| ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠪᠣᠯ ᠱᠦᠢᠨᠢ ᠶᠢᠨ ᠦᠢᠯᠡᠳᠪᠦᠷᠢ ᠶᠢᠨ ᠳᠠᠭᠠᠯᠲᠠ ᠪᠣᠳᠠᠰ ᠶᠤᠮ᠂ ᠱᠦᠢᠨᠢ ᠶᠢᠨ ᠵᠤᠭᠤᠷᠢᠨ ᠤ ᠦᠨᠡᠰᠦ ᠪᠠᠷ | ᠪᠦᠲᠦᠭᠡᠭᠰᠡᠨ ᠪᠠᠶᠢᠳᠠᠭ᠃ ᠡᠶᠢᠮᠦᠷᠭᠦᠦ ᠪᠣᠷᠳᠤᠭᠤᠷ ᠰᠢᠷᠠᠪᠲᠤᠷ ᠪᠤᠶᠤ ᠬᠦᠷᠡᠩ ᠦᠩᠭᠡᠲᠡᠢ ᠨᠤᠨᠳᠠᠭ ᠶᠤᠮ᠂ ᠶᠡᠷᠦ ᠳᠡᠭᠡᠨ ᠺᠠᠯᠢ ᠶᠢᠨ ᠢᠰᠦᠯ 8％ ~ 12％᠂ | ᠺᠠᠯᠼ ᠤᠨ ᠢᠰᠦᠯ 35％ ~ 45％ ᠪᠠᠶᠢᠳᠠᠭ᠃ ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠲᠤ ᠺᠠᠯᠼ ᠡᠯᠪᠡᠭ ᠠᠭᠤᠯᠤᠭᠳᠠᠨᠠ᠃ ᠬᠦᠷᠦᠰᠦᠨ ᠳᠤ | ᠣᠷᠤᠭᠤᠯᠤᠭᠰᠠᠨ ᠤ ᠬᠤᠶᠢᠨᠠ ᠦᠯᠡᠮᠵᠢᠭᠡᠨ ᠢᠯᠴᠢ ᠶᠢᠨ ᠡᠨᠧᠷᠬᠢ ᠢᠯᠭᠠᠷᠠᠭᠤᠯᠳᠠᠭ ᠬᠠᠯᠠᠭᠤᠨ ᠴᠢᠨᠠᠷ ᠲᠠᠢ ᠪᠣᠷᠳᠤᠭᠤᠷ ᠶᠤᠮ᠃ ᠡᠨᠡ ᠨᠢ ᠺᠠᠯᠢ ᠪᠠᠷ ᠭᠤᠣᠯ | ᠪᠣᠯᠭᠠᠭᠰᠠᠨ ᠴᠢᠬᠢᠭᠳᠦᠮᠡᠭᠡᠢ ᠱᠦᠯᠲᠦᠯᠢᠭ ᠪᠤᠷᠳᠤᠭᠤᠷ ᠪᠣᠯᠤᠨᠠ᠃ ᠠᠭᠤᠰᠤᠮᠠᠯ ᠤᠨ PH ᠨᠢ 8.9 ~ 12 ᠲᠤᠯᠠ ᠲᠤᠰ ᠪᠣᠷᠳᠤᠭᠤᠷ ᠢ ᠺᠠᠯᠼ ᠳᠤᠲᠠᠭᠳᠠᠬᠤ | ᠬᠦᠴᠢᠯᠯᠢᠭ ᠬᠦᠷᠦᠰᠦᠨ ᠳᠤ ᠬᠡᠷᠡᠭᠯᠡᠪᠡᠯ ᠰᠠᠶᠢᠨ ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠨᠢ ᠪᠣᠷᠴᠠᠭ ᠤᠨ ᠢᠵᠠᠭᠤᠷ ᠤᠨ | ᠲᠠᠷᠢᠮᠠᠯ᠂ ᠤᠰᠤᠨ ᠳᠤᠲᠤᠷᠭᠠ᠂ ᠬᠦᠪᠦᠩ᠂ ᠯᠤᠬᠠᠱᠧᠩ ᠵᠡᠷᠭᠡ ᠲᠠᠷᠢᠮᠠᠯ ᠳᠤ ᠪᠠᠰᠠ ᠨᠡᠯᠢᠶᠡᠳ ᠰᠠᠶᠢᠨ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ | ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠢ ᠬᠡᠷᠡᠭᠯᠡᠬᠦ ᠠᠷᠭᠠ ᠵᠢᠴᠢ ᠠᠩᠬᠠᠷᠬᠤ ᠵᠦᠢᠯ᠄ | 1. ᠰᠠᠭᠤᠷᠢ ᠪᠣᠷᠳᠤᠭᠤᠷ ᠪᠣᠯᠭᠠᠨᠠ᠃ ᠬᠠᠭᠤᠷᠠᠢ ᠲᠠᠷᠢᠶᠠᠨ ᠳᠤ ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠢᠶᠠᠷ ᠰᠠᠭᠤᠷᠢ ᠪᠣᠷᠳᠤᠭᠤᠷ ᠪᠣᠯᠭᠠᠬᠤ ᠳᠠᠭᠠᠨ ᠭᠠᠵᠠᠷ | ᠬᠠᠭᠠᠯᠪᠤᠷᠢᠯᠠᠬᠤ ᠠᠴᠠ ᠡᠮᠦᠨᠡ ᠰᠠᠴᠤᠵᠤ ᠣᠷᠤᠭᠤᠯᠤᠨᠠ᠂ ᠪᠠᠰᠠ ᠤᠷᠭᠠᠨᠢᠭ ᠪᠣᠷᠳᠤᠭᠤᠷ ᠲᠠᠢ ᠣᠪᠤᠭᠠᠯᠠᠵᠤ ᠢᠯᠵᠢᠷᠡᠭᠦᠯᠦᠭᠰᠡᠨ ᠤ ᠬᠤᠶᠢᠨᠠ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ | ᠢᠩᠭᠢᠪᠡᠯ ᠬᠡᠷᠡᠭᠯᠡᠬᠦ ᠳᠤ ᠳᠦᠭᠦᠮ ᠪᠦᠭᠡᠳ ᠤᠷᠭᠠᠨᠢᠭ ᠪᠣᠷᠳᠤᠭᠤᠷ ᠤᠨ ᠢᠯᠵᠢᠷᠡᠵᠦ ᠪᠣᠯᠪᠠᠰᠤᠷᠠᠬᠤ ᠶᠢ ᠴᠦ ᠠᠬᠢᠭᠤᠯᠤᠨᠠ᠃ | 2. ᠨᠡᠮᠡᠯᠲᠡ ᠪᠣᠷᠳᠤᠭᠤᠷ ᠪᠣᠯᠭᠠᠨᠠ᠃ ᠲᠠᠷᠢᠮᠠᠯ ᠢ ᠠᠩᠬᠠ ᠲᠠᠩᠨᠠᠬᠤ ᠠᠴᠠ ᠡᠮᠦᠨᠡ ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠢᠶᠠᠨ ᠬᠦᠷᠦᠰᠦᠨ ᠳᠤ | ᠣᠷᠤᠭᠤᠯᠤᠨᠠ᠂ ᠭᠡᠪᠡᠴᠦ ᠦᠷᠯᠦᠭᠡ ᠡᠷᠲᠡ ᠰᠢᠭᠦᠳᠡᠷᠢ ᠲᠠᠢ ᠦᠶᠡ ᠳᠤ ᠣᠷᠣᠭᠤᠯᠵᠤ ᠪᠣᠯᠬᠤ ᠦᠭᠡᠢ᠂ ᠵᠤᠭᠤᠷᠢᠨ ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠴᠢᠬᠢᠨ | ᠳᠡᠭᠡᠷᠡ ᠨᠢ ᠨᠠᠭᠠᠯᠳᠤᠵᠤ ᠨᠠᠪᠴᠢ ᠶᠢ ᠰᠢᠷᠠᠬᠤ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠶᠡᠭᠡ ᠰᠠᠯᠬᠢᠨ ᠳᠣᠬᠢᠶᠠᠯᠳᠤᠪᠠᠯ ᠴᠢᠬᠢᠭᠳᠦᠭᠦᠯᠦᠨ ᠰᠠᠴᠣᠵᠤ᠂ ᠬᠦᠮᠦᠨ᠂ ᠮᠠᠯ | ᠪᠠ ᠲᠠᠷᠢᠮᠠᠯ ᠳᠤ ᠬᠦᠨᠦᠭᠡᠯ ᠪᠣᠯᠬᠤ ᠶᠢ ᠪᠠᠭᠠᠰᠬᠠᠨᠠ᠃ | 3. ᠦᠷᠡ ᠶᠢᠨ ᠪᠣᠷᠳᠤᠭᠤᠷ ᠪᠣᠯᠭᠠᠬᠤ ᠳᠤ ᠲᠤᠬᠢᠷᠠᠬᠤ ᠦᠭᠡᠢ᠃ ᠲᠣᠰ ᠪᠣᠷᠳᠤᠭᠤᠷ ᠨᠢ ᠨᠡᠯᠢᠶᠡᠳ ᠠᠷᠪᠢᠨ ᠺᠠᠯᠼ ᠠᠭᠤᠯᠵᠤ᠂ ᠮᠠᠰᠢ ᠴᠢᠬᠢᠭᠳᠦᠮᠡᠭᠡᠢ᠂ | ᠨᠤᠷᠪᠠᠯ ᠪᠣᠯᠭᠤᠭᠰᠠᠨ ᠴᠣᠬᠤᠢ ᠪᠣᠯᠵᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠢᠯᠴᠢ ᠢᠯᠭᠠᠷᠠᠭᠤᠯᠬᠤ ᠲᠤᠯᠠ ᠦᠷᠡ ᠵᠢᠴᠢ ᠨᠢᠯᠬᠠ ᠦᠨᠳᠦᠰᠦ ᠶᠢ ᠬᠡᠮᠳᠦᠭᠡᠵᠦ ᠮᠡᠳᠡᠨᠡ᠃ ᠵᠤᠭᠤᠷᠢᠨ | ᠦᠨᠡᠰᠦᠨ ᠺᠠᠯᠢ ᠪᠣᠷᠳᠤᠭᠤᠷ ᠢ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠠᠮᠮᠤᠨᠢᠯᠢᠭ ᠠᠽᠣᠲ ᠪᠣᠷᠳᠤᠭᠤᠷ ᠪᠠ ᠬᠡᠳᠦ ᠹᠣᠰᠹᠣᠷ ᠬᠦᠴᠢᠯ ᠤᠨ ᠺᠠᠯᠼ ᠵᠡᠷᠭᠡ ᠤᠰᠤᠨ ᠳᠤ ᠠᠭᠤᠰᠬᠤ | ᠪᠣᠷᠳᠤᠭᠤᠷ ᠲᠠᠢ ᠬᠤᠯᠢᠵᠤ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠦᠭᠡᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠠᠽᠣᠲ ᠪᠣᠷᠳᠤᠭᠤᠷ᠂ ᠹᠣᠰᠹᠣᠷ ᠪᠣᠷᠳᠤᠭᠤᠷ ᠲᠠᠢ ᠵᠣᠬᠢᠰᠲᠠᠢ | ᠬᠠᠮᠲᠤᠷᠠᠭᠤᠯᠤᠨ ᠣᠷᠤᠭᠤᠯᠵᠤ᠂ ᠪᠣᠷᠳᠤᠭᠤᠷ ᠤᠨ ᠠᠰᠢᠭᠯᠠᠯᠲᠠ ᠶᠢᠨ ᠨᠤᠷᠮᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠪᠡᠯ ᠵᠣᠬᠢᠨᠠ᠃ | ︵ᠢᠷᠡᠯᠲᠡ᠄ ᠳᠠᠯᠠᠢ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠪᠤᠷᠳᠤᠭᠤᠷ ᠤᠷᠤᠭᠤᠯᠬᠤ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ︾ ᠭᠡᠬᠦ ᠨᠤᠮ ᠠᠴᠠ | ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |