ᠳᠡᠯᠡᠬᠡᠢ ᠭᠡᠶᠢᠭᠦᠯᠵᠦ ᠨᠠᠷᠠ ᠮᠠᠨᠳᠤᠨᠠ᠃ ᠤᠩᠭᠤᠨ ᠪᠠᠶᠢᠭᠠᠯᠢ ᠶᠢᠨ ᠡᠪᠡᠰᠦ ᠤᠷᠭᠤᠮᠠᠯ ᠭᠡᠷᠡᠯ ᠢ ᠨᠢ ᠬᠥᠬᠦᠵᠦ ᠡᠷᠬᠡ ᠲᠠᠩᠭᠢ ᠤᠷᠭᠤᠨᠠ᠃ ᠣᠨ ᠵᠢᠯ ᠢ | ᠲᠤᠭᠤᠯᠵᠦ ᠪᠣᠰᠤᠭᠠ ᠰᠡᠬᠦ᠋ᠢᠭᠰᠡᠨ ᠪᠤᠭᠤᠷᠤᠯ ᠠᠭᠤᠯᠠᠰ ᠤᠨ ᠤᠷᠭᠢᠯ ᠦᠶᠡ ᠦᠶᠡ ᠥᠭᠡᠳᠡ ᠪᠠᠨ ᠥᠨᠳᠡᠯᠵᠡᠨᠡ᠃ ᠲᠡᠮᠡᠦᠯᠵᠦ ᠱᠤᠤᠭᠢᠭᠰᠠᠨ ᠭᠤᠣᠯ ᠭᠤᠷᠤᠬᠠ | ᠲᠤᠷᠤᠨᠠ ᠵᠦᠭ ᠰᠢᠷᠤᠩᠬᠠᠶᠢᠯᠠᠬᠤ ᠳᠤ ᠴᠡᠭᠡᠯ ᠤᠨ ᠭᠦᠨ ᠠᠴᠠ ᠨᠢ ᠵᠢᠭᠠᠰᠤ ᠡᠷᠬᠡᠯᠡᠨ ᠴᠣᠯᠭᠢᠨᠠ᠃ | ᠭᠤᠪᠢ ᠬᠠᠩᠭᠠᠢ ᠳᠤ ᠬᠠᠩᠬᠤᠯᠲᠠᠯᠠ ᠳᠡᠯᠭᠡᠷᠡᠭᠰᠡᠨ ᠴᠡᠴᠡᠭ ᠤᠨ ᠦᠨᠦᠷ ᠲᠤ ᠡᠷᠪᠡᠬᠡᠢ ᠪᠠᠶᠠᠰᠤᠨ ᠪᠥᠵᠢᠵᠦ ᠡᠷᠬᠡᠯᠡᠨ ᠨᠢᠰᠬᠦ ᠳᠤ ᠬᠥᠲᠥᠯ ᠪᠦᠷᠬᠦᠭᠰᠡᠨ ᠬᠤᠨᠢᠨ | ᠰᠦᠷᠦᠭ ᠭᠦᠪᠪᠦᠨ ᠨᠡᠭᠦᠬᠦ ᠴᠠᠭᠠᠨ ᠡᠭᠦᠯᠡ ᠰᠢᠭ ᠬᠠᠷᠠᠭᠠᠨ ᠳᠤ ᠮᠢᠨᠢ ᠲᠣᠳᠣᠷᠠᠨᠠ᠃ | ᠨᠠᠷᠠᠨ ᠳᠤ ᠶᠠᠭᠤ ᠪᠦᠭᠦᠨ ᠡᠭᠡᠯᠢᠲᠡᠢ᠃ ᠥᠨᠥᠴᠢᠨ ᠨᠠᠪᠴᠢ ᠭᠦᠷᠳᠡᠯᠡ ᠨᠠᠷᠠᠨ ᠤ ᠪᠠᠨ ᠢᠯᠴᠢ ᠭᠡᠷᠡᠯ ᠢ ᠰᠢᠩᠭᠡᠭᠡᠵᠦ ᠵᠤᠨ ᠢ ᠵᠢᠷᠭᠠᠲᠠᠯᠠ ᠵᠢᠷᠭᠢᠨᠡ᠃ | ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠲᠤ ᠲᠦᠭᠡᠭᠰᠡᠨ ᠴᠠᠭᠠᠨ ᠴᠢᠯᠠᠭᠤ ᠠᠭᠤᠵᠢᠷᠠᠲᠠᠯᠠ ᠠᠮᠢᠰᠬᠤᠬᠤ ᠳᠤ ᠲᠣᠯᠣᠭᠠᠳ ᠤᠨ ᠡᠩᠭᠡᠷ ᠲᠤ ᠥᠨᠳᠡᠭᠡ ᠪᠠᠨ ᠳᠠᠷᠤᠭᠰᠠᠨ ᠲᠣᠭᠤᠷᠤᠤ | ᠨᠢᠳᠦ ᠪᠠᠨ ᠠᠨᠢᠵᠤ᠂ ᠴᠡᠩᠬᠡᠷ ᠣᠭᠲᠠᠷᠭᠤᠢ ᠰᠡᠳᠬᠢᠯ ᠳᠣᠲᠣᠷᠠ ᠨᠢ ᠡᠷᠭᠢᠯᠳᠦᠬᠦ ᠶᠢᠨ ᠬᠠᠮᠲᠤ ᠳᠠᠷᠤᠭᠰᠠᠨ ᠥᠨᠳᠡᠭᠡ ᠪᠦᠭᠦᠨ ᠨᠢ ᠨᠡᠪᠴᠢᠭᠡᠳ ᠨᠠᠷᠠᠨ ᠵᠦᠭ ᠨᠢᠰᠬᠦ | ᠰᠢᠭ ᠪᠣᠯᠣᠨᠠ᠃ | ᠪᠤᠷᠭᠠᠰᠤᠨ ᠲᠣᠬᠤᠢ ᠶᠢᠨ ᠷᠠᠰᠢᠶᠠᠨ ᠪᠤᠯᠠᠭ ᠲᠦᠷᠪᠡᠨ ᠴᠠᠭ ᠢᠶᠠᠷ ᠣᠷᠭᠢᠯᠤᠨᠠ᠃ ᠳᠡᠷᠭᠡᠳᠡ ᠨᠢ ᠬᠦᠷᠴᠦ ᠨᠠᠮ ᠰᠠᠭᠤᠬᠤ ᠳᠤ ᠥᠭᠭᠢᠶᠡᠮᠦᠷ ᠬᠠᠶᠢᠷᠠ ᠶᠢᠨ | ᠡᠭᠡᠰᠢᠭ ᠪᠣᠯᠵᠤ ᠵᠢᠷᠦᠬᠡᠨ ᠳᠤ ᠮᠢᠨᠢ ᠤᠶᠠᠩᠭᠠᠷᠠᠨᠠ᠃ ᠬᠠᠵᠠᠭᠤ ᠳᠤᠨᠢ ᠮᠡᠯᠡᠬᠡᠢ ᠶᠢᠨ ᠳᠦᠷᠰᠦ ᠲᠠᠢ ᠨᠢᠭᠡᠨ ᠬᠦᠷᠡᠩ ᠴᠢᠯᠠᠭᠤ ᠬᠥᠳᠡᠯᠦᠯ ᠦᠭᠡᠢ ᠲᠣᠪ ᠳᠤᠭᠤᠢ | ᠬᠡᠪᠲᠡᠨᠡ᠃ ᠠᠮᠠᠷᠠᠭ ᠬᠠᠨᠢ ᠪᠠᠨ ᠦᠭᠡᠶᠢᠯᠡᠵᠦ ᠪᠠᠶᠢᠭᠠ ᠴᠦ ᠶᠤᠮ ᠤᠤ︖ ᠠᠯᠢ ᠡᠰᠡᠬᠦᠯᠡ ᠷᠠᠰᠢᠶᠠᠨ ᠪᠤᠯᠠᠭ ᠢᠶᠠᠨ ᠰᠠᠬᠢᠵᠤ ᠪᠠᠶᠢᠭᠠ ᠴᠦ ᠪᠢᠯᠢᠦ︖ ᠰᠠᠯᠬᠢ | ᠪᠣᠷᠣᠭᠠᠨ ᠳᠤ ᠥᠩᠭᠡ ᠨᠢ ᠭᠢᠯᠠᠯᠵᠠᠭᠠᠳ ᠰᠥᠨᠢ ᠶᠢᠨ ᠭᠦᠨ ᠳᠤ ᠰᠠᠷᠠᠨ ᠤ ᠳᠣᠣᠷᠠ ᠭᠡᠷᠡᠯ ᠰᠠᠴᠤᠷᠠᠨᠠ᠃ ᠢᠭᠴᠤ ᠰᠠᠬᠤᠯᠢᠭ ᠪᠣᠷᠣ ᠪᠤᠷᠭᠠᠰᠤ ᠵᠢᠪᠠᠷ ᠲᠤ | ᠡᠷᠲᠡᠨ ᠤ ᠤᠳᠬᠠ ᠪᠢᠲᠡᠭᠦᠦ ᠠᠶᠠᠯᠭᠤ ᠴᠢᠪᠬᠠᠳᠠᠨᠠ᠃ | ︽ᠡᠷᠢᠯᠴᠢᠨ ᠷᠠᠰᠢᠶᠠᠨ ᠪᠤᠯᠠᠭ ᠲᠡᠶᠢᠰᠢ ᠬᠠᠷᠠᠬᠤ ᠪᠠᠷ ᠠᠩᠭᠠᠯ ᠨᠢ ᠲᠠᠶᠢᠯᠤᠭᠳᠠᠵᠤ ᠪᠡᠶᠡ ᠰᠡᠳᠬᠢᠯ ᠨᠢ ᠬᠥᠩᠭᠡᠷᠡᠨᠡ︾ ᠭᠡᠰᠡᠨ ᠡᠪᠦᠭᠡ ᠶᠢᠨ ᠦᠭᠡ ᠶᠢ | ᠰᠠᠨᠠᠬᠤ ᠳᠤ ︽ᠨᠠᠷᠠᠨ ᠤ ᠪᠤᠳᠤᠭ ᠰᠢᠩᠭᠡᠭᠰᠡᠨ ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠤᠰᠤ ᠪᠠᠷ ᠴᠠᠢ ᠴᠢᠨᠠᠬᠤ ᠳᠤ ᠲᠠᠷ ᠲᠠᠮᠢᠷ ᠨᠡᠮᠡᠭᠳᠡᠨᠡ︾ ᠭᠡᠰᠡᠨ ᠡᠮᠡᠭᠡ ᠶᠢᠨ ᠶᠠᠷᠢᠶᠠ ᠴᠦ ᠤᠢ | ᠤᠬᠠᠭᠠᠨ ᠳᠤ ᠪᠠᠭᠤᠨᠠ᠃ | ︽ᠨᠠᠷᠠᠨ ᠤ ᠪᠤᠳᠤᠭ ᠲᠠᠢ ᠴᠠᠢ ᠪᠠᠷ ᠤᠮᠳᠠ ᠪᠠᠨ ᠳᠠᠷᠤᠭᠰᠠᠨ ᠠᠴᠠ ᠨᠢᠩᠵᠢᠨ ᠰᠡᠳᠬᠢᠯ ᠲᠠᠢ ᠪᠣᠯᠵᠤ ᠲᠣᠮᠣᠭᠠᠵᠢᠳᠠᠭ ᠤᠤ︖︾ ᠭᠡᠵᠦ ᠪᠠᠭᠠ ᠳᠠᠭᠠᠨ | ᠡᠵᠢ ᠠᠴᠠ ᠪᠠᠨ ᠠᠰᠠᠭᠤᠭᠠᠳ ᠠᠬᠠ ᠡᠭᠡᠴᠢ ᠪᠠᠨ ᠢᠨᠢᠶᠡᠯᠭᠡᠵᠦ ᠪᠠᠶᠢᠭᠰᠠᠨ ᠮᠢᠨᠢ ᠪᠤᠳᠤᠬᠳᠠᠨᠠ᠃ ᠲᠡᠶᠢᠮᠦ ᠠ᠋᠂ ᠰᠢᠷᠬᠡᠭ ᠨᠣᠭᠤᠭᠠ ᠠᠴᠠ ᠡᠬᠢᠯᠡᠭᠡᠳ ᠰᠢᠪᠠᠵᠢ | ᠬᠤᠷᠣᠬᠠᠢ ᠭᠦᠷᠳᠡᠯᠡ ᠨᠠᠷᠠᠨ ᠠᠴᠠ ᠰᠠᠯᠵᠤ ᠪᠤᠯᠳᠠᠭ ᠦᠭᠡᠢ ᠨᠢ ᠦᠨᠡᠨ᠃ | ᠪᠢ ᠨᠠᠷᠠᠨ ᠳᠤ ᠬᠠᠶᠢᠷᠠᠲᠠᠢ᠃ ᠨᠠᠷᠠ ᠤᠷᠭᠤᠬᠤ ᠪᠠᠷ ᠨᠦᠢᠷ ᠠᠴᠠ ᠪᠠᠨ ᠰᠡᠷᠡᠵᠦ ᠠᠵᠢᠯ ᠳᠠᠭᠠᠨ ᠮᠣᠷᠳᠠᠨᠠ᠃ ᠨᠠᠷᠠ ᠵᠢᠷᠭᠠᠬᠤ ᠪᠠᠷ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠵᠤ | ᠠᠷᠤ ᠭᠡᠷ ᠲᠡᠭᠡᠨ ᠢᠷᠡᠵᠦ ᠠᠮᠠᠷᠠᠭ ᠬᠤᠩᠭᠤᠷ᠂ ᠡᠩᠬᠦᠷᠡᠢ ᠬᠦᠦ ᠲᠠᠢ ᠪᠠᠨ ᠵᠣᠭᠤᠭᠳᠠᠵᠤ ᠡᠬᠢᠯᠡᠳᠡᠭ᠃ ᠨᠠᠷᠠ ᠪᠣᠯ ᠮᠢᠨᠤ ᠡᠨᠡ ᠨᠠᠰᠤᠨ ᠤ ᠰᠢᠲᠦᠭᠡᠨ᠂ | ᠠᠮᠢᠳᠤᠷᠠᠯ ᠤᠨ ᠭᠡᠭᠡ᠂ ᠤᠶᠤᠨ ᠪᠢᠯᠢᠭ ᠤᠨ ᠭᠡᠷᠡᠯ ᠲᠤᠶᠠᠭᠠ ᠪᠢᠯᠡ᠃ | ᠮᠣᠩᠭᠤᠯᠴᠤᠳ ᠲᠦᠷᠪᠡᠨ ᠴᠠᠭ ᠢᠶᠠᠷ ᠨᠡᠭᠦᠵᠦ ᠪᠠᠭᠤᠬᠤ ᠳᠠᠭᠠᠨ ᠨᠠᠷᠠ ᠪᠠᠨ ᠲᠠᠭᠠᠵᠦ ᠥᠭᠰᠥᠨ ᠥᠭᠡᠳᠡᠯᠡᠵᠦ ᠢᠷᠡᠭᠰᠡᠨ ᠤᠯᠪᠠᠭᠠ ᠲᠠᠢ ᠭᠡᠳᠡᠭ ᠢ ᠭᠠᠵᠠᠷ | ᠲᠡᠭᠷᠢ ᠬᠤᠶᠠᠷ ᠮᠡᠳᠡᠨᠡ᠃ ᠨᠠᠷᠠᠨ ᠠᠴᠠ ᠣᠶᠢᠷᠠᠬᠠᠨ ᠨᠢᠰᠬᠦ ᠭᠠᠯᠠᠭᠤᠳ ᠮᠡᠳᠡᠨᠡ᠃ ᠨᠠᠷᠠᠨ ᠵᠦᠭ ᠲᠤ ᠤᠷᠭᠤᠭᠰᠠᠨ ᠬᠠᠯᠢᠯ ᠬᠠᠳᠠ ᠮᠡᠳᠡᠨᠡ᠃ ᠠᠷᠤ ᠭᠤᠣᠯ ᠠᠴᠠ | ᠤᠰᠤ ᠲᠡᠭᠡᠭᠡᠭᠰᠡᠨ ᠦᠬᠡᠷ ᠬᠠᠰᠠᠭ ᠮᠡᠳᠡᠨᠡ᠃ | ᠨᠠᠷᠠ ᠭᠡᠷᠡᠯᠲᠦᠲᠡᠭ ᠪᠣᠯᠬᠤᠷ ᠳᠡᠯᠡᠬᠡᠢ ᠨᠢᠳᠦ ᠲᠠᠢ ᠪᠠᠶᠢᠳᠠᠭ᠃ ᠲᠠᠷᠢᠶᠠ ᠲᠥᠮᠥᠰᠥ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠨᠠᠷᠠᠨ ᠠᠴᠠ ᠢᠷᠡᠨᠡ᠃ ᠠᠵᠠ ᠵᠢᠷᠭᠠᠯ᠂ ᠠᠮᠤᠷ | ᠠᠮᠤᠭᠤᠯᠠᠩ ᠁ ᠴᠦ ᠨᠠᠷᠠᠨ ᠠᠴᠠ ᠢᠷᠡᠨᠡ᠃ | ᠨᠠᠷᠠ - ᠶᠢᠷᠲᠢᠨᠴᠦ ᠶᠢᠨ ᠰᠦᠭ ᠰᠦᠨᠡᠰᠦ᠂ ᠭᠤᠸᠠ ᠰᠠᠶᠢᠬᠠᠨ ᠢ ᠬᠠᠷᠠᠭᠤᠯᠤᠭᠰᠠᠨ ᠭᠡᠭᠡᠨ ᠮᠡᠯᠮᠡᠢ ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠬᠠᠷᠠᠩᠭᠤᠢ ᠰᠥᠨᠢ ᠶᠢ ᠭᠡᠶᠢᠭᠦᠯᠵᠦ᠂ | ᠬᠠᠪᠢᠷᠭᠠᠯᠠᠵᠤ ᠲᠡᠷᠭᠡᠯᠰᠢᠬᠦ ᠰᠠᠷᠠᠨ ᠤ ᠮᠥᠩᠭᠦᠨ ᠲᠤᠶᠠᠭᠠ ᠴᠦ ᠨᠠᠷᠠᠨ ᠤ ᠬᠢ᠃ ᠰᠡᠳᠬᠢᠯ ᠤᠨ ᠬᠤᠩᠭᠤᠷ ᠲᠠᠭᠠᠨ ᠪᠡᠯᠡᠭᠯᠡᠭᠰᠡᠨ ᠠᠷᠢᠭᠤᠨ ᠴᠠᠭᠠᠨ ᠬᠠᠶᠢᠷᠠ ᠭᠡᠵᠦ | ᠲᠥᠰᠥᠭᠡᠯᠡᠬᠦ ᠳᠤ ᠣᠭᠲᠠᠷᠭᠤᠢ ᠳᠤ ᠲᠦᠭᠡᠭᠰᠡᠨ ᠤᠳᠤᠨ ᠮᠡᠴᠢᠳ ᠰᠠᠨᠠᠭᠠ ᠪᠤᠳᠤᠯ ᠢ ᠣᠶᠢᠯᠠᠭᠠᠭᠰᠠᠨ ᠰᠢᠭ᠋ ᠲᠣᠭᠤᠨᠣᠨ ᠳᠡᠭᠡᠷᠡ ᠢᠷᠡᠵᠦ ᠰᠠᠭᠤᠭᠠᠳ | ᠲᠣᠷᠮᠣᠯᠵᠠᠬᠤ ᠶᠢᠨ ᠰᠠᠶᠢᠬᠠᠨ ᠠ᠋︕ | ᠲᠤᠯᠤᠭᠠᠨ ᠨᠠᠰᠤᠲᠠᠢ ᠲᠡᠷᠡ ᠵᠢᠯ᠂ ᠪᠢ ᠡᠵᠢ ᠪᠠᠨ ᠲᠠᠭᠠᠵᠦ ᠠᠷᠤ ᠭᠤᠣᠯ ᠤᠨ ᠬᠥᠪᠡᠭᠡᠨ ᠳᠤ ᠬᠤᠨᠢ ᠬᠠᠷᠢᠭᠤᠯᠵᠤ ᠪᠠᠶᠢᠯᠠ᠃ ᠬᠥᠪᠥᠩ ᠴᠠᠭᠠᠨ ᠬᠤᠨᠢᠳ | ᠥᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠲᠤ ᠬᠥᠯ ᠲᠣᠭᠲᠠᠨ ᠢᠳᠡᠰᠢᠯᠡᠭᠡᠳ ᠶᠠᠭ ᠯᠡ ᠣᠭᠲᠠᠷᠭᠤᠢ ᠶᠢᠨ ᠡᠭᠦᠯᠡ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠳᠤ ᠪᠠᠭᠤᠭᠰᠠᠨ ᠰᠢᠭ᠋ ᠰᠠᠨᠠᠭᠳᠠᠨᠠ᠃ | ᠬᠥᠬᠡ ᠲᠡᠭᠷᠢ ᠨᠠᠷᠠ ᠲᠠᠢ ᠪᠠᠨ ᠬᠠᠮᠲᠤ ᠭᠤᠣᠯ ᠤᠨ ᠤᠰᠤᠨ ᠳᠤ ᠠᠭᠤᠵᠢᠷᠠᠲᠠᠯᠠ ᠤᠮᠪᠠᠭ᠋ᠤ ᠰᠢᠭ᠋ ᠬᠠᠷᠠᠭᠳᠠᠬᠤ ᠪᠠᠷ ᠪᠢ ᠴᠦ ᠲᠡᠪᠡᠯ ᠥᠮᠥᠳᠦ ᠪᠠᠨ ᠲᠠᠶᠢᠯᠤᠭᠠᠳ | ᠴᠡᠭᠡᠯ ᠤᠷᠤᠭᠤ ᠨᠢ ᠮᠡᠯᠡᠬᠡᠢ ᠰᠢᠭ ᠰᠤᠮᠤᠳᠠᠲᠠᠯᠠ ᠡᠵᠢ ᠰᠠᠨᠳᠤᠷᠴᠤ᠄ ︽ᠮᠠᠭᠤ ᠰᠢᠷᠠ ᠮᠢᠨᠢ᠂ ᠭᠦᠨ ᠤᠰᠤᠨ ᠳᠤ ᠤᠮᠪᠠᠭ᠋ᠤ ᠠᠶᠤᠯ ᠲᠠᠢ ᠁︾ ᠭᠡᠵᠦ | ᠠᠷᠤ ᠠᠴᠠ ᠬᠠᠰᠬᠢᠷᠤᠨᠠ᠃ | ︽ᠡᠵᠢ ᠠ᠋᠂ ᠲᠡᠭᠷᠢ ᠨᠠᠷᠠ ᠬᠤᠶᠠᠷ ᠲᠠᠢ ᠭᠤᠣᠯ ᠤᠨ ᠤᠰᠤᠨ ᠳᠤ ᠤᠮᠪᠠᠵᠤ ᠤᠷᠤᠯᠳᠤᠶᠠ᠃ ᠰᠠᠨᠠᠭᠠ ᠠᠮᠤᠷ ᠪᠠᠢ ᠁︾ ᠭᠡᠵᠦ ᠪᠢ ᠡᠷᠭᠢᠵᠦ | ᠬᠠᠨᠳᠤᠭᠠᠳ ᠶᠠᠷᠢᠭᠰᠠᠨ ᠴᠢᠨᠢ ᠡᠵᠢ ᠮᠢᠨᠢ ᠡᠪᠦᠳᠦᠭ ᠢᠶᠠᠨ ᠠᠯᠠᠭᠠᠳᠠᠨ ᠢᠨᠢᠶᠡᠵᠦ ︽ᠤᠰᠤᠨ ᠲᠡᠨᠡᠭ ᠢ ᠬᠠᠷᠠᠯ ᠳ᠋ᠠ︕ ᠲᠡᠭᠷᠢ ᠨᠠᠷᠠ ᠭᠡᠳᠡᠭ ᠴᠢᠨᠢ ᠬᠡᠨ ᠳᠤ ᠴᠦ | ᠪᠠᠷᠢᠭᠳᠠᠰᠢ ᠦᠭᠡᠢ ᠤᠩᠭᠤᠨ ᠲᠠᠷᠬᠠᠨ ᠶᠤᠮ ᠰᠢᠦ︕ ᠣᠶᠢᠯᠲᠠ ᠡᠭᠦᠰᠦᠭᠡᠳ ᠲᠡᠭᠡᠵᠦ ᠬᠠᠷᠠᠭᠳᠠᠵᠤ ᠪᠠᠶᠢᠭᠠ ᠶᠤᠮ︾ ᠭᠡᠵᠦ ᠭᠤᠣᠯ ᠤᠨ ᠬᠥᠪᠡᠭᠡᠨ ᠠᠴᠠ | ᠥᠨᠳᠥᠷ ᠲᠠᠭᠤᠨ ᠢᠶᠠᠷ ᠶᠠᠷᠢᠵᠤ ᠪᠠᠶᠢᠯᠠ᠃ ᠪᠢ ᠲᠡᠷᠡ ᠦᠶᠡ ᠳᠤ ᠣᠶᠢᠯᠲᠠ ᠭᠡᠳᠡᠭ ᠦᠭᠡᠨ ᠤ ᠤᠳᠬᠠ ᠶᠢ ᠦᠨᠡᠨ ᠮᠡᠳᠡᠬᠦ ᠦᠭᠡᠢ᠃ ᠨᠠᠷᠠ ᠲᠠᠢ ᠲᠡᠭᠷᠢ | ᠬᠠᠷᠠᠭᠳᠠᠭᠰᠠᠨ ᠤᠰᠤᠨ ᠳᠤ ᠤᠮᠪᠠᠵᠤ ᠬᠦᠷᠬᠦ ᠪᠠᠷ ᠰᠡᠭᠦᠳᠡᠷ ᠨᠢ ᠴᠦ ᠠᠯᠠᠭᠠ ᠪᠤᠯᠳᠠᠭ ᠪᠠᠶᠢᠯᠠ᠃ ᠪᠢ ᠵᠢᠭᠠᠰᠤ ᠰᠢᠭ᠋ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠨ ᠲᠠᠷ ᠲᠠᠮᠢᠷ | ᠪᠠᠭᠤᠷᠠᠲᠠᠯᠠ ᠡᠷᠢᠭᠡᠳ ᠣᠯᠣᠭᠰᠠᠨ ᠦᠭᠡᠢ᠂ ᠠᠷᠭᠠ ᠪᠤᠰᠤ ᠣᠰᠣᠨ ᠠᠴᠠ ᠭᠠᠷᠴᠤ ᠭᠤᠣᠯ ᠤᠨ ᠬᠥᠪᠡᠭᠡᠨ ᠤ ᠦᠬᠡᠷ ᠴᠢᠯᠠᠭᠤᠨ ᠳᠡᠭᠡᠷᠡ ᠰᠠᠭᠤᠵᠤ ᠠᠮᠠᠷᠠᠪᠠ᠃ | ᠡᠵᠢ ᠮᠢᠨᠢ ᠬᠠᠵᠠᠭᠤ ᠳᠤ ᠢᠷᠡᠵᠦ ᠲᠣᠯᠣᠭᠠᠢ ᠶᠢ ᠢᠯᠪᠢᠭᠡᠳ᠄ ︽ᠬᠦᠦ ᠮᠢᠨᠢ᠂ ᠨᠠᠷᠠ ᠭᠡᠳᠡᠭ ᠴᠢᠨᠢ ᠰᠡᠳᠬᠢᠯ ᠢ ᠭᠡᠷᠡᠯᠳᠦᠭᠦᠯᠵᠦ ᠰᠠᠨᠠᠭᠠ ᠶᠢ ᠭᠡᠶᠢᠭᠦᠯᠳᠡᠭ ᠮᠥᠬᠦᠰᠢ | ᠦᠭᠡᠢ ᠮᠥᠩᠬᠡ ᠶᠢᠨ ᠭᠡᠷᠡᠯ ᠰᠢᠦ᠃ ᠪᠠᠷᠠᠭᠠᠨ ᠰᠡᠭᠦᠳᠡᠷ ᠣᠶᠢᠷᠠᠳᠬᠤ ᠪᠠᠷ ᠰᠢᠳᠡᠵᠦ ᠳᠠᠭᠤᠰᠤᠭᠠᠳ ᠪᠠᠷᠴᠢᠳ ᠲᠦᠢᠳᠬᠡᠷ ᠢ ᠲᠣᠨᠢᠯᠭᠠᠳᠠᠭ ᠶᠤᠮ᠃ ᠲᠦᠮᠡᠨ | ᠨᠢᠳᠦ ᠲᠠᠢ ᠲᠡᠭᠷᠢ ᠪᠣᠯ ᠲᠥᠪ ᠦᠨᠡᠨ ᠢ ᠲᠣᠳᠣᠯᠠᠵᠤ ᠴᠢᠳᠠᠳᠠᠭ ᠪᠥᠭᠡᠳ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠢ ᠬᠥᠨᠥᠭᠡᠬᠦ ᠬᠤᠣᠷᠠᠲᠤ ᠡᠲᠡᠭᠡᠳ ᠢ ᠪᠤᠳᠠ ᠨᠢᠷᠭᠡᠳᠡᠭ ᠰᠦᠷ | ᠶᠡᠬᠡᠮᠰᠦᠭ᠂ ᠠᠭᠤᠤ ᠶᠡᠭᠡ ᠭᠠᠶᠢᠬᠠᠮᠰᠢᠭᠲᠤ ᠬᠦᠴᠦ ᠲᠠᠢ ᠁︾ ᠭᠡᠵᠦ ᠨᠠᠷᠠ ᠲᠠᠢ ᠲᠡᠭᠷᠢ ᠶᠢᠨ ᠲᠤᠬᠠᠢ ᠡᠵᠢ ᠮᠢᠨᠢ ᠰᠡᠴᠡᠷᠬᠡᠵᠦ ᠭᠠᠷᠤᠯᠠ᠃ ᠭᠡᠲᠡᠯᠡ | ᠣᠶᠢᠯᠲᠠ ᠶᠢᠨ ᠲᠤᠬᠠᠢ ᠤᠨᠤᠪᠴᠢᠳᠠᠢ ᠶᠠᠷᠢᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠁ | ︽ᠡᠷᠲᠡ ᠤᠷᠢᠳᠤ ᠶᠢᠨ ᠴᠠᠭ ᠲᠤ ᠭᠡᠨᠡ᠃ ᠳᠡᠯᠡᠬᠡᠢ ᠳᠤ ᠨᠠᠷᠠ ᠪᠠᠶᠢᠭᠰᠠᠨ ᠦᠭᠡᠢ ᠲᠤᠯᠠ ᠭᠠᠵᠠᠷ ᠳᠡᠭᠡᠷᠡ ᠭᠠᠭᠴᠠ ᠰᠢᠷᠬᠡᠭ ᠨᠠᠪᠴᠢ ᠦᠭᠡᠢ᠃ ᠲᠤᠰᠤᠯ | ᠬᠤᠷᠠ ᠴᠦ ᠦᠭᠡᠢ᠃ ᠬᠥᠮᠥᠨ ᠠᠮᠢᠳᠠᠨ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠬᠤ ᠪᠠᠨ ᠣᠯᠬᠤ ᠦᠭᠡᠢ ᠭᠦᠨ ᠪᠢᠲᠡᠭᠦᠦ ᠨᠦᠭᠡᠨ ᠳᠤ ᠣᠷᠣᠭᠰᠠᠨ ᠰᠢᠭ᠋ ᠭᠠᠰᠠᠯᠠᠩ ᠤᠨ | ᠨᠢᠯᠪᠤᠰᠤᠨ ᠳᠠᠭᠠᠨ ᠵᠢᠪᠴᠦ᠂ ᠮᠥᠬᠦᠯᠢᠭ ᠤᠨ ᠨᠠᠷᠢᠬᠠᠨ ᠤᠲᠠᠰᠤᠨ ᠳᠤ ᠳᠡᠭᠦᠵᠢᠯᠡᠭᠳᠡᠵᠦ ᠪᠠᠶᠢᠬᠤ ᠳᠤ ᠬᠤᠷᠮᠤᠰᠳᠠ ᠲᠡᠭᠷᠢ ᠥᠷᠥ ᠡᠪᠡᠳᠦᠨ ᠡᠨᠡᠷᠢᠵᠦ ᠨᠠᠷᠠ ᠶᠢ | ᠵᠢᠷᠤᠵᠤ ᠪᠦᠲᠦᠭᠡᠭᠡᠳ ︿ᠨᠠᠷᠠᠯᠠᠭ ᠬᠤᠷᠸᠠ﹀ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠁︾ ᠬᠡᠮᠡᠨ ᠨᠠᠭᠠᠴᠤ ᠡᠪᠦᠭᠡ ᠮᠢᠨᠢ ᠠᠷᠤ ᠭᠤᠣᠯ ᠢ ᠭᠡᠳᠦᠯᠵᠦ ᠮᠠᠨ ᠤ ᠬᠢ ᠳᠤ ᠠᠶᠢᠯᠴᠢᠯᠠᠵᠤ | ᠢᠷᠡᠬᠦ ᠪᠦᠷᠢ ᠶᠠᠷᠢᠳᠠᠭ ᠪᠠᠶᠢᠵᠠᠢ᠃ | ᠡᠪᠦᠭᠡ ᠮᠢᠨᠢ ᠠᠮᠢᠳᠤ ᠰᠡᠷᠡᠭᠦᠨ ᠪᠠᠶᠢᠬᠤ ᠳᠠᠭᠠᠨ ᠦᠷᠭᠦᠯᠵᠢ ᠨᠠᠷᠠ ᠥᠭᠡᠳᠡ ᠬᠠᠨᠳᠤᠨ ᠨᠢᠳᠦ ᠪᠠᠨ ᠰᠡᠶᠢᠮᠡᠶᠢᠯᠭᠡᠨ ᠠᠯᠢᠪᠠ ᠰᠠᠨᠠᠵᠤ ᠪᠤᠳᠤᠬᠰᠠᠨ ᠢᠶᠠᠨ | ᠳᠠᠭᠠᠳᠬᠠᠨ ᠵᠠᠯᠪᠠᠷᠢᠳᠠᠭ ᠪᠠᠶᠢᠪᠠ᠃ ᠲᠡᠭᠡᠭᠦ ᠳᠤ ᠪᠢ ᠡᠪᠦᠭᠡ ᠪᠠᠨ ᠬᠠᠷᠠᠵᠤ ᠠᠮᠠᠨ ᠳᠠᠭᠠᠨ ︽ᠣᠪᠣᠷ ᠲᠤᠪᠤᠷ︾ ᠶᠠᠷᠢᠳᠠᠭ ᠢ ᠨᠢ ᠰᠣᠨᠢᠭᠤᠴᠢᠯᠠᠨ ᠭᠠᠶᠢᠬᠠᠵᠤ ︽ | ᠶᠠᠭᠤ ᠤᠩᠰᠢᠵᠤ ᠪᠠᠶᠢᠭᠠ ᠪᠤᠢ︖︾ ᠬᠡᠮᠡᠨ ᠠᠰᠠᠭᠤᠭᠠᠳ ︽ᠠᠯᠠᠭᠠᠨ ᠪᠣᠣᠪᠤ︾ ᠶᠢᠨ ᠠᠮᠲᠠ ᠶᠢ ᠨᠢ ᠠᠮᠰᠠᠵᠤ ᠥᠩᠭᠡᠷᠡᠭᠰᠡᠨ ᠤᠳᠠᠭᠠ ᠲᠠᠢ᠃ | ︽ᠡᠨᠡ ᠬᠦᠦ ᠲᠥᠷᠥᠯᠬᠢ ᠰᠣᠨᠢᠭᠤᠴᠢ ᠵᠠᠩ ᠲᠠᠢ᠂ ᠦᠭᠡᠨ ᠳᠤ ᠳᠤᠷᠠ ᠲᠠᠢ ᠭᠡᠲᠡᠭ ᠨᠢ ᠁︾ ᠭᠡᠵᠦ ᠠᠪᠤ ᠪᠠᠷ ᠢᠶᠠᠨ ᠤᠯᠠᠨ ᠤᠳᠠᠭᠠ ᠵᠢᠮᠡᠯᠡᠭᠦᠯᠵᠦ | ᠪᠠᠶᠢᠪᠠ᠃ ᠬᠡᠦᠬᠡᠳ ᠨᠠᠰᠤ ᠭᠡᠵᠦ ᠶᠠᠭᠤ ᠪᠦᠭᠦᠨ ᠢ ᠲᠣᠳᠣᠷᠬᠠᠢ ᠮᠡᠳᠡᠬᠦ ᠦᠭᠡᠢ ᠶᠤᠮ ᠴᠢᠨᠢ ᠁ ᠶᠠᠮᠠᠷ ᠠᠷᠭᠠ ᠪᠠᠶᠢᠬᠤ ᠪᠤᠢ︖ | ᠨᠠᠷᠠ ᠮᠠᠨᠳᠤᠬᠤ ᠪᠠᠷ ᠳᠡᠯᠡᠬᠡᠢ ᠰᠡᠷᠭᠦᠳᠡᠭ᠃ ᠬᠥᠳᠡᠭᠡ ᠲᠠᠯᠠ ᠳᠤ ᠮᠥᠩᠬᠡ ᠶᠢᠨ ᠨᠠᠷᠠᠨ ᠮᠠᠨᠳᠤᠵᠤ ᠬᠥᠮᠥᠨ ᠠᠷᠠᠳ ᠲᠤ ᠵᠢᠷᠭᠠᠯ ᠣᠯᠭᠤᠯᠠ᠃ ᠢᠩᠭᠢᠬᠦ ᠳᠤ | ᠲᠦᠷᠦ ᠭᠦᠷᠦᠨ᠂ ᠲᠦᠮᠡᠨ ᠠᠷᠠᠳ ᠢᠶᠠᠨ ᠢᠪᠡᠭᠡᠨ ᠲᠡᠳᠬᠦᠵᠦ᠂ ᠭᠡᠭᠡᠨ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠲᠡᠶᠢᠰᠢ ᠵᠢᠯᠣᠭᠤ ᠰᠤᠩᠭᠠᠨ ᠤᠷᠤᠭᠰᠢᠯᠠᠭᠰᠠᠨ ᠡᠪ ᠬᠠᠮᠲᠤ | ᠨᠠᠮ ᠢᠶᠠᠨ ᠡᠭᠡᠯᠢᠲᠦ ᠨᠠᠷᠠ ᠲᠠᠢ ᠡᠭᠡᠭᠡ ᠠᠳᠠᠯᠢ ᠬᠡᠮᠡᠨ ᠰᠢᠳᠦᠨ ᠳᠡᠭᠡᠳᠦᠯᠡᠳᠡᠭ᠃ ᠨᠠᠮ ᠮᠢᠨᠢ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠡᠬᠡ ᠣᠷᠣᠨ ᠮᠢᠨᠢ ᠪᠠᠯᠠᠷ ᠬᠠᠷᠠᠩᠭᠤᠢ ᠴᠠᠭ ᠢ | ᠡᠴᠦᠰᠯᠡᠭᠦᠯᠵᠦ᠂ ᠨᠡᠶᠢᠭᠡᠮ ᠵᠢᠷᠤᠮᠲᠤ ᠦᠨᠡᠨ ᠤ ᠵᠠᠮ ᠢ ᠰᠣᠩᠭᠤᠵᠤ᠂ ᠡᠳᠦᠷ ᠠᠴᠠ ᠡᠳᠦᠷ ᠥᠭᠡᠳᠡᠯᠡᠨ ᠬᠥᠭᠵᠢᠵᠦ᠂ ᠡᠶᠡ ᠨᠠᠶᠢᠷᠰᠠᠭ᠂ ᠲᠠᠶᠢᠪᠤᠩ | ᠲᠠᠩᠰᠤᠭ ᠢᠶᠠᠷ ᠢᠶᠠᠨ ᠳᠡᠯᠡᠬᠡᠢ ᠶᠢᠨ ᠪᠠᠭ᠋ᠠᠷᠬᠠᠯ ᠢ ᠲᠠᠲᠠᠨᠠ᠃ | ᠵᠡᠭᠦᠨ ᠬᠥᠷᠰᠢ ᠶᠢᠨ ᠶᠡᠷᠡᠨ ᠲᠠᠪᠤᠨ ᠨᠠᠰᠣᠨ ᠤ ᠥᠨᠳᠥᠷ ᠨᠠᠰᠣᠨ ᠬᠤᠲᠤᠭ ᠵᠣᠭᠤᠭᠯᠠᠭᠰᠠᠨ ᠷᠢᠨᠴᠢᠨ ᠡᠪᠦᠭᠡ ᠬᠡᠨ ᠨᠢᠭᠡᠨ ᠲᠠᠢ ᠠᠭᠤᠯᠵᠠᠬᠤ ᠪᠣᠯᠭᠠᠨ ︽ | ᠤᠳᠤ ᠶᠢᠨ ᠴᠠᠭ ᠶᠠᠭᠠᠬᠢᠭᠰᠠᠨ ᠰᠠᠶᠢᠬᠠᠨ ᠪᠤᠢ︖ ᠢᠳᠡᠵᠦ ᠡᠮᠦᠰᠬᠦ᠂ ᠡᠳ᠋ᠯᠡᠵᠦ ᠪᠠᠷᠢᠬᠤ ᠠᠴᠠ ᠡᠬᠢᠯᠡᠭᠡᠳ ᠁ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠳᠤ ᠪᠣᠯᠤᠭᠰᠠᠨ ᠪᠣᠯ ᠤᠤ | ︖ ᠬᠥᠮᠥᠨ᠂ ᠮᠠᠯ ᠢ ᠴᠦ ᠬᠦᠷᠬᠦ ᠦᠭᠡᠢ ᠪᠠᠶᠢᠭᠰᠠᠨ︾ ᠭᠡᠵᠦ ᠥᠩᠭᠡᠷᠡᠭᠰᠡᠨ ᠢᠶᠠᠨ ᠳᠤᠷᠠᠳᠬᠠᠨ ᠶᠠᠷᠢᠬᠤ ᠶᠢᠨ ᠳᠠᠭᠠᠤ ︽ᠡᠪ ᠬᠠᠮᠲᠤ ᠨᠠᠮ ᠤᠨ ᠰᠠᠶᠢᠨ ᠢᠶᠠᠷ ᠡᠭᠡᠯ | ᠠᠷᠠᠳ ᠡᠷᠬᠡ ᠴᠢᠯᠦᠭᠡ ᠪᠠᠨ ᠣᠯᠵᠤ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠦ ᠶᠠᠪᠤᠨᠠ᠃ ᠶᠠᠭᠠᠬᠢᠭᠰᠠᠨ ᠵᠢᠷᠭᠠᠯᠲᠠᠢ ᠪᠤᠢ︖ ᠬᠡᠦᠬᠡᠳ ᠮᠢᠨᠢ ᠨᠠᠮ ᠲᠦᠷᠦ | ᠤᠯᠤᠰ ᠣᠷᠣᠨ ᠤ ᠪᠠᠨ ᠲᠥᠯᠥᠭᠡ ᠴᠢᠷᠮᠠᠶᠢᠬᠤ ᠨᠢ ᠲᠠᠭᠠᠷᠠᠨᠠ᠃ ᠪᠢ ᠴᠢᠨᠢ ᠣᠲᠣ ᠴᠣᠬᠤᠮ ᠦᠵᠡᠭᠡᠳᠦᠢ ᠶᠢ ᠦᠵᠡᠵᠦ ᠡᠳ᠋ᠯᠡᠭᠡ ᠦᠭᠡᠢ ᠶᠢ ᠡᠳ᠋ᠯᠡᠵᠦ ᠪᠤᠢ᠃ | ᠬᠠᠪᠤᠷ ᠤᠨ ᠡᠬᠢ ᠪᠠᠷ ᠪᠡᠭᠡᠵᠢᠩ᠂ ᠱᠠᠩᠬᠠᠢ᠂ ᠤᠳᠠᠢ ᠁ ᠠᠯᠢ ᠤᠯᠠᠨ ᠭᠠᠵᠠᠷ ᠲᠣᠭᠤᠷᠢᠵᠤ ᠢᠷᠡᠪᠡ᠃ ᠨᠢᠰᠬᠡᠯ ᠬᠡᠮᠡᠭᠴᠢ ᠰᠢᠪᠠᠭᠤ ᠰᠢᠭ᠋ ᠨᠢᠰᠳᠡᠭ ᠴᠦ | ᠴᠣᠮᠣ ᠲᠠᠢ ᠤᠰᠤ ᠴᠦ ᠴᠠᠯᠭᠢᠬᠤ ᠦᠭᠡᠢ ᠨᠢ ᠰᠣᠨᠢᠨ︕ ᠲᠡᠷᠡ ᠬᠤᠯᠠ ᠶᠢᠨ ᠵᠠᠮ ᠴᠢᠨᠢ ᠪᠢᠳᠡᠨ ᠤ ᠪᠠᠷᠠᠭᠤᠨ ᠵᠡᠭᠦᠨ ᠭᠡᠷ ᠲᠡᠭᠡᠨ ᠲᠣᠭᠤᠷᠢᠬᠤ ᠲᠠᠢ ᠥᠭᠡᠷᠡ ᠴᠦ | ᠦᠭᠡᠢ᠃ ᠨᠠᠷᠠᠨ ᠳᠤ ᠠᠳᠠᠯᠢ ᠨᠠᠮ ᠲᠠᠢ ᠪᠣᠯᠬᠤᠷ ᠠᠮᠢᠳᠤᠷᠠᠯ ᠮᠢᠨᠢ ᠰᠠᠶᠢᠬᠠᠨ᠃ ᠨᠠᠮ ᠰᠢᠭ᠋ ᠨᠠᠷᠠ ᠲᠠᠢ ᠲᠦᠷᠦ ᠮᠢᠨᠢ ᠰᠠᠶᠢᠬᠠᠨ︕︾ ᠭᠡᠵᠦ ᠣᠮᠣᠭᠰᠢᠨ ᠶᠠᠷᠢᠳᠠᠭ | ᠃ | ᠬᠥᠮᠥᠨ ᠵᠤᠨ ᠤ ᠰᠡᠳᠬᠢᠯ ᠢ ᠭᠡᠶᠢᠭᠦᠯᠦᠭᠰᠡᠨ ᠮᠥᠩᠬᠡ ᠶᠢᠨ ᠨᠠᠷᠠ - ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ ᠨᠠᠮ ᠮᠢᠨᠤ᠃ ᠲᠠᠨ ᠳᠠᠭᠠᠨ ᠪᠢ ᠬᠠᠶᠢᠷᠠᠲᠠᠢ︕ |