| ᠪᠠ᠊ · ᠪᠦᠷᠢᠨᠵᠢᠷᠭᠠᠯ ᠵᠤᠬᠢᠶᠠᠪᠠ | ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ᠂ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠪᠤᠯ ᠵᠤᠬᠢᠶᠠᠯᠴᠢ ᠤᠷᠠᠯᠢᠭᠴᠢᠳ ᠤᠨ ᠤᠶᠤᠨ ᠰᠠᠨᠠᠭᠠᠨ ᠤ ᠭᠤᠸᠠᠯᠢᠭ ᠰᠠᠶᠢᠬᠠᠨ ᠬᠡᠷ | ᠤᠷᠤᠨ ᠭᠡᠳᠡᠭ ᠶᠤᠮ᠃ ᠪᠢ ᠡᠨᠡ ᠬᠦ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠪᠦᠭᠡᠳ ᠬᠠᠶᠢᠷᠠ ᠬᠠᠯᠠᠮᠵᠢ ᠲᠠᠢ ᠶᠡᠭᠡ ᠬᠡᠷ ᠪᠦᠯᠢ ᠶᠢᠨ ᠦᠨᠳᠦᠰᠦᠨ ᠱᠠᠲᠤ ᠪᠤᠶᠤ ᠠᠶᠢᠮᠠᠭ | ᠬᠤᠲᠠ ᠶᠢᠨ ᠱᠠᠳᠤᠨ ᠤ ᠬᠡᠰᠢᠬᠦᠨ ᠪᠤᠯᠵᠦ᠂ ᠳᠤᠷᠠ ᠰᠤᠨᠢᠷᠬᠠᠯ ᠲᠠᠢ ᠠᠵᠢᠯ ᠦᠢᠯᠡᠰ ᠢᠶᠠᠨ ᠭᠤᠴᠢᠭᠠᠳ ᠵᠢᠯ ᠬᠢᠭᠰᠡᠨ ᠳᠤ ᠪᠠᠨ ᠳᠦᠢᠯ ᠤᠨ ᠶᠡᠭᠡ ᠪᠠᠷ ᠤᠮᠤᠭᠰᠢᠵᠦ | ᠶᠠᠪᠤᠳᠠᠭ ᠰᠠᠨ᠃ ᠤᠨᠴᠠᠭᠠᠶᠢᠯᠠᠨ ᠡᠨᠡ ᠬᠦ ᠪᠠᠶᠢᠭᠤᠯᠭᠠ ᠶᠢᠨ ᠭᠤᠣᠯᠯᠠᠨ ᠡᠷᠬᠢᠯᠡᠵᠦ ᠪᠠᠶᠢᠭᠠ ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠡᠳᠭᠦᠯ ᠳᠤ 15 ᠵᠢᠯ ᠰᠢᠬᠠᠮ | ᠠᠵᠢᠯᠯᠠᠵᠤ᠂ ᠨᠠᠶᠢᠷᠠᠭᠤᠯᠤᠭᠴᠢ ᠭᠡᠳᠡᠭ ᠰᠠᠶᠢᠬᠠᠨ ᠨᠡᠷᠡ ᠪᠠ ᠮᠡᠷᠭᠡᠵᠢᠯ ᠤᠨ ᠴᠤᠯᠠ ᠶᠢ ᠶᠡᠭᠡ ᠡᠷᠲᠡ ᠬᠦᠷᠲᠡᠭᠰᠡᠨ ᠳᠤ ᠪᠠᠨ ᠮᠠᠰᠢᠳᠠ ᠪᠠᠶᠠᠷᠬᠠᠵᠦ ᠰᠠᠭᠤᠳᠠᠭ | ᠮᠦᠷᠳᠡᠭᠡᠨ ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ ᠪᠤᠶᠤ ᠲᠡᠭᠦᠨ ᠤ ᠲᠣᠭᠤᠷᠢᠨ ᠳᠤ ᠬᠢ ᠵᠠᠷᠢᠮ ᠤᠴᠢᠷ ᠤᠳ ᠣᠳᠣ ᠬᠦᠷᠲᠡᠯᠡ ᠴᠢᠬᠢᠨ ᠳᠤ ᠰᠣᠨᠣᠰᠳᠠᠵᠦ ᠨᠢᠳᠤᠨ ᠳᠤ | ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ ᠰᠠᠨ᠃ | ᠨᠢᠭᠡ | ᠳᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠡᠬᠢᠨ ᠪᠤᠶᠤ 1982 ᠣᠨ ᠤ 11 ᠳ᠋ᠤᠬᠡᠷ ᠰᠠᠷᠠ ᠳᠤ ᠪᠢ ᠪᠠᠶᠠᠨᠨᠠᠭᠤᠷ ᠠᠶᠢᠮᠠᠭ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ | ᠬᠤᠯᠪᠤᠭᠠ ᠳᠤ ᠠᠵᠢᠯ ᠰᠢᠯᠵᠢᠨ ᠢᠷᠡᠬᠦ ᠳᠤ᠂ ᠡᠨᠡ ᠪᠠᠶᠢᠭᠤᠯᠭᠠ ᠨᠢ 18 ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠤᠷᠤᠨ ᠳᠤᠭᠠ᠂ 40 ᠠᠵᠢᠯ ᠦᠢᠯᠡᠰ ᠤᠨ ᠣᠷᠣᠨ ᠳᠤᠭᠠ ᠲᠠᠢ | ᠪᠦᠭᠡᠳ 5 ᠭᠠᠵᠠᠷ ᠤᠨ ᠳᠡᠰ ᠤᠨ ᠤᠳᠤᠷᠢᠳᠤᠯᠭᠠ᠂ 3 ᠰᠠᠯᠠᠭᠠᠨ ᠳᠡᠰ ᠤᠨ ᠲᠤᠳᠤᠭᠠᠳᠤ ᠪᠠᠶᠢᠭᠤᠯᠤᠮᠵᠢ᠂ 4 ᠤᠳᠬᠠ ᠤᠷᠠᠯᠢᠭ ᠤᠨ ᠡᠪᠯᠡᠯ ᠲᠠᠢ ᠲᠤᠮᠤᠬᠠᠨ | ᠨᠢᠭᠡᠴᠢ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠡ ᠳᠤ ᠲᠣᠰ ᠪᠠᠶᠢᠭᠤᠯᠭᠠ ᠨᠢ ᠬᠤᠭᠤᠰᠤᠨ ᠣᠷᠣᠨ ᠲᠤᠭᠠ ᠲᠠᠢ ᠪᠦᠭᠡᠳ ᠤᠳᠬᠠ ᠤᠷᠠᠯᠢᠭ ᠲᠤ ᠠᠪᠢᠶᠠᠰ ᠲᠠᠢ | ᠵᠠᠯᠠᠭᠤᠰ ᠢ ᠤᠯᠠᠮ ᠤᠯᠠᠨ ᠢᠶᠠᠷ ᠤᠷᠠᠶᠢᠯᠠᠨ ᠳᠠᠭᠤᠳᠠᠵᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠦᠪᠦᠷ ᠮᠤᠩᠭᠤᠯ ᠤᠨ ︽1962 — 1980 ᠣᠨ ᠤ ᠤᠳᠬᠠ ᠵᠤᠬᠢᠶᠠᠯ ᠰᠢ | ᠵᠦᠴᠦᠭᠡ ᠺᠢᠨᠤ᠋ ᠵᠦᠴᠦᠭᠡ ᠶᠢᠨ ᠱᠠᠩᠨᠠᠯ ︾ ᠳᠤ ︽ᠬᠠᠪᠤᠷ ᠤᠨ ᠴᠠᠰᠤ︾ ᠭᠡᠬᠦ ᠦᠭᠦᠯᠡᠯᠭᠡ ᠪᠠᠷ ᠢᠶᠠᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠢ᠊ · ᠪᠦᠷᠭᠦᠳ ᠪᠣᠯᠣᠨ ︽ | ᠮᠡᠳᠡᠯᠭᠡ ᠲᠠᠢ ᠬᠦᠷᠭᠡᠨ︾ ᠭᠡᠬᠦ ᠳ᠋ᠤ᠊ · ᠳᠠᠯᠠᠨᠲᠠᠢ ᠲᠠᠢ ᠬᠠᠮᠳᠤᠷᠠᠨ ᠪᠢᠴᠢᠭᠰᠡᠨ ᠶᠠᠷᠢᠶᠠᠲᠤ ᠵᠦᠴᠦᠭᠡ ᠪᠠᠷ ᠢᠶᠠᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠪᠠ᠊ · ᠪᠦᠷᠢᠨᠵᠢᠷᠭᠠᠯ ᠭᠡᠬᠦ | ᠬᠤᠷᠢᠨ ᠵᠢᠷᠭᠤᠭᠠ ᠳᠣᠯᠣᠭᠠᠲᠠᠢ ᠬᠤᠶᠠᠷ ᠮᠤᠩᠭᠤᠯ ᠵᠠᠯᠠᠭᠤ ᠠᠷᠤ ᠠᠷᠤ ᠠᠴᠠ ᠪᠠᠨ ᠠᠵᠢᠯ ᠰᠢᠯᠵᠢᠨ ᠢᠷᠡᠨᠡ ᠭᠡᠬᠦ ᠳᠤ ᠠᠪ ᠠᠮᠠᠷᠬᠠᠨ ᠵᠦᠪᠰᠢᠶᠡᠷᠦᠭᠰᠡᠨ ᠶᠤᠮ | ᠭᠡᠨᠡ᠃ ᠭᠡᠪᠡᠴᠤ ᠠᠵᠢᠯ ᠦᠢᠯᠡᠰ ᠤᠨ ᠬᠢᠨ ᠤ ᠣᠷᠣᠨ ᠲᠤᠭᠠ ᠨᠢ 40 ᠠᠴᠠ 1 ᠳᠠᠪᠠᠭ᠋ᠤ ᠰᠢᠨᠵᠢ ᠭᠠᠷᠴᠤ᠂ ᠠᠶᠢᠮᠠᠭ ᠤᠨ ᠬᠦᠳᠡᠯᠮᠦᠷᠢ ᠠᠵᠢᠯᠳᠠᠨ ᠤ ᠳᠤᠪᠴᠢᠶᠠ | ᠶᠢᠨ ᠬᠢᠨ ᠬᠡᠨ ᠠᠯᠢ ᠶᠢ ᠨᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠣᠷᠣᠨ ᠳᠤᠭᠠ ᠳᠤ ᠤᠷᠤᠭᠤᠯᠬᠤ ᠪᠠᠨ ᠠᠬᠢᠨ ᠳᠠᠬᠢᠨ ᠯᠠᠪᠯᠠᠵᠤ ᠪᠠᠶᠢᠯᠠ ᠭᠡᠵᠦ ᠠᠶᠢᠮᠠᠭ ᠤᠨ ᠰᠤᠶᠤᠯ ᠤᠨ | ᠳᠤᠪᠴᠢᠶᠠᠨ ᠤ ᠲᠠᠷᠤᠭᠠ ᠪᠠ ᠤᠳᠬᠠ ᠤᠷᠠᠯᠢᠭ ᠤᠨ ᠬᠤᠯᠪᠤᠭᠠᠨ ᠤ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠲᠤᠰᠢᠶᠠᠯ ᠢ ᠳᠠᠪᠬᠤᠷ ᠬᠠᠷᠢᠭᠤᠴᠠᠵᠦ ᠪᠠᠶᠢᠭᠰᠠᠨ ᠰᠤᠶᠤᠯ ᠤᠨ ᠠᠬᠠᠮᠠᠳ | ᠵᠢᠳᠭᠦᠯᠲᠡᠨ ᠪᠦᠭᠡᠳ ᠤᠷᠤᠨ ᠤ ᠱᠠᠩᠨᠠᠯᠲᠤ ᠵᠦᠴᠦᠭᠡ ᠶᠢᠨ ᠵᠤᠬᠢᠶᠠᠯᠴᠢ ᠯᠢᠤ ᠪᠢᠩ ᡂᠢ ᠭᠤᠸᠠᠢ ᠰᠣᠶᠣᠯ ᠤᠨ ᠳᠤᠪᠴᠢᠶᠠᠨ ᠤ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠶᠠᠷᠢᠵᠦ | ᠦᠩᠭᠡᠷᠡᠭᠰᠡᠨ ᠮᠦᠷᠲᠡᠭᠡᠨ ᠤᠷᠤᠨ ᠤ ᠱᠠᠩᠨᠠᠯᠲᠤ ᠳᠠᠭᠤᠷ ᠦᠨᠳᠦᠰᠦᠳᠡᠨ ᠤ ᠪᠦᠵᠢᠭᠴᠢᠨ ᠪᠦᠭᠡᠳ ᠠᠶᠢᠮᠠᠭ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ | ᠪᠠᠶᠢᠩᠭᠤ ᠶᠢᠨ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ ᠪᠠᠲᠤᠸ᠋ᠴᠢᠷ ᠭᠤᠸᠠᠢ ᠳᠤ ᠪᠠᠷᠢᠨ ᠤᠲᠠᠰᠤ ᠠᠪᠴᠤ ᠡᠪᠲᠠᠢ ᠰᠠᠶᠢᠬᠠᠨ ᠰᠢᠢᠳᠪᠦᠷᠢᠯᠠᠨᠠ ᠭᠡᠰᠡᠨ ᠪᠢᠯᠡ᠃ | ᠡᠬᠦᠨ ᠢ ᠪᠢᠳᠡ ᠬᠤᠶᠠᠷ ᠤᠨ ᠬᠡᠨ ᠠᠯᠢ ᠨᠢ ᠴᠤ ᠶᠠᠭᠤᠮᠠ ᠪᠣᠯᠭᠠᠭᠰᠠᠨ ᠦᠭᠡᠢ᠃ ᠶᠠᠮᠠᠷ ᠣᠷᠣᠨ ᠳᠤᠭᠠ ᠡᠵᠡᠯᠡᠭᠦᠯᠬᠦ ᠨᠢ ᠲᠠᠨ ᠤ ᠶᠠᠪᠤᠳᠠᠯ᠂ ᠶᠠᠭᠠᠬᠢᠵᠦ | ᠲᠣᠷᠠ ᠲᠠᠢ ᠠᠵᠢᠯ ᠢᠶᠠᠨ ᠬᠢᠬᠦ ᠨᠢ ᠮᠢᠨᠤ ᠶᠠᠪᠤᠳᠠᠯ ᠬᠡᠮᠡᠨ ᠰᠠᠨᠠᠵᠦ᠂ ᠨᠢᠭᠡ ᠨᠢᠭᠡ ᠶᠢ ᠪᠠᠨ ︽41︾ ᠭᠡᠮᠡᠨ ᠨᠠᠭᠠᠳᠤᠨ ᠢᠷᠡᠵᠦ ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠨ ᠶᠤᠮ᠃ | ᠭᠡᠬᠦ ᠳᠤ ᠪᠠᠨ ᠪᠢ ᠮᠤᠩᠭᠤᠯ ᠬᠡᠯᠨ ᠳᠤ ᠳᠠᠪᠠᠭᠤᠯᠢᠭ ᠢᠶᠠᠷ ᠢᠶᠠᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠲᠡᠳ᠋ ᠳᠡᠷᠢᠭᠦᠯᠡᠭᠴᠢ ᠪᠦᠭᠡᠳ ᠤᠷᠤᠨ ᠤ | ᠱᠠᠩᠨᠠᠯᠲᠤ ᠡᠮᠡᠭᠲᠡᠢ ᠵᠤᠬᠢᠶᠠᠯᠴᠢ ᠴᠢ᠊ · ᠤᠳᠬᠠᠨᠴᠢᠮᠡᠭ ᠤᠨ ᠳᠠᠷᠤᠭᠠᠯᠠᠵᠤ ᠪᠠᠶᠢᠭᠠ ︽ᠰᠠᠷᠠᠨᠠ︾ ᠰᠡᠳᠭᠦᠯ ᠳᠤ ᠠᠵᠢᠯᠯᠠᠬᠤ ᠪᠠᠷ ᠭᠤᠶᠤᠴᠢᠯᠠᠵᠤ᠂ ᠲᠡᠷᠡ ᠬᠢᠲᠠᠳ | ᠬᠡᠯᠨ ᠳᠤ ᠳᠠᠪᠠᠭᠤᠯᠢᠭ ᠢᠶᠠᠷ ᠢᠶᠠᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠲᠡᠳ᠋ ᠳᠡᠷᠢᠭᠦᠯᠡᠭᠴᠢ ᠪᠦᠭᠡᠳ ᠣᠷᠣᠨ ᠤ ᠱᠠᠩᠨᠠᠯᠲᠤ ᠰᠢᠯᠦᠭᠴᠢ ᠶᠠᠩ ᠷᠥᠸᠧ | ᠹᠸᠢ ᠶᠢᠨ ᠲᠠᠷᠤᠭᠠᠯᠠᠵᠤ ᠪᠠᠶᠢᠭᠠ ︽ᠴᠡᠴᠡᠭ ᠤᠨ ᠪᠤᠷᠤᠭᠠ︾ ᠰᠡᠳᠭᠦᠯ ᠪᠤᠶᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠲᠡᠳ᠋ ᠳᠡᠷᠢᠭᠦᠯᠡᠭᠴᠢ ᠪᠦᠭᠡᠳ | ᠤᠯᠤᠰ ᠣᠷᠣᠨ ᠤ ᠱᠠᠩᠨᠠᠯᠳᠤ ᠵᠤᠬᠢᠶᠠᠯᠴᠢ ᠹᠧᠩ ᠯᠢᠩ ᡁᠢ ᠶᠢᠨ ᠳᠠᠷᠤᠭᠠᠯᠠᠵᠤ ᠦᠩᠭᠡᠷᠡᠭᠰᠡᠨ ᠰᠢ ᠵᠦᠴᠦᠭᠡ ᠺᠢᠨᠤ᠋ ᠤᠷᠠᠯᠢᠭᠴᠢᠳ ᠤᠨ ᠡᠪᠯᠡᠯ ᠳᠤ ᠠᠵᠢᠯᠯᠠᠬᠤ ᠪᠠᠷ | ᠵᠢᠱᠢᠵᠠᠢ᠃ | ᠡᠨᠡ ᠪᠠᠶᠢᠭᠤᠯᠭᠠ ᠳᠤ ᠠᠩᠬᠠ ᠢᠷᠡᠭᠡᠳ ᠠᠵᠢᠯᠯᠠᠬᠤ ᠭᠠᠵᠠᠷ᠂ ᠠᠯᠪᠠᠨ ᠭᠡᠷ᠂ ᠰᠢᠷᠡᠭᠡ ᠰᠠᠨᠳᠠᠯᠢ ᠪᠤᠶᠤ ᠨᠢᠳᠦᠨ ᠳᠤ ᠦᠵᠡᠭᠳᠡᠬᠦ ᠡᠳ᠋ ᠪᠤᠳᠠᠰ ᠨᠢ ᠮᠢᠨᠤ 10 | ᠰᠠᠷᠠ ᠪᠠᠭᠰᠢᠯᠠᠵᠤ ᠦᠩᠭᠡᠷᠡᠭᠰᠡᠨ ᠪᠠᠶᠠᠨᠨᠠᠭᠤᠷ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠶᠢ ᠬᠤᠯᠠ ᠬᠦᠷᠬᠦ ᠦᠭᠡᠢ ᠰᠢᠭ ᠰᠠᠨᠠᠭᠳᠠᠭᠰᠠᠨ ᠪᠤᠯᠪᠠᠴᠤ᠂ | ᠲᠠᠯᠠ ᠲᠠᠯᠠ ᠶᠢᠨ ᠤᠳᠬᠠ ᠤᠷᠠᠯᠢᠭ ᠤᠨ ᠲᠣᠷᠠ ᠪᠠᠭ᠋ᠠᠲᠠᠨ ᠢ ᠬᠤᠷᠢ ᠭᠤᠴᠢ ᠪᠠᠷ ᠨᠢ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠵᠤ ᠠᠪᠢᠶᠠᠰ ᠪᠢᠯᠢᠭ ᠢ ᠨᠢ ᠪᠠᠳᠠᠷᠠᠭᠤᠯᠤᠨ᠂ ᠵᠦᠭ | ᠵᠦᠭ ᠤᠨ ᠰᠤᠶᠤᠯ ᠤᠨ ᠵᠢᠳᠭᠦᠯᠳᠡᠳ ᠤᠨ ᠬᠡᠤᠬᠡᠳ ᠠᠴᠢᠷ ᠢ ᠠᠷᠪᠠ ᠬᠤᠷᠢ ᠪᠠᠷ ᠨᠢ ᠬᠦᠯᠢᠶᠡᠨ ᠠᠪᠴᠤ ᠨᠠᠮ ᠵᠠᠰᠠᠭ ᠤᠨ ᠬᠠᠯᠠᠮᠵᠢ ᠶᠢ ᠭᠠᠶᠢᠬᠠᠭᠤᠯᠤᠨ᠂ ᠡᠯᠡ | ᠲᠦᠷᠦᠯ ᠤᠨ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠤᠨ ᠬᠤᠷᠠᠯ ᠰᠤᠷᠤᠯᠴᠠᠯᠭᠠ ᠪᠤᠶᠤ ᠵᠤᠬᠢᠶᠠᠯᠴᠢ ᠤᠷᠠᠯᠢᠭᠴᠢᠳ ᠤᠨ ᠠᠮᠢᠳᠤᠷᠠᠯ ᠳᠤ ᠬᠦᠨᠵᠡᠭᠡᠶᠢᠷᠡᠬᠦ ᠠᠵᠢᠯᠯᠠᠭᠠ ᠶᠢ | ᠦᠷᠬᠦᠯᠵᠢ ᠶᠢᠨ ᠴᠢᠨᠠᠷ ᠲᠠᠢ ᠦᠷᠨᠢᠭᠦᠯᠦᠨ ᠪᠠᠶᠢᠭᠠ ᠦᠢᠯᠡ ᠪᠠᠶᠢᠳᠠᠯ ᠨᠢ ᠪᠢᠰᠢᠷᠡᠵᠦ ᠪᠠᠭ᠋ᠠᠷᠬᠠᠬᠤ ᠰᠡᠳᠭᠢᠯᠭᠡ ᠶᠢ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠬᠦᠳᠡᠯᠭᠡᠭᠰᠡᠨ ᠶᠤᠮ᠃ | ᠬᠡᠯᠡᠬᠦ ᠠᠴᠠ ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠶᠢᠨ ᠭᠡᠬᠦ ᠤᠷᠲᠤ ᠴᠢᠷᠤᠬᠦᠯ ᠲᠠᠢ ᠲᠤᠮᠤ ᠮᠠᠰᠢᠨ ᠬᠢᠭᠡᠳ ᠤᠨᠤᠭᠠ ᠤᠯᠠᠭᠠᠨ ᠤ ᠭᠡᠬᠦ ᠵᠢᠵᠢᠭ ᠮᠠᠰᠢᠨ ᠤ ᠳᠤᠮᠳᠠ ᠪᠠᠨ | ᠳᠤᠰᠬᠠᠢ ᠪᠢᠰᠢ ᠡᠭᠡᠯᠵᠢ ᠬᠠᠯᠠᠭᠠᠨ ᠤ ᠭᠡᠬᠦ ᠲᠠᠪᠤ ᠵᠢᠷᠭᠤᠭᠠᠨ ᠵᠢᠯᠤᠭᠤᠴᠢ ᠲᠤᠬᠢᠷᠠᠭᠤᠯᠵᠤ ᠪᠠᠶᠢᠳᠠᠭ ᠨᠢ ︽ᠵᠠᠭᠤᠨ ᠢᠮᠠᠭᠠᠨ ᠳᠤ ᠵᠢᠷᠠᠨ ᠤᠬᠤᠨᠠ︾ ᠬᠡᠳᠡᠭ ᠰᠢᠭ | ᠢᠨᠢᠶᠡᠳᠦᠮ ᠲᠠᠢ ᠦᠵᠡᠭᠳᠡᠵᠦ ᠪᠠᠶᠢᠯᠠ᠃ | ᠬᠤᠶᠠᠷ | ᠨᠢᠭᠡ ᠨᠢᠭᠡ ᠶᠢ ᠪᠠᠨ ︽41︾ ᠭᠡᠵᠤ ᠨᠠᠭᠠᠳᠤᠨ ᠢᠷᠡᠵᠦ ᠨᠡᠷᠡ ᠮᠡᠳᠡᠭᠦᠯᠦᠭᠰᠡᠨ ᠠᠴᠠ ᠬᠤᠶᠢᠰᠢ ᠪᠢ ᠰᠠᠨᠠᠭᠠ ᠪᠠᠷ ᠢᠶᠠᠨ ᠨᠠᠶᠢᠷᠠᠭᠤᠯᠤᠭᠴᠢ ᠪᠤᠯᠵᠤ᠂ | ᠵᠤᠬᠢᠶᠠᠯᠴᠢ ᠴᠢ᠊ · ᠣᠳᠬᠠᠨᠴᠢᠮᠡᠭ ᠪᠠᠭᠰᠢ᠂ ᠵᠤᠬᠢᠶᠠᠯᠴᠢ ᠰᠦᠷᠦᠩᠪᠠᠲᠤ ᠪᠠᠭᠰᠢ᠂ ᠰᠢᠯᠦᠭᠴᠢ ᠴᠠᠭᠠᠨᠪᠠᠷᠰ ᠪᠠᠭᠰᠢ ᠪᠤᠯᠤᠨ ᠰᠢᠭᠦᠮᠵᠢᠯᠡᠭᠴᠢ ᠴᠢ᠊ · ᠡᠩᠬᠡ ᠠᠬᠠ ᠲᠠᠢ | ᠬᠠᠮᠲᠤ ︽ᠰᠠᠷᠠᠨᠠ︾ ᠰᠡᠳᠭᠦᠯ ᠤᠨ ᠨᠠᠶᠢᠷᠠᠭᠤᠯᠵᠤ ᠬᠡᠪᠯᠡᠵᠦ ᠲᠠᠷᠬᠠᠭᠠᠬᠤ ᠠᠵᠢᠯ ᠳᠤ ᠪᠠᠶᠠᠷᠲᠠᠶᠢᠬᠠᠨ ᠤᠷᠤᠯᠴᠠᠵᠠᠢ᠃ ᠢ᠊ · ᠪᠦᠷᠭᠦᠳ ᠰᠢ ᠵᠦᠴᠦᠭᠡ ᠺᠢᠨᠤ᠋ | ᠤᠷᠠᠯᠢᠭᠴᠢᠳ ᠤᠨ ᠡᠪᠯᠡᠯ ᠳᠤ ᠳᠣᠰᠬᠠᠢ ᠵᠤᠬᠢᠶᠠᠯᠴᠢ ᠪᠠᠷ ᠠᠵᠢᠯᠯᠠᠵᠤ᠂ ᠬᠤᠶᠢᠳᠤᠨ ᠬᠠᠪᠤᠷ ᠨᠢ ᠪᠡᠭᠡᠵᠢᠩ ᠳᠤ ᠰᠤᠷᠤᠯᠴᠠᠬᠤ ᠪᠠᠷ ᠮᠣᠷᠳᠠᠭᠰᠠᠨ ᠪᠢᠯᠡ᠃ | ᠶᠠᠭ ᠦᠨᠡᠨ ᠢ ᠬᠡᠯᠡᠬᠦ ᠳᠤ ︽ᠰᠠᠷᠠᠨᠠ︾ ᠭᠡᠳᠡᠭ ᠰᠡᠳᠭᠦᠯ ᠪᠣᠯ 1972 ᠣᠨ ᠳᠤ ᠡᠮᠡᠭᠳᠡᠢ ᠵᠤᠬᠢᠶᠠᠯᠴᠢ ᠴᠢ᠊ · ᠣᠳᠬᠠᠨᠴᠢᠮᠡᠭ ᠤᠨ ᠭᠠᠷ ᠲᠡᠭᠡᠷᠡ ᠬᠡᠪᠯᠡᠯ | ᠡᠬᠢᠯᠡᠵᠦ᠂ 1974 ᠣᠨ ᠳᠤ ᠵᠤᠬᠢᠶᠠᠯᠴᠢ ᠰᠦᠷᠦᠩᠪᠠᠲᠤ ᠶᠢᠨ ᠭᠠᠷ ᠢ ᠳᠠᠮᠵᠢᠭᠰᠠᠨ ︽ᠲᠠᠯᠠ ᠨᠤᠲᠤᠭ ᠤᠨ ᠰᠢᠨᠡ ᠳᠠᠭᠤᠯᠠᠯ︾ ᠭᠡᠬᠦ 32 ᠵᠢᠰᠦᠮ ᠤᠨ ᠵᠢᠯ ᠤᠨ | ᠬᠡᠪᠯᠡᠯ ᠤᠨ ᠰᠠᠭᠤᠷᠢ ᠳᠡᠭᠡᠷᠡ 1976 ᠤᠨ ᠳᠤ ᠵᠤᠬᠢᠶᠠᠯᠴᠢ ᠴᠢ᠊ · ᠣᠳᠬᠠᠨᠴᠢᠮᠡᠭ᠂ ᠰᠦᠷᠦᠩᠪᠠᠲᠤ᠂ ᠵᠢᠷᠠᠨᠳᠠᠢ ︵ᠮᠤᠨᠠᠬᠡᠤᠭᠡᠨ︶ ᠨᠠᠷ ︽ᠪᠠᠶᠠᠨᠨᠠᠭᠤᠷ ᠤᠨ | ᠤᠷᠠᠨ ᠵᠤᠬᠢᠶᠠᠯ︾ ᠭᠡᠬᠦ 16 ᠵᠢᠰᠦᠮ ᠤᠨ ᠬᠠᠭᠠᠰ ᠵᠢᠯ ᠤᠨ ᠬᠡᠪᠯᠡᠯ ᠪᠣᠯᠭᠠᠵᠦ᠂ 1978 ᠤᠨ ᠳᠤ ᠵᠤᠬᠢᠶᠠᠯᠴᠢ ᠴᠢ᠊ · ᠣᠳᠬᠠᠨᠴᠢᠮᠡᠭ ᠨᠠᠷ ᠪᠠᠰᠠ ︽ᠰᠠᠷᠠᠨᠠ︾ | ᠭᠡᠬᠦ 16 ᠵᠢᠰᠦᠮ ᠤᠨ ᠳᠤᠭᠳᠠᠮᠠᠯ ᠪᠤᠰᠤ ᠪᠤᠶᠤ ᠤᠯᠠᠷᠢᠯ ᠤᠨ ᠬᠡᠪᠯᠡᠯ ᠪᠣᠯᠭᠠᠭᠰᠠᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠳᠤᠳᠤᠭᠠᠳᠤ ᠳᠤ ᠪᠠᠨ ᠰᠣᠯᠢᠯᠴᠠᠬᠤ ᠮᠠᠲ᠋ᠧᠷᠢᠶᠠᠯ ᠶᠤᠮ᠃ | ᠡᠨᠡ ᠬᠦ ᠳᠣᠳᠣᠭᠠᠳᠣ ᠮᠠᠲ᠋ᠧᠷᠢᠶᠠᠯ ᠤᠨ ᠬᠡᠪᠯᠡᠯ ᠡᠬᠢᠯᠡᠭᠰᠡᠨ ᠡᠬᠢᠨ ᠤ 10 ᠵᠢᠯ ᠤᠨ ᠤᠴᠢᠷ ᠢ ᠪᠢ ᠰᠠᠶᠢᠨ ᠮᠡᠳᠡᠬᠦ ᠦᠭᠡᠢ᠃ ᠭᠡᠪᠡᠴᠤ᠂ ᠲᠠᠷᠠᠭᠠᠴᠢ ᠶᠢᠨ 3 | ᠵᠢᠯ ᠨᠢ ᠬᠠᠷᠢᠨ ᠲᠣᠳᠣᠭᠠᠳᠤ ᠳᠤ ᠪᠠᠨ ᠰᠣᠯᠢᠯᠴᠠᠳᠠᠭ ᠤᠯᠠᠷᠢᠯ ᠤᠨ ᠬᠡᠪᠯᠡᠯ ᠳᠡᠳᠦᠢ ᠪᠣᠯᠪᠠᠴᠤ ︽ᠭᠤᠷᠪᠠᠨ ᠳᠡᠰ ᠤᠨ ᠬᠢᠨᠠᠯᠲᠠ︾ ᠶᠢ ᠴᠢᠩᠭᠠ ᠵᠢᠷᠤᠮᠯᠠᠳᠠᠭ | ᠪᠦᠭᠡᠳ ᠦᠪᠦᠷ ᠮᠤᠩᠭᠤᠯ ᠤᠨ ︽1962 — 1980 ᠣᠨ ᠤ ᠱᠠᠩᠨᠠᠯ ︾ ᠳᠤ ︽ᠭᠤᠪᠢ ᠶᠢᠨ ᠮᠦᠩᠬᠡ ᠬᠠᠷᠭᠠᠨᠠ︾ ᠭᠡᠬᠦ ᠦᠭᠦᠯᠡᠯᠭᠡ ᠪᠠᠷ ᠢᠶᠠᠨ ᠱᠠᠩᠨᠠᠯ | ᠭᠠᠷᠳᠠᠭᠰᠠᠨ ᠣᠷᠤᠨ ᠤ ᠱᠠᠩᠨᠠᠯᠲᠣ ᠵᠤᠬᠢᠶᠠᠯᠴᠢ ᠴᠢ᠊ · ᠣᠳᠬᠠᠨᠴᠢᠮᠡᠭ ᠪᠠᠭᠰᠢ ᠡᠴᠦᠰ ᠤᠨ ᠬᠢᠨᠠᠯᠲᠠ ᠶᠢ ᠭᠦᠢᠴᠡᠳᠭᠡᠵᠦ᠂ ︽ᠪᠢᠳᠡᠭᠦᠨ ᠤ ᠪᠠᠩᠰᠢ︾ ᠭᠡᠬᠦ | ᠦᠭᠦᠯᠡᠯᠭᠡ ᠪᠠᠷ ᠢᠶᠠᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠣᠷᠤᠨ ᠤ ᠱᠠᠩᠨᠠᠯᠲᠣ ᠵᠤᠬᠢᠶᠠᠯᠴᠢ ᠰᠦᠷᠦᠩᠪᠠᠲᠤ ᠪᠠᠭᠰᠢ ᠬᠤᠶᠠᠳᠠᠬᠢ ᠬᠢᠨᠠᠯᠲᠠ ᠶᠢ ᠭᠦᠢᠴᠡᠳᠭᠡᠨ᠂ ᠰᠢᠯᠦᠭ ᠤᠨ | ᠨᠠᠶᠢᠷᠠᠭᠤᠯᠤᠭᠴᠢ ᠴᠠᠭᠠᠨᠪᠠᠷᠰ ᠪᠠᠭᠰᠢ᠂ ᠰᠢᠭᠦᠮᠵᠢ ᠨᠠᠶᠢᠷᠠᠭᠤᠯᠤᠯ ᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠴᠢ᠊ · ᠡᠩᠬᠡ ᠠᠬᠠ᠂ ᠦᠭᠦᠯᠡᠯᠭᠡ ᠲᠤᠭᠤᠵᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠴᠢ ᠪᠠ᠊ · | ᠪᠦᠷᠢᠨᠵᠢᠷᠭᠠᠯ ᠪᠢ ᠪᠠᠷ ᠲᠣᠰ ᠲᠣᠰ ᠤᠨ ᠠᠵᠢᠯ ᠤᠨ ᠬᠤᠪᠢᠶᠠᠷᠢᠯᠠᠯ ᠢᠶᠠᠷ ᠢᠶᠠᠨ ᠠᠩᠬᠠᠨ ᠤ ᠬᠢᠨᠠᠯᠲᠠ ᠶᠢ ᠬᠦᠢᠴᠡᠳᠭᠡᠭᠰᠡᠨ ᠭᠡᠳᠡᠭ ᠢᠶᠠᠨ ᠲᠣᠪ ᠲᠣᠳᠣᠷᠬᠠᠢ | ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ᠃ | ᠲᠡᠷᠡ ᠦᠶᠡ ᠳᠤ ᠤᠷᠤᠨ ᠤ ︽1962 — 1980 ᠣᠨ ᠤ ᠱᠠᠩᠨᠠᠯ︾ ᠳᠤ ︽ᠭᠠᠩᠭᠠᠩ ᠤᠯᠠᠭᠠᠨ ᠲᠡᠮᠡᠭᠡ︾ ᠭᠡᠬᠦ ᠦᠭᠦᠯᠡᠯᠭᠡ ᠪᠠᠷ ᠢᠶᠠᠨ ᠱᠠᠩᠨᠠᠯ | ᠭᠠᠷᠳᠠᠭᠰᠠᠨ ᠣᠷᠤᠨ ᠤ ᠱᠠᠩᠨᠠᠯᠲᠣ ᠵᠤᠬᠢᠶᠠᠯᠴᠢ ᠮᠠᠭᠰᠠᠷᠵᠠᠪ ᠪᠠᠭᠰᠢ᠂ ︽ᠬᠦᠯᠦᠨ ᠤ ᠬᠦᠪᠡᠭᠡᠨ ᠳᠤ︾ ᠭᠡᠬᠦ ᠷᠤᠮᠠᠨ ᠢᠶᠠᠷ ᠢᠶᠠᠨ ᠱᠠᠩᠨᠠᠯ ᠭᠠᠷᠳᠠᠭᠰᠠᠨ ᠣᠷᠤᠨ ᠤ | ᠱᠠᠩᠨᠠᠯᠲᠣ ᠵᠤᠬᠢᠶᠠᠯᠴᠢ ᠪᠠ᠊ · ᠮᠠᠨᠳᠤᠬᠤ ᠪᠠᠭᠰᠢ᠂ ᠨᠠᠷᠠᠨ ᠲᠠᠯᠠ ᠶᠢᠨ ᠨᠢᠭᠤᠷᠯᠠᠭᠰᠠᠨ ᠠᠯᠪᠠᠨ ᠭᠡᠷ ᠲᠤ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠲᠡᠷᠢᠭᠦᠯᠡᠭᠴᠢ᠂ ᠳᠡᠳ᠋ | ᠲᠡᠷᠢᠭᠦᠯᠡᠭᠴᠢ ᠪᠠᠷ ᠠᠵᠢᠯᠯᠠᠳᠠᠭ ᠪᠦᠭᠡᠳ ︽ᠴᠠᠭᠠᠨ ᠡᠭᠦᠯᠡᠨ ᠤ ᠨᠤᠲᠤᠭ︾ ᠭᠡᠬᠦ ᠰᠢᠯᠦᠭ ᠢᠶᠠᠷ ᠢᠶᠠᠨ ᠱᠠᠩᠨᠠᠯ ᠠᠪᠤᠭᠰᠠᠨ ᠣᠷᠤᠨ ᠤ ᠱᠠᠩᠨᠠᠯᠲᠣ ᠰᠢᠯᠦᠭᠴᠢ ᠶᠠᠩ | ᠷᠥᠸᠧ ᠹᠸᠢ ᠪᠠᠭᠰᠢ᠂ ︽ᠲᠠᠯᠠ ᠨᠤᠲᠤᠭ ᠤᠨ ᠠᠶᠠᠯᠠᠯ︾ ᠭᠡᠬᠦ ᠰᠢᠯᠦᠭ ᠢᠶᠠᠷ ᠢᠶᠠᠨ ᠱᠠᠩᠨᠠᠯ ᠠᠪᠤᠭᠰᠠᠨ ᠣᠷᠤᠨ ᠤ ᠱᠠᠩᠨᠠᠯᠲᠣ ᠰᠢᠯᠦᠭᠴᠢ ᠯᠢ ᠽᠢ ᠡᠸ᠋ᠨ ᠪᠠᠭᠰᠢ᠂ | ︽ᠭᠠᠶᠢᠬᠠᠮᠰᠢᠭᠲᠤ ᠠᠶᠠᠨ︾ ᠭᠡᠬᠦ ᠲᠤᠭᠤᠵᠢ ᠪᠠᠷ ᠢᠶᠠᠨ ᠱᠠᠩᠨᠠᠯ ᠠᠪᠤᠭᠰᠠᠨ ᠣᠷᠤᠨ ᠤ ᠱᠠᠩᠨᠠᠯᠲᠣ ᠵᠤᠬᠢᠶᠠᠯᠴᠢ ᠯᠢ ᠲᠢᠩ ᠹᠠᠩ ᠪᠠᠭᠰᠢ ᠨᠠᠷ ᠵᠡᠭᠦᠨ ᠪᠡᠶᠡ ᠶᠢᠨ | ᠠᠯᠪᠠᠨ ᠭᠡᠷ ᠲᠤ ︽ᠴᠡᠴᠡᠭ ᠤᠨ ᠪᠣᠷᠤᠭᠠ︾ ᠭᠡᠬᠦ ᠬᠢᠲᠠᠳ ᠰᠡᠳᠭᠦᠯ ᠢ ᠨᠠᠶᠢᠷᠠᠭᠤᠯᠵᠦ ᠪᠠᠶᠢᠭᠰᠠᠨ ᠨᠢ ᠰᠠᠨᠠᠭᠠᠨ ᠳᠤ ᠦᠢᠷᠠᠬᠠᠨ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃ | ᠬᠠᠷᠢᠨ ︽ᠨᠣᠳᠤᠭ ᠤᠨ ᠮᠢᠨᠢ ᠨᠠᠷᠢᠨ ᠭᠤᠣᠯ︾ ︵ᠢ᠊᠂ ᠪᠠᠳᠠᠷᠠᠩᠭᠤᠢ ᠲᠠᠢ ᠬᠠᠮᠲᠤ︶ ᠭᠡᠬᠦ ᠳᠠᠭᠤᠤ ᠪᠠᠷ ᠢᠶᠠᠨ ᠤᠯᠤᠰ ᠤᠨ ᠱᠠᠲᠤᠨ ᠤ ᠱᠠᠩᠨᠠᠯ ᠠᠪᠣᠭᠰᠠᠨ | ᠠᠶᠠᠯᠭᠤ ᠶᠢᠨ ᠵᠤᠬᠢᠶᠠᠯᠴᠢ ᠷᠧᠨ ᠢ ᠭᠤᠸᠠᠩ ᠪᠠᠭᠰᠢ᠂ ︽ᠰᠢᠨᠡ ᠬᠥᠮᠥᠨ ᠢ ᠰᠠᠷᠨ ᠭᠡᠶᠢᠭᠦᠯᠦᠨᠡᠮ︾ ᠭᠡᠬᠦ ᠣᠬᠤᠷ ᠵᠦᠴᠦᠭᠡ ᠪᠠᠷ ᠢᠶᠠᠨ ᠤᠯᠤᠰ ᠤᠨ ᠱᠠᠲᠤᠨ ᠤ | ᠱᠠᠩᠨᠠᠯ ᠠᠪᠤᠭᠰᠠᠨ ᠵᠦᠴᠦᠭᠡ ᠶᠢᠨ ᠵᠤᠬᠢᠶᠠᠯᠴᠢ ᠯᠦ ᠽᠢ ᠷᠤᠩ ᠪᠠᠭᠰᠢ ᠪᠤᠯᠤᠨ ᠤᠷᠤᠨ ᠤ ᠱᠠᠩᠨᠠᠯᠳᠤ ᠵᠦᠴᠦᠭᠡ ᠶᠢᠨ ᠵᠤᠬᠢᠶᠠᠯᠴᠢ᠂ ᠵᠢᠶᠠ ᠴᠧᠨ ᠶᠢᠩ᠂ ᠵᠣᠣ ᠵᠢᠦ | ᠴᠢᠨ᠂ ᠢᠤᠢ ᡁᠢ ᠰᠢᠶᠠᠩ᠂ ᠶᠧ ᠽᠦ ᠰᠢᠶᠦ᠋ᠨ᠂ ᠤᠷᠤᠨ ᠤ ᠱᠠᠩᠨᠠᠯᠳᠤ ᠪᠦᠵᠢᠭᠴᠢᠨ ᠵᠸᠤ ᠮᠢᠩ ᠭᠤᠸᠠᠩ᠂ ᠣᠷᠣᠨ ᠤ ᠱᠠᠩᠨᠠᠯᠲᠤ ᠵᠤᠬᠢᠶᠠᠯᠴᠢ ᠶᠡᠨ ᠵᠢᠢ ᠸᠧᠨ᠂ | ᠯᠢᠤ ᠵᠸᠡᠩ ᠬᠤᠸᠠ᠂ ᠤᠷᠤᠨ ᠤ ᠱᠠᠩᠨᠠᠯᠳᠤ ᠭᠡᠷᠡᠯ ᠵᠢᠷᠤᠭᠴᠢᠨ ᠯᠢᠤ ᠭᠤᠣ ᠹᠧᠩ ᠵᠡᠷᠭᠡ ᠶᠢᠨ ᠨᠡᠷᠡᠳᠤ ᠬᠦᠮᠦᠰ ᠠᠯᠢ ᠠᠯᠢ ᠠᠯᠪᠠᠨ ᠭᠡᠷ ᠲᠤ ᠠᠵᠢᠯᠯᠠᠵᠤ | ᠪᠠᠶᠢᠭᠰᠠᠨ ᠨᠢ ᠪᠠᠯᠠᠷᠬᠠᠢ ᠪᠤᠯᠤᠭᠰᠠᠨ ᠴᠤ ᠲᠡᠳᠡ ᠨᠠᠷ ᠤᠨ ᠵᠢᠰᠦ ᠳᠥᠷᠬᠦ ᠨᠢ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠲᠠᠢ ᠪᠠᠨ ᠴᠤᠭ ᠵᠢᠷᠦᠬᠡᠨ ᠳᠤ ᠮᠢᠨᠢ ᠰᠦᠮᠪᠤᠷᠯᠡᠭᠰᠡᠬᠡᠷ᠃ | ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠭᠡᠵᠦ ᠮᠢᠨᠤ ᠭᠠᠯ ᠵᠠᠯᠠᠭᠤ ᠨᠠᠰᠤᠨ ᠤ ᠣᠮᠤᠭᠰᠢᠯ ᠪᠤᠶᠤ᠃ | ᠥᠭᠡᠷᠡ ᠶᠢ ᠪᠠᠶᠢᠴᠢᠬᠠ᠂ ᠳᠣᠬᠠᠢ ᠶᠢᠨ ᠦᠶᠡ ᠳᠤ ᠲᠤᠰ ᠪᠠᠶᠢᠭᠤᠯᠭᠠ ᠨᠢ ᠠᠯᠪᠠᠨ ᠤ ᠵᠠᠷᠤᠳᠠᠯ ᠤᠨ ᠬᠦᠴᠢᠷᠳᠡᠯ ᠡᠨᠡ ᠲᠡᠷᠡ ᠭᠡᠬᠦ ᠶᠠᠷᠰᠢᠭ ᠤᠭᠳᠤ ᠭᠠᠷᠴᠤ | ᠦᠩᠭᠡᠷᠡᠭᠡ ᠦᠭᠡᠢ ᠮᠦᠷᠲᠡᠭᠡᠨ ᠵᠠᠷᠤᠵᠤ ᠪᠠᠷᠠᠬᠤ ᠦᠭᠡᠢ ᠠᠯᠪᠠᠨ ᠵᠠᠷᠤᠳᠠᠯ ᠢᠶᠠᠨ ᠵᠢᠯ ᠤᠨ ᠡᠴᠦᠰ ᠲᠤ ᠠᠷᠪᠠ ᠲᠠᠪᠤᠨ ᠲᠦᠮᠡ ᠪᠠᠷ ᠨᠢ ᠡᠳ᠋ ᠤᠨ ᠵᠠᠰᠠᠭ ᠲᠤ | ᠪᠤᠴᠠᠭᠠᠳᠠᠭ ᠰᠠᠶᠢᠬᠠᠨ ᠳᠠᠳᠬᠠᠯ ᠲᠠᠢ ᠪᠣᠯᠬᠤᠷ ᠮᠤᠩᠭᠤᠯ ᠰᠡᠳᠭᠦᠯ ᠪᠠᠶᠢᠲᠣᠭᠠᠢ ᠬᠢᠲᠠᠳ ᠰᠡᠳᠭᠦᠯ᠂ ᠳᠡᠭᠦᠨᠴᠢᠯᠡᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ᠂ ᠰᠢ | ᠵᠦᠴᠦᠭᠡᠴᠢᠳ ᠤᠨ ᠡᠪᠯᠡᠯ᠂ ᠳᠠᠭᠤᠤ ᠪᠦᠵᠢᠭᠴᠢᠳ ᠤᠨ ᠡᠪᠯᠡᠯ ᠤᠨ ᠨᠠᠶᠢᠷᠠᠭᠤᠯᠤᠨ ᠬᠡᠪᠯᠡᠳᠡᠭ ︽ᠪᠠᠶᠠᠨᠨᠠᠭᠤᠷ ᠤᠨ ᠵᠦᠴᠦᠭᠡ ᠶᠢᠨ ᠴᠤᠪᠤᠷᠠᠯ︾ ︽ᠪᠠᠶᠠᠨᠨᠠᠭᠤᠷ ᠤᠨ | ᠠᠷᠠᠳ ᠤᠨ ᠲᠠᠭᠤᠤ︾ ︽ᠪᠠᠶᠠᠨᠨᠠᠭᠤᠷ ᠤᠨ ᠱᠠᠩᠨᠠᠯ ᠠᠪᠤᠭᠰᠠᠨ ᠵᠤᠬᠢᠶᠠᠯ︾ ︽ᠪᠠᠶᠠᠨᠨᠠᠭᠤᠷ ᠤᠨ ᠪᠦᠵᠢᠭ ᠤᠨ ᠪᠦᠲᠦᠭᠡᠯ︾ ᠭᠡᠬᠦ ᠮᠡᠲᠤ ᠶᠢᠨ ᠳᠤᠳᠤᠭᠠᠳᠤ | ᠮᠠᠲ᠋ᠧᠷᠢᠶᠠᠯ ᠨᠢ ᠬᠦᠷᠲᠡᠯᠡ ᠠᠳᠠᠭ ᠪᠠᠭᠠ ᠳᠤ ᠪᠠᠨ ᠲᠠᠪᠤᠨ ᠮᠢᠩᠭᠠ ᠪᠠᠷ ᠬᠡᠪᠯᠡᠭᠳᠡᠵᠦ ᠪᠠᠶᠢᠵᠠᠢ᠃ ᠲᠡᠭᠡᠬᠦᠯᠡᠷ ᠬᠤᠭᠤᠴᠠᠭᠠ ᠪᠣᠯᠭᠠᠨ ᠤ ᠬᠡᠪᠯᠡᠵᠦ ᠭᠠᠷᠭᠠᠭᠰᠠᠨ ︽ | 5000︾ ᠲᠡᠪᠲᠡᠷ ᠢ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠵᠠᠬᠢᠲᠠᠯ ᠤᠨ ᠲᠣᠮᠣ ᠳᠤᠭᠳᠤᠢ ᠳᠤ ᠰᠠᠪᠠᠯᠠᠵᠤ ᠠᠮᠠ ᠶᠢ ᠨᠢ ᠬᠠᠳᠠᠭᠠᠳ᠂ ᠨᠡᠷᠡ ᠬᠠᠶ᠋ᠢᠭ ᠢ ᠨᠢ ᠪᠢᠴᠢᠭᠡᠳ᠂ ᠡᠰᠡᠬᠦᠯᠡ | ᠳᠤᠭᠲᠠᠮᠠᠯ ᠳᠤᠰᠤᠨ ᠪᠠᠷ ᠤᠨ ᠨᠡᠷᠡ ᠬᠠᠶ᠋ᠢᠭ ᠢ ᠨᠢ ᠡᠰᠭᠡᠵᠦ ᠨᠠᠭᠠᠭᠠᠳ᠂ ᠳᠤᠭᠳᠤᠢ ᠶᠢᠨ ᠲᠡᠭᠡᠷᠡ ᠦᠨᠴᠦᠭ ᠢ ᠨᠢ ᠬᠠᠶᠢᠴᠢᠯᠠᠨ᠂ ᠪᠠᠶᠢᠭᠤᠯᠭᠠ ᠶᠢᠨ ᠠᠴᠢᠶᠠᠨ ᠤ | ᠲᠣᠮᠣ ᠮᠠᠰᠢᠨ ᠪᠤᠶᠤ ᠤᠨᠤᠭᠠᠨ ᠤ ᠪᠠᠭᠠ ᠮᠠᠰᠢᠨ ᠢᠶᠠᠷ ᠰᠢᠤᠳᠡᠨ ᠳᠤ ᠬᠦᠷᠭᠡᠬᠦ ᠮᠡᠲᠤ ᠶᠢᠨ ᠨᠡᠶᠢᠲᠡ ᠶᠢᠨ ᠠᠮᠢᠳᠤᠷᠠᠯ ᠤᠨ ᠵᠢᠷᠤᠭ ᠦᠷᠬᠦᠯᠵᠢ ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ | ᠰᠠᠨ᠃ ᠣᠨᠴᠠᠭᠠᠶᠢᠯᠠᠨ᠂ ᠨᠠᠰᠤ ᠪᠠᠷ ᠬᠤᠯᠠ ᠳᠡᠭᠦᠦ ᠬᠠᠢ ᠬᠤᠸᠠ᠂ ᠬᠠᠨ ᠾᠧ ᠹᠧᠩ᠂ ᠼᠣᠣ ᠹᠠᠩ ᠮᠡᠲᠤ ᠶᠢᠨ ᠮᠤᠩᠭᠤᠯ ᠬᠢᠳᠡᠳ ᠬᠡᠤᠬᠡᠨᠴᠤᠤᠯ᠂ ᠰᠢᠤᠳᠡᠨ | ᠳᠤᠪᠴᠢᠶᠠᠨ ᠤ ᠬᠠᠲᠠᠭᠤ ᠪᠣᠷᠣ ᠱᠠᠯᠠ ᠲᠡᠭᠡᠷᠡ ᠡᠪᠦᠳᠦᠭᠯᠡᠨ ᠰᠠᠭᠤᠭᠠᠳ᠂ ᠰᠡᠳᠭᠦᠯ ᠤᠨ ᠳᠤᠭᠳᠤᠢ ᠳᠡᠭᠡᠷᠡ ᠰᠢᠤᠳᠡᠨ ᠤ ᠴᠠᠩᠭᠡᠷ ᠲᠠᠮᠠᠭᠠ ᠶᠢ ᠰᠠᠯᠬᠢ ᠲᠠᠲᠠᠲᠠᠯᠠ | ᠲᠠᠷᠣᠵᠣ ᠪᠠᠶᠢᠭᠠ ᠬᠠᠮᠢᠭᠠ ᠬᠤᠯᠠ ᠶᠢᠨ ᠵᠢᠷᠤᠭ ᠣᠳᠣ ᠴᠤ ᠭᠡᠰᠡᠨ ᠨᠢᠳᠤᠨ ᠳᠤ ᠢᠯᠡᠬᠡᠨ᠃ | 1985 ᠣᠨ ᠳᠤ ᠮᠠᠨ ᠤ ᠰᠡᠳᠭᠦᠯ ︽ᠵᠠᠯᠠᠭᠤ ᠵᠤᠬᠢᠶᠠᠯᠴᠢ︾ ᠭᠡᠬᠦ ᠨᠡᠷᠡ ᠪᠠᠷ ᠤᠯᠤᠰ ᠤᠨ ᠬᠡᠪᠴᠢᠶᠡᠨ ᠳᠤ ᠢᠯᠡ ᠪᠠᠷ ᠳᠠᠷᠬᠠᠭᠠᠬᠤ ᠪᠣᠯᠣᠭᠰᠠᠨ ᠠᠴᠠ | ᠬᠤᠶᠢᠰᠢ ᠡᠳᠡᠭᠡᠷ ᠵᠢᠷᠤᠭ ᠨᠢ ᠥᠭᠡᠷᠡ ᠦᠵᠡᠭᠳᠡᠯ ᠢᠶᠠᠷ ᠰᠤᠯᠢᠭᠳᠠᠵᠠᠢ᠃ ᠤᠴᠢᠷ ᠨᠢ ︽ᠵᠠᠯᠠᠭᠤ ᠵᠤᠬᠢᠶᠠᠯᠴᠢ︾ ᠶᠢᠨ ᠡᠬᠢᠨ ᠤ ᠵᠢᠯ ᠤᠨ ᠰᠢᠤᠳᠡᠨ ᠵᠠᠬᠢᠶᠠᠯᠠᠭᠠ ᠨᠢ | ᠭᠤᠷᠪᠠᠨ ᠮᠢᠩᠭᠠ ᠶᠢ ᠳᠠᠪᠠᠵᠤ᠂ ᠬᠤᠶᠢᠳᠤᠨ ᠵᠢᠯ ᠨᠢ ᠲᠠᠪᠤᠨ ᠮᠢᠩᠭᠠ ᠣᠶᠢᠷᠠᠲᠤᠨ᠂ ᠬᠠᠮᠤᠭ ᠤᠷᠬᠢᠯ ᠳᠤ ᠪᠠᠨ ᠲᠤᠯᠤᠭᠠᠨ ᠮᠢᠩᠭᠠ ᠲᠤᠯᠬᠤ ᠰᠢᠬᠠᠭᠰᠠᠨ ᠪᠦᠭᠡᠳ | 1994 ᠣᠨ ᠳᠤ ︽ᠲᠤᠷᠤᠭ ᠰᠠᠷᠠᠨᠠ︾ ᠭᠡᠮᠡᠨ ᠦᠭᠡᠷᠡᠴᠢᠯᠡᠭᠰᠡᠨ ᠠᠴᠠ ᠬᠤᠶᠢᠰᠢ ᠴᠤ ᠭᠤᠷᠪᠠᠨ ᠮᠢᠩᠭᠠ ᠶᠢᠨ ᠨᠠᠭᠠᠭᠤᠷ ᠴᠠᠭᠠᠭᠤᠷ ᠲᠤᠭᠲᠠᠪᠦᠷᠢᠵᠢᠭ᠌ᠰᠠᠨ | ᠪᠤᠯᠬᠤᠷ ᠵᠦᠪᠬᠡᠨ ᠬᠤᠶᠠᠷ ᠰᠠᠷᠠ ᠳᠤ ᠨᠢᠭᠡ ᠤᠳᠠᠭᠠ ᠰᠢᠤᠳᠡᠨ ᠳᠤᠪᠴᠢᠶᠠᠨ ᠳᠤ ᠪᠦᠭᠡᠮ ᠢᠶᠠᠷ ᠬᠦᠷᠭᠡᠬᠦ ᠬᠡᠳᠦᠬᠡᠨ ᠬᠦᠮᠦᠨ ᠤ ᠵᠢᠷᠤᠭ ᠦᠵᠡᠭᠳᠡᠯ ᠬᠠᠷᠠᠭᠳᠠᠬᠤ | ᠪᠣᠯᠵᠠᠢ᠃ ᠭᠡᠬᠦ ᠳᠤ ᠪᠠᠨ 1986 ᠣᠨ ᠳᠤ ᠡᠷᠳᠡᠨᠢᠴᠤᠭᠲᠤ ᠭᠡᠬᠦ᠂ 1987 ᠣᠨ ᠳᠤ ᠠᠨ ᠭᠥᠢ ᠯᠢᠶᠡᠨ ︵ᠨᠠᠮᠢᠰ︶᠂ ᠪᠠᠭᠠᠳᠤᠷ ᠭᠡᠬᠦ᠂ ᠴᠢ᠊ · ᠡᠩᠬᠡ ᠪᠢᠳᠡ | ᠬᠤᠶᠠᠭᠤᠯᠠ ᠠᠴᠠ ᠨᠠᠢᠮᠠ ᠶᠢᠰᠦ ᠳᠡᠭᠦᠦ ᠤᠶᠤᠲᠠᠨ ᠵᠠᠯᠠᠭᠤᠰ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠢᠷᠡᠭᠰᠡᠨ ᠪᠤᠯᠬᠤᠷ ᠰᠡᠳᠬᠦᠯ ᠬᠤᠭᠤᠷᠣᠨᠳᠤ ᠪᠠᠨ ᠰᠤᠯᠢᠯᠴᠠᠬᠤ᠂ ᠨᠡᠷᠡᠲᠤ | ᠵᠤᠬᠢᠶᠠᠯᠴᠢᠳ ᠲᠤ ᠪᠡᠯᠡᠭᠯᠡᠬᠦ ᠪᠤᠶᠤ ᠨᠡᠶᠢᠳᠡᠯᠡᠭᠰᠡᠨ ᠵᠤᠬᠢᠶᠠᠯ ᠤᠨ ᠶᠠᠩᠵᠦ ᠭᠡᠬᠦ ᠨᠡᠷᠡ ᠪᠠᠷ ᠢᠯᠡᠭᠦᠦ ᠬᠡᠪᠯᠡᠭᠰᠡᠨ ︽200 — 300︾ ᠳᠡᠪᠲᠡᠷ ᠢᠶᠠᠨ | ᠵᠠᠬᠢᠲᠠᠯ ᠤᠨ ᠳᠤᠭᠳᠤᠢ ᠳᠤ ᠰᠠᠪᠠᠯᠠᠵᠤ ᠠᠮᠠ ᠶᠢ ᠨᠢ ᠬᠠᠳᠠᠭᠠᠳ᠂ ᠨᠡᠷᠡ ᠬᠠᠶ᠋ᠢᠭ ᠢ ᠨᠢ ᠪᠢᠴᠢᠭᠡᠳ ᠪᠤᠶᠤ ᠨᠠᠭᠠᠭᠠᠳ᠂ ᠰᠢᠤᠳᠡᠨ ᠳᠤ ᠬᠦᠷᠭᠡᠬᠦ ᠠᠵᠢᠯ ᠨᠢ | ᠨᠠᠳᠠ ᠠᠴᠠ ᠠᠷᠪᠠ ᠢᠯᠡᠬᠦᠦ ᠠᠬᠠ ᠪᠠᠭᠰᠢ ᠨᠠᠷ ᠪᠠᠶᠢᠲᠤᠭᠠᠢ᠂ ᠴᠢ᠊ · ᠡᠩᠬᠡ ᠪᠢᠳᠡ ᠬᠤᠶᠠᠷ ᠲᠤ ᠴᠤ ᠬᠥᠷᠲᠡᠬᠦ ᠪᠠᠨ ᠪᠤᠯᠢᠬᠰᠠᠨ ᠶᠤᠮ᠃ | ᠭᠠᠯ ᠵᠠᠯᠠᠭᠤ ᠨᠠᠰᠤ ᠭᠡᠵᠦ ᠬᠡᠳᠦᠢ ᠴᠤ ᠰᠠᠶᠢᠬᠠᠨ ᠪᠠᠶᠢᠯᠠ ᠳ᠋ᠠ᠃ | ᠴᠢ᠊ · ᠡᠩᠬᠡ ᠪᠢᠳᠡ ᠬᠤᠶᠠᠭᠤᠯᠠ ᠶᠢᠨ ᠨᠠᠰᠤ ᠰᠠᠨᠠᠭᠠ ᠲᠠᠭᠠᠷᠠᠵᠤ ᠪᠠᠶᠢᠭᠤᠯᠭᠠ ᠶᠢᠨ ᠲᠣᠬᠠᠢ᠂ ᠰᠡᠳᠭᠦᠯ ᠤᠨ ᠲᠣᠬᠠᠢ᠂ ᠪᠠᠰᠠ ᠳᠠᠬᠢᠭᠠᠳ ᠬᠤᠵᠢᠮ | ᠬᠤᠶᠢᠰᠢ ᠶᠢᠨ ᠲᠣᠬᠠᠢ ᠤᠩᠰᠢᠯᠭᠠ ᠪᠣᠯᠣᠭᠰᠠᠭᠠᠷ ᠪᠠᠶᠢᠳᠠᠭ ᠬᠤᠯᠠ ᠶᠢᠨ ᠰᠠᠶᠢᠬᠠᠨ ᠵᠤᠭᠤᠭ᠂ ᠡᠷᠳᠡᠨᠢᠴᠤᠭᠲᠤ ᠪᠢᠳᠠ ᠭᠤᠷᠪᠠ ᠶᠢᠨ ᠨᠠᠶᠢᠷ ᠲᠠᠢ ᠡᠬᠢᠯᠡᠵᠦ | ᠳᠠᠭᠤᠤ ᠲᠠᠢ ᠵᠠᠯᠭᠠᠨ ᠬᠠᠷᠢᠶᠠᠯ ᠲᠠᠢ ᠵᠠᠪᠰᠠᠷᠯᠠᠵᠦ ᠢᠷᠦᠭᠡᠯ ᠲᠠᠢ ᠳᠡᠭᠦᠰᠳᠡᠭ ᠠᠯᠢ ᠣᠯᠠᠨ ᠨᠠᠩᠵᠢᠳ ᠤᠨ ᠰᠢᠷᠡᠭᠡ᠂ ᠨᠠᠮᠢᠰ᠂ ᠪᠠᠭᠠᠲᠤᠷ ᠪᠢᠳᠡ ᠳᠠᠪᠤᠭᠤᠯᠡ ᠶᠢᠨ | ᠲᠠᠭᠤᠤ ᠰᠢᠯᠦᠭ ᠪᠢᠴᠢᠯᠭᠡ ᠵᠢᠷᠤᠭ ᠤᠩᠰᠢᠯᠭᠠ ᠶᠢᠨ ᠠᠯᠢ ᠨᠢᠭᠡᠨ ᠪᠤᠶᠤ ᠬᠡᠳᠦᠨ ᠲᠠᠯᠠ ᠶᠢᠨ ᠣᠨᠴᠠᠯᠢᠭ ᠢᠶᠠᠷ ᠢᠶᠠᠨ ᠪᠠᠶᠢᠭᠤᠯᠭᠠ ᠶᠢᠨ ᠪᠠᠶᠢᠲᠤᠭᠠᠢ ᠨᠡᠶᠢᠭᠡᠮ ᠤᠨ | ᠣᠯᠠᠨ ᠵᠠᠯᠠᠭᠤᠰ ᠢ ᠬᠦᠷᠲᠡᠯᠡ ᠪᠢᠰᠢᠷᠡᠭᠦᠯᠵᠦ ᠭᠠᠶᠢᠬᠠᠭᠤᠯᠵᠤ ᠪᠠᠶᠢᠭᠰᠠᠨ ᠰᠠᠶᠢᠬᠠᠨ ᠬᠠᠷᠠᠴᠠ ᠪᠠ ᠰᠠᠨᠠᠭᠠ ᠠᠯᠳᠠᠯᠲᠠ ᠁ ᠲᠡᠭᠦᠨᠴᠢᠯᠡᠨ ᠴᠢ᠊ · ᠣᠳᠬᠠᠨᠴᠢᠮᠡᠭ᠂ | ᠮᠠᠭᠰᠠᠷᠵᠠᠪ᠂ ᠰᠦᠷᠦᠩᠪᠠᠲᠤ ᠵᠡᠷᠭᠡ ᠪᠠᠭᠰᠢ ᠪᠠᠨ ᠳᠠᠭᠠᠵᠤ᠂ ᠠᠯᠢ ᠣᠯᠠᠨ ᠬᠤᠷᠠᠯ ᠰᠤᠷᠤᠯᠭᠠ ᠪᠤᠶᠤ ᠤᠳᠬᠠ ᠤᠷᠠᠯᠢᠭ ᠤᠨ ᠬᠦᠳᠡᠯᠭᠡᠭᠡᠨ ᠳᠤ ᠣᠷᠣᠯᠴᠠᠵᠦ | ᠪᠠᠶᠢᠭᠰᠠᠨ ᠮᠠᠷᠲᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠰᠠᠶᠢᠬᠠᠨ ᠲᠣᠷᠠᠳᠬᠠᠯ ᠤᠳ ᠁ ᠮᠠᠨᠢ ᠴᠤ ᠬᠤᠪᠢᠷᠠᠯᠲᠠ ᠦᠭᠡᠢ ᠶᠠᠩᠵᠤ ᠪᠠᠷ ᠢᠶᠠᠨ ᠯᠡ ᠬᠠᠷᠠᠭᠳᠠᠵᠤ ᠪᠠᠶᠢᠨᠠᠮ︕ | ᠬᠡᠯᠡᠬᠦ ᠠᠴᠠ ᠡᠳᠡᠭᠡᠷ ᠵᠢᠯ ᠤᠨ ᠬᠤᠭᠤᠷᠤᠨᠳᠤ ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ ᠲᠤ ᠭᠠᠷᠤᠭᠰᠠᠨ ᠬᠤᠪᠢᠷᠠᠯᠲᠠ ᠭᠡᠪᠡᠯ᠄ 1985 ᠣᠨ ᠳᠤ ᠠᠶᠢᠮᠠᠭ ᠤᠨ ᠤᠳᠬᠠ | ᠣᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠳᠡᠳ᠋ ᠳᠡᠷᠢᠭᠦᠯᠡᠭᠴᠢ ᠴᠢ᠊᠂ ᠤᠳᠬᠠᠨᠴᠢᠮᠡᠭ ︽ᠵᠠᠯᠠᠭᠤ ᠵᠤᠬᠢᠶᠠᠯᠴᠢ︾ ᠰᠡᠳᠭᠦᠯ ᠤᠨ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ᠂ | ᠰᠦᠷᠦᠩᠪᠠᠲᠤ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠲᠤᠮᠢᠯᠠᠭᠳᠠᠪᠠ᠃ ᠴᠢ᠊᠂ ᠡᠩᠬᠡ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠨᠠᠷᠢᠨ ᠪᠢᠴᠢᠭᠡᠴᠢ ᠪᠦᠭᠡᠳ | ᠪᠠᠶᠢᠭᠤᠯᠭᠠ ᠶᠢᠨ ᠳᠤᠰᠬᠠᠢ ᠠᠵᠢᠯ ᠤᠨ ᠣᠷᠴᠢᠭᠤᠯᠤᠭᠴᠢ ᠪᠠᠷ ᠰᠢᠯᠵᠢᠨ ᠠᠵᠢᠯᠯᠠᠪᠠ᠃ ᠮᠥᠨ 1980 ᠣᠨ ᠪᠤᠶᠤ ᠬᠤᠭᠤᠴᠠᠭᠠ ᠰᠤᠯᠢᠬᠤ ᠶᠢᠨ ᠡᠮᠦᠨᠡ | ᠬᠤᠶᠢᠨᠠ ᠪᠠᠶᠢᠵᠤ ᠦᠩᠭᠡᠷᠡᠭᠰᠡᠨ ᠪᠠᠶᠢᠭᠤᠯᠭᠠ ᠶᠢᠨ ᠠᠯᠪᠠᠨ ᠭᠡᠷ᠂ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠡᠯᠲᠡᠰ᠂ ᠤᠷᠠᠯᠢᠭ ᠤᠨ ᠬᠡᠯᠲᠡᠰ ᠭᠡᠬᠦ 3 ᠳᠣᠳᠣᠭᠠᠳᠣ | ᠪᠠᠶᠢᠭᠤᠯᠤᠮᠵᠢ ᠶᠢ ᠠᠯᠪᠠᠨ ᠭᠡᠷ᠂ ᠮᠤᠩᠭᠤᠯ ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ᠂ ᠬᠢᠲᠠᠳ ᠨᠠᠶᠢᠷᠠᠭᠤᠯᠬᠤ ᠬᠡᠯᠲᠡᠰ ᠭᠡᠮᠡᠨ ᠦᠭᠡᠷᠡᠴᠢᠯᠡᠵᠠᠢ᠃ | 1992 ᠣᠨ ᠳᠤ ᠠᠶᠢᠮᠠᠭ ᠤᠨ ᠤᠳᠬᠠ ᠣᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠳᠡᠳ᠋ ᠳᠡᠷᠢᠭᠦᠯᠡᠭᠴᠢ ᠮᠠᠭᠰᠠᠷᠵᠠᠪ ︽ᠵᠠᠯᠠᠭᠤ ᠵᠤᠬᠢᠶᠠᠯᠴᠢ︾ ᠰᠡᠳᠭᠦᠯ ᠤᠨ | ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ᠂ ᠪᠠ᠊ · ᠪᠦᠷᠢᠨᠵᠢᠷᠭᠠᠯ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠲᠤᠮᠢᠯᠠᠭᠳᠠᠪᠠ᠃ ᠴᠢ᠊ · ᠤᠳᠬᠠᠨᠴᠢᠮᠡᠭ ᠠᠶᠢᠮᠠᠭ ᠤᠨ ᠤᠳᠬᠠ | ᠣᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠪᠠᠶᠢᠩᠭᠤ ᠶᠢᠨ ᠳᠡᠳ᠋ ᠳᠡᠷᠢᠭᠦᠯᠡᠭᠴᠢ ᠪᠦᠭᠡᠳ ᠨᠠᠷᠢᠨ ᠪᠢᠴᠢᠭ ᠤᠨ ᠲᠠᠷᠤᠭᠠ ᠪᠠᠷ ᠰᠢᠯᠵᠢᠨ ᠠᠵᠢᠯᠯᠠᠪᠠ᠃ ᠰᠦᠷᠦᠩᠪᠠᠲᠤ | ᠠᠶᠢᠮᠠᠭ ᠤᠨ ᠵᠠᠬᠢᠷᠭᠠᠨ ᠤ ᠬᠢᠯᠢ ᠶᠢᠨ ᠠᠷᠠᠯᠵᠢᠶᠠᠨ ᠤ ᠶᠠᠪᠤᠳᠠᠯ ᠤᠨ ᠣᠷᠴᠢᠭᠤᠯᠤᠭᠴᠢ ᠢᠶᠠᠷ ᠵᠢᠭᠡᠯᠡᠭᠳᠡᠨ ᠠᠵᠢᠯᠯᠠᠪᠠ᠃ ᠲᠦᠷᠤᠬᠦᠤ ᠵᠢᠯ ᠤᠨ ᠡᠴᠦᠰ ᠬᠤᠭᠤᠴᠠᠭᠠ | ᠰᠤᠯᠢᠬᠤ ᠳᠤ ᠪᠠᠶᠢᠭᠤᠯᠭᠠ ᠶᠢᠨ ᠭᠠᠵᠠᠷ ᠤᠨ ᠳᠡᠰ ᠤᠨ ᠤᠳᠤᠷᠢᠳᠤᠯᠭᠠ ᠶᠢ 7 ᠪᠣᠯᠭᠠᠨ ᠦᠷᠭᠡᠳᠭᠡᠵᠡᠢ᠃ | 1994 ᠣᠨ ᠠᠴᠠ ᠡᠬᠢᠯᠡᠵᠤ ᠰᠡᠳᠭᠦᠯ ᠤᠨ ᠨᠡᠷᠡ ᠪᠠᠨ ︽ᠲᠣᠷᠤᠭ ᠰᠠᠷᠠᠨᠠ︾ ᠭᠡᠮᠡᠨ ᠥᠭᠡᠷᠡᠴᠢᠯᠡᠪᠡ᠃ ᠭᠡᠬᠦ ᠳᠤ ᠪᠠᠨ ᠴᠢ᠊ · ᠤᠳᠬᠠᠨᠴᠢᠮᠡᠭ᠂ | ᠮᠠᠭᠰᠠᠷᠵᠠᠪ ᠬᠤᠶᠠᠷ ᠲᠡᠷᠢᠭᠦᠯᠡᠭᠴᠢ ᠲᠦᠷᠦᠭᠦᠦ ᠵᠢᠯ ᠤᠨ ᠬᠢ ᠨᠢ ᠳᠤᠮᠳᠠᠴᠢ ᠪᠠᠷ ᠲᠤᠰᠬᠠᠢ ᠬᠤᠷᠠᠯ ᠡᠷᠬᠢᠯᠡᠵᠦ᠂ ᠠᠶᠢᠮᠠᠭ ᠤᠨ ᠠᠷᠠᠳ ᠤᠨ ᠠᠮᠠᠨ ᠤᠷᠠᠯᠢᠭᠴᠢᠳ ᠤᠨ | ᠡᠪᠯᠡᠯ ᠤᠨ ᠲᠡᠷᠢᠭᠦᠯᠡᠭᠴᠢ ᠵᠢᠷᠠᠨᠲᠠᠢ ︵ᠮᠤᠨᠠᠬᠡᠤᠬᠡᠨ︶᠂ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ ᠴᠢ᠊ · ᠡᠩᠬᠡ ᠪᠤᠯᠤᠨ ᠠᠶᠢᠮᠠᠭ ᠤᠨ ᠰᠤᠨᠢᠨ ᠤ | ᠬᠤᠷᠢᠶᠠ ᠶᠢᠨ ᠳᠡᠳ᠋ ᠳᠠᠷᠤᠭᠠ ᠬᠠᠷᠠᠬᠦᠦ᠂ ᠲᠧᠯᠸᠢᠰ ᠬᠤᠷᠢᠶᠠ ᠶᠢᠨ ᠳᠡᠳ᠋ ᠲᠠᠷᠤᠭᠠ ᠰᠡᠴᠡᠨᠲᠤᠶᠠᠭᠠ᠂ ᠰᠣᠶᠣᠯ ᠤᠨ ᠲᠤᠪᠴᠢᠶᠠᠨ ᠤ ᠤᠷᠠᠯᠢᠭ ᠤᠨ ᠵᠦᠪᠯᠡᠭᠴᠢ | ᠵᠢᠷᠠᠨᠲᠠᠢ ︵ᠡᠷᠳᠡᠨᠢᠬᠦᠦ︶᠂ ᠤᠷᠠᠳ ᠤᠨ ᠬᠤᠶᠢᠲᠤ ᠬᠤᠰᠢᠭᠤᠨ ᠤ ᠪᠠᠶᠢᠩᠭᠤ ᠶᠢᠨ ᠳᠡᠳ᠋ ᠲᠠᠷᠤᠭᠠ ᠠ᠊ · ᠲᠣᠷᠵᠢ᠂ ᠤᠷᠠᠳ ᠤᠨ ᠳᠣᠮᠲᠠᠲᠤ ᠬᠤᠰᠢᠭᠤᠨ ᠤ ᠤᠯᠤᠰ | ᠲᠥᠷᠥ ᠶᠢᠨ ᠵᠥᠪᠯᠡᠯᠭᠡᠨ ᠤ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ ᠳ᠋ᠠᠩ᠂ ᠴᠠᠬᠳᠠᠷᠰᠦ᠋ᠷᠤᠩ᠂ ᠷᠠᠳᠢᠤ᠋ ᠬᠤᠷᠢᠶᠠ ᠶᠢᠨ ᠲᠠᠷᠤᠭᠠ ᠪᠣᠳᠢ ᠁ ᠵᠡᠷᠭᠡ ᠵᠤᠬᠢᠶᠠᠯᠴᠢ ᠰᠢᠯᠦᠭᠴᠢ ᠪᠤᠶᠤ | ᠮᠤᠩᠭᠤᠯ ᠰᠣᠶᠣᠯ ᠤᠨ ᠵᠢᠳᠭᠦᠯᠲᠡᠨ ᠢ ᠤᠷᠢᠨ ᠠᠪᠴᠢᠷᠠᠵᠦ ᠰᠠᠨᠠᠯ ᠬᠤᠷᠢᠶᠠᠭᠠᠳ ᠭᠠᠷ ᠬᠦᠢᠴᠡᠳᠭᠡᠯ ᠢ ᠨᠢ ᠬᠢᠯᠭᠡᠵᠡᠢ᠃ ᠣᠳᠤᠷᠢᠳᠬᠤ ᠪᠠᠭ ᠨᠢ ᠬᠤᠪᠢᠷᠠᠭᠰᠠᠨ | ᠦᠭᠡᠢ᠃ | 1997 ᠣᠨ ᠳᠤ ᠠᠶᠢᠮᠠᠭ ᠤᠨ ᠤᠳᠬᠠ ᠣᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ ᠶᠢᠨ ᠳᠡᠳ᠋ ᠳᠡᠷᠢᠭᠦᠯᠡᠭᠴᠢ ᠪᠠ᠊ · ᠪᠦᠷᠢᠨᠵᠢᠷᠭᠠᠯ 3 ᠬᠤᠭᠤᠴᠠᠭᠠ ᠶᠡᠷᠦᠩᠬᠡᠢ | ᠨᠠᠶᠢᠷᠠᠭᠤᠯᠤᠭᠴᠢ ᠤᠨ ᠳᠤᠰᠢᠶᠠᠯ ᠬᠠᠷᠢᠭᠤᠴᠠᠪᠠ᠃ ᠳᠠᠷᠠᠭᠠ ᠨᠢ ᠴᠢ᠊ · ᠡᠩᠬᠡ ︽ᠲᠤᠷᠤᠭ ᠰᠠᠷᠠᠨᠠ︾ ᠰᠡᠳᠭᠦᠯ ᠤᠨ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ᠂ | ᠡᠷᠳᠡᠨᠢᠴᠤᠭᠲᠤ᠂ ᠴᠠᠭᠠᠨᠪᠠᠷᠰ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠷ ᠲᠤᠮᠢᠯᠠᠭᠳᠠᠪᠠ᠃ ᠴᠢ᠊ · ᠣᠳᠬᠠᠨᠴᠢᠮᠡᠭ᠂ ᠮᠠᠭᠰᠠᠷᠵᠠᠪ᠂ ᠰᠦᠷᠦᠩᠪᠠᠲᠤ ᠠᠵᠢᠯ ᠤᠨ | ᠠᠮᠠᠷᠠᠯᠲᠠ ᠪᠠᠨ ᠬᠦᠯᠢᠶᠡᠵᠤ ᠠᠷᠤ ᠳᠤ ᠨᠢ ᠰᠠᠭᠤᠵᠢ᠃ ᠬᠤᠭᠤᠴᠠᠭᠠ ᠰᠤᠯᠢᠬᠤ ᠳᠤ ᠪᠠᠶᠢᠭᠤᠯᠭᠠ ᠶᠢᠨ ᠭᠠᠵᠠᠷ ᠤᠨ ᠳᠡᠰ ᠤᠨ ᠤᠳᠤᠷᠢᠳᠤᠯᠭᠠ ᠶᠢ 3 ᠪᠣᠯᠭᠠᠨ | ᠴᠦᠭᠡᠳᠭᠡᠵᠡᠢ᠃ ᠢᠩᠬᠢᠭᠡᠳ ᠯᠡ ᠮᠢᠨᠤ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠠᠮᠢᠳᠤᠷᠠᠯ ᠤᠨ ᠵᠢᠷᠤᠭ ᠲᠦᠷᠰᠦ ︽ᠪᠠᠶᠠᠨᠨᠠᠭᠤᠷ ᠤᠨ ᠵᠤᠴᠢᠳ ᠤᠨ ᠪᠠᠭᠤᠳᠠᠯ︾ ᠤᠨ ᠡᠮᠦᠨᠡ | ᠡᠭᠦᠳᠡᠨ ᠤ ᠵᠡᠭᠦᠨ ᠲᠠᠯᠠ ᠳᠤ ᠬᠢ ᠮᠠᠶᠢᠬᠠᠨ ᠤᠷᠦᠢ ᠲᠠᠢ ᠨᠢᠬᠡ ᠮᠦᠷ ᠭᠥᠬᠡ ᠳᠤᠭᠤᠰᠬᠠᠨ ᠪᠠᠶᠢᠰᠢᠩ ᠤᠨ ᠰᠡᠭᠦᠳᠡᠷ ᠲᠠᠯᠠ ᠶᠢᠨ ᠠᠯᠪᠠᠨ ᠭᠡᠷ ᠪᠠ ︽ | ᠪᠠᠶᠠᠨᠨᠠᠭᠤᠷ ᠤᠨ ᠮᠠᠯᠴᠢᠳ ᠤᠨ ᠪᠠᠭᠤᠳᠠᠯ︾ ᠤᠨ ᠮᠠᠶᠢᠬᠠᠨ ᠤᠷᠦᠢ ᠲᠠᠢ ᠨᠢᠬᠡ ᠮᠦᠷ ᠤᠯᠠᠭᠠᠨ ᠳᠤᠭᠤᠰᠬᠠᠨ ᠪᠠᠶᠢᠰᠢᠩ ᠤᠨ ᠨᠠᠷᠠᠨ ᠲᠠᠯᠠ ᠶᠢᠨ ᠠᠯᠪᠠᠨ ᠭᠡᠷ ᠲᠤ | ᠡᠭᠦᠷᠢᠳᠡ ᠦᠯᠡᠳᠡᠭᠰᠡᠨ ᠰᠠᠨ᠃ ᠲᠡᠷᠡ ᠠᠯᠪᠠᠨ ᠭᠡᠷ ᠤᠨ ᠠᠩᠬᠠ ᠡᠬᠢᠨ ᠤ ᠤᠲᠠᠰᠤᠨ ᠨᠣᠮᠧᠷ ᠨᠢ ︽4411︾᠂ ᠰᠡᠭᠦᠯᠡᠷ ᠡᠮᠦᠨᠡ ᠨᠢ ︽0478 — | 821︾ ᠨᠡᠮᠡᠵᠦ᠂ ︽0478 — 8214411︾ ᠪᠣᠯᠭᠠᠭᠰᠠᠨ ᠪᠢᠯᠡ᠃ | ᠭᠤᠷᠪᠠ | ᠮᠢᠨᠤ 15 ᠵᠢᠯ ᠠᠵᠢᠯᠯᠠᠵᠤ ᠥᠩᠭᠡᠷᠡᠭᠰᠡᠨ ︽ᠰᠠᠷᠠᠨᠠ︾ ︽ᠵᠠᠯᠠᠭᠤ ᠵᠤᠬᠢᠶᠠᠯᠴᠢ︾ ᠪᠤᠶᠤ ︽ᠲᠤᠷᠤᠭ ᠰᠠᠷᠠᠨᠠ︾ ᠰᠡᠳᠭᠦᠯ ᠤᠨ ᠬᠠᠮᠤᠭ ᠤᠨ ᠦᠪᠡᠷᠮᠢᠴᠡ | ᠪᠦᠭᠡᠳ ᠡᠭᠦᠳᠦᠯᠳᠡ ᠶᠢᠨ ᠴᠢᠨᠠᠷ ᠲᠠᠢ ᠨᠢᠭᠡᠨ ᠤᠨᠴᠠᠯᠢᠭ ᠭᠡᠪᠡᠯ᠂ ᠮᠢᠨᠤ ᠦᠵᠡᠬᠦ ᠪᠠᠷ ᠨᠡᠷᠡ ᠪᠠᠨ ᠳᠠᠬᠢᠨ ᠳᠤᠯᠤᠭᠠ ᠬᠠᠯᠠᠭᠰᠠᠨ ᠳᠡᠭᠡᠷᠡ ᠪᠠᠶᠢᠬᠤ ᠪᠢᠰᠢ᠂ ᠬᠠᠷᠢᠨ | ᠦᠪᠦᠷ ᠮᠤᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠬᠤᠳᠠ ᠶᠢᠨ ᠬᠠᠮᠤᠭ ᠳᠦᠷᠦᠭᠦᠴᠢ ᠶᠢᠨ ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠡᠳᠭᠦᠯ ᠪᠤᠯᠵᠦ ᠤᠩᠰᠢᠭᠴᠢᠳ ᠤᠨ ᠬᠠᠷᠠᠭᠠᠨ ᠳᠤ | ᠠᠮᠢᠯᠠᠭᠰᠠᠨ ᠳᠡᠭᠡᠷᠡ ᠪᠠᠶᠢᠬᠤ ᠶᠤᠮ᠃ ᠤᠴᠢᠷ ᠨᠢ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠠᠯᠠᠭᠠᠳ ᠤᠨ ᠤ ᠡᠬᠢᠨ ᠤ ᠦᠶᠡ ᠪᠠᠷ ︽ᠬᠦᠯᠦᠨ ᠪᠤᠶᠢᠷ ᠤᠨ ᠤᠷᠠᠨ ᠵᠤᠬᠢᠶᠠᠯ︾ | ᠭᠡᠳᠡᠭ ᠮᠤᠩᠭᠤᠯ ᠰᠡᠳᠭᠦᠯ ᠲ᠊ · ᠰᠠᠶᠢᠨᠪᠠᠶᠠᠷ᠂ ᠪᠠ᠊ · ᠳ᠋ᠠᠮᠪᠠᠷᠢᠨᠴᠢᠨ᠂ ᠰᠤᠳᠨᠠᠮᠸᠠᠩᠵᠢᠯ ᠭᠡᠬᠦ ᠭᠤᠷᠪᠠᠨ ᠵᠤᠬᠢᠶᠠᠯᠴᠢ ᠶᠢᠨ ᠭᠠᠷ ᠳᠡᠭᠡᠷᠡ ᠢᠯᠡᠷᠡᠭᠰᠡᠨ ᠪᠤᠯᠪᠠᠴᠤ᠂ | ᠬᠠᠷᠠᠮᠦ᠋ᠷᠡᠨ ᠮᠤᠵᠢ ᠶᠢᠨ ᠬᠠᠷᠢᠶᠠᠨ ᠳᠤ 3 ᠬᠤᠭᠤᠴᠠᠭᠠ ᠬᠡᠪᠯᠡᠭᠳᠡᠭᠡᠳ ᠬᠡᠪᠯᠡᠯ ᠵᠤᠭᠰᠤᠭᠰᠠᠨ ᠮᠦᠷᠳᠡᠭᠡᠨ ᠤᠳᠤ ᠶᠢᠨ ︽ᠬᠦᠯᠦᠨ ᠪᠦᠢᠷ︾ ᠰᠡᠳᠭᠦᠯ ᠤᠨ | ᠶᠡᠷᠦᠩᠬᠡᠢ ᠳ᠋ᠤᠭᠠᠷ ᠲᠤ ᠴᠤ ᠤᠷᠤᠭᠰᠠᠨ ᠦᠭᠡᠢ ᠭᠡᠨᠡ᠃ ᠡᠶᠢᠮᠦ ᠠᠴᠠ ︽ᠳᠤᠷᠤᠭ ᠰᠠᠷᠠᠨᠠ︾ ᠰᠡᠳᠭᠦᠯ ᠪᠤᠶᠤ ᠳᠡᠭᠦᠨ ᠤ ᠨᠡᠷᠡᠶᠢᠳᠦᠯ ᠤᠨᠳᠤᠤ ᠡᠬᠢᠨ ᠤ | ᠳ᠋ᠤᠭᠠᠷ ᠨᠢ ᠨᠢᠭᠡ ᠶᠤᠰᠤᠨ ᠤ ᠳᠡᠤᠬᠡ ᠶᠢᠨ ᠬᠤᠭᠤᠰᠤᠨ ᠢ ᠨᠦᠭᠦᠭᠰᠡᠨ ᠰᠢᠨᠵᠢ ᠲᠠᠢ ᠪᠦᠭᠡᠳ ᠨᠠᠭᠠᠳᠤ ᠵᠠᠬᠠ ᠳᠤ ᠪᠠᠨ ᠳᠤᠬᠠᠢ ᠶᠢᠨ ᠦᠶᠡ ᠶᠢᠨ ᠦᠪᠦᠷ | ᠮᠤᠩᠭᠤᠯ ᠤᠨ ᠠᠳᠠᠯᠢ ᠱᠠᠳᠤ ᠳᠡᠰ᠂ ᠠᠳᠠᠯᠢ ᠳᠦᠷᠦᠯ ᠵᠦᠢᠯ᠂ ᠠᠳᠠᠯᠢ ᠦᠰᠦᠭ ᠪᠢᠴᠢᠭ ᠤᠨ ᠰᠡᠳᠭᠦᠯ ᠠᠷᠤ ᠠᠷᠤ ᠠᠴᠠ ᠪᠠᠨ ᠤᠷᠭᠤᠨ ᠮᠡᠨᠳᠦᠯᠡᠭᠦ ᠳᠤ ᠳᠦᠷᠢᠮ | ᠳᠠᠭᠤᠷᠢᠶᠠᠯ ᠪᠤᠶᠤ ᠬᠤᠰᠢᠭᠤᠴᠢ ᠦᠢᠯᠡᠳᠦᠯ ᠭᠠᠷᠭᠠᠭᠰᠠᠨ ᠪᠠᠶᠢᠵᠦ ᠪᠤᠯᠬᠤ ᠶᠤᠮ᠃ ᠠᠳᠡ ᠴᠢ᠊ · ᠤᠳᠬᠠᠨᠴᠢᠮᠡᠭ ᠭᠤᠸᠠᠢ ᠶᠢ ᠪᠠᠭᠳᠠᠭᠠᠭᠰᠠᠨ ᠡᠳᠡᠭᠡᠷ ᠪᠠᠭᠰᠢᠳᠠᠨ | ᠪᠤᠯᠤᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠤᠨ ᠠᠯᠤᠰ ᠤᠨ ᠪᠤᠳᠤᠯ ᠬᠤᠯᠠ ᠶᠢᠨ ᠬᠠᠷᠠᠴᠠ ᠳᠤ ᠴᠢᠩ ᠰᠡᠳᠬᠢᠯ ᠤᠨ ᠪᠢᠰᠢᠷᠡᠯ ᠪᠠᠭ᠋ᠠᠷᠬᠠᠯ ᠢᠶᠠᠨ ᠢᠯᠡᠳᠭᠡᠵᠦ ᠪᠠᠶᠢᠨᠠ︕ | ᠳᠤᠰ ᠰᠡᠳᠭᠦᠯ ᠤᠨ ᠪᠠᠰᠠ ᠨᠢᠭᠡᠨ ᠦᠪᠡᠷᠮᠢᠴᠡ ᠪᠤᠰᠤ ᠴᠤ ᠦᠨᠡᠬᠡᠷ ᠳᠤᠷᠠᠳᠤᠭᠤᠰᠢᠳᠠᠢ ᠰᠢᠯᠢᠳᠡᠭ ᠬᠡᠪ ᠰᠤᠷᠳᠠᠯ ᠭᠡᠪᠡᠯ᠂ ᠨᠠᠮ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ︽ | ᠬᠤᠶᠠᠷ ᠲᠤ ᠦᠢᠯᠡᠴᠢᠯᠡᠬᠦ︾ ᠬᠠᠨᠳᠤᠯᠭᠠ ᠪᠤᠯᠤᠨ ︽ᠬᠤᠤᠰ ᠪᠦᠬᠦᠨ︾ ᠤ ᠴᠢᠭᠯᠡᠯᠳᠡ ᠶᠢ ᠭᠤᠶᠢᠪᠢᠰᠢ ᠦᠭᠡᠢ ᠪᠠᠷᠢᠮᠳᠠᠯᠠᠬᠤ ᠤᠷᠢᠳᠠᠯ ᠳᠤᠤᠷᠠ ᠨᠤᠳᠤᠭ | ᠤᠰᠤᠨ ᠤ ᠤᠨᠴᠠᠯᠢᠭ ᠰᠢᠨᠵᠢ ᠪᠠᠷ ᠨᠡᠷᠡ ᠨᠦᠯᠦᠭᠡ ᠪᠠᠨ ᠡᠷᠭᠦᠵᠦ ᠶᠠᠪᠤᠬᠤ ᠶᠢ ᠬᠦᠰᠡᠨ ᠵᠦᠩᠨᠡᠳᠡᠭ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠡᠭᠦᠨ ᠢ ᠪᠢᠳᠡ ᠡᠨᠡ ᠰᠡᠳᠭᠦᠯ ᠤᠨ ᠡᠭᠦᠰᠭᠡᠨ ᠪᠠᠶᠢᠭᠤᠯᠤᠭᠴᠢ ᠠᠴᠠ ᠡᠬᠢᠯᠡᠭᠡᠳ ᠡᠬᠢᠨ ᠤ ᠦᠶᠡ ᠶᠢᠨ ᠨᠠᠶᠢᠷᠠᠭᠤᠯᠤᠭᠴᠢ ᠨᠢ ᠬᠦᠷᠳᠡᠯᠡ ᠪᠤᠰᠤᠳ ᠨᠤᠳᠤᠭ ᠤᠨ | ᠬᠦᠮᠦᠨ ᠵᠤᠩᠭᠢᠯᠠᠬᠤ ᠤᠯᠠᠨ ᠳᠤᠭᠠ ᠠᠳᠠᠯᠠ ᠡᠨᠡ ᠨᠤᠳᠤᠭ ᠤᠨ ᠵᠤᠬᠢᠶᠠᠯᠴᠢ᠂ ᠡᠨᠡ ᠨᠤᠳᠤᠭ ᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠶᠢ ᠰᠠᠨᠠᠭᠠᠴᠢᠯᠭᠠ ᠲᠠᠢ ᠬᠦᠮᠦᠵᠢᠭᠦᠯᠬᠦ ᠶᠢ | ᠳᠦᠢᠯ ᠤᠨ ᠴᠢᠬᠤᠯᠠᠴᠢᠯᠠᠨ ᠦᠵᠡᠳᠡᠭ ᠪᠠᠶᠢᠭᠰᠠᠨ ᠠᠴᠠ ᠴᠤ ᠮᠠᠰᠢ ᠠᠮᠠᠷᠬᠠᠨ ᠤᠶᠢᠯᠠᠭᠠᠵᠦ ᠪᠤᠯᠬᠤ ᠶᠤᠮ᠃ ᠡᠶᠢᠮᠦ ᠠᠴᠠ ᠪᠠᠭᠠᠷᠢᠨ ᠨᠤᠳᠤᠭ ᠲᠠᠢ ᠴᠢ᠊ · | ᠤᠳᠬᠠᠨᠴᠢᠮᠡᠭ ᠪᠠᠭᠰᠢᠳᠠᠨ᠂ ᠪᠠᠷᠭᠤ ᠨᠤᠳᠤᠭ ᠲᠠᠢ ᠰᠦᠷᠦᠩᠪᠡᠳᠤ ᠪᠠᠭᠰᠢᠳᠠᠨ᠂ ᠤᠷᠠᠳ ᠨᠤᠳᠤᠭ ᠲᠠᠢ ᠵᠢᠷᠠᠨᠳᠠᠢ ︵ᠮᠤᠨᠠᠬᠡᠤᠭᠡᠨ︶ ᠪᠠᠭᠰᠢᠳᠠᠨ ᠬᠢᠭᠡᠳ ᠬᠤᠷᠴᠢᠨ | ᠨᠤᠳᠤᠭ ᠲᠠᠢ ᠮᠠᠭᠰᠠᠷᠵᠠᠪ ᠪᠠᠭᠰᠢᠳᠠᠨ᠂ ᠪᠠ᠊ · ᠮᠠᠨᠳᠤᠬᠤ ᠪᠠᠭᠰᠢᠳᠠᠨ᠂ ᠴᠠᠭᠠᠨᠪᠠᠷᠰ ᠪᠠᠭᠰᠢᠳᠠᠨ ᠮᠠᠨᠢ ᠳᠠᠯᠠ ᠳᠠᠯᠠ ᠠᠴᠠ ᠨᠢ ᠳᠡᠮᠵᠢᠵᠦ ᠪᠠᠶᠢᠭᠰᠠᠨ ᠦᠭᠡᠢ ᠪᠤᠯ | ᠳᠤᠰ ᠰᠡᠳᠭᠦᠯ ᠤᠨ 10 ᠵᠢᠯ ᠤᠨ ᠬᠢ ᠨᠢ ᠠᠷᠤ ᠳᠤ ᠪᠤᠶᠤ ᠳᠡᠭᠦᠨ ᠠᠴᠠ ᠬᠤᠶᠢᠰᠢ ᠤᠷᠠᠳ ᠨᠤᠳᠤᠭ ᠲᠠᠢ ᠤᠶᠤᠳᠠᠨ ᠵᠠᠯᠠᠭᠤ ᠪ᠊ · ᠪᠦᠷᠢᠨᠵᠢᠷᠭᠠᠯ᠂ ᠴᠢ᠊᠂ ᠡᠩᠬᠡ᠂ | ᠡ᠊ · ᠡᠷᠳᠡᠨᠢᠴᠤᠭᠳᠤ ᠡᠨᠡ ᠰᠡᠳᠭᠦᠯ᠂ ᠡᠨᠡ ᠪᠠᠶᠢᠭᠤᠯᠭᠠ ᠳᠤ ᠬᠤᠷᠠᠨ ᠴᠤᠭᠯᠠᠬᠤ ᠶᠤᠰᠤᠨ ᠦᠭᠡᠢ᠃ ᠨᠡᠩᠳᠡ ᠪᠠᠰᠠ ᠨᠢᠭᠡ ᠨᠢᠭᠡ ᠪᠠᠨ ᠵᠠᠯᠭᠠᠵᠦ ᠡᠨᠡ ᠰᠡᠳᠭᠦᠯ᠂ | ᠡᠨᠡ ᠪᠠᠶᠢᠭᠤᠯᠭᠠ ᠶᠢᠨ ᠤᠳᠤᠷᠢᠳᠬᠤ ᠪᠠᠶᠢᠷᠢᠨ ᠳᠤ ᠭᠠᠷᠬᠤ ᠶᠤᠰᠤᠨ ᠦᠭᠡᠢ᠃ | ᠲᠠ ᠨᠠᠷ ᠪᠠᠨ ᠦᠨᠢ ᠮᠦᠩᠬᠡ ᠶᠢᠨ ᠬᠦᠨᠳᠦᠳᠭᠡᠯ ᠳᠠᠯᠠᠷᠬᠠᠯ ᠢᠶᠠᠨ ᠲᠡᠪᠰᠢᠬᠦᠯᠤᠶᠡ︕ |