︽ᠬᠤᠩᠭᠤᠷ ᠰᠠᠯᠬᠢᠨ ᠬᠠᠤᠭᠢᠷᠤᠨ ᠮᠢᠨᠤ ᠬᠠᠷᠢᠬᠤ ᠦᠶᠡ | ᠬᠤᠪᠠᠭ᠋ᠠᠢ ᠨᠠᠪᠴᠢ ᠬᠡᠶᠢᠰᠦᠷᠦᠨ ᠴᠢᠨᠦ ᠤᠶᠠᠷᠠᠬᠤ ᠴᠠᠭ︾ ᠨᠠᠮᠤᠷ ᠢᠷᠡᠵᠦ ᠨᠠᠮᠠᠶᠢ ᠤᠶᠠᠷᠠᠭᠤᠯᠪᠠ᠃ | ᠨᠠᠮᠤᠷ ᠤᠨ ᠲᠤᠬᠠᠢ ᠨᠠᠷᠠᠳᠤ ᠰᠢᠯᠦᠭ ᠢᠷᠠᠭᠤ ᠪᠠᠳᠠᠭ ᠢ ᠥᠩᠭᠡᠷᠡᠭᠰᠡᠨ ᠤ ᠬᠥᠮᠥᠰ ᠬᠡᠴᠢᠨᠡᠨ ᠦᠯᠡᠳᠡᠭᠡᠪᠡ︖ ᠨᠢᠯᠪᠤᠰᠤᠲᠤ ᠠᠶᠠᠯᠭᠤ ᠶᠢ ᠰᠡᠳᠬᠢᠯ ᠤᠨ ᠲᠡᠭᠷᠢ | ᠥᠭᠡᠳᠡ ᠴᠢᠪᠬᠠᠳᠠᠬᠤᠶᠠ ᠤᠶᠠᠷᠠᠭᠤᠨ ᠡᠭᠡᠰᠢᠭ ᠭᠡᠭᠴᠢ ᠰᠠᠨᠠᠭᠠ ᠶᠢ ᠣᠶᠢᠯᠠᠭᠠᠭᠴᠢ ᠳᠤ ᠤᠬᠠᠮᠵᠢᠲᠠᠢ᠃ ᠲᠦᠮᠡᠳ ᠤᠨ ᠲᠠᠯᠠ ᠳᠤ ᠥᠷᠥᠭᠡᠰᠦᠨ ᠬᠤᠨ ᠭᠠᠭᠴᠠᠭᠠᠷ | ᠳᠡᠪᠳᠡᠷᠢᠨᠡ ᠁ ᠪᠢ ᠭᠠᠭᠴᠠᠭᠠᠷ᠃ ᠭᠡᠶᠦᠷᠡᠯ ᠤᠨ ᠳᠤᠮᠳᠠᠬᠢ ᠭᠠᠭᠴᠠᠭᠠᠷᠳᠠᠯ ᠨᠠᠮ ᠵᠢᠮ ᠤᠷᠤᠰᠤᠨᠠ᠃ | ᠨᠠᠮᠤᠷ ᠴᠠᠭ ᠤᠨ ᠭᠠᠭᠴᠠᠭᠠᠷᠳᠠᠯ ᠨᠠᠳᠠ ᠳᠠᠭᠠᠨ ᠶᠡᠷᠦ ᠨᠢ ᠥᠨᠢᠷ ᠪᠠᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠭᠤᠨᠢᠭ ᠠᠪᠴᠢᠷᠠᠳᠠᠭ ᠶᠤᠮ ᠠ᠋᠃ | ᠠᠷᠭᠠᠴᠠᠭᠠᠳ ᠪᠢ ᠥᠪᠡᠷ ᠢ ᠪᠠᠨ ᠪᠤᠴᠠᠬᠤ ᠭᠠᠯᠠᠭᠤᠳ ᠲᠠᠢ ᠪᠢᠲᠡᠭᠡᠢ ᠠᠲᠠᠭᠠᠷᠬᠠ ᠭᠡᠵᠦ ᠪᠤᠮᠠᠨ ᠮᠥᠷᠥᠭᠡᠳᠦᠯ ᠢᠶᠠᠨ ᠲᠠᠰᠤᠳᠠᠵᠤ᠂ ᠪᠣᠷᠣ ᠳᠡᠭᠲᠡᠷ ᠠᠴᠠ ᠵᠤᠤ | ᠵᠢᠶᠦ᠋ᠨ ᠤ ᠬᠠᠭᠤᠴᠢᠨ ᠮᠥᠷ ᠢ ᠮᠥᠷᠳᠡᠵᠦ᠂ ᠡᠪ ᠵᠣᠬᠢᠴᠠᠯ ᠤᠨ ᠢᠷᠠᠭᠤ ᠠᠶᠠᠯᠭᠤ ᠶᠢ ᠢᠯᠠᠭᠤᠭᠰᠠᠨ ᠬᠤᠭᠤᠯᠠᠢ ᠪᠠᠷ ᠤᠩᠰᠢᠵᠤ ᠳᠠᠭᠤᠯᠠᠳᠠᠭ ᠪᠢᠯᠡ᠃ | ᠨᠢᠭᠡᠨ ᠲᠡᠷᠭᠡᠯ ᠨᠠᠮᠤᠷ ᠤᠨ ᠴᠣᠩᠬᠢᠶᠠᠯ ᠴᠡᠩᠬᠡᠷ ᠥᠩᠭᠡ ᠪᠠᠷ ᠮᠡᠯᠮᠡᠷᠡᠨ᠂ ᠲᠡᠷᠲᠡᠭᠡ ᠵᠠᠭᠤᠨ ᠢ ᠲᠠᠮᠠᠭᠠᠯᠠᠵᠤ ᠦᠯᠡᠳᠡᠭᠡᠭᠰᠡᠨ ᠲᠡᠷᠡ ᠬᠤᠯᠠ ᠶᠢᠨ ᠱᠠᠰᠲᠢᠷ᠂ | ᠲᠦᠮᠡᠳ ᠤᠨ ᠲᠠᠯᠠ ᠪᠠᠷ ᠴᠤᠭᠤᠷᠬᠠᠢ ᠲᠡᠭᠷᠢ ᠶᠢᠨ ᠳᠠᠭᠤᠲᠤ ᠪᠣᠷᠣᠭᠠᠨ ᠰᠢᠭ᠋ ᠥᠩᠭᠡᠷᠡᠨ ᠣᠳᠴᠤ᠂ ᠳᠡᠷᠭᠡᠳᠡ ᠬᠤᠴᠣᠷᠤᠭᠰᠠᠨ ᠨᠠᠮᠤᠷ ᠤᠨ ᠨᠠᠪᠴᠢᠰ ᠲᠤ ᠮᠢᠨᠤ | ᠦᠢᠯᠡᠰ ᠢ ᠵᠠᠯᠭᠠᠵᠤ ᠲᠡᠮᠳᠡᠭᠯᠡᠪᠡ᠃ | ᠡᠨᠡ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠲᠦᠮᠡᠳ ᠤᠨ ᠬᠡᠦᠬᠡᠳ ᠲᠤ ᠦᠰᠦᠭ ᠪᠢᠴᠢᠭ ᠲᠠᠨᠢᠭᠤᠯᠤᠶᠠ ᠭᠡᠵᠦ ᠯᠠ ᠥᠷᠥ ᠵᠢᠷᠦᠬᠡᠨ ᠠᠴᠠ ᠪᠠᠨ ᠴᠢᠰᠤ ᠲᠠᠭᠠᠪᠤᠷᠢᠯᠠᠭᠤᠯᠵᠤ᠂ | ᠪᠦᠳᠦᠷᠢᠵᠦ ᠪᠣᠰᠴᠤ ᠦᠰᠦ ᠰᠥᠰᠥ ᠠᠴᠠ ᠪᠠᠨ ᠰᠦᠭ ᠰᠦᠯᠳᠡ ᠪᠠᠳᠠᠷᠠᠭᠤᠯᠤᠨ᠂ ᠣᠮᠣᠭᠯᠠᠩ ᠥᠨᠳᠡᠶᠢᠵᠦ ᠢᠲᠡᠭᠡᠯ ᠤᠷᠭᠤᠭᠤᠯᠵᠤ᠂ ᠵᠦᠳᠡᠭᠦᠷᠢ ᠪᠠᠷ ᠵᠢᠷᠭᠠᠯ | ᠪᠤᠯᠭᠠᠵᠤ ᠶᠠᠪᠤᠭᠰᠠᠨ ᠶᠤᠮ ᠁ | ᠡᠨᠡ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠨᠠᠮᠤᠷ ᠤᠨ ᠮᠥᠷᠥᠭᠡᠳᠦᠯ ᠢ ᠨᠢᠯᠪᠤᠰᠤ ᠪᠠᠷ ᠮᠣᠬᠤᠭᠠᠨ᠂ ᠢᠷᠡᠭᠡᠳᠦᠢ ᠬᠠᠮᠢᠭᠠ ᠪᠠᠶᠢᠬᠤ ᠶᠢ ᠡᠯᠡᠷ ᠪᠠᠯᠠᠷ ᠲᠡᠮᠲᠡᠷᠬᠢᠯᠡᠨ | ᠮᠥᠷᠥᠭᠡᠳᠴᠦ᠂ ᠳᠤᠷᠠᠯᠠᠯ ᠳᠤ ᠶᠠᠭᠤ ᠣᠯᠳᠠᠬᠤ ᠶᠢ ᠠᠯᠳᠠᠭ ᠤᠨᠤᠭ ᠡᠷᠢᠨ᠂ ᠠᠮᠵᠢᠯᠲᠠ ᠪᠠᠶᠢᠬᠤ ᠡᠰᠡᠬᠦ ᠶᠢ ᠠᠯᠵᠢᠶᠠᠲᠠᠯᠠ ᠮᠥᠷᠥᠭᠡᠳᠴᠦ᠂ ᠴᠥᠬᠦᠷᠡᠯ ᠦᠭᠡᠢ | ᠵᠢᠳᠬᠦᠵᠦ ᠶᠠᠪᠤᠭᠰᠠᠨ ᠶᠤᠮ ᠁ | ᠡᠨᠡ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠨᠠᠮᠤᠷ ᠤᠨ ᠮᠥᠷᠥᠭᠡᠳᠦᠯ ᠳᠤ ᠨᠤᠲᠤᠭ ᠤᠰᠤ᠂ ᠡᠴᠢᠭᠡ ᠡᠬᠡ ᠪᠠᠨ ᠡᠩᠰᠡᠷᠡᠲᠡᠯᠡ ᠰᠠᠨᠠᠵᠤ᠂ ᠡᠭᠡᠴᠢ ᠳᠡᠭᠦᠦ᠂ ᠪᠠᠭᠰᠢ | ᠨᠥᠬᠦᠳ ᠢᠶᠠᠨ ᠦᠭᠡᠶᠢᠯᠡᠨ ᠳᠤᠷᠠᠰᠴᠤ᠂᠂ ᠰᠢᠯᠦᠭ ᠵᠣᠬᠢᠶᠠᠯ ᠡᠷᠢᠶᠡᠴᠢᠵᠦ᠂ ᠬᠢᠵᠠᠭᠠᠷ ᠦᠭᠡᠢ ᠰᠠᠨᠠᠯ ᠳᠤ ᠡᠮᠵᠡᠭᠬᠡᠨ ᠶᠠᠪᠤᠭᠰᠠᠨ ᠶᠤᠮ ᠁ | ᠡᠨᠡ ᠦᠢᠯᠡᠰ ᠤᠨ ᠵᠠᠮ ᠢᠶᠠᠷ ᠨᠠᠮᠤᠷ ᠤᠨ ᠭᠡᠶᠦᠷᠡᠯ ᠳᠤ ᠪᠡᠶᠡ ᠰᠡᠳᠬᠢᠯ ᠢᠶᠠᠨ ᠴᠢᠯᠡᠭᠡᠵᠦ᠂ ᠵᠠᠶᠠᠭᠠ ᠲᠠᠪᠢᠯᠠᠩ ᠳᠠᠭᠠᠨ ᠤᠶᠢᠳᠤᠨ᠂ ᠨᠤᠭᠤᠷᠠᠯ ᠪᠦᠳᠦᠷᠢᠯ᠂ | ᠵᠣᠪᠠᠯ ᠵᠢᠷᠭᠠᠯ ᠢ ᠠᠯᠠᠭ ᠦᠭᠡᠢ ᠠᠮᠰᠠᠵᠤ᠂ ᠦᠭᠡ ᠦᠭᠡᠢ ᠬᠤᠭᠤᠰᠤᠨ ᠥᠭᠦᠯᠡᠪᠦᠷᠢ᠂ ᠠᠶᠠ ᠣᠯᠳᠠᠬᠤ ᠦᠭᠡᠢ ᠤᠯᠠᠨ ᠨᠣᠲ ᠢ ᠵᠡᠭᠦᠳᠦᠨ ᠳᠡᠭᠡᠨ ᠬᠥᠭᠵᠢᠮ | ᠪᠣᠯᠭᠠᠨ ᠰᠡᠭᠦᠳᠡᠷ ᠥᠭᠡᠳᠡ ᠴᠢᠪᠬᠠᠳᠠᠵᠤ ᠶᠠᠪᠤᠭᠰᠠᠨ ᠶᠤᠮ ᠁ | ︽ᠤᠶᠢᠳᠪᠠᠰᠤ ᠰᠢᠯᠦᠭ ᠲᠤᠷ ᠤᠷᠮᠠ ᠲᠠᠢ ᠪᠣᠯᠣᠮᠤᠢ︾ ᠭᠡᠳᠡᠭ ᠨᠡᠬᠡᠷᠡᠨ ᠤᠤ ᠳ᠋ᠠ︖ ᠴᠡᠴᠡᠭ ᠤᠨ ᠬᠡᠷᠡᠰᠬᠡ ᠶᠢ ᠲᠦᠰᠢᠨ ᠵᠤᠯᠭᠠᠷᠠᠬᠤ ᠨᠠᠪᠴᠢᠰ ᠢ ᠬᠠᠷᠠᠨ | ᠱᠣᠭᠰᠢᠲᠠᠯᠠ ᠤᠬᠢᠯᠠᠵᠤ᠂ ᠡᠷᠲᠡᠨ ᠤ ᠬᠥᠮᠥᠰ ᠢ ᠳᠠᠭᠤᠷᠢᠶᠠᠨ᠂ ᠴᠢᠩ ᠦᠨᠡᠨᠴᠢ ᠬᠠᠶᠢᠷᠠ ᠪᠠᠨ ᠠᠭᠤᠳᠠᠯᠤᠨ ᠪᠠᠷᠢᠬᠤ ᠳᠤ ᠤᠷᠪᠠᠭᠤᠯᠵᠤ ᠦᠵᠡᠬᠦ ᠬᠥᠮᠥᠨ | ᠦᠭᠡᠢ ᠶᠢᠨ ᠤᠴᠢᠷ ᠤᠷᠳᠤ ᠶᠢᠨ ᠤᠷᠳᠤ ᠰᠡᠭᠦᠷᠡᠰᠦᠯᠡᠯ ᠮᠢᠨᠢ ᠠᠯᠠᠭ ᠬᠤᠷᠸᠠ ᠶᠢ ᠮᠡᠭᠰᠢᠷᠡᠲᠡᠯᠡ ᠤᠶᠠᠷᠠᠭᠤᠯᠵᠤ᠂ ᠡᠷᠬᠡᠯᠡᠵᠦ ᠲᠤᠨᠢᠶᠠᠷᠬᠠᠬᠰᠠᠨ ᠬᠡᠦᠬᠡᠨ ᠠᠭᠠᠯᠢ ᠪᠠᠨ | ᠵᠦᠪᠭᠡᠨ ᠨᠠᠮᠤᠷ ᠵᠦᠭ ᠠᠰᠬᠠᠷᠠᠭᠤᠯᠤᠭᠰᠠᠨ ᠪᠢᠯᠡ ᠁ | ᠤᠬᠠᠭᠠ ᠰᠦᠯᠡᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠨᠠᠮᠤᠷ ᠤᠴᠠᠷᠠᠯ ᠪᠦᠭᠦᠨ ᠥᠪᠡᠷ ᠤᠨ ᠳᠤᠷᠠᠰᠤᠮᠵᠢ ᠲᠠᠢ ᠠᠵᠢ᠃ | ᠨᠠᠮᠤᠷ ᠤᠨ ᠲᠡᠭᠷᠢ ᠥᠨᠳᠥᠷᠬᠡᠨ᠂ ᠨᠠᠮᠤᠷ ᠤᠨ ᠨᠠᠷᠠᠨ ᠬᠤᠷᠴᠠᠬᠠᠨ᠂ ᠨᠠᠮᠤᠷ ᠤᠨ ᠳᠡᠯᠡᠬᠡᠢ ᠠᠭᠤᠳᠠᠮᠬᠠᠨ᠂ ᠠᠭᠤᠳᠠᠮᠬᠠᠨ ᠵᠠᠢ ᠪᠠᠷ ᠨᠢ ᠪᠣᠯᠪᠠᠰᠤᠷᠠᠭᠰᠠᠨ ᠨᠠᠮᠤᠷ | ᠪᠠᠭ᠋ᠠᠳᠤᠯᠲᠤ ᠬᠤᠷᠢᠶᠠᠯᠲᠠ ᠪᠠᠷ ᠢᠶᠠᠨ ᠪᠠᠶᠠᠨ ᠰᠠᠩ ᠢ ᠳᠦᠭᠦᠷᠭᠡᠨ᠂ ᠪᠤᠶᠠᠨᠲᠤ ᠬᠥᠮᠥᠷᠭᠡ ᠶᠢ ᠪᠢᠯᠬᠠᠭᠤᠯᠤᠨᠠ᠃ ᠶᠠᠭ ᠡᠨᠡ ᠦᠶᠡ ᠪᠠᠷ ᠰᠤᠷᠤᠬᠰᠠᠨ ᠮᠡᠳᠡᠯᠭᠡ ᠶᠢᠨ | ᠰᠣᠳᠣᠨ ᠪᠦᠭᠦᠨ ᠢ ᠱᠦᠭᠦᠵᠦ ᠪᠢᠲᠡᠭᠦᠮᠵᠢᠯᠡᠭᠰᠡᠨ ᠳᠤᠭᠲᠦ᠋ᠢᠲᠤ ᠵᠠᠬᠢᠶᠠ ᠶᠢ ᠠᠯᠠᠭᠠᠨ ᠳᠠᠭᠠᠨ ᠲᠤᠰᠴᠣ᠂ ᠲᠤᠬᠤ ᠦᠭᠡᠢ ᠳᠡᠷᠪᠡᠵᠦ ᠳᠡᠪᠬᠡᠷᠦᠭᠰᠡᠨ ᠲᠡᠷᠡ | ᠮᠥᠴᠡ ᠳᠤ ᠵᠠᠯᠠᠭᠤ ᠨᠠᠰᠤ ᠮᠢᠨᠢ ᠦᠳᠦ ᠪᠠᠨ ᠰᠣᠯᠢᠭᠰᠠᠨ ᠪᠦᠷᠭᠦᠳ ᠮᠡᠲᠦ ᠬᠦᠰᠡᠯ ᠤᠨ ᠵᠢᠭᠦᠷ ᠢᠶᠠᠨ ᠬᠦᠴᠦᠲᠡᠢ ᠳᠡᠯᠭᠡᠵᠦ᠂ ᠬᠦᠵᠦᠭᠦᠦ ᠤᠷᠳᠦ ᠵᠠᠮ ᠢ ᠵᠣᠷᠢᠭᠲᠠᠢ | ᠲᠤᠭᠤᠯᠬᠤ ᠳᠤ ᠮᠥᠩᠬᠡ ᠲᠡᠭᠷᠢ ᠨᠠᠮᠠᠶᠢ ᠢᠪᠡᠭᠡᠨ ᠲᠡᠳᠬᠦᠵᠦ ᠪᠠᠶᠢᠭᠰᠠᠨ ᠁ | ᠶᠠᠭ ᠡᠨᠡ ᠦᠶᠡ ᠪᠠᠷ ᠶᠢᠰᠦᠨ ᠰᠠᠷᠠ ᠶᠢᠨ ᠠᠷᠪᠠᠨ ᠤ ᠪᠠᠭᠰᠢ ᠶᠢᠨ ᠪᠠᠶᠠᠷ ᠲᠣᠬᠢᠶᠠᠯᠳᠤᠵᠤ᠂ ᠰᠥᠨᠢ ᠡᠳᠦᠷ ᠤᠨ ᠴᠢᠯᠡᠭᠡ ᠮᠢᠨᠢ ᠰᠢᠯᠢᠳᠡᠭ ᠪᠠᠭᠰᠢ ᠪᠠᠷ | ᠰᠣᠯᠢᠭᠳᠠᠵᠤ᠂ ᠱᠠᠩᠨᠠᠯ ᠬᠥᠬᠢᠭᠦᠯᠦᠯ ᠤᠨ ᠲᠠᠶᠢᠰᠠᠨ ᠳᠤ ᠤᠯᠠᠭᠠᠨ ᠴᠡᠴᠡᠭ ᠥᠷᠥ ᠵᠢᠷᠦᠬᠡ ᠶᠢ ᠭᠡᠶᠢᠭᠦᠯᠵᠦ᠂ ᠣᠷᠭᠢᠯᠤᠮᠠ ᠵᠣᠷᠢᠭ ᠪᠦᠭᠦ ᠪᠡᠶᠡ ᠠᠴᠠ ᠤᠨᠳᠤᠷᠤᠨ᠂ | ᠡᠭᠡᠯ ᠨᠢᠭᠡᠨ ᠪᠠᠭᠰᠢ ᠨᠡᠷᠡ ᠶᠢ ᠬᠠᠲᠠᠭᠤᠵᠢᠯᠲᠠᠢ ᠭᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠡᠷᠭᠦᠨ ᠶᠠᠪᠤᠬᠤ ᠳᠤ ︽ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ ᠤᠶᠤᠨ ᠤ ᠢᠨᠵᠧᠨᠧᠷ︾ ᠭᠡᠬᠦ ᠢᠷᠠᠭᠤ | ᠠᠯᠳᠠᠷ ᠠᠴᠠ ᠥᠩᠭᠡ ᠭᠡᠷᠡᠯ ᠰᠠᠴᠤᠷᠠᠵᠤ ᠪᠠᠶᠢᠭᠰᠠᠨ ᠁ | ᠶᠠᠭ ᠡᠨᠡ ᠦᠶᠡ ᠪᠠᠷ ᠬᠥᠮᠥᠨ ᠤ ᠡᠭᠦᠳᠡᠨ ᠳᠤ ᠪᠡᠷᠢ ᠶᠢᠨ ᠶᠣᠰᠣ ᠶᠢ ᠬᠢᠴᠢᠶᠡᠵᠦ ᠠᠩᠬᠠ ᠤᠳᠠᠭᠠ ᠠᠬᠠ ᠪᠡᠷᠭᠡᠨ ᠲᠠᠢ ᠪᠠᠨ ᠭᠤᠷᠪᠠᠭᠤᠯᠠ ᠬᠠᠳᠠᠮᠴᠢᠯᠠᠵᠤ | ᠭᠦᠷᠦᠭᠰᠡᠨ ᠲᠡᠦᠬᠡ ᠲᠠᠢ ᠰᠠᠨ᠃ ᠲᠣᠷᠭᠠᠨ ᠬᠠᠶᠢᠷᠠ ᠶᠢᠨ ᠲᠠᠩᠰᠤᠭ ᠨᠠᠮᠤᠷ ᠬᠤᠩᠭᠤᠷᠬᠠᠨ ᠪᠠᠶᠢᠭᠰᠠᠨ᠃ ᠨᠡᠷᠡᠨ ᠤ ᠪᠤᠴᠠᠯᠤᠮᠠ ᠢᠯᠴᠢ ᠵᠣᠯ ᠵᠢᠷᠭᠠᠯ ᠢ ᠰᠡᠷᠡᠯ | ᠮᠡᠳᠡᠷᠡᠯ ᠪᠦᠭᠦᠨ ᠢᠶᠠᠷ ᠲᠥᠭᠡᠨᠡᠵᠦ᠂ ᠡᠷᠭᠢ ᠦᠭᠡᠢ ᠢᠨᠠᠭ ᠤᠨ ᠲᠠᠯᠠᠢ ᠳᠤ ᠡᠷᠬᠡ ᠳᠤᠷᠠ ᠪᠠᠷ ᠨᠣᠶᠠᠷᠬᠠᠭᠳᠠᠨ ᠱᠤᠩᠪᠠᠵᠤ ᠪᠠᠶᠢᠭᠰᠠᠨ ᠁ | ᠶᠠᠭ ᠡᠨᠡ ᠦᠶᠡ ᠪᠠᠷ ᠡᠩᠬᠦᠷᠡᠢ ᠬᠥᠭᠡᠷᠦᠬᠦᠨ ᠬᠦᠦ ᠶᠢᠨ ᠢᠶᠠᠨ ᠬᠤᠶᠠᠷ ᠨᠠᠰᠤᠨ ᠳᠤᠨᠢ ᠪᠤᠯᠪᠠᠷᠠᠢ ᠲᠤᠶᠠᠭᠠᠨ ᠬᠡᠦᠬᠡᠨ ᠢᠶᠠᠨ ᠬᠥᠩᠭᠡᠵᠢᠭᠡᠳ ᠬᠠᠷᠠ ᠴᠠᠭᠠᠨ | ᠦᠷᠡ ᠲᠠᠢ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠭᠡᠷ ᠪᠦᠯᠢ ᠲᠠᠢ᠂ ᠬᠠᠩᠬᠤᠯᠵᠤ ᠬᠠᠩᠭᠢᠨᠠᠭᠰᠠᠨ ᠬᠠᠶᠢᠷᠠ ᠶᠢᠨ ᠪᠦᠪᠡᠢ ᠲᠠᠢ ᠡᠵᠢ ᠬᠥᠮᠥᠨ ᠤ ᠤᠭᠤᠷᠠᠭ ᠴᠠᠭᠠᠨ ᠰᠦ ᠪᠠᠨ | ᠴᠠᠯᠭᠢᠯᠠᠭᠤᠯᠵᠤ᠂ ᠡᠷᠡ ᠬᠤᠩᠭᠤᠷ ᠬᠠᠨᠢ ᠶᠢᠨ ᠬᠤᠶᠢᠮᠤᠷ ᠲᠤ ᠮᠥᠩᠬᠡ ᠭᠠᠯ ᠤᠨ ᠭᠤᠯᠣᠮᠲᠠ ᠵᠠᠯᠭᠠᠵᠤ᠂ ᠬᠥᠮᠥᠨ ᠤᠳᠤᠮ ᠤᠨ ᠴᠤᠭ ᠠᠰᠠᠭᠠᠵᠤ ᠶᠠᠪᠤᠭᠰᠠᠨ ᠁ | | ᠨᠠᠮᠤᠷᠵᠢᠶᠠ ᠠᠴᠠ ᠨᠠᠭᠠᠰᠢᠯᠠᠬᠤ ᠨᠡᠭᠦᠳᠡᠯ ᠤᠨ ᠴᠤᠪᠤᠭᠠ ᠤᠷᠳᠦ ᠶᠢᠨ ᠲᠠᠭᠤᠨ ᠤ ᠴᠤᠤᠷᠢᠶᠠ ᠲᠠᠢ ᠠᠶᠠᠷ ᠠᠶᠠᠷ ᠰᠠᠵᠢᠯᠠᠨᠠ᠃ | ᠤᠷᠠᠨ ᠲᠥᠷᠬᠦ ᠠᠬᠤᠢ ᠶᠢᠷᠲᠢᠨᠴᠦ ᠶᠢᠨ ᠤᠯᠠᠷᠢᠯ ᠬᠤᠪᠢᠰᠤᠯ ᠪᠦᠭᠦᠨ ᠥᠪᠡᠷ ᠤᠨ ᠥᠩᠭᠡ ᠪᠠᠷ ᠢᠶᠠᠨ ᠭᠠᠩᠬᠤᠬᠤ ᠪᠥᠭᠡᠳ ᠬᠥᠮᠥᠨ ᠪᠦᠭᠦᠨ ᠳᠤ ᠬᠦᠷᠲᠡᠭᠡᠬᠦ | ᠤᠨᠤᠭ ᠠᠯᠳᠠᠭ ᠴᠣ᠋ ᠠᠳᠠᠯᠢ ᠦᠭᠡᠢ᠃ | ᠵᠢᠷᠭᠠᠯ ᠢ ᠵᠢᠷᠭᠠᠯᠲᠠᠢ ᠡᠳ᠋ᠯᠡᠵᠦ ᠵᠣᠪᠠᠯ ᠭᠠᠭᠴᠠᠭᠠᠷᠳᠠᠯ ᠢ ᠴᠣ᠋ ᠭᠦᠷ ᠬᠥᠭᠵᠢᠯ ᠢᠶᠠᠷ ᠨᠣᠮᠣᠬᠠᠳᠬᠠᠨ ᠨᠠᠮᠤᠷᠵᠢᠬᠤ ᠬᠥᠮᠥᠨ ᠤᠬᠠᠭᠠᠨ ᠤ ᠰᠡᠳᠬᠢᠯ ᠤᠨ ᠲᠠᠮᠢᠷ | ᠲᠡᠷᠡ ᠪᠢᠯᠡ᠂ ᠬᠥᠬᠡ ᠮᠥᠩᠬᠡ ᠲᠡᠭᠷᠢ ᠠᠴᠠ ᠰᠣᠶᠣᠷᠬᠠᠭᠰᠠᠨ ᠢᠪᠡᠭᠡᠯ ᠴᠤ ᠲᠡᠷᠡ ᠶᠤᠮ ᠳ᠋ᠠ᠃ | ᠨᠠᠮᠤᠷ ᠭᠡᠭᠴᠢ ᠰᠢᠯᠦᠭᠴᠢ ᠬᠥᠮᠥᠨ ᠤ ᠰᠡᠳᠬᠢᠯ ᠤᠨ ᠠᠨᠢᠷ ᠢᠶᠠᠷ ᠱᠤᠤᠭᠢᠳᠠᠭ ᠤᠯᠠᠷᠢᠯ ᠰᠡᠨᠵᠢ᠃ ᠠᠮᠢᠳᠤᠷᠠᠯ ᠬᠠᠶᠢᠷᠠ ᠶᠢᠨ ᠤᠶᠠᠩᠭᠠ ᠶᠢ ᠰᠠᠨᠠᠯ | ᠮᠥᠷᠥᠭᠡᠳᠦᠯ ᠢᠶᠠᠷ ᠬᠡᠮᠨᠡᠵᠦ᠂ ᠨᠠᠮᠤᠷ ᠨᠠᠮᠤᠷ ᠤᠨ ᠳᠤᠷᠠᠰᠤᠮᠵᠢ ᠪᠠᠷ ᠢᠷᠠᠭᠤ ᠨᠠᠶᠢᠷᠠᠭ ᠢᠳᠡᠭᠡᠰᠢᠭᠦᠯᠦᠨ ᠰᠡᠳᠬᠢᠯ ᠤᠨ ᠤᠶᠠᠩᠭᠠ ᠬᠠᠩᠭᠢᠨᠠᠭᠤᠯᠵᠤ᠂ ᠭᠦᠨ ᠨᠠᠮᠤᠷ ᠲᠤ | ᠬᠦᠨᠳᠦ ᠪᠠᠷ ᠰᠣᠭᠲᠣᠬᠤ ᠭᠡᠭᠴᠢ ᠪᠠᠰᠠ ᠨᠢᠭᠡᠨ ᠵᠢᠷᠭᠠᠯ ᠶᠤᠮᠰᠠᠨ᠃ |