᠰᠢᠨᠡᠯᠡᠬᠦ ᠦᠶᠡ ᠶᠢᠨ ᠬᠠᠮᠤᠭ ᠠᠴᠠ ᠬᠦᠷ ᠨᠠᠷᠬᠢᠶᠠᠨ ᠲᠠᠢ ᠨᠢ ᠪᠢᠲᠡᠭᠦᠨ ᠤ ᠰᠥᠨᠢ ᠪᠣᠯᠤᠨᠠ᠂ ᠬᠠᠮᠤᠭ ᠤᠨ ᠴᠢᠬᠤᠯᠠ ᠠᠵᠢᠯᠯᠠᠭᠠ | ᠪᠤᠯ ᠰᠠᠬᠢᠭᠤᠯᠰᠤᠨ ᠵᠠᠯᠠᠬᠤ ᠠᠵᠢᠯᠯᠠᠭᠠ ᠪᠤᠯᠤᠨᠠ᠂ ᠶᠡᠷᠦ ᠳᠤ ᠪᠠᠨ ᠪᠦᠷ ᠬᠤᠯᠤᠭᠠᠨᠠ ᠴᠠᠭ᠂ ᠳᠠᠷᠤᠢ ᠤᠷᠤᠢ ᠶᠢᠨ ᠠᠷᠪᠠᠨ ᠨᠢᠭᠡᠨ ᠴᠠᠭ ᠠᠴᠠ ᠴᠠᠭ ᠠᠴᠠ ᠰᠦᠨᠢ | ᠶᠢᠨ ᠨᠢᠭᠡ ᠴᠠᠭ ᠤᠨ ᠬᠤᠭᠤᠷᠤᠨᠳᠤ ᠪᠣᠯᠤᠨᠠ᠃ ᠳᠣᠮᠤᠭ ᠶᠠᠷᠢᠶᠠᠨ ᠳᠤ ᠲᠡᠷᠡ ᠦᠶᠡ ᠳᠤ ᠬᠤᠷᠮᠤᠰᠲᠠ ᠲᠡᠭᠷᠢ ᠡᠮᠦᠨᠡ ᠶᠡᠭᠡ ᠬᠠᠭᠠᠯᠭᠠ ᠪᠠᠨ ᠨᠡᠬᠡᠭᠡᠨ᠂ | ᠬᠤᠷᠮᠤᠰᠲᠠ ᠶᠢᠨ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ ᠪᠦᠷ ᠳᠤᠤᠷᠠᠲᠤ ᠶᠢᠷᠲᠢᠨᠴᠦ ᠲᠤ ᠪᠠᠭᠤᠵᠤ ᠢᠷᠡᠳᠡᠭ ᠪᠤᠯᠬᠤᠷ ᠰᠠᠬᠢᠭᠤᠯᠰᠤᠨ ᠰᠢᠲᠦᠭᠡᠨ ᠲᠠᠬᠢᠳᠠᠭ ᠠᠶᠢᠯ ᠤᠳ ᠪᠦᠷ | ᠰᠠᠬᠢᠭᠤᠯᠰᠤᠨ ︽ ᠵᠠᠯᠠᠬᠤ︾ ᠪᠠᠷ ᠭᠠᠷᠳᠠᠭ ᠭᠡᠨᠡ᠃ ᠵᠠᠷᠢᠮ ᠬᠥᠮᠦᠨ ᠤ ᠬᠡᠯᠡᠬᠦ ᠪᠠᠷ ᠬᠡᠶᠢᠮᠦᠷᠢ ᠨᠢ ᠮᠠᠨᠳᠤᠭᠰᠡᠨ ᠬᠥᠮᠦᠨ ᠬᠤᠷᠮᠤᠰᠲᠠ ᠲᠡᠭᠷᠢ ᠶᠢᠨ ᠬᠠᠭᠠᠯᠭᠠ | ᠨᠡᠭᠡᠭᠡᠭᠳᠡᠬᠦ ᠶᠢ ᠣᠯᠵᠤ ᠬᠠᠷᠠᠳᠠᠭ ᠭᠡᠨᠡ᠃ ᠲᠡᠶᠢᠮᠦ ᠬᠥᠮᠦᠨ ᠬᠤᠵᠢᠮ ᠯᠠᠪᠲᠠᠶᠠ ᠪᠠᠶᠠᠨ ᠡᠷᠬᠢᠮ ᠢ ᠤᠯᠵᠤ ᠡᠳ᠋ᠯᠡᠨᠡ ᠭᠡᠳᠡᠭ᠂ ᠵᠥᠪᠬᠡᠨ ᠬᠡᠨ ᠨᠢᠭᠡᠨ ᠴᠤ | ᠭᠡᠷᠡᠴᠢᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠠᠴᠠ ᠪᠢᠰᠢ᠃ | ᠡᠳᠦᠷ ᠪᠠᠶᠠᠷ ᠬᠦᠷ ᠤᠨ ᠳᠤᠮᠳᠠ ᠲᠦᠳᠡᠯ ᠦᠭᠡᠢ ᠦᠩᠭᠡᠷᠡᠯᠡ᠃ ᠰᠥᠨᠢ ᠶᠢᠨ ᠬᠦᠨ ᠠᠭᠠᠵᠢᠮ ᠢᠶᠠᠷ ᠣᠶᠢᠷᠠᠳᠴᠤ᠂ ᠠᠶᠢᠯ ᠡᠷᠦᠬᠡ ᠶᠢᠨ ᠳ᠋ᠧᠩ ᠤᠳ | ᠰᠦᠨᠢ ᠶᠢᠨ ᠭᠦᠨ ᠳᠤ ᠬᠦᠪᠦᠯᠵᠡᠨ᠂ ᠴᠠᠭᠠᠨ ᠴᠠᠰᠤ ᠭᠢᠯᠳᠠᠭᠠᠨᠠᠨ᠂ ᠬᠥᠳᠡᠭᠡ ᠲᠣᠰᠬᠤᠨ ᠤ ᠬᠠᠮᠤᠭ ᠤᠨ ᠭᠤᠶᠣ ᠰᠥᠨᠢ ᠶᠢ ᠵᠢᠷᠤᠭᠯᠠᠯᠠ᠃ ᠪᠢᠲᠡᠭᠦᠨ ᠤ ᠰᠥᠨᠢ | ᠥᠯᠵᠡᠢ ᠪᠡᠯᠭᠡ᠂ ᠤᠴᠢᠷ ᠨᠠᠴᠢᠷ ᠢᠶᠠᠷ ᠲᠦᠭᠦᠷᠡᠩ ᠪᠠᠶᠢᠵᠤ᠂ ᠬᠥᠮᠦᠰ ᠠᠳᠡ ᠠᠴᠠ ᠰᠠᠶᠢᠨ ᠰᠠᠶᠢᠬᠠᠨ ᠢᠷᠡᠭᠡᠳᠦᠢ ᠪᠠᠨ ᠣᠯᠵᠤ ᠬᠠᠷᠠᠬᠤ ᠰᠢᠭ᠋᠃ | ︽ᠰᠠᠬᠢᠭᠤᠯᠰᠤᠨ ᠵᠠᠯᠠᠬᠤ︾ ᠠᠴᠠ ᠪᠠᠨ ᠡᠮᠦᠨᠡ ᠠᠪᠤ ᠫᠤᠤᠵᠢᠩ ᠢᠶᠠᠨ ᠤᠷᠳᠤ ᠮᠤᠳᠤᠨ ᠤ ᠡᠰᠢ ᠠᠴᠠ ᠤᠶᠠᠵᠤ ᠬᠡᠷᠡᠮ ᠤᠨ ᠪᠤᠯᠤᠩ ᠳᠤ ᠪᠤᠰᠬᠠᠨ ᠂ | ᠳᠠᠯᠪᠢᠬᠤ ᠳᠤ ᠪᠡᠯᠡᠬᠡᠨ ᠪᠤᠯᠭᠠᠳᠠᠭ᠃ ᠠᠷᠪᠠᠨ ᠴᠠᠭ ᠤᠨ ᠪᠠᠷᠤᠭ ᠢᠶᠠᠷ ᠤᠢᠢᠷᠠ ᠤᠷᠴᠢᠮ ᠤᠨ ᠠᠶᠢᠯ ᠤᠳ ︽ᠰᠠᠬᠢᠭᠤᠯᠰᠤᠨ ᠵᠠᠯᠠᠵᠤ︾ ᠡᠬᠢᠯᠡᠳᠡᠭ᠂ ᠫᠤᠤᠵᠢᠩ ᠤᠨ | ᠳᠠᠭᠤᠨ ᠵᠤᠭᠰᠤᠯ ᠦᠭᠡᠢ ᠫᠠᠴᠢᠭᠢᠨᠠᠵᠤ᠂ ᠫᠤᠤᠵᠢᠩ ᠤᠨ ᠭᠡᠷᠡᠯ ᠲᠡᠭᠷᠢ ᠶᠢᠨ ᠬᠠᠶᠠᠭᠠ ᠶᠢ ᠬᠦᠷᠲᠡᠯᠡ ᠭᠡᠷᠡᠯᠳᠦᠭᠦᠯᠳᠡᠭ᠃ ᠠᠷᠪᠠᠨ ᠨᠢᠭᠡᠨ ᠴᠠᠭ ᠬᠠᠭᠠᠰ ᠪᠣᠯᠬᠤ ᠳᠤ᠂ | ᠠᠪᠤ ᠪᠢᠳᠡᠨ ᠢ ᠳᠠᠭᠤᠳᠠᠨ ᠭᠠᠷᠭᠠᠵᠤ᠂ ᠮᠠᠨᠤᠰ ᠡᠬᠢᠯᠡᠨ ᠶᠠᠭᠠᠷᠠᠯᠳᠤᠳᠠᠭ᠂ ᠵᠠᠷᠢᠮ ᠨᠢ ᠫᠤᠤᠵᠢᠩ ᠢᠶᠠᠨ ᠲᠠᠯᠪᠢᠵᠤ᠂ ᠵᠠᠷᠢᠮ ᠨᠢ ᠲᠦᠳᠡᠭ ᠢᠶᠠᠨ ᠠᠰᠠᠭᠠᠨ᠂ ᠡᠵᠢ | ᠭᠡᠷ ᠲᠤ ᠪᠠᠨ ᠬᠤᠭᠤᠯᠠ ᠬᠢᠵᠦ ᠮᠣᠩᠭᠢᠨᠠᠳᠠᠭ᠃ ᠲᠦᠳᠡᠭ ᠭᠠᠯ ᠠᠰᠠᠭᠰᠠᠭᠠᠷ ᠫᠤᠤᠵᠢᠩ ᠤᠨ ᠳᠠᠭᠤᠨ ᠴᠤ ᠡᠬᠢᠯᠡᠨ ᠨᠢᠵᠢᠭᠢᠨᠡᠵᠦ᠂ ᠫᠤᠤᠵᠢᠩ ᠤᠨ ᠭᠡᠷᠡᠯ ᠳᠤ | ᠤᠯᠠᠶᠢᠭᠰᠠᠨ ᠢᠨᠢᠶᠡᠮᠰᠦᠭᠯᠡᠭᠰᠡᠨ ᠴᠢᠷᠠᠢ ᠬᠠᠷᠠᠭᠳᠠᠨ᠂ ᠪᠢᠳᠡ ᠲᠦᠳᠡᠭ ᠭᠠᠯ ᠢ ᠲᠤᠭᠤᠷᠢᠨ ᠪᠦᠵᠢᠭᠯᠡᠨ ᠬᠠᠰᠬᠢᠷᠤᠨ ᠬᠦᠶᠦᠯᠳᠦᠵᠤ᠂ ᠲᠡᠷᠡ ᠨᠢᠭᠡᠨ ᠮᠦᠴᠡ ᠳᠤ ᠪᠢ | ᠦᠪᠡᠷ ᠢ ᠪᠠᠨ ᠡᠨᠡ ᠳᠡᠯᠡᠬᠡᠢ ᠶᠢᠨ ᠬᠠᠮᠤᠭ ᠠᠴᠠ ᠵᠢᠷᠭᠠᠯᠲᠠᠢ ᠬᠥᠮᠥᠨ ᠬᠡᠮᠡᠨ ᠦᠵᠡᠳᠡᠭ᠃ | ᠭᠤᠴᠢᠨ ᠤ ᠰᠦᠨᠢ ᠪᠢᠲᠡᠭᠦᠨ ᠤ ᠬᠤᠭᠤᠯᠠ ᠪᠠᠨ ᠢᠳᠡᠳᠡᠭ᠃ ᠪᠦᠬᠦ ᠭᠡᠷ ᠢᠶᠠᠷ ᠢᠶᠠᠨ ᠴᠤᠭᠯᠠᠷᠠᠨ ᠰᠠᠭᠤᠵᠤ᠂ ᠬᠤᠭᠤᠯᠠ ᠪᠠᠨ ᠢᠳᠡᠵᠦ ᠵᠤᠭᠤᠭᠳᠠᠨ᠂ ᠬᠦᠷ | ᠨᠠᠷᠭᠢᠶᠠᠨ ᠲᠠᠢ ᠪᠠᠶᠢᠳᠠᠭ᠃ ᠡᠨᠡ ᠡᠳᠦᠷ ᠤᠨ ᠪᠠᠩᠰᠢ ᠪᠦᠷ ᠮᠢᠬᠠᠨ ᠪᠠᠩᠰᠢ᠂ ᠳᠣᠲᠣᠷᠠ ᠨᠢ ᠪᠠᠰᠠ ᠨᠢᠭᠡ ᠲᠡᠮᠦᠷᠯᠢᠭ ᠵᠣᠭᠤᠰ ᠬᠢᠨᠡ᠂ ᠬᠡᠨ ᠬᠡᠷᠪᠡ ᠣᠯᠵᠤ | ᠢᠳᠡᠪᠡᠯ ᠨᠢᠭᠡ ᠵᠢᠯ ᠰᠠᠶᠢᠨ ᠬᠤᠪᠢ ᠢᠷᠦᠭᠡᠯ ᠲᠠᠢ ᠪᠤᠯᠤᠨᠠ ᠬᠡᠮᠡᠨ ᠪᠡᠯᠭᠡᠰᠢᠶᠡᠳᠡᠭ᠃ ᠪᠠᠭᠠ ᠶᠢᠨ ᠦᠶᠡ ᠳᠤ᠂ ᠨᠢᠭᠡ ᠤᠳᠠᠭᠠ ᠠᠬᠠ ᠨᠠᠳᠠ ᠳᠤ ᠪᠠᠩᠰᠢ ᠬᠢᠵᠦ | ᠥᠭᠴᠡᠢ᠂ ᠪᠢ ᠢᠳᠡᠬᠦ ᠶᠢᠨ ᠳᠠᠭᠤ ᠨᠠᠭᠠᠳᠴᠤ᠂ ᠣᠯᠠᠨ ᠢᠶᠠᠷ ᠢᠶᠠᠨ ᠪᠠᠰᠠ ᠶᠡᠭᠡ ᠯᠡ ᠪᠠᠶᠠᠷᠲᠠᠶᠢᠬᠠᠨ ᠵᠤᠭᠤᠭᠯᠠᠵᠤ ᠪᠠᠶᠢᠭᠰᠠᠨ᠂ ᠭᠡᠲᠡᠯᠡ ᠫᠢᠯᠠ ᠨᠢ ᠪᠦᠷ | ᠳᠠᠭᠤᠰᠤᠭᠰᠠᠨ ᠴᠦ ᠲᠡᠮᠦᠷᠯᠢᠭ ᠵᠣᠭᠤᠰ ᠣᠯᠵᠤ ᠢᠳᠡᠭᠡ ᠦᠭᠡᠢ᠂ ᠬᠠᠮᠤᠭ ᠰᠡᠭᠦᠯ ᠳᠤ ᠮᠢᠨᠦ ᠪᠥᠭᠰᠡᠨ ᠳᠣᠣᠷᠠ ᠠᠴᠠ ᠲᠡᠭᠦᠨ ᠢ ᠨᠢ ᠤᠯᠵᠤ ᠠᠪᠤᠭᠰᠠᠨ ᠪᠢᠯᠡ᠃ | ᠪᠢᠲᠡᠭᠦᠨ ᠤ ᠰᠥᠨᠢ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ᠂ ︽ᠨᠠᠰᠤ ᠰᠠᠬᠢᠬᠤ︾ ᠭᠡᠬᠦ ᠬᠡᠯᠡᠯᠭᠡ ᠲᠠᠢ ᠪᠥᠭᠡᠳ ︽ᠨᠢᠭᠡ ᠰᠦᠨᠢ ᠬᠤᠶᠠᠷ ᠨᠠᠰᠤ ᠵᠠᠯᠭᠠᠵᠤ᠂ ᠲᠠᠪᠤᠨ | ᠵᠢᠩ ᠤᠨ ᠬᠤᠭᠤᠰ ᠲᠤ ᠬᠤᠶᠠᠷ ᠵᠢᠯ ᠪᠤᠯᠵᠤ ᠪᠠᠶᠢᠨᠠ︾ ᠭᠡᠳᠡᠭ᠃ | ᠬᠡᠷᠪᠡ ᠨᠢᠭᠡ ᠰᠦᠨᠢ ᠤᠨᠳᠠᠬᠤ ᠦᠭᠡᠢ ᠪᠤᠯ ᠢᠷᠡᠬᠦ ᠵᠢᠯ ᠳᠤ ᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠪᠤᠯᠤᠨᠠ ᠬᠡᠮᠡᠳᠡᠭ᠃ ᠮᠠᠨ ᠤ ᠬᠡᠳᠦᠨ ᠪᠢᠴᠢᠬᠠᠨ ᠨᠠᠶᠢᠵᠠ ᠳ᠋ᠧᠩᠯᠦ | ᠪᠠᠷᠢᠭᠠᠳ ᠭᠠᠳᠠᠨᠠ ᠭᠠᠷᠴᠤ ᠨᠠᠭᠠᠳᠴᠤ ᠪᠤᠰᠤᠳ ᠤᠨ ᠬᠦᠷᠢᠶᠡᠨ ᠠᠴᠠ ᠭᠠᠵᠠᠷ ᠤᠨᠠᠭᠰᠠᠨ ᠫᠤᠤᠵᠢᠩ ᠲᠡᠭᠦᠵᠦ᠂ ᠵᠠᠷᠢᠮ ᠢ ᠨᠢ ᠪᠠᠰᠠ ᠲᠠᠯᠪᠢᠵᠤ ᠪᠣᠯᠤᠨᠠ᠃ | ᠬᠡᠯᠡᠯᠭᠡᠨ ᠦᠭᠡᠢ᠂ ᠨᠠᠭᠠᠳᠤᠭᠠᠳ ᠶᠠᠳᠠᠷᠠᠪᠠᠯ᠂ ᠠᠯᠢ ᠭᠡᠷ ᠲᠤ ᠣᠴᠢᠭᠰᠠᠨ ᠴᠤ ᠪᠦᠷ ᠰᠠᠶᠢᠨ ᠢ ᠢᠳᠡᠭᠦᠯᠦᠨ ᠰᠠᠶᠢᠨ ᠢ ᠤᠤᠭᠤᠯᠭᠠᠵᠤ ᠪᠢᠳᠡᠨ ᠢ ᠵᠣᠴᠢᠯᠠᠨᠠ᠃ | ᠮᠠᠷᠲᠠᠭᠳᠠᠰᠢ ᠦᠭᠡᠢ ᠪᠢᠲᠡᠭᠦᠨ ᠤ ᠰᠥᠨᠢ ᠦᠷᠭᠦᠯᠵᠢ ᠲᠣᠩ ᠲᠦᠷᠭᠡᠨ ᠥᠩᠭᠡᠷᠡᠨᠡ᠃ ᠦᠦᠷ ᠭᠡᠭᠡᠷᠡᠮᠡᠭᠴᠠ ᠲᠣᠰᠬᠤᠨ ᠤ ᠵᠠᠬᠠ ᠳᠤ ᠬᠠᠷᠠᠩᠭᠠ ᠬᠡᠩᠭᠡᠷᠭᠡ | ᠨᠢᠵᠢᠭᠢᠨᠡᠵᠦ᠂ ᠶᠡᠭᠡ ᠶᠠᠩᠭᠠᠷ ᠤᠨ ᠳᠠᠭᠤᠨ ᠢᠶᠠᠷ ᠰᠢᠨᠡ ᠵᠢᠯ ᠤᠨ ᠵᠤᠯᠭᠠᠯᠲᠠ ᠡᠬᠢᠯᠡᠯᠡ᠃ ᠬᠥᠮᠦᠰ ᠠᠶᠢᠯ ᠲᠤᠭᠤᠷᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠵᠤᠯᠭᠠᠯᠲᠠ ᠬᠢᠵᠤ᠂ | ᠪᠦᠬᠦ ᠲᠣᠰᠬᠤᠨ ᠢᠶᠠᠷ ᠢᠶᠠᠨ ᠰᠢᠨᠡ ᠵᠢᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠢᠶᠠᠷ ᠦᠳᠭᠡᠨ᠃ | ᠣᠯᠠᠨ ᠵᠢᠯ ᠤᠨ ᠳᠠᠷᠠᠭᠠ ᠥᠩᠭᠡᠷᠡᠭᠰᠡᠨ ᠤ ᠵᠠᠷᠢᠮ ᠶᠠᠪᠤᠳᠠᠯ ᠤᠳ ᠮᠠᠷᠲᠠᠭᠳᠠᠭᠰᠠᠨ ᠴᠤ ᠪᠠᠭᠠ ᠶᠢᠨ ᠦᠶᠡ ᠶᠢᠨ ᠰᠢᠨᠡᠯᠡᠬᠦ ᠬᠤᠷᠤᠮ ᠤᠳ ᠰᠡᠳᠬᠢᠯ ᠳᠤ | ᠡᠭᠦᠷᠢᠳᠡ ᠬᠠᠳᠠᠩᠰᠢᠵᠠᠢ᠃ | ᠣᠷᠴᠢᠭᠤᠯᠤᠭᠴᠢ ᠶᠢᠨ ᠬᠠᠶ᠋ᠢᠭ᠄ ︽ᠳᠡᠯᠡᠬᠡᠢ ᠶᠢᠨ ᠤᠳᠬᠠ ᠵᠣᠬᠢᠶᠠᠯ︾ ᠰᠡᠳᠭᠦᠯ ᠤᠨ ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ |