ᠥᠨᠥᠳᠥᠷ ᠪᠣᠯ ︽ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢ ᠬᠠᠮᠠᠭᠠᠯᠠᠬᠤ ᠡᠳᠦᠷ︾᠃ | ᠨᠢᠭᠡ ᠵᠢᠯ ᠤᠨ ᠭᠤᠷᠪᠠᠨ ᠵᠠᠭᠤ ᠵᠢᠷᠠᠨ ᠲᠠᠪᠤᠨ ᠡᠳᠦᠷ ᠠᠴᠠ ᠲᠤᠰᠬᠠᠶᠢᠯᠠᠨ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠲᠤ ᠣᠨᠣᠭᠠᠵᠤ ᠲᠣᠬᠢᠶᠠᠭᠰᠠᠨ ᠣᠨᠴᠠᠭᠠᠢ ᠡᠳᠦᠷ᠃ | ᠡᠨᠡ ᠨᠢ ᠥᠭᠡᠷᠡ ᠪᠤᠰᠤᠳ ᠡᠳᠦᠷ ᠲᠤ ᠪᠢᠳᠡ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢᠶᠠᠨ ᠣᠬᠲᠣ ᠬᠠᠮᠢᠶᠠᠷᠴᠤ ᠬᠠᠶᠢᠬᠤᠷᠬᠤ ᠦᠭᠡᠢ ᠭᠡᠰᠡᠨ ᠶᠠᠪᠤᠳᠠᠯ | ᠪᠢᠰᠢ᠃ ᠬᠠᠷᠢᠨ ᠴᠠᠭ ᠢᠮᠠᠭᠲᠠ ᠪᠥᠮᠪᠥᠷᠴᠡᠭ ᠢᠶᠠᠨ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠶᠢ ᠰᠠᠨᠠᠭᠤᠯᠵᠤ ᠳᠤᠷᠠᠳᠬᠠᠭᠰᠠᠨ ᠴᠠᠭᠠᠲᠤ ᠤᠴᠢᠷ ᠤᠳᠬᠠ ᠲᠠᠢ ᠪᠢᠯᠡ᠃ | ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠥᠨᠥᠳᠥᠷ 70 ᠳ᠋ᠦᠩᠰᠢᠭᠤᠷ ᠢᠶᠠᠷ ᠲᠣᠭᠠᠯᠠᠵᠤ ᠪᠦᠷᠢᠳᠬᠡᠭᠦᠯᠦᠭᠰᠡᠨ ᠭᠡᠬᠦ ᠪᠤᠯᠪᠠᠴᠣ ᠬᠦᠵᠢ ᠳᠡᠯᠡᠬᠡᠢ ᠭᠠᠭᠴᠠᠬᠠᠨ᠃ ᠲᠡᠭᠡᠭᠦ ᠳᠡᠭᠡᠨ | ᠴᠤᠷ ᠤᠨ ᠭᠠᠭᠴᠠᠬᠠᠨ ᠭᠡᠷ ᠣᠷᠣᠨ ᠢᠶᠠᠨ ᠡᠪᠳᠡᠯᠡᠭᠡ ᠪᠣᠬᠢᠷᠳᠤᠯ ᠠᠴᠠ ᠬᠠᠮᠠᠭᠠᠯᠠᠬᠤ ᠪᠣᠯ ᠬᠥᠮᠥᠨ ᠨᠢᠭᠡᠪᠦᠷᠢ ᠶᠢᠨ ᠲᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠ ᠪᠤᠯᠬᠤ ᠶᠤᠮ᠃ | ᠥᠷᠯᠥᠭᠡ ᠶᠢᠨ ᠨᠠᠷᠠ ᠶᠢ ᠤᠭᠲᠤᠨ᠂ ᠦᠳᠡᠰᠢ ᠶᠢᠨ ᠰᠠᠷᠠ ᠶᠢ ᠦᠳᠡᠵᠦ ᠡᠩ ᠳᠡᠯᠡᠬᠡᠢ ᠳᠤ ᠬᠥᠮᠥᠨ ᠨᠡᠷᠡ ᠵᠡᠭᠦᠵᠦ ᠬᠥᠯᠵᠢᠨ ᠲᠣᠭᠲᠠᠨᠢᠬᠤ ᠤᠴᠢᠷ ᠠᠴᠠ ᠪᠢᠳᠡ | ᠴᠠᠭ ᠮᠥᠴᠡ ᠪᠦᠷᠢ ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠪᠠᠨ ᠬᠠᠮᠠᠭᠠᠯᠠᠵᠤ ᠬᠠᠶᠢᠷᠠᠯᠠᠬᠤ ᠶᠢ ᠰᠡᠳᠦᠵᠦ ᠰᠠᠨᠠᠭᠠᠴᠢᠯᠠᠨ᠂ ᠦᠯᠡᠮᠵᠢ ᠶᠢᠨ ᠪᠠᠶᠠᠯᠢᠭ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠪᠠᠨ ᠦᠷᠡ | ᠬᠤᠶᠢᠴᠢᠰ ᠲᠠᠭᠠᠨ ᠤᠯᠠᠮᠵᠢᠯᠠᠪᠠᠯ ᠲᠠᠭᠠᠷᠠᠨᠠ᠃ ᠨᠢᠭᠡ ᠶᠣᠰᠣᠨ ᠠᠴᠠ ᠥᠭᠦᠯᠡᠪᠡᠯ ︽ᠳᠡᠯᠡᠬᠡᠢ ᠶᠢᠨ ᠨᠤᠭᠤ ᠭᠠᠵᠠᠷ ᠤᠨ ᠡᠳᠦᠷ︾᠂ ︽ᠳᠡᠯᠡᠬᠡᠢ ᠶᠢᠨ ᠲᠠᠯᠠᠢ | ᠲᠠᠩᠭᠢᠰ ᠤᠨ ᠡᠳᠦᠷ︾᠂ ︽ᠳᠡᠯᠡᠬᠡᠢ ᠶᠢᠨ ᠣᠰᠣᠨ ᠤ ᠡᠳᠦᠷ︾᠂ ︽ᠳᠡᠯᠡᠬᠡᠢ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠤ ᠡᠳᠦᠷ︾ ᠵᠡᠷᠭᠡ ᠦᠯᠡᠮᠵᠢ ᠣᠯᠠᠨ ᠳᠤᠷᠠᠰᠬᠠᠯ ᠤᠨ | ᠡᠳᠦᠷ ᠤᠨ ᠴᠢᠨᠠᠳᠤ ᠤᠳᠬᠠ ᠤᠴᠢᠷ ᠨᠢ ᠪᠦᠷ ᠣᠷᠣᠰᠢᠨ ᠠᠮᠢᠳᠤᠷᠠᠬᠤ ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠳᠤ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠶᠤᠮ᠃ | ᠡᠷᠲᠡᠨ ᠤ ᠦᠭᠡᠨ ᠳᠤ ︽ᠠᠭᠤᠯᠠ ᠤᠰᠤ ᠰᠠᠶᠢᠨ ᠦᠭᠡᠢ ᠪᠣᠯᠪᠠᠰᠤ ᠣᠨᠴᠠᠭᠠᠢ ᠬᠥᠮᠥᠨ ᠲᠦᠷᠦᠭᠦ ᠦᠭᠡᠢ︾ ᠭᠡᠲᠡᠭ᠃ ᠬᠥᠮᠥᠰ ᠪᠠᠶᠢᠭᠠᠯᠢ ᠶᠢ ᠤᠬᠠᠭᠠᠷᠠᠬᠤ ᠳᠤ | ᠡᠨᠡ ᠦᠭᠡ ᠶᠢᠨ ᠦᠨᠡ ᠴᠡᠨᠡ ᠣᠷᠣᠰᠢᠨᠠ᠃ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠰᠭᠦᠯᠡᠩ ᠭᠤᠸᠠ ᠰᠠᠶᠢᠬᠠᠨ ᠢ ᠨᠢᠯᠬᠠ ᠪᠠᠭᠠ ᠠᠴᠠ ᠪᠠᠨ ᠮᠡᠳᠡᠷᠡᠵᠦ᠂ ᠭᠠᠩᠭᠠᠩ ᠪᠠᠶᠢᠭᠠᠯᠢ ᠳᠤ | ᠥᠰᠴᠦ ᠪᠤᠶᠢᠵᠢᠭᠰᠠᠨ ᠬᠥᠮᠥᠨ ᠤ ᠪᠡᠶᠡ ᠪᠢᠯᠳᠠᠷ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠰᠡᠳᠬᠢᠯ ᠰᠠᠨᠠᠭᠠ ᠠᠭᠤᠵᠢᠮ ᠠᠷᠢᠭᠤᠨ᠂ ᠣᠢ ᠤᠬᠠᠭᠠᠨ ᠰᠠᠷᠠᠭᠤᠯ ᠳᠡᠯᠭᠡᠷ ᠪᠠᠶᠢᠳᠠᠭ | ᠤᠴᠢᠷᠲᠠᠢ ᠪᠢᠯᠡ᠃ | ᠪᠥᠮᠪᠥᠷᠴᠡᠭ ᠳᠡᠯᠡᠬᠡᠢ ᠪᠢᠳᠡᠨ ᠤ ᠬᠠᠯᠠᠭᠤᠨ ᠥᠯᠥᠭᠡᠢ᠃ ᠪᠢᠳᠡ ᠡᠳᠦᠷ ᠪᠣᠯᠭᠠᠨ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠴᠡᠪᠡᠷ ᠰᠠᠶᠢᠬᠠᠨ ᠠᠭᠠᠷ ᠢᠶᠠᠷ ᠨᠢ ᠠᠮᠢᠰᠬᠤᠯᠯᠠᠵᠤ᠂ | ᠲᠤᠩᠭᠠᠯᠠᠭ ᠠᠷᠢᠭᠤᠨ ᠤᠰᠤ ᠪᠠᠷ ᠨᠢ ᠤᠮᠳᠠᠯᠠᠵᠤ᠂ ᠤᠷᠭᠤᠮᠠᠯ ᠠᠮᠢᠲᠠᠨ ᠢᠶᠠᠷ ᠨᠢ ᠬᠤᠭᠤᠯᠠᠯᠠᠵᠤ ᠪᠠᠶᠢᠳᠠᠭ᠃ ᠡᠶᠢᠨ ᠬᠦ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠪᠠᠶᠠᠯᠢᠭ | ᠰᠢᠮᠡ ᠶᠢ ᠬᠦᠷᠲᠡᠵᠦ ᠬᠥᠮᠥᠨ ᠪᠣᠯᠵᠤ ᠥᠰᠴᠦ ᠲᠣᠷᠨᠢᠬᠤ ᠵᠢᠮᠡ ᠲᠠᠢ ᠲᠤᠯᠠ ᠲᠦᠷᠦᠵᠦ ᠥᠰᠦᠭᠰᠡᠨ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠪᠠᠨ ᠬᠠᠶᠢᠷᠠᠯᠠᠨ ᠭᠦᠨᠳᠦᠳᠭᠡᠵᠦ ︽ᠡᠬᠡ | ᠪᠠᠶᠢᠭᠠᠯᠢ︾᠂ ︽ᠡᠬᠡ ᠭᠠᠵᠠᠷ︾ ᠬᠡᠮᠡᠨ ᠬᠦᠨᠳᠦᠳᠬᠡᠨ ᠳᠠᠭᠤᠳᠠᠵᠤ᠂ ︽ᠠᠯᠠᠭ ᠳᠡᠯᠡᠬᠡᠢ ᠳᠤ ᠲᠦᠷᠦᠭᠰᠡᠨ ᠮᠢᠨᠢ ᠤᠴᠢᠷᠲᠠᠢ︾ ᠭᠡᠵᠦ ᠠᠮᠠ ᠪᠠᠷᠳᠠᠮ ᠰᠢᠯᠦᠭᠯᠡᠳᠡᠭ | ᠃ ᠬᠡᠷᠪᠡ ᠶᠠᠮᠠᠷ ᠨᠢᠭᠡᠨ ᠬᠥᠮᠥᠨ ︽ᠳᠡᠯᠡᠬᠡᠢ︾ ᠭᠡᠰᠡᠨ ᠦᠭᠡ ᠶᠢᠨ ᠳᠡᠭᠡᠷᠡ ᠵᠠᠪᠠᠯ ᠲᠣᠳᠣᠳᠬᠠᠯ ᠴᠢᠮᠡᠭ ᠲᠣᠬᠤᠬᠤ ᠳᠤ ᠭᠦᠷᠪᠡᠯ ︽ᠬᠦᠵᠢ ᠳᠡᠯᠡᠬᠡᠢ︾᠂ ︽ | ᠪᠦᠪᠡᠢ ᠳᠡᠯᠡᠬᠡᠢ︾᠂ ︽ᠠᠯᠲᠠᠨ ᠳᠡᠯᠡᠬᠡᠢ︾ ᠭᠡᠰᠡᠨ ᠬᠦᠨᠳᠦᠳᠬᠡᠯ ᠪᠡᠯᠭᠡᠳᠡᠯ ᠤᠨ ᠦᠭᠡ ᠠᠴᠠ ᠥᠭᠡᠷᠡ ᠠᠰᠲᠠᠭᠠᠨ ᠶᠠᠮᠠᠷ ᠦᠭᠡ ᠲᠣᠬᠢᠷᠠᠬᠤ ᠪᠢᠯᠡ⁈ | ᠳᠡᠯᠡᠬᠡᠢ ᠶᠢᠨ ᠪᠥᠮᠪᠥᠷᠴᠡᠭ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠶᠤᠮ ᠪᠣᠯ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠲᠡᠢ᠃ ᠬᠠᠶᠢᠷᠠᠯᠠᠬᠤ ᠭᠡᠲᠡᠭ ᠨᠢ ᠰᠡᠳᠬᠢᠯ ᠤᠨ ᠬᠥᠳᠡᠯᠦᠯ ᠪᠣᠯ ᠬᠠᠮᠠᠭᠠᠯᠠᠬᠤ | ᠭᠡᠲᠡᠭ ᠨᠢ ᠡᠨᠡ ᠬᠦ ᠰᠡᠳᠬᠢᠯ ᠤᠨ ᠬᠥᠳᠡᠯᠦᠯ ᠠᠴᠠ ᠤᠷᠭᠤᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢᠨ ᠢᠯᠡᠷᠡᠯ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠡᠶᠢᠨ ᠬᠦ ᠪᠢᠳᠡ ᠵᠢᠵᠢᠭ ᠰᠠᠵᠢᠭ | ᠶᠠᠪᠤᠳᠠᠯ ᠠᠴᠠ ᠭᠠᠷᠲᠠᠵᠦ᠂ ᠬᠥᠷᠥᠰᠥ ᠰᠢᠷᠣᠢ ᠶᠢᠨ ᠡᠪᠳᠡᠭᠳᠡᠯ᠂ ᠠᠭᠠᠷ ᠤᠨ ᠪᠣᠬᠢᠷᠳᠤᠯ᠂ ᠠᠭᠤᠷ ᠠᠮᠢᠰᠬᠤᠯ ᠤᠨ ᠬᠤᠪᠢᠷᠠᠯᠲᠠ ᠪᠠ ᠡᠨᠧᠷᠭᠢ ᠶᠢᠨ ᠪᠦᠷᠢᠯᠭᠡᠯᠲᠡ᠂ | ᠠᠮᠢᠳᠤ ᠪᠣᠳᠠᠰ ᠤᠨ ᠲᠦᠷᠦᠯ ᠵᠦᠢᠯ ᠪᠠᠭᠠᠰᠬᠤ᠂ ᠲᠠᠯᠠᠢ ᠲᠠᠩᠭᠢᠰ ᠤᠨ ᠪᠣᠬᠢᠷᠳᠤᠯ ᠵᠡᠷᠭᠡ ᠶᠢ ᠬᠤᠷᠢᠭᠯᠠᠵᠤ᠂ ᠪᠥᠮᠪᠥᠷᠴᠡᠭ ᠢᠶᠠᠨ ᠪᠦᠲᠦᠨ ᠮᠡᠨᠲᠦ ᠪᠠᠷ ᠨᠢ | ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠲᠡᠢ᠃ | ᠠᠮᠢ ᠠᠮᠢᠳᠤᠷᠠᠯ ᠤᠨ ᠠᠯᠲᠠᠨ ᠳᠡᠯᠡᠬᠡᠢ ᠪᠠᠨ ᠠᠯᠠᠭ ᠨᠢᠳᠦ ᠪᠠᠨ ᠰᠢᠭ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠪᠣᠯ ᠬᠥᠮᠥᠨ ᠪᠦᠭᠦᠨ ᠤ ᠨᠠᠨᠳᠢᠨ ᠡᠭᠦᠷᠭᠡ ᠲᠠᠷᠬᠠᠨ | ᠬᠠᠷᠢᠭᠤᠴᠠᠯᠭᠠ ᠪᠤᠯᠬᠤ ᠶᠤᠮ᠃ |